زخيتك لتصوير المركبات المخالفه

[الاستثمار]

السلام عليكم ورحمة الله وبركاته
شحالكم جميع
بعد غيبة عن المنتدى اود اخذ رايكم بتطبيق حاليا موجود على أجهزة الايفون لتصوير المركبات المخالفه في اي مكان وزمان وهل سوف يساعد على تقليل من ارتكاب مخالفات واحترام القانون والنظام اذا تم ربطه مع إدارة المرور
Zakhetak

[R 7 A L]

حياك الله

يعني قصدك لو احد شاف مخالفة يصورها
عن طريق هالبرنامج

[النهار]

لويعطوني نصف قيمة المخالفه كان خيمت في الشارع :nice:

[حسن]

خل ينشرون الثقافه من بدايه التعليم هي الاساس الحقيقي

[الاستثمار]

حياك الله

يعني قصدك لو احد شاف مخالفة يصورها
عن طريق هالبرنامج
اي نعم

[fhd4]

ممكن رابط البرنامج الله لا يهينك …

[سعود العمادي]

تم تحميل البرنامج

وبرنامج جميل للحد من المخالفين

تحياتي

[وطن]

بتصير مشاكل بسببه

هالبرنامج منو اللي مسويه ؟؟
لانك تقول مب مربوط بالمرور


الحل الأفضل نشر كاميرات المراقبة
و تفعيل المخالفات للمتجاوزين



على فكرة
سمعت ان التجاوز عن اليمين فيها سحب سيارة

[الاستثمار]

بتصير مشاكل بسببه

هالبرنامج منو اللي مسويه ؟؟
لانك تقول مب مربوط بالمرور


الحل الأفضل نشر كاميرات المراقبة
و تفعيل المخالفات للمتجاوزين



على فكرة
سمعت ان التجاوز عن اليمين فيها سحب سيارة

صحيح لم يتم ربطه ولكن اشوفه انه سوف يحدث ثوره في عالم المراقبة ومن ناحية اخرى شراكة المجتمع مع الجهات الامنية لتطبيق القانون والنظام

[v_h3]

في برنامج حق الظباط خاص للمخالفات وهاذي الي تتسجل اما زخيتك اول مرة اسمع فيه

[برشلوني قطر]

لحد يزخك

مشكور اخوي ونتمنى يتطبق

[الاستثمار]

اشوفه راح يساعد المرور لضبط المخالفين والمتهورين بالسواقه

[R 7 A L]

ياخوي
ماراح ينفع هالبرنامج وبتصير مشاكل
وتصيد اخطاء
والمرور بيزيد خمولهم خصوصاً اذا حصلوا احد يشتغل بدالهم
بدون راتب

[الاستثمار]

هذا رابط البرنامج https://itunes.apple.com/us/app/zakhetak/id671200850?l=ar&ls=1&mt=8

[عيسى111]

اللي بيشوف ولده الصغير يسوق تهقون بيصور ولده وبيطرش صورته للمرور وهو اللي ما عطيه السيارة أو اللي بيشوف واحد من هله أو انسباه أم مندوب صديقه اللي يخلص له ولصديقه المعاملات والا الموضوع بيكون انتقائي هذا الموضوع لازم يكون فيه ناس قاسمين اليمين على أي خطأ يشوفونه يصورونه ويرسلونه

وأقترح أن أي مصور يرسل لإدارة المرور صور المخالفين إذا خالف تكون الغرامة عليه عشرة أضعاف مع سحب سيارته وبيعها في مزاد علني وحبسه سنة مع التنفيذ لأنه سيكون بمثابة رجل أمن ونظام فيجب عليه الإلتزام قبل الآخرين ولكي لا يكون حاميها حراميها

[H B A]

اخوي البرنامج ياخد المعلومات كلها
وينشرها في تويتر !!


ياليت لو مانشوف احد يشارك :)

[قطــ86ــر]

اتوقع بيسبب مشاكل بين الناس
خصوصا فئة الشباب...

اشوف ان المخالفات تتم للمرور احسن

[الاستثمار]

اتوقع بيسبب مشاكل بين الناس
خصوصا فئة الشباب...

