اتمنى الكل يدش وينصحني بخصوص القبب

[قطري واصيل]

السلام عليكم ورحمه الله وبركاته


اخواني انا عندي بالفيلا 4 قبب مقاسات مختلفه قبه قطرها 4متر وارتفاعها مترين ونص ورحت لشركه وطلب على هالقبه 40 الف والصراحه شفت السعر غالي راح يتم تركيب زجاج 24 مل + زجاج امريكي +المنيوم بحريني
= 40 الف

والقبه اللي بالنص فيها خرسانه ومفتوحه على 4 فتحات يعني خرسانه ومفتوحه وطلب السعر 30 الف ونفس الشي زجاج امريكي والمنيوم بحريني وظمان على القبب

والقبه الثالثه قطرها 4 متر ونص وارتفاع 3 متر وطلب على 45 الف ونفس المواصفات السابقه

والقبه الرابعه قطرها 4 متر وطلب 30 الف ونفس المواصفات

يعني التوتل بجميع القبب ال 4 يكون 145 الف :omg:

الصراحه حسيت المبلغ مبالغ فيه من قلب



وانا ابغي اللي يعرف مكان ارخص او شركه احسن وبالسعر المعقول تكفون يبلغني لاني تعبت من هالاسعار الخياليه والطمع لبعض التجار الاجانب اللي يحسبون القطري قاعد على كنز

واتمنى الكل يدش ويقترح على بعض الشركات اللي تكون عن تجربه او يحس اسعارهم معقوله ييخبرني

ويعطيكم العافيه يا أخوان :shy:

[معماري قطري]

انا ركبت البلاستيك المحبب اللي يستخدم للأبواب

يسمونه بولي كاربونيت وعندي 8 درايش بإرتفاع 70 سم أو 80 سم ومايلين مع ميلان القبة، وبحيث يجي الضلع التحتي عريض والفوقي أقل يعني ما بين 45 سم و25 سم للفوقي والفريم ألمنيوم .. بس طريقة التركيب كانت على كرسي 90 درجة مقصوص أو بالأحرى معمول في الخرسانة أثناء الصب .. يعني في النهاية الفريم ما يبين من داخل ومن برا يجي داخل في الخرسانة .. وتثبيته ببراغي وسيليكون في الإتجاهين حول أطراف الفريم والخرسانة والطبقة الأخيرة ماستك خاص وحبل الماستك قبل .. وفوقهم قطعة المنيوم جاية بشكل أطراف الدريشة وملزقة بماستك .. للحين 8 سنين بدون مشاكل .. وسمك الدريشة 4 ملم أو 6 مب متأكد وسعر الوحده طلع 500 ريال .. ومن عند قطر يو بي في سي أيام عزها .. وسويت هرمي بس 2.4 متر في 1 متر وهذا بعد طريقة تركيبه خاصة والقزاز دبل 6 ملم فراغ 12 ملم و6 ملم ومب معتم يدخل النور كامل وتبين السماء من وراه وبسعر 12000 من الشارقه عن طريق قطر يو بي في سي.

عندك شركة مختصة ذكرها أحد الإخوان حاول تسوي عنها بحث هنا .. وعندك شركة الزامل وكيلهم كان المناعي عندهم مصنع خاص في السعوديه .. شوف بعد سبكترآم ممكن عندهم حلول .. بعد التخصصي للألمنيوم .. وبالتوفيق ونطالب بصور بعد ومتابعة.

[قطري واصيل]

اشكرك اخوي معماري قطر على المعلومات اللى اضفتها لي واستفدت منها

تسلم اخوي حسن الاحمد وجاري الاتصال بالرقم اللي عطيتني اياه

وماقصرتوا ياأخواااان


واللي يعرف ارقااام او شركات اسعارها زينه لا يبخل علينا لان ترى في ناس محتاجه وتبغي تستفيد


وننتظر باااقي الاخواااان

[معماري قطري]

العفو يا اخوي

مهمة طريقة التركيب .. وللقبب لتبالغ في العزل وفي نوعية القزاز .. بعضهم يركبون اللي لو انكسر ينزل مثل الرمل وهذا بطبيعته غالي .. عجبني اللي في سفارة قطر في الأُردن .. سقف كامل بعرض حول 6 متر ويمكن أكثر كله قزاز وبسلوب بسيط .. وإحنا لو سوينا فتحة دائرية بجدران شوي مرتفعة تمثل قاعدة قبة .. وتجي بميلان بسيط وفوقها يتركب زجاج ثابت وممكن بفريم مربعات ألمنيوم .. وممكن نستخدم الطوب الزجاجي.

واحد مسوي طريقة غريبة شوي .. أثناء تركيب الخشب حق صب الخرسانة حرك الحديد وسوى فراغات وحط عليها قطع طوب زجاجي وبألوان متعددة .. وسواها بشكل غير منتظم وبعدها صب الخرسانة حولها وبعدين فتحوا الخشب وعلى كلامه كان المنظر وايد حلو وتكلفتها بسيطة .. بعض الطوب الزجاجي الحبة ب 30 أو حولها .

