ترضى اختك/ زوجتك تشتغل معاك؟؟؟

[رهج السنابك]

بنتكلم من ناحيه اجتماعيه ومدى تقبل المجتمع لهالموضوع

شفت وحده معاك بالدوام تزوجتها هل تخليها ام تطلعها من الدوام بكبره؟
اذا كنت متزوج تتقبل فكره ان مرتك تتوظف معاك بنفس المكان؟!
لو كنت اب هل تتقبل بنتك تشتغل وياك
لو كنت اخ عادي اختك تتوظف بنفس مكانك؟؟!

او المجتمع ممكن ينظر لهالموضوع بنظره غير محببه؟!
وممكن يطلعون تعليقات
خاصه لو زوج وزوجته بمكان واحد

هل المانع نقدر نقول الغيره؟!!
بمعنى انك بتكون في مكتبك مثلا وممكن حد يطري اسم مرتك او اختك او يقول رحت مكتبها سوت معاملتي او بنحضر دوره وهي معانا الخ
بينما لو بعيده عن مكانك وانت على قناعه تامه انها ممكن تنجز نفس الشي تخلص معاملات موظفين او تحضر دورات ومعاها موظفين قد لا يثير الغيره عندك وايضا تتقبل ان حد يتصل فيها سواء مراجع او موظف بحدود العمل ولا يترك في نفسك شيء بعكس لو كانت معاك وتعرف ان فلان رفيجك كلمها تلفون صعبه جدا على نفسك

[بوحارب]

أكيد لا :)

[بوحارب]

الموضوع فيه نوع من اللقافة الاجتماعية

صح ولا انا غلطان يا ساده ؛)

[شبح الصمت]

شوفي اختي كمجتمع

الاب يقدر يتقبل

بس الاخ ما اتوقع يقدر يتقبل
حتى الزوج

وبتكلم عن صغار السن طبعاً

إلا في حالة وحده فقط اذا اهي في مكاتب واقسام حريم بعد صعبة احس .

أما إذا اشتغلوا في مكان الزوج وزوجته وقدهم كبار يعني بقولج مثال يشتغلون في برامج في انشطة في هالامور يقدرون يتفقون

وفي بعد اذا في اعمال خيرية اشوف مشاركات كثيرة من الزوج وزوجته يعني يحبون هالمجالات ويرغبونها

اما طبيعة كعمل مستمر وشبه يومي اتوقع الكثير يرفضها داخل نفسه

[حمد 2002]

انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،

[ام السعف]

وحدة اعرفها ،، توها من سنة واشوي توظفت في مكان يشتغل فيه زوجها

كل حسب قناعته وفكره ممكن يقبل او يرفض ،،

[كازانوفا]

مرة فتره اشتغلت انا واخوي بنفس المكان
وبعد سننننننننننننين من العمر تزوجت واعمل انا وزوجي بنفس المكان
هو بطابق وانا بطابق
لكن حاليا ابحث لتغير المكان مش لسبب معين او له صله لهذا الموضوع لا لاسباب اخرى
بس لاحظت اساله كثيررررررررررره تعرضت لها
ما تغاري عليه ؟؟
ما صارت بينكم مشاكل؟؟
يعني كل الاسئله السلبيه اللى ترفع الضغط والسكر انعرضت علي
ما حد فكر يسالني مرتاحين

[نور الحور]

أشوفه عادي .. بس ملل :secret:

[فريج النجادة]

انا اعرف شخص نقل من الوزارة لان زوجتة صارت مديرة

ولا قدر يتحمل نظرات الناس لة

[العلم]

أنا ضد إنها تشتغل أساسا ..



واللي يخلي مرته أو أخته تشتغل بدون حاجة مااااااسه جدااااا هذا اشوفه يحتاج فيتامين رجوله شوي ..

[مو مهم]

انا ضد فكره عمل المراه في مكان مختلط يعني هالموضوع بكبره ما يشملني

[بوحارب]

أنا ضد إنها تشتغل أساسا ..



واللي يخلي مرته أو أخته تشتغل بدون حاجة مااااااسه جدااااا هذا اشوفه يحتاج فيتامين رجوله شوي ..

:victory:

[ضوى]

أشوفه عادي .. بس ملل :secret:

هههه
فهمتج فهمتج

[ضوى]

حسب قناعة الشخص

وايد بوزارتنا ازواج وزوجات مع بعض يشتغلون بس هذا بإدارة وهي بإدارة

[رفيع الهامه]

حسب قناعة الشخص

وايد بوزارتنا ازواج وزوجات مع بعض يشتغلون بس هذا بإدارة وهي بإدارة




المشوار واحد

[نور الحور]

هههه
فهمتج فهمتج



ههههههههه .. حبيبتي أنتي فاهمتني علطول :victory:

[aziz4z]

ما أدري شلون
بس تدرون النبي صلى الله عليه و سلم كان يتاجر لخديجة رضي الله عنها و تزوجها
أنا بالنسبة لي مب أختي , حتى و لو أبوي وياي في الشغل , أروح أغير على الطول هههه عشان نظرات الناس ما تتعلق فينا

[عيون الدوحة]

عادي جدا
وعندنا اكثر من زوج وزوجته بنفس الوزارة
وعندنا من تزوج زميلته في العمل أكثر من حالة

[رهج السنابك]

انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،



بس تتزوج بيتغير رايك وقول الارستقراطية ماقالت

ترا كل الشباب الصغار نفسك

ضد وضد

اول مايتزوج والمدام تقوله ابي اتوظف بتتوظف رضى او ارغم
من واقع شفته بعيني :)

[رهج السنابك]

الموضوع فيه نوع من اللقافة الاجتماعية

صح ولا انا غلطان يا ساده ؛)

صح فيه لقافه وخصوصيات

بس البعض عادي عنه يقول ماهمني كلام الناس

بعدين لا تنسون نقطه ايجابيه انه بيكون محرم لها هه هه هه

[رهج السنابك]

شوفي اختي كمجتمع

الاب يقدر يتقبل

بس الاخ ما اتوقع يقدر يتقبل
حتى الزوج

وبتكلم عن صغار السن طبعاً

إلا في حالة وحده فقط اذا اهي في مكاتب واقسام حريم بعد صعبة احس .

أما إذا اشتغلوا في مكان الزوج وزوجته وقدهم كبار يعني بقولج مثال يشتغلون في برامج في انشطة في هالامور يقدرون يتفقون

وفي بعد اذا في اعمال خيرية اشوف مشاركات كثيرة من الزوج وزوجته يعني يحبون هالمجالات ويرغبونها

اما طبيعة كعمل مستمر وشبه يومي اتوقع الكثير يرفضها داخل نفسه



صح الاب شفت
زوج وزوجه شفت بس بالخش بدون محد يدري
اخ واخت ماشفت لين الحين

بس في فكرة براسي اجيب اخوي عندي يصير لي محرم:tease: ان رضى عاد

[بو الجوري]

فالبيت معاه و فالشغل معاه http://www.cheesebuerger.de/images/midi/frech/a068.gif

شلون بيشتاقون حق بعض !!!

[حسن]

انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،

اكتفي بهذا الرأي وهو الراجح بالنسبة لي

:victory:

[بوحارب]

فالبيت معاه و فالشغل معاه http://www.cheesebuerger.de/images/midi/frech/a068.gif

شلون بيشتاقون حق بعض !!!

هههههههههههههههههه

[رهج السنابك]

وحدة اعرفها ،، توها من سنة واشوي توظفت في مكان يشتغل فيه زوجها

كل حسب قناعته وفكره ممكن يقبل او يرفض ،،

امممم

بس احسها صعبه الا لو كان المكان اغلبيته اجانب او هم من الناس الي مايفتكرون بكلام الناس

[مو مهم]

بس تتزوج بيتغير رايك وقول الارستقراطية ماقالت

ترا كل الشباب الصغار نفسك

ضد وضد

اول مايتزوج والمدام تقوله ابي اتوظف بتتوظف رضى او ارغم
من واقع شفته بعيني :)

لا اختي غلطانه
انا ضد فكره الوظيفه للمراه في الاماكن المختلطه
اما زوجتي رافض انها تتوظف وصارلي متزوج 7 سنوات ووظيفتها ربه منزل.. والا راح تتغير وظيفتها دامني حي

[حسن]

امممم

بس احسها صعبه الا لو كان المكان اغلبيته اجانب او هم من الناس الي مايفتكرون بكلام الناس
ليش صعبه يعني تقصدين نظرية جدام الأجانب ارفع النقاب واذا كان قطري ويه تغطو يابنات

:omg:

[رهج السنابك]

ليش صعبه يعني تقصدين نظرية جدام الأجانب ارفع النقاب واذا كان قطري ويه تغطو يابنات

:omg:

هههههههههه لا طبعا

بس البيئه اللي فيها اجانب مافيها دودودودو حجي وايد
ولا يعرفون ذي شعلاقتها في هذا ولا فيه اسئله فيها لقافه
غير البيئه اللي يغلب فيها قطريين او عرب يموتون على الكلام والنغزات والنميمه خاصة الحريم

[رهج السنابك]

لا اختي غلطانه
انا ضد فكره الوظيفه للمراه في الاماكن المختلطه
اما زوجتي رافض انها تتوظف وصارلي متزوج 7 سنوات ووظيفتها ربه منزل.. والا راح تتغير وظيفتها دامني حي

مؤكد وحده من هالشروط موجوده في زوجتك
1- ماكملت دراسه
2-خذتها صغيره اقل من 21 او 20

[وطن]

حسب قناعة الشخص

وايد بوزارتنا ازواج وزوجات مع بعض يشتغلون بس هذا بإدارة وهي بإدارة


:nice:




المشوار واحد

هاهاهاهاهاها

صحيح
صحيح

يخففون علينا الزحمة
سيارة بدل سيارتين
:secret:

[وطن]

هههههههههه لا طبعا

بس البيئه اللي فيها اجانب مافيها دودودودو حجي وايد
ولا يعرفون ذي شعلاقتها في هذا ولا فيه اسئله فيها لقافه
غير البيئه اللي يغلب فيها قطريين او عرب يموتون على الكلام والنغزات والنميمه خاصة الحريم

أبشرج اختي
الأجانب عندهم حش وسوالف

وفلان وفلانه وش علاقتهم

ومن الخرابيط اللي لا تودي ولا تجيب

مروا علي
:secret:

أجانب
مب عرب :victory:

[تاجر الشباب]

السلام عليكم نعم انا ارضى تشتغل معاي لان هذا الشي افضل من انت تشتغل في مكان اخر

[مو مهم]

مؤكد وحده من هالشروط موجوده في زوجتك
1- ماكملت دراسه
2-خذتها صغيره اقل من 21 او 20

مو شرط اعرف ناس تزوجوا والبنت ما كملت الثانوي وكملت الثانوي والجامعه وتوظفت وكانت اقل من ال18 سنه
يعني مب شرط الي قلتيه انا كانت شروطي واضحه من البدايه

وانا مع احترامي لكل شخص راضي ان زوجته تتوظف وتهمل بيتها وعيالها يتزوج له خدامه احسن له واوفر له.. اذا كانت الخدامه هي الي تطبخ غداه وعشاه وتربي عياله والام بالشه في دوامها..وين دورها كام و كزوجه ..؟ !!

[بو خليفه 123]

بعدين عذر المؤتمرات والمهمات الرسميه في لندن مانقدر نقوله :shy:

[قطريه22]

الله يرزقني بزوج يقولي قعدي في البيت مافي شغل وانا باصرف على البيت

[الـقـاسـي]

لو فرضنا انها تشتغل في مكان مختلط ف الافضل اداوم انا وياها في نفس المكان ليش اخليها تشتغل في مكان وانا في مكان
بغض النظر عن كوني ارفض فكره عملها او اتقبله بس اشوف الافضل انها تداوم وياه

[رهج السنابك]

مو شرط اعرف ناس تزوجوا والبنت ما كملت الثانوي وكملت الثانوي والجامعه وتوظفت وكانت اقل من ال18 سنه
يعني مب شرط الي قلتيه انا كانت شروطي واضحه من البدايه

وانا مع احترامي لكل شخص راضي ان زوجته تتوظف وتهمل بيتها وعيالها يتزوج له خدامه احسن له واوفر له.. اذا كانت الخدامه هي الي تطبخ غداه وعشاه وتربي عياله والام بالشه في دوامها..وين دورها كام و كزوجه ..؟ !!

اوك يعني انت شارط من البداية وهي رضت
اهني وضعك غير
بس مارديت على الشرطين اللي قلتهم صح او لا!!
على العموم اذا انت شرطت وهي رضت اهني مافي مجال
وبهالوقت اللي يبي يتزوج ويشرط على المره وتوافق على شرطه يعتبر سعيد الحظ :)

[رهج السنابك]

لو فرضنا انها تشتغل في مكان مختلط ف الافضل اداوم انا وياها في نفس المكان ليش اخليها تشتغل في مكان وانا في مكان
بغض النظر عن كوني ارفض فكره عملها او اتقبله بس اشوف الافضل انها تداوم وياه

جميل تفكيرك ونفس ماقلت على الاقل محرم موجود محدش يقدر يقولها هش

لكن الغيره بتشتعل تخيل المواقف الي ذكرتها فوق
رفيجك يروح لها تخلص معامله
او تحضر معاهم اجتماع
او دورة خارج العمل
او حط يطري اسمها قدامك
او حد يروح لك يشتكي لك منها ههههههه كلم مرتك تخلص موضوعي بسرعه

[حسن]

هههههههههه لا طبعا

بس البيئه اللي فيها اجانب مافيها دودودودو حجي وايد
ولا يعرفون ذي شعلاقتها في هذا ولا فيه اسئله فيها لقافه
غير البيئه اللي يغلب فيها قطريين او عرب يموتون على الكلام والنغزات والنميمه خاصة الحريم

اتفق معاك ان عقليه الاجانب وخصوصا الاوروبين افضل منا بكثير
وبعدين حتى هم يعني ماعندهم مشكله ولا كذب لو سئلته هذه زوجتك تشتغل معاك ولا لا يجاوب بكل صراحه واريحيه عكس عندنا
كان تسئل عن معلومات القنبله النوويه
شي غريب فعلا
الثقافه الجهل لها دور كبير

اما في كلمه خاصه الحريم هذه انا ابصم لك عليها بالعشر وبالمئه بعد

ناس فاضيه وتخلف ثقافي وفكري وللاسف
لا ارى في الافق أي تطور يذكر

:(

[مو مهم]

اوك يعني انت شارط من البداية وهي رضت
اهني وضعك غير
بس مارديت على الشرطين اللي قلتهم صح او لا!!
على العموم اذا انت شرطت وهي رضت اهني مافي مجال
وبهالوقت اللي يبي يتزوج ويشرط على المره وتوافق على شرطه يعتبر سعيد الحظ :)

ترى الشرط بعد الملكه والعرس .. 😅
يعني مب ايام الخطبه والملكه ..

وجد مستحيل اتخيل ان زوجتي موظفه وتاركه العيال في البيت..

[رهج السنابك]

ترى الشرط بعد الملكه والعرس .. 😅
يعني مب ايام الخطبه والملكه ..

وجد مستحيل اتخيل ان زوجتي موظفه وتاركه العيال في البيت..

زين تسوي ونعم الأب المثالي
الله يسعدكم ولا يغير عليكم

شابووووه ( يعني ارفع لك القبعه بالفرنسي:shy:)

[رهج السنابك]

أبشرج اختي
الأجانب عندهم حش وسوالف

وفلان وفلانه وش علاقتهم

ومن الخرابيط اللي لا تودي ولا تجيب

مروا علي
:secret:

أجانب
مب عرب :victory:

شوفي انا عايشه مع اجانب من كل الجنسيات اللي تخطر على بالج حتى من جزر الكناري
صح فيهم اللي يتكلمون بس حتى كلامهم غير عنا لان ثقافتهم تختلف
ماينظرون للموضوع من زاوية ربعنا
عادي الموضوع عندهم ومايفتكرون فيه وايد
اللي عندنا بالعويذه من شرهم يموتون على التلقف في حياة الاخرين

[مهرة]

احسن عشان يتم تحت نظري:pilot: لا سلمات ولا دعوات فطور وغدا ولا سفرات عمل بالخارج ويااااااااااااااااا كثرها ..!

وحلو انخفف من زحمة الشوارع

[بو خليفه 123]

احسن عشان يتم تحت نظري:pilot: لا سلمات ولا دعوات فطور وغدا ولا سفرات عمل بالخارج ويااااااااااااااااا كثرها ..!

وحلو انخفف من زحمة الشوارع


يا عوينه اليتيم له الجنه

[رهج السنابك]

احسن عشان يتم تحت نظري:pilot: لا سلمات ولا دعوات فطور وغدا ولا سفرات عمل بالخارج ويااااااااااااااااا كثرها ..!

وحلو انخفف من زحمة الشوارع

قولي له اليوم دبر لي وظيفة عندك وشوفي ردة الفعل وعلمينا هههههههههه
بس تأكدي ان المكان اللي انتي فيه مافيه ادوات حادة:tease:

[مهرة]

يا عوينه اليتيم له الجنه


:spider::wizard:omen

من كل مسام أطلع له ..!

[مهرة]

قولي له اليوم دبر لي وظيفة عندك وشوفي ردة الفعل وعلمينا هههههههههه
بس تأكدي ان المكان اللي انتي فيه مافيه ادوات حادة:tease:


ان شاءالله هالحين كلها دقايق وبجيج العلم بكرة :yes:

[رهج السنابك]

ناطرين هههههه

[أم محمد 90]

انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،


لا عجب انك لحين ماتزوجت

[أم محمد 90]

انا اقول نزلي موضوع تتزوج وحدة معاك فالدوام

لانها صايرة موضة وبزيادة وعقب الزواج تتم وياه فالدوام والكل يدري انهم تزوجوا :)

[النهار]

انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،

:victory::victory:

والله انك ذيب خير الكلام ماقل ودل

[رهج السنابك]

انا اقول نزلي موضوع تتزوج وحدة معاك فالدوام

لانها صايرة موضة وبزيادة وعقب الزواج تتم وياه فالدوام والكل يدري انهم تزوجوا :)

هههه من قلب موضه
الدنيا تغيرت وااايد

[ام السعف]

هههه من قلب موضه
الدنيا تغيرت وااايد

يتزوجها بالحلال ،، ولا يلعب عليها بالحرام ،،

بالمبارك للمعاريس :shy:

[رهج السنابك]

صدقتي يام سعسع : )

[ام السعف]

صدقتي يام سعسع : )

حسبي الله على ابليسك يا من عطيتني هالاسم المدلع بو 500 ريال
من كونتيسة صرت سعسع :shy:

يارب يارب تحداني ما تشوفه واتحول من عقب ست الحسن والدلال
الى سعسع ...> احس اني مخمة ساحرة بالاسم ذيه :shy:

[نور الحور]

حسبي الله على ابليسك يا من عطيتني هالاسم المدلع بو 500 ريال
من كونتيسة صرت سعسع :shy:

يارب يارب تحداني ما تشوفه واتحول من عقب ست الحسن والدلال
الى سعسع ...> احس اني مخمة ساحرة بالاسم ذيه :shy:



ههههههههههه ..راحت عليج خلاص ..:secret:

أهم شي ما يتغير اسمج اللي عطيتيني إياه بالتبني :shy: .. حزتها ماقدر استحمل .. عادي اهاجر :secret:

[طلعة الروح]

اذا كل واحد يقول انا ارفض مرتي او اختي تشتغل في مكان مختلط أو ارفض تشتغل من الاساس...
عيل هذول اللي نشوفهم بكل مكان بنات من بالضبط؟

[بنت شرق]

ماله داعي التدقيق الزايد عن حده ، الا سلمتي على رفيجاتج الا زوجتك تشتغل معاك الا ترضى تظهر وغترتك
مش مكوية ومافيها نشا ، الا ترضى تتزوج وحده مسويه عملية قص معدة وايش شعورك واهي تاكل شوربات
بس وتنغث من الاكل الدسم

[طلعة الروح]

ماله داعي التدقيق الزايد عن حده ، الا سلمتي على رفيجاتج الا زوجتك تشتغل معاك الا ترضى تظهر وغترتك
مش مكوية ومافيها نشا ، الا ترضى تتزوج وحده مسويه عملية قص معدة وايش شعورك واهي تاكل شوربات
بس وتنغث من الاكل الدسم

ضحكني ردج:nice:

[بوحارب]

ماله داعي التدقيق الزايد عن حده ، الا سلمتي على رفيجاتج الا زوجتك تشتغل معاك الا ترضى تظهر وغترتك
مش مكوية ومافيها نشا ، الا ترضى تتزوج وحده مسويه عملية قص معدة وايش شعورك واهي تاكل شوربات
بس وتنغث من الاكل الدسم

هذي يسمونها اللقافة الاجتماعية:)

[رهج السنابك]

ماله داعي التدقيق الزايد عن حده ، الا سلمتي على رفيجاتج الا زوجتك تشتغل معاك الا ترضى تظهر وغترتك
مش مكوية ومافيها نشا ، الا ترضى تتزوج وحده مسويه عملية قص معدة وايش شعورك واهي تاكل شوربات
بس وتنغث من الاكل الدسم

حبيبتي لا تفتحين منتديات تبين تتثقفين ترا المكتبات تارسه الدنيا فتحي كتب وتثقفي اصلا محد يدش منتديات الا الفاضي ويبي يتسلى امثالنا
او دشي مواضيع تبينها ترا عنوان الموضوع يوضح محتواه فما داعي تضغطين عليه خاصه لو الكاتبه الارستقراطيه
واذا مب هدفج ثقافه تعلمي شي في وقت فراغج افيدي فيه الامه الاسلاميه
او افيدي نفسج حفظي قران او تجويد او نمي هوايه
ترا والله مب مغصوبين تدشون منتدى وتقرون مواضيع
حسستوني انكم مجبورين ومافي شي بحياتكم الا هالمنتدى وهالمواضيع

هالدنيا مليانه نفسيات :)

[رهج السنابك]

هذي يسمونها اللقافة الاجتماعية:)

ترا والله ماعرفك ولا يهمني اعرف عنك شي :)
وفي شيء اسمه استطلاعات لرأي المجتمع وتنعمل على شكل استبيانات وتوسيعها اكاديمياً لعمل بحث بناءاً على اجابات الاستبيان وفيه اسس للتحليل
لكن في منتدى وموضوع موجز من باب استقراء فكر المجتمع او شريحه صغيره منه لموضوع اجتماعي ماله اي علاقه باللي سميته لقافه!!! لان الي يبي يشارك بيشارك والي مايبي براحته ومب شرط الواحد يتكلم عن نفسه
وكيف تكون لقافه ومحد يعرف الثاني مجرد اسماء مستعاره !!
وسع افق تفكيرك

المواضيع الي تنطرح هي كملتقى فكري لكن الكتروني كلنا هنا نتبادل الافكار والاراء ونتحاور مع العقول وليس اشخاص نعرفهم الكل يطرح رايه بحريه ويقول ما يشاء بدون قيود
وهذي ميزة التحاور الالكتروني

وكما قلت محد مجبور وفي اشياء وايد بالدنيا ممكن تسوونها وخلوا العالم بحالها
شيء مايعجبكم سووا الي يعجبكم وكفى الله المؤمنين شر القتال :)

[meme-93]

هذي يسمونها اللقافة الاجتماعية:)

:nice:

[نوار قطر]

مممم انا مديري السابق كان معيين اخته ومرت اخوه معاه في نفس الاداره !!! البعض ممكن يتقبل هالشي والبعض لااا ،، كل شخص على حسب نوع البيئه الي ربى فيها ،،، ممكن اشتغل مع اخوي في نفس الوزاره بس في نفس الاداره صعبه ،،، بالنسبه له هو اقل شي بيقولون ياب اخته وشغلها معاه والعين بتكون عليه على الصغيره قبل الكبيره.. ف مثل مايقولون ابعد عن الشر وغني له

[بوحارب]

ترا والله ماعرفك ولا يهمني اعرف عنك شي :)
وفي شيء اسمه استطلاعات لرأي المجتمع وتنعمل على شكل استبيانات وتوسيعها اكاديمياً لعمل بحث بناءاً على اجابات الاستبيان وفيه اسس للتحليل
لكن في منتدى وموضوع موجز من باب استقراء فكر المجتمع او شريحه صغيره منه لموضوع اجتماعي ماله اي علاقه باللي سميته لقافه!!! لان الي يبي يشارك بيشارك والي مايبي براحته ومب شرط الواحد يتكلم عن نفسه
وكيف تكون لقافه ومحد يعرف الثاني مجرد اسماء مستعاره !!
وسع افق تفكيرك

المواضيع الي تنطرح هي كملتقى فكري لكن الكتروني كلنا هنا نتبادل الافكار والاراء ونتحاور مع العقول وليس اشخاص نعرفهم الكل يطرح رايه بحريه ويقول ما يشاء بدون قيود
وهذي ميزة التحاور الالكتروني

وكما قلت محد مجبور وفي اشياء وايد بالدنيا ممكن تسوونها وخلوا العالم بحالها
شيء مايعجبكم سووا الي يعجبكم وكفى الله المؤمنين شر القتال :)

انا كتبت رد من نص سطر

وانتي كتبتي رد صفحة ونص

ليش:(

[شـــوق]

مديرنا السابق كانت اخته معاه بالاداره ... يعوينها لما صار مدير صار تقييمها جيد بس عشان صورته قدام الموظفين >> مايسوى عليها اخت المدير ..
على عكس المدير اللي اقدم منه تزوج وحده من الموظفات .. و دلع القسم اللي فيه زوجته دلع ..

[شـــوق]

انا كتبت رد من نص سطر

وانتي كتبتي رد صفحة ونص

ليش:(
:taunt::taunt:
من لقافتك

[بوحارب]

:taunt::taunt:
من لقافتك

:threaten:

[الزعفراني]

أكيد لا :)


انا ضد عمل المرآه نهااااااااااااااااااااااااااااااائيا سواءا معاي ولا مع غيري ،،

الحرمه مكانها بيتها وماتطلع منه الا للضروره القصوه ،،

وفيه استثناءات لعمل المرآه في حاله الحاجه القصوووووووووووووووووووووووووووووووووووووووووووووو ووووووووووه ،،

بالتوفيق ،،


أنا ضد إنها تشتغل أساسا ..



واللي يخلي مرته أو أخته تشتغل بدون حاجة مااااااسه جدااااا هذا اشوفه يحتاج فيتامين رجوله شوي ..


انا ضد فكره عمل المراه في مكان مختلط يعني هالموضوع بكبره ما يشملني




اكتفي بهذا الرأي وهو الراجح بالنسبة لي

:victory:




لا اختي غلطانه
انا ضد فكره الوظيفه للمراه في الاماكن المختلطه
اما زوجتي رافض انها تتوظف وصارلي متزوج 7 سنوات ووظيفتها ربه منزل.. والا راح تتغير وظيفتها دامني حي

بارك الله فيكم ..

[OM_OMAR_QATAR]

هههههههههه مادري ليه ىبس لا

[وليف الشوق]

القاها في البيت واشوفها بالدوام بعد ؟ لالالالا والف لا صج ملل هههههههههه

على العموم باعتقادي اذا الاخ مع اخته او الزوج مع زوجته او الاب مع بنته في عمل واحد وكنت انا مسؤول للتوظيف سوف ارفض تماما عملهم في مقر او جهه واحده لعدة اسباب واهم سبب ان القريب او الزوج قد واشدد على كلمة (( قد )) ينفعها في كثير من الامور وينسى باقي الموظفين هذا يسمى اجحاف في حق باقي الموطفين الذي يمكن انهم يستاهلون للترقيه او العلاوة او الاجازة او او او او


صراحه موضوع مميز من انسانه مميزه ونادره الوجود

[رهج السنابك]

:taunt::taunt:
من لقافتك

احسنتي :)

[رهج السنابك]

مممم انا مديري السابق كان معيين اخته ومرت اخوه معاه في نفس الاداره !!! البعض ممكن يتقبل هالشي والبعض لااا ،، كل شخص على حسب نوع البيئه الي ربى فيها ،،، ممكن اشتغل مع اخوي في نفس الوزاره بس في نفس الاداره صعبه ،،، بالنسبه له هو اقل شي بيقولون ياب اخته وشغلها معاه والعين بتكون عليه على الصغيره قبل الكبيره.. ف مثل مايقولون ابعد عن الشر وغني له

ههههههه ماشاء الله عليه قلبها وزاره ابوه

[رهج السنابك]

حسبي الله على ابليسك يا من عطيتني هالاسم المدلع بو 500 ريال
من كونتيسة صرت سعسع :shy:

يارب يارب تحداني ما تشوفه واتحول من عقب ست الحسن والدلال
الى سعسع ...> احس اني مخمة ساحرة بالاسم ذيه :shy:

افاااا عليج يام سعسع


انتي الكونتيسا وست الحسن والدلال والذوق والجمال كله


كم سعافينو عندي انا <<< طلعنا لج اسم جديد بالايتالي بعد ههههه

[ANONYMOUS]

رأيي من رأي الاخوان حمران العيون حمد وحسن و كم واحد ماحفظت نكاتهم

[الفا برافو]

جاري هو وبنته يشتغلون بنفس الوزاره...والمشوار واحد :)

[نوار قطر]

ههههههه ماشاء الله عليه قلبها وزاره ابوه

للامانه هو ما كان يفرق بينا بالعكس والله حتى اذكر مره من المرات في رمضان اخته ومرت اخوه غابو قبل يومين من اجازة الخمس الاواخر نادانا وقال لنا بكره لكم يوم من عندي اجازه وهم الي يداومون... الله يذكره بالخير

[بو خليفه 123]

انا كتبت رد من نص سطر

وانتي كتبتي رد صفحة ونص

ليش:(


ههههههههههه

انتبه بترميك من البلكونه :)
عنيفه البنت تراها

[غايه الطواش]

اخوي واختي بنفس الوزاره اختي بطابق وخوي بطابق

واخوي الثاني وعمتي بعد بنفس الوزاره ونفس المبنى بس كل واحد مهم في اداره

شالمشكله , ومعاي زميلات دوام متزوجين من زملاء دوام بس الاداره مختلفه

[R 7 A L]

الموضوع له ابعاد اخرى

ومنها
الواسطة التي تتعدى القانون وذلك بتوظيف الاقارب على حساب الاخرين

[chillis]

أنا ضد إنها تشتغل أساسا ..



واللي يخلي مرته أو أخته تشتغل بدون حاجة مااااااسه جدااااا هذا اشوفه يحتاج فيتامين رجوله شوي ..

يعني الي مب محتاج ومرته ولا اخته يشتغلون مب رجال ؟ ما تم شي ما قلتوه عن العالم :) ترفعوا شوي عن هالكلام وقذف العالم وياما رجال حريمهم ما يشتغلون وبالبيت وهم يبيله فيتامين رجوله *_* لاسباب

[chillis]

اخوي واختي بنفس الوزاره اختي بطابق وتخوي بطابق

واخوي الثاني وعمتي بعد بنفس الوزاره ونفس المبنى بس كل واحد مهم في اداره

شالمشكله , ومعاي زميلات دوام متزوجين من زملاء دوام بس الاداره مختلفه

:eek5: ابيه من صجج الحين بيكفرونهم :secret:

[مسمس12]

الحين الناس مو بالعه بعض فالبيت بعد فالدوام لا :secret:

[Super Cool]

أمي اختي عمتي خالتي جدتي زوجتي....ما تفرق معاي...أبرك الساعات والله

بالعكس بكون متطمن عليهم أكثر و بساعدهم أكثر...ان احتاجوا شي يجون لي انا بدال ما يروحون للغريب و انا اولى اني اهتم فيهم...انا واحد واثق من نفسي و ما علي من أحد

[غايه الطواش]

:eek5: ابيه من صجج الحين بيكفرونهم :secret:

يقولون الي يقولونه كل شخص له قناعاته :shy:

[R 7 A L]

أمي اختي عمتي خالتي جدتي زوجتي....ما تفرق معاي...أبرك الساعات والله

بالعكس بكون متطمن عليهم أكثر و بساعدهم أكثر...ان احتاجوا شي يجون لي انا بدال ما يروحون للغريب و انا اولى اني اهتم فيهم...انا واحد واثق من نفسي و ما علي من أحد



وتداومون على سيارة وحدة بدل خمس سيارات :nice:

[ضوى]

يعني الي مب محتاج ومرته ولا اخته يشتغلون مب رجال ؟ ما تم شي ما قلتوه عن العالم :) ترفعوا شوي عن هالكلام وقذف العالم وياما رجال حريمهم ما يشتغلون وبالبيت وهم يبيله فيتامين رجوله *_* لاسباب

مدري والله يا تشيليز بصراحة ذمتهم وسيعة ، ماخلوا شي ماقالوه ، وين القران وين السنة وين الدين اللي يتشدقون به في التعدد بس :eek5:

[chillis]

مدري والله يا تشيليز بصراحة ذمتهم وسيعة ، ماخلوا شي ماقالوه ، وين القران وين السنة وين الدين اللي يتشدقون به في التعدد بس :eek5:

الي بالاحمر ياخذونه على هواهم :) مكان مايبون هم

[Abdulraman]

يعني الي مب محتاج ومرته ولا اخته يشتغلون مب رجال ؟ ما تم شي ما قلتوه عن العالم :) ترفعوا شوي عن هالكلام وقذف العالم وياما رجال حريمهم ما يشتغلون وبالبيت وهم يبيله فيتامين رجوله *_* لاسباب

الرجال ماقال شي غلط
اللي مب محتاجه ليش تشتغل ؟

[chillis]

الرجال ماقال شي غلط
اللي مب محتاجه ليش تشتغل ؟

والوحده ليش تاخذ شهاده عيل والمره لها دور الحين بالمجتمع مب مثل قبل وبعدين يمكن المره ما عندها عيال ولا عيالها كبار وماعندها شي وفي وقت انها تشتغل ليش ما تخدم المجتمع ؟ شنو الغلط ووين غلط يوم رمى الزوج والاب وغيره بانه ناقص رجوله :) الوحده الحين مب شرط تشتغل لحاجتها للشغل لا البعض يبي يبني ويساعد واللبعض كبروا عيالهم او ما عندها عيال اساسا تشغل نفسها بتقول بيتها عادي هذيب احنا نشتغل وقايمين بيتنا وعيالنا :) بس ما نقذف احد

[bos3eed]

قبل كنت اقول لا وبقوه, الحين اقول على حسب, بكرة اذا تزوجت مادري شنو بيكون رأيي. وترى على حسب اذا بتشتغل في خدمة الجمهور ولا في خدمة الموظفين في الواجهة او مديره ولا بتكون في وظيفه هامشيه وماتقابل رجال. بس والله احس صعبه اروح لها المكتب الاقي واحد قاعد عندها وحاط رجل على رجل ويشرب شاي.

[حمد 2002]

الحمد لله والصلاة والسلام على رسول الله وعلى آله وصحبه، أما بعد:

فالأولى للمرأة عمومًا أن تقر في بيتها، ولا تخرج للعمل إلا لضرورة أو حاجة, مع الالتزام بالضوابط الشرعية, لا فرق في ذلك بين المرأة المتزوجة وغيرها.

وأما العمل في أماكن الاختلاط المحرم مع عدم وجود الحاجة: فلا شك في عدم جوازه لما فيه من المخالفات الشرعية, والمحاذير التي لا تحمد عقباها, ولمعرفة ضوابط عمل المرأة انظر فتوانا رقم: 24827, ورقم: 9653 ورقم: 28006, وما فيهما من إحالات.

ولعل من عدَّ من ضوابط جواز عمل المرأة الحاجة إليه لا يقصد بذلك كونها شرطًا لجوازه, وإنما يقصد بذلك النصح والإرشاد إلى الأسلم, وهو ترك العمل لغير المحتاجة إليه، جاء في الموسوعة الفقهية: الأصل أنّ وظيفة المرأة الأولى هي إدارة بيتها, ورعاية أسرتها, وتربية أبنائها, وحسن تبعّلها، يقول النّبيّ صلى الله عليه وسلم: « المرأة راعية في بيت زوجها ومسئولة عن رعيّتها, وهي غير مطالبةٍ بالإنفاق على نفسها، فنفقتها واجبة على أبيها أو زوجها؛ لذلك كان مجال عملها هو البيت، وعملها في البيت يساوي عمل المجاهدين, ومع ذلك فالإسلام لا يمنع المرأة من العمل فلها أن تبيع وتشتري، وأن توكّل غيرها، ويوكّلها غيرها، وأن تتاجر بمالها، وليس لأحدٍ منعها من ذلك ما دامت مراعيةً أحكام الشّرع وآدابه, والنّصوص الدّالّة على جواز عمل المرأة كثيرة، والّذي يمكن استخلاصه منها، أنّ للمرأة الحقّ في العمل بشرط إذن الزّوج للخروج، إن استدعى عملها الخروج وكانت ذات زوجٍ، ويسقط حقّه في الإذن إذا امتنع عن الإنفاق عليها. انتهى مع بعض الحذف.

