: الانتقاد المستمر ، دليل على الغيرة و الحسد ، فلا تصغو له

[قطري2022]

كثيرا ما نعاني من الانتقاد المحبط على اعمالنا الناجحة من قبل الحاسدين ، و تتسنى لهم فرصىة عظيمة للنقد و الشماتة حينما نتعرض للفشل في امر معين ، وانتقادهم دليل و اضح على حسدهم وشماتتهم ، فالحاسد ليس بمقدوره اخفاء حسده مهما كانت براعته في اخفاءها ،، فالانتقاد المستمر والتحبيط المستمران صفتا الحاسد ، فباستطاعتنا اكتشاف الناقد اذا ماكان حاسدا ام لا حينما نرى منه التحبيط او الشماتة باستمرار ، فمن يقوم بأحدهما او كلاهما فهو حاسد او غائر لامحالة ، فالحسد يبدأ بالغيرة ، و الغيرة فطرة في الانسان ، لكن على الانسان ان يتحكم بمشاعره و لا يجعلها تتحول الى حسد ، و ذلك بالرضا بما كتب له الله تعالى من رزق ومن ثم تشجيع من هم افضل منه ، ودفعهم الى الامام بدلا من احباطهم او التقليل من شأنهم او من انجازاتهم ، لذا ارجو من الحاسد ان يحول غيرته الى تشجيع و حب الخير للاخرين ، بدلا من تحويل غيرته الى حسد ، و ذلك أمر الله تعالى ، فاذا اراد رضا الله و الجنة و العتق من النار فعليه بالسير على نهج رب العباد ، علاوة على ذلك ،الحسد يجلب الامراض التي تأتي من التفكير الزائد ، كالسكر و الضغط وأمراض القلب ، فالحسد يجعل الانسان في تفكير مستمر بما لدى الاخرين الذي هو محروم منه ، لذا اخي الحاسد قلل من احتمال وقوعك بالامراض الناتجة عن الحسد و اتقي الله في نفسك ، لتعيش سعيدا بالدنيا و تفوز بالاخرة ، وتأكد بان الله سيعاقبك بحرمانك في الدنيا اكثر مما انت محروم .

[khalid525]

كلام به من الصحة الشي الكثير ، لكن هناك شخصيات لا تستطيع ان ترى الا السلبيات ، هي مبرمجة على ذلك ، طريقة تفكيرهم انتقادية ، لابسين قبعة النقد على طول ، هؤلاء ليسوا حسودين .

[أخت الكل]

كلام صحيح الله يطهر قلوبنا وقلب كل مؤمن من الغيره والحسد

أذكر في دورة من الدورات كان موضوعها مشابه لموضوعك أخوي وتقريبا كل البنات اشتكوا من وجود حاسد او غيور في مجال العمل او الاسرة او الاصدقاء وطلبوا من المحاضر حل او طريقه للتعامل معه

فكان حله عجيب صدمني لكن جربته وكانت النتيجه عجيبه

والحل هو عندما يبدء الشخص الحاسد او الغيور بحوار سلبي معك فتخيل سريعا أن أذناه تتحركان بسرعه للامام والخلف

النتيجة راح تضحك فيصاب الطرف الاخر بالصدمة من ابتسامتك فينسحب او يحبط من ابتسامتك وبالتالي تزيد ثقتك بنفسك

اتمنى اكون قدرت اوصل الفكرة

[ام السعف]

كلام به من الصحة الشي الكثير ، لكن هناك شخصيات لا تستطيع ان ترى الا السلبيات ، هي مبرمجة على ذلك ، طريقة تفكيرهم انتقادية ، لابسين قبعة النقد على طول ، هؤلاء ليسوا حسودين .

وفرت علي المشاركة ،،

شكرا لك

[قطري2022]

كلام به من الصحة الشي الكثير ، لكن هناك شخصيات لا تستطيع ان ترى الا السلبيات ، هي مبرمجة على ذلك ، طريقة تفكيرهم انتقادية ، لابسين قبعة النقد على طول ، هؤلاء ليسوا حسودين .

تسلم يا خالد ، لكن بصراحة ماشفت احد كثير الانتقاد و مب حسود

[قطري2022]

كلام صحيح الله يطهر قلوبنا وقلب كل مؤمن من الغيره والحسد

أذكر في دورة من الدورات كان موضوعها مشابه لموضوعك أخوي وتقريبا كل البنات اشتكوا من وجود حاسد او غيور في مجال العمل او الاسرة او الاصدقاء وطلبوا من المحاضر حل او طريقه للتعامل معه

فكان حله عجيب صدمني لكن جربته وكانت النتيجه عجيبه

والحل هو عندما يبدء الشخص الحاسد او الغيور بحوار سلبي معك فتخيل سريعا أن أذناه تتحركان بسرعه للامام والخلف

النتيجة راح تضحك فيصاب الطرف الاخر بالصدمة من ابتسامتك فينسحب او يحبط من ابتسامتك وبالتالي تزيد ثقتك بنفسك

اتمنى اكون قدرت اوصل الفكرة

تسلمين يا اخت الكل على مشاركتج الغالية .

[قطري2022]

وفرت علي المشاركة ،،

شكرا لك

انا ما شفت احد كثير الاتتقاد و مب حسود :)

[ريتويت]

كثيرا ما نعاني من الانتقاد المحبط على اعمالنا الناجحة من قبل الحاسدين ، و تتسنى لهم فرصىة عظيمة للنقد و الشماتة حينما نتعرض للفشل في امر معين ، وانتقادهم دليل و اضح على حسدهم وشماتتهم ، فالحاسد ليس بمقدوره اخفاء حسده مهما كانت براعته في اخفاءها ،، فالانتقاد المستمر والتحبيط المستمران صفتا الحاسد ، فباستطاعتنا اكتشاف الناقد اذا ماكان حاسدا ام لا حينما نرى منه التحبيط او الشماتة باستمرار ، فمن يقوم بأحدهما او كلاهما فهو حاسد او غائر لامحالة ، فالحسد يبدأ بالغيرة ، و الغيرة فطرة في الانسان ، لكن على الانسان ان يتحكم بمشاعره و لا يجعلها تتحول الى حسد ، و ذلك بالرضا بما كتب له الله تعالى من رزق ومن ثم تشجيع من هم افضل منه ، ودفعهم الى الامام بدلا من احباطهم او التقليل من شأنهم او من انجازاتهم ، لذا ارجو من الحاسد ان يحول غيرته الى تشجيع و حب الخير للاخرين ، بدلا من تحويل غيرته الى حسد ، و ذلك أمر الله تعالى ، فاذا اراد رضا الله و الجنة و العتق من النار فعليه بالسير على نهج رب العباد ، علاوة على ذلك ،الحسد يجلب الامراض التي تأتي من التفكير الزائد ، كالسكر و الضغط وأمراض القلب ، فالحسد يجعل الانسان في تفكير مستمر بما لدى الاخرين الذي هو محروم منه ، لذا اخي الحاسد قلل من احتمال وقوعك بالامراض الناتجة عن الحسد و اتقي الله في نفسك ، لتعيش سعيدا بالدنيا و تفوز بالاخرة ، وتأكد بان الله سيعاقبك بحرمانك في الدنيا اكثر مما انت محروم .

هالجمله ذكرتني بصديقه كنت اعتبرها اخت لي لكن سبحان الله مع الوقت اكتشفت انها انانيه مايهمها الا مصلحتها وبالاخير قامت تبين وتسب الكل وتبين حقدها وحسدها

الله يهديها

[ام السعف]

انا ما شفت احد كثير الاتتقاد و مب حسود :)

واشلون تعرف انه حسود ؟

اعرف وحدة ما تنتقد خير شر وكله تجامل وتبرز المحاسن ومع هذا حسودة
واعرف ناس كلهم على بعضهم مب مال انتقاد بس فيهم حسد يبان في عيونهم
ومن اسئلتهم ،،

فالانتقاد مب شرط يكون ملازم للحسد ،،

لأنهم حالتين مختلفتين ممكن يجتمعون وممكن لا ،،

[قطري2022]

واشلون تعرف انه حسود ؟

اعرف وحدة ما تنتقد خير شر وكله تجامل وتبرز المحاسن ومع هذا حسودة
واعرف ناس كلهم على بعضهم مب مال انتقاد بس فيهم حسد يبان في عيونهم
ومن اسئلتهم ،،

فالانتقاد مب شرط يكون ملازم للحسد ،،

لأنهم حالتين مختلفتين ممكن يجتمعون وممكن لا ،،

طبعا هالشي يعتمد على قدرتي في تحليلي شخصية الاخرين ، و الحمدلله عندي خلفية تخليني اعرف اميز الحسود من غيره ، الانتقاد البسيط مامنه حسد ، لكن الانتقاد المستمر هو دليل الحسد و الغيرة ، لكن احيانا الانتقاد ممكن يكون بسيط لكن يبين فيه الحسد بعد ، يعني مثل ما قلت يعتمد على معرفتج في تحليل الشخصيات .

[ام السعف]

طبعا هالشي يعتمد على قدرتي في تحليلي شخصية الاخرين ، و الحمدلله عندي خلفية تخليني اعرف اميز الحسود من غيره ، الانتقاد البسيط مامنه حسد ، لكن الانتقاد المستمر هو دليل الحسد و الغيرة ، لكن احيانا الانتقاد ممكن يكون بسيط لكن يبين فيه الحسد بعد ، يعني مثل ما قلت يعتمد على معرفتج في تحليل الشخصيات .
في ناس بطبعهم منتقدين ....> يعني لما تلقى رجل ينتقد اخته على ملابسها
فهل اهنيه نقول انه يغار منها او يحسدها لأنه ما يقدر يلبس مثلها او يبي يكون احسن منها ؟

طبعا لا ،

فممكن الغيرة والحسد يكنون يولدون الانتقاد لكن مب قاعدة تطبق على كل منتقد ،،

اليوم بالنسبة لي وايد انتقد عيالي في امور معينة ويدرون اني ما يعجبني شي
فهل احقد عليهم او اغار منهم ولا اببي احسدهم ؟

[قطري2022]

في ناس بطبعهم منتقدين ....> يعني لما تلقى رجل ينتقد اخته على ملابسها
فهل اهنيه نقول انه يغار منها او يحسدها لأنه ما يقدر يلبس مثلها او يبي يكون احسن منها ؟

طبعا لا ،

فممكن الغيرة والحسد يكنون يولدون الانتقاد لكن مب قاعدة تطبق على كل منتقد ،،

اليوم بالنسبة لي وايد انتقد عيالي في امور معينة ويدرون اني ما يعجبني شي
فهل احقد عليهم او اغار منهم ولا اببي احسدهم ؟

لا عاد مب جذي يا ام السعف :) الي تسوينه اكيد غير والي ينتقد ملابس اخته اكيد انه يغار عليها مب يغار منها ، انا كان قصدي اللي لما تكونين فخورة بشي معين سويتيه ، و قلتيه لرفيجتج او اي شخص ، يجي يقلل من قيمة الشي الي انتي فخورة فيه ، و يسوي هالشي باستمرار .الظاهر كان لازم اخلي العنوان : التحبيط المستمر دليل على الغيرة و الحسد ، فعلا نبهتيني ، لازم العنوان يكون جذي .

[ام السعف]

لا عاد مب جذي يا ام السعف :) الي تسوينه اكيد غير والي ينتقد ملابس اخته اكيد انه يغار عليها مب يغار منها ، انا كان قصدي اللي لما تكونين فخورة بشي معين سويتيه ، و قلتيه لرفيجتج او اي شخص ، يجي يقلل من قيمة الشي الي انتي فخورة فيه ، و يسوي هالشي باستمرار .الظاهر كان لازم اخلي العنوان : التحبيط المستمر دليل على الغيرة و الحسد ، فعلا نبهتيني ، لازم العنوان يكون جذي .

