أطالب بتقصير وقت الدوام للنساء

[مش مش]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4
في امور لازم يراعون البنت فيها اكثر من الرجل الصراحه

[تغلبية]

اوافقج

وخل ياخذون باقي الساعات من الراتب

[khalid525]

لا نحن ضد هذا الشي ، هذا ضد المساواة بين الرجل والمرأة ، ولا بس الحريم يطالبون بالحقوق ويتملصون من الواجبات بحجة انهم حريم ، مو قبول .

[ولد الشحانية]

الحين دوامات النسا ماعليها كلام واجازاتهم بالهبل

[فرهود]

اوافق بشرط احتساب نص راتب .

[لاجل QT]

بعض الرود تبين الحقد على المراءة بصورة مش طبيعية في مجتمعنا ورفقا بالقوارير


الله لايولي ظالم على مرة ضعيفة


هاللى همكم رزق الفقيرة يقل ويننقص منه

اذا بيقصر وقت دوامها ماراح ترد البيت تكبر المخدة وتنام (مثل غيرها )بترجع بعد حق شغل بتجابل زوج اعيال

لو ماوراها التزامات من زوج واعيال وبيت عادي تم في الدوام لين 3

[الكنترول]

أوافقك الرأي وذلك المرأة لما ترجع قبل الرجل إلى بيتها لها دور كبير

[ام محمد2012]

ياريت ياخذون هالموضوع بعين الاعتبار يعني انا موافقة اداوام من سبع ونص لين وحدة ونص ويخصمون علي باشتري وقت حق بيتي وعيالي بهالفلوس الي بيخصمونها علي يا ريت والله يراعونا

[ضوى]

ياريت ياخذون هالموضوع بعين الاعتبار يعني انا موافقة اداوام من سبع ونص لين وحدة ونص ويخصمون علي باشتري وقت حق بيتي وعيالي بهالفلوس الي بيخصمونها علي يا ريت والله يراعونا

ليش ام محمد من كم لكم دوامج ، لانه تقريبا هذا دوام الجهات الحكومية

[رهج السنابك]

لا اوافق

لان بهالشكل بيعزفون عن توظيف النساء
وبيوظفون بس الرياييل
لو انا كمدير بوظف مره تداوم لي نص دوام ولا ريال موجود معاي كل الوقت منو بختار؟؟؟ اكيد الريال

وستخيس النساء بالبيوت

[هامور البورصة]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4
في امور لازم يراعون البنت فيها اكثر من الرجل الصراحه

أرفض وبشدة

في بعض الموظفات راح يسيؤن استخدام الميزة هاذي ، ومثال على ذلك اجازة الأمومه اللي تاخذها الموظفه المفترض انها قاعده في بيتها وتباري مولودها الجديد ، واللي صاير انها قاطته على الخدامه ويوم في اللاند ويوم فيلاجيو و يوم تفطر في المطعم الفلاني ، انا اشوف انهم يداومون دوام كامل ، سنيييييييييييييييييييييييييييييين يطالبون بمساواة المرأة بالرجل والحين يبون نص دوام.............. لأ ............ مافي :anger1:

[قلبي الطيب]

الساعات الزايدة لين 3 و4 مافيها انتاجية الكل تعبان ويعد الدقايق عشان الطلعة انا اقترح الكل بعد الساعة 2 يخلص شغله رجال ونساء

[لاجل QT]

في اقتراح اخر

نساء ورجال يخلص دوامهم 12 ..

في وقت المخ والجسم يرتاحون ..في وقت لكل طرف يشوف الثاني

اما الساعة 2 يرد الكل منهد حيالة

غير اللى بيوتهم بعيدة يوصلون العصر بيوتهم ...يوصل الشخص مغفل ماله خلق لاي شي

[alsoq]

اليس النساء من هم يتشدقون بالمساواه مع الرجل

عجبي

[ولد العرب]

لا اوافق

لان بهالشكل بيعزفون عن توظيف النساء
وبيوظفون بس الرياييل
لو انا كمدير بوظف مره تداوم لي نص دوام ولا ريال موجود معاي كل الوقت منو بختار؟؟؟ اكيد الريال

وستخيس النساء بالبيوت

متوحشه:(:(

[لما]

ياناس ودي ينطرح هالموضوع علا الملا يعني يرصل لاصحاب القرار اميرنا الكريم وولاة الامر لان الامر اصبح يؤثر علا حياتنا واطفالنا وعلى الحياة الاجتماعية للمجتمع بشكل كامل
نعم نريد رواتب اقل وساعات اقل وليوظفوا بارت تايم للمقتطع من الراتب لمن يحتاج ودعوا الامهات يقومون باعظم دور في الحياة الامومة

[musel999]

الحلو في الموضوع الزحمه بتخف لو النساء يداوموان بعد الرجال بساعه ويرجعون قبل الرجال بساعه ونص

[ولد العرب]

ياناس ودي ينطرح هالموضوع علا الملا يعني يرصل لاصحاب القرار اميرنا الكريم وولاة الامر لان الامر اصبح يؤثر علا حياتنا واطفالنا وعلى الحياة الاجتماعية للمجتمع بشكل كامل
نعم نريد رواتب اقل وساعات اقل وليوظفوا بارت تايم للمقتطع من الراتب لمن يحتاج ودعوا الامهات يقومون باعظم دور في الحياة الامومة

ابشرك منتدى اعلى مستوى لدرجه الصحف تتقتبس منا
وعدد كبير جدا من منتسبي المنتدى بكل وزارات :)

[مش مش]

انا ماطالبت بين المساواة بين الرجل والمره الرجل عنده كميت طااااااااقه مب طبيعيه يعني مثلا اللي يطلعون من الشغل الساعه 2 ويسحبون الطراااد ولا اللسكوتر سيده على البحر ماااااشاء الله

[مشـــــاعر]

.

يمه يمه يمه منكم شهالحسسد :anger1:

والله أنا أستغرب يعني نتم لين 3 شنسوي ؟؟
مافي شغل ومافي عالم . .
ماغير مجابلين بعض لاعت جبودنا وخلصت سوالفناا وبعدين يعني :waiting:

الظاهر فكرتهم عشان نخفف الزحمة ع اللي يطلعون الساعة 12 ونص ووحدة :rolleyes2:

[لما]

وهو فعلا لاشفتوا الصدق هل الموظف يشتغل ٨ ساعات ا
الانتاجيه حدها ثلاثه ولا اربعه في احسن الاحوال والباقي اكل سوالف تنقلات بين المكاتب وورش واجتماعات مالها لزمه

[نوار قطر]

ممممم الدوام لي هالوقت للبنوك والمؤسسات الشبه حكوميه اغلب او كل الدوائر الحكوميه لي الساعه 1ونص ،،، واغلب الموظفات خاااصة الي متساهلين معاهم يطلعون قبل هالوقت ،،، يعني ما اتيي الساعه 1 الا وهم في بيوتهم وانا كنت وحده منهم ،،، بحكم ان ماكان عندي شغل ،،، وفيه بعض الوزارت دوامهم لي الساعه 12 ونص بناءا على كلام موظفاتهم ،،ً يعنى الصراحه اكثر من جذي مايصير اذا هي تشوف نفسها ماتقدر ،، يا انها تنتقل من مكان شغلها وتروح مكان ثاني ساعات دوامهم اخف ،، او انها اتضحي بمستقبلها وتشتري بيتها وعيالها وتستقيل،،،

[طلعة الروح]

.

يمه يمه يمه منكم شهالحسسد :anger1:

والله أنا أستغرب يعني نتم لين 3 شنسوي ؟؟
مافي شغل ومافي عالم . .
ماغير مجابلين بعض لاعت جبودنا وخلصت سوالفناا وبعدين يعني :waiting:

الظاهر فكرتهم عشان نخفف الزحمة ع اللي يطلعون الساعة 12 ونص ووحدة :rolleyes2:


يعتمد على طبيعة شغلج والمكان اللي تشتغلين فيه، بس حتى لو عندج فراغ لازم تستغلينه صح بعيدا عن مجابل مادري من والسوالف!

[طلعة الروح]

الساعات الزايدة لين 3 و4 مافيها انتاجية الكل تعبان ويعد الدقايق عشان الطلعة انا اقترح الكل بعد الساعة 2 يخلص شغله رجال ونساء

اقتراح مقبول ويرضي جميع الاطراف ، لكن الله يعين ع الزحمه لو الكل طلع في نفس الوقت!

[طلعة الروح]

في اقتراح اخر

نساء ورجال يخلص دوامهم 12 ..

في وقت المخ والجسم يرتاحون ..في وقت لكل طرف يشوف الثاني

اما الساعة 2 يرد الكل منهد حيالة

غير اللى بيوتهم بعيدة يوصلون العصر بيوتهم ...يوصل الشخص مغفل ماله خلق لاي شي


عيل مساكين موظفين القطاع الخاص، بعضهم يخلص دوامهم 3 وبعضهم 3 ونص ، أما متى يوصل ؟ مع الزحمه يمكن 4 او 4 ونص، ويومه كله رايح ع الدوام والروحه والرده! والرواتب الحين نفس الشي تقريبا سواء حكومة او قطاع خاص!

[مشـــــاعر]

يعتمد على طبيعة شغلج والمكان اللي تشتغلين فيه، بس حتى لو عندج فراغ لازم تستغلينه صح بعيدا عن مجابل مادري من والسوالف!

أستغل وقتي في شنووو ؟
شغلي خلصته حق إسبوع جدام بعد ..
وقاعدة متمللة ماعندي شي أسويه :rolleyes2:

[طلعة الروح]

أستغل وقتي في شنووو ؟
شغلي خلصته حق إسبوع جدام بعد ..
وقاعدة متمللة ماعندي شي أسويه :rolleyes2:


كملي دراستج أو اقري في مجال انتي تحبينه ويطور من مهاراتج أو أو أو... الخيارات وايد للي يبي يستغل وقته صح!

[مش مش]

مثل ماقالت اخت نوار قطر ان في دوامات لين 1ونص او 12 ونص وفي بعد لين 2 و3
طيب ليش لا يوحد وقت الدوام في قطر على الاقل
ليش ناس دوامهم لين 12 ونص ومع ذالك رواتبهم اعلى من رواتب اللي دوامهم لين الساعه 2

[حسن]

في مثل يقول اللي يبي الدح لايقول اح

كانت في السابق معززه ومكرمه وربت لها اجيال والحين متمرطه ومتبهدله
وحياه زوجيه تعيسه وجيل فاشل ضايع الهويه

لاجل حفنه من الدراهم واختفاء القناعه


:(

[مشاكل]

أرفض وبشدّة :waiting:
بروحهم الموظفات مايداومون عدل بعد بتقلصون ساعات العمل مب جايين كلش
وبعدين المره شعندها ترد بدري البيت ؟! مهي اصلاً هاده البيت والبزران من الصبح لين عقب الظهر ،،، يعني افرقت ساعه ولا ساعة ونص ؟!

تبون الصراحة من باب اولى تقليص ساعات العمل للرجال ،،، لأن ورانا معاملات بالهبل ماعندنا وقت نخلصها وتوصيل عيالنا من والى المدارس وبناتنا الى الجامعه واشغال البيت ولعيال اللي ماتخلص وكل ابوها على راس الرجل المسكين :o

[ضوى]

أرفض وبشدّة :waiting:
بروحهم الموظفات مايداومون عدل بعد بتقلصون ساعات العمل مب جايين كلش
وبعدين المره شعندها ترد بدري البيت ؟! مهي اصلاً هاده البيت والبزران من الصبح لين عقب الظهر ،،، يعني افرقت ساعه ولا ساعة ونص ؟!

تبون الصراحة من باب اولى تقليص ساعات العمل للرجال ،،، لأن ورانا معاملات بالهبل ماعندنا وقت نخلصها وتوصيل عيالنا من والى المدارس وبناتنا الى الجامعه واشغال البيت ولعيال اللي ماتخلص وكل ابوها على راس الرجل المسكين :o

😀😀😀😀😀

[ام ناصر1]

اممممم
ما ادري ....اذا بعض الحريم يشتغلون اصلا ...علشان يطالبن بتقليص اوقات الدوام ...
المفروض يطالبن بمرونة اوقات الدوام ....فمن بيرضى يسلمج راتب وقدرة وانتي ادومين 5 ساعات ...
الستاندر 8 ساعات ....

[باندول]

المرأة القطرية نجحت في كسر حواجز وعوائق كل الأعمال
سابقا بتجديد الاستمارة ايام وجود الرجل في كونتر المرور اقل شي ناخذ 3 ساعات عشان نسويها وطابور شطول وشعرض للحين مع وجود المراه 5 دقايق ....تجديد الجواز او استبداله عشر دقايق معبر الجوازات ثواني تعدي
معاملات البنوك دقايق معدودة وتعدي
لا ننكر وجود التكنلوجيا الحديثه مثل الحكومه الاكترونيه هو ساعد من انجازات العمل السريع لكن دور المراه هو دور فعال في تخليص المعاملات
شكرا لمراه القطرية
وارجو من الجهات المختصصه تراعي اوقات دوام النساء وخاصه حديثي الولادة

[ضوى]

المرأة القطرية نجحت في كسر حواجز وعوائق كل الأعمال
سابقا بتجديد الاستمارة ايام وجود الرجل في كونتر المرور اقل شي ناخذ 3 ساعات عشان نسويها وطابور شطول وشعرض للحين مع وجود المراه 5 دقايق ....تجديد الجواز او استبداله عشر دقايق معبر الجوازات ثواني تعدي
معاملات البنوك دقايق معدودة وتعدي
لا ننكر وجود التكنلوجيا الحديثه مثل الحكومه الاكترونيه هو ساعد من انجازات العمل السريع لكن دور المراه هو دور فعال في تخليص المعاملات
شكرا لمراه القطرية
وارجو من الجهات المختصصه تراعي اوقات دوام النساء وخاصه حديثي الولادة

الحمد لله طلع احد يشكر في اللي قدم له خدمة

[طلعة الروح]

اممممم
ما ادري ....اذا بعض الحريم يشتغلون اصلا ...علشان يطالبن بتقليص اوقات الدوام ...
المفروض يطالبن بمرونة اوقات الدوام ....فمن بيرضى يسلمج راتب وقدرة وانتي ادومين 5 ساعات ...
الستاندر 8 ساعات ....

راح اتفاجئ لو عرفت ان فيه ناس يداومون 8 ساعات (straight)

[حمد 2002]

ضد الاقتراح قلبا وقالبا


النساء دائما يطالبون بالمساواه بالحقوق والواجبات ولكن وقت العمل ووقت الحقيقه يبدىء التشكي ويبداء التهرب من المسؤليه ،،

بعد الرجاجيل يبون يرجعون بيوتهم بسرعه لكي يجيبون اولادهم من المدارس ولكي يأكلون معاهم وجبه الغداء ،،

ممم بعض النساء يريدون المساواه بالرجال على حسب ((((((((اهوائهم ))))))))

[باندول]

الحمد لله طلع احد يشكر في اللي قدم له خدمة
والله اختي ضوى الحق يقال
فرق بين السابق وحاليا في تخليص المعاملات
وشكر المراه القطريه ودورها في مساهمتها لايحتاج موضوع بل منتدى باكمله

[طلعة الروح]

ضد الاقتراح قلبا وقالبا


النساء دائما يطالبون بالمساواه بالحقوق والواجبات ولكن وقت العمل ووقت الحقيقه يبدىء التشكي ويبداء التهرب من المسؤليه ،،

بعد الرجاجيل يبون يرجعون بيوتهم بسرعه لكي يجيبون اولادهم من المدارس ولكي يأكلون معاهم وجبه الغداء ،،

ممم بعض النساء يريدون المساواه بالرجال على حسب ((((((((اهوائهم ))))))))


عمره ماكان فيه مساواه بين الرجل والمراة
بسكم خرابيط ونزلوا لأرض الواقع شوي وشوفوا ان كل شي فيه تفرقه بينهم في الحقوق والواجبات! وموضوع الاخت اثبت لنا عدم وجود المساواة من الأساس لذلك هي طالبت بحق وفقا لطبيعة المرأة وظروفها الخاصة!

[درب السعادة]

أن أتعجب من أفكار ما زال بعض الرجال يتمسك بها من باب التقليد فقط . يا أخي اللي متفق مع زوجته أنها ما تشتغل هذا أمر يخصهم ونحترمه . أما الكلام أن المرأة تبي المساواة وخلوها تعاني فأنا ابي افهم من أي نص قراني جبتوا سالفة ان المرأة لا يحق لها ان تعمل وأن هذا لا ينتقص من أحترامها أو أنوثتها . هل شفتوا مجتمع من بدأت الخليقه تطور فقط بعمل الرجل دون المرأة . تبون تحولونا الى دول متخلفة . خل المتشدقين يفهموني كيف تمشي بلد في العالم بدون ما تشتغل المرأة فيه . ولا تقولون جيبوا حريم من الخارج ليه بنات الناس عادي تشتغل وبنات البلد لا ... .بس تصور بس .... دولة ما فيها معلمات ولا طبيبات ولا ممرضات ولا أداريات ... دولة يشتغل فيها الرجال فقط في كافة المجالات . هل هذا وضع طبيعي ... من سيتعامل مع المرأة في كافة مجالاتها الأخرى ... !! ملايكة مثلا !!

كيف تدرس المرأة وتتعلم !! من سيعلمها من سيعالجها من سيزينها ان منعت النساء من العمل كيف يتفاعل نص المجتمع والنص الثاني ممنوع !! ابي افهم بس حد يفهمني كيف يمشي مجتمع من غير النساء والرجال !!
أبي افهم بس أفهم وجهة النظر الغريبة ..

[حمد 2002]

ممممم الدوام لي هالوقت للبنوك والمؤسسات الشبه حكوميه اغلب او كل الدوائر الحكوميه لي الساعه 1ونص ،،، واغلب الموظفات خاااصة الي متساهلين معاهم يطلعون قبل هالوقت ،،، يعني ما اتيي الساعه 1 الا وهم في بيوتهم وانا كنت وحده منهم ،،، بحكم ان ماكان عندي شغل ،،، وفيه بعض الوزارت دوامهم لي الساعه 12 ونص بناءا على كلام موظفاتهم ،،ً يعنى الصراحه اكثر من جذي مايصير اذا هي تشوف نفسها ماتقدر ،، يا انها تنتقل من مكان شغلها وتروح مكان ثاني ساعات دوامهم اخف ،، او انها اتضحي بمستقبلها وتشتري بيتها وعيالها وتستقيل،،،

هل تعتبرين ان عدم عمل المرآه وجلوسها بالبيت لرعايه اولادها واسرتها تضحيه وخساره لمستقبلها ؟ :)

[باندول]

أن أتعجب من أفكار ما زال بعض الرجال يتمسك بها من باب التقليد فقط . يا أخي اللي متفق مع زوجته أنها ما تشتغل هذا أمر يخصهم ونحترمه . أما الكلام أن المرأة تبي المساواة وخلوها تعاني فأنا ابي افهم من أي نص قراني جبتوا سالفة ان المرأة لا يحق لها ان تعمل وأن هذا لا ينتقص من أحترامها أو أنوثتها . هل شفتوا مجتمع من بدأت الخليقه تطور فقط بعمل الرجل دون المرأة . تبون تحولونا الى دول متخلفة . خل المتشدقين يفهموني كيف تمشي بلد في العالم بدون ما تشتغل المرأة فيه . ولا تقولون جيبوا حريم من الخارج ليه بنات الناس عادي تشتغل وبنات البلد لا ... .بس تصور بس .... دولة ما فيها معلمات ولا طبيبات ولا ممرضات ولا أداريات ... دولة يشتغل فيها الرجال فقط في كافة المجالات . هل هذا وضع طبيعي ... من سيتعامل مع المرأة في كافة مجالاتها الأخرى ... !! ملايكة مثلا !!

كيف تدرس المرأة وتتعلم !! من سيعلمها من سيعالجها من سيزينها ان منعت النساء من العمل كيف يتفاعل نص المجتمع والنص الثاني ممنوع !! ابي افهم بس حد يفهمني كيف يمشي مجتمع من غير النساء والرجال !!
أبي افهم بس أفهم وجهة النظر الغريبة ..

الحاجز الأول الذي يقف أمام المرأة هو ثقافة المجتمع فالقطريون لم يعتادوا بعد على مشاركه المرأة في العمل أما الحاجز الثاني فهو شخصية الفتاة القطرية نفسها والتي من طبيعتها الخجل وتفتقر إلى الجرأة وتخشى الخوض والمبادرة في جميع المجالات.

[حمد 2002]

في بريطانيا والدول المتقدمه المرآه تعمل ليل نهار وتكرف في سبيل تأمين القمه الحلال لأسرتها ولما اتجي للبيت تشتغل كذلك وتطبخ وووماعندها لاخدامه ولادريول بل تتنقل لشغلها بالقطار ،،

وهنا بعض النساء يطالبون بتقصير وقت الدوام ؟ وغدا اتوقع انهم بيطالبون براتب وهم جالسين بلا عمل !!!!

[مش مش]

في بريطانيا يا اخوي حمد المره تجيب لها ولد او 2 وتربيتهم تتم بالتعاون مع الزوج انا راح اقول لك مثااال يا أخ حمد للتوضيح
انا في الدوام يجوني نسوان يداومون عيونهم حمر والويه ااااصفر ومنهد حيلهم لما اسألهم شنو فيكم يردون يقلون لي ساهرين طووول الليل مع الياهل اما مصخن ولا ماجاه نوم ولا قايم ف عز الليل ماما ابي اكل ولا ولا ولا رديت قلت لهم وين الابو هاي مو حاله كل يوم تجون بهاي الشكل قالو الابو مكبر اللوساااد وراااااقد طيب وين المساواة هني ليش الرجل مايساعد زوجته المره الحين صارت الكل في الكل هي اللي صارت تجيب اغراض الجمعية وهي اللي صارت تودي اليهال المدرسه وتجيبهم من المدرسه وتوديهم الطبيب ودرسهم وتاكلهم وتصرف عليهم دم قلبها وفي الاخير يجي السي سيد يقول شنو عندها المره ترد البيت من وهل عندها مصايب وعلل فوق راسها

[رجل مثالي]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4
في امور لازم يراعون البنت فيها اكثر من الرجل الصراحه



:nice::nice:

[تحداني]

لا اوافق

لان بهالشكل بيعزفون عن توظيف النساء
وبيوظفون بس الرياييل
لو انا كمدير بوظف مره تداوم لي نص دوام ولا ريال موجود معاي كل الوقت منو بختار؟؟؟ اكيد الريال

وستخيس النساء بالبيوت




احنه متغربلين من الحريم في الدوام
كللللللللللللله يتأخرون .. ويوم الثلاثاء تطعيمات
والاربعا اعيالهم حرارتهم مرتفعه
وخذي يا تحداني شغلهم


قلت حق مديرتي .. لو وظفتي حريم ياويلج
ترى صج مشكله ...


البعض الاكثر في دوامي انا بس
ما اعرف عن باقي الاماكن عشان ما يهجمون علي



جملك الله برضاه

[deema117]

احنه متغربلين من الحريم في الدوام
كللللللللللللله يتأخرون .. ويوم الثلاثاء تطعيمات
والاربعا اعيالهم حرارتهم مرتفعه
وخذي يا تحداني شغلهم


قلت حق مديرتي .. لو وظفتي حريم ياويلج
ترى صج مشكله ...


البعض الاكثر في دوامي انا بس
ما اعرف عن باقي الاماكن عشان ما يهجمون علي



جملك الله برضاه


معاج حق أختي تحداني :(

مع الأسف البعض كله إجازات مرضية وكله تأخير الصبح

والشغل ما يتعطل أو ينتظرها لين اتجي حضرتها

البركة في الموجود وجالس على مكتبه يخلص الشغل :weeping:


الحق لازم أن يقال !

لو سيتم تقليص عدد ساعات الدوام للنساء بالتأكيد الراتب لازم يتأثر ويتقلص هو الآخر

ولا الرجال بعد بيطالبون بتقليص عدد ساعات الدوام بالمثل

[Vanille]

هالشي حرام اللي تأخذ راتبها كامل لازم تداوم دوامها كامل أو تقعد في بيتها الشغل فيه تقضية مصالح ناس ودولة حرام الأنانية يا البنت تشتغل شغلها عدل يا تقعد في بيتها

[تحداني]

معاج حق أختي تحداني :(

مع الأسف البعض كله إجازات مرضية وكله تأخير الصبح

والشغل ما يتعطل أو ينتظرها لين اتجي حضرتها

البركة في الموجود وجالس على مكتبه يخلص الشغل :weeping:


الحق لازم أن يقال !

لو سيتم تقليص عدد ساعات الدوام للنساء بالتأكيد الراتب لازم يتأثر ويتقلص هو الآخر

ولا الرجال بعد بيطالبون بتقليص عدد ساعات الدوام بالمثل




انا ما ابي ادخل في امور الراتب هالحسابات نتركها لاصحاب الشأن
ولا احاتي راتبها لو نقص ولا زاد .. لكن ظلم اني اشيل شغلها كل مره
وحاصه الاماكن الي معاملاتهم يوميه
طيب هي ما اتفكر فيني
ما اتفكر ان يمكن انا في يوم اتملل
ما اتفكر ان الموظفات هم لهم طاقه

اعيالها على العين والراس
هم زوجها على العين والراس

بس ما توصل لهالدرجه .. واذا ما غابوا استأذنوا
وهاي في دوامي بعد


:(

[باندول]

انا ما ابي ادخل في امور الراتب هالحسابات نتركها لاصحاب الشأن
ولا احاتي راتبها لو نقص ولا زاد .. لكن ظلم اني اشيل شغلها كل مره
وحاصه الاماكن الي معاملاتهم يوميه
طيب هي ما اتفكر فيني
ما اتفكر ان يمكن انا في يوم اتملل
ما اتفكر ان الموظفات هم لهم طاقه

اعيالها على العين والراس
هم زوجها على العين والراس

بس ما توصل لهالدرجه .. واذا ما غابوا استأذنوا
وهاي في دوامي بعد


:(

اختي في اخر سنه في تقرير السنوي وتقييم
وفيه ناس تاخذ بونص او درجات او زياده سنويه المفروض يعطونج حقج

والي يقييم المفروض مايقارنج بزميلاتك بلعمل لانك تشيلين شغلهم عنهم

[تحداني]

اختي في اخر سنه في تقرير السنوي وتقييم
وفيه ناس تاخذ بونص او درجات او زياده سنويه المفروض يعطونج حقج

والي يقييم المفروض مايقارنج بزميلاتك بلعمل لانك تشيلين شغلهم عنهم




انا ماخذه كل حقوقي الوظيفيه من كل النواحي ولله الحمد والمنه
ما محتاجه اشيل تقصير الغير عشان اخذ زياده
المسأله ابعد من راتب ودرجه

المسأله ان العمل في اماكن فيها معاملات يوميه ومراجعات يوميه
فلو افترضنا في الاسبوع الواحد راح تتأخر 4 مرات واتغيب يوم
معنى هذا كارثه للبقيه
ومعنى هذا ان هالمكان للاسف غير مناسب لان احنه تعبانين


:(

[Mohammed2]

دام رضت البنت تطلع وتشتغل برى البيت لازم تقبل بشروط الجهة اللي تشتغل فيها

مايصير يخلون الحريم دوامهم وقته غير والرجاجيل غير وهم يشتغلون في نفس المكان

لأن فالأساس الشغل خارج البيت مقتصر على الرجال فقط والنساء داخل البيت

لكن هالايام تغير كل شي وصارت البنت تشتغل برى البيت ودام ان هالشي صار البنت لازم تلتزم

[بوخالد911]

ضده
الحريم يناسبهم دوام الوزارات
وغير جذيه عنهم ساعات رضاعة ( الله يخلي حليب النيدو بالمجمعات )

[لاجل QT]

في بريطانيا والدول المتقدمه المرآه تعمل ليل نهار وتكرف في سبيل تأمين القمه الحلال لأسرتها ولما اتجي للبيت تشتغل كذلك وتطبخ وووماعندها لاخدامه ولادريول بل تتنقل لشغلها بالقطار ،،

وهنا بعض النساء يطالبون بتقصير وقت الدوام ؟ وغدا اتوقع انهم بيطالبون براتب وهم جالسين بلا عمل !!!!

كلها الا 2همبرغر او سجق هذا طباخهم
او شبس بروحة مع كتشب:(

احنا جدور تطلع وحمسة وعفيسة لين يخلص الغدا:(

[Rider]

اقول مادام رضت تشتغل خلها داوم نفس الرجال ولا تقعد في بيتها

[طرفه]

بروحهم الريايل يبونها من الله علشان يقومون ويتشمتون بالحريم
وهم تطالبون بتقصير الدوام
وحنا نطالب بالمساواة وهم نطلب بالتعديل ما يصير
يعني نأخذ المميزات وزيادة عليها
فتحتوا لنا باب ما راح يتسكر من الريايل

[qatara]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4في امور لازم يراعون البنت فيها اكثر من الرجل الصراحه

من الاساس والاساس ان مكان المراه بيتها
حتى لو تم تقصير الدوام عليهم بكره بعد بيطلعون بطلبات اخرى
لن تنتهي فهل نغير سيستم بلد كامل كل ما تذمر شخص ؟
لو جلست ببيتها وعرفت ما واجبها الاساسي كان وفرنا على
انفسنا وعلى الدوله امور كثيره من تفكك اسري وطلبات وتذمرات لن تنتهي


اعتراف واضح وصريح انها بدومها وخروجها سوا قصر الدوام ام طول
مقصره بحق الزوج والاولاد ونتج عنه ما نتج من خيبات وتفككات اسريه واتكاليه على الخدم
الاصح مكان المراه بيتها لاكن بعد الزواج لو يمشى لها راتب يستر الحال
وتجلس ببيتها ابرك لها ولبيتها ولاسرتها
ولجهه العمل التي تعجز من كثر طلبات الاجازات الا حامل
الا والد الا مرضع الا مريضه الا سنويه وووو تبون نص دوام ووووو

بعضهم يقولون مساواه والمراه مثل الرجل والراتب صار مثل راتب الرجل ووووو
يبقا ساوو في الاجازات قد ما تطلع يطلع الرجل هههه

فلماذا لا تجلسون ببيوتكم مثل كملكات نحل محشومات مكرمات
او تتحملون الشقاء مثل الرجال ما دام تبون مساواه مع الرجل

واخيرا اشكرج على هذا الاعتراف
ان بدومها تنقص من حق الرجل وبيته واولاده

[قطري 777]

لا اوافق

لان بهالشكل بيعزفون عن توظيف النساء
وبيوظفون بس الرياييل
لو انا كمدير بوظف مره تداوم لي نص دوام ولا ريال موجود معاي كل الوقت منو بختار؟؟؟ اكيد الريال

وستخيس النساء بالبيوت

ههههههههههههه شووف شووف يسلام على النظره المستقبليه .

[وليف الشوق]

اضم صوتي لصوت صاحب الموضوع وبقوة ويفترض وجود الموظفه في اقل عدد ساعات العمل اليومي لعدة اسباب وعدم خصم اي شي من الراتب ويبقى الحال كما هو عليه وليس للموظفه ذنب بخصم راتبها ويكون عملها من الساعه 30ر7 الى الساعه 45ر12 وباعتقادي هذا الوقت هو الانسب لها :
1) من الساعه 30ر7 لتقوم باستقياظ اطفالها استعداد" للمدارس مع اعطائهم الفطور وليكون لديها وقت كافي لتجهيز بعض ادوات الغداء عند عودنها من العمل ولتجهيز لنفسها للعمل 0

2) الساعه 45ر1 لينتهي عملها الفعلي ولتقوم باحضار بعض اطفالها من المدارس اذا هي متكفله بعودتهم ولتجهيز وجبة الغداء لاولادها وزوجها وصدقوني اذا الزوج رجع البيت وكانت زوجته منتظرته حزتها راح يحس باحساس عجيب ولذه مطلقه

3) تخفيف العبء على الموظفه من عملها وبيتها ونفسيتها

وشكرا

[بنت مريخ]

ياليت اتمنى

[حمد 2002]

كلها الا 2همبرغر او سجق هذا طباخهم
او شبس بروحة مع كتشب:(

احنا جدور تطلع وحمسة وعفيسة لين يخلص الغدا:(

ممم الانجليز اقتصادين بكل شيء هم 3 اشخاص يطبخون حق 3 اشخاص بس على قدهم ، مب هههههههههاي حق فريج كامل :rolleyes2: ،،،،

[الزعفراني]

في السابق ولفترة بسيطه كنت مع الفكره ومتعاطف معاها لكن بعد ماقريت مداخلات الشباب وضعف البنات في رد الحجه اقتنعت تمام الاقتناع بوجهة نظر الشباب .. كان الله في عون الجميع

[بوحارب]

عالأقل عالأقل يقللون وقت الموظفات اللي عندهم أطفال

ما يصير وحدة ام عيال ترجع البيت العصر وهي طالعة من الصبح

الله يعين الأمهات خاصة والموظفات عامة +•*

[على العهد]

اقتراح جميل

وانا مؤيد

[MaRuKoO]

اي والله ياليت حتى لو ينخصمً من الراتب ياليييييت حرام والله دوامنا من 7 لين 3 حشى حشى نرجع مع اليهال عالاقل :weeping:

[مسمس12]

انا اخلص دوام وحدة ويخلص اليوم واحس مافيه وقت الله يعين اللي يرجعون 2 و 3 و4 :secret:

[Qtr37]

ولجهه العمل التي تعجز من كثر طلبات الاجازات الا حامل
الا والد الا مرضع الا مريضه الا سنويه وووو تبون نص دوام ووووو



وفوق هذا، تتأخر في الحضور وتطلع قبل نهاية الدوام ، وغير الاستئذانات

للعلم، حضرتي موظفة جديدة وهذا اللي لاحظته

[شميرام]

مع بقوه

[راشد محمد]

أوافقك الرأي

[بوالبيض]

كلامج صح والرتب كامل من حقها عيال وطباخ وشغل البيت

[ريتويت]

والله انا من وجهه نظري ان الوحده لين خلصت شغلها تروح البيت من نفسها مالاداعي تكمل باقي الساعات.. يعني لو وصلت الدوام الساعه 6:30 او 7 وخلصت 12 مثلا ماتم وهي فاضيه ماعندها شي تروح البيت

[Abdulraman]

هذا المفروض اصلا
لان المرأه وراها عيال وزوج ولها ظروف خاصه

[اغلى الغاليات]

انا مع اللي كتبته الاخت ..ومن الاخر اللي ينتقد هاي انسان ناكر للجميل لوقفه المراه ودورها في مساعده الرجل ..
الرجل الحين براتبه ما يقدر يوفر احتياجات الاسره ولا يقدر يعيش زوجته وعياله في بيت يضمهم بسهوله (وما ابي اتطرق في ردي على اللي تشوفه المراه في بيت اهل الزوج ..وتصبر عليه لين ما تتيسر امورهم ويشترون بيت او يبنونه..لان مرات يوصل لمسلسل اكشن من الف حلقه ) ..
ما انكر في زوجات ما يدرون عن ازواجهم والراتب لرفاهيتهم بس الغالبيه العظمي تدفع وتحط في البيت..واذكر مثل ينقال (شحادك يالمسمار قال المطرقه ) محد يحب الشقا ولا احنا نركض وراه لكن الظروف والغلاء المعيشي سبب كبير لخروج المراه للعمل ..وفوق هذا اغلب الازواج من تشتغل المره شال يده عن الصرف عليها ويطالعها في راتبها وهالشي جبته من موضوع انطرح من كم اسبوع و من الناس اللي حولي فلا ندعي المثاليه وان هالشي مو موجود.. الاغلب قال دام المراه تشتغل مالها حق في مصروف او خلاه شي رمزي ..الغريب هالمراه هي نفسها اللي تشوف متطلبات الاطفال والبيت وتصرف اكثر من نص راتبها عليهم وتساعدك وقت الازمات وتبني معاك البيت وتاثثه !! ..
اي دور المراه في البيت مو نفس قبل و الاجيال اللي تطلع مو نفس اللي نطمح له لكن بالله عليكم وحده تداوم من من سبع لين ثلاث من وين بتجيب الطاقه عشان تودي دورها على اكمل وجه ومن ناحيه ثانيه وين دور الرجل في التربيه لان هالدور مو محصور على المراه بس وكل موضوع قلنا الحريم والحريم ..اخوي قبل لا تطالب باللي لك سوي اللي عليك وبتشوف مجتمعنا يمشي صح شارك زوجتك المسووليه وخل عنك المقناص والربع والقهاوي والمجمعات وفي نفس الوقت لا تقعد في البيت مجابل التلفزيون والمراه تقوم بكل شي وتقول انا موجود وانت مالك دور ..في وقتنا الحالي المراه يطلق عليها المراه الحديديه اللي لازم تشتغل وتربي وتطبخ وتدرس اليهال وتودي وتجيب وفوق هذا كله تهتم بنفسها عشان ترضيك..ولا بيقولون عنها مهمله وزوجها من حقه يطلقها ولا يتزوج عليها..قال تعالى ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ ).. فاخي الرجل حل مشاكلك وابتعد عن دور السي سيد لانه زمنه راح وشارك زوجتك المسؤوليه مثل ماهي مشاركتك في الصرف وبعدين حال اسرتك بيتغير للافضل وممكن بعدها ينتج جيل افضل من اللي نشوفه الحين ..

[أم محمد 90]

والله انا من وجهه نظري ان الوحده لين خلصت شغلها تروح البيت من نفسها مالاداعي تكمل باقي الساعات.. يعني لو وصلت الدوام الساعه 6:30 او 7 وخلصت 12 مثلا ماتم وهي فاضيه ماعندها شي تروح البيت

مب على كيفها في مسئولين وفي نظام

[الفا برافو]

والمدرسات شلون.. يهدون المدرسه والطلبه فيهاا لانه لزم يردون بيوتهم عشان يبارون ريلهم وعيالهم !!!

[رفيع الهامه]

مب على كيفها في مسئولين وفي نظام




المفروض اللي يخلص عمله يروح البيته ... وهذا متبع عندنا


لانه اذا حصل نفسه فاضي وقاعد بين الموظفين يمكن يشغلهم عن عملهم


خاصه المراْه




وكلنا مع انها تذهب البيتها بدري .... هي الام والزوجه و الاخت ... و وجودها في بيتها قبل اولادها وزوجها شي مهم جدا

[قطريه22]

سبحان الله صج بني ادم مايعجبه شيء

احمدو ربكم على دواماتنا

شوفو الدول الثانيه كارفين كراف واحنا مدلعينا وبعد معترضين

الحمدلله على النعمه الي احنا فيها

[دااانة قطر]

أرفض وبشدّة :waiting:
بروحهم الموظفات مايداومون عدل بعد بتقلصون ساعات العمل مب جايين كلش
وبعدين المره شعندها ترد بدري البيت ؟! مهي اصلاً هاده البيت والبزران من الصبح لين عقب الظهر ،،، يعني افرقت ساعه ولا ساعة ونص ؟!

