المساعد الشخصي الرقمي

مشاهدة النسخة كاملة : # كيف يتم حساب تكلفة التشطيب ؟ #



نور الحور
01-11-2013, 06:56 PM
السلام عليكم ورحمة الله وبركاته ..

سؤال الموضوع هو :

كيف نقدر حساب تكلفة التشطيب الكامل للفيلا من ناحية قيمة المواد وقيمة التنفيذ ؟

(الأرضيات/ الأصباغ / الجبس / الديكور / النوافذ / الأبواب/ الخلاطات والصحيات / الدرابزين /
الإضاءات / الدواليب للمطابخ والغرف / الأثاث )<< مع العلم أن المطلوب هو مستوى متوسط ولكن ذو جودة (ماعرفت أوضحها ذي !) :shy:

وماهي الجزئيات الأولى بالبدء فيها ؟

ومالذي يمكن تأجيله لما بعد السكن إن أمكن؟

مع خالص الشكر والتقدير ،،

أختكم / نور الحور

Bozizoo
01-11-2013, 07:30 PM
سواااالك وااايد صعب او بالاصح الاجابه وااايد طوليه

Bozizoo
01-11-2013, 07:36 PM
تنحسب قيمة المواد وتضاف عليها التركيب اجور عمال و مواد لتركيب المواد على سبيل المثال
بند البلاط
سعر البلاط +اجر عمال التركيب +مواد التركيب )اسمنت و رمل و الروبه و ماء وخدمات اضافه الى ذلك ارباااح

معماري قطري
01-11-2013, 08:34 PM
هذي الله يسلمج بنود متعددة وكل بند بروحه له حسابات .. مثل ما قال الأخ بو زيزو الإجابة وايد طويلة .. بعدين كل مقاول تحتاجين تصيغين معاه عقد متكامل وينذكر فيه كل شيء بوضوح .. من طريقة التركيب والمواد اللي عليه والمواد اللي عليكم والتفاصيل لو فيه تفصيل معين ويتطلب آليات معينة أو أدوات معينة .. وكل شيء يضمن ضبط أداء العمال لشغلهم .. لذلك العقد يحتاج رسومات تفصيلية ومتابعة إستشاري فاهم للشغلة.

نتكلم عن الأعمال الخشبية وهذي يستحسن تغطيها منجرة وحدة وفي عقد متكامل وهي الأبواب والفريمات والأقواس والنعلات إن كانت لها حاجة وتقرر تكون خشبية.

شغل الجبس والإنارة ولازم يتنسق مع فني الكهرباء، وأحياناً يكون إختيار كم نوع من الإضاءَة لغرفة معينة وتكون فيه حاجة لتوصيلات كهرباء مختلفة لكل نوع ومكان المفاتيح لازم يخطط ويذكر بوضوح ويتابع بواسطة مهندس كهرباء أو أقل شيء مفتش فاهم وعارف المواصفات المذكورة في العقد واللي يتركب وشو.

حاولت أذكر بعض الأشياء اللي مب مذكورة عندي في موضوع العقود وهذا الموضوع وحساب الكميات مع الرسومات متماشين مع بعض ومنسقين صح، والمفروض للكل يكون نفس الوضع لأن المقاول ببساطة يقول شيء ويسوي شيء في راسه ويستغل ثغرة في عقد ناقص .. أبسط شيء لو البلاط ما ذكرت طريقة التركيب يجيب بودره ويركب عليها، وتمديدات الكهرباء يختار أرخص وأردى وايرات في السوق ويمكن بعد فترة تبين عيوبها وتتقطع من عدم تحملها للحرارة الناتجة من مرور التيار الكهربي.

على حسب ما اذكر إن عندكم مصمم داخلي وهذا المفروض كله يكون منسق من طريقه مع الرسومات ومع المواد والمعدات اللي بتتركب .. مثلاً المصمم يفترض محدد نوعية قطع الحمام وعنده تفاصيلها ويعرف الفتحة وين بتكون ويشرف عليها.

