شركة تصميم وتنفيذ روعه بأقساط

[أم شيوخ]

لو سمحتوا رجاءا ابغي شركه تصمم ديكورات وتنفذ ويكون راقي والسعر اوكي بس الشرط يكون بأقساط وين احصل رجاءا وحتى لو شركه يكون شغله قمه في الروعه والسعر مب واااايد فوق فوق بس انه دفعاتهم على فترات طويله .....

ماعندي كاش وايد وابي اسوي بيتي توني ساكنه وفاضي ومحتاره وين اقدر اروح
ابي مشورتكم ومساعدتكم رجاءا

ولكم جزيل الشكر مقدما

[dream~qa]

تبغين نصيحتي أنا جربت شركات التصميم كلها نصب وبتخسرين فلوسج على الفاضي

جمعي صور من النت وأعرضيها لنا هني لمعرفة أفضل المحلات لتنفيذها .

[بـومحمد]

تبغين نصيحتي أنا جربت شركات التصميم كلها نصب وبتخسرين فلوسج على الفاضي

جمعي صور من النت وأعرضيها لنا هني لمعرفة أفضل المحلات لتنفيذها .
انا معاك في نفس الراي:nice:

[اعمار قطر]

اختي بعطيك رقم مصصمة لبنانية شغلها روعة وفنانة بس لك عليها بالسعر ومن تجربة اشتغلت لصالون نسائي وبيت لواحد من الاهل

[وليف الشوق]

اختي الفاضله نصيحه من اخ لاخته قبل كل شي توكلي الله واسكني البيت بالشي البسيط والميسر لك وماعليج من كلام حد ولا تثقلين كاهلج وفلوسك وفوق طاقتك وسوي مثل ماسويت انك تعتمدين على الاولى للتمويل او الجزيرة او اي مؤسسة او شركة تساعدك في توفير متطلبات بيتك من غرف نوم وكنب وفرش وسجاد واهما راح يدفعون للشركات وراح يقاسطون لك المبلغ بما تيسر لك ويمكن على 6 سنوات وشوي شوي عدلي من بيتك وحسب استطاعتك وترى وانا اخوج

الدنيا ماأنبنت بيوم

[حسن الاحمد]

شركة ليفينج سبيرت بين إشارات رمادا وإشارات بن محمود ... بس ما ادري اذا يشتغلون أقساط او لا
وعندج شركة التصميم المميز بين إشارات المنتزه والسينما

[أم شيوخ]

اختي الفاضله نصيحه من اخ لاخته قبل كل شي توكلي الله واسكني البيت بالشي البسيط والميسر لك وماعليج من كلام حد ولا تثقلين كاهلج وفلوسك وفوق طاقتك وسوي مثل ماسويت انك تعتمدين على الاولى للتمويل او الجزيرة او اي مؤسسة او شركة تساعدك في توفير متطلبات بيتك من غرف نوم وكنب وفرش وسجاد واهما راح يدفعون للشركات وراح يقاسطون لك المبلغ بما تيسر لك ويمكن على 6 سنوات وشوي شوي عدلي من بيتك وحسب استطاعتك وترى وانا اخوج

الدنيا ماأنبنت بيوم

لك جزيل الشكر....
احنا سكنا البيت بس مب كامل فرش وديكور وابغى ابتدي عشان جي وماعندي مبلغ كاش عشان جي حبيت اعرف اذا فيه شركة تساعدين في الاختيار الافضل وتنفذ وبلا عوار راس بروحي لنه مالي خبره وايد في التصاميم واهم شي ماتاخذ كل المبلغ او اجزئه مرتين او ثلالث يكون اكثر