تبون الصراحة من باب اولى تقليص ساعات العمل للرجال ،،، لأن ورانا معاملات بالهبل ماعندنا وقت نخلصها وتوصيل عيالنا من والى المدارس وبناتنا الى الجامعه واشغال البيت ولعيال اللي ماتخلص وكل ابوها على راس الرجل المسكين :o


لاتعمم يالطيب

[ضوى]

سبحان الله صج بني ادم مايعجبه شيء

احمدو ربكم على دواماتنا

شوفو الدول الثانيه كارفين كراف واحنا مدلعينا وبعد معترضين

الحمدلله على النعمه الي احنا فيها

الحمد لله رب العالمين

والله لا يحطج في اللي رب العالمين حط فيه المتزوجات الامهات العاملات

[أم محمد 90]

المفروض اللي يخلص عمله يروح البيته ... وهذا متبع عندنا


لانه اذا حصل نفسه فاضي وقاعد بين الموظفين يمكن يشغلهم عن عملهم


خاصه المراْه




وكلنا مع انها تذهب البيتها بدري .... هي الام والزوجه و الاخت ... و وجودها في بيتها قبل اولادها وزوجها شي مهم جدا

ابي اشتغل وياك اذا ممكن :telephone:

[قطريه22]

الحمد لله رب العالمين

والله لا يحطج في اللي رب العالمين حط فيه المتزوجات الامهات العاملات



في كل دولة الامهات يشتغلون بس الاعتراض جاي منا احنا بس

[ضوى]

في كل دولة الامهات يشتغلون بس الاعتراض جاي منا احنا بس

ارد واقول الحمد لله وربي يرزقج الرضا اذا الله عطاج زوج وعيال وبيت تكونين مسؤوله عنه

[أم محمد 90]

من وجهة نظري اللي متزوجة وحاسة ان اوقات الدوام أزمة بالنسبة لها
لا تشتغل ، لان فالنهاية الريال هو اللي المفروض يصرف عليها ومايخليها تتعب وتشتغل لان فالنهاية المرأة مكانها بيتها وملزومة بعيالها

لا تجي المتزوجة وتحسس الغير متزوجات انهم مايتعبون ومب لازم يقصر وقت الدوام لهم

انا الموظفة الوحيدة اللي مب متزوجة بين بنات قسمي ولو جيت متأخرة قالو لي انتي ماعندج ريل وعيال ليش متأخرة أرد عليهم انا بشر حالي حالكم وتجيني ظروف

بس بني آدم لا بغى الشي يحط قدامه مليون عذر عشان يبرر حاجته له

[tradesman]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4
في امور لازم يراعون البنت فيها اكثر من الرجل الصراحه

خلهم يشتغلون بالاول

[nono80]

والله انا مؤيدة وبشدة وانا اوافق حتي المراة حتي تطلع وتاخذ اعيالها من المدرسه اكتفينا مشاكل وهموم وبلاوي من الخدم والسواقين والله العظيم افكر اذا اكبروا اعيالي اقعد في البيت لهم اخذهم المدارس وارجعهم بالتعاون مع ابوهم وادرسهم لانه والله من المشاكل اللي قاعدة تصير شاب الشعر منها وضحيتها بنت ولا ولد ماله ذنب انترك مع الخدامه لو يقللون او يسمحون باخر ساعه الوحدة تاخذ اعيالها يعني الوحدة ترتب مع زوجها حد عليها وحد علي زوجها والله اليهال امانه في رقبتنا ومسؤولين جدام ربنا عليهم

[OM_OMAR_QATAR]

اوافقج

وخل ياخذون باقي الساعات من الراتب

لا ليش ياخذون من الراتب؟؟

هم الكل 24 ساعة يقولون مايحق للمرأة تتساوى مع الرجل

راتب المرأة ما يساوي ولا يشابه راتب الرجل

وهالسوالف كلها


زين مامفروض يخلون بعين الاعتبار ان طاقة المرأة اقل من طاقة الرجل؟


والا بس بالعطاء يقصرون وبالأخذ غضوا الطرف... !!




انا اؤيد وبشدة ومن زمان اقول
وقت المرأة لازم يتقصر
وبالولادة 40 يوم ماتكفي مو للمرأة .. انما للطفل
بس يعرفون يطولون لسانهم ويقولون الطفل بيد خدامة !
وقت الرضاعة ساعتين ! شتنفع .. يعني الولد 10 ساعات مايرضع !

بس يعرفون يقولون رضاعة طبيعية والمرأة كسلانة ماتبي ترضع طبيعي !


انا .. من مطالبي عدم مساواة المرأة مع الرجل ..

مسؤولياتها بالبيت ثابتة .. وموجودة ولازم تتابعها

مساكين يالحريم شفت اول.. الصباح وشفت ثاني المساء
كل يومهم بزي

والرجال ع الجاهز :weeping:

وين القوامة ..

:secret::telephone:

[اغلى الغاليات]

من وجهة نظري اللي متزوجة وحاسة ان اوقات الدوام أزمة بالنسبة لها
لا تشتغل ، لان فالنهاية الريال هو اللي المفروض يصرف عليها ومايخليها تتعب وتشتغل لان فالنهاية المرأة مكانها بيتها وملزومة بعيالها

لا تجي المتزوجة وتحسس الغير متزوجات انهم مايتعبون ومب لازم يقصر وقت الدوام لهم

انا الموظفة الوحيدة اللي مب متزوجة بين بنات قسمي ولو جيت متأخرة قالو لي انتي ماعندج ريل وعيال ليش متأخرة أرد عليهم انا بشر حالي حالكم وتجيني ظروف

بس بني آدم لا بغى الشي يحط قدامه مليون عذر عشان يبرر حاجته له

اختي محد حسس الغير متزوجات بانهم ما يشتغلون بس ظروف المتزوجه غير عن اللي مب متزوجه فبعد لا تجي وحده غير متزوجه مسؤولياتها اذا وجدت تعتبر بسيطه وتقلل من مسؤوليه المتزوجه ..الطلب كان للمراه بشكل عام مو لفئه معينه ..وموضوع ان المتزوجه اللي مسبب لها الدوام ازمه تقعد في البيت ولا تشتغل اسمحي لي هاي شي يعتمد على ظروفها وهي ادرى فيها ..اي هي ملزومه تلتزم بالدوام وهذا واجب عليها ومن حق جهه العمل تخصم او تنذر المقصره في عملها وبعدها تنهي خدماتها..لكن ما نجي ونعمم ..لما تتزوجين اختي بتعرفين ان دورج ما راح يقتصر على عيال بس ذاك كان زمن وولى..وانا اعرف وحده شرط عليها اللي كان خاطبها تطلع من شغلها عشان يتزوجها واطلعت وبعد الزواج بسنه قالها اشتغلي لان بكل بساطه ما يقدرعلى المسؤوليه والمصاريف..

[قطريه22]

من وجهة نظري اللي متزوجة وحاسة ان اوقات الدوام أزمة بالنسبة لها
لا تشتغل ، لان فالنهاية الريال هو اللي المفروض يصرف عليها ومايخليها تتعب وتشتغل لان فالنهاية المرأة مكانها بيتها وملزومة بعيالها

لا تجي المتزوجة وتحسس الغير متزوجات انهم مايتعبون ومب لازم يقصر وقت الدوام لهم

انا الموظفة الوحيدة اللي مب متزوجة بين بنات قسمي ولو جيت متأخرة قالو لي انتي ماعندج ريل وعيال ليش متأخرة أرد عليهم انا بشر حالي حالكم وتجيني ظروف

بس بني آدم لا بغى الشي يحط قدامه مليون عذر عشان يبرر حاجته له



صح كلامج

[رفيع الهامه]

خلهم يشتغلون بالاول


ابي اشتغل وياك اذا ممكن :telephone:





هذا الصح




مايهمني حضورك وانصراف قد مايهمني انجازك في عملك


ترا المدير اللي يدقق في الحضور والانصراف حرام يدير عمله


اهم شي الانجاااااااااااااااااااز في العمل

[بوخالد911]

هذا الصح




مايهمني حضورك وانصراف قد مايهمني انجازك في عملك


ترا المدير اللي يدقق في الحضور والانصراف حرام يدير عمله


اهم شي الانجاااااااااااااااااااز في العمل



المهم الشغلتين مع بعض :
1/ مراقبة الحضور والانصراف
2/ انجاز العمل



يعني مثلا لو كا في شغل هل كل الموظفين يطلعووون؟!؟!؟!

[أم محمد 90]

اختي محد حسس الغير متزوجات بانهم ما يشتغلون بس ظروف المتزوجه غير عن اللي مب متزوجه فبعد لا تجي وحده غير متزوجه مسؤولياتها اذا وجدت تعتبر بسيطه وتقلل من مسؤوليه المتزوجه ..الطلب كان للمراه بشكل عام مو لفئه معينه ..وموضوع ان المتزوجه اللي مسبب لها الدوام ازمه تقعد في البيت ولا تشتغل اسمحي لي هاي شي يعتمد على ظروفها وهي ادرى فيها ..اي هي ملزومه تلتزم بالدوام وهذا واجب عليها ومن حق جهه العمل تخصم او تنذر المقصره في عملها وبعدها تنهي خدماتها..لكن ما نجي ونعمم ..لما تتزوجين اختي بتعرفين ان دورج ما راح يقتصر على عيال بس ذاك كان زمن وولى..وانا اعرف وحده شرط عليها اللي كان خاطبها تطلع من شغلها عشان يتزوجها واطلعت وبعد الزواج بسنه قالها اشتغلي لان بكل بساطه ما يقدرعلى المسؤوليه والمصاريف..


اختي بكل صراحة سألي أي شخص شغال مع متزوجات خل يكتبون تجاربهم

بصراحة المتزوجة (الاغلبية العظمي) تداوم أسم للراتب فقط
ونص السنة اجازات مرضية ولا عارضة ولا استئذانات بالهبل فالاسبوع تداوم 3 ايام وتستأذن فيهم بعد !
والحجج دايم عيالي عيالي عيالي وبيتي !

وهنا انظلمت الموظفة الغير متزوجة لدرجة لو تبي تغيب أو تستأذن يحسون ان مالها عذر وماعندها شي !

حاليا احنا نبحث عن موظفتين لقسمنا وشرط المسئولة ماتبيهم متزوجات ..

ع فكرة ..


مسئولتي متزوجة وعندها عيال لكن من تدخل المكتب تنسى بيتها ، وتهتم بشغلها
وحاولت توصل هالفكرة حق الموظفات بس مايسمعون
قالت لهم ، الشغل شي وبيتكم شي ثاني

واللي ماتقدر تنسق بين بيتها وشغلها لا تشتغل احسن
ولا تاخذ وظيفة وراتب وهي طول يومها استئذان وحضور متأخر والسنة تروح ف غيابات !

[رفيع الهامه]

اختي بكل صراحة سألي أي شخص شغال مع متزوجات خل يكتبون تجاربهم

بصراحة المتزوجة (الاغلبية العظمي) تداوم أسم للراتب فقط
ونص السنة اجازات مرضية ولا عارضة ولا استئذانات بالهبل فالاسبوع تداوم 3 ايام وتستأذن فيهم بعد !
والحجج دايم عيالي عيالي عيالي وبيتي !

وهنا انظلمت الموظفة الغير متزوجة لدرجة لو تبي تغيب أو تستأذن يحسون ان مالها عذر وماعندها شي !

حاليا احنا نبحث عن موظفتين لقسمنا وشرط المسئولة ماتبيهم متزوجات ..

ع فكرة ..


مسئولتي متزوجة وعندها عيال لكن من تدخل المكتب تنسى بيتها ، وتهتم بشغلها
وحاولت توصل هالفكرة حق الموظفات بس مايسمعون
قالت لهم ، الشغل شي وبيتكم شي ثاني

واللي ماتقدر تنسق بين بيتها وشغلها لا تشتغل احسن
ولا تاخذ وظيفة وراتب وهي طول يومها استئذان وحضور متأخر والسنة تروح ف غيابات !




و إذا الثنتين اللي هي طالبتهم تزوجوا بعد العمل .. شبتسوي فيهم بتقول لهم لا لاتزوجون

[أم محمد 90]

و إذا الثنتين اللي هي طالبتهم تزوجوا بعد العمل .. شبتسوي فيهم بتقول لهم لا لاتزوجون

لا بالعكس ، خل يتزوجون
الوحدة ماتدري نصيبها متى يجيها ولين جاها محد يمسكها اكيد
لكن في شغل لازم يستوي ونحتاج ناس متفرغة ،
اللي راح نوظفها ماراح تتزوج في يوم وليلة ولو انخطبت راح نبلغها بس بعد يبقى مستواها الوظيفي ارفع من اللي متزوجة وعندها عيال

[رفيع الهامه]

المهم الشغلتين مع بعض :
1/ مراقبة الحضور والانصراف
2/ انجاز العمل



يعني مثلا لو كا في شغل هل كل الموظفين يطلعووون؟!؟!؟!




لا أخوي الأهم هو انجاز العمل

لو عندي واحد يداوم على الوقت ويطلع الوقت و إنجازه قليل ,, والثاني انجازه ممتاز وانصرافه غير منتظم ... الثاني افضل فعلا


اهم شي ان مايكون فيه ناس مخلصين عملهم وقاعدين يشغلون الموظفين الثانين ... هذا لو حب ينصرف عادي ماعندي مشكله الله يسهل عليه .. نشيط وانجز شغله

[اغلى الغاليات]

اختي بكل صراحة سألي أي شخص شغال مع متزوجات خل يكتبون تجاربهم

بصراحة المتزوجة (الاغلبية العظمي) تداوم أسم للراتب فقط
ونص السنة اجازات مرضية ولا عارضة ولا استئذانات بالهبل فالاسبوع تداوم 3 ايام وتستأذن فيهم بعد !
والحجج دايم عيالي عيالي عيالي وبيتي !

وهنا انظلمت الموظفة الغير متزوجة لدرجة لو تبي تغيب أو تستأذن يحسون ان مالها عذر وماعندها شي !

حاليا احنا نبحث عن موظفتين لقسمنا وشرط المسئولة ماتبيهم متزوجات ..

ع فكرة ..


مسئولتي متزوجة وعندها عيال لكن من تدخل المكتب تنسى بيتها ، وتهتم بشغلها
وحاولت توصل هالفكرة حق الموظفات بس مايسمعون
قالت لهم ، الشغل شي وبيتكم شي ثاني

واللي ماتقدر تنسق بين بيتها وشغلها لا تشتغل احسن
ولا تاخذ وظيفة وراتب وهي طول يومها استئذان وحضور متأخر والسنة تروح ف غيابات !

انا فاهمه قصدج اختي واعرف ان هالنوعيه موجوده ..لكن دام المسؤول عنهم ما يتخذ قرار حازم ضدهم ويوقفهم عند حدهم تكون المشكله في المسؤول نفسه ما يعرف يدير المكان..لما يتوجه لها انذار او خصم للراتب وهي محتاجه لهذا الراتب اكيد انها بتحس شوي وبتخاف وراح تلتزم لكن لو هي مو محتاجه له بتم على حالها وفي هالحال ينهون خدماتها افضل ويجيبون شخص منتج..لكن نشوف ونقول كلمتين للاخت المقصره ونسكت هني المشكله قائمه وبتزيد لان الكل يبي يكون معفي من الدوام بسبب الظروف وهي مو احسن من غيرها..

انا اللي اختلفت معاج فيه ان المتزوجه لها ظروف مختلفه اكيد عن الغير متزوجه لكن مو معناها ان المتزوجه ما تداوم وتاخذ راتب وهي مرتاحه..

المطالبه كانت بتقصير ساعات الدوام للمراه (المتزوجه او الغير متزوجه) اللي في الجهات الحكوميه وتداوم من سبع لين ثلاث وانا منهم ..فالمراه ام واخت وزوجه ..وتكوينها الجسدي مو نفس الرجل ..وراتب الرجل اكثر من راتب المراه حاليا على نفس الدرجه ..ومسؤوليته مختلفه عنها ..فالرحمه حلوه ..والتعاون مطلوب من الاطراف كلها المراه والرجل والدوله عشان ما تتفكك الاسره اكثر من ماهي متفككه حاليا ..

[qatara]

وفوق هذا، تتأخر في الحضور وتطلع قبل نهاية الدوام ، وغير الاستئذانات

للعلم، حضرتي موظفة جديدة وهذا اللي لاحظته

اشكرج على قول الحق
والكل يعرف الحقايق لاكن الخوف والهم ليس العمل
انما البيوت اصبحت تتدمر نتيجه عملهن
والعمل لم يستفيد اي شي من عملهن

فاين شعارات نص طاقة المجتمع الحقيقه مهدوره
لا استفاد البيت وهو الا حق ولا استفاد العمل

لو حقيقه همهم بيوت وازواج واولاد وهمهم
ماعليهم من حقوق دنيويه واخرويه ناحيتهم لما
اشتغلت اساسا خارجه واهملته للخدم
انما ثغره يتحججون بها زياده على ما يحصلون عليه من تاخير واجازات بالهبل

[qatara]

اختي بكل صراحة سألي أي شخص شغال مع متزوجات خل يكتبون تجاربهم

بصراحة المتزوجة (الاغلبية العظمي) تداوم أسم للراتب فقط
ونص السنة اجازات مرضية ولا عارضة ولا استئذانات بالهبل فالاسبوع تداوم 3 ايام وتستأذن فيهم بعد !
والحجج دايم عيالي عيالي عيالي وبيتي !

وهنا انظلمت الموظفة الغير متزوجة لدرجة لو تبي تغيب أو تستأذن يحسون ان مالها عذر وماعندها شي !

حاليا احنا نبحث عن موظفتين لقسمنا وشرط المسئولة ماتبيهم متزوجات ..

ع فكرة ..


مسئولتي متزوجة وعندها عيال لكن من تدخل المكتب تنسى بيتها ، وتهتم بشغلها
وحاولت توصل هالفكرة حق الموظفات بس مايسمعون
قالت لهم ، الشغل شي وبيتكم شي ثاني

واللي ماتقدر تنسق بين بيتها وشغلها لا تشتغل احسن
ولا تاخذ وظيفة وراتب وهي طول يومها استئذان وحضور متأخر والسنة تروح ف غيابات !

والحقيقه المجرده عندما خرجت المراه للعمل
لا البيت استفاد منها ولا زوج ولا اولاد
ولا العمل

كلها شغلت مشي نفسك وشعارات

[أبو يووسف]

أنا بالنسبي لي أوافق وبقوة، وأعرف أحد مدراء الإدارات سابقاً كان يرخص الحريم بعد صلاة الظهر مباشرة، وهذا هو المفترض.
أما بالنسبة لي أنا نفس الشيء أحاول دائما ما أقصر معاهم في موضوع الانصراف المبكر؛ لأنه صلاحياتي محدودة أسوي الي أقدر عليه.
وهذا الذي ينبغي أن يفعله كل عاقل.

[اغلى الغاليات]

اشكرج على قول الحق
والكل يعرف الحقايق لاكن الخوف والهم ليس العمل
انما البيوت اصبحت تتدمر نتيجه عملهن
والعمل لم يستفيد اي شي من عملهن

فاين شعارات نص طاقة المجتمع الحقيقه مهدوره
لا استفاد البيت وهو الا حق ولا استفاد العمل

لو حقيقه همهم بيوت وازواج واولاد وهمهم
ماعليهم من حقوق دنيويه واخرويه ناحيتهم لما
اشتغلت اساسا خارجه واهملته للخدم
انما ثغره يتحججون بها زياده على ما يحصلون عليه من تاخير واجازات بالهبل



اخ كتارا كلنا نعرف ان انت متحامل جدا على المراه العامله وواضح انها لظروف شخصيه مريت بها بس خلك عادل اصابع ايدك مب سوى..

من الاخر المراه الغير منتجه جهه العمل مو ملزومه تدفع لها راتب وفي قانون الموارد البشريه في قوانين تقيد الموظف المقصر في دوامه فياليت المدراء يبتدون يتخذون اجراءات تاديبيه بدال الكلام والشكوى للغير لان هذا دورهم ضبط الموظفين .. لما المدير يهمل اتخاذ الاجراء اللازم لا تلوم الموظف على التقصير ..وخل نتكلم بواقعيه مب بس الحريم هم اللي فيهم نسبه ما تنتج في رياييل بعد فاتحين مكاتبهم مجالس ومقضي يومه شاي وجريده وسوالف مع الربع ولا طالع برع الدوام يقضي مشاويره ..بس طبعا محد بيتطرق لهالموضوع ..لان مجتمعنا مجتمع ذكوري والرجل مرفوع عنه القلم ..الكل يقول المراه ما تنتج بس اتحدا رجل يسوي ربع اللي تسويه المراه.. المراه امك اللي ربتك واختك اللي شالتك وزوجتك اللي عفتك ..احنا الرجل عندنا في الخليج ما يقدر يشيل كلينكس طايح على الارض..بس يدخل المنتدى ويلوم في تقصير المراه ..لان للاسف الفكره اللي زرعها مجتمعنا عن المراه انها جاريه مو شريكه لحياتك..غيرو نظرتكم لنا والامور بتتغير للافضل ..خلو عنكم النظره القديمه للمراه المستضعفه اللي لازم تتحمل كل الظروف عشان تربي عيالها..

الزواج مو سجن مؤبد والعمر مره ومحد معوضها عن هالعمر والابناء مو ابنائها بس ولا جابتهم بروحها عشان تقضي عمرها تربي وانت زوجها ما تدري عن احتياجات اسرتك ومقضيها طلعات ووناسه ولا اخونا المطلق ولا المعدد يتزوج ويونس عمره وهي لها الشقا ..الزواج تفاهم وموده واحترام ومثل ما الرجل له حق ويحترم من قبل المراه فالمراه انسان ولها حقوق فاحترم حقوقها واصلحو ما بينكم وتفاهمو عشان الحياه تكون افضل للطرفين والابناء يطلعون من بيئه صحيه سليمه..الابناء مسؤوليه الطرفين فحقها عليك انك تربي اطفالك معاها لان مو دورها بروحها..أغلب اللي حولي ساعدو ازواجهم في البنيان وتاثيث البيت وشراء احتياجات الاسره وتعليم الاطفال افضل تعليم واخرتها تقولون ما سوت شي !! وليش هاده بيتها.. المراه تبي لنفسها ولعائلتها الافضل وعشان تأمن مستقبلها في زمن قل فيه الرجال وزادت فيه نسبه الذكور..واذا على ساعات العمل فحقها لانها تاخذ اقل من الرجل الموظف اللي على نفس الدرجه ..ولما تبي ترجع لبيتها وعيالها عشان تكمل وظيفتها الثانيه الاولى انكم تساندونها مو تقللون من قدرها ومن دورها لان بترجع لعيالك ولك والراتب يساعدكم كزوجين ويساعد عيالكم ..

وبسنا نشوف الجزء الفارغ من الكوب..

[رفيع الهامه]

رفقا بالقوارير




لو القرارات بيدي المراْه دوامها من 8 الى 12


وجزاها الله خير ... عملت وربت وراحت البيتها لتستقبل اولادها وزوجها



الحريم هم امهاتنا واخواتنا وبناتنا .... ليش الواحد يشوف اهله وبس ....

[chillis]

رفقا بالقوارير




لو القرارات بيدي المراْه دوامها من 8 الى 12


وجزاها الله خير ... عملت وربت وراحت البيتها لتستقبل اولادها وزوجها



الحريم هم امهاتنا واخواتنا وبناتنا .... ليش الواحد يشوف اهله وبس ....

هنا ارفع لك القبعه :nice::victory:

[R 7 A L]

فعلاً
لابد من تقليل عدد ساعات العمل للنساء
فكلنا مستفيدين
حتى خروجهم قبل خروج الموظفين راح يساعد في تخفيف الازدحام المروري

[رفيع الهامه]

هنا ارفع لك القبعه :nice::victory:





تغطي يابنت

[chillis]

تغطي يابنت

:tease:

[qatara]

اخ كتارا كلنا نعرف ان انت متحامل جدا على المراه العامله وواضح انها لظروف شخصيه مريت بها بس خلك عادل اصابع ايدك مب سوى..

من الاخر المراه الغير منتجه جهه العمل مو ملزومه تدفع لها راتب وفي قانون الموارد البشريه في قوانين تقيد الموظف المقصر في دوامه فياليت المدراء يبتدون يتخذون اجراءات تاديبيه بدال الكلام والشكوى للغير لان هذا دورهم ضبط الموظفين .. لما المدير يهمل اتخاذ الاجراء اللازم لا تلوم الموظف على التقصير ..وخل نتكلم بواقعيه مب بس الحريم هم اللي فيهم نسبه ما تنتج في رياييل بعد فاتحين مكاتبهم مجالس ومقضي يومه شاي وجريده وسوالف مع الربع ولا طالع برع الدوام يقضي مشاويره ..بس طبعا محد بيتطرق لهالموضوع ..لان مجتمعنا مجتمع ذكوري والرجل مرفوع عنه القلم ..الكل يقول المراه ما تنتج بس اتحدا رجل يسوي ربع اللي تسويه المراه.. المراه امك اللي ربتك واختك اللي شالتك وزوجتك اللي عفتك ..احنا الرجل عندنا في الخليج ما يقدر يشيل كلينكس طايح على الارض..بس يدخل المنتدى ويلوم في تقصير المراه ..لان للاسف الفكره اللي زرعها مجتمعنا عن المراه انها جاريه مو شريكه لحياتك..غيرو نظرتكم لنا والامور بتتغير للافضل ..خلو عنكم النظره القديمه للمراه المستضعفه اللي لازم تتحمل كل الظروف عشان تربي عيالها..

الزواج مو سجن مؤبد والعمر مره ومحد معوضها عن هالعمر والابناء مو ابنائها بس ولا جابتهم بروحها عشان تقضي عمرها تربي وانت زوجها ما تدري عن احتياجات اسرتك ومقضيها طلعات ووناسه ولا اخونا المطلق ولا المعدد يتزوج ويونس عمره وهي لها الشقا ..الزواج تفاهم وموده واحترام ومثل ما الرجل له حق ويحترم من قبل المراه فالمراه انسان ولها حقوق فاحترم حقوقها واصلحو ما بينكم وتفاهمو عشان الحياه تكون افضل للطرفين والابناء يطلعون من بيئه صحيه سليمه..الابناء مسؤوليه الطرفين فحقها عليك انك تربي اطفالك معاها لان مو دورها بروحها..أغلب اللي حولي ساعدو ازواجهم في البنيان وتاثيث البيت وشراء احتياجات الاسره وتعليم الاطفال افضل تعليم واخرتها تقولون ما سوت شي !! وليش هاده بيتها.. المراه تبي لنفسها ولعائلتها الافضل وعشان تأمن مستقبلها في زمن قل فيه الرجال وزادت فيه نسبه الذكور..واذا على ساعات العمل فحقها لانها تاخذ اقل من الرجل الموظف اللي على نفس الدرجه ..ولما تبي ترجع لبيتها وعيالها عشان تكمل وظيفتها الثانيه الاولى انكم تساندونها مو تقللون من قدرها ومن دورها لان بترجع لعيالك ولك والراتب يساعدكم كزوجين ويساعد عيالكم ..

وبسنا نشوف الجزء الفارغ من الكوب..



الحق يوجع
تريدون ديمقراطيه في الحور اذا كان لصالحكم
وتكونون دكتاتوريات اذا لم يخدم اهدافكم
برغم عدم ايماني بالديمقراطيه
ايماني بما انزل الله ورسوله

اين ديمقراطيتكم التي تدعون فلا فائده
ومادام من بداية ردج شخصنتي لن اجد في النقاش معك اي حق

فضرية ( اذا لم تكن معي فانت ضدي)
نضريه ليست منطقيه ولاهي لمن يبحث عن الحق
يعني اذا كنت على الخطاء هل اكون معك وان لم اكن معك فانا عدوك ؟!!!!

شي لا يقبله عاقل ولا منطق

[رفيع الهامه]

الحق يوجع
تريدون ديمقراطيه في الحور اذا كان لصالحكم
ونكونون دكتاتوريات اذا لم يخدم اهدافكم
برغم عدم ايماني بالديمقراطيه
ايماني بما انزل الله ورسوله

ومادام من بداية ردج شخصنتي فلا فائده
لن اجد في النقاش معك اي حق




أخوي كتارا



وسع بالك شوي



نساء اهل قطر يهمون كل قطري على هذه الارض الطيبه



ونحن ليس لدينا قرارات لاتخاذها إنما نقاش وطرح راي وحلول



اولادك يروحون للمدرسه وتكون معلمتهم قطريه افضل من غيرها صح ولا لا



زوجتك او اختك راحت للمستشفى والدكتورة قطريه ,, افضل من اجنبيه صح ولا لا



لو راحت اي قطريه للجوازات بحكم ان ليس لديها من يقوم بإنها معاملاتها وحصلت موظفه قطريه وتخلص معاملتها افضل ولا رجل .




نعم نريدها محفوظه ومصانه ويجب ان يكون لها تقدير واحترام لوقتها وبيتها واولادها وزوجها



اربع ساعات دوام متواصله صدقني تخلص معاملات و امور كثيره .... المدرسه لو تقسم الحصص كل حصه نص ساعه صدقني تخلص 8 حصص في اليوم خلال اربع ساعات وترجع البيتها بدري..

[missperfect]

المفروض الصراحه يكون في وقت نص ساعه فرق بين خروج النساء وخروج الرجال من العمل نفس وزارة العدل الله يجزاهم خير
عشان ماتصير زحمه شباب وبنات عند البصمة واللفت في الدوام :rolleyes2:

[اغلى الغاليات]

الحق يوجع
تريدون ديمقراطيه في الحور اذا كان لصالحكم
ونكونون دكتاتوريات اذا لم يخدم اهدافكم

ومادام من بداية ردج شخصنتي فلا فائده
لن اجد في النقاش معك اي حق

صحيح الحق يوجع لان انت تعرف في داخلك ان مو كل الحريم ما لهم دور وما يشتغلون ولا يربون عيالهم ورواتبهم لهم وما نفعو بلادهم ولا اسرتهم.. المتزوجه تساعد اهلها وزوجها وتشيل جزء من مصارف عيالها واللي مو متزوجه بعد تعطي امها وابوها ومرات تساعد اخوها..

الاخت اللي استندت بردها في مرحله مختلفه عن المتزوجه وان شاء الله الله يرزقها بالزوج الصالح و لما تتزوج بعد كم شهر بتطالب بنفس اللي نطالب فيه .. لانها بتعرف انها راح تنشغل 24 ساعه وبينهد حيلها لان حتى الزواج بدون اطفال متعب لان بتكون مسؤوله عن شخص ثاني غير نفسها ولازم تحاول ما تقصر من الناحيتين شغلها وزوجها ..

شخصنتي كانت رد على تحاملك الغريب على المراه بشكل عام والعامله والمتزوجه بشكل خاص في كل ردودك ..اللي يبي يقول الحق يقوله كامل لا يشوف الجزء اللي استنتجه من تجربته فقط كلنا نمر بظروف وتجارب وعمرنا ما شفنا زواج مثالي..لكن نتحرى الحق في كل الاحوال ..

[أسد الجزيرة]

يعني تبون تداومون 5 ساعات
و ما تبون يخصمون من راتبكم
و تبون تستأذنون وقت ما بغيتوا
و تبون تفرقون بين المتزوجات و غير المتزوجات في الدوام

اجل ليش تداومون اقعدوا في بيوتكم احسن

[اغلى الغاليات]

الحق يوجع
تريدون ديمقراطيه في الحور اذا كان لصالحكم
وتكونون دكتاتوريات اذا لم يخدم اهدافكم
برغم عدم ايماني بالديمقراطيه
ايماني بما انزل الله ورسوله

اين ديمقراطيتكم التي تدعون فلا فائده
ومادام من بداية ردج شخصنتي لن اجد في النقاش معك اي حق

فضرية ( اذا لم تكن معي فانت ضدي)
نضريه ليست منطقيه ولاهي لمن يبحث عن الحق
يعني اذا كنت على الخطاء هل اكون معك وان لم اكن معك فانا عدوك ؟!!!!

شي لا يقبله عاقل ولا منطق

اسفه رديت على ردك قبل التعديل ..اخوي الرجل ليس عدوي الرجل اب واخ وزوج ..لكن اتمنى من سندي وظهري يقدر تضحيتي ومساعدتي له وما يوقف في شي ممكن يساعدني انتج اكثر وما اقصر في حق شغلي اللي يساعدنا على تحمل تكاليف المعيشه ويأمن لنا بيت يضمنا ويساعدنا في توفير احتياجاتنا اواقصر في حق عائلتي اللي هم عيالي وزوجي وامي وابوي واخواني وخواتي ..

المنطق يقول حاليا ان عمل المراه صار شي اساسي في ظل الغلاء المعيشي الا اذا كان الزوج عنده خير ورجل يحترم زوجته لان ممكن حتى زوجه المقتدر تعمل اذا ما حست بالامان مع زوجها وانه مب سند لها او مقصر معاها ..

وانا معاك في بعض الحريم مقصره في شغلها وفي بيتها لكن مو الكل ولا الغالبيه ..فخلنا نبتعد عن التعميم فلا الرجال كاملين ولا الحريم كذلك ..

[اغلى الغاليات]

يعني تبون تداومون 5 ساعات
و ما تبون يخصمون من راتبكم
و تبون تستأذنون وقت ما بغيتوا
و تبون تفرقون بين المتزوجات و غير المتزوجات في الدوام

اجل ليش تداومون اقعدوا في بيوتكم احسن

انا اداوم 8 ساعات إلزاميه وانا في جهه حكوميه..
واحنا ما نبي نفرق بين المتزوجه والغير متزوجه ..فالغير متزوجه امراه وممكن تتزوج في اي وقت واحنا مطالباتنا للمراه بشكل عام لان تكوينها الجسماني مختلف عن الرجل وحتى طاقتها مختلفه..
وما عندنا مانع ينخصم من الراتب اذا كان بيخلينا نشتري ساعه ولا ساعتين لازواجنا واطفالنا .. او يزيدون الرجل ويخلون رواتبنا مثل ما هي ويقللون ساعات الدوام ..دائما هنالك حل يرضي الجميع فخلونا نشوف الفايده من تقليل الساعات للمراه العامله ونبعد عن الشماته واصدار القرارات الشخصيه

[Princess-style]

اولا: خلونا نكون واقعين تطالبون بالمساوه تحملوووا ،، لا تقولون رفقا بالقوارير ،،انتي اخترتي تساوي الرجل بكل شي ،، لهذا تحملي
لا تطالبون بمساوة مشروطه ... هذا الريال ما تشرط يكرف وهو ساكت اكرفي حالج حاله وانتي ساكته . .

ثانيا: الي مب حابه المساوة الي مب مشروطه تتم بالبيت

ثالثا: لا تشتكون من وقت الدوام واحازاتكم اكثر من اجازه الرجال ...، كلنا حريم وعارفين حق بعض ،، بعض الحريم يحملون ويولدون مب عشان اليهال عشان الاحازه
رابعا: مو مجبروات تشتغلون ليه ما تريحون راسكم وتمون بالبيت وخلي الريال يكرف

الحقيقه مؤلمه لكن محد يبي يسمعها

[أسد الجزيرة]

انا اداوم 8 ساعات إلزاميه وانا في جهه حكوميه..
واحنا ما نبي نفرق بين المتزوجه والغير متزوجه ..فالغير متزوجه امراه وممكن تتزوج في اي وقت واحنا مطالباتنا للمراه بشكل عام لان تكوينها الجسماني مختلف عن الرجل وحتى طاقتها مختلفه..
وما عندنا مانع ينخصم من الراتب اذا كان بيخلينا نشتري ساعه ولا ساعتين لازواجنا واطفالنا .. او يزيدون الرجل ويخلون رواتبنا مثل ما هي ويقللون ساعات الدوام ..دائما هنالك حل يرضي الجميع فخلونا نشوف الفايده من تقليل الساعات للمراه العامله ونبعد عن الشماته واصدار القرارات الشخصيه

الحريم في امريكا يشتغلون 12 ساعة بدون توقف و لا طالبوا بالي طالبتوا فيه

هذا الشئ شايفه بعيني

[اغلى الغاليات]

الحريم في امريكا يشتغلون 12 ساعة بدون توقف و لا طالبوا بالي طالبتوا فيه

هذا الشئ شايفه بعيني

كلامك عجبني وبيسهل علي امور وايد ..:nice:

دام شفت بعينك اكيد بعد شفت الزوج هناك يشيل الطفل ويغسله وياكله ويسهر عليه ووماعنده مانع يقعد بالساعات مع اطفاله لما المراه تكون بالدوام ويكون بين الزوجين اتفاق يا اما واحد منهم يشتغل والثاني يشوف الاطفال اويشتغلون شفتات الام دوامها في النهار والزوج يشوف الاطفال والاب يداوم في الليل وهي تستلمهم منه..

ياليت تقول لنا الصوره كامله ..عشان اخوانا الخليجيين بعد يستفيدون ويعرفون المراه الاجنبيه شلون تشتغل 12 ساعه..لان شفت كم رد في هالموضوع يشيد بها وبقدراتها وناسين دور زوجها الاجنبي ..التعاون مطلوب وهذا اللي نبي نوصل له ..

[Princess-style]

كلامك عجبني وبيسهل علي امور وايد ..:nice:

دام شفت بعينك اكيد بعد شفت الازواج هناك يشيلون الطفل ويغسلونه وياكلونه ويطلعونه ويسهرون عليه ويقعدون بالساعات مع اطفالهم لما المراه تكون بالدوام ويكون بين الزوجين اتفاق يا اما واحد منهم يشتغل والثاني يشوف الاطفال اويشتغلون شفتات الام دوامها في النهار والزوج يشوف الاطفال والاب يداوم في الليل وهي تستلمهم منه..

ياليت تقول لنا الصوره كامله ..عشان اخوانا الخليجيين بعد يستفيدون ويعرفون المراه الاجنبيه شلون تشتغل 12 ساعه..لان شفت كم رد في هالموضوع يشيد بها وبقدراتها وناسين دور زوجها الاجنبي ..التعاون مطلوب وهذا اللي نبي نوصل له ..



لي يسمعج يقول الموظفات يدرون عن عيالهم ... مو الكل بس الاغلب محد تدري عن عيالها الله يخلي الخدامه الي هي امهم

[chillis]

لي يسمعج يقول الموظفات يدرون عن عيالهم ... مو الكل بس الاغلب محد تدري عن عيالها الله يخلي الخدامه الي هي امهم

من وين الاحصائيه ان الاغلب ؟ ياريت نشوف هالاحصائيه ولا الكلام انبنى على الي حولكم بس ؟

[أسد الجزيرة]

كلامك عجبني وبيسهل علي امور وايد ..:nice:

دام شفت بعينك اكيد بعد شفت الزوج هناك يشيل الطفل ويغسله وياكله ويسهر عليه ووماعنده مانع يقعد بالساعات مع اطفاله لما المراه تكون بالدوام ويكون بين الزوجين اتفاق يا اما واحد منهم يشتغل والثاني يشوف الاطفال اويشتغلون شفتات الام دوامها في النهار والزوج يشوف الاطفال والاب يداوم في الليل وهي تستلمهم منه..