الله يعينكم ويعين الجميع ولازم الواحد يكون خطوة جدام .. أوقات خدعة البنيان عظم والتشطيب سهل أي واحد يسويه تنكشف بعدين ومن أكبر مساوئها تعرض الواحد للنزول لمستويات ناس ما يعرفون الشغل ويخربون أكثر مما يصلحون .. وهذا إن وجدوا لأنه بيتابع عدد من المقاولين وبيتعب من قلة الإلتزام ومن سوء الشغل ومن غلاء الأسعار.

الواافي
02-11-2013, 12:17 AM
مثل ماذكر الاخ معماري قطري

سهم عتيج
02-11-2013, 12:24 PM
يعطيك العافية اختنا نور

مادري انه حطيت البنود التالية قبل لا ابدأ التشطيب وحطيت المبلغ المتوقع لكل عقد ،، والحمدلله تقريبا قريب من هذه التوقعات

1- عقد تمديدات الكهرباء
2 - تمديدات بايبات المياه
3- عقد العازل
4 - عقد الاصانصير
5- عقد السيراميك وحوائط الحمامات ( عدد الامتار المربعة x السعر التقريبي )
6- عقد الابواب الخشب ( عدد الابواب x السعر التقريبي )
7- عقد الشبابيك ..( عدد النوافذ x السعر التقريبي )
8 - الجبس الداخلي
9 - الابواب الخارجية
10- بلاط الحوش
11- عقد القرميد ( عدد الامتار المربعة x السعر التقريبي )
12- الصبغ الداخلي
13- الحجر الخارجي او الصبغ الخارجي للفيلا
14- الدرابزين ورخام السلالم
15- الرخام الداخلي ان وجد

تقريبا هذه اهم المصاريف وقد يكون هناك مصاريف اخرى لم اذكرها ولكن مثل هذه التكاليف تستطيعين حسبتها حسب ميزانيتك ويتبقى على المقاول توريد الدفان والاسمنت والايدي العاملة ،، او بعد ماتحسبين هذه التكاليف التقديرية واية تكاليف اخرى تستطيعين ان تصلي الى سعر التشطيب التقريبي باذن الله

شخصيا مسوي جدول في الاكسل بقيمة كل عقد والمدفوع والمتبقي منه لغرض التدفقات النقدية الخاصة بي واستحقاق كل دفعة وتوفيرها في الوقت المناسب

والله الموفق

نور الحور
03-11-2013, 12:32 AM
تنحسب قيمة المواد وتضاف عليها التركيب اجور عمال و مواد لتركيب المواد على سبيل المثال
بند البلاط
سعر البلاط +اجر عمال التركيب +مواد التركيب )اسمنت و رمل و الروبه و ماء وخدمات اضافه الى ذلك ارباااح



جزاك الله خير ..شاكرة لك ردك الكريم Bozizoo

بس أنا أقصد حساب التكلفة تقديرياً .. كيف نعرف كل هالتفاصيل ؟

نور الحور
03-11-2013, 12:33 AM
هذي الله يسلمج بنود متعددة وكل بند بروحه له حسابات .. مثل ما قال الأخ بو زيزو الإجابة وايد طويلة .. بعدين كل مقاول تحتاجين تصيغين معاه عقد متكامل وينذكر فيه كل شيء بوضوح .. من طريقة التركيب والمواد اللي عليه والمواد اللي عليكم والتفاصيل لو فيه تفصيل معين ويتطلب آليات معينة أو أدوات معينة .. وكل شيء يضمن ضبط أداء العمال لشغلهم .. لذلك العقد يحتاج رسومات تفصيلية ومتابعة إستشاري فاهم للشغلة.

نتكلم عن الأعمال الخشبية وهذي يستحسن تغطيها منجرة وحدة وفي عقد متكامل وهي الأبواب والفريمات والأقواس والنعلات إن كانت لها حاجة وتقرر تكون خشبية.

شغل الجبس والإنارة ولازم يتنسق مع فني الكهرباء، وأحياناً يكون إختيار كم نوع من الإضاءَة لغرفة معينة وتكون فيه حاجة لتوصيلات كهرباء مختلفة لكل نوع ومكان المفاتيح لازم يخطط ويذكر بوضوح ويتابع بواسطة مهندس كهرباء أو أقل شيء مفتش فاهم وعارف المواصفات المذكورة في العقد واللي يتركب وشو.

حاولت أذكر بعض الأشياء اللي مب مذكورة عندي في موضوع العقود وهذا الموضوع وحساب الكميات مع الرسومات متماشين مع بعض ومنسقين صح، والمفروض للكل يكون نفس الوضع لأن المقاول ببساطة يقول شيء ويسوي شيء في راسه ويستغل ثغرة في عقد ناقص .. أبسط شيء لو البلاط ما ذكرت طريقة التركيب يجيب بودره ويركب عليها، وتمديدات الكهرباء يختار أرخص وأردى وايرات في السوق ويمكن بعد فترة تبين عيوبها وتتقطع من عدم تحملها للحرارة الناتجة من مرور التيار الكهربي.

على حسب ما اذكر إن عندكم مصمم داخلي وهذا المفروض كله يكون منسق من طريقه مع الرسومات ومع المواد والمعدات اللي بتتركب .. مثلاً المصمم يفترض محدد نوعية قطع الحمام وعنده تفاصيلها ويعرف الفتحة وين بتكون ويشرف عليها.

الله يعينكم ويعين الجميع ولازم الواحد يكون خطوة جدام .. أوقات خدعة البنيان عظم والتشطيب سهل أي واحد يسويه تنكشف بعدين ومن أكبر مساوئها تعرض الواحد للنزول لمستويات ناس ما يعرفون الشغل ويخربون أكثر مما يصلحون .. وهذا إن وجدوا لأنه بيتابع عدد من المقاولين وبيتعب من قلة الإلتزام ومن سوء الشغل ومن غلاء الأسعار.



يعطيك الله العافية معماري وجزاك الله خير .. ماقصرت في التوضيح ..

بس أنا أقصد تكلفة تقديرية بس عشان نعمل حسابنا على تكلفة التشطيب ..حسبة مبدئية يعني ..

نور الحور
03-11-2013, 12:34 AM
مثل ماذكر الاخ معماري قطري


جزاك الله خير على الرد يالوافي

نور الحور
03-11-2013, 12:38 AM
يعطيك العافية اختنا نور

مادري انه حطيت البنود التالية قبل لا ابدأ التشطيب وحطيت المبلغ المتوقع لكل عقد ،، والحمدلله تقريبا قريب من هذه التوقعات

1- عقد تمديدات الكهرباء
2 - تمديدات بايبات المياه
3- عقد العازل
4 - عقد الاصانصير
5- عقد السيراميك وحوائط الحمامات ( عدد الامتار المربعة x السعر التقريبي )
6- عقد الابواب الخشب ( عدد الابواب x السعر التقريبي )
7- عقد الشبابيك ..( عدد النوافذ x السعر التقريبي )
8 - الجبس الداخلي
9 - الابواب الخارجية
10- بلاط الحوش
11- عقد القرميد ( عدد الامتار المربعة x السعر التقريبي )
12- الصبغ الداخلي
13- الحجر الخارجي او الصبغ الخارجي للفيلا
14- الدرابزين ورخام السلالم
15- الرخام الداخلي ان وجد

تقريبا هذه اهم المصاريف وقد يكون هناك مصاريف اخرى لم اذكرها ولكن مثل هذه التكاليف تستطيعين حسبتها حسب ميزانيتك ويتبقى على المقاول توريد الدفان والاسمنت والايدي العاملة ،، او بعد ماتحسبين هذه التكاليف التقديرية واية تكاليف اخرى تستطيعين ان تصلي الى سعر التشطيب التقريبي باذن الله

شخصيا مسوي جدول في الاكسل بقيمة كل عقد والمدفوع والمتبقي منه لغرض التدفقات النقدية الخاصة بي واستحقاق كل دفعة وتوفيرها في الوقت المناسب

والله الموفق




الله يعافيك أخوي سهم عتيج .. والله يسهل علينا وعليك التشطيب .. وتسكن يارب على خير ..

بالضبط هذا ما قصدته ... وضع توقعات للتكلفة ..
بس الأسعار التقريبية من وين أقدر أعرفها؟

يعني لو قلنا غرفة نوم عادية 4 في 5 شلون نقدر نقدر تكلفتها كاملة حتى بالأثاث ؟ وما ننصدم بعدين بتكاليف إضافية ما حطيناها في الحسبان ؟

ياليت مثال للتوضيح لو تكرمت أنت أو أي حد من الإخوان والأخوات ..

