زحمة زحمة زحمة واليوم زادوا الطين بلة،،،، [الأرشيف]

مشاهدة النسخة كاملة : زحمة زحمة زحمة واليوم زادوا الطين بلة،،،،

pink pearl

03-11-2013, 11:12 AM

السلام عليكم ورحمة الله،،،،

اليوم كان دوار الجبيلات مغلق ! على الأقل لوحة للي جايين من جهة اللاند أو من جهة المرخية؟؟؟
بالله الحين اشلون نروح دواماتنا الجامعة- المركز الصحي ؟؟؟ طريق حيوي المفروض مايتسكر إلا لما يخلصون الحفريات والإغلاقات المجاورة،،،،، أنا متضايقة جداً من الوضع اللي صاير صار الواحد لا يقدر يطلع الصبح ولا في الليل،،، لازم المسؤولين يشوفون حل عاجل تعبنا والله

راشد محمد

03-11-2013, 11:13 AM

الله يعينكم

حمد 2002

03-11-2013, 11:14 AM

ههههههههه انا سويت حركه خطيره افتكيت من الزحمه ،،

همر

03-11-2013, 11:17 AM

ههههههههه انا سويت حركه خطيره افتكيت من الزحمه ،،

اكيد طرشت لدريول بروحه وانت نمت ... تمويه :tease:

بوحارب

03-11-2013, 11:19 AM

لازم الواحد ياخذ نفس عميق مع هالوضع التعبان :)

أم محمد 90

03-11-2013, 11:33 AM

والله تصدقين اليوم وانا شايرة فالزحمة عند دوار المرخية شريت جريدة الراية وقعدت اقراها واستانست ومشا الوقت ماحسيت بنفسي الا وانا اول وحدة ع الدوار

abdo222

03-11-2013, 11:47 AM

هذا اسمه ابداع اشغال ,,
انا ساكن في زغوه ,, ودوامي في الابراج , ,الكارثه انه:

1- دوار القوس مغلق والزحمه رائعه فيه
2- دوار المها -لوضيحي - مغلق لو جاي من صوب دوار التلفزيون
3- دوار الجبيلات الراايق جدا سكروه اليوم وتم بدء مسابقة "اتحداك توصل" برعايه اشغال,,

http://im31.gulfup.com/OGpEl.png (http://www.gulfup.com/?XlGpKl)

بومتعب

03-11-2013, 11:56 AM

بالعكس هناك بدائل كثيرة .... انتوا غافلين عنها .....

نفرض مثلا انك انت مشوارك فقط من بيتك لين الدوام والعكس .... واغلب السيارات هذا جدوها .... بمعنى لماذا التحرك بسيارة سعتها 8 او 5 اشخاص عشان فرد واحد فقط .....؟؟؟؟

ليش مايتم استخدام البطابط لتخيف الزحمة .... هذا اعتبره افضل حل لتخفيف الزحام الحاصل يوميا

بوخالد911

03-11-2013, 11:59 AM

هل سنلجأ الى التوك توك ؟!؟!؟1

kaspero

03-11-2013, 12:03 PM

عذرا على كلمتي

ولكن الاخوويا ضايعين اليوم جدا

انا شخصيا ومعي سياره ثانيه
ماخذين الاشاره وراجعين والشرطي يقول يالله امشوا
والشارع الثاني الشرطي الي فيه يمشي السيارات

وكنا بنسوي حادث عالمي

الله يعين كرهت الدوام والسبب الزحمه

بنت مريخ

03-11-2013, 12:07 PM

ههههههههه انا سويت حركه خطيره افتكيت من الزحمه ،،

شنهي الحركه حمد
علمنا بنسوي مثلك

بو خليفه 123

03-11-2013, 12:08 PM

معليه اختي

الدنيا تغيرت .. والقادم افضل

اذكر مره بالجامعه عطونا محاضره عن موضوع يسمى circle of concern & circle of influence .. انصحك تبحثينها في قوقل و تستفيدين منها ان استطعتي ..

يجب علينا تغيير الروتين في هذه الفتره .. بدال ماتطلعين من البيت 7ص .. جربي تطلعين 6 و نص . و بتحسين بالفرق .. ممكن تتعبين في أول اسبوع لكن بعدها جسمك بينتظم على هذا النمط و بتحلين مشكلة الزحمه والتأخير

OM_OMAR_QATAR

03-11-2013, 12:22 PM

لقد هرمنا ... لقد هرمنا

أم محمد 90

03-11-2013, 12:26 PM

Rider

03-11-2013, 12:33 PM

انا قول يعطون الموظفين الي في الابراج اجازة لين يخلصون من الخرابيط الي يسونها في الشوارع

pink pearl

03-11-2013, 02:57 PM

ياريت المسؤولين يحسون شوي ،،، فيه مواعيد فيه أطفال فيه كبار سن فيه مصالح قاعدة تتعطل !!! لين متى بيستمر هالمسلسل التعبان؟؟؟

GENIUS

03-11-2013, 03:10 PM

المباراة على طريق الكورنيش خلصت بس النتيجة معلقة لأن المشروع خلص لكن العالم تلعب بلنتيات ( ضربات جزاء ) لمعرفة الفائز.

حاليا التصفيات شغالة على المداخل المؤدية للكورنيش من دوار المها إلى دوار لجبيلات ودوار القوس .

الجمهور ضايع مابين زحمة أشغال أو رحمة أيام الدوار .

أهم شغلة إنك تتأكد بأن موترك فيه بترول كفاية قبل ما تطلع وتتوهق في أي مشوار

ذكي جدااا

03-11-2013, 06:08 PM

مش فاهم كيف تكون ثلاث دورات رئيسية تغذي منطقة الأبراج كلها مسكرررررره بنفس الوقت. هذه قمة الفن في التخطيط السليم

شنايدر

03-11-2013, 06:38 PM

من جامعه قطر الى المحكمه الابتدائيه بجانب وزاره العمل اخذت لي ساعه بالتمام والكمال.

افكر جديا بشراء نينجا.

ابوعلي

03-11-2013, 06:46 PM

بنت شرق

03-11-2013, 07:08 PM

سأصبر حتى يعجز الصبر عن صبري
سأصبر حتى ينظر الرحمن في أمري
سأصبر حتى يعلم الصبر
أني صبرت على شئٍ أمرّ من الصبر
ساصبر وسادعو على اشغال اثناء صبري

Right

03-11-2013, 07:21 PM

يمدحون سياكل الهنود .. بس أهم شي لازم الواحد يلبس وزار :nice:

اعمار قطر

03-11-2013, 07:54 PM

يمدحون سياكل الهنود .. بس أهم شي لازم الواحد يلبس وزار :nice:

:nice::nice::nice::nice::nice::nice::nice:

Qtr37

03-11-2013, 08:08 PM

أنا قررت اخذ اجازة هالفترة ع الاقل اعصابي تهدا
نصحى من النوم 5 ونص علشان دوام 7 ونص ونوصل البيت 3 ونص او اربع الا ربع :) الحمدلله على كل حال

العنيده

03-11-2013, 08:08 PM

عادي انا ساعه ونص على الكورنيش بس ابي ارجع البيت زين حد يوزع ماي عطشت من الحر واللي ورا يهرن يبيني اطير وافتح له .. الله المستعان والله

عيون الدوحة

03-11-2013, 08:30 PM

عادي انا ساعه ونص على الكورنيش بس ابي ارجع البيت زين حد يوزع ماي عطشت من الحر واللي ورا يهرن يبيني اطير وافتح له .. الله المستعان والله

لازم تتعودين تشلين معاج غرشة ماي سناك خفيف للسيارة سوى في زحمة ولا مافي

طلعة الروح

03-11-2013, 08:59 PM

ساعات أحاتي اللي يفكر ياخذ موتر جديد ويطلع فيه في شوارعنا في هالفترة المظلمة ،، مب بس شوارعنا حتى الفرجان نفسها اللي العب فيها اشغال وكهرماء وكل من جا ونجر فيهم....

لو فرضنا احنا صبرنا غيرنا بيصبر..؟
غير المخالفات المرورية والتجاوزات من اليمين واليسار الناس استخفت وصار همها توصل ع حساب أي شي وغير كل من هب ودب صار يسوق من خاصة العمالة الوافدة اللي اغلبهم مايعرفون النظام ولا الذوق ..عالم ما تحترم لا بشر ولا حجر،،،

V!P

03-11-2013, 10:43 PM

انا طلعت من البيت الساعه 7 =)

وصلت الساعه 9 بالضبط عند اشارت الديوان

خذت الاشاره ورجعت البيت الصراحه مالي وجه اداوم الساعه 9 وقدمته يوم من اجازتي

شالحل يعني

والله قعدت اضحك على نفسي

ANONYMOUS

03-11-2013, 10:52 PM

داااايم السيف

03-11-2013, 11:37 PM

افظل حل للتخلص من الزحمه انكم اتصلوا الفجر وتروحوا الدوام بدري
هذا واقع مجربه كل يوم والحمدلله اعاني من الزحمه في الرده الظهر وبس
في المساء اطلع عقب الساعه ثمان ونص اتكون خفة الزحمه من الشوارع نسبيا

طلعة الروح

03-11-2013, 11:42 PM

انا طلعت من البيت الساعه 7 =)

وصلت الساعه 9 بالضبط عند اشارت الديوان

خذت الاشاره ورجعت البيت الصراحه مالي وجه اداوم الساعه 9 وقدمته يوم من اجازتي

شالحل يعني

والله قعدت اضحك على نفسي

كيفهم خل يتأقلمون ع الوضع !

طلعة الروح

03-11-2013, 11:43 PM

أسد الجزيرة

04-11-2013, 12:50 AM

ههههههههه انا سويت حركه خطيره افتكيت من الزحمه ،،

شكلك يا ماخذ اجازة او تقاعدت :victory:

النواخذة

04-11-2013, 03:37 AM

من التسعينات لين الاحين حفريات الدوحة ماتخاص كل شوي مسكرين شارع وخذ التحويلات الي مالها نهاية

متواصل

04-11-2013, 03:41 AM

انا انصحكم انكم تفنشون لين اﻻمور ترجع الى نصابها

فرهود

04-11-2013, 05:07 AM

R 7 A L

04-11-2013, 09:06 AM

وطن

04-11-2013, 09:16 AM

الصراحة انا اطلع من البيت قبل 6
صار لي كم شهر
اوصل دوامي في ربع ساعة او 20 دقيقة

والعودة طريقي سالك الحمدلله اخذ نفس الوقت

أخبر تحويلة دوار القوس يمدحونها
صارت زحمه صج ولا مجرد افتراضات ؟؟

المفروض يرجعون لقانون منع الحريم من السواقه خلال الثلاث السنوات القادمه على الاقل لانهم سبب رئيسي في زيادة الزحمه طبعا كل الحريم سواء مواطنات او غيرهم . والوحده تستعين بزوجها او اخوها او ابوها في التوصيل .

واللي ما عندهم !!

على فكرة نسبة النساء في البلاد اقل من الرجال
لان عدد سكان قطر الكلي فيه العمال و الأجانب
ونسبتهم أكثريتها رجال

شرايكم انتو تقعدون في البيت واحنا نسوق :tease:

وطن

04-11-2013, 09:18 AM

ايه بعد تحويلة المها
امس مريت فيها مرتين

سالكه
بس المشكلة في دوار التلفزيون هو اللي يغص مسكين

بس يمشي
امس علقت عليه الظهر لكن ما طولت الحمدلله

mohammed1919

04-11-2013, 09:36 AM

الان ظهر هم جديد في الاونه الاخير الا وهو هم الذهاب الى الدوام والسبب الزحمه
وهم الخروج من الدوام الى البيت والسبب الزحمه
كل مسار في الدوحه مغلق ولايوجد حل ابدآ عالج هذه المشاكل المروريه

ام ناصر1

04-11-2013, 10:00 AM

الحل والله الي محد بيرضى فيه المواصلات العامة ...العمال ...وطلاب المدارس والجامعات وحتى الموظفين ...مايصير
كل شخص يوصل بسيارة للدوام ...هاي بيولد ضغط على الشوارع المحدودة بلا نهاية .....

قطري92

04-11-2013, 10:23 AM

انا عن نفسي عندي سيكل اروح فيه الدوام او مرات اخذ الدراجه واعلق غترتي وثوبي على السكان لين اوصل ابدل

ya3coub

04-11-2013, 10:40 AM

كوني مهندس و اغلب دوامي ما اكون لابس ثوب والله افكر بالسكوتر يازينه زيناه

Abdulraman

04-11-2013, 10:41 AM

والله كرهونا في الدوام والسبه الزحمه

قــطــريــه

04-11-2013, 10:51 AM

هذي مشاركتي في موضوع ثاني من شوي كتبتها

أنا بتكلم عن نفسي وبالتحديد أمس الأحد الموافق 3/11/2013 :anger1:

دوامي يبدأ الساعه 7 وعندنا ساعة مرنة يعني ممكن نداوم 8 وطلعت من البيت 6 ونص قلت ان شاء الله بوصل على الوقت يعني خلال الساعة المرنة لأن مشواري اليومي ياخذ تقريبا ساعه ونص إلى ساعتين:victory:

المهم صارت 7 ونص وانا الحين واقفة عند دوار التلفزيون أبي اخذ الدوار يسار لأنه مشواري اليومي وانا اداوم في منظقة الأبراج :eek5:

لخويا واقفين مسكرين الشارع ويجبرونا نروح سيده.. اكيد الكل عارف ان دوار البريد (سابقا) مسكر .. كلمته أخوي انا بروح يسار قالي تعليمات لو سمحتي روحي سيده :anger1:

وأصلا السيارات واقفة من دوار التلفزيون لين دوار البريد يعني مافي مجال إن احد يمشي وتمينا واقفين في دوار التلفزيون ومعطلين السير وكل شوي نمشي متر قدام كل شوي نمشي متر :anger1:

صارت 8 ونص وانا واقفة في هالشارع ووصلت بالضبط فوق الجسر وقاعدة اشوف تحتنا الزحمة من دوار نادي قطر لين دوار المطافي والعكس من دوار المطافي لين دوار نادي قطر :eek5:

بس فيه شي غريب كان خاطري اصوره بس للأسف ماقدرت .. لخويا واقفين في نص الشارع هذا وموقفين السيارات اللي جاية من دوار قطر والسيارات واقفة في نص الشارع وفيه مسافة 300 متر تقريبا فاضية مافيها ولا سيارة وبعدين قدام فيه سيارات الزحمة على الدوار يعني نص الشارع فاضي وانا مب فاهمه شنهو المغزى من انهم موقفين الناس والسيارات واصلة لين دوار نادي قطر :secret:

يعني هالمسافة كان ممكن تشيل 150 سيارة تقريبا وتخفف الضغط من صوب نادي قطر بس سبحان الله اكيد (تعليمات) وانا اقول مساكين اللي واقفين تحت الله يعينهم واتحسب على اللي كان السبب :anger1:

المهم صارت 9 وانا للحين ما وصلت دوار البريد للحين واقفة فالنص وكل كم دقيقة امشي متر

اتصلت على الدوام بلغتهم اني في الزحمة :omen2:

صارت 9 وربع والحمدلله وصلت لكن الشارع مسكر ولفينا يمين بإتجاه مسرح قطر الوطني قلت برجع من الاشارات شوي إلا لخويا يجبروننا نمشي سيده ومشينا مع اللي مشوا :anger1:

شوي اجبرونا نروح يمين بإتجاه قصر الضيافة واوكي سكت ومشيت مع اللي يمشون :anger1:

والضغط كل شوي يرتفع وكل شوي اتحسب على اللي كان السبب :anger1:

المهم رجعت على دوار المطافي ومشيت سيده بإتجاه نادي قطر ولا لخويا موقفينا من نص الشارع بعد ابغي افهم ايش المغزى ما ادري :anger1:

المهم الساعه صارت 9 و 40 دقيقة وانا فالشارع :anger1:

يعني صارلي 3 ساعات و10 دقايق :anger1:

المهم مشينا وصلنا دوار نادي قطر وقفنا ربع ساعة تقريبا صارت 9 و 55 دقيقة

يعني صارلي 3 ساعات ونص تقريبا :anger1:

آخر شي خلاص وصلت حدي قلت اعوذ بالله من الشيطان لا تداومين بسبب الضغط النفسي والضغط المرتفع والاعصاب التلفانه وروحي بيتكم أحسن وفعلا رحت البيت وخذتها اجازة عارضة :shy:

ايش المطلوب منا كشعب؟ يقولون لنا بنسكر الشوارع الفلانية واستخدموا الطرق البديلة

نجي نستعمل الطرق البديلة الا حاطين لخويا ويمنعونا من الطرق البديلة (بسبب التعليمات) طيب ايش الحل؟

كيف ممكن نكون موظفين منتجين في دواماتنا؟

والله اكثر شي يحر تعرفون ايش؟ إن واحنا واقفين في الزحمة فيه هلكوبترات تتمشى فوقنا وقاعده احسدهم وافكر بحلول جذري للأزمة :omen2: طبعا موضوع إن الشوارع تتعدل هذا موضوع مستحيل (طبعا مستحيل بسبب الماضي الاسود لشوارع دولة قطر) فأنا اعتقد أحسن حل للأزمة هي انتاج سيارات طائرة نفس اللي في فيلم ستاروورز وكل واحد في الجو يختار الطريج اللي يبيه بعيد عن المصخرة اللي تصير في شوارعنا الحبيبة :tease:

واليوم طلعت من البيت 6 الا ربع وصلت الدوام 7 ونص طيب ايش الحل؟ كم الساعة لازم اطلع من بيتنا؟

انا عارفة طولت لكن انا من امس لين اليوم محترة :anger1:

قــطــريــه

04-11-2013, 10:58 AM

المفروض يرجعون لقانون منع الحريم من السواقه خلال الثلاث السنوات القادمه على الاقل لانهم سبب رئيسي في زيادة الزحمه طبعا كل الحريم سواء مواطنات او غيرهم . والوحده تستعين بزوجها او اخوها او ابوها في التوصيل .

مع احترامي لرايك اخوي الكريم هذا مب حل مع العدد الهائل للعملالة الوافدة شهريا

القطريين 270 الف لو كل القطرين نساء ورجال يسوقون مستحيل يسببون هذه الازمة

والأجانب في قطر عددهم مليون و 600 الف نقول 40% منهم يسوقون يعني تقريبا 640 الف سائق وسائقة وانت جاي تقول يمنعون النساء

الحل الله يسلمك يمنعون استقدام المزيد من العمالة لآن الدولة ما تقدر تستوعبهم في الوقت الحالي

أو اجبارهم جميعا على استخدام المواصلات العامة لا تقولون اغلبهم عمال لا ترى نسبة وتناسب يطلعون 40% سائقين والباقي عمالة وافدة ونقلها عن طريق شركاتها

قــطــريــه

04-11-2013, 11:01 AM

انا طلعت من البيت الساعه 7 =)

وصلت الساعه 9 بالضبط عند اشارت الديوان

خذت الاشاره ورجعت البيت الصراحه مالي وجه اداوم الساعه 9 وقدمته يوم من اجازتي

شالحل يعني

والله قعدت اضحك على نفسي

وانا سويت نفس الحركة بس الفرق اني صبرت 3 ساعات ونص بعدين رحت البيت

واليوم لما داومت الكل يضحك علي لأنهم عارفين سبب غيابي امس :shy:

s4qatar

04-11-2013, 11:30 AM

الله يعين مرضى السكر ( فاهمين قصدي )

قــطــريــه

04-11-2013, 12:22 PM

علينا نتحلى بالصبر والاخوان باشغال شادين حيلهم

صحيح ان توقيتهم غلط

ولكن نقعد نتذمر ونتنرفز وفي النهاية ماراح نخسر الا صحتنا

الخطة موجودة ومثل ما خلصوا اشارات الكورنيش راح يخلصوا الاماكن الثانية

وعلينا نطلع بوقت كافي وخاصة ان عرفنا الوضع

احنا راح نصبر ونصبر ونصبر لكن المشكله إن هالصبر ماله نهاية مع اشغال

صحيح شغالين لكن بعد كم شهر بيقولون لك ان هناك اخطاء وبيصلحون الاخطار وبيعيدون نفس المسلسل البايخ اللي احنا نعاني منه

هذي مشكلتنا طول عمرنا احنا زهقنا مب عشان مافينا صبر لكن زهقنا من طول الصبر سنين ونفس المسلسل ينعاد وكل مره في منظقة مختلفة

نسيت اخطاء تقاطع 22 فبراير وبيسكرون نص مداخله ومخارجه؟ نفس الاخطاء راح تتكرر لآن مافيه تخطيط سليم للمستقبل هم تخطيطهم حق كم شهر وخلاص وما يفكرون لا بالتضخم ولا بزيادة عدد السكان بعد سنه وحده لاحظ قلت سنة ما قلت 5 سنوات بالعادة الأخطاء تبين بعد كم سنة لكن في قطر اخطاء سوء التخطيط الغير مدروس بتاتاً تبين بعد اقل من سنة

احنا بنصبر لكن لازم يسوون شي يكون قد الصبر والتضحيات اللي نضحي فيها وانا اقصد بالتضحيات هو وقتنا اللي يضيع واحنا واقفين فالشارع او صحتنا اللي راح تتلف بسبب الضغط النفسي المقدم علينا بسبب شوارع

ياليتهم يتعلمون من دبي ما بقولك اوروبا بقولك دبي

انا من الناس اللي اروح دبي شهريا او كل شهرين وما اقولك دبي مافيها زحمه بالعكس فيها زحمة لكن حسن التخطيط مخلي الزحمه تمشي طول الوقت يعني اطول مشوار في دبي وفي عز الزحمة وفي منظقة ديرة ياخذ بالكثير بالكثير 45 دقيقه الى ساعة بالكثير لأنهم مخططين لسنوات كثيرة ومخططين انهم يبون دبي تكون دولة سياحية فقاموا وبدأوا بتحسين الشوارع عشان يجذبون الزوار من كل المناطق المجاورة ومن حتى الدول العالمية

اتمنى الصورة وضحت

abdo222

04-11-2013, 02:33 PM

أنا بتكلم عن نفسي وبالتحديد أمس الأحد الموافق 3/11/2013

دوامي يبدأ الساعه 7 وعندنا ساعة مرنة يعني ممكن نداوم 8 وطلعت من البيت 6 ونص قلت ان شاء الله بوصل على الوقت يعني خلال الساعة المرنة لأن مشواري اليومي ياخذ تقريبا ساعه ونص إلى ساعتين

المهم صارت 7 ونص وانا الحين واقفة عند دوار التلفزيون أبي اخذ الدوار يسار لأنه مشواري اليومي وانا اداوم في منظقة الأبراج

لخويا واقفين مسكرين الشارع ويجبرونا نروح سيده.. اكيد الكل عارف ان دوار البريد (سابقا) مسكر .. كلمته أخوي انا بروح يسار قالي تعليمات لو سمحتي روحي سيده

وأصلا السيارات واقفة من دوار التلفزيون لين دوار البريد يعني مافي مجال إن احد يمشي وتمينا واقفين في دوار التلفزيون ومعطلين السير وكل شوي نمشي متر قدام كل شوي نمشي متر

صارت 8 ونص وانا واقفة في هالشارع ووصلت بالضبط فوق الجسر وقاعدة اشوف تحتنا الزحمة من دوار نادي قطر لين دوار المطافي والعكس من دوار المطافي لين دوار نادي قطر