اشوف ان المخالفات تتم للمرور احسن

وهذا الافضل يتم ربطه مع المرور وبعد التطبيق يغطي دول الخليج والاردن ومصر

[الاستثمار]

اللي بيشوف ولده الصغير يسوق تهقون بيصور ولده وبيطرش صورته للمرور وهو اللي ما عطيه السيارة أو اللي بيشوف واحد من هله أو انسباه أم مندوب صديقه اللي يخلص له ولصديقه المعاملات والا الموضوع بيكون انتقائي هذا الموضوع لازم يكون فيه ناس قاسمين اليمين على أي خطأ يشوفونه يصورونه ويرسلونه

وأقترح أن أي مصور يرسل لإدارة المرور صور المخالفين إذا خالف تكون الغرامة عليه عشرة أضعاف مع سحب سيارته وبيعها في مزاد علني وحبسه سنة مع التنفيذ لأنه سيكون بمثابة رجل أمن ونظام فيجب عليه الإلتزام قبل الآخرين ولكي لا يكون حاميها حراميها

الافضل ربطة مباشرة مع الداخلية

[عبدالعزيز 101]

البرنامج غير رسمي !!

[طلعة الروح]

في حالة مخالفة التجاوز من اليمين يجب على المرور التركيز على التفريق بين القادمين من المخارج الفرعية وبين المتحايلين والقادمين من الطرق الخدمية أو طريق المواقف..ووضع الكاميرات على مساحه كافيه من بداية الطريق الخدمي الى مخرج الطريق الفرعي،،

أما مسألة التصوير من قبل السواقين فما أشوفها عملية ومنصفه مع احترامي،،،

تقبلوا مروري,,

[النهار]

في رد لبوسعد مدير المرور انه غير مسموح بالتصوير
او ضع كاميرات التصوير في السياره لرصد المخالفين وانه شخصيا يرفض ان يصوره احد

[khalid525]

لا انا مب مع الفكرة ، اذا احنا اصلا ضد الرادارات المخفية او المخالفات اللي تتسجل على السائق بدون علمه

[الزعفراني]

أخبر شفت دعاية على قناة الكاس لخدمة مطراش وكان مضمون الدعاية عن إمكانية الشخص لتصوير مخالفة مرورية وارسالها عبر الجوال الى خدمة مطراش

[fhd4]

قبل فترة ارسلت نفس الاقتراح لوزارة الداخلية …

ردوا علي انه ممكن استخدام برنامج مطراش ٢ لرصد المخالفات وارسالها لهم …

[Nojoom]

سؤال شوي بعيد عن الموضوع .

ما اصل كلمة زخيتك ؟ هل هي من اللهجه القطريه البحته ؟

[وطن]

سؤال شوي بعيد عن الموضوع .

ما اصل كلمة زخيتك ؟ هل هي من اللهجه القطريه البحته ؟

أظن بحرينية

عموما احنا اهل الخليج عندنا شوي تداخل في اللهجات
:nice:

[عيسى111]

سؤال شوي بعيد عن الموضوع .

ما اصل كلمة زخيتك ؟ هل هي من اللهجه القطريه البحته ؟

زخيتك معناها رشيتك بقطرات ماء ناعمة من بين أصابع يدي

وأصلها زخات قطرات المطر الناعمة أول ما ينزل المطر الخفيف

ومع الزمن تغير معناها إلى أمسكت بك بالعامية ( مسكتك )

[نور الحور]

ههههههههه عجيب اسم التطبيق !
شكل الفكرة حلوة .. بيكون الكل مسؤول عن ملاحظة التجاوزات ومواجهتها .. ويمكن يصير التزام وانضباط أكبر !

بالنسبة لي مالي في أمور الشوارع والمخالفات ..مريحة راسي ولله الحمد :victory:

[شيخ الديرة]

قبل فترة ارسلت نفس الاقتراح لوزارة الداخلية …

ردوا علي انه ممكن استخدام برنامج مطراش 2 لرصد المخالفات وارسالها لهم …

ضروري يستخدمون تطبيقهم لأن يكون عندهم معلومات عمن يرسل هذه الصور, يتبعها سؤال وجواب بالتأكيد.

[شبح الصمت]

انزين خلنا نفترض ونتخيل السلبيات حلو ..


وحده جايه تبي تتجاوز وقمت ورفعت تلفوني حلوو وصورتها وشافتني وخذت رقم سيارتي وبلغت علي ..

بتقول يلاحقني ويتحرش فيني وبعد فوق هذا مصورني ..

تعال رقع معاهم عقب تبي تطلع بطل بيخلوووووون تغررررد في المركز وتعطيهم الوجه البريئ !!


والا نقول واحد مع اهله حلو وبعد نفس الحركة وشافك مستعد ينزل يمسكك وياخذ التلفون ويكسره ولا تقولي مهب من حقه !