معماري قطري
03-11-2013, 06:48 AM
يعطيك الله العافية معماري وجزاك الله خير .. ماقصرت في التوضيح ..

بس أنا أقصد تكلفة تقديرية بس عشان نعمل حسابنا على تكلفة التشطيب ..حسبة مبدئية يعني ..

الأسعار التقديرية من إسمها غير واقعية نهائياً

تختلف من وقت لوقت وحسب المواصفات وكل شخص من مقاول أو مورد له تسعير خاص به للتنفيذ أو للتوريد .. سعر تقريبي +/- 15% هذا يقدر يجيبه حاسب كميات بعد دراسة الخرائط والمواصفات .. حتى يحسب المادة وكميتها ومتوسط تكلفة التنفيذ ومتوسط أو سعر المادة بالضبط حسب خبرته في السوق .. وهذا لازم يكون خبره وفي سوق قطر من زمان حتى يعتمد عليه .. وبيسوي جداول واضحة .. ولو كان فاهم زين بيعطي عدة خيارات بأسعارها كبدائل.

هذي الطريقة يقدر يسويها مالك المنزل .. ببساطة الجداول اللي حطيتها ممكن اتباعها بس الكميات بتختلف حسب مساحة ومتطلبات بيتكم.

التقسيم اللي ذكره الأخ سهم عتيج ممكن يعطي تكلفة تقريبية بس يتطلب عمل نسخ من الرسومات واستدراج عرض أسعار من كل المقاولين المختصين .. والعملية سهلة تحتاج شوية إتصالات وممكن حتى بالإيميل إرسال المتطلبات وبعدها عمل مقابلات في الموقع، وليس بالضرورة اختيار الأرخص قد ما يكون اختيار الأنسب والقادر على أداء الشغل بجودة عالية.

في حالة عقد تمديدات الكهرباء مثلاً المقاول يحتاج الى رسومات تفصيلية ومواصفات، وممكن هو يحضر عينات وعينات بديلة ويسعر على أساس معروف لكم وله .. أكثر المقاولين يتهربون من موضوع العينة حتى يقدرون يلفون ويدورون .. وهذا النوع من المقاولين يستبعده الواحد أفضل .. ولازم يكون المقاول مرخص ومختص كشركة معروفة مب مقاول هاوي وخصوصاً في مسئلة الكهرباء والماء .. أحياناً اللي يسوي الشغلة واحد أي ككلام والختم يكون من شركة معروفة حق تخليص الموافقات الرسمية .. والتعامل مباشرة مع شركة لها قوتها وسمعتها أفضل بكثير من الأشخاص وخصوصاً العرب منهم.

انا دوم أنصح أي حد بيشطب بنفسه يخلص عازل السقف أول .. لأن عازل السقف ممكن وبسهولة بس يعمل حساب أي صبيات للمكيفات أو لتانكي الماي وغيره وبعد تنفيذها يعمل العزل بطريقة صح وجيدة لحماية السقف وباقي البيت من مياه المطر، لأن مياه المطر تأثيرها على الحديد بعد ما تجف الخرسانة وايد قوي ويسبب ضعف وصدأ وشلوخ ويقلل العمر الإفتراضي للهيكل الخرساني، والباقي ممكن يجي شوي شوي وحسب تسلسل الشغل وتوفر المقاول والمواد.

معماري قطري
03-11-2013, 07:04 AM
معليش انا شكلي باتأخر عن الدوام شوي .. يا ويلي عندي مقابلة مهمة الساعة 9 ولازم أحضر لها .. حبيت بس أركز على شيء مهم لكل واحد بيشطب بروحه .. أول شيء يهتم للأولويات ومن أهمها عازل المياه ولو تم عمله بعمل سلوب بالإسمنت والرمل أولاً، وبعده العازل وبعده الطبقة العازلة وبعدين العازل الحراري وبعدها سكريد ثاني يكون وايد أحسن.

