الشخص المتكبر والمتغطرس

[حمد 2002]

هذا الي شايف نفسه ماشي ولا يعبرني :)
يتلفت هنا وهناك ولا كنه شايفني :(
والله انا لاوريكم فيه والله انا انا ما اخليه :weeping:
مو اهو لعب وياي خلوه يتحملني :rolleyes2:


ماهو رأيك بالشخص المتكبر وكيف تتعامل معاه؟ :(:weeping:

[قطريه22]

اعوذ بالله من المتكبرين


المتكبر هو الشخص الي شايف نفسه على الناس ويجاهر بهالشي وفي منهم من يتصنعه
من خلال الكلام او اللبس او السفرات او الفلوس او معاملته للناس وكأنهم اقل منه .

كيف اتعامل مع الشخص المتكبر ؟

وباتكلم عن موقف مريت فيه مع وحده شايفه نفسها وجايه تسأل عن شيء وشايفه نفسها حدها اكلمها وانا ابتسم وهي تطالع بنظرات الاحتقار الي سويته اني لفيت عنها وحاولت اتجاهلها ويوم تسألني ارد بجواب جداً مختصر وانا اطالع الكمبيوتر واسوي نفسي مشغوله وارد واقولها نعم اشقلتي ماسمعتج اها اها اوكي او مادري وفعلاً حست وعدلت اسلوبها وماتت قهر.

اذا مرو علي هالاشكال اقل شيء اسويه اطالع بنظره احتقار واتجاهل.

[للصبر اخر]

تدري اخوي
موضوع جداا حسااس
عندنا شخص
لااازم تدخل عليييه وتكلمه وتترجااه عشان يسويلك اللي تبيه
حتى لو كان هالشي من حقققك
الله يبعد عنا التكبر

[why me]

من متع الحياة الجميله عندي اني اتكبر على المتكبر, امارس عليه التكبر مع شوي ساديّه بكل متعه وبدون اي تأنيب ضمير

[مهرة]

بالنسبة لي ماقدر اسوي له شي ورايي فيه بكيفه لأنه هالصفة مني وفيني وفديتني خاصة لمن أشوف نفسي عالكل:thumbup1: .. ايه أصلاً بيحئلي:tease:

[be cool]

ابصراحه امووووووت ضحك لين اجوف واحد متكبر... واحش فيهم وايد هههه

وبعد يكسر خاطري لانه من داخل يكون ضعيييييييييف عشان جيه يرسم هالجوو النفسه...

احيانا يقولونلي الناس (( اول ماجفتج حسيتج متكبره ومغروره)) وانا مافيني ذرة غرور ولا تكبر الحمدالله
بس احيانا استحي اكلم او اتفاعل مع شخص معين وهو يفسر ان انا مغروره ومتكبره

و في ناس راسمين في مخيلتهم صور معينه للاشخاص...

يعني لاتتسرعون في الحكم على الاخرين قبل ماتعرفونهم عدل....

والله يشفي المغرور والمتكبر ههههههه....

[شذى الحياة]

أنا أشوف ان المتكبر مريض نفسيا ... ويكسر خاطري

[مشـــــاعر]

.

التكبّر سببه الرئيسي (البعد عن الله) ..
قال رسول الله ( ص) لايدخل الجنة من في قلبه مثقال ذرة من كبر ..
هذا غير ايآإت كثيرة في القرآن تنهانا عن التكبر . .


عموماً المتكبر /
هو كمن في قمة جبل يرى الناس صغاراً ويرونه صغيراً :anger1:


عن نفسي أحتقر هالنوعيات ولا أختلط فيهم بتاتاً :anger1: !!
الله يبعدنا عن التكبر والمتكبرين ..

[نور الحور]

الله يعينهم على نفوسهم ..

من تواضع لله رفعه ..

بس أستغرب من تصل فيه الجرأة لأن يقول انا ما اتكبر مع إنه ... يحق لي ..!!!

هل (التكبر) أمر يمكن استحقاقه؟
هل هو ميزة مثلاً ؟
أو أمر يتم التباهي به ؟


من وجهة نظري .. الاغترار بالنفس والتكبر صفات مذمومة جملة وتفصيلاً .. لا يحق لأحد التباهي و ممارسة الغرور والتكبر ..

الثقة بالنفس حلوة .. لكن مع التواضع وليس إلى حد التكبر !




ملحوظة مهمة :shy: : رد مهرة لا ينطبق عليه ردي لأني أعرف أسلوبها ومقصدها .. محشومة مهرة :victory: