مقابلة مع لجنة التظلم التابعة للعلاج في الخارج

[بوحارب]

السلام عليكم

عندي مقابلة مع لجنة التظلم التابعة للعلاج في الخارج

لأنهم رفضوا علاجي بدون اي وجه حق !!!


آرائكم واقتراحاتكم وش أقولهم في المقابلة


للعلم هذا الفحص الثاني لي في الخارج
وانا اعرف ناس تفحص من سنين في الخارج كل ست شهور
ولم يتم رفض علاجهم منذ اكثر من 20 سنة !

ومتى يتم الرد بعد المقابلة خلال أسبوع أو اقل أو اكثر

اللي يعرف يفيدنا لاهنتوا

[مستر بن]

الله يعينكك :(

[مستر راشد]

الله يسهل عليك

[New Vision]

اذا ماعندك واسطه لاتحاول

[تغلبية]

هم شنو اسبابهم في الرفض؟


و شنهي مزايا الفحص في الخارج اللي انت تحتاجها وتاثر على صحتك

لازم تعرف هالنقطةعلشان تقدر تقنعهم

اذا بتجيهم من باب هذاكم خليتوا فلان وعلان يمكن يركبون راسهم ويرفضون

خلك موضوعي .. اذا ما فاد معاهم

" تفيقر" العب على وتر العواطف اذا تستحق فعلا العلاج في الخارج


والله يتم عليك نعمته ويشفيك ويسهل امورك

[وحيد-الشوق]

اذا ماعندك واسطه لاتحاول

لايأس مع الحياة ولاحياة مع اليأس

بالعكس احيانا بعد التظلم اللجنة توافق عالعلاج خصوصا اذا عندك تقرير من دكتورك في الخارج ودكتور مستشفى حمد ومكتوب بصيغة محترمة تثبت ان المريض محتاج للمتابعة واستكمال العلاج

الله ييسر لك اخوي بوحارب ويشفيك ان شاء الله

[romoz]

الله يعينك أخوي

اللجنة التابعة للعلاج في الخارج عليها نقاط سلبية لا تعد و لا تحصى ، خصوصا في أمر المراجعات


بس إن شاءالله خير و دامك قدمت تظلم 70٪ بيشوفون وضعك و يقبلون مراجعتك ، لان هذا اللي حصل مع أخوي و توه من شهر راجع من لندن ، بس الصراحة ما ادري شنو كتب او قال لهم .


و المفروض لكل من ذهب للعلاج في الخارج مراجعات بدون حتى تقديم للطلب
اتمنى من كل قلبي ان يتم تحسين الوضع في اللجنة الطبية لان الوضع مزري .

[مراد2015]

ماتشوف شر يابو حارب اجر وعافية

الامور طيبة اشرح لهم ظروفك وان شاء اللة خير

[بوحارب]

أشكركم على المرور

وان شاء الله تتيسر الأمور


وحيد الشوق تستاهل سلامة أخوك :)

[بـومحمد]

عليك بقيام الليل وانا اخوك
ونشالله ماعليك شر والله يشفيك

[نفسي عزيزه]

ماعليك شر يالذيب

وصل ركعتين بالليل واطلب من ربك تيسيير الامور وثاني يوم توكل على ربك وان شاء الله بيقبلون

[مستر راشد]

طمنا شيصير معاك يالغالي

[Google-QAT]

ماعليك شر انشاء الله وبالتوفيق

[العلم]

أول شيء توكل على الله وبعدين دور لك واسطةواسحب عليهم .. وبجيهم الأمر من فوق غصب عن خشومهم ..


من واقع تجربة :nice:

[دنيا الاسهم]

الله ييسر امورك وماتشوف شر ان شاء الله

[meme-93]

قول اسوتاً بالمرضى الي يتم علاجهم باكثر من عشر وعشرين سنه
وهذا حق من حقوقي كـ مواطن وحالتي تستدعي اني افحص واعالج فالخارج

والله بيسر امورك ان شاء الله ويبعد عنك الشر

[بوحارب]

أشكركم ع المرور جميعاً