وأما كيف ستفيد المرأة أمتها بما تعلمته: فهذا أمر له مجالات كثيرة ومتعددة: ومنها: العمل في مجال صالح للمرأة, ومنضبط بالضوابط الشرعية, ومنها: العمل في المجال الدعوي والخيري المنضبط, ومنها: القيام بتربية الأبناء, وإنشاء الأسرة الصالحة, وتعليمهم العمل النافع, ومنها: الكتابة في المجال الذي تتقنه المرأة ونشره بين الأمة, إلى غير ذلك من الأمور التي يمكن للمرأة أن تخدم بها أمتها.

ولا يدخل ترك المرأة للعمل في حديث كتم العلم؛ لأن الأمر علق في الحديث بمن سأل فكتم لا بمن لم يُسأل, قال ابن العربي في أحكام القرآن ج1/ص73: " أن من سئل فقد وجب عليه التبليغ لهذه الآية, ولما روى أبو هريرة وعمرو بن العاص أن النبي صلى الله عليه وسلم قال: من سئل عن علم فكتمه ألجم بلجام من نار, وأما من لم يسأل فلا يلزمه التبليغ إلا في القرآن وحده", كما أن الكتمان ليس بعدم العمل إنما بقصد إخفاء العلم حتى ولو عملت المرأة, قال الآلوسي في روح المعاني ج2/ص27: "والكتمان ترك إظهار الشيء قصدًا مع مساس الحاجة إليه, وتحقق الداعي إلى إظهاره, وذلك قد يكون بمجرد ستره وإخفائه, وقد يكون بإزالته ووضع شيء آخر موضعه".

والله أعلم.
الإثنين 5 محرم 1434 - 19-11-2012

رقم الفتوى: 191205

اسلام ويب

[قطريه ماركه]

عادي اذا اقسام مختلفة

بس اذا في الشغل باشوفه و في البيت باشوفه ملل !!

[الـقـاسـي]

جميل تفكيرك ونفس ماقلت على الاقل محرم موجود محدش يقدر يقولها هش

لكن الغيره بتشتعل تخيل المواقف الي ذكرتها فوق
رفيجك يروح لها تخلص معامله
او تحضر معاهم اجتماع
او دورة خارج العمل
او حط يطري اسمها قدامك
او حد يروح لك يشتكي لك منها ههههههه كلم مرتك تخلص موضوعي بسرعه

مدام ارتضى انها تشتغل في مكان مختلط ف عالاقل تصير قدام عينه ولا تصير من وراه

[Abdulraman]

الحمد لله والصلاة والسلام على رسول الله وعلى آله وصحبه، أما بعد:

فالأولى للمرأة عمومًا أن تقر في بيتها، ولا تخرج للعمل إلا لضرورة أو حاجة, مع الالتزام بالضوابط الشرعية, لا فرق في ذلك بين المرأة المتزوجة وغيرها.

وأما العمل في أماكن الاختلاط المحرم مع عدم وجود الحاجة: فلا شك في عدم جوازه لما فيه من المخالفات الشرعية, والمحاذير التي لا تحمد عقباها, ولمعرفة ضوابط عمل المرأة انظر فتوانا رقم: 24827, ورقم: 9653 ورقم: 28006, وما فيهما من إحالات.

ولعل من عدَّ من ضوابط جواز عمل المرأة الحاجة إليه لا يقصد بذلك كونها شرطًا لجوازه, وإنما يقصد بذلك النصح والإرشاد إلى الأسلم, وهو ترك العمل لغير المحتاجة إليه، جاء في الموسوعة الفقهية: الأصل أنّ وظيفة المرأة الأولى هي إدارة بيتها, ورعاية أسرتها, وتربية أبنائها, وحسن تبعّلها، يقول النّبيّ صلى الله عليه وسلم: « المرأة راعية في بيت زوجها ومسئولة عن رعيّتها, وهي غير مطالبةٍ بالإنفاق على نفسها، فنفقتها واجبة على أبيها أو زوجها؛ لذلك كان مجال عملها هو البيت، وعملها في البيت يساوي عمل المجاهدين, ومع ذلك فالإسلام لا يمنع المرأة من العمل فلها أن تبيع وتشتري، وأن توكّل غيرها، ويوكّلها غيرها، وأن تتاجر بمالها، وليس لأحدٍ منعها من ذلك ما دامت مراعيةً أحكام الشّرع وآدابه, والنّصوص الدّالّة على جواز عمل المرأة كثيرة، والّذي يمكن استخلاصه منها، أنّ للمرأة الحقّ في العمل بشرط إذن الزّوج للخروج، إن استدعى عملها الخروج وكانت ذات زوجٍ، ويسقط حقّه في الإذن إذا امتنع عن الإنفاق عليها. انتهى مع بعض الحذف.

وأما كيف ستفيد المرأة أمتها بما تعلمته: فهذا أمر له مجالات كثيرة ومتعددة: ومنها: العمل في مجال صالح للمرأة, ومنضبط بالضوابط الشرعية, ومنها: العمل في المجال الدعوي والخيري المنضبط, ومنها: القيام بتربية الأبناء, وإنشاء الأسرة الصالحة, وتعليمهم العمل النافع, ومنها: الكتابة في المجال الذي تتقنه المرأة ونشره بين الأمة, إلى غير ذلك من الأمور التي يمكن للمرأة أن تخدم بها أمتها.

ولا يدخل ترك المرأة للعمل في حديث كتم العلم؛ لأن الأمر علق في الحديث بمن سأل فكتم لا بمن لم يُسأل, قال ابن العربي في أحكام القرآن ج1/ص73: " أن من سئل فقد وجب عليه التبليغ لهذه الآية, ولما روى أبو هريرة وعمرو بن العاص أن النبي صلى الله عليه وسلم قال: من سئل عن علم فكتمه ألجم بلجام من نار, وأما من لم يسأل فلا يلزمه التبليغ إلا في القرآن وحده", كما أن الكتمان ليس بعدم العمل إنما بقصد إخفاء العلم حتى ولو عملت المرأة, قال الآلوسي في روح المعاني ج2/ص27: "والكتمان ترك إظهار الشيء قصدًا مع مساس الحاجة إليه, وتحقق الداعي إلى إظهاره, وذلك قد يكون بمجرد ستره وإخفائه, وقد يكون بإزالته ووضع شيء آخر موضعه".

والله أعلم.
الإثنين 5 محرم 1434 - 19-11-2012

رقم الفتوى: 191205

اسلام ويب

مايحبون هالفتاوي البنات
اكثر البنات اللي يشتغلون مايدرون ايش يصير في البيت والاعتماد على الخدامه
اذا كثرت المرأه تتصل حق ميري وتقولها حطي الغدا حق بابا يعني انها مهتمه في زوجها والبعض ناقصه بس تقول حق ميري نامي مع زوجي
تدرون ليش لانها مسؤله في مكان ما او مديره وماترجع البيت الا بالليل بحكم شغلها ومسؤلياتها
والله ماهي حلوه مرأه وقاعده مع رجال في اجتماع وضحك لاتقولون مافي وخاصتا اذا صارت مسؤله في الشغل
حقيقه مره

[قطري2022]

غيرتي ما تسمح لي ان اخلي زوجتي تشتغل مع رجال ، انا ضد الاختلاط ، ضد ان زوجتي تضحك مع زميلها ولو في نطاق العمل ، واتمنى الدول الاسلامية تمنع الاختلاط ، لان من ابتدى والفساد في ازدياد .

[صدى الرعد]

مستحيل ارضى او حتى في مكان مختلط
لاني اعرف الي مداومين معاي عدل ساعات احس انهم خيايط مب موظفين ومع الاسف 99% من الرجال هذا نظامهم وانا مب ملاك.

[رهج السنابك]

زين والله اشوف وايد مايرضون حريمهم يشتغلون باختلاط لكن يا ترى هاللي نشوفهم يطلعون حريم منو؟؟
والي حريمهم مب باماكن مختلطه وين هالاماكن افيدونا ولا كل الي ضد اختلاط زوجاتهم وخواتهم مدرسات؟؟

[نوار قطر]

زين والله اشوف وايد مايرضون حريمهم يشتغلون باختلاط لكن يا ترى هاللي نشوفهم يطلعون حريم منو؟؟
والي حريمهم مب باماكن مختلطه وين هالاماكن افيدونا ولا كل الي ضد اختلاط زوجاتهم وخواتهم مدرسات؟؟

حريم السلطان :shy:

شوفي حبيبتي ماننكر ان فئه للحين متمسكه وماترضى ان بناتهم يشتغلون في اماكن خلط وعندنا فالمنتدى منهم ،،، بسس في حدى المواضيع الي كان عن شخصيتك برى المنتدى وداخل المنتدى والفرق بينهم ،،، استغربت من بعض الردود الي تقول الشخصيه تختلف تلقائيا عن برى المنتدى ،، ممم مانبي نظلمهم وخل نحسن الظن ونقول ان فعلا حريمهم مايشتغلون في اماكن خلط ،،يمكن كلامي مايعجب ناااس وايد بس هذي الصج

[رهج السنابك]

هههههه اي والله حريم السلطان

المشكله ماقدر اقتنع لما واحد يقول مارضى حريمنا يشتغلون بمكان خلط وانا اشوف الاماكن مترسه حريم
انزين لو قلنا منع زوجته طيب وخواته ؟؟ خالاته؟ عماته؟ بنات اخته؟؟ كلهم كلهم مايشتغلون باماكن مختلطه!!!!!!! سوري ماتدش راسي

[New Vision]

المراه مكانها بيتها والعمل للرجال فقط

[توشيبا]

انا ضد انها تشتغل في مكان خلط

بيني وبينج ناقص تسدحي موضوع نفس هذا

http://goo.gl/LXoxdw

[صدى الرعد]

زين والله اشوف وايد مايرضون حريمهم يشتغلون باختلاط لكن يا ترى هاللي نشوفهم يطلعون حريم منو؟؟
والي حريمهم مب باماكن مختلطه وين هالاماكن افيدونا ولا كل الي ضد اختلاط زوجاتهم وخواتهم مدرسات؟؟
اذا مب مدرسه تقعد في بيتها تربي عيالها ابرك واعتقد في اماكن غير مجال التدريس مافيها اختلاط

[رهج السنابك]

ردك يدل على ان رفضك نظري وليس عملي :)

[العلم]

يعني الي مب محتاج ومرته ولا اخته يشتغلون مب رجال ؟ ما تم شي ما قلتوه عن العالم :) ترفعوا شوي عن هالكلام وقذف العالم وياما رجال حريمهم ما يشتغلون وبالبيت وهم يبيله فيتامين رجوله *_* لاسباب


هذي وجهة نظري والقرآن والسنة تساندها المرأة إذا ماكان لها حاجة للعمل الأفضل لها تجلس في بيتها وتراقبه سواء عندها عيال أو ماعندها .. تجنبا لكثير من المفاسد ..



زين والله اشوف وايد مايرضون حريمهم يشتغلون باختلاط لكن يا ترى هاللي نشوفهم يطلعون حريم منو؟؟
والي حريمهم مب باماكن مختلطه وين هالاماكن افيدونا ولا كل الي ضد اختلاط زوجاتهم وخواتهم مدرسات؟؟


أنا لو طرحت موضوع فالمنتدى ماراح اعتبره يعبر عن رأي المجتمع القطري بكل أطيافه ،،، لأن المشاركين في المواضيع هم أعضاء تتكرر مشاركاتهم ولايتجاوزون 20 عضو في كل موضوع غالبا ..

فكيف تحكمين أن اللي رافضين إن أهلهم يشتغلون هم يعبرون عن أغلب المجتمع وتبنين عليه رأي مخالف إنج تشوفين الواقع عكس ذلك والحريم اللي يشتغلون وايد .. عشان توصلين للنتيجة اللي تبينها ( إنهم كذابين )

اتمنى تشغلين مخج أنتي وكم وحده معاج .. :)

[حمد 2002]

الاصل الا تخرج المرأة للعمل فهذا لا يناسب وظيفتها فى الحياة
المرأة خلقت للراحة من العمل لان العمل مهما كان فيه مشقة (ليست بدنية فقط) ذهنية ومسئولية ومراقبة
قال تعالى لادم (فلا يخرجنكما الشيطان منها فتشقى)
لم يقل سبحانه فتشقيان لانها مهمة الرجل السعى والشقاء من اجل الكسب والرزق
اما الاستثناء فلا يغنى عن الاصل شيئا

واصلا ليش الواحد ايتزوج ؟ :):)

ايتزوج لكي يرى زوجته امامه وترعى اطفاله ، مب متزوج وحده ترجع الساعه 5 المغرب وهو في البيت 2 الضهر !!!!! :):):)

[رهج السنابك]

العلم


انا مابني رايي على راي عشرين ولا ثلاثين عضو لما رديت على الكم اخ وقالوا ضد الاختلاط فهالكم شخص شايفه مثلهم وااااايد وكلهم احنا ضد واحنا ضد
وفي الواقع مب اقل من نص اهله يشتغلون في اماكن مختلطه ولو تخليها تحدي انا جاهزه وبحلف اليمين بعد :)
ترا حتى انا ضد الاختلاط لكن للاسف مالقيت شغل الا مختلط بس قدرت اعدل الوضع وادخل قسم غالبيته نساء ولي مكتبي الخاص ماحتك في احد يعني قدرت امنع نفسي من الاختلاط حتى لو المكان اصله مختلط

واللي شفتهم من رفيجاتي ومن اهلي ومن معارفي كلهم والله مانخلي حريمنا يشتغلون باماكن مختلطه وشوي شوي شفناهم اشتغلوا بالرضا او بالغصب :) لان اساسا صارت اماكن العمل الغير مختلطه نااااادره

والي في المنتدى مب بعيدين عنهم


وانت يالعلم مافي وحده من اهلك بشغل مختلط؟!! :) كلهم مدرسات او ربات بيوت ؟! مب لازم تجاوب اهني احتفظ بالجواب بينك وبين نفسك لان واثقه ميه بالميه ان الجواب لا فيه من تعمل بجهه مختلطه
:)


واورفوار

[طلعة الروح]

الاصل الا تخرج المرأة للعمل فهذا لا يناسب وظيفتها فى الحياة
المرأة خلقت للراحة من العمل لان العمل مهما كان فيه مشقة (ليست بدنية فقط) ذهنية ومسئولية ومراقبة
قال تعالى لادم (فلا يخرجنكما الشيطان منها فتشقى)
لم يقل سبحانه فتشقيان لانها مهمة الرجل السعى والشقاء من اجل الكسب والرزق
اما الاستثناء فلا يغنى عن الاصل شيئا

واصلا ليش الواحد ايتزوج ؟ :):)

ايتزوج لكي يرى زوجته امامه وترعى اطفاله ، مب متزوج وحده ترجع الساعه 5 المغرب وهو في البيت 2 الضهر !!!!! :):):)


زين والله الله يكثر من أمثالك، اتمنى اشوف هالنموذج من الرجال اللي صاروا نادرين بمجتمعنا..!

[رهج السنابك]

طلعه الروح


كلنا ماودنا نشتغل هو حد يدور الشقى؟؟؟ لكن اشحدك يالمسمار!

[طلعة الروح]

طلعه الروح


كلنا ماودنا نشتغل هو حد يدور الشقى؟؟؟ لكن اشحدك يالمسمار!


تبين الصج المرأة معرضة للاستغلال الوظيفي اكثر من الرجل اللي الوضع بالنسبة له سالك أكثر بحكم طبيعته كرجل يقدر يقاوم التحديات والمشاكل اللي يتعرض لها ويقدر يحتج ويقول لا ، اما المرأة اللي بطبيعتها ضعيفه وعاطفيه وفي الغالب تستحي تعترض على الاخطاء،،،نعم كلنا ملزومين نشتغل بس اللي مرتاحين بالشغل نادرات ومن النماذج البنات اللي اشوفهم دايما يتشكون سواء من ناحية استغلال المرأة وضغط العمل او من ناحية عدم الحصول على الحقوق الوظيفية مقارنة باخوها الرجل،،،

[الجوكر90]

انا الصراحه ماقدر الغيره بتذبحني اول شي
وثاني شي مابي زوجتي تشتغل فمكان خلط

اخبر مره فالكليه كنت فالكلاس اسمع حوار بين وحده قطريه والاستاذ
تقول اخوي يدرس معاي فالكليه بس هو ابيض وهي شوي سمره مافي شبه بينهم
عاد تشتكي حق المدرس تقوله يوم نروح فالبريك نتغدى فالاند انا واخوي ويشوفونه ربعي او ربعي يشوفوني عبالهم انه مطلعني وانه حبيبي
وهالشي تقول مضايقني

[khalid525]

امر عمل المرأة محسوم قانونيا واجتماعيا عندنا

[القلب المؤمن]

:nice: والله انا استغربت من بعض الردود اللي بعيده كل البعد عن ارض الواقع

انا اعرف من اقاربنا اخ واخته يشتغلون بنفس الشركة مستانسين وااايد وكله سوالف وضحك بينهم وعندهم ربع مشتركين شباب وبنات وكل واحد محترم نفسه مافي تجاوزات ولا مشاكل كلللش !
آعتقد اهم شي التربية والثقة بين الاطراف..اذا مفقوده اكيد بتكون في مشاكل :shy:

[مو مهم]

انا قمت اشوف بعض ردود البنات يقولون والبنات الي نشوفهم بمكان مختلط بنات من..؟

انا ما علي من غيري..
بنات فلان والا علان .... بعض البنات يمكن من الحقد قامت تتهمنا بالكذب واننا ندعي المثاليه.. لانها تتمنى انها حصلت حد يمنعها..

وانا راح اعيد لكم من جديد ترى الي قالوا حنا ضد الاختلاط ٥ اشخاض فقط مب ١٠٠ الف..