ياليت تقول لنا الصوره كامله ..عشان اخوانا الخليجيين بعد يستفيدون ويعرفون المراه الاجنبيه شلون تشتغل 12 ساعه..لان شفت كم رد في هالموضوع يشيد بها وبقدراتها وناسين دور زوجها الاجنبي ..التعاون مطلوب وهذا اللي نبي نوصل له ..



ما ادري عن الرجال هل يشيلون او لا

و لكن ممكن العيال في المدارس او مدارس داخلية فلذلك من يكبرون والدينهم يرمونهم في العجزة

[meme-93]

عمره ماكان فيه مساواه بين الرجل والمراة
بسكم خرابيط ونزلوا لأرض الواقع شوي وشوفوا ان كل شي فيه تفرقه بينهم في الحقوق والواجبات! وموضوع الاخت اثبت لنا عدم وجود المساواة من الأساس لذلك هي طالبت بحق وفقا لطبيعة المرأة وظروفها الخاصة!

اي مساوه الله يهداك
وهذا انتوا تحللون حق نفسكم وتحرمون ع الحريم :)
والمراه لها طاقتها مب نفس الرجل ،،
مثل مايراعون ظروف المراه من ولاده وغيره يارعون انها بتطبخ حق سبع البورمبا وبتدرس اليهال وبتباريهم

وفالنهايه لو المراه تاخرت فالدوام الرجل المتضرر اكثر شي من تاخيرها

[meme-93]

الحريم في امريكا يشتغلون 12 ساعة بدون توقف و لا طالبوا بالي طالبتوا فيه

هذا الشئ شايفه بعيني

اوكي هناك المراه تنتج في العمل لكن البيت؟؟
اعيالهم شنو؟ لا قيم ولا اخلاق لان الام محد

[أسد الجزيرة]

اوكي هناك المراه تنتج في العمل لكن البيت؟؟
اعيالهم شنو؟ لا قيم ولا اخلاق لان الام محد

اتفق معاج الرابط الاسري بين افرادها معدوم فلذلك حياتهم الاسرية معدومة

[اغلى الغاليات]

اولا: خلونا نكون واقعين تطالبون بالمساوه تحملوووا ،، لا تقولون رفقا بالقوارير ،،انتي اخترتي تساوي الرجل بكل شي ،، لهذا تحملي
لا تطالبون بمساوة مشروطه ... هذا الريال ما تشرط يكرف وهو ساكت اكرفي حالج حاله وانتي ساكته . .

ثانيا: الي مب حابه المساوة الي مب مشروطه تتم بالبيت

ثالثا: لا تشتكون من وقت الدوام واحازاتكم اكثر من اجازه الرجال ...، كلنا حريم وعارفين حق بعض ،، بعض الحريم يحملون ويولدون مب عشان اليهال عشان الاحازه
رابعا: مو مجبروات تشتغلون ليه ما تريحون راسكم وتمون بالبيت وخلي الريال يكرف

الحقيقه مؤلمه لكن محد يبي يسمعها

حلو الحقيقه مؤلمه ودام حابه نسمع بعد ياليت تسمعيني

الحقيقه اسلوبج هجومي بحت وشكلج مضغوطه عشان جذي ردج قاسي ..

ياليت اختي توضحين لنا شقصدج بمطالبتنا بالمساواه عشان نفهم اكثر ..وارد عليج ..
وكلامج ان المراه مو مجبوره تشتغل هذا شي شخصي وكل وحده لها ظروفها اللي محد يعرفها ومحد له خص فيها ومو كل شخص ما عجبه الموضوع قال لا تشتغلين واقعدي في البيت وكان الدنيا تمشي بكيفه..
ما في حد منا قال ما نبي نكرف قلنا نقلل ساعات الدوام للمراه العامله ..واللي مقصره في دوامها مسؤولها له الحق في اتخاذ القرار المناسب ضدها .. ما شفت حد قال مشو راتب للمراه وهي قاعده في البيت..ما تنتج انهو خداماتها وجيبو شخص ينتج ..والكلام للرجل بعد لان التقصير موجود من الصوبين مو بس المراه ..

الرجال اللي تقولين عنه خلوه يكرف واقعدي في البيت مو دايما يكون رجال مرات يطلع ذكر والمراه تتحمل مسؤوليه كل شي..اذا اللي يقبلون على الزواج صارت اول شروطهم تشتغل لان عارفين يد وحده ما تصفق وبعضهم ما يبون يتحملون كل المسؤوليه !! ..

اختي في حريم يشتغلون لان ازواجهم ما يصرفون عليهم وفي حاله اعرفها متزوجه وعندها اربع اطفال زوجها يصرف على بنات الهوى ويستخسر فيها و في عياله وهذا هي تشتغل وهي اللي تصرف على عياله ووصلتها المحاكم ولا طالت منه شي لين الحين ..فشلون تخليه يكرف وتقعد في البيت من بيصرف على عيالها ؟؟

حاله ثانيه زوج الله منعم عليه والدوله عطته ارض وقرض من شروطه لاكمال بيت الزوجيه مشاركه زوجته فيه واعطائه من راتبها لان مبلغ القرض بينخصم من راتبه !! وهذا هي كملت فوق ال 10 سنين في بيت اهل زوجها..وين الامان مع زوج مادي !

قلنا لكم محد يعرف ظروف الثاني فخلونا من اطلاق الاحكام ..

[اغلى الغاليات]

ما ادري عن الرجال هل يشيلون او لا

و لكن ممكن العيال في المدارس او مدارس داخلية فلذلك من يكبرون والدينهم يرمونهم في العجزة

حلو معناه ان المثال لا ينطبق علينا لان مجتمعهم مختلف عن مجتمعنا ..احنا هدفنا التركيز على الاسره والاسره عندنا اساسها الام اكثر من الاب لان دور الاب في مجتمعنا الخليجي مو كبير وهذا اللي يسبب ضغط كبير على المراه العامله ..فالرحمه زينه .. واللي عنده اقتراحات تساعد المراه العامله لا يبخل علينا فيها ..لان انا منهم :weeping:

[اغلى الغاليات]

لي يسمعج يقول الموظفات يدرون عن عيالهم ... مو الكل بس الاغلب محد تدري عن عيالها الله يخلي الخدامه الي هي امهم


يمكن حولج ينطبق هالكلام لان كل شخص يتكلم عن بيئته واسرته والناس اللي يعاشرهم ..بس الحمدلله عني وعن اللي حولي من حريم اخواني وخواتي نحاول ما نقصر في تربيه عيالنا والخدامه دورها ينتهي بمجرد وصولنا للبيت ..اي اكيد في نقص بس نحاول نغطيه قد ما نقدر ..

[أسد الجزيرة]

حلو معناه ان المثال لا ينطبق علينا لان مجتمعهم مختلف عن مجتمعنا ..احنا هدفنا التركيز على الاسره والاسره عندنا اساسها الام اكثر من الاب لان دور الاب في مجتمعنا الخليجي مو كبير وهذا اللي يسبب ضغط كبير على المراه العامله ..فالرحمه زينه .. واللي عنده اقتراحات تساعد المراه العامله لا يبخل علينا فيها ..لان انا منهم :weeping:


لذلك المرأة مخيرة بين سعادة ابنائها او التضحية فيهم

فمن تختار العمل لا يجب عليها التذمر لانه هذا الامر بأختيارها و موافقتها

[أسد الجزيرة]

يمكن حولج ينطبق هالكلام لان كل شخص يتكلم عن بيئته واسرته والناس اللي يعاشرهم ..بس الحمدلله عني وعن اللي حولي من حريم اخواني وخواتي نحاول ما نقصر في تربيه عيالنا والخدامه دورها ينتهي بمجرد وصولنا للبيت ..اي اكيد في نقص بس نحاول نغطيه قد ما نقدر ..



من الساعة كم الى الساعة كم تمسكون عيالكم و باقي الاوقات مين يمسكهم و يأكلهم و يلبسهم

تقصيرنا في تربية ابنائنا لا يجعلنا ننكر جميل من يساعدوننا

[اغلى الغاليات]

لذلك المرأة مخيرة بين سعادة ابنائها او التضحية فيهم

فمن تختار العمل لا يجب عليها التذمر لانه هذا الامر بأختيارها و موافقتها


اخوي دائما في حل وسط ..الحل التعاون بين (الدوله - الزوج -الزوجه).. لان عمل المراه صار تقريبا اساسي ..

هل سعاده ابنائي بان احنا نقعد في غرفه والله يعزك حمام !! ..لان قرض الدوله ما يكفي ناخذ لنا بيت ؟؟

اخوي عن نفسي انا ..ساعات دوامي مبالغ فيها خصوصا اني ما اشتغل في شركه خاصه او اخذ راتب كبير مثل الجهات الخاصه ..انا في جهه حكوميه واطالب بتقليل ساعات دوامي مثل باقي الوزارات وتوحيدها بالنسبه للمراه العامله ..الدوله لازم تسوي دراسات تساعد في ترميم الاسره القطريه واتوقع اقتراحنا ممكن يساعد المراه اللي همها اسرتها..

[اغلى الغاليات]

من الساعة كم الى الساعة كم تمسكون عيالكم و باقي الاوقات مين يمسكهم و يأكلهم و يلبسهم

تقصيرنا في تربية ابنائنا لا يجعلنا ننكر جميل من يساعدوننا

اخوي لا تعترض لمجرد الاعتراض ..عن نفسي الخادمه تمسكهم ثلاث ساعات لين وصولي للبيت لان دوامي طويل واتاخر لين اوصل البيت انا ما انام الظهر لان اصلا ما يمديني فتخيل تراكمات هالتعب..من خمس ونص الصبح لين عشر بالليل او تسع من اللي ما راح يقصر ولو بشي بسيط .. ما انكر دور الخادمه بس ما ابجلها واخليها الكل بالكل وكاني ما اسوي شي ..

[meme-93]

لذلك المرأة مخيرة بين سعادة ابنائها او التضحية فيهم

فمن تختار العمل لا يجب عليها التذمر لانه هذا الامر بأختيارها و موافقتها

لكن من حق المرأه تعيش حياتها وتستمتع بالفلوس
ولا لانها مرأه مب من حقها تغدا او تعشى من مطعم ولا تهادي وتوجب اهلها ولا تسافر وتلبس الي بخاطرها؟
اذا الرجل مايقصر على مرته ماراحت تشتغل
فتضطر تشتغل عشان ترفه عن نفسها .. ونفس الوقت مب منعاته تترك بيتها وطول الوقت فالدوام

على فكره وايد بنات اعرفهم يلبسون ويكشخون على حساب امهاتهم الموظفات
لان ابهاتهم مايعطيهم مصرف سنع
فالنهايه الفلوس لها ولعيالها
ولاسمح الله الزوج اذا طاح فمصيبه زوجته تشله
وشفتو موضوع ديون الحريم وسمعتو القصص ان اغلب الحريم حطوا ديون على نفسهم عشان ازواجهم واخوانهم
واعرف وحده تدور شغل عشان تاخذ غرض تبني بيت لان زوجها عليه ديون

وتجون بكل بساطه تقولون مانبي المراه تشتغل؟

[أسد الجزيرة]

اخوي دائما في حل وسط ..الحل التعاون بين (الدوله - الزوج -الزوجه).. لان عمل المراه صار تقريبا اساسي ..

هل سعاده ابنائي بان احنا نقعد في غرفه والله يعزك حمام !! ..لان قرض الدوله ما يكفي ناخذ لنا بيت ؟؟

اخوي عن نفسي انا ..ساعات دوامي مبالغ فيها خصوصا اني ما اشتغل في شركه خاصه او اخذ راتب كبير مثل الجهات الخاصه ..انا في جهه حكوميه واطالب بتقليل ساعات دوامي مثل باقي الوزارات وتوحيدها بالنسبه للمراه العامله ..الدوله لازم تسوي دراسات تساعد في ترميم الاسره القطريه واتوقع اقتراحنا ممكن يساعد المراه اللي همها اسرتها..



و في حل انه المرة تقعد في البيت و تؤدي واجبها الي الله امرها فيه

[أسد الجزيرة]

اخوي لا تعترض لمجرد الاعتراض ..عن نفسي الخادمه تمسكهم ثلاث ساعات لين وصولي للبيت لان دوامي طويل واتاخر لين اوصل البيت انا ما انام الظهر لان اصلا ما يمديني فتخيل تراكمات هالتعب..من خمس ونص الصبح لين عشر بالليل او تسع من اللي ما راح يقصر ولو بشي بسيط .. ما انكر دور الخادمه بس ما ابجلها واخليها الكل بالكل وكاني ما اسوي شي ..

يعني تمسكينه فقط 4 ساعات:con2:

[اغلى الغاليات]

و في حل انه المرة تقعد في البيت و تؤدي واجبها الي الله امرها فيه

اخوي ارجع لردودي السابقه وبتعرف ان مب كل مراه طلعت من بيتها عشان الرفاهيه..ضعف الدخل المادي له دور كبير في تفكك الاسره ..لا ندعي المثاليه ونقول لا ولازم تصبر وتستحمل ..دام في حل وهو التعاون بين الزوجين وتقليل ساعات الدوام للمراه العامله من قبل الدوله ..ليش نقول خلها في بيتها ..وهي عندها شهاده ممكن تفيد بلدها واسرتها و تحسن وضعهم وتعيشهم في حال افضل ..اخوي اسال عن راتب الموظف اللي شهادته ثانويه في الوزارات واسال عن الاراضي والبيوت والبنيان وقولي كم سنه بيحتاج هالموظف عشان يشتري او يبني بيت بهالراتب..وكم بيبقى من راتبه عشان يصرف على عياله وبيته ويوفر سياره لمدارسهم وسايق ..حتى اللي عنده شهاده جامعيه راتبه بدون عمل زوجته بالغصب يكفي ..ارجعو للواقع وشوي..وخل عنكم العند والمكابره ..

[ام ناصر1]

و في حل انه المرة تقعد في البيت و تؤدي واجبها الي الله امرها فيه

والنعم بالله ...والوحدة ممكن تأدي واجبتها بيتها واهي تشتغل بعد ..
بس صعب يرجع الجني للقمقم ...ومستحيل يكون فيه حل واحد بس للمشكلة الاجتماعية لتباين ظروف الناس
اكيد الكثيرون يبون الحشيمة والكرامة للمرة وماتذل نفسها ...ولكن النساء البعض عندهن تطلعات ومطالب
ثانية يرعونها ...وفيه نساء قادرات على العطاء بمجالهن ومتميزات ويخدمن شريحة النساء والاطفال بالمجتمع بعملهن
فضلا عن دولتهم ...

[اغلى الغاليات]

[QUOTE=أسد الجزيرة;9231086]يعني تمسكينه فقط 4 ساعات:con2:[/QUOT

اي تقريبا اربع ساعات بعد الدوام .. وياليت يكون مب عاجبك لان مب عاجبني انا بعد وياليت تضم صوتك لصوتي عشان اقعد معاهم اكثر..وفي خاطري سؤال وحابه تساله لشخص متزوج وقريب منك رفيج او اخو كم ساعه هو يقعد مع عياله بعد الدوام..واعتقد الاجابه بتكون كافيه لك ..:nice:..وبتعرف ان الاربع ساعات واااايد احسن من اللي بيقوله :shy:..

[اغلى الغاليات]

حسيت ان كل المشاركين في هالموضوع اللي مب عاجبهم شغل المراه ومعترضين على تقليل الساعات زوجاتهم وخواتهم وامهاتهم ما يشتغلون عيل تبون تقعدون من في البيت عشان يربي عيالكم !! ..والحريم اللي نشوفهم في الدوام ونعرفهم ونسمع عنهم يساعدون من ويصرفون على من !! ..حسسوني اني من مجتمع اخر مو في قطر :rolleyes2:..

[اغلى الغاليات]

رد الساعة 08:19 دقيقة



رد الساعة 09:38 دقيقة



رد الساعة 10:01 دقيقة



رد الساعة 10:08 دقيقة



رد الساعة 10:43 دقيقة



رد الساعة 11:28 دقيقة



رد الساعة 11:34 دقيقة



رد الساعة 11:39 دقيقة



رد الساعة 11:59 دقيقة



رد الساعة 12:06 دقيقة



رد الساعة 01:17 دقيقة

[quote=اغلى الغاليات;9231205]

رد الساعة 01:22 دقيقة



رد الساعة 01:32 دقيقة

13 رد خلال الدوام و كل رد ممكن ياخذ 5 دقايق هاذي ساعة و و خمس دقايق بس ضاعت على النت

تتوقعين تعطين صورة عن المجهود الي تسوينه

وهل تتوقع تصيد الاخطاء للاخرين يدل على قوه ردودك !!..

دام هالموضوع بيفيدني وممكن يوصل لفوق وممكن يوصل للجرايد وياثر في المسؤولين اي بخلص شغله من شغلي وبرجع اكتب في هالموضوع وبرد على كل من يعارضني لمجرد المعارضه والتشمت ..لان البيوت اسرار ومب كل وحده ملزومه تبرر للمعارض اللي حادها على الشغل..

هذا هو الفرق بيني وبينك انا لي هدف اني اقلل ساعات دوامي عشان اعوض اسرتي وما اقصر بحق حد ..وانت انسان تبي تقنعني ان عملي ماله فايده ولا له معنى بمجرد تصيد الاخطاء في حياتي وشغلي ووين مقصره..اخوي الاولى تنشغل وتبتدي بنفسك .. ما ابي اتدخل في خصوصياتك بس ما اظن مافي ولا وحده من اهلك ما تشتغل فلا تحاربني لاني مضطره اشتغل وابي ارجع لعيالي بسرعه ابتدي حارب اللي اقرب لك مني ام او اخت اوخاله او عمه او زوجه اذا وجدت واسالهم شنو اللي حادكم على الشغل وبعدها قرر اذا انت على حق..واثبت كلامك على ارض الواقع بينك وبين نفسك وحاول تقعدهم في بيوتهم ..لان المنتدى موجود والكل بيكتب على كيفه ومحد يدري صدقه من كذبه ..

وبالمناسبه تقدر ترجع لرودي وتشوف اني نادر ما اشارك في المنتدى وهذا الموضوع اللي لي فيه ردود كثيره لانه موضوع مهم بالنسبه لي بعكسك..وهذا اخر رد مني لك لان واضح من ردودك الاخيره انك عجزت ترد علي بشي منطقي..

[أسد الجزيرة]

بالعكس ردودج بينت انج ما عندج شغل و تطالبين بشئ ما له اساس

فلذلك ركزي على شغلج بارك الله فيج

[بـــــدوي]

والله ماعرفنا لكم يالحريم فالاشياء اللي تفيدكم تطالبون بالمساواة والأشياء اللي ماتفيدكم تقولون احنا حريم وورانا بيت وعيال وزوج والعزباء مايصير ترجع البيت 3 او 4 :whistling:

وبعدين بخصوص اللي تتعذر بالاولاد وتربيتهم والاهتمام بالزوج و و و ... لوكنت بسنة 1980 يمكن اصدّق :p

لأن الخدم هالوقت صاروا اكثر من اهل البيت تقولون مكتب خدم مب بيت يعني شايفين وعارفين ومالكم سنع :yes:

[قــطــري]

لا اوافق

لان بهالشكل بيعزفون عن توظيف النساء
وبيوظفون بس الرياييل
لو انا كمدير بوظف مره تداوم لي نص دوام ولا ريال موجود معاي كل الوقت منو بختار؟؟؟ اكيد الريال

وستخيس النساء بالبيوت

رأي ممتاز ..

[غايه الطواش]

اعتقد ان المراه مخيره وليست مجبوره تعمل في دوام لمده طويله وظايف كثيره لين 12 ونص او ووحده
مثل الداخليه الاوقاف رياض الاطفال

[بوحارب]

اعتقد ان المراه مخيره وليست مجبوره تعمل في دوام لمده طويله وظايف كثيره لين 12 ونص او ووحده
مثل الداخليه الاوقاف رياض الاطفال

تحصيله مب لاقيه تشتغل في الأماكن

ولا اكثر الحريم هالأيام ودهم بالتقاعد :)

خاطري اعرف كيف الوحدة تنظم حياتها بين

دوام طويل وأطفال وبيت :rolleyes2:

[غايه الطواش]

تحصيله مب لاقيه تشتغل في الأماكن

ولا اكثر الحريم هالأيام ودهم بالتقاعد :)

خاطري اعرف كيف الوحدة تنظم حياتها بين

دوام طويل وأطفال وبيت :rolleyes2:

عادي لان اصلا اليهال يخلصون الساعه 2 :shy:
يرجعون البيت مع ابوهم
غدا العايله كله 3 او ثلاث وربع حسب وصولهم البيت
وبعدها ساعه راحه ومن ثم دراسه لين ست
من ست لين سبع ونص لعب ومن ثم سبوح وعشا ثمان ونص هم في اسرتهم :shy:

[بوحارب]

عادي لان اصلا اليهال يخلصون الساعه 2 :shy:
يرجعون البيت مع ابوهم
غدا العايله كله 3 او ثلاث وربع حسب وصولهم البيت
وبعدها ساعه راحه ومن ثم دراسه لين ست
من ست لين سبع ونص لعب ومن ثم سبوح وعشا ثمان ونص هم في اسرتهم :shy:

شكلي بخليها تشتغل دام السالفة كذا :: :con2:


عجبني الترتيب بس تهقين الكل نفس الترتيب

[غايه الطواش]

شكلي بخليها تشتغل دام السالفة كذا :: :con2:


عجبني الترتيب بس تهقين الكل نفس الترتيب

شوف اخوي صح اليهال يرجعون متاخر بس خلاص الكل صار جذيه والمفروض الزوجه تكيف عمرها وتنظم وقتها رقده مابعد الدوام والمقيال ماشوف له داعي لاحقين ع النوم
اصلا الواحد يرجع وجتمع مع عيلته بعد صلاه العصر ممكن الصيف يكون وقت طويل بس الحين مافي وقت
وحبيت اوضح نقطه ممكن يوم بالاسبوع يكون يوم انشطه للعايله
مثلا يوم الاربعا يوم الطبخ العايله كلها تطبخ من الصغير لين الكبير والعشا يجهز ويترتب من ترتيب العايله فتشوف منافسه بين الام عيالها الاولاد والبنات وابوهم :shy:
وطبعا كلن يمدح طبخه

[بوحارب]

جميل ان تكون الأسرة متكاتفة :)

الله يجعل ايامكم كلهم سعادة

واهم شي أبو العيال يطبخ :: :yes2:
هو المستفيد عشان في الرحلات يدبر نفسه :pilot: :

[ي.ع]

في مثل يقول اللي يبي الدح لايقول اح

كانت في السابق معززه ومكرمه وربت لها اجيال والحين متمرطه ومتبهدله
وحياه زوجيه تعيسه وجيل فاشل ضايع الهويه

لاجل حفنه من الدراهم واختفاء القناعه


:(



لطالما وجدت في ردودك عدم الأنحياز وتغليب لغة العقل ولكن للأسف ما وجدتها في ردك هنا لا سيم أن الموضوع في غاية الحساسية ومطلب مهم من الممكن أن يتمخض إلى ساعة أنصراف مبكرة للمرأة يمكن أن تستقبل بها طفلها الذي عانى من يوم مدرسي شاق تعطيه ما يتطلب من حنان وتبعد عنه أذىً نفسي محتمل يمكن أن يؤثر في شخصيته


:)

[Mohammed2]

لطالما وجدت في ردودك عدم الأنحياز وتغليب لغة العقل ولكن للأسف ما وجدتها في ردك هنا لا سيم أن الموضوع في غاية الحساسية ومطلب مهم من الممكن أن يتمخض إلى ساعة أنصراف مبكرة للمرأة يمكن أن تستقبل بها طفلها الذي عانى من يوم مدرسي شاق تعطيه ما يتطلب من حنان وتبعد عنه أذىً نفسي محتمل يمكن أن يؤثر في شخصيته


:)

اذا الام تبي تستقبل ولدها الذي عانى من الدرسه المفروض تكون في بيتها وتستقبله وهي مرتاحه البال ومرتاحة الجسد

الأن الأساس والصحيح واللي الدين يحث عليه هو ان المرأه مكانها البيت

اذا الام تبي تشتغل برى على راحتها, لكن ماتجي وتتذمر وانا ماعندي وقت حق عيالي وحق الطباخ

الشغل شغل وله قوانين ولازم الكل يلتزم

انا لو مسؤول او مدير مابوظف لي ولابنت اذا السالفه فيها وقت اقصر
واذا رفضت اوظف البنت لهذا السبب انا على حق وهذا سبب قوي

احنا ماننحاز حق الرجال

السالفه ان غلط البنت تتشرط وتتذمر دام انها قبلت بالعمل خارج منزلها

[ي.ع]

اممممم
ما ادري ....اذا بعض الحريم يشتغلون اصلا ...علشان يطالبن بتقليص اوقات الدوام ...
المفروض يطالبن بمرونة اوقات الدوام ....فمن بيرضى يسلمج راتب وقدرة وانتي ادومين 5 ساعات ...
الستاندر 8 ساعات ....


ما أدري الدافع من ورى هالرد يا أم ناصر وأنتي تعرفين أن المرأة لها أحتياجاتها الخاصة وتركيبتها مختلفة عن الرجل..

أعتقد أنج كنتي مديرة سابقة :secret:

[ي.ع]

اذا الام تبي تستقبل ولدها الذي عانى من الدرسه المفروض تكون في بيتها وتستقبله وهي مرتاحه البال ومرتاحة الجسد

الأن الأساس والصحيح واللي الدين يحث عليه هو ان المرأه مكانها البيت

اذا الام تبي تشتغل برى على راحتها, لكن ماتجي وتتذمر وانا ماعندي وقت حق عيالي وحق الطباخ

الشغل شغل وله قوانين ولازم الكل يلتزم

انا لو مسؤول او مدير مابوظف لي ولابنت اذا السالفه فيها وقت اقصر
واذا رفضت اوظف البنت لهذا السبب انا على حق وهذا سبب قوي

احنا ماننحاز حق الرجال

السالفه ان غلط البنت تتشرط وتتذمر دام انها قبلت بالعمل خارج منزلها


دعنا نبري القلم ونرد عليك بأسترسال :)

1. الجلي من ردك أنك ضد عمل المرأة وهذا تهميش واضح لدورها الكريم في الرقي في المجتمع.

إذا ما أستثنينا النساء اللي مب محتاجين عمل, كيف ردك على الأرملة أو المطلقة اللي مالها مورد ولا عائل وكيف ردك على الرجال العاجز اللي خلفته بس بنات وأيضاً مالهم عائل.

وكيف ردك أيضاً عن أماكن العمل اللي تتطلب وجود نساء مثل المدرسة والمستشفى.

2. كلامك عن أن الدين أبدى قعدة المرأة في بيتها عشان تصون نفسها وتربي عيالها هذي أنا معاك فيها لكن الدين أيضاً ما حرم عملها وخروجها للميادين ومشاركتها في العمل.

3. أحنا ما نطالب شي ضد القانون أحنا نطالب بسن قانون يعطي المرأة ساعة أنصراف مبكرة وهذا لحفظ أسرة والتي هي لبنة من لبنات المجتمع.


شكراً على طرحك الطيب وبأنتظار أجابتك :)

[ي.ع]

ضد الاقتراح قلبا وقالبا


النساء دائما يطالبون بالمساواه بالحقوق والواجبات ولكن وقت العمل ووقت الحقيقه يبدىء التشكي ويبداء التهرب من المسؤليه ،،

بعد الرجاجيل يبون يرجعون بيوتهم بسرعه لكي يجيبون اولادهم من المدارس ولكي يأكلون معاهم وجبه الغداء ،،

ممم بعض النساء يريدون المساواه بالرجال على حسب ((((((((اهوائهم ))))))))


حمد كالعادة لا جديد لكن أعجبتني لكي يجيبون :omen2:

وإذا أنت تلوح بإسم المساواة ف ليش ما تتخلى عن قوامتك

:)

[مش مش]

الحين اللي كتبت الموضوع سحبت نفسها وطلعت منه وانتو قاعدين لحين تتناقشون على العموم لازم يعطوني جائزة اوسكار على مواضيعي الموفيدة والناجحة

[ي.ع]

أن أتعجب من أفكار ما زال بعض الرجال يتمسك بها من باب التقليد فقط . يا أخي اللي متفق مع زوجته أنها ما تشتغل هذا أمر يخصهم ونحترمه . أما الكلام أن المرأة تبي المساواة وخلوها تعاني فأنا ابي افهم من أي نص قراني جبتوا سالفة ان المرأة لا يحق لها ان تعمل وأن هذا لا ينتقص من أحترامها أو أنوثتها . هل شفتوا مجتمع من بدأت الخليقه تطور فقط بعمل الرجل دون المرأة . تبون تحولونا الى دول متخلفة . خل المتشدقين يفهموني كيف تمشي بلد في العالم بدون ما تشتغل المرأة فيه . ولا تقولون جيبوا حريم من الخارج ليه بنات الناس عادي تشتغل وبنات البلد لا ... .بس تصور بس .... دولة ما فيها معلمات ولا طبيبات ولا ممرضات ولا أداريات ... دولة يشتغل فيها الرجال فقط في كافة المجالات . هل هذا وضع طبيعي ... من سيتعامل مع المرأة في كافة مجالاتها الأخرى ... !! ملايكة مثلا !!

كيف تدرس المرأة وتتعلم !! من سيعلمها من سيعالجها من سيزينها ان منعت النساء من العمل كيف يتفاعل نص المجتمع والنص الثاني ممنوع !! ابي افهم بس حد يفهمني كيف يمشي مجتمع من غير النساء والرجال !!
أبي افهم بس أفهم وجهة النظر الغريبة ..

يا سلام عليك ولا فض فوك..

والله يجعل دروبك كلها سعادة

:)

[ي.ع]

الحين اللي كتبت الموضوع سحبت نفسها وطلعت منه وانتو قاعدين لحين تتناقشون على العموم لازم يعطوني جائزة اوسكار على مواضيعي الموفيدة والناجحة



أمس الساعة 4 ونص تقريباً كنت أفكر أنزل الموضوع وتعجبت لين شفته اليوم..مشكورة وبالنسبة للجائزة راح تستلمينها بإذن الله إذا وافقوا على مقترحج الكريم...:telephone:

[ي.ع]

في بريطانيا والدول المتقدمه المرآه تعمل ليل نهار وتكرف في سبيل تأمين القمه الحلال لأسرتها ولما اتجي للبيت تشتغل كذلك وتطبخ وووماعندها لاخدامه ولادريول بل تتنقل لشغلها بالقطار ،،

وهنا بعض النساء يطالبون بتقصير وقت الدوام ؟ وغدا اتوقع انهم بيطالبون براتب وهم جالسين بلا عمل !!!!


لاه لاه لاه يا حمد ما بيصح هيك مقارنة ايش جاب لأيش جاب؟

بدي ألك أنو ببريطانيا النظام كلو بريطاني ( يعني كل واحد يدفع حق أكلاتو اللي أكلا) عشان هيك في تنافس بين الرجال والمره بهيك أمور.

بدي ألك كمان أنو ببريطانيا :tease: الحياة الأجتماعية شبه معدومة

وكمان ببريطانيا بيطردوا أولادن عند سن معينة ويا عيب الشووووم :anger1:

والنسوان هونيك ما بيحملوا إلا مرة وحده وما عندن إلا طفل أو بالكتير طفلين.


وكتير شغلات بتختلف أخي يعني من الأخير ما بدى :omen2:


:)

[ي.ع]

في السابق ولفترة بسيطه كنت مع الفكره ومتعاطف معاها لكن بعد ماقريت مداخلات الشباب وضعف البنات في رد الحجه اقتنعت تمام الاقتناع بوجهة نظر الشباب .. كان الله في عون الجميع


طبعاً هذا أغرب رد شفته بلا منازع :secret:

أخوي الزعفراني ودي تعلمني أيش اللي أقنعك من الردود؟

:rolleyes2:

[ي.ع]

لا ليش ياخذون من الراتب؟؟

هم الكل 24 ساعة يقولون مايحق للمرأة تتساوى مع الرجل

راتب المرأة ما يساوي ولا يشابه راتب الرجل

وهالسوالف كلها


زين مامفروض يخلون بعين الاعتبار ان طاقة المرأة اقل من طاقة الرجل؟


والا بس بالعطاء يقصرون وبالأخذ غضوا الطرف... !!




انا اؤيد وبشدة ومن زمان اقول
وقت المرأة لازم يتقصر
وبالولادة 40 يوم ماتكفي مو للمرأة .. انما للطفل
بس يعرفون يطولون لسانهم ويقولون الطفل بيد خدامة !
وقت الرضاعة ساعتين ! شتنفع .. يعني الولد 10 ساعات مايرضع !

بس يعرفون يقولون رضاعة طبيعية والمرأة كسلانة ماتبي ترضع طبيعي !


انا .. من مطالبي عدم مساواة المرأة مع الرجل ..

مسؤولياتها بالبيت ثابتة .. وموجودة ولازم تتابعها

مساكين يالحريم شفت اول.. الصباح وشفت ثاني المساء
كل يومهم بزي

والرجال ع الجاهز :weeping:

وين القوامة ..

:secret::telephone:


:nice:

[ي.ع]

الحريم في امريكا يشتغلون 12 ساعة بدون توقف و لا طالبوا بالي طالبتوا فيه

هذا الشئ شايفه بعيني


وكيف الحياة الأجتماعية عندهم يا ريت؟ :victory:

[ي.ع]

من وين الاحصائيه ان الاغلب ؟ ياريت نشوف هالاحصائيه ولا الكلام انبنى على الي حولكم بس ؟

بأنتظار الأحصائية :waiting:

[ي.ع]

[quote=أسد الجزيرة;9231306]رد الساعة 08:19 دقيقة



رد الساعة 09:38 دقيقة



رد الساعة 10:01 دقيقة



رد الساعة 10:08 دقيقة



رد الساعة 10:43 دقيقة



رد الساعة 11:28 دقيقة



رد الساعة 11:34 دقيقة



رد الساعة 11:39 دقيقة



رد الساعة 11:59 دقيقة



رد الساعة 12:06 دقيقة



رد الساعة 01:17 دقيقة



وهل تتوقع تصيد الاخطاء للاخرين يدل على قوه ردودك !!..

دام هالموضوع بيفيدني وممكن يوصل لفوق وممكن يوصل للجرايد وياثر في المسؤولين اي بخلص شغله من شغلي وبرجع اكتب في هالموضوع وبرد على كل من يعارضني لمجرد المعارضه والتشمت ..لان البيوت اسرار ومب كل وحده ملزومه تبرر للمعارض اللي حادها على الشغل..

هذا هو الفرق بيني وبينك انا لي هدف اني اقلل ساعات دوامي عشان اعوض اسرتي وما اقصر بحق حد ..وانت انسان تبي تقنعني ان عملي ماله فايده ولا له معنى بمجرد تصيد الاخطاء في حياتي وشغلي ووين مقصره..اخوي الاولى تنشغل وتبتدي بنفسك .. ما ابي اتدخل في خصوصياتك بس ما اظن مافي ولا وحده من اهلك ما تشتغل فلا تحاربني لاني مضطره اشتغل وابي ارجع لعيالي بسرعه ابتدي حارب اللي اقرب لك مني ام او اخت اوخاله او عمه او زوجه اذا وجدت واسالهم شنو اللي حادكم على الشغل وبعدها قرر اذا انت على حق..واثبت كلامك على ارض الواقع بينك وبين نفسك وحاول تقعدهم في بيوتهم ..لان المنتدى موجود والكل بيكتب على كيفه ومحد يدري صدقه من كذبه ..

وبالمناسبه تقدر ترجع لرودي وتشوف اني نادر ما اشارك في المنتدى وهذا الموضوع اللي لي فيه ردود كثيره لانه موضوع مهم بالنسبه لي بعكسك..وهذا اخر رد مني لك لان واضح من ردودك الاخيره انك عجزت ترد علي بشي منطقي..





كلام طيب حفظك الله..الأخ أسد ما دامك قاعد تحسب الوقت فأرجو أنك تكون مع ألغاء هالساعة اللي أنكتبت فيها الردود وحنا بالمقابل نبي نلغي النت.وإذا عندك حد يشتغل ساعات عمله كلها من غير وقت فراغ فأرجو أنك تشكره نيابةً عني.

:)

[ي.ع]

شكلي بخليها تشتغل دام السالفة كذا :: :con2:


عجبني الترتيب بس تهقين الكل نفس الترتيب



هههههههههه أضحك الله سنك :tease:

[qatara]

اسفه رديت على ردك قبل التعديل ..اخوي الرجل ليس عدوي الرجل اب واخ وزوج ..لكن اتمنى من سندي وظهري يقدر تضحيتي ومساعدتي له وما يوقف في شي ممكن يساعدني انتج اكثر وما اقصر في حق شغلي اللي يساعدنا على تحمل تكاليف المعيشه ويأمن لنا بيت يضمنا ويساعدنا في توفير احتياجاتنا اواقصر في حق عائلتي اللي هم عيالي وزوجي وامي وابوي واخواني وخواتي ..

المنطق يقول حاليا ان عمل المراه صار شي اساسي في ظل الغلاء المعيشي الا اذا كان الزوج عنده خير ورجل يحترم زوجته لان ممكن حتى زوجه المقتدر تعمل اذا ما حست بالامان مع زوجها وانه مب سند لها او مقصر معاها ..

وانا معاك في بعض الحريم مقصره في شغلها وفي بيتها لكن مو الكل ولا الغالبيه ..فخلنا نبتعد عن التعميم فلا الرجال كاملين ولا الحريم كذلك ..


مافي شك ان الرجل هو القائم
سوا اب او زوج او ولد او اخ

وصحيح الرجل ليس بكامل والمراه ليست بكامله
لاكن الحقيقه انه بما لديه من حق القوامه هو اكمل من المراه

اما عمل المراه واجب ابدا ليس بواجب بل هو ترف
وخرجت المراه بشعارات كاذبه احقق كياني اثبت وجودي كلها شعارات تحدي

والحقيقه كينها الحقيقي بيتها واسرتها واثبات وجودها كام واخت وبنت صالحه

واقولها وحسابي على الله ان كنت مخطي
المراه ضلمت نفسها واسرتها وخربت بيتها بيدها
والواقع يصرخ بذالك

الاسره هدمت والاولاد خربو وهي ضائعه بدون الزوج

واصبح وقتها لعملها ولنفسه اوراتبها هو سب اهمالها لبيتها بمعنا
تحول عملها وراتبها لنقمه عليها وعلى اسرتها وليس نعمه
لان الرجل فطر ليكون قائم على بيته واب ولاكن هي فطرت لتكون زوجه قائمه على بيتها وام وليست زوجه وموظفه
وانظري لكل المجتمعات بما فيها الغربيه عانت من هذا الخلل لانه ضد الفطره الربانيه
وانضري للمراه مسكينه ضائعه ليس لديها من يحميها واصبحت فريسه لكل من هب ودب
في هذه المجتمعات نتيجه هذا الخلل و خدعة مساواتها بالرجل
وعملها مثل الرجل وتحديها للرجل وووو الخ
تحياتي لج

[UmmAzoz]

انا ابي ان يكون الدوام قصير بس هذا الشي ما راح يفيد لان الوحده لما تشتغل تبي تنجز اذا غيرها يداومون 8 ساعات وهي 6 مثلا ما راح تنتج المثل خصوصا لو بيئه العمل تنافسيه وهذا هدفي بعد الراتب في العمل الانجاز

الحل برايي هو التنوع في طبيعه الوظائف يعني يكون هناك اعمال بدوام كامل وعمل بنص الدوام (بارت تايم) ويكون هناك اختلاف في الراتب والظروف تختلف من امراه لاخرى والمسووليات تختلف وهي تختار العمل اللي تبيه واللي يتبعه من مسووليات ودوام

لنكون عادلين انا اعايش هالشي العمل طويل اوصل عيالي وارجع اخذهم بعد الدوام وهذا متعب لي بس هذا خياري والحين انا استقلت من عملي لاقدم في عمل بدوام اقل و ضغط اقل وهذا الشي مو غلط الوحده لازم تحط اولويات

[قناص 787]

المفروض يزيدون عليهم الدوام مثلنا حنا المساكين اللي نداوم 12 ساعه من 6 الصبح

لين 6 المغرب وش نقول حنا عيل ........ وينهم اللي يطالبون بحقوق المراه و المساواه

مع الرجل والا امور يبغون فيها مساواه و امور ما يبغون على المزاج هووو :anger1:

[طلعة الروح]

المفروض يزيدون عليهم الدوام مثلنا حنا المساكين اللي نداوم 12 ساعه من 6 الصبح

لين 6 المغرب وش نقول حنا عيل ........ وينهم اللي يطالبون بحقوق المراه و المساواه

مع الرجل والا امور يبغون فيها مساواه و امور ما يبغون على المزاج هووو :anger1:

ووين المساواة بين الرجل والمراة من الاساس!
طلعلي جانب واحد ع الأقل من المساواة يمكن احنا ماندري باللي صاير حولنا!