:secret:

[ام ناصر1]

اذا مرتبط بوازرة الداخلية يمشي ...اذا الهدف منه التصيد والتشهير ماله داعي ...

[شبح الصمت]

اذا مرتبط بوازرة الداخلية يمشي ...اذا الهدف منه التصيد والتشهير ماله داعي ...




اذا مرتبطه كلام ثاني ..

[زود الهموم]

عبود زخوه escape

[راشد محمد]

اول مرة اسمع...ليش ما اعلنوا بالجرايد

كل دقيقة بنشوف واحد ماسك جواله

[Q-tr]

في برنامج حق الظباط خاص للمخالفات وهاذي الي تتسجل اما زخيتك اول مرة اسمع فيه

اشلون حق الضباط؟ واشمعنى هم؟ وشسم البرنامج؟

[الاستثمار]

انزين خلنا نفترض ونتخيل السلبيات حلو ..


وحده جايه تبي تتجاوز وقمت ورفعت تلفوني حلوو وصورتها وشافتني وخذت رقم سيارتي وبلغت علي ..

بتقول يلاحقني ويتحرش فيني وبعد فوق هذا مصورني ..

تعال رقع معاهم عقب تبي تطلع بطل بيخلوووووون تغررررد في المركز وتعطيهم الوجه البريئ !!


والا نقول واحد مع اهله حلو وبعد نفس الحركة وشافك مستعد ينزل يمسكك وياخذ التلفون ويكسره ولا تقولي مهب من حقه !

:secret:

اخوي مب لهدرجة الغرض من البرنامج هو تصوير سيارة مخالغه برقمها وليس الشخص المخالف

[Abdulraman]

جاري التحميل

[الاستثمار]

اذا مرتبط بوازرة الداخلية يمشي ...اذا الهدف منه التصيد والتشهير ماله داعي ...

ليس الهدف منه التشهير والتشهير يكون في حالة عدم اخفاء رقم المركبة بكود يتبع لصوره الاصليه

[Nojoom]

أظن بحرينية

عموما احنا اهل الخليج عندنا شوي تداخل في اللهجات
:nice:

ونعم باهل الخليج تسلمين اختي وطن


زخيتك معناها رشيتك بقطرات ماء ناعمة من بين أصابع يدي

وأصلها زخات قطرات المطر الناعمة أول ما ينزل المطر الخفيف

ومع الزمن تغير معناها إلى أمسكت بك بالعامية ( مسكتك )


اول مره اعرف هذي المعلومه تسلم اخوي عيسى

[captin]

خل ينشرون الثقافه من بدايه التعليم هي الاساس الحقيقي

احسنت يا بوعلي هذا لب الموضوع التعليم والثقافة من الصغر
وما راح نشوف مخالفات الا نادرا .

[دنيا الاسهم]

حلوة زخيتك هي كلمة قطرية تعني (امسكت بك ) والاحلى الرجوع للمصطلحات القديمة لكي يعرفها الجيل الصغير

[زقرت]

فكره غير جيده وكلنا معرضون للمخالفه وبيصير الشعب يتصيد الاخطاء

دوريات المرور + الفزعه + التحريات + الكيمرات الامنيه الموزعه

+ منتسبي القوات المسلحه والداخليه اي شخص منهم مستعد يرفع رقم المركبه المخالفه
مرفق بتقرير موجه لاقرب مركز شرطه ويتم احظار المخالف والتحقيق معه

وفوق كل هذا تبي زخيتك اتق الله ياااارررجل :)

[عيسى111]

اول مره اعرف هذي المعلومه تسلم اخوي عيسى

الله يسلمك

[الاستثمار]

فكره غير جيده وكلنا معرضون للمخالفه وبيصير الشعب يتصيد الاخطاء

دوريات المرور + الفزعه + التحريات + الكيمرات الامنيه الموزعه

+ منتسبي القوات المسلحه والداخليه اي شخص منهم مستعد يرفع رقم المركبه المخالفه
مرفق بتقرير موجه لاقرب مركز شرطه ويتم احظار المخالف والتحقيق معه

وفوق كل هذا تبي زخيتك اتق الله ياااارررجل :)

اتق الله ! ليش وش صاير اخوي

[خبير الانترنت]

الصراحة تطبيق في غاية الروعه عجبني وايد وحل لي مشكلة كنت اعاني منها جدا اني ما اقدر انتظر واتصل بالشرطة وبنفس الوقت لازم المخالفين يتم محاسبتهم , تهاني الكبيرة لصاحب التطبيق وله مستقبل كبير اعتقد

[خبير الانترنت]

فكره غير جيده وكلنا معرضون للمخالفه وبيصير الشعب يتصيد الاخطاء

دوريات المرور + الفزعه + التحريات + الكيمرات الامنيه الموزعه

+ منتسبي القوات المسلحه والداخليه اي شخص منهم مستعد يرفع رقم المركبه المخالفه
مرفق بتقرير موجه لاقرب مركز شرطه ويتم احظار المخالف والتحقيق معه

وفوق كل هذا تبي زخيتك اتق الله ياااارررجل :)

اعتقد هذا راح يحمي اهلك وابنائك من المخالفات الغير معلومه ولاحد بيشوفها

[الاستثمار]

الصراحة تطبيق في غاية الروعه عجبني وايد وحل لي مشكلة كنت اعاني منها جدا اني ما اقدر انتظر واتصل بالشرطة وبنفس الوقت لازم المخالفين يتم محاسبتهم , تهاني الكبيرة لصاحب التطبيق وله مستقبل كبير اعتقد
بارك الله فيك اخوي واتمنى ان يتم دعم التطبيق بقوه وهدف التطبيق هو حماية المجتمع وتطبيق القانون بكل مكان وزمان

[الماريّة]

زخيتك ماهو أصل الكلمه ؟

هي هي عربية ام فارسية ؟ ام تركية ؟ ام هندية ؟
السموحه طلعت عن صلب الموضوع ^_^

[جنوب الدوحه]

اعتقد برنامج غير قانوني يعرض صاحبه للمسائله .. وهل يحق لاي شخص تصوير شخص اخر في الشارع ..
اعتقد هناك جهات تقوم بهذا العمل وهي كفئ لهذا الموضوع ..اعتقد هناك صلاحيات للعساكر بالمخالفه حتى لو لم يكن من اداره المرور ..

[الاستثمار]

اعتقد برنامج غير قانوني يعرض صاحبه للمسائله .. وهل يحق لاي شخص تصوير شخص اخر في الشارع ..
اعتقد هناك جهات تقوم بهذا العمل وهي كفئ لهذا الموضوع ..اعتقد هناك صلاحيات للعساكر بالمخالفه حتى لو لم يكن من اداره المرور ..
هل تعرف الية عمل التطبيق والتطبيق قانوني وهو على مستوى دول الخليج و الاردن ومصر

[قوت القلوب]

المخالفة لاتحرر الا بواسطة مأمور الضبط القضائي يعني تكون عنده ضبطيه قضائيه ويعرف القانون ومخول به


مب كل من هب ودب بيقعد يصور العالم ويطرش!!!

[شيخ الديرة]

التطبيق الرسمي لوزارة الداخلية مطراش 2 قام بتفعيل هذه الخاصية قبل كم يوم
http://thepeninsulaqatar.com/images/stories/2013/Dec25/report.jpg

المصدر (http://thepeninsulaqatar.com/news/qatar/265745/report-traffic-violators-to-ministry-on-metrash-2)

[Qa10]

التصوير مجرم بنص القانون
الا لمن عنده صلاحية

والبرنامج بيسوي مشاكل ، ناس ولا اطفال بيتعمدون تصوير السيارة وفيها حريم ولا الرجال جاي معاه محرم وبيصورونه

علاوة ان اي حد بسهولة بيقدر يصور اي سيارة ويركب عليها رقم يشبه السيارة الثانية وشغل برامج وفوتوشوب. وناس بتخالف وهم في بيوتهم.

مساوء مالها حد

لاوكاتبين بيتم نشر الصور في تويتر ، فضايح ياجماعة ، عييييب

[Qa10]

حتى اسم البرنامج غلط

[Qa10]

مطراش ظ¢ يكفي وكل شي بسرية تتم مب تويتر وانشر.

[jeep-srt8]

كل ما افتح برنامج مطراش احصل يبي معلومات التفعيل
طيب شلون افعل ؟؟


يعطيكم العافية

[شيخ الديرة]

ابعث رساله من موبايلك الى 92992

وأكتب فيها

M2 RE xxxxxxxxx yyyy-mm-dd

بدل xxxxxxxxxxxx اكتب رقم بطاقتك القطرية
بدل yyyy سنة انتهاء صلاحية البطاقة
بدل mm شهر انتهاء صلاحية البطاقة
بدل dd يوم انتهاء صلاحية البطاقة

[QTR TV]

لاحد يصور ني ترا عندي بندق ترمي الحم لو هو بعيد
يوالله تعال وصور لالعبه هي لعبه