[العلم]

العلم


انا مابني رايي على راي عشرين ولا ثلاثين عضو لما رديت على الكم اخ وقالوا ضد الاختلاط فهالكم شخص شايفه مثلهم وااااايد وكلهم احنا ضد واحنا ضد
وفي الواقع مب اقل من نص اهله يشتغلون في اماكن مختلطه ولو تخليها تحدي انا جاهزه وبحلف اليمين بعد :)
ترا حتى انا ضد الاختلاط لكن للاسف مالقيت شغل الا مختلط بس قدرت اعدل الوضع وادخل قسم غالبيته نساء ولي مكتبي الخاص ماحتك في احد يعني قدرت امنع نفسي من الاختلاط حتى لو المكان اصله مختلط

واللي شفتهم من رفيجاتي ومن اهلي ومن معارفي كلهم والله مانخلي حريمنا يشتغلون باماكن مختلطه وشوي شوي شفناهم اشتغلوا بالرضا او بالغصب :) لان اساسا صارت اماكن العمل الغير مختلطه نااااادره

والي في المنتدى مب بعيدين عنهم


وانت يالعلم مافي وحده من اهلك بشغل مختلط؟!! :) كلهم مدرسات او ربات بيوت ؟! مب لازم تجاوب اهني احتفظ بالجواب بينك وبين نفسك لان واثقه ميه بالميه ان الجواب لا فيه من تعمل بجهه مختلطه
:)


واورفوار

ماادري .. بسس الواضح من كلامج وردج إنه كان منبني على ردود الأعضاء ..


ولكن بعد أقول إن هذا التناقض اللي ذكرتيه ناادر جدا أن يكون موجود وأن يصرح به صاحب لأنه يعتبر نوع من الإختلال العقلي .. أو قد يكون هو فعلا ضد الإختلاط والعمل ولكنه مجبر عليه فيصرح بما يتمناه رغم أن الواقع مخالف له تماما ..


وأما بابنسبة لحالتج فلا تحتاجين أن تبررينها لي ، فأتوقع إنج تعلمين الحكم الشرعي وأيضا أنتي أعلم الناس بظروفج ..


وأما بالنسبة لسؤالج عن شغل أهلي .. فعندي استفسار بسيط ماذا تقصدون دائما بأهلك .. هل تقصدون القبيلة كاملة أو العائلة الصغيرة الأب والأم والأخوات ..

إذا كانت القبيلة فأنا لست مسؤول عنها كاملة ..

وإذا كانت العائلة الصغيرة ... فنعم أنا مستعد أجاوب لاتشتغل أمي ولا وحده من أخواتي سواء في عمل نسائي أو مختلط ... وأقولها بكل فخر ..



وشكرا لكم :)

[حمد 2002]

ماادري .. بسس الواضح من كلامج وردج إنه كان منبني على ردود الأعضاء ..


ولكن بعد أقول إن هذا التناقض اللي ذكرتيه ناادر جدا أن يكون موجود وأن يصرح به صاحب لأنه يعتبر نوع من الإختلال العقلي .. أو قد يكون هو فعلا ضد الإختلاط والعمل ولكنه مجبر عليه فيصرح بما يتمناه رغم أن الواقع مخالف له تماما ..


وأما بابنسبة لحالتج فلا تحتاجين أن تبررينها لي ، فأتوقع إنج تعلمين الحكم الشرعي وأيضا أنتي أعلم الناس بظروفج ..


وأما بالنسبة لسؤالج عن شغل أهلي .. فعندي استفسار بسيط ماذا تقصدون دائما بأهلك .. هل تقصدون القبيلة كاملة أو العائلة الصغيرة الأب والأم والأخوات ..

إذا كانت القبيلة فأنا لست مسؤول عنها كاملة ..

وإذا كانت العائلة الصغيرة ... فنعم أنا مستعد أجاوب لاتشتغل أمي ولا وحده من أخواتي سواء في عمل نسائي أو مختلط ... وأقولها بكل فخر ..


وشكرا لكم :)

كفوووووووووووووو :victory:

[رهج السنابك]

الاهل من تكون انت محرم لهم

ام اخت زوجه بنت بنت اخت بنت اخ خاله عمه

[غير البشر]

صبحج الله بالخير اختي الاستقراطيه

انا بصراحة ما اؤيد بتاتا

لكذا سبب :

اشوف مهب حلوه انتي وزوجتك في نفس المكان او الدوام
وفي سبب ان حلاته تكون في خصوصيه وبعد وقت الدوام
وتقارب بالبيت لكن
قدامي في البيت وقدامي في الشغل
وقدامي في كل مكان
ماحس الوضع فيه تغيير



وفي اسباب وايد منها التركيز على الزوج
الا ليش يسوي كذا والا راح هنا وهناك
وليش يروح صوب الموظفات والغيره شغاله



كان عندنا واحد قطري بالدوام ومعاه زوجته
بنفس الغرفه وبينهم برتشن بس
والبنات لما يدخلون البرتشن لازم يمرون صوب الموظفين
يدخل هو وزوجته قدامهم
وهي تدخل البرتشن وهو يجلس



بصراحه احراااج

[هامور البورصة]

No way

[صمت القلوب]

انا اشتغل في مكان في اكثر من زوجين يشتغلون في نفس المكان ...وماشالله عليهم كل الادب والاحترام من بينهم ..
خلاص الحين الدنيا تغيرت
احس قبل يقولون لا وعيب .. الحين صرت اشوف هالشي في كل مكان ومن جميع الجنسيات .. :)

[لاجئ عاطفي]

خبرك عتيق وانا اخوك الحين المدراء والمسؤولين يوظفون حريمهم واخواتهم في نفس الاماكن اللي هم فيها لانهم راح يتمتعون بمميزات واستثناءات لهم دون غيرهم مثل الدوام المتاخر والانصراف المبكر وصرف كل البدلات والعلاوات لهم دون غيرهم والكثير مما يجوز لهم ولا يجوز لغيرهم :)

[الـقـاسـي]

هههههه اي والله حريم السلطان

المشكله ماقدر اقتنع لما واحد يقول مارضى حريمنا يشتغلون بمكان خلط وانا اشوف الاماكن مترسه حريم
انزين لو قلنا منع زوجته طيب وخواته ؟؟ خالاته؟ عماته؟ بنات اخته؟؟ كلهم كلهم مايشتغلون باماكن مختلطه!!!!!!! سوري ماتدش راسي

انا عماتي وخالاتي وبنات عماتي وبنات خالاتي وحريم خوالي واخواني وبنات عم ابوي وبنات خواله وكل بنت اعرفها من اهلنا ماتشتغل في مكان اختلاط

[ms-qtr]

أنا ما أبي أشتغل معاهم
أحس بيدققون بكل حركاتي
وبكون تحت المراقبة

[قرنقووش]

عادي بالنسبه لي مافيها شي

[بطران متملل]

اتوقع اللي ماعنده مشكله هله يشتغلون معاه واختلاط بعني اي حد يكلم هله قدامه وهو يشاركهم الحديث ويضحك بعد طبعا نشوفه في الافلام الاجنبيه و هذي انسان ماعنده غيره على هله ومايستحي على ويه وين قاعدين صج الدنيا عليها السلام عقب فتره بنشوف ك ناس يتمشون مع ربعهم وخواتهم وعزايم مختلطه ولا شالفرق بين عمل وغير عمل

[رهج السنابك]

انا عماتي وخالاتي وبنات عماتي وبنات خالاتي وحريم خوالي واخواني وبنات عم ابوي وبنات خواله وكل بنت اعرفها من اهلنا ماتشتغل في مكان اختلاط

واااو

ليش ماذكرت خواتك او زوجتك؟!


انزين اذا ولا وحده تشتغل بمكان مختلط من كل اهلك معناها يا انهم مايشتغلون اساسا
او بعضهم مدرسات

بس

لان الاماكن الغير مختلطه بقطر مب من كثرها

[الـقـاسـي]

واااو

ليش ماذكرت خواتك او زوجتك؟!


انزين اذا ولا وحده تشتغل بمكان مختلط من كل اهلك معناها يا انهم مايشتغلون اساسا
او بعضهم مدرسات

بس

لان الاماكن الغير مختلطه بقطر مب من كثرها

عندي فكره احسن
تعالي لنا البيت وبجمع بياناتهم الشخصيه وسوي لهم مقابله عشان تتاكدين :)


عموما
في شكثر ناس مايرضون اهلهم يشتغلون اصلا واذا اشتغلوا مايكون في مكان مختلط ف بنات الناس اللي تشوفينهم يداومون في مكان مختلط انتي وحده منهم واكيد تعرفين نسبة كبيرة من الناس اللي يرضون بالاختلاط

[تحداني]

حبيبتي انتي
قولي لا اله الا الله
:)


اي نعم في ناس ما يرضون اهاليهم يشتغلون في مكان مختلط ووايد مب اشوي
هي الامور تنترك لراحتهم .. وطريقه تربيتهم .. ويعتبرونه شي اساسي في حياتهم
تالي لازم انا كتحداني احترم هالشي فيهم
باجر ان رب العالمين زرقج ابزوج وقال لج لا تشتغلين في مكان مختلط
قولي له حاضر تحت امرك انزين


الحياه ما تنأخذ بالغصب

[مهرة]

لو كنت رجلاً لأحببت أن تكون زوجتي او ابنتي او اختي تعمل معي وتحت عيني .. وليس شرطاً ان نكون بنفس الأدارة .. تروح وتجي معي واذا انا شفت انه عملها ماله داعي تجلس في بيتها معززة مكرمة ..