بس فيه شي غريب كان خاطري اصوره بس للأسف ماقدرت .. لخويا واقفين في نص الشارع هذا وموقفين السيارات اللي جاية من دوار قطر والسيارات واقفة في نص الشارع وفيه مسافة 300 متر تقريبا فاضية مافيها ولا سيارة وبعدين قدام فيه سيارات الزحمة على الدوار يعني نص الشارع فاضي وانا مب فاهمه شنهو المغزى من انهم موقفين الناس والسيارات واصلة لين دوار نادي قطر

يعني هالمسافة كان ممكن تشيل 150 سيارة تقريبا وتخفف الضغط من صوب نادي قطر بس سبحان الله اكيد (تعليمات) وانا اقول مساكين اللي واقفين تحت الله يعينهم واتحسب على اللي كان السبب

المهم صارت 9 وانا للحين ما وصلت دوار البريد للحين واقفة فالنص وكل كم دقيقة امشي متر

اتصلت على الدوام بلغتهم اني في الزحمة

صارت 9 وربع والحمدلله وصلت لكن الشارع مسكر ولفينا يمين بإتجاه مسرح قطر الوطني قلت برجع من الاشارات شوي إلا لخويا يجبروننا نمشي سيده ومشينا مع اللي مشوا

شوي اجبرونا نروح يمين بإتجاه قصر الضيافة واوكي سكت ومشيت مع اللي يمشون

والضغط كل شوي يرتفع وكل شوي اتحسب على اللي كان السبب

المهم رجعت على دوار المطافي ومشيت سيده بإتجاه نادي قطر ولا لخويا موقفينا من نص الشارع بعد ابغي افهم ايش المغزى ما ادري

المهم الساعه صارت 9 و 40 دقيقة وانا فالشارع

يعني صارلي 3 ساعات و10 دقايق

المهم مشينا وصلنا دوار نادي قطر وقفنا ربع ساعة تقريبا صارت 9 و 55 دقيقة

يعني صارلي 3 ساعات ونص تقريبا

آخر شي خلاص وصلت حدي قلت اعوذ بالله من الشيطان لا تداومين بسبب الضغط النفسي والضغط المرتفع والاعصاب التلفانه وروحي بيتكم أحسن وفعلا رحت البيت وخذتها اجازة عارضة

ايش المطلوب منا كشعب؟ يقولون لنا بنسكر الشوارع الفلانية واستخدموا الطرق البديلة

نجي نستعمل الطرق البديلة الا حاطين لخويا ويمنعونا من الطرق البديلة (بسبب التعليمات) طيب ايش الحل؟

كيف ممكن نكون موظفين منتجين في دواماتنا؟

والله اكثر شي يحر تعرفون ايش؟ إن واحنا واقفين في الزحمة فيه هلكوبترات تتمشى فوقنا وقاعده احسدهم وافكر بحلول جذري للأزمة طبعا موضوع إن الشوارع تتعدل هذا موضوع مستحيل (طبعا مستحيل بسبب الماضي الاسود لشوارع دولة قطر) فأنا اعتقد أحسن حل للأزمة هي انتاج سيارات طائرة نفس اللي في فيلم ستاروورز وكل واحد في الجو يختار الطريج اللي يبيه بعيد عن المصخرة اللي تصير في شوارعنا الحبيبة

واليوم طلعت من البيت 6 الا ربع وصلت الدوام 7 ونص طيب ايش الحل؟ كم الساعة لازم اطلع من بيتنا؟

انا عارفة طولت لكن انا من امس لين اليوم محترة

cc: الى اشغال للذكاء الخارق الي خلاهم يسكرون ثلاث دواوير مره وحده !!!!

Qtr37

04-11-2013, 04:07 PM

اليوم بصراحة تأخرت كثير في الطريق وانا راجعة البيت :(

pink pearl

07-11-2013, 10:46 AM

اليوم في وطني الحبيب بيفتحون الدوار نص ١١