[تغلبية]

هالموضوع كشف لي ان شباب قطر كذبوا الكذبة وصدقوها

أو الاعلام كذب عليهم وصدقوه ( ما أعمم)

من متى احنا طالبنا بمساواة والا نطقنا بها أصلا ؟!


اعفونا من اسقاطاتكم رجاء :omen2:

[بوحارب]

هالموضوع كشف لي ان شباب قطر كذبوا الكذبة وصدقوها

أو الاعلام كذب عليهم وصدقوه ( ما أعمم)

من متى احنا طالبنا بمساواة والا نطقنا بها أصلا ؟!


اعفونا من اسقاطاتكم رجاء :omen2:

:stop: :con2:

[تغلبية]

:stop: :con2:

ايه ..

وقفنا ..

وبعدين .... ؟ :polling:

[ام ناصر1]

المفروض يزيدون عليهم الدوام مثلنا حنا المساكين اللي نداوم 12 ساعه من 6 الصبح

لين 6 المغرب وش نقول حنا عيل ........ وينهم اللي يطالبون بحقوق المراه و المساواه

مع الرجل والا امور يبغون فيها مساواه و امور ما يبغون على المزاج هووو :anger1:
متاكد اداومون كل هالوقت ...الشباب ...في مكاتبكم بالشغل ...:telephone:

[رهج السنابك]

لو بنطالب بالمساواه

كان طالبنا يكون لنا علاوه اجتماعيه نفس الرجل
وكان طالبنا يكون لنا ارض وقرض نفس الرجل
وكان طالبنا يكون لنا نصيب في الشرهات نفس الرجل

ماقد تساوينا مع الرجل في شي دايما احنا اقل ومانقول شي
انا مب مع تخفيض الساعات لان المره بتضرر محد بيرغب يشغلها وبتقل فرصها في العمل

[اغلى الغاليات]

بالعكس ردودج بينت انج ما عندج شغل و تطالبين بشئ ما له اساس

فلذلك ركزي على شغلج بارك الله فيج

في النهايه راي شخصي لشخص موجود بمعرف الله اعلم بوضعه ومدى تناقضه ..وجاي يقيمني في يوم واحد شاركت فيه بموضوع ياثر علي وعلى اسرتي ...رايك مردود عليك لا يقدم ولا ياخر عندي ..فانشغل بنفسك واهلك بارك الله فيك ولا تقعد تتكلم عني وعن حياتي لانها بكل بساطه ما تخصك ..

[اغلى الغاليات]

مافي شك ان الرجل هو القائم
سوا اب او زوج او ولد او اخ

وصحيح الرجل ليس بكامل والمراه ليست بكامله
لاكن الحقيقه انه بما لديه من حق القوامه هو اكمل من المراه

اما عمل المراه واجب ابدا ليس بواجب بل هو ترف
وخرجت المراه بشعارات كاذبه احقق كياني اثبت وجودي كلها شعارات تحدي

والحقيقه كينها الحقيقي بيتها واسرتها واثبات وجودها كام واخت وبنت صالحه

واقولها وحسابي على الله ان كنت مخطي
المراه ضلمت نفسها واسرتها وخربت بيتها بيدها
والواقع يصرخ بذالك

الاسره هدمت والاولاد خربو وهي ضائعه بدون الزوج

واصبح وقتها لعملها ولنفسه اوراتبها هو سب اهمالها لبيتها بمعنا
تحول عملها وراتبها لنقمه عليها وعلى اسرتها وليس نعمه
لان الرجل فطر ليكون قائم على بيته واب ولاكن هي فطرت لتكون زوجه قائمه على بيتها وام وليست زوجه وموظفه
وانظري لكل المجتمعات بما فيها الغربيه عانت من هذا الخلل لانه ضد الفطره الربانيه
وانضري للمراه مسكينه ضائعه ليس لديها من يحميها واصبحت فريسه لكل من هب ودب
في هذه المجتمعات نتيجه هذا الخلل و خدعة مساواتها بالرجل
وعملها مثل الرجل وتحديها للرجل وووو الخ
تحياتي لج



اخوي اقدر اقولك الحل بيدك وبيد غيرك من المعارضين اصلحو من حالكم فينصلح حالنا .. دام انتو اكمل منا لان عندكم القوامه فاعملو بها ..كل واحد يطبقها على اهل بيته واللي حوله من معارفه .. واللي طالعه لرفاهيه وماله داعي تطلع خل زوجها او ابوها او اخوها يقعدها في البيت ويعطيها كفايتها لان القوامه عنده فتكون انت وغيرك من المؤيدين حليتو جزء من المشكله اللي انتو تشوفونها موجوده وماثره على حياتكم ..
بس اللي تشتغل لظروف الله علم بها وتساعد زوجها فزوجها ادرى بها ويعرف راتبها وين يروح فعاذرها ومقدر وضعها لانها تساعده وتعينه..
ما يحق لاي شخص كان يحكم عليهم لمجرد ان مو مقتنع بفكره عمل المراه ..ابتعدو عن التعميم لان مو شرط اللي تشوفه حولك ينطبق على غيرك ..

[اغلى الغاليات]

هالموضوع كشف لي ان شباب قطر كذبوا الكذبة وصدقوها

أو الاعلام كذب عليهم وصدقوه ( ما أعمم)

من متى احنا طالبنا بمساواة والا نطقنا بها أصلا ؟!


اعفونا من اسقاطاتكم رجاء :omen2:
:nice: اشكرج

[ضوى]

المشكلة لجا الحسد من بني جنسنا اللهم ياكافي الشر ودافع البلا

[بو خليفه 123]

لو بنطالب بالمساواه

كان طالبنا يكون لنا علاوه اجتماعيه نفس الرجل
وكان طالبنا يكون لنا ارض وقرض نفس الرجل
وكان طالبنا يكون لنا نصيب في الشرهات نفس الرجل

ماقد تساوينا مع الرجل في شي دايما احنا اقل ومانقول شي
انا مب مع تخفيض الساعات لان المره بتضرر محد بيرغب يشغلها وبتقل فرصها في العمل



في منتدى سيدات الاعمال الأخير طالبوا بالنقاط الي تفضلتي و ذكرتيها اعلاه .

بالرغم ان من وجهة نظري منتدى سيدات الاعمال يجب عليهم تسليط الضوء على اعطاء الفرص للمستثمرات الصغيرات .. طرح افكار تجاريه .. تبادل مواضيع تجاريه .. و ليس للفضفضه و المطالبات .

[مستوى الدعم]

في منتدى سيدات الاعمال الأخير طالبوا بالنقاط الي تفضلتي و ذكرتيها اعلاه .

بالرغم ان من وجهة نظري منتدى سيدات الاعمال يجب عليهم تسليط الضوء على اعطاء الفرص للمستثمرات الصغيرات .. طرح افكار تجاريه .. تبادل مواضيع تجاريه .. و ليس للفضفضه و المطالبات .


رابطة سيدات الأعمال تضم في عضويتها العديد من السيدات المهنيات.. وليس كلهن صاحبات بزنس..

إضافة إلى ذلك فإن جائزة سيدات الأعمال السنوية.. ليس شرطاً أن يتم منحها لرائدة فكرة تجارية بل في معظم المرات السابقة تم منحها لسيدات يشغلن مناصب في مؤسسات وشركات..

وعليه.. يبدو إما أن هناك خلطاً بحيث يردن الحصول على مكاسب تناسب وظائفهن الحالية.. أو أنهن يرغبن بتوسيع نطاق العضوية في الرابطة..

[hanayen]

من اللي بيدرس بناتكم وخواتكم ويعالجهم
بصراحه معظم النساء عن مئه رجل خاصه اذا كانت تقوم بدور الام والاب
والرجل هايت في المجالس
الا ما رحم ربي

[أم علي 2010]

والله ودي اضحك


المساواة تم ذكرها في رؤية قطر 2030

اللي قرا الرؤية بيكون فاهم الوضع ،،

اللي عنده اعتراض يروح الامانة العامه ،، حسب معلوماتي ان الرؤية موافق عليها الامير

نساء ولا رجال ما شفت حد يشتغل 8 ساعات متواصله بدون توقف !! :)

[بطران متملل]

اللي تحس انها مقصره مع بيتها وعيالها محد جبرها تشتغل !بس ان المره تداوم اقل من الرجال هذي ماصارت بالعالم تكلمو بشي يدخل العقل مب مساواه بلي تبونه ولي ماتبونه على اهوائكم تختارون ، عيل حتى الرجال اذا دوامه طويل بقصر مع بيته وعياله !؟ وشدخل التكوين الجسماني ؟ ليكون داخلين الصاعقه ولا يلعبون كوره ؟ مكتب ونت ومكيف وريوق وجرايد وسوالف وضحك

[أسد الجزيرة]

اللي تحس انها مقصره مع بيتها وعيالها محد جبرها تشتغل !بس ان المره تداوم اقل من الرجال هذي ماصارت بالعالم تكلمو بشي يدخل العقل مب مساواه بلي تبونه ولي ماتبونه على اهوائكم تختارون ، عيل حتى الرجال اذا دوامه طويل بقصر مع بيته وعياله !؟ وشدخل التكوين الجسماني ؟ ليكون داخلين الصاعقه ولا يلعبون كوره ؟ مكتب ونت ومكيف وريوق وجرايد وسوالف وضحك

:victory:

[اغلى الغاليات]

اللي تحس انها مقصره مع بيتها وعيالها محد جبرها تشتغل !بس ان المره تداوم اقل من الرجال هذي ماصارت بالعالم تكلمو بشي يدخل العقل مب مساواه بلي تبونه ولي ماتبونه على اهوائكم تختارون ، عيل حتى الرجال اذا دوامه طويل بقصر مع بيته وعياله !؟ وشدخل التكوين الجسماني ؟ ليكون داخلين الصاعقه ولا يلعبون كوره ؟ مكتب ونت ومكيف وريوق وجرايد وسوالف وضحك

ياليت تقول لنا شنو مهام الرجل اللي بيقصر فيها اذا دوامه طويل يمكن يربي اليهال ويدرسهم ويقعد بالبيت يساعد اهله و اذا راحت الخدامه غسل وكوي ثيابه وطبخ له ولغيره..ولا يقوم من الفجر يودي عياله ويرجعهم !..
الحين السايق صار يدري عن بيت المعزب وعياله اكثر منه..

اذا عيوب مجتمعنا زادت لان النساء صارت تشتغل فارجعو للاصل اللي هو الرجل وشوفو وين مشكلته وشنو اللي معطل دوره لان القوامه عنده ..

[أسد الجزيرة]

يالله صباح خير بدينا يوم جديد

[BoFahed]

ياليت تقول لنا شنو مهام الرجل اللي بيقصر فيها اذا دوامه طويل يمكن يربي اليهال ويدرسهم ويقعد بالبيت يساعد اهله و اذا راحت الخدامه غسل وكوي ثيابه وطبخ له ولغيره..ولا يقوم من الفجر يودي عياله ويرجعهم !..
الحين السايق صار يدري عن بيت المعزب وعياله اكثر منه..

اذا عيوب مجتمعنا زادت لان النساء صارت تشتغل فارجعو للاصل اللي هو الرجل وشوفو وين مشكلته وشنو اللي معطل دوره لان القوامه عنده ..

اختي ما حد ينكر حقيقة بان الام لها الدور الاكبر في تكوين شخصية الطفل من جهة التربية وغرس الاخلاق

فاذا الام تركت البيت واشتغلت وشغل فكرها وبالها في المناصب والترقيات والماركات والمجاملات والمشاحنات مع زميلاتها اكيد بتقط علا الخدامة كل شي وبيطلع لنا جيل ما يعلم فيه الا ربنا والواقع الحين اكبر دليل علا كلامي

[اغلى الغاليات]

اختي ما حد ينكر حقيقة بان الام لها الدور الاكبر في تكوين شخصية الطفل من جهة التربية وغرس الاخلاق

فاذا الام تركت البيت واشتغلت وشغل فكرها وبالها في المناصب والترقيات والماركات والمجاملات والمشاحنات مع زميلاتها اكيد بتقط علا الخدامة كل شي وبيطلع لنا جيل ما يعلم فيه الا ربنا والواقع الحين اكبر دليل علا كلامي

اخوي والله انا اعرف ان هالنوع من الامهات موجود واشوفهم قدامي بس خروجها للعمل تم بموافقه ولي امرها كان زوج او اب او اخ فما نقدر نحاسبها ونقول لها ليش اشتغلتي وهديتي بيتج وعيالج !! .. خلنا لا نشمل الكل لا نظلم فئه عشان فئه..اللي انا اطالب به دوام موحد من 7:30 الى 1:30 للوزارات ..ما اعرف عن غيري من الامهات بس انا بالنسبه لي هالاوقات مناسبه جدا ومعقوله ..

[بطران متملل]

ياليت تقول لنا شنو مهام الرجل اللي بيقصر فيها اذا دوامه طويل يمكن يربي اليهال ويدرسهم ويقعد بالبيت يساعد اهله و اذا راحت الخدامه غسل وكوي ثيابه وطبخ له ولغيره..ولا يقوم من الفجر يودي عياله ويرجعهم !..
الحين السايق صار يدري عن بيت المعزب وعياله اكثر منه..

اذا عيوب مجتمعنا زادت لان النساء صارت تشتغل فارجعو للاصل اللي هو الرجل وشوفو وين مشكلته وشنو اللي معطل دوره لان القوامه عنده ..

ليش الرجال مايقعد في بيته ؟ مايشوف احتياجات وطلبات ومقاضي البيت ؟ مايشوف عياله ؟ ولي ماعنده دريول مايودي ويجيب هله وعياله ويوصلهم ؟ مايربي عياله ؟ ...الخ واذا انتي ماتعرفين مهام الرجل هذي مشكله ! وتبين تقولين لي كل الحريم يربون عيالهم ويدرسونهم ؟الله يخلي الخدم ! ومن بيكنس وبغسل وبيكوي الا نادرا ! عيل هالخدمات في كل بيت شسون ؟كل ياهل وله خدامه خاصه فيه ! تكلمي بالواقع

[Princess-style]

دامج حولتي السؤال لمساله شخصيه ،،، انا اعتذر عن الرد

[اغلى الغاليات]

ليش الرجال مايقعد في بيته ؟ مايشوف احتياجات وطلبات ومقاضي البيت ؟ مايشوف عياله ؟ ولي ماعنده دريول مايودي ويجيب هله وعياله ويوصلهم ؟ مايربي عياله ؟ ...الخ واذا انتي ماتعرفين مهام الرجل هذي مشكله ! وتبين تقولين لي كل الحريم يربون عيالهم ويدرسونهم ؟الله يخلي الخدم ! ومن بيكنس وبغسل وبيكوي الا نادرا ! عيل هالخدمات في كل بيت شسون ؟كل ياهل وله خدامه خاصه فيه ! تكلمي بالواقع

اخوي انا اعرف دور الرجل ودوره صار اسهل من دورنا احنا في هالزمن بس مب من حقي افرضه عليه اي انا اتكلم بالواقع..ما اعمم بس الغالب من الرجال وخصوصا الرجل الخليجي شايل ايده من التربيه والتدريس ويبي اللي يخدمه لانه متعود كل شي يجيه لين عنده والمرأه تعودت تدبر نفسها بدونه عشان جذي زادت نسبه الطلاق..وهذا سبب خروج الغالبيه من النساء للعمل لو الرجل يغير من نفسه ويلعب دوره صح بتقل مشاكلنا لان هو اساس الاسره وهو الآمر الناهي .. الحين البيوت اغلبها عندها بدل السايق اثنين يودي اليهال ويجيبهم ويخلص مقاضي البيت واذا في شي خربان بالبيت جاب حد يصلحه..بالضبط الدور اللي قلت عنه..واذا على التربيه عيل ليش اشوف اغلب المشاركين كاتبين مقصره بحق عيالها ..وما قالواحنا بعد مقصرين بحق عيالنا..ما احنا نداوم حالنا من حالكم ..بس هالدور انتو راكنينه للمراه بشكل عام وشالين يدكم منه ..
المشكله الرجل في مجتمعنا تعود على الانتقاد فقط لا غير بس تعال خذ قرار وغير من نفسك ومن الوضع اللي حولك يسكت..محد يبي يبتدي بنفسه الكل يبي ينتقد المرأه ويحط اللوم عليها وبس ..

[قنديلة]

انا اطالب بتقصير وقت الدوام للنساء خاصه للي دواماتهم لين الساعه 2 و3
المره عندها ضروف مثلا اللي متزوجه وعندها عيال وبيت وريل تباريه وتشوف احتياجاتهم
والبنت العزباء مو عدله اتم ف هالقوايل ماترد البيت الا الساعه 3 او 4
في امور لازم يراعون البنت فيها اكثر من الرجل الصراحه

سبحان الله كان هالموضوع في بالي من فترة وكنت بنزل موضوع مفصّل وطرحتيه جزاكِ الله خيرا

قال تعالى: { وَلَيْسَ الذَّكَرُ كَالْأُنْثَى }، فلنتأمل شيئاً من حِكَمِ الله تعالى اخواتي واخواني .. أن طبيعة المرأة تختلف عن طبيعة الرجل , وبنية المرأة معروف علميا اضعف من الرجل , وقد تصبح زوجة وأم وربة بيت .. فكيف بالله تجمع بين هذا كله وهي اضعف بنية وقوة من الرجل.. فكروا والله ان ساعات العمل الطويلة تنهكها وتعود للبيت وقد تقصر في واجباتها كأم وزوجة او حتى لو ابنة او اخت في بيت اهلها وذويها .. سبحان الله قد ادركت مؤخّرا ذلك بعض الدول المتقدمة الغربية لذلك مددت اجازات النساء فلها الحق ان تاخذ اجازة استثنائية في كل شهر ومن غير اجازة الامومة ( سنتين!) لان هذه الدول ادركت ان من صحة بناء المجتمع ( صحة الام وراحتها واعطاءها وقت كافي لتربية جيل سيساهم في بناء المجتمع غدا ). تختلف واجبات الرجل عن المرأة كما تختلف ايضا البينة الجسدية بينهما .. لذلك صحيا وعلميا وقبل ذلك كله دينيّا لصحة الاسرة والمجتمع ولتنشئة اطفال اصحاء متزنين اخذوا كفايتهم من الحنان والتربية من الام نطالب بتغيير الوقت وتقصيره ولو لساعة او ساعتين للنساء وذلك للاسباب المنطقية السابقة جميعها .. وكان الله ولي التوفيق.

