وين شرطة المرور في هالزحمة

[Vanille]

نشكر جهود الشرطة ما قصروا لكن في سؤال في بالي من شهرين يمكن وأنا أشوف تواجدهم مب مثل قبل والحالة كل مالها تتطور للأسف في آخر أيام دوار القوس قبل لا يسكرونه الصبح مالهم تواجد معظم الأيام ماعرف شمعنى بعض الأيام أي وبعض الأيام لا ،،،،الحين القوس والكورنيش خلاص صاروا إشارات المفروض ينشرون الدوريات لان الوضع لا يطاق وقلة أدب المتجاوزين من اليمين مالها حد :secret: طبعا لان مافي رادع دوار مثل دوار جليعة شارع رئيسي وشرياني ويودي لطريق الجامعة مافي ولا دورية الظهر أكثر شارع فيه تجاوز من اليمين خصوصا للمسار الجاي من صوب الدفنة والزحمة من الدوار للدوار والله ومايمشي السيد وربي شاهد ان امس شاحنة ضخمة سايقها طايرررر وكسر على السيارات وتجاوزهم من اليمين وربي ستر عليهم كان منظر ولا في الافلام شاحنة طايرة وتتجاوز لهدرجة الاستهتار طبعا السيارات العادية المتجاوزة ماتنعد مع العلم قبل هالشهرين كانت معظم الأحيان في دورية توقف في السير فس كوريدور ودوريات على الدوار نفسه وتصيد أي حد يتجاوز من اليمين ياريت المرور يراجعون مناطق تواجدهم مره ثانيه لان تعبنا من قلة الأدب للناس اللي ما يحترمون القانون الا بوجود شرطة للأسف

[عيون الدوحة]

المفروض شارع المخصص للمواقف يرسمون على الشارع مبلغ المخالفة ١٠٠٠ ريال
عشان الجاهل يعرف
والمستهتر يتذكر انه ليدفع ١٠٠٠ من راتبه للتجاوز
والهندي يخاف ان راتبة كله بيروح من هذا التجاوز *

[bohilal191]

دوار الدفنة او الجبيلات مافي دورية وتخيلوا الزحمة وخاصة القادم من الجامعة

[قطري سهم]

لاحس ولاخبر

[فارس قطر]

نعم اختفت الدوريات

من دوار العبيدلي --- التضامن ----- المول ---- اشارات المنتزة

زحمة لاتطاق صباحا ومساء --- تجاوزات يمين ويسار شاحنات وحافلات عمال

وصهاريج المياة

زحمة زحمة زحمة وصلت حتى الاحياء القريبة من الشوارع الرئيسية

يااشغال ياادارة المرور مانبي هليوكبتر طير في الجو بدون حلول

يامجلس البلدي يامجلس الشورى ياحكومة

انقذونا من هذة الزحمة مانبي اذن من طين واذن من عجين

نبي قرارات وافعال عاجلة

شبعنا تخطيطات فاشلة وحلول موقتة

جانا اكتئاب منكم لاحول ولا قوة الا بالله العلي العظيم.

[Northqatar]

أنا كل يوم امر عل دوار خالد بن حمد اللي في الريان

ماكان عليه زحمة نهائيا

أليوم حطو دوريه

للاسف صارت زحمه غريبه

وجودهم اعتقد يولد مشكله اكبر من عدم وجودهم

[wanted boy]

انا كل يوم ارجع البيت من الجامعة في ساعة و45 دقيقة بس الزحمة !!!

واليوم مريت على دوار الشيراتون واشارات الكورنيش واشارات نادي قطر ودوار التلفزيون وبن عمران والسد

وكل هذا لكي اوصل المنتزه !!!

غيــــــــــــــاب تــــــــــام للدوريات مادري ليش

وتجاوزات من اليمين وكسر اشارات الدوارات وفوضى !

[cavok]

يقولك افتتاح شارع الكورنيش ًًًًًًًً هاي الشارع عذاب من الزحمة لا والمرور نائمين في العسل
حشى أتقول قاعدين في شوارع كاتمندو في النيبال

[سنافي قطر]

اختفت الدوريات لوجود هليكوبتر يوميا تصور وتشاهد الزحمة فدوار العبيدلي والكورنيش وشارع ٢٢ فبراير ودوار القوس والتلفزيون وعلئ اتصال مباشر بالعمليات لفتح شوارع وإغلاق شوارع

[مهره]

أصلا هالزحمه الي صايره ان دلت تدل علي عدم تخطيط أداره المرور المسبق لمثل هالامور مب لي طاح الفأس في الرأس قاموا يصكرون ويفتحون شوارع كان عندهم طول الصيف وعارفين به الأمور وين الاستعدادات والخيارات البديلة للأسف اعتقد أكثرهم مسافر ولا يدرون عن شي
الله يخفف علينا هالزحمه نطلع من بيوتنا ٦ الصبح ولا نلحق بعد مادري متي لازم نطلع

[بوخالد911]

نريد تواجدهم بشارع حمد الكبير


الزززززززززززززحمة لا تطاق

[السلولي]

الامور خرجت عن السيطره للأسف من وجهه نظري بخصوص الزحمه بشوارع الدوله
وخاصه شارع 22 فبراير

[لـبـيـه]

يقولون راحو فوق الحين كنترول جوي على اساس انه الارضي ميه ميه فراحو فوق الحين

[عطر فرنسي]

خلها على الله

[قطريه22]

أنا كل يوم امر عل دوار خالد بن حمد اللي في الريان

ماكان عليه زحمة نهائيا

أليوم حطو دوريه

للاسف صارت زحمه غريبه

وجودهم اعتقد يولد مشكله اكبر من عدم وجودهم

اي والله صادق اوقات الدوريات هي الي تسبب زحمه


مادري ليش ماشتغلو يوم الناس اجازات الحين اعفسو الدنيا ووهقو العالم كل يوم الزحمه في زياده

[قطريه22]

يقولون راحو فوق الحين كنترول جوي على اساس انه الارضي ميه ميه فراحو فوق الحين

مايبون يمشون في الزحمه ويحسون فراحو فوق عشان يقولون مافي زحمه

[R 7 A L]

استنجد بالفزعة او لخويا

رجل المرور
من زمان مختفي عن الانظار لدرجة ان الجيل الحالي لايعرفون بوجود إدارة للمرور والدوريات :weeping:

[ام ناصر1]

فيه جزء صح من الي تسويه ادارة المرور ...وهو تسير المروحية لرؤية الوضع من الاعلى ...
والاهم تواجد مكثف للدوريات سيارات ودراجات نارية ( وظيفتهم اعطاء تقارير كل نصف ساعة عن اماكن الاختناق المروري) ...لتخفيف الزحام ...والمنسق بينهم يكون بإدارة المرور ...
وتوصله صور المروحية على الهوا واول باول ...واذا ماقدروا يضبطون الوضع يستعينون بادارة المواكب ...
فهم لهم خبرة متى يمشون السيد الفلاني ومتى يوقفونه ....

[المواطن]

اشارة فريق بن عمران من كم يوم الصبح تقول سلطه من دوار التلفزيون باتجاه الاشاره الشارع مصتك ومن دوار الولاده للاشاره نفس الشي ومن الاشاره الى دوار الدفاع المدني القديم نفس الشي

والغريب ان المرور قريب من هالمكان ولا في دوريه ولا اي حد من المرور

يمكن لان مدير المرور وصل مكتبه وما يهم ايش اللي يصير عقب او ان مدير المرور يروح ويي في هيلكوبتر

مش معقول لهالدرجه اهمال من الدوريات
اليوم الصبح الناس داشه على بعض في الاشاره كأن سوق غنم

[Vanille]

شكرًا على الآراء للأسف اللي يقول الدوريات سبب الزحمة هالشي مب صح الشرطي راح يعطي لكل سيد فرصة وبينظم الوضع امس حطوا لنا الظهر دورية عند هالدوار الله يعطيهم العافية اختصرت نص ساعة من الوقت اللي أخذه في هالزحمة واستانست:nice: لكن يا فرحة ما تمت اليوم مافي دوريات :secret: :weeping:والزحمة من الدوار للدوار وناس يكسرون على بعض من كل مكان :weeping: مع اني ملاحظة الصبح في وجود مكثف للشرطة في الطريق اللي أروح منه
ام ناصر نتمنى يكون هذا الوضع انا أقول يمكن هاذي ربكة طبيعية في البداية وبتنحل مع الوقت ان شاء الله أتمنى