يعني تبينا نقتنع ان كل من ينتقد وااايد على اي شي نسويه او اي فرحة لنا او اي
مناسبة لنا او اي نلبسه يكون حسودي ؟ :(

[قطري2022]

يعني تبينا نقتنع ان كل من ينتقد وااايد على اي شي نسويه او اي فرحة لنا او اي
مناسبة لنا او اي نلبسه يكون حسودي ؟ :(

اذا كان الانتقاد على كل شي او اغلب الاشياء ، و خصوصا لو في ناس غيرهم يشوفون ان اللي سويتيه شي حلو ، لكن اذا الانتقاد ماكان مستمر او كان على خفيف ، فالامر اهني نسبي و واللي يحدده متلقي الانتقاد

[sweet qatar]

ممكن الانتقاد المستمر يدل على الغيرة والحسد

وممكن يكون طريقة سيئة للتعبير عن الحب


أحيانا من حبنا لبعض الأشخاص نحاول ننبهم لتفاصيل غافلين عنها
لأن في عقلنا احنا نمون وما بيتحسسون منا

وللأسف بهالطريقة احنا نكسر فرحتهم وثقتهم بنفسهم


او مثل ما ذكروا الأخوان وجود بعض الناس من أصحاب النظارات السوداء
الي ما يشوفون في الدنيا الا عيوبها


اذا عرفت ان الي جدامك ..غيور أو حاسد .. ممكن تتخلى عنه بسهولة وتعيش حياتك مرتاح

لكن اذا كان الشخص هذا يحبك ومن حبه لك يبي يوصلك لدرجة الكمال

او شخص انت تحبه لكنه سلبي كل كلامه نقد



الي أقصده لو الشخص هذا يقرب لك او يعز عليك او يحبك

شلون ما بتسمع له ؟؟

[ام السعف]

اذا كان الانتقاد على كل شي او اغلب الاشياء ، و خصوصا لو في ناس غيرهم يشوفون ان اللي سويتيه شي حلو ، لكن اذا الانتقاد ماكان مستمر او كان على خفيف ، فالامر اهني نسبي و واللي يحدده متلقي الانتقاد

مرة سويت اشياء حلوة المفروض تكون حلوة او اقلها مب بشعة
فلقيت الانتقادات من اقرب الناس لي ....> فهل اقول هم يحسدوني ؟

اللي اشوفه انهم ما عندهم ذوق في التعامل مع الانسان او ما عندهم اسلوب
في التعبير او ما عندهم احساس بالآخرين وهم يتكلمون ،،

لكن هل اعتبر تصرفهم حسد ؟

لا مب شرط يكون حسد يا اخوي قطري 2022

[قطري2022]

ممكن الانتقاد المستمر يدل على الغيرة والحسد

وممكن يكون طريقة سيئة للتعبير عن الحب


أحيانا من حبنا لبعض الأشخاص نحاول ننبهم لتفاصيل غافلين عنها
لأن في عقلنا احنا نمون وما بيتحسسون منا

وللأسف بهالطريقة احنا نكسر فرحتهم وثقتهم بنفسهم


او مثل ما ذكروا الأخوان وجود بعض الناس من أصحاب النظارات السوداء
الي ما يشوفون في الدنيا الا عيوبها


اذا عرفت ان الي جدامك ..غيور أو حاسد .. ممكن تتخلى عنه بسهولة وتعيش حياتك مرتاح

لكن اذا كان الشخص هذا يحبك ومن حبه لك يبي يوصلك لدرجة الكمال

او شخص انت تحبه لكنه سلبي كل كلامه نقد



الي أقصده لو الشخص هذا يقرب لك او يعز عليك او يحبك

شلون ما بتسمع له ؟؟

بصراحة انا شفت الناس الي من القرايب الي ينتقدون ، موقعهم او مستوى قرابتهم يقولون انهم المفروض انتقادهم من دافع المحبة و الخوف و الوصول للكمال ، لكن اشوفهم مع ناس ثانيين ، يبين عليهم الحسد و شلون هم مقهورين من الناس اللي احسن منهم ، فاتوقع ذيل ممكن بعض انتقادهم يكون من دافع الخوف على متلقي الانتقاد ، لكن بعد بيكون فيه حسد اذا حسو ان المتلقي احسن منهم ، ادري ان كلامي غريب و البعض بينصدمون ، لكن هذي حالات شفتها جدام عيوني مع ناس اعرفهم

[تحداني]

زمان يا اخوي قطري كنت ادقق في كلام الغير لي
كنت اعتبره نوع من الحب ونوع من الاهتمام ونوع من الحرص والخوف
مع الايام تكونت لدي قناعه مب كامله .. ان رب العالمين خلق هالفئه فقط من باب الاعتراض
الاعتراض على النجاح .. على النقاش .. على اسلوب الحياه
يلبسونك لباس ماهو حقيقي من اجل فقط ابراز محاسنهم
مع العلم قد تكون محاسنهم بارزه في امور اخرى لايحتاجون الحديث عنها

هناك فئه تحتاج بين الحين والآخر لغها اسمها تكلم الين ما راسك ينفجر
لما ينفجر راسك بتتعب وبتيأس من مماراستك


اعتقد انني ناجحه في التعامل مع هالاشكال
لكن فاشله في رد الشي بالشي نفسه


جملك الله برضاه

[كازانوفا]

الدنيا علمتني دروس كثيره بالنسبه لموضوع الحقد والحسد اللى شفته من اللى عرفتهم بحياتي
فصرت اسوي اي شي لو اغيب شهور وسنين وبالاخير اظهر لهم بالانتاج وهنا الردود تكون مره وحده فيكون عندي استعداد لاي حسد او انتقاد او ما شابه ذلك...
لكن طول ما انا مثلا على سبيل المثال ادرس شي واللى حولي عالطلعه والدخله رامين كلام بياذيني في نفسي لقيت نفسي اني اتخد قرار لا يعلمه احد وهو انجاز الشي على قدر المستطاع بالخفي
والاكشنات اللى راح اشوفها باخر حلقه اكون مستعده لهاا
ان شالله تكون فهمت علي

[sweet qatar]

بصراحة انا شفت الناس الي من القرايب الي ينتقدون ، موقعهم او مستوى قرابتهم يقولون انهم المفروض انتقادهم من دافع المحبة و الخوف و الوصول للكمال ، لكن اشوفهم مع ناس ثانيين ، يبين عليهم الحسد و شلون هم مقهورين من الناس اللي احسن منهم ، فاتوقع ذيل ممكن بعض انتقادهم يكون من دافع الخوف على متلقي الانتقاد ، لكن بعد بيكون فيه حسد اذا حسو ان المتلقي احسن منهم ، ادري ان كلامي غريب و البعض بينصدمون ، لكن هذي حالات شفتها جدام عيوني مع ناس اعرفهم

ممكن توضح أكثر ؟؟

لأن الي يحبك وبينتقدك عشان يوصلك للكمال

ما بيهتم بالآخرين و يمكن ينتقدهم بس على خفيف

[الماريّة]

:)
فكان حله عجيب صدمني لكن جربته وكانت النتيجه عجيبه

والحل هو عندما يبدء الشخص الحاسد او الغيور بحوار سلبي معك فتخيل سريعا أن أذناه تتحركان بسرعه للامام والخلف

النتيجة راح تضحك فيصاب الطرف الاخر بالصدمة من ابتسامتك فينسحب او يحبط من ابتسامتك وبالتالي تزيد ثقتك بنفسك

اتمنى اكون قدرت اوصل الفكرة



ححححححححححل ممتاز ياليتج كنتي قايلته من قبل كان فادني واجد:)

المشكلة لما يجيك الحسد والغيره في دوامك من اقرب الناس لك والسبب ان غيره يوزه عليك
ذيك اللحظة ماتت صلة القرابه تماما

[OM_OMAR_QATAR]

الآنتقاد البنّاء: يتعارض مع الانتقاد الشمولي الجذري المعارض.. ويتفق مع الانتقاد الموجِه المحفّز ..
الانتقاد الهدّام : هو الذم في موضع المدح .. والمدح في موضع الذم .. كلاهما برأيي يؤولون الى نفس النتيجة ..


اما حد يجي ينبهك او يوجهك وتقوله يخي خل نقدك يكون بناء..
مثل كثير ناس تعتقد النقد البناء هو المدح بحد ذاته وهذا خطأ

[قطري2022]

:)



ححححححححححل ممتاز ياليتج كنتي قايلته من قبل كان فادني واجد:)

المشكلة لما يجيك الحسد والغيره في دوامك من اقرب الناس لك والسبب ان غيره يوزه عليك
ذيك اللحظة ماتت صلة القرابه تماما

قالها الرسول صلى الله عليه و سلم ، اقضوا حوائجكم بالكتمان ، لان عارف نفوس الناس اشلون ، و فعلا الحسد ممكن يجي من اقرب الناس .

[قطري2022]

ممكن الانتقاد المستمر يدل على الغيرة والحسد

وممكن يكون طريقة سيئة للتعبير عن الحب


أحيانا من حبنا لبعض الأشخاص نحاول ننبهم لتفاصيل غافلين عنها
لأن في عقلنا احنا نمون وما بيتحسسون منا

وللأسف بهالطريقة احنا نكسر فرحتهم وثقتهم بنفسهم


او مثل ما ذكروا الأخوان وجود بعض الناس من أصحاب النظارات السوداء
الي ما يشوفون في الدنيا الا عيوبها


اذا عرفت ان الي جدامك ..غيور أو حاسد .. ممكن تتخلى عنه بسهولة وتعيش حياتك مرتاح

لكن اذا كان الشخص هذا يحبك ومن حبه لك يبي يوصلك لدرجة الكمال

او شخص انت تحبه لكنه سلبي كل كلامه نقد



الي أقصده لو الشخص هذا يقرب لك او يعز عليك او يحبك

شلون ما بتسمع له ؟؟

اهني يعتمد على متلقي الانتقاد ، يعتمد على خبرته في الحياة في الناس ، و بمعنى ادق ، لازم يكون فاهم اشلون يحلل شخصية الاخرين و يعرف لغة الجسد و يفهم في تعابير الوجه ، اهني بيعر ف يفرق اذاا اللي يكلمه حاسده و لا ينتقده من دافع المحبة .

[قطري2022]

زمان يا اخوي قطري كنت ادقق في كلام الغير لي
كنت اعتبره نوع من الحب ونوع من الاهتمام ونوع من الحرص والخوف
مع الايام تكونت لدي قناعه مب كامله .. ان رب العالمين خلق هالفئه فقط من باب الاعتراض
الاعتراض على النجاح .. على النقاش .. على اسلوب الحياه
يلبسونك لباس ماهو حقيقي من اجل فقط ابراز محاسنهم
مع العلم قد تكون محاسنهم بارزه في امور اخرى لايحتاجون الحديث عنها

هناك فئه تحتاج بين الحين والآخر لغها اسمها تكلم الين ما راسك ينفجر
لما ينفجر راسك بتتعب وبتيأس من مماراستك


اعتقد انني ناجحه في التعامل مع هالاشكال
لكن فاشله في رد الشي بالشي نفسه


جملك الله برضاه

تحداني ، لج من عندي نص مليون ريال وتاخذين فيها طقم الماس من الفردان :)، لان هذا هو الحل معاج :)

[قطري2022]

الآنتقاد البنّاء: يتعارض مع الانتقاد الشمولي الجذري المعارض.. ويتفق مع الانتقاد الموجِه المحفّز ..
الانتقاد الهدّام : هو الذم في موضع المدح .. والمدح في موضع الذم .. كلاهما برأيي يؤولون الى نفس النتيجة ..


اما حد يجي ينبهك او يوجهك وتقوله يخي خل نقدك يكون بناء..
مثل كثير ناس تعتقد النقد البناء هو المدح بحد ذاته وهذا خطأ

صح الله لسانج يا ام عمر ، و بهالمناسبة السعيدة انا بشتري بضاعتج كلها اليوم من باب المكافأة هالكلام الجميل :)

[قطري2022]

الدنيا علمتني دروس كثيره بالنسبه لموضوع الحقد والحسد اللى شفته من اللى عرفتهم بحياتي
فصرت اسوي اي شي لو اغيب شهور وسنين وبالاخير اظهر لهم بالانتاج وهنا الردود تكون مره وحده فيكون عندي استعداد لاي حسد او انتقاد او ما شابه ذلك...
لكن طول ما انا مثلا على سبيل المثال ادرس شي واللى حولي عالطلعه والدخله رامين كلام بياذيني في نفسي لقيت نفسي اني اتخد قرار لا يعلمه احد وهو انجاز الشي على قدر المستطاع بالخفي
والاكشنات اللى راح اشوفها باخر حلقه اكون مستعده لهاا
ان شالله تكون فهمت علي

فهمت و نص ، و هذا اسلوبي اساسا ، لان اللي شفته من الناس مب شوي ، و قالها الرسول عليه الصلاة و السلام، اقضوا حوائجكم بالكتمان ، لان عارف عن هالاشكال اللي نواجهها باستمرار :)

[قطري2022]

مرة سويت اشياء حلوة المفروض تكون حلوة او اقلها مب بشعة
فلقيت الانتقادات من اقرب الناس لي ....> فهل اقول هم يحسدوني ؟

اللي اشوفه انهم ما عندهم ذوق في التعامل مع الانسان او ما عندهم اسلوب
في التعبير او ما عندهم احساس بالآخرين وهم يتكلمون ،،

لكن هل اعتبر تصرفهم حسد ؟

لا مب شرط يكون حسد يا اخوي قطري 2022

اهني يعتمد على متلقي الانتقاد ، يعتمد على خبرته في الحياة في الناس ، و بمعنى ادق ، لازم يكون فاهم اشلون يحلل شخصية الاخرين و يعرف لغة الجسد و يفهم في تعابير الوجه ، اهني بيعرف يفرق اذاا اللي يكلمه حاسده و لا ينتقده من دافع المحبة ، او الخلل في اسلوب النقد مع صفاء النية ، من جذي اقول ان الانسان لازم يتعلم تحليل شخصية الاخرين ، عرفتي ليش الحين ؟:)

[OM_OMAR_QATAR]

صح الله لسانج يا ام عمر ، و بهالمناسبة السعيدة انا بشتري بضاعتج كلها اليوم من باب المكافأة هالكلام الجميل :)

:omg::omg::omg:
ترة الوعد ذمــــــــة :eek5: لاترجع بكلمتك بس :telephone:

[قطري2022]

:omg::omg::omg:
ترة الوعد ذمــــــــة :eek5: لاترجع بكلمتك بس :telephone:

ابشري ، و بعد شوي بطرش لج على الموقع شيك مفتوح و حطي المبلغ اللي تبينه بعد ما اشتري البضاعة كلها :)

[قطريه22]

صحيح كلامك في ناس مهما تلبس ومهما تسوي من خير مايبين في عينهم ودايم ينتقدون

في ناس مايحبون حد يكون احسن منهم فينتقدون حتى لو الشيء عاجبهم


اشكرك على مواضيعك المميزه واتمنى الاعضاء يشاركون فيها لانها فعلاً مميزه

[قطري2022]

صحيح كلامك في ناس مهما تلبس ومهما تسوي من خير مايبين في عينهم ودايم ينتقدون

في ناس مايحبون حد يكون احسن منهم فينتقدون حتى لو الشيء عاجبهم


اشكرك على مواضيعك المميزه واتمنى الاعضاء يشاركون فيها لانها فعلاً مميزه

لج جزيل الشكر و هذا من ذوقج و البعض مماعندج و الله ، تسلمين انشالله يارب .

[OM_OMAR_QATAR]

ابشري ، و بعد شوي بطرش لج على الموقع شيك مفتوح و حطي المبلغ اللي تبينه بعد ما اشتري البضاعة كلها :)

خوش.. انتظر :telephone:
بس انت قول لي اول كم سعر الرنج :shy:

[قطري2022]

خوش.. انتظر :telephone:
بس انت قول لي اول كم سعر الرنج :shy:

من اربعمية و سبعين الف لين ستمية اختاري اللي تبينه :)

[R 7 A L]

فيه فرق بين الانتقاد والتجريح وتصيد الاخطاء

ياليت اول نعرف نفرق بينها بعدين نعرف من يريد لنا الخير ومن يحسدنا

[قطري2022]

فيه فرق بين الانتقاد والتجريح وتصيد الاخطاء

ياليت اول نعرف نفرق بينها بعدين نعرف من يريد لنا الخير ومن يحسدنا

تصيد الاخطاء ، و اضح انه حسد و تعمد التحبيط غالبا ، الا في بعض الحالات يكون انتقام من شخص اساء لشخص ثاني ، فيجي الثاني ينتقم منه بتصيد الاخطاء .
الانتقاد اذا ماكان مستمر وماكان على كل شي ، معناها انه انتقاد بناء و نابع من محبة ، و الهدف منه تحسين و ضع متلقي الانتقاد .
التجريح ممكن يكون اثناء النقد البناء او اثناء الحسد .

واللي بيعلمنا اشلون نفرق بينهم و وبيلمنا اشلون نوعى من مضرة الناس ، هو علم تحليل الشخصية .

[sweet qatar]

اهني يعتمد على متلقي الانتقاد ، يعتمد على خبرته في الحياة في الناس ، و بمعنى ادق ، لازم يكون فاهم اشلون يحلل شخصية الاخرين و يعرف لغة الجسد و يفهم في تعابير الوجه ، اهني بيعر ف يفرق اذاا اللي يكلمه حاسده و لا ينتقده من دافع المحبة .




لما تحب شخص صعب تنظر لمثل هذه الإشارات

انت تؤمن و تتوقع منه الحب ورغبته في الخير لك



بسألك انت ما تعتقد ان في شخص سلبي لمجرد انه سلبي

يعني هو مب حاسد .. لكن يحب يبرز العيوب ويكبرها ويعذرب في كل شي ؟؟

[قطري2022]

لما تحب شخص صعب تنظر لمثل هذه الإشارات

انت تؤمن و تتوقع منه الحب ورغبته في الخير لك



بسألك انت ما تعتقد ان في شخص سلبي لمجرد انه سلبي

يعني هو مب حاسد .. لكن يحب يبرز العيوب ويكبرها ويعذرب في كل شي ؟؟

لحد الحين ماشفت احد دايم الانتقاد ومب حسود ، في ناس ممكن يحبوني ويحسدوني في نفس الوقت ، ذي امر طبيعي ،، في هالحالة لازم اكون حذر معاهم و ماقولهم على الاشيا الطيبة الي تصير معاي ، ادري ان هالكلام غريب و انصدمتي منه ، لكن ترى الي بيعرف معنى كلامي ، هو الي خبرة ف يالحياة و شاف الويل منها و من الناس :)

[sweet qatar]

يحسدك يعني يتمنى زوال النعمة منك

معقولة يحبك ويبي لك المضرة ؟؟


يمكن صعب يتصدق .. بس كل شي موجود وممكن

انزين شلون اتعامل معاهم ؟؟ ..

صعبة اني اقول لأي شخص ان فلان يحسدني .. بيكذبوني وبيطلعوني جاحدة

شلون اتجاهل كلامه ؟؟


وانا الي اتمنى انه يمدحني واسمع منه كلمة حلوة

[OM_OMAR_QATAR]

من اربعمية و سبعين الف لين ستمية اختاري اللي تبينه :)

لالالا هاي الصغيرة بكم.. حرام نخسرك نص مليون ليش :telephone:

[قطري2022]

يحسدك يعني يتمنى زوال النعمة منك

معقولة يحبك ويبي لك المضرة ؟؟


يمكن صعب يتصدق .. بس كل شي موجود وممكن

انزين شلون اتعامل معاهم ؟؟ ..

صعبة اني اقول لأي شخص ان فلان يحسدني .. بيكذبوني وبيطلعوني جاحدة

شلون اتجاهل كلامه ؟؟


وانا الي اتمنى انه يمدحني واسمع منه كلمة حلوة

مب اي شي ينقال لاي واحد ، لما تفكرين تقولين شي حق شخص ، لازم انتي تكونين عارفة اذا هو من النوع الي يتقبل كلامج و لا لا ، طبعا بتعرفين من خلال تجاربج السابقة معاه ، و اذا شفتي انه ما يتقبل الكلام الي بتقولينه او ما يؤمن فيه ، فلاتعورين راسج معاه ، لانه اكيد خبرته ما و صلته لمرحلة الموضوع الي بتكلمينه فيه .
واذا كان هالشخص لازم تتسمعين منه كلمة ، و هو اصلا حسود ، لاتقولين له اشياء انتي احسن فيها منه ، و اخذي المدح من شخص ثاني قلبه نظيف ، مثل رفيجتج او اخوج او اختج او اي احد من قرايبج ، وما عليج من كلام الي حولج الل ييقوولون ازواجنا سوو و ازواجنا قالو ، ترى ثلاث ارباعه خرط ، ولا تماشينهم اساسا لانهم بيعورون قلبج بمفوشرهم المبالغ فيه ، تلقين ازواجهم ماعطينهم على روسهم وهم يبينون لج شي ثاني ، وترى مافي زوج كامل و لا زوجة كاملة ، وهذي سنة الحياة وقدر الله سبحانه و لا زم تتأقلمين عليهم وركزي في الاشيا الايجابية بس ، و ترى الغيرة فطرية في الانسان ، بس مب اي واحد الي يقدر يتحكم فيها و يمنعها من التحول الى حسد .

[قطري2022]

لالالا هاي الصغيرة بكم.. حرام نخسرك نص مليون ليش :telephone:

عيل عنادا فيج باخذ لج بنتلي :)

[aziz4z]

ماعليش , في كثير من الاباء ينتقدون أعمال أبنائهم , حتى و إن كانوا متفوقين , فهل هذا حسد ؟
و حتى ممكن بعض الاحيان يطلب منهم شيئا , فعندما يأتي به , ينتقده أيضا , هل هذا حسد ؟
بس مجرد سؤال , لأنها تصادفني في أكثر من شخص

[sweet qatar]

ماعليش , في كثير من الاباء ينتقدون أعمال أبنائهم , حتى و إن كانوا متفوقين , فهل هذا حسد ؟
و حتى ممكن بعض الاحيان يطلب منهم شيئا , فعندما يأتي به , ينتقده أيضا , هل هذا حسد ؟
بس مجرد سؤال , لأنها تصادفني في أكثر من شخص

بالضبط ..

ردي السابق عن القرايب الي مستحيل نقدر نتحاشاهم

وهم في موقع يخليك تتأكد مليون بالمية انهم يحبونك

مثل الوالدين العم والعمة الخال والخالة .. وكذا

ممكن يخنقوني بالنقد ويتركون غيري .. لأنهم يحبوني أكثر وحريصين علي

[قطري2022]

ماعليش , في كثير من الاباء ينتقدون أعمال أبنائهم , حتى و إن كانوا متفوقين , فهل هذا حسد ؟
و حتى ممكن بعض الاحيان يطلب منهم شيئا , فعندما يأتي به , ينتقده أيضا , هل هذا حسد ؟
بس مجرد سؤال , لأنها تصادفني في أكثر من شخص

من الاب و والام غالبا يكون النقد بهدف التحسين ، و من الاخر ، لازم الانسان يتعلم تحليل شخصيات الاخرين و علشان يعرف يفرق بين الحاسد واللي ينتقد بهدف التصحيح ، بس الطامة الكبرى اني شفت اباء و امهات ينتقدون عيالهم من باب الغيرة او الحسد ، ادري ان محد بيصدق بس هذا اللي شفته ، و اللي بيشغل مخه و يلاحظ الحالات اللي حوله بيعرف ، لاني في ناس كانو يشتكون من ابائهم و امهاتهم ، و لما اسمع الكلام اللي ينقال لعيالهم يتضح ان هذا حسد .

[قطري2022]

بالضبط ..

ردي السابق عن القرايب الي مستحيل نقدر نتحاشاهم

وهم في موقع يخليك تتأكد مليون بالمية انهم يحبونك

مثل الوالدين العم والعمة الخال والخالة .. وكذا

ممكن يخنقوني بالنقد ويتركون غيري .. لأنهم يحبوني أكثر وحريصين علي

ما كنت ابي اقول ان في والدين ينتقدون من باب الحسد ، لكن انا صريح و مضطر اني اعترف يهالشي ، و انا شفت حالات جدام عيوني ، و ادري مابيعجبج كلامي ، لكن ابتدي لاحظي و تذكري الاشيا اللي صارت مع غيرج و بتعرفين .

[aziz4z]

من الاب و والام غالبا يكون النقد بهدف التحسين ، و من الاخر ، لازم الانسان يتعلم تحليل شخصيات الاخرين و علشان يعرف يفرق بين الحاسد واللي ينتقد بهدف التصحيح ، بس الطامة الكبرى اني شفت اباء و امهات ينتقدون عيالهم من باب الغيرة او الحسد ، ادري ان محد بيصدق بس هذا اللي شفته ، و اللي بيشغل مخه و يلاحظ الحالات اللي حوله بيعرف ، لاني في ناس كانو يشتكون من ابائهم و امهاتهم ، و لما اسمع الكلام اللي ينقال لعيالهم يتضح ان هذا حسد .

المشكلة في نقد الاباء , ممكن يحطم الطفل , و و يتكون لديه لديه شحصية أنه مهما فعل , فإنه لن يرضي أباه , و ربما بعض الاحيان يأتي مسرورا إلى البيت ليعلم أباه بتفوقه , ظنا منه أنه ربما يسعد أباه, و لكن يحدث العكس , ينتقده , فيتحطم نفسيا

هاي مشكلة كبرى تواجه العديد من الطلبة
الله يهديهم

[sweet qatar]

وجهة نظر .. ممكن تكون صحيحة في بعض الحالات


بعض الآباء يحسون ان عيالهم عايشين بنعمة و مب حاسين فيها

طبعا بالقياس على حياتهم السابقة وصعوبتها


بس أكيد في أسباب أخرى منها رغبتهم الحقيقية في الحصول على ابناء مثاليين أو رغبتهم ان ابنائهم يحققون الي عجزوا عنه

[ضوى]

ما كنت ابي اقول ان في والدين ينتقدون من باب الحسد ، لكن انا صريح و مضطر اني اعترف يهالشي ، و انا شفت حالات جدام عيوني ، و ادري مابيعجبج كلامي ، لكن ابتدي لاحظي و تذكري الاشيا اللي صارت مع غيرج و بتعرفين .