[BoFahed]

سبحان الله كان هالموضوع في بالي من فترة وكنت بنزل موضوع مفصّل وطرحتيه جزاكِ الله خيرا

قال تعالى: { وَلَيْسَ الذَّكَرُ كَالْأُنْثَى }، فلنتأمل شيئاً من حِكَمِ الله تعالى اخواتي واخواني .. أن طبيعة المرأة تختلف عن طبيعة الرجل , وبنية المرأة معروف علميا اضعف من الرجل , وقد تصبح زوجة وأم وربة بيت .. فكيف بالله تجمع بين هذا كله وهي اضعف بنية وقوة من الرجل.. فكروا والله ان ساعات العمل الطويلة تنهكها وتعود للبيت وقد تقصر في واجباتها كأم وزوجة او حتى لو ابنة او اخت في بيت اهلها وذويها .. سبحان الله قد ادركت مؤخّرا ذلك بعض الدول المتقدمة الغربية لذلك مددت اجازات النساء فلها الحق ان تاخذ اجازة استثنائية في كل شهر ومن غير اجازة الامومة ( سنتين!) لان هذه الدول ادركت ان من صحة بناء المجتمع ( صحة الام وراحتها واعطاءها وقت كافي لتربية جيل سيساهم في بناء المجتمع غدا ). تختلف واجبات الرجل عن المرأة كما تختلف ايضا البينة الجسدية بينهما .. لذلك صحيا وعلميا وقبل ذلك كله دينيّا لصحة الاسرة والمجتمع ولتنشئة اطفال اصحاء متزنين اخذوا كفايتهم من الحنان والتربية من الام نطالب بتغيير الوقت وتقصيره ولو لساعة او ساعتين للنساء وذلك للاسباب المنطقية السابقة جميعها .. وكان الله ولي التوفيق.


زين اختي عادي توافقين لو طلع مسئول وقال اخصموا من رواتبهم قيمة الساعتين بتوافقون ؟؟؟؟؟؟؟


انا من وجهة نظري صرف رواتب للامهات ولو ربع اللي ياخذونه ويتفرغون لدورهم الكبير بالبيت افضل بوايد من انهم يشتغلون

[تغلبية]

سبحان الله كان هالموضوع في بالي من فترة وكنت بنزل موضوع مفصّل وطرحتيه جزاكِ الله خيرا

قال تعالى: { وَلَيْسَ الذَّكَرُ كَالْأُنْثَى }، فلنتأمل شيئاً من حِكَمِ الله تعالى اخواتي واخواني .. أن طبيعة المرأة تختلف عن طبيعة الرجل , وبنية المرأة معروف علميا اضعف من الرجل , وقد تصبح زوجة وأم وربة بيت .. فكيف بالله تجمع بين هذا كله وهي اضعف بنية وقوة من الرجل.. فكروا والله ان ساعات العمل الطويلة تنهكها وتعود للبيت وقد تقصر في واجباتها كأم وزوجة او حتى لو ابنة او اخت في بيت اهلها وذويها .. سبحان الله قد ادركت مؤخّرا ذلك بعض الدول المتقدمة الغربية لذلك مددت اجازات النساء فلها الحق ان تاخذ اجازة استثنائية في كل شهر ومن غير اجازة الامومة ( سنتين!) لان هذه الدول ادركت ان من صحة بناء المجتمع ( صحة الام وراحتها واعطاءها وقت كافي لتربية جيل سيساهم في بناء المجتمع غدا ). تختلف واجبات الرجل عن المرأة كما تختلف ايضا البينة الجسدية بينهما .. لذلك صحيا وعلميا وقبل ذلك كله دينيّا لصحة الاسرة والمجتمع ولتنشئة اطفال اصحاء متزنين اخذوا كفايتهم من الحنان والتربية من الام نطالب بتغيير الوقت وتقصيره ولو لساعة او ساعتين للنساء وذلك للاسباب المنطقية السابقة جميعها .. وكان الله ولي التوفيق.

:eek5:

كان زين يعطونا اجازة استثنائية كل شهر .. ويخصمون من الراتب ماعندي مانع بس شهر كامل اداومه بدون ماغيب صعب علي .. اتعب :(

[ضوى]

الزوجة لغابت عن البيت يضيع البيت باللي فيه ، واذا الزوج غاب شنهو ممكن يصير ؟؟

الزوجة قاطة بلاها عالخدامة ، والزوج قاط بلاه على الدريول والضحية العيال

[k.fatma]

هلا اختي
أنا أوافقج الراي بحيث يكون الدوام قصير ، ساعتين على الاقل ((( قبل ساعه وعقب ساعه )))
يعني من غير قطع الراتب ومب نص دوام نفس مايقولون
لانه استلزاماتها كثيرة من بيت وعيال واهم شي تكون اول شخص يرجع البيت واكيد الاخوان بيوافقون على هذا الراي ما أظن يرضون يرجعون قبل حريمهم البيت

[NeverLand]

عيل مساكين موظفين القطاع الخاص، بعضهم يخلص دوامهم 3 وبعضهم 3 ونص ، أما متى يوصل ؟ مع الزحمه يمكن 4 او 4 ونص، ويومه كله رايح ع الدوام والروحه والرده! والرواتب الحين نفس الشي تقريبا سواء حكومة او قطاع خاص!

ترى حتى احنا بشر مثل اللي يشتغلون في القطاع الخاص ومساكين مثلهم

انا اشتغل في قطاع حكومي ودوامي يخلص 3 وما اوصل البيت الا 4 او 4 ونص

تعادلنا

[qatara]

بعض الرود تبين الحقد على المراءة بصورة مش طبيعية في مجتمعنا ورفقا بالقوارير


الله لايولي ظالم على مرة ضعيفة


هاللى همكم رزق الفقيرة يقل ويننقص منه

اذا بيقصر وقت دوامها ماراح ترد البيت تكبر المخدة وتنام (مثل غيرها )بترجع بعد حق شغل بتجابل زوج اعيال

لو ماوراها التزامات من زوج واعيال وبيت عادي تم في الدوام لين 3

رفقا بالقوارير لضعفهن قالها رسول الله لان النساء كن في الهوادج متسترات فوق الجمال
في غافله رحل فخاف عليهن الرسول من رقص الجمل لما قام الحداء بالغناء للجمال

رفقا بهم لا يتكسرن وشبههن بالغوارير


ارجو لا يساء استخدام الحديث فيما يخدم اهداف لا يقبللها
شرع الله فشرع الله قال لهن ياغوارير قرن ببيوتكن.

لكي لا تتكسر القوارير قرن ولا تستخدمون الاحاديث لما يخدم اهدافكم التي تناقض ما امرتن به

اليس كذالك ؟

[MaRuKoO]

اخوي انا اعرف دور الرجل ودوره صار اسهل من دورنا احنا في هالزمن بس مب من حقي افرضه عليه اي انا اتكلم بالواقع..ما اعمم بس الغالب من الرجال وخصوصا الرجل الخليجي شايل ايده من التربيه والتدريس ويبي اللي يخدمه لانه متعود كل شي يجيه لين عنده والمرأه تعودت تدبر نفسها بدونه عشان جذي زادت نسبه الطلاق..وهذا سبب خروج الغالبيه من النساء للعمل لو الرجل يغير من نفسه ويلعب دوره صح بتقل مشاكلنا لان هو اساس الاسره وهو الآمر الناهي .. الحين البيوت اغلبها عندها بدل السايق اثنين يودي اليهال ويجيبهم ويخلص مقاضي البيت واذا في شي خربان بالبيت جاب حد يصلحه..بالضبط الدور اللي قلت عنه..واذا على التربيه عيل ليش اشوف اغلب المشاركين كاتبين مقصره بحق عيالها ..وما قالواحنا بعد مقصرين بحق عيالنا..ما احنا نداوم حالنا من حالكم ..بس هالدور انتو راكنينه للمراه بشكل عام وشالين يدكم منه ..
المشكله الرجل في مجتمعنا تعود على الانتقاد فقط لا غير بس تعال خذ قرار وغير من نفسك ومن الوضع اللي حولك يسكت..محد يبي يبتدي بنفسه الكل يبي ينتقد المرأه ويحط اللوم عليها وبس ..

هههههه قطعتيهم
بس ترى موب كلهم صج نادر بس في الي يراكض يعني الدريول ما بيسوي شي بنفسه اكيد الريال هو الي يطرشه ويقوله وجي يعني خلينا عادلين في اشياء ما تمشي الا بالريال لو الريال مقصر 90% صدقيني ما مشت فكري فيها اقصد النوع الحريص منهم لو غاب صدقيني وايد اشياء بتغيب معاه ارجع اقول وايد اشياء ماتمشي فالبيت الا بالريال







ترى حتى احنا بشر مثل اللي يشتغلون في القطاع الخاص ومساكين مثلهم

انا اشتغل في قطاع حكومي ودوامي يخلص 3 وما اوصل البيت الا 4 او 4 ونص

تعادلنا
لا راتبهم اكثر بعد :nice:



هلا اختي
أنا أوافقج الراي بحيث يكون الدوام قصير ، ساعتين على الاقل ((( قبل ساعه وعقب ساعه )))
يعني من غير قطع الراتب ومب نص دوام نفس مايقولون
لانه استلزاماتها كثيرة من بيت وعيال واهم شي تكون اول شخص يرجع البيت واكيد الاخوان بيوافقون على هذا الراي ما أظن يرضون يرجعون قبل حريمهم البيت


اخواني والله العظيم موب كل الحريم ترجع وتقط كل شي عالخدامه حرام عليكم الي تقولونه والله احنا ننطر رجعتنا للبيت عشان لا تضيع علينا دقيقه زياده بعيد عن البيت وعن اليهال نرجع وقلوبنا متقطعه على كل دقيقه بعيد عنهم نرجع وكانه صارلنا اسبوع ما شفناهم اظن هالشي فمصلحت الكل لو قصر وقت الدوام حتى الزوج يعني ما بيكون مرتاح انه زوجته ترجع ابكر وللبيت واليهال يعني موب بس احنا الي بنكون احسن حتى انتوا الاسره موب اسرة المراه بروحها خافوا ربكم اول مره اشوف فحياتي رجال يحقد على المراه امه اخته زوجته بنته انها ترجع قبله الي يقول اخصموا من راتبها والي يقول تقعد فالبيت احسن !! انتوا من صجكم!!يعني هالراتب وين بتصرفه فذمتكم الي تبون تقصونه موب بتفرح فيه اليهال بشي !!! موب بتشتري لنفسها شي!! والي بينقص من الراتب وين بيروح !! بيروح حق سوسن وزكيه ورولا ولكشمي وربعهم لانهم ما بيضيعون اي دقيقه حتى لو لاسرتها اذا فيها فلوس وراس مالها تحمل وتجيب2 ان كثرت 3 وخلاص توقف وكل ياهل والثاني توقف وراه ثلاث ولا اربع ولا خمس سنين موب احنا نكرهم كر ورى بعض واقل وحده تبي تجيب 6 ولا 7 !! وبعدين اذا اقعدت فالبيت يعني انتوا تشوفون انه الغريبه اولى من بنات البلد !!الي زوجته ما تشتغل خلاص ما يخصنا فيه ولا يخصه فينا كلً ينام عالجنب الي يريحه بس موب يشن حرب على خواته الي يبون الوظيفه ولا الي محتاجين لها الي يقول احسن والي يقول يستاهلون والي يقول خلها والي يقول ماتداوم والي يقارنها بالي ما عندها لا عادات ولا تقاليد يبيها نفسها ولا تطلع !! استحوا !! والله العظيم استحوا!! عمره ما جات بنت من خواتكم بنات البلد قالت كلمه من هالكلام بحقكم ! ولا قالت اقطعوا عليه ولا طولوله الدوام ولا اكرفوه ولا اي شي طول عمرهم كلامهم فالي فيه خير ومنفعه لكم !!
صدمتوني والله يا شبابنا كل يوم تصدموني بشي زياده صرتوا تستكثرون على بنت ديرتكم كل شي وتطلعون فيها عذاريب ومساوئ وعيوب الدنيا

بدال ما انتوا الي تكتبون هالمواضيع وهالاشياء لخواتكم !! عجبي!!

[ضوى]

هههههه قطعتيهم
بس ترى موب كلهم صج نادر بس في الي يراكض يعني الدريول ما بيسوي شي بنفسه اكيد الريال هو الي يطرشه ويقوله وجي




لا راتبهم اكثر بعد :nice:





اخواني والله العظيم موب كل الحريم ترجع وتقط كل شي عالخدامه حرام عليكم الي تقولونه والله احنا ننطر رجعتنا للبيت عشان لا تضيع علينا دقيقه زياده بعيد عن البيت وعن اليهال نرجع وقلوبنا متقطعه على كل دقيقه بعيد عنهم نرجع وكانه صارلنا اسبوع ما شفناهم اظن هالشي فمصلحت الكل لو قصر وقت الدوام حتى الزوج يعني ما بيكون مرتاح انه زوجته ترجع ابكر وللبيت واليهال يعني موب بس احنا الي بنكون احسن حتى انتوا الاسره موب اسرة المراه بروحها خافوا ربكم اول مره اشوف فحياتي رجال يحقد على المراه امه اخته زوجته بنته انها ترجع قبله الي يقول اخصموا من راتبها والي يقول تقعد فالبيت احسن !! انتوا من صجكم!!يعني هالراتب وين بتصرفه فذمتكم الي تبون تقصونه موب بتفرح فيه اليهال بشي !!! موب بتشتري لنفسها شي!! والي بينقص من الراتب وين بيروح !! بيروح حق سوسن وزكيه ورولا ولكشمي وربعهم لانهم ما بيضيعون اي دقيقه حتى لو لاسرتها اذا فيها فلوس وراس مالها تحمل وتجيب2 ان كثرت 3 وخلاص توقف وكل ياهل والثاني توقف وراه ثلاث ولا اربع ولا خمس سنين موب احنا نكرهم كر ورى بعض واقل وحده تبي تجيب 6 ولا 7 !! وبعدين اذا اقعدت فالبيت يعني انتوا تشوفون انه الغريبه اولى من بنات البلد !!الي زوجته ما تشتغل خلاص ما يخصنا فيه ولا يخصه فينا كلً ينام عالجنب الي يريحه بس موب يشن حرب على خواته الي يبون الوظيفه ولا الي محتاجين لها الي يقول احسن والي يقول يستاهلون والي يقول خلها والي يقول ماتداوم والي يقارنها بالي ما عندها لا عادات ولا تقاليد يبيها نفسها ولا تطلع !! استحوا !! والله العظيم استحوا!! عمره ما جات بنت من خواتكم بنات البلد قالت كلمه من هالكلام بحقكم ! ولا قالت اقطعوا عليه ولا طولوله الدوام ولا اكرفوه ولا اي شي طول عمرهم كلامهم فالي فيه خير ومنفعه لكم !!
صدمتوني والله يا شبابنا كل يوم تصدموني بشي زياده صرتوا تستكثرون على بنت ديرتكم كل شي وتطلعون فيها عذاريب ومساوئ وعيوب الدنيا

بدال ما انتوا الي تكتبون هالمواضيع وهالاشياء لخواتكم !! عجبي!!


لاحظتي اختي ؟

عمر بنات المنتدى ماكتبوا كلمة بحق الرجال بالعكس كله كلام طيب عنهم ، وهم ماشاء الله عليهم قطعوا الحريم تقطع ، ماكانها بنت واخت وام وزوجة لهم سبحان الله

[طبيب قطري]

انا مااشوف ان من حق المرأه سواء بالقطاع الخاص او الحكومي ان يتقصر دوامهم، مكفي عندنا بالمستشفى بعض الطبيبات الله يهداهم يتعذرون بعيالهم وماياخذون شفتتات الويك اند.. العدل عدل حق الكل بالنسبة للرجل او المرأه واللي مب عاجبها الشغل تقعد وتجابل عيالها ابركلها..
وملاحظه بسيطه : كفايه حقد على موظفات القطاع الخاص والله انهم يكرفون كرف اليهد وبالاخر متضطهدين من المدراء الاجانب وتقيماتهم فيها ظلم..

[تغلبية]

هالموضع بين لي لأي درجة .. الرجل القطري حاط راسه براس المراة .. يعني موب هي اللي حاطه راسها براسه .. انقلبت الآية هالمرة

ندية عجيبة غريبة .. ماقد شفتها من قبل !!!




أتمنى فعلاً تكون هالندية مجرد حبر على هالمتصفح .. بنحاول نبلعها

لكن .. لو كان فعلاً هذا حال الرجال على أرض الواقع .. معذور الطلاق لي صار .. !

[R 7 A L]

^
^
^

لاتعممين بارك الله فيك ارجعي للمشاركات السابقة

[تغلبية]

^
^
^

التعميم إفلاس .. رحال

وأنا هنيه ما أعمم وبنفس الوقت استغرب تعدد الآصوات والا باقول آراء فردية شاذة وانتهى الموضوع

قريت معظم المشاركات

استغربت المشاركات الندية و ياليتها بعد مبررة !


من متى الرجال يقارن نفسه بالمرأة في الشغل والكد ؟! <<<< سؤال بريء جداً

!!

[R 7 A L]

^
^
حتى لو
لنا مشاركات و اراء مختلفة
يجيب النظر اليها
ولا تبحثون عن كل مخالف لكم

[أسد الجزيرة]

لانه حرام تاخذون فلوس بدون شغل اذا انتوا عادلين خلاص الساعتين تنخصم منكم عشان تحللون رواتبكم

[qatara]

هالموضع بين لي لأي درجة .. الرجل القطري حاط راسه براس المراة .. يعني موب هي اللي حاطه راسها براسه .. انقلبت الآية هالمرة

ندية عجيبة غريبة .. ماقد شفتها من قبل !!!




أتمنى فعلاً تكون هالندية مجرد حبر على هالمتصفح .. بنحاول نبلعها

لكن .. لو كان فعلاً هذا حال الرجال على أرض الواقع .. معذور الطلاق لي صار .. !






عكس ماقلتي هو الصحيح
لذالك حدثت ردة فعل من الرجال الذين بهم غيره


بالعكس الخلل والقصور في بعض القطريات التين انتكست احوالهم من فترات قريبه 360 درجه
والله اعلم بحال البعض الاخر منهن

فحينما وجدت بعضهن ثغرات من بعض القوانين في الفتره الاخيره و استخدمنها بغير محلها

تمردن بحجة المساوواه و تخلين نفسهن منافسات واعظم من الرجل
في حين ان ارادة الله ان يكن الرجال قوامون عليهن بحكم الخلق والخليقه
ووضعن العذاريب والمبررات والافترائات لاكنها كلها مكشوفه للعاقلين المتبصرين

فبعضهن يا مريضات او محتالات عندهن عقده تحكم الرجل يعني يريدون التحرر
لا اب يوجه ويودب ولا زوج يحكم ويستر ولا ابن يعترض عند الخطاء
بمعنا لاحسيب ولا رقيب فليتوه باسم المساوواه والحريه
فالحريه الحقيقيه تكون في حدود المسئوليه الدينيه والاخلاقيه والاجتماعيه .


وليس لمثل حالاتهن الاتفسير الا ان يكون مرض اونقص دين

لاكن مانقول الا الله يردنا اليه ردا جميلا

[أم محمد 90]

هالموضوع لحين ماخلصتو نقاش