العزبة

[بوحارب]

السلام عليكم

افكر في إنشاء عزبه وتكون على مستوى مرتب

تهقون كم التكاليف !!

واللي يعرف اجرائات ترخيص العزبه يفيدنا
واللي حولة عزبة للبيع يتواصل معاي ع الخاص

بس شرط تكون في المناطق الشمالية

[توشيبا]

شوف بو حارب بالاول لر تكلفني العزبه ١٠٠ الف ماعندي اي مانع

الحين قوانين البيئه تعجزيه وترفع الضغط

وثاني شي اردد ياليل مطولك هذا اذا قدرت تطلع ترخيص عزبه في مجمع عزب

اما بخصوص عزبه تجوال صعبه ويمكن الحين ممنوع يعطون

ادري سويت احباط بس هذا الواقع

انا ندمان حيل اني كنسلت ترخيص عزبتي تجوال ولحد الحين ندمان

[اعمار قطر]

اخوي تكلفة العزبه تعتمد انت وش تبي بداخلها من خدمات لك ولاهلك

ممكن تتواصل وياي اعطيك مخطط لعزب بشكل مرتب وممتاز

[بوحارب]

مشكور اخوي اتش بي

وغلطان لغيت ترخيص العزبة :)

مرحبا اخوي إعمار


ودي بعزبة مرتبة وتكون مناسبة للأهل

وحق قعدة الشباب بعد

برجع لك بالنسبة للتصاميم بس خلني احصل العزبة اول شي

[VX.R]

انت اول دور لك واسطه وطلع ترخيص عزبه ..

وعقب

الأمور الباقيه تهون ..

[بو خليفه 123]

الله يوفقك

بس لا تعزم بو سيف بيطير جنريتر العزبه

[qatarlands]

مرحبا اخوي بوحارب العزبه
اذا تبي التكلفه بتتعب لانه انت ومزاجك والزين غالي
يعني تبي شيء مرتب لازم تدفع
انا عندي عزبه والله مكلفه اذا تبي كل شيء حلو وشغل عدل لازم تدفع
يعني حط في بالك من 100 الى 300 الف وفيه ناس وصلت المليون في عزبهم وترتيبها


والله يوفقك

[عاشق العديد]

والله يابو حارب ..

انها تكليففف جدا جدا جدا ..

الا اذا انت واحد متفيق ..
انا عن نفسي اغراضي هي اغراضي هي البدايه تكون صعبه لكن عقب بترتاح ..
فا بالتوفيق ..

[الصغيره]

بالمبارك مقدما بو حارب

العزبه برايي للترفيه

اقترح عليك الاتي

ثلاث خيام عاديه
الاولى قعدة حريم
الثانيه قعدة شباب
الثالثه للخدم والاطفال
تتوسط الخيام دكه من طابوق عادي عليها كراسي خشب وبجنبها مشب للضو والشوي

بعيد عن الدكه الله يعزك حمام جاهز مع مغاسل للنساء وخلف خيمه الرجال بعد واحد

بعيد شوي يجي المطبخ عباره عن خيمه فيها طاولات نايلون وفيها غاز وكماليات المطبخ

واذا لقيت بيت شعر بعد احسن واحسن وشوي اسنحه تحجب بها العزبه عشان ماحد يتطفل على هلك


وبالوفيق ان شاء الله