استفسار عن استخراج الفيزا الامريكيه

[سليمان احمد]

السلام عليكم ورحمه الله وبركاته

عندي سفر لامريكا للعلاج ولدي بعض الاستفسارات عن الفيزا

هل الطفل بعمر 4 سنوات لابد من الحضور للسفاره من اجل الفيزا

واذا اردت ان اخذ الخادمه معي وهي على كفالتي ما شروط استخراج الفيزا لها

ومن لديه معلومات عن روشستنر واي فندق مناسب

شكرا

[Chanel]

الموعد عن طريق الويب سايت للسفاره والطفل بعد لازم يروح
الخدامه ماعندي فكره بصراحه
روشستر منطقه هاديه جدا وكلها عرب لاتحاتي ابدا في عمارة الماجد كلها خليجين ولاصقه في المستشفى
اذا حبيت ممكن اعطيك رقم سوداني يرتب يستقلكم في المطار وترتب معاه من الدوحه
واي استفسار انا حاضره
والله يشفي مرضاكم ومرضى المسلمين يارب

[سليمان احمد]

Chanel : ماقصرت ارسلت لك رساله عالخاص

استفسار بسيط هل يوجد هناك محلات غسيل ملابس واكل حلال

[قلم صادق]

انا مسويه من فتره .. الطفل مب لازم يروح انا بنتي عمرها سبع سنين وما راحت بس خذوا جوازها مع

الاوراق وسوولها الفيزا ... وبالنسبه للخدامه لازم تروح لان راح يسئلونها اسأله كم معاشج ومن متى انتي

عندهم وسافرتي معاهم وين وكم مره ... بس ان شالله انه سهاله .. والفيزا بعد المقابله بيومين تطلع .

والله يشفي مريضكم ان شالله

[الأصيلة]

بس ياليت تستخرج فيزا سياحية
بدون ماتجيب طاري العلاج لان فيزا للعلاج معقدة واجراءات طويلة

[سليمان احمد]

قلم صادق : شكرا عالافاده

[سليمان احمد]

الاصيله ؛ اخاف نسوي الفيزا سياحيه

واذا وصلنا امريكا يقولون لنا في المطار

ليش جايين ونقول لهم جايين علاج يسوون لنا مشكله

[Aaziz]

على حد علمي فيزا العلاج هي نفسها فيزه السياحه
بخصوص الخادمه لازم تكون على كفالتك مالا يقل عن سنه (عشان يضمنون انها ماتشرد)
بخصوص روشستر هي مدينه في ولايه مينسوتا (مستشفـي مايوكلينك)

فيها عرب و فيها خليجيين (بارده جدا من الايام هذي و قدام الحراره صفر و اقل) يفضل تشتري ملابس من هناك ، لان ملابسهم مخصصه لاجوائهم
بخصوص السكن اسئل عن عماره الماجد اغلب الخليجيين فيها
و برسل لك على الخاص رقم شخص سبق و تعاملت معاه شخص ثقه و خلوق جدا

[الأصيلة]

الاصيله ؛ اخاف نسوي الفيزا سياحيه

واذا وصلنا امريكا يقولون لنا في المطار

ليش جايين ونقول لهم جايين علاج يسوون لنا مشكله

لاتقول في المطار إنك جاي علاج
هم اشدراهم اش بتسوي ليدخلت..
عادي قول جاي سياحة...

[الأصيلة]

على حد علمي فيزا العلاج هي نفسها فيزه السياحه
بخصوص الخادمه لازم تكون على كفالتك مالا يقل عن سنه (عشان يضمنون انها ماتشرد)
بخصوص روشستر هي مدينه في ولايه مينسوتا (مستشفـي مايوكلينك)

فيها عرب و فيها خليجيين (بارده جدا من الايام هذي و قدام الحراره صفر و اقل) يفضل تشتري ملابس من هناك ، لان ملابسهم مخصصه لاجوائهم
بخصوص السكن اسئل عن عماره الماجد اغلب الخليجيين فيها
و برسل لك على الخاص رقم شخص سبق و تعاملت معاه شخص ثقه و خلوق جدا

لا مش نفس الشيء
لما تقولهم فيزة علاج
يقولون لك جيب التقرير كامل بالإضافة إلى تقرير عن حالتك المادية
وكم عندك رصيد ويطلبون تحط مبلغ في رصيد المستشفى اللي بتتعالج فيه
ومن هذا الإجراء...

[سليمان احمد]

الاصيله " شكل فيزا العلاج فيها مشكله

اخاف اكذب عليهم ويسوون لنا سالفه

وليش تضللون العداله ويبهذلونا هناك

شكلي باكنسل الخدامه اخاف تسوي لنا مشاكل

[Aaziz]

لا مش نفس الشيء
لما تقولهم فيزة علاج
يقولون لك جيب التقرير كامل بالإضافة إلى تقرير عن حالتك المادية
وكم عندك رصيد ويطلبون تحط مبلغ في رصيد المستشفى اللي بتتعالج فيه
ومن هذا الإجراء...

بالنسبه لامريكا الي ذكرتيه نهائيا مش موجود
يمكن شي قديم.

اخوي صاحب الموضوع راح ارد على رسالتك بالتفصيل خلال هذا اليوم ان شاءالله

[سليمان احمد]

اخووي : Aziz على فكره استفدت من موضوعك عن القارمن

واشتريت بالفعل جارمن من واحد في المنتدى عن امريكا

والله يعينا على الثلج والسواقه

[أبورودي]

هلا اخوي الف سلامه
اولا نصيحه لاتاخد الخدامه لو شردت منك مشكله هناك وحتفضل شايل همها فى كل تنقلاتك الامور بسيطه هناك ولن تحتاج خادمه محلات الغسل والتنظيف منتشره
الاطفال لن تحتاج اليهم عند المقابله انت والبالغين فقط المسافرين معاك فقط لاخذ بصماتهم

خد الفيزا سياحه وحتكون صالحه 5 سنوات براحتك فى اي وقت تقدر تروح وكل زياره بتاخد 6 شهور من المطار اقامه

فى المطار حيسالك انت ليه جاي نيويورك مثلا حتقوله سياحه وزياره اماكن ترفيهيه فقط لاتكثر فى الكلام
كما ستبقي بلغه بالمده اللى انت مخطط ليها
انصحك تحجز فندق من بوكينج قبل ماتروح لانهم حيسألوك عن عنوانك فتقدم لهم حجز بوكنج
وامورك طيبه

[سليمان احمد]

أبو وردي : جزاك الله خير

المشكله انا للحين ماعطوني كتاب من اللجنه

الطبيه وبغيت اخلص بسرعه على كلام بعض الاعضاء

انه اذا بغيت فيزا عشان علاج يطلبون طلباات كثيره مثل رقم الحساب وكشف راتب

ومبلغ تامين لكن خوفي اني اقول لهم جاي سياحه ويكتشفون اني جاي علاج ويعملون لي مشكله

[أبورودي]

أبو وردي : جزاك الله خير

المشكله انا للحين ماعطوني كتاب من اللجنه

الطبيه وبغيت اخلص بسرعه على كلام بعض الاعضاء

انه اذا بغيت فيزا عشان علاج يطلبون طلباات كثيره مثل رقم الحساب وكشف راتب

ومبلغ تامين لكن خوفي اني اقول لهم جاي سياحه ويكتشفون اني جاي علاج ويعملون لي مشكله
لا مشكله ولا حاجه المهم يكون معاك تكاليف العلاج ولا تشيل هم وتوكل على الله

[سليمان احمد]

لا مشكله ولا حاجه المهم يكون معاك تكاليف العلاج ولا تشيل هم وتوكل على الله


انا رايح على حساب اللجنه

[برشلوني قطر]

اخوي ماعندك مشكله ف كتاب اللجنه الحين

انت قدم الاستماره عن طريق الموقع وخذ الموعد

وادفع فالبنك التجاري.

على فكره كتاب اللجنه مثل ماوديته المقابله رجعته معاي

الله يشفي مريضكم

[سليمان احمد]

برشلوني قطر : يعني مايحتاج انتضر كتاب اللجنه واخر نفسي لاني خلال اسبوعين لازم اسافر

عشان الموعد لانه اخذته باجتهادي قبل لايوافقون اللجنه

بيض الله وجهك

[برشلوني قطر]

اي اخوي قدم وخلص امورك والكتاب ممكن تاخذه

في نفس اليوم واذا عطوك موعد المقابله متأخر

ممكن تروح لهم من الصبح معاك الكتاب.

اعرف واحد راح لهم والموعد كان بعيد ورايح علاج

ودخلوه.

ووجهك ابيض. والله يوفقك

[fhd4]

فيزة العلاج نفسها فيزة البزنس ونفسها فيزة العلاج …
يكتبون لك على الفيزا
b1/b2
تشمل الكل

لكن في السفارة لا تجيب لهم طاري العلاج قولهم سياحة
لكن في المطار خلك جاهز بالاوراق اذا سألوك

[سليمان احمد]

فيزة العلاج نفسها فيزة البزنس ونفسها فيزة العلاج …
يكتبون لك على الفيزا
b1/b2
تشمل الكل

لكن في السفارة لا تجيب لهم طاري العلاج قولهم سياحة
لكن في المطار خلك جاهز بالاوراق اذا سألوك




هذي النقطه اللي مخوفتني

اخاف يقولون لي ليش تقول يوم قدمت عالفيزا انك جاي سياحه

والحين تقول انك جاي علاج

[fhd4]

هذي النقطه اللي مخوفتني

اخاف يقولون لي ليش تقول يوم قدمت عالفيزا انك جاي سياحه

والحين تقول انك جاي علاج

أخوي الفيزا تعطيك الصلاحية تروح سياحة أو علاج أو بيزنس ... حتى لو قلت لهم في السفارة رايح سياحة ... لأنهم كلهم نفس النوع ...

المشكلة لو انك رايح دراسة مثلا ... لأن لها كود ثاني ...

[سليمان احمد]

أخوي الفيزا تعطيك الصلاحية تروح سياحة أو علاج أو بيزنس ... حتى لو قلت لهم في السفارة رايح سياحة ... لأنهم كلهم نفس النوع ...

المشكلة لو انك رايح دراسة مثلا ... لأن لها كود ثاني ...






بيض الله وجهك

يعني مايحتاج اضيع وقتي وانتضر كتاب من

وزاره الصحه ابلش في اجراءات الفيزا