نجي بعدين للتمديدات كلها كهربية ومياه وصرف صحي .. وهذي أفضل تكون في عقد واحد مع مقاول واحد حتى نضمن التنسيق .. وهنا لازم نكون مدخلين الإستشاري في الصورة ومصمم الديكور حتى يتم كل شيء صح ويتم استيعاب المتطلبات والتعديلات من البداية .. وبالنسبة لقطع الحمامات وتفصيل المطابخ تكون الرسومات التفصيلية منتهية وتنفيذ الأعمال على أساس تجهيزات مختارة ومقاساتها معروفة حتى تكون فيه سلاسة في التنفيذ.

باقي أُمور التشطيب سهلة وتتسهل الأُمور بالتدريج ومع الوقت ممكن الواحد يغير خياراته بحدود مقبولة وما تحتاج تكسير وممكن السيولة المادية تتغير عنده بالزيادة إن شاء الله وينفذ على راحته وياخذ وقته في التنفيذ ويكون تنفيذه صح كما يبغي 100%.

بوخالد911
03-11-2013, 07:54 AM
ومنكم نستفيد

سهم عتيج
03-11-2013, 02:07 PM
الله يعافيك أخوي سهم عتيج .. والله يسهل علينا وعليك التشطيب .. وتسكن يارب على خير ..

بالضبط هذا ما قصدته ... وضع توقعات للتكلفة ..
بس الأسعار التقريبية من وين أقدر أعرفها؟

يعني لو قلنا غرفة نوم عادية 4 في 5 شلون نقدر نقدر تكلفتها كاملة حتى بالأثاث ؟ وما ننصدم بعدين بتكاليف إضافية ما حطيناها في الحسبان ؟

ياليت مثال للتوضيح لو تكرمت أنت أو أي حد من الإخوان والأخوات ..

الله يعافيك ويبارك لكم في منزلكم

بالنسبة للاسعار التقريبية اللي كنت اقصدها فهي اسعار المواد التي تعتمد على ذوق المالك وميزانيته

يعني لو قلنا ان ميزانيتي لسعر السيراميك 100 ريال ،، فلو كان كل حمام يحتاج مثلا 30 متر مربع ،، فتكلفة الحمام من السيراميك والارضيات مثلا 3600 نضربها في 10 حمامات يظهر لنا السعر التقريبي حسب ميزانيتي حوالي 36 الف ريال،،

وهذا الامر ينطبق على باقي المواد

مثلا كلفني العازل لفيلتي حوالي 67 الف ريال من تدمر النوع الايطالي للفيلا والملاحق والمجلس الخارجي وحمامات الدور الاول ، وممكن هالتكلفة تنزل الى حوالي 55 الف ريال لو اخترت العازل السعودي او ترتفع الى 85 الف لو اخترت الفرنسي

ممكن تحطين في بالك سعر العازل لفيلا متوسطة مع الملاحق متوسط سعر 50 الف ريال للعازل

والقرميد وبلاط الحوش والرخام كل هذا يعتمد على ميزانيتك التقديرية،،

يعني لو قلنا ان حوش بيتكم يحتاج 100 متر مربع تبليط ،، وانتي حطيتي 50 ريال للبلاط ،، هذا يعطينا ان تكلفة توريد بلاط الحوش 5000 ريال يضاف الى قيمة تركيبه اللي بتتفقين فيه مع المقاول

والقرميد،، هناك قرميد ب 60 ريال الى 200 ريال،، هنا تستطيعين ان تحسبي التكلفة التقديرية حسب ميزانيتك وحجم الامتار التي تحتاجها الفيلا

يعني ممكن تسترشدين ببعض الخبراء في هذا الموضوع وراح يفيدونك باذن الله

اما تاثيث الغرفة والبيت،، فهذا يعتمد على ميزانيتك ،، فممكن تأثثين غرفة كاملة ب 10 الاف او اقل وممكن تأثثينها بعشرات الالاف حسب ميزانيتك


التشطيب مرحلة منفصلة تماما عن مرحلة التاثيث على ما اعتقد فكل مرحلة لها حسبتها وميزانيتها وان كان الافضل عمل ميزانية تقديرية متكاملة من الاساس حتى يكون الشخص في السليم على مايقولون،، فلو مثلا وضعتي ميزانية تقديرية معينة وعند التنفيذ زادت او نقصت التكلفة بما لايزيد عن 10٪ من ميزانيتك،، فانت بالفعل خططت بشكل ممتاز لبيتك،، وعندما يتجاوز معامل الانحراف في حدود 20% فانت خططت بشكل جيد ،، وكلما زاد معامل الانحراف كلما كان تخطيطك اقل كفاءة