[أم محمد 90]

لو كنت رجلاً لأحببت أن تكون زوجتي او ابنتي او اختي تعمل معي وتحت عيني .. وليس شرطاً ان نكون بنفس الأدارة .. تروح وتجي معي واذا انا شفت انه عملها ماله داعي تجلس في بيتها معززة مكرمة ..

والله انا كنت اشتغل مع ابوي

بس هو بادارة وانا بادارة

والكل يدري اني بنته والحمدلله

والحين اشتغل مع أمي شنو يعني :shy:

[تحداني]

والله انا كنت اشتغل مع ابوي

بس هو بادارة وانا بادارة

والكل يدري اني بنته والحمدلله

والحين اشتغل مع أمي شنو يعني :shy:




يحيج :weeping:.. ما شاء الله تبارك الرحمن
جان زين ابوي وامي عندي طول اليوم
حتى في المكتب ..

[أم محمد 90]

يحيج :weeping:.. ما شاء الله تبارك الرحمن
جان زين ابوي وامي عندي طول اليوم
حتى في المكتب ..

لا والله الا تصير مواقف محرجة

شوي يفرط لسانج يمه بقولج شفتي هالورقة ههههههههههههههههههههههه

[تحداني]

لا والله الا تصير مواقف محرجة

شوي يفرط لسانج يمه بقولج شفتي هالورقة ههههههههههههههههههههههه



اخاف وانا طالعه وانا داخله يشوفوني ابوس راسها
اذا جات على يمه وايد وايد عادي


والله يحيج

[شبح الصمت]

والله انا كنت اشتغل مع ابوي

بس هو بادارة وانا بادارة

والكل يدري اني بنته والحمدلله

والحين اشتغل مع أمي شنو يعني :shy:





امممممممممممممممممم

امك تدري انج تشاركين في المنتدى
:secret:

كل يوم يمر يبين لي انه هالبنت بور مش طبيعي مره منيه ومره مناك والمره الجايه اخاف اغمض احصلها مديرة عندنا

:waiting:

[QtrGate]

لو عندنا قسم للنساء اتمنى اختي تشتغل معاي في نفس المؤسسة

بس بشرط تكون بقسم خاص للحريم

على الاقل اوصلها وارجعها مره وحده

[أم محمد 90]

امممممممممممممممممم

امك تدري انج تشاركين في المنتدى
:secret:

كل يوم يمر يبين لي انه هالبنت بور مش طبيعي مره منيه ومره مناك والمره الجايه اخاف اغمض احصلها مديرة عندنا

:waiting:

أمي بإدارة وانا بإدارة

قول آمين اتخرج واصير مديرة :shy: بعطيك منصب حلوو عشان تطلع نفس سيارتي :tease:

[شبح الصمت]

أمي بإدارة وانا بإدارة

قول آمين اتخرج واصير مديرة :shy: بعطيك منصب حلوو عشان تطلع نفس سيارتي :tease:




سبحان الله اشلون هالموضوع انفتح ما كان مصكر

تصيرين مديرة امممممممم !! واطلع نفس سيارتج امممممم

الحين سؤال لو خلينا نقول

الام مديرة بنتها هل تتساهل معاها !!!

تخليها تطلع على راحتها وتخلي امورها يعني وتعطيها صلاحيات او انها تكون متحفظه على انها تكون صارمه معاها ..

يعني امج في البيت

بس في الدوام اسمحي لي انتي موظفة حالج حال اي وحده ثانية ..


لانه ادوري في بالي اسئلة ابي اسئلها بس عقب لين تردين علي

:(

[أم محمد 90]

سبحان الله اشلون هالموضوع انفتح ما كان مصكر

تصيرين مديرة امممممممم !! واطلع نفس سيارتج امممممم

الحين سؤال لو خلينا نقول

الام مديرة بنتها هل تتساهل معاها !!!

تخليها تطلع على راحتها وتخلي امورها يعني وتعطيها صلاحيات او انها تكون متحفظه على انها تكون صارمه معاها ..

يعني امج في البيت

بس في الدوام اسمحي لي انتي موظفة حالج حال اي وحده ثانية ..


لانه ادوري في بالي اسئلة ابي اسئلها بس عقب لين تردين علي

:(

حرام عليك ظلمتني والله

ترى امي بادارة ثانية مالها خص بادارتي وما اشوفها الا بالدورات والاجتماعات !

وحتى ابوي لما كنت بدوامي السابق ماكان له اي علاقة بشغلي دخلت وطلعت وناس ينعدون ع الاصابع دروا ان ابوي فالادارة الفلانية !

كيف استنتجت يا عزيزي شبح ان والدتي هي المديرة ؟ (جان زين)

انا اتمنى اصير مديرة او رئيسة قسم يوما ما عيل ليش قاعدة ادرس وملوعة جبدي مع جامعة قطر

[مهرة]

والله انا كنت اشتغل مع ابوي

بس هو بادارة وانا بادارة

والكل يدري اني بنته والحمدلله

والحين اشتغل مع أمي شنو يعني :shy:



صج؟؟ أحلى شي وفي البريك نطلع نتريق مع بعض ولا نتغدا وطبعاً نتكلم في امووور الشغل شغل تايم مافيه كلام ..! انزين علميني وين فيه؟؟ بقدم حقي انا واختي وخالتي ورفيجاتي وبنات عمي لا لا بنات خالي احسن ورفيجات الأبتدائي والأعدادي والثانوي بنات الجامعة لا لا ماينفعون وبعد بنات جيرانا اش رايج يسوون لنا ادارة بروحنا ( كرييتف يعني ترى تصير عادي):victory:

[رهج السنابك]

ام محمد << مع اني ماحب اناديج فيه احسه مكبرج وايد

ياحيج يعني بكل دوام عندج دعم
مرة ابوج
ومرة امج


احلا شي الواحد يكون عنده دعم أسري وعاطفي في العمل ههههه تحسين بالألفة

[نور الحور]

أنا أمي وأختي يشتغلون بنفس المكان ..

أمي مدرسة .. وأختي طالبة :secret:

[أم محمد 90]

صج؟؟ أحلى شي وفي البريك نطلع نتريق مع بعض ولا نتغدا وطبعاً نتكلم في امووور الشغل شغل تايم مافيه كلام ..! انزين علميني وين فيه؟؟ بقدم حقي انا واختي وخالتي ورفيجاتي وبنات عمي لا لا بنات خالي احسن ورفيجات الأبتدائي والأعدادي والثانوي بنات الجامعة لا لا ماينفعون وبعد بنات جيرانا اش رايج يسوون لنا ادارة بروحنا ( كرييتف يعني ترى تصير عادي):victory:

والله مادري حبيبتي انا ماتوظفت بواسطة امي للعلم ومحد درى انها امي الا عقب نظرا للشبه بيني وبينها
وفالبريك ماشوفها لان انا مضغوطة فالشغل ولا هي تنزل لي عشان ماتشتتني عن شغلي
وهي تجي بروحها وانا بروحي لاني اطلع 1 للجامعه :)

تبين هلج وربعج معاج بالشغل تصير وايد دوري وحاولي اما بشغلي لا ما يصير

[أم محمد 90]

ام محمد << مع اني ماحب اناديج فيه احسه مكبرج وايد

ياحيج يعني بكل دوام عندج دعم
مرة ابوج
ومرة امج


احلا شي الواحد يكون عنده دعم أسري وعاطفي في العمل ههههه تحسين بالألفة

الحمدلله اهلي فالشغل مالهم خص فيني
ارجعي لملفي وشوفي موضوع (الكوادر القطرية من يدعمهم)
كنت اشتغل في نفس المكان مع ابوي وكنت اصيح قدامه من الضيق لكن ماتدخل ولا نزل ودافع عني عند المدير اللهم ساعدني برفع كتاب للامين العام وبس وفوق هذا موضوعي مانحل اضطريت استقيل
صدقيني لو في واسطة جان انا مرتاحة ومفتلة بس الحمدلله اهلي يعرفون يربون ويخلونا نعتمد ع نفسنا

[شبح الصمت]

حرام عليك ظلمتني والله

ترى امي بادارة ثانية مالها خص بادارتي وما اشوفها الا بالدورات والاجتماعات !

وحتى ابوي لما كنت بدوامي السابق ماكان له اي علاقة بشغلي دخلت وطلعت وناس ينعدون ع الاصابع دروا ان ابوي فالادارة الفلانية !

كيف استنتجت يا عزيزي شبح ان والدتي هي المديرة ؟ (جان زين)

انا اتمنى اصير مديرة او رئيسة قسم يوما ما عيل ليش قاعدة ادرس وملوعة جبدي مع جامعة قطر



لا انا ما تكلمت عنج قلت وسالت ردي كان عن اسأله

ادري انه محدن راح راح يدخل نفسه في كلام ويسمح لولده والا بنته انهم يخيطون في عملهم على راحتهم

بس الشره اوقات تدرين على من المدير اذا كان مسؤول عن ولد