غرفة الغسيل

[أم شيوخ]

لو سمحتوا ابي تصميم عملي ومريح وحلو بنفس الوقت حق غرفة الغسيل تقريبا اهي 2الا شوي في 2 ونص او 3 مب متاكده ...بس بشرط ابي واحد يعرف يسوي كل المطلوب رجاءا وبسرعه لو سمحتوا

[w.qatar]

اختي ما يبي لها شي

في جهه وحده بلكات كهرباء لعدد الغسالات اللي بتحطينهم + فتحات تصريف مياه و عدد صنابير ماي بعدد الغسالات بعد

وجهه فيها مغسسله و حطي جهه للرفوف لتخزين ادوات التنظيف و الصابون و غيرها

[dream~qa]

لتفادي تدفق الماي في الغرفة اعملي حوض من الطابوق للغسالات بارتفاع 20 سم وتكون فتحات التصريف داخلة

[q6ryah]

لتفادي تدفق الماي في الغرفة اعملي حوض من الطابوق للغسالات بارتفاع 20 سم وتكون فتحات التصريف داخلة
اتمنى ان مابلطنا غرفة الغسيل عشان ناخذ بنصيحتك
شوفي ياطويلة العمر احنا سوينا بانيو بس من بلاط حق القطع الكبيرة وحطينا سوكتات للغسالات وفوقهم رفوف لمواد التنظيف وداخل سوينا مروحة وبنحط طاولة للاوتي مع معلاق للملابس ورفوف لطوي الملابس
غرفتنا اعتقد 2في 4

[(عبدالله)]

أنا اللي عملته رحت اللولو وكارفور وخذت قياسات فتحات الماي (ساخن وبارد) + الصرف

في نوعين من الغسالات (من 3 إلى 10 كج)

النوع القديم الصرف تبعه تحت نازل بينه وبين الأرض 15-20 سم، هذا النوع الصرف له بخليه مباشر لين وانتوا بكرامة فتحة الصرف اللي في غرفة الغسيل.

الأنواع الجديدة، فتحة الصرف بحطها على ارتفاع 50 سم عن الأرض لأن هالنوع من الغسالات فيها مضخة ماي.

في كل هالأنواع فتحات الماي (الساخن والبارد) خليتها على ارتفاع 120 سم، ومقاس البيبات 3\4"، والمسافة بين الساخن والبارد 20-25 سم.


تبقى هاذي قياسات عامة وجهد شخصي والأفضل إن الغسالات اللي عندج جاهزة موجودة والبايفيتر يفصل على أساسها.

غرفة الغسيل اللي عندج مناسبة لغسالتين بس واذا تبين تكثرين خذي الطويلة على فوق اللي تستوعب حجم أكبر من الغسيل.

والله أعلم

[معماري قطري]

لتفادي تدفق الماي في الغرفة اعملي حوض من الطابوق للغسالات بارتفاع 20 سم وتكون فتحات التصريف داخلة

إرتفاع 20 سم وايد .. 5 سم كفاية وبعرض 70 - 80 وطول حسب طول الغرفة المتاح .. ويستحسن أخذ الغسالات قبل حتى تنعرف مواصفات ومكان الفتحة للتصريف .. العرض لو سويناه 80 سم والباب جاي 80 سم على جنب وله كتف 20 سم بيكون الوضع مناسب لأغلب الغسالات وممكن تتحرك شوي عن الحايط للتهوئة، وفتحة التصريف أضمن تكون ورا وبقطر 2 إنش أتوقع تكفي لكل بايبات التصريف للغسالات.

ممكن نسوي فوق الغسالات لو كانت بالعرض أرفف شبكية وعليها سلال خوص لتخفي الثياب ومواد التنظيف وتنسحب بسرعة .. في موضوع الجديد في المطابخ والحمامات فيه أمثلة كثيرة لما جاء سابقاً.

[MAZEN37]

انصح بعمل سوكت كهرب قوة مكيف
لاستخدامه بتشغيل النشافه انا تلعوزت ومدد ويرات لتقوية الكهرب

[معماري قطري]

انصح بعمل سوكت كهرب قوة مكيف
لاستخدامه بتشغيل النشافه انا تلعوزت ومدد ويرات لتقوية الكهرب

بعد مهم نخلي السوكتات مرتفعة حتى ما يوصلها الماي ولو ضد الماي أفضل.