والله اعلم

مضارب دوسري
03-11-2013, 04:08 PM
تقريبا تكون كالاتي

حساب سعر البناء + الكهربا + البلاستر +الصرف الصحي

تقسم على 4
والناتج تضربه ب 3

يطلع لك تقريبا التشطيب كم يكلف

مضارب دوسري
03-11-2013, 08:22 PM
اختي لو قلنا سعر سيراميك الحمام والحمامات عددها 8 مثلا
ومساحاتها 2*2.5

والسيراميك فيه اسباني اسعارع بحدود ال 50 و 60

لو قلنا 60
بتكون الحسبه 2.5+2+2.5+2 = 9
الارتفاع 3 متر مثلا 9*3 =27
27*60سعر السيراميك= 1620 ريال للحمام ضرب 8 حمامات = 13000 ريال
وهالاسعار موجوده في
نابينا صيني درجه اولى وايطالي ايضا في نوعين وعندج الضحى اسباني وسيراميك الخليج وحسين فكري والعاصمه وارام
وفيه اشكال حلوه باسعار اقل
بس ناخذ الحسبه بسعر متوسط

الارضيات مثلا
سعر البورسلان الاسباني ف حدود ال 90 ريال
وتقدرين حسب الرغبه تخلين الدور الثاني سجاد

تحسبين المساحه في 90 وبتلقين ارخص ايضا من هالسعر

لو نفرض مساحة بيتج بحدود ال650 متر
بيطلع الناتج 58500 على اساس البيت كله بورسلان
لكن اذا سويتي سجاد فالدور الثاني بيطلع ارخص

اخيرا سعر العماله
المتر اذا لزق بيطلع لج المتر ب 50 للارضيات
وللحمامات اذا اوردي ركبتوا بلاستر للطوف بيكون سعر المتر 20 ريال لزق
واذا بلاستر مع لزق بيطلع لج المتر ب 50

واذا بتركبين على بلاستر فقط بدون لزق بيطلع لج المتر ب30

هذا كله والمون تكون عليهم انتي عليج فقط الاستلام

نجي لاطقم الحمامات

حطي ميزانيه للدبليو سي مع المغسله باسعار 2000ريال للحمام


اما للعوازل السعودي اللي عند المسند المتر 80 ريال
ولحمامات الدور الثاني المتر ب 35 ريال

انا طلع لي البيت ب 35000 ريال

مضارب دوسري
03-11-2013, 08:49 PM
النوافذ
في يو بي في سي غالي
وفيه دبل جلاس

افضل لانه المنيوم ويستاهل سعره وسعره مناسب التيوبلر سعر المتر ب 600 ركبت لكل البيت
والحمامات المنيوم سنغل جلاس ينفتح من فوق سعر الشباك كامل ب 250 ريال تقريبا

ركبت لكل بيتي بسعر مناسب الصراحه لان عدد الشبابيك عندي فالبيت 13

طلع السعر الاجمالي بحدود ال 25000


الابواب
حسب الرغبه
خشب او المنيوم
هذا يعتمد على اختيارج
وفيه ابواب خشب ب 1000 وفيه ب 2000 وفي ب 3000 وفوق

ف صعب تحديد السعر الاجمالي

الجبس بورد
الجبس بورد العازل للماي هذا للحمامات سعر المتر ب 90

وللغرف اذا ساده المتر ب 80 ريال
واذا طبقتين المتر ب 130 تقريبا بس احرصي ان يكون الصناعه سعودي

نور الحور
05-11-2013, 09:02 PM
معماري، سهم عتيج، ومضارب دوسري ..
صراحة ما قصرتوا.. بيض الله وجوهكم ..
إخوان ينشد بكم الظهر كالعادة ..الله يجعله في ميزان حسناتكم يارب .. وايد ناس ضايعين وأنا منهم ..

تقريباً وضحت الصورة .. لكن لي قراءة ثانية وراجعة لكم بالاستيضاحات لو تكرمتوا