:eek5::eek5::eek5::eek5:

والدين يحسدون عيالهم ؟؟ بتجلطني يا قطري انت :rolleyes2:

[قطري2022]

:eek5::eek5::eek5::eek5:

والدين يحسدون عيالهم ؟؟ بتجلطني يا قطري انت :rolleyes2:

اذ مب حسد ، فأتوقع غيرة شديدة من الابناء لكن ما استبعد الحسد من بعض الوالدين ، لانهم يحبطونهم على انجازات المفروض يفخرون فيها كوالدين ، ادري ان اللي قلته صعب يصدق وكنت متردد لا اقوله في البداية ، لكن شفت الاخ عزيز تكلم في الموضوع، فعرفت ان في غيري اكتشفوا هالحقيقة المرة وتشجعت اقولها .

[sweet qatar]

:eek5::eek5::eek5::eek5:

والدين يحسدون عيالهم ؟؟ بتجلطني يا قطري انت :rolleyes2:

اسم الله عليج من الشر


ممكن يا ضوى ..يحسدونهم بشكل متعمد أو غير متعمد

ولا تقيسين مشاعر الناس بمشاعرج تجاه عيالج.. كل شخص يتأثر بماضيه وحياته

ناس وايد يطلعون عقدهم في عيالهم


الله يهدي الجميع

[قطري2022]

اسم الله عليج من الشر


ممكن يا ضوى ..يحسدونهم بشكل متعمد أو غير متعمد

ولا تقيسين مشاعر الناس بمشاعرج تجاه عيالج.. كل شخص يتأثر بماضيه وحياته

ناس وايد يطلعون عقدهم في عيالهم


الله يهدي الجميع
اشكرج يا سويتي على مساندتج ، و لج من عندي بنتلي من الوكالة :)

[sweet qatar]

ههههههههه

ماشالله عليك ما تحتاج .. شكرا على كرمك :)

[قطري2022]

ههههههههه

ماشالله عليك ما تحتاج .. شكرا على كرمك :)

العفو ومشكورة على اسلوبج الرقيق الابيض المتوسط :)

[نور الحور]

ممكن الانتقاد المستمر يدل على الغيرة والحسد

وممكن يكون طريقة سيئة للتعبير عن الحب


أحيانا من حبنا لبعض الأشخاص نحاول ننبهم لتفاصيل غافلين عنها
لأن في عقلنا احنا نمون وما بيتحسسون منا

وللأسف بهالطريقة احنا نكسر فرحتهم وثقتهم بنفسهم


او مثل ما ذكروا الأخوان وجود بعض الناس من أصحاب النظارات السوداء
الي ما يشوفون في الدنيا الا عيوبها


اذا عرفت ان الي جدامك ..غيور أو حاسد .. ممكن تتخلى عنه بسهولة وتعيش حياتك مرتاح

لكن اذا كان الشخص هذا يحبك ومن حبه لك يبي يوصلك لدرجة الكمال

او شخص انت تحبه لكنه سلبي كل كلامه نقد



الي أقصده لو الشخص هذا يقرب لك او يعز عليك او يحبك

شلون ما بتسمع له ؟؟




معاج سويت :victory:

أنا صرت اتبع مبدأ : (استعينوا على قضاء حوائجكم بالكتمان) ..

حتى أأمن حسد الحاسد ، وتحبيط المحب من هذا النوع .. وأبعد عن انتقاد السلبيين ..

والحمدلله مريحة راسي .. وبعد ما نسلم :(

[الماريّة]

تصيد الاخطاء ، و اضح واللي بيعلمنا اشلون نفرق بينهم و وبيلمنا اشلون نوعى من مضرة الناس ، هو علم تحليل الشخصية .



كلامك سلييييم

وياليت توضح اكثر بضرب امثلة

لاني فعلا ماقمت اميز بين الي ينتقد او يتصيد الاخطاء هل هو محب او حاسد !

[قطري2022]

معاج سويت :victory:

أنا صرت اتبع مبدأ : (استعينوا على قضاء حوائجكم بالكتمان) ..

حتى أأمن حسد الحاسد ، وتحبيط المحب من هذا النوع .. وأبعد عن انتقاد السلبيين ..

والحمدلله مريحة راسي .. وبعد ما نسلم :(

ونعم المبدأ

[ام السعف]

اهني يعتمد على متلقي الانتقاد ، يعتمد على خبرته في الحياة في الناس ، و بمعنى ادق ، لازم يكون فاهم اشلون يحلل شخصية الاخرين و يعرف لغة الجسد و يفهم في تعابير الوجه ، اهني بيعرف يفرق اذاا اللي يكلمه حاسده و لا ينتقده من دافع المحبة ، او الخلل في اسلوب النقد مع صفاء النية ، من جذي اقول ان الانسان لازم يتعلم تحليل شخصية الاخرين ، عرفتي ليش الحين ؟:)

لاحظ انك رديت على وحدة مالها في تحليل الشخصيات ،، ومع هذا اشوفك
كتبت يعتمد على خبرة الانسان في الحياة وفي الناس ،،
وكذلك ضيف لهم يعتمد على حسن الظن بالناس ،،

فعليه مب شرط اتعلم تحليل الشخصيات علشان اقدر اتعامل مع الناس ،،
الحياة علمتني كثر ما اكون جميلة من اعماقي كثر ما اقدر اتقبل الناس
مثل ما هم يتقبلوني بكل عيوبي ،،

فاللي يبان عليه الحسد نتجنبه في امور ولكن ما نقدر نقاطعه في كل الأمور
واللي عيونه حارة نخفي عنه امور ولكن نحتاجه في امور ثانية ،،


تحية لك

[meme-93]

ما كنت ابي اقول ان في والدين ينتقدون من باب الحسد ، لكن انا صريح و مضطر اني اعترف يهالشي ، و انا شفت حالات جدام عيوني ، و ادري مابيعجبج كلامي ، لكن ابتدي لاحظي و تذكري الاشيا اللي صارت مع غيرج و بتعرفين .