[dream~qa]

اتمنى ان مابلطنا غرفة الغسيل عشان ناخذ بنصيحتك
شوفي ياطويلة العمر احنا سوينا بانيو بس من بلاط حق القطع الكبيرة وحطينا سوكتات للغسالات وفوقهم رفوف لمواد التنظيف وداخل سوينا مروحة وبنحط طاولة للاوتي مع معلاق للملابس ورفوف لطوي الملابس
غرفتنا اعتقد 2في 4

عادي أنا الحوض سويته بعد التبليط وحطيت بلاط لون ثاني مب مشكلة كلها الا غرفة غسيل خارجية

ما اعرف شلون سويتو بانيو ؟؟؟؟ اتوقع نفس فكرتنا اللي هو حوض من الطابوق وفتحة التصريف داخله

غرفتنا كبيرة 3 * 4 علشان جذيه خليتها غرفة غسيل وكوي

الغسالات وخزانة مواد التنظيف في جهه .. والجهة الثانية طاولة كوي وخزانة للملابس

وعملت علاق للملابس عند الحداد من الطوفة للطوفة بارتفاع 180 سم .. عملي ويستحمل .

[dream~qa]

إرتفاع 20 سم وايد .. 5 سم كفاية وبعرض 70 - 80 وطول حسب طول الغرفة المتاح .. ويستحسن أخذ الغسالات قبل حتى تنعرف مواصفات ومكان الفتحة للتصريف .. العرض لو سويناه 80 سم والباب جاي 80 سم على جنب وله كتف 20 سم بيكون الوضع مناسب لأغلب الغسالات وممكن تتحرك شوي عن الحايط للتهوئة، وفتحة التصريف أضمن تكون ورا وبقطر 2 إنش أتوقع تكفي لكل بايبات التصريف للغسالات.

ممكن نسوي فوق الغسالات لو كانت بالعرض أرفف شبكية وعليها سلال خوص لتخفي الثياب ومواد التنظيف وتنسحب بسرعة .. في موضوع الجديد في المطابخ والحمامات فيه أمثلة كثيرة لما جاء سابقاً.

بالعكس 5 سم وايد منخفض من واقع تجربة الماي وقت التصريف يرتفع منسوبه خصوصا لو غسالتين اللي يشتغلون والأضمن 20 سم أما العرض مناسب 80 سم .

[معماري قطري]

بالعكس 5 سم وايد منخفض من واقع تجربة الماي وقت التصريف يرتفع منسوبه خصوصا لو غسالتين اللي يشتغلون والأضمن 20 سم أما العرض مناسب 80 سم .

صح كلامج انا غلطان راح تفكيري في إنها قاعدة حق تكون عليها الغسالة وحتى لو إنغسل المكان الماي ما يروح تحت الغسالة .. الحوض انا مسويه خارجي قرب المطبخ الخارجي ولغسيل الزل والجدور الكبيرة وحتى لذبح الذبايح.

[dream~qa]

صح كلامج انا غلطان راح تفكيري في إنها قاعدة حق تكون عليها الغسالة وحتى لو إنغسل المكان الماي ما يروح تحت الغسالة .. الحوض انا مسويه خارجي قرب المطبخ الخارجي ولغسيل الزل والجدور الكبيرة وحتى لذبح الذبايح.

على فكرة ترى عمل القاعدة مش عملي كلش ولا أنصح فيه ... الحوض من تجربة يمنع الماي تماما من أنه يتدفق في غرفة الغسيل وتظل الغرفة جافة تماما وممكن يستفاد منها للكوي وللتخزين .

[w.qatar]

اختي وهج ممكن صوره لاني ما فهمت الفكره عدل

[أم شيوخ]

وانا بعد ابي صوره حق كل الي تقولونه واذا يصير اغير في تمديد الماي والسكتات بدون تخريييب البلاط ياليت تفيدوني