حل ثاني إننا نسوي القبة مرتفعة وقاعدتها طويلة ونخلي الدرايش مربعة وقريبة من القاعدة يعني جانبية .. بس أكيد كلما كانت مساحة القزاز أكبر كلما كانت أحلى ومنوره وهذا الأهم.

[معماري قطري]

صورت القبة من داخل اليوم 7 ونص الصبح لأن الظهر تطلع الصورة منوره وايد ولا تبين واضحة وإن شاء الله شرحي اللي ذكرته يكون واضح للكل .. هذي درايشها بس كلفت 4000 ومقاولي الطيب سواها لي بدون حساب لأن ما كانت في العقد.

http://im38.gulfup.com/riYV8.jpg (http://www.gulfup.com/?EFqSgh)

[قطري واصيل]

تسلم اخوووووي معماري على الشرح المفصل الصـــــراحه انت فنان وشرحك واضح

بس عندي سؤال السعر 4000 الاف القبه بالكامل ؟ او بس الزجاج

[معماري قطري]

تسلم اخوووووي معماري على الشرح المفصل الصـــــراحه انت فنان وشرحك واضح

بس عندي سؤال السعر 4000 الاف القبه بالكامل ؟ او بس الزجاج

بس الزجاج كل قطعة ب 500 ريال شامل التركيب

وصراحة القبة ما اتفقت عليها ويا المقاول وسواها بدون مقابل

[Bozizoo]

اخوي شيك الخاص
رقم صاحب شركه متخصصه بالقبب مهندس قطري ومحترم جدا

[ابوالحارث]

اخوي شيك الخاص
رقم صاحب شركه متخصصه بالقبب مهندس قطري ومحترم جدا

الله يجزاك خير حط رقمه او رقم الشركه على العام حتى الكل يستفيد و خاصه انه قطري

[قطري واصيل]

بيض الله ويهك اخوي Bozizoo

والله يكثرمن أمثالك وماقصرت

وجاري الاتصال بالرجال وراح اوافيكم بكل التفاصيل علشان الكل يستفيد

[معماري قطري]

قليله الشركات اللي تهتم بتركيب صح وعدل 100%

انا الطريقة اللي شرحتها تفاصيلها بسيطة وتناسب أي قبة وتركيب قطع الدرايش مثل ما وضحت مضمون وقوي .. الألمنيوم بروحه يجي ضعيف وايد .. والقزاز دبل في القبة صعب تنفيذه أو مستحيل يجي مقوس مع تقوس القبة .. وأفضل مثل ما ذكرت في السابق.

[قطري واصيل]

اخوي معماري قطر شرحك وافي والطريقه اللي قلت عليها وشرحتها حلوة بس احس انها ماتعطي منظر جمالي

لان القبب اللي عندي مفتوحه بالكامل يعني يبيلها تفصيل بطريقه وحده المنيوم وزجاج دائري والطريقه اهي الوحيده اللي تنفع والا بالنسبه للطريقه اللي شرحتها انا اشوفها حلوه بس كمنظر خارجي مايعطي جمالا كثر القبه الزجاجيه الدائريه

[معماري قطري]

من شوي كنت زاير واحد مسوي قبة صغيرة حول مترين وشوي قطرها ومركب فوقها قزاز والغريب مسوينه دبل وقطع كبيرة .. عبارة عن أشكال رباعية غير منتظمة ومربوطة بين بعض بماستك خاص .. والزجاج دبل وشكلها من الخارج حلو لكن ما يبين .. عيبها ما تحملت تعليق ثريا .. إضطر يسوي تشكيلة حديد ويفتح في أعلى القبة ويمدد سلسلة من الخارج علشان تمسك الثريا .. وتم تسكير الفتحة بماستك خاص أيضاً وأشوفها قبة عملية وسعرها معقول .. حسب كلامه في حدود 5000 من الإختيار الألماني... تخوفي من شيء واحد وهو إن الماستك بعد فترة ييبس ويتشقق وتبدأ تسرب ماي.

زجاج ودائري بالكامل يحتاج تصنيع خاص .. وأغلب المصانع حولنا تصنع قبب دائرية بلاستيك أو بولي كاربونيت.

[naklan]

هلا فيك اخوي قطري واصيل

اخوي انا بانصحك اذا كانت فتحات القبة مقوسه انك تاخذ مقاسات بحرفيه
وتسويها في الامارات والتركيب اي مختص في قطر والسعر باقل من النص واذا
كان الزجاج يتكون من احجام كبيره ومركز ثقله الا الاسفل ركب فريمات حديد

كثير من الناس يعمل القبة بلا دراسه ويضن ان الزجاج بيكون سعره رخيص
اهو رخيص اذا عمل الفتحات باشكال مستقيمة مربعه او مستطيلة فريم وتركيب
ولاكن اذا اتت باشكال مقوسه فيلزمها تفصيل خاص وبتكلف لا يوجد مصنع
في قطر لتقويس الزجاج والكل يعمل في دبي ويبعه بعشر اضعاف سعره
في قطر لذالك انصحك بدبي بتنفرج الازمه وبتركبه بارخص من ما
كنت تتوقع وبجوده عالية والله يوفقك يالغالي :)

[naklan]

انا ركبت البلاستيك المحبب اللي يستخدم للأبواب

يسمونه بولي كاربونيت وعندي 8 درايش بإرتفاع 70 سم أو 80 سم ومايلين مع ميلان القبة، وبحيث يجي الضلع التحتي عريض والفوقي أقل يعني ما بين 45 سم و25 سم للفوقي والفريم ألمنيوم .. بس طريقة التركيب كانت على كرسي 90 درجة مقصوص أو بالأحرى معمول في الخرسانة أثناء الصب .. يعني في النهاية الفريم ما يبين من داخل ومن برا يجي داخل في الخرسانة .. وتثبيته ببراغي وسيليكون في الإتجاهين حول أطراف الفريم والخرسانة والطبقة الأخيرة ماستك خاص وحبل الماستك قبل .. وفوقهم قطعة المنيوم جاية بشكل أطراف الدريشة وملزقة بماستك .. للحين 8 سنين بدون مشاكل .. وسمك الدريشة 4 ملم أو 6 مب متأكد وسعر الوحده طلع 500 ريال .. ومن عند قطر يو بي في سي أيام عزها .. وسويت هرمي بس 2.4 متر في 1 متر وهذا بعد طريقة تركيبه خاصة والقزاز دبل 6 ملم فراغ 12 ملم و6 ملم ومب معتم يدخل النور كامل وتبين السماء من وراه وبسعر 12000 من الشارقه عن طريق قطر يو بي في سي.

عندك شركة مختصة ذكرها أحد الإخوان حاول تسوي عنها بحث هنا .. وعندك شركة الزامل وكيلهم كان المناعي عندهم مصنع خاص في السعوديه .. شوف بعد سبكترآم ممكن عندهم حلول .. بعد التخصصي للألمنيوم .. وبالتوفيق ونطالب بصور بعد ومتابعة.



حيالله شيخنا معماري الله حيه :nice:

والله يالغالي البساطة زينه البلاستيك يقوم بالواجب وزياده وسعره في متناول اليد
وومكن ينثني ويتشكل للفتحات المقوسه وفيه منه انواع تعيش 20 و30 سنه انا شفت
قبه في احد الفلل مركب زجاج سنقل لصق من الخارج وبلا فريمات وشفت فنادق في
شرق اسيا قبب كبيره حديد وبلاستك جميلة ومش مكلفه مع ان عندهم المطر 24
ساعة وصامد البلاستك ما نزل ماي ولا تاثر بالشمس والان يجي بانواع
كثيره وراقيه وملونه وما تحتاج دبل وما حد بيمشي فوقها

تحياتي اخوي معماري :)

[معماري قطري]

حيالله شيخنا معماري الله حيه :nice:

والله يالغالي البساطة زينه البلاستيك يقوم بالواجب وزياده وسعره في متناول اليد
وومكن ينثني ويتشكل للفتحات المقوسه وفيه منه انواع تعيش 20 و30 سنه انا شفت
قبه في احد الفلل مركب زجاج سنقل لصق من الخارج وبلا فريمات وشفت فنادق في
شرق اسيا قبب كبيره حديد وبلاستك جميلة ومش مكلفه مع ان عندهم المطر 24
ساعة وصامد البلاستك ما نزل ماي ولا تاثر بالشمس والان يجي بانواع
كثيره وراقيه وملونه وما تحتاج دبل وما حد بيمشي فوقها

تحياتي اخوي معماري :)

الله يحييك ويبقيك ويرحم والديك

والله لنا فترة ما نشوف مداخلاتك الطيبة إخوي نقلان .. إنت ذكرت اللي في آسيا وفي دول كثيرة وبعضهم بعمر المبنى .. انا عجبني بيت قديم في رميله قرب وزارة الدفاع .. البيت اللي يجي بعد قصر الضيافة وبعد مبنى الرميلة للخدمات القديم .. على ما اظن لمستشار سابق لسمو الشيخ خليفة بن حمد .. الأمير الوالد .. البيت طبعاً له فوق 40 سنة بالراحة وفيه فتحات زجاج في سقف منحني إنحناء بسيط وقبة بعد فيها نفس الفتحات الصغيرة المسدودة بالزجاج .. بس محيطها الأساسي من الخرسانة .. ومثل ما ذكرت عن أحد الأشخاص اللي مستخدم الطوب الزجاجي وبطريقة عشوائية.

وأيدك اللي يبي زجاج كامل يختاره من شركة مختصة، وتقريباً شبه مستحيل يحصل زجاج كامل بيحصل منتج صناعي خاص .. خصوصاً لقبة 4 أمتار أو 3 أو حولها .. ذكرت قبل الزامل
للقبب وهم مختصين في السعودية.

حاولت البحث وطلعت لي شركات وايد بس أغلبها تسوي قبب بفواصل وبقطاعات مسطحة مب منحنية.