صح كلامج

[meme-93]

في انتقاد بناي
يجيني من شخص محب لي الخير

وفي انتقاد هادم
وصارت معاي من حد من هلي
اذا تكلمت عن شي او بغيت شي يجون ينتقدون ينتقدون ليين اكره هالشي وماسويه او ماشتريه .. بعد فتره من الزمن تحصله عندهم!

اخبر مره تكلمت مع شخص ان باخذ سياره معروفه بمكينتها وانها غاليه وعمري ماسمعت ان فيها عيوب بالعكس متداوله بشكل كبير،،
الا هالشخص يجي وطللللللع عيوب الدنيا فيها وسوا المستحيل بس عشان ماخذها .. وانا متاكده ان لو عنده ياخذ كان خذ هالسياره بدون تفكير

والامثله كثيره

[قطري2022]

لاحظ انك رديت على وحدة مالها في تحليل الشخصيات ،، ومع هذا اشوفك
كتبت يعتمد على خبرة الانسان في الحياة وفي الناس ،،
وكذلك ضيف لهم يعتمد على حسن الظن بالناس ،،

فعليه مب شرط اتعلم تحليل الشخصيات علشان اقدر اتعامل مع الناس ،،
الحياة علمتني كثر ما اكون جميلة من اعماقي كثر ما اقدر اتقبل الناس
مثل ما هم يتقبلوني بكل عيوبي ،،

فاللي يبان عليه الحسد نتجنبه في امور ولكن ما نقدر نقاطعه في كل الأمور
واللي عيونه حارة نخفي عنه امور ولكن نحتاجه في امور ثانية ،،


تحية لك

قلتي : لاحظ انك رديت على وحدة مالها في تحليل الشخصيات ،، ومع هذا اشوفك
كتبت يعتمد على خبرة الانسان في الحياة وفي الناس ، مافهمت هالجملة لانج قلتيها على اساس ان في نقيضين ، لكن ما لقيت النقيضين :)

وبالنسبة ل :
فعليه مب شرط اتعلم تحليل الشخصيات علشان اقدر اتعامل مع الناس ،،
الحياة علمتني كثر ما اكون جميلة من اعماقي كثر ما اقدر اتقبل الناس
مثل ما هم يتقبلوني بكل عيوبي ،،

اذا تعلمتي امورج بتمشي احسن ، و اذا ما تعلمتي بتمين على ما انتي عليه سواء حياة جميلة او متوسطة الجمال :)

و بالنسبة ل :
فاللي يبان عليه الحسد نتجنبه في امور ولكن ما نقدر نقاطعه في كل الأمور
واللي عيونه حارة نخفي عنه امور ولكن نحتاجه في امور ثانية ،،

اوافقج مية بالمية في هالفقرة .

[قطري2022]

في انتقاد بناي
يجيني من شخص محب لي الخير

وفي انتقاد هادم
وصارت معاي من حد من هلي
اذا تكلمت عن شي او بغيت شي يجون ينتقدون ينتقدون ليين اكره هالشي وماسويه او ماشتريه .. بعد فتره من الزمن تحصله عندهم!

اخبر مره تكلمت مع شخص ان باخذ ومعروفه بمكينتها وانها غاليه وعمري ماسمعت ان فيها عيوب بالعكس متداوله بشكل كبير،،
الا هالشخص يجي وطللللللع عيوب الدنيا فيها وسوا المستحيل بس عشان ماخذها .. وانا متاكده ان لو عنده ياخذ كان خذ هالسياره بدون تفكير

والامثله كثيره

ابدعتي وشاكر لج

[قطري2022]

صح كلامج

انا او احد مب وحدة :)

[قطري2022]

كلامك سلييييم

وياليت توضح اكثر بضرب امثلة

لاني فعلا ماقمت اميز بين الي ينتقد او يتصيد الاخطاء هل هو محب او حاسد !

اللي يتصيد الاخطاء هو حاسد اساسا ، تلقينه :
1) دايما يطلعج غلطانة او غالبا في اكثرالنقاشات اذا مب كلها ، خصوصا في المواضيع الي تخصج .
2) دايما يقلل من قيمة الشي اللي انتي فخورة بانجازه .
3) غالبا اسلوبه بيكون قاسي في النقاش .
4) دايما يحسسج انج انتي في مقصرة في كل شي .

واللي قلبه ابيض وينتقد بهدف التحسين من و ضعج ، اتوقع انه :
1) غالبا بيفرح اذا تكلمتي عن انجاز انتي فخورة فيه و بيشجعج .
2) اذا بيناقشج او يجادلج بيكون اسلوبه لطيف و مافيه تحبيط .

وانا متأكد مية بالمية ان الكل واجهو الاربع تصرفات اللي ذكرتها عن الحاسد .

[meme-93]

اذ مب حسد ، فأتوقع غيرة شديدة من الابناء لكن ما استبعد الحسد من بعض الوالدين ، لانهم يحبطونهم على انجازات المفروض يفخرون فيها كوالدين ، ادري ان اللي قلته صعب يصدق وكنت متردد لا اقوله في البداية ، لكن شفت الاخ عزيز تكلم في الموضوع، فعرفت ان في غيري اكتشفوا هالحقيقة المرة وتشجعت اقولها .

اضيف على كلامك الام الي تغار من بنتها
لصغر سنها ولجمالها واهتمام البنت بنفسها
فترى الام دائما تنتقد هذه البنت وتحطم فيها باقسى الكلام والعبارات
وعند بنات الناس !! العكس تماما

[meme-93]

انا او احد مب وحدة :)

اسفه
خطأ مطبعي من الحماس :shy:

[قطري2022]

اضيف على كلامك الام الي تغار من بنتها
لصغر سنها ولجمالها واهتمام البنت بنفسها
فترى الام دائما تنتقد هذه البنت وتحطم فيها باقسى الكلام والعبارات
وعند بنات الناس !! العكس تماما

ابدعتي ، بحطج في قائمة المبدعات من اليوم و رايح .

[meme-93]

ابدعتي ، بحطج في قائمة المبدعات من اليوم و رايح .

اوكي وافقت
وانا صدقت نفسي :)

[قطري2022]

اوكي وافقت
وانا صدقت نفسي :)

صدقي لاني انا ماعطين الجرين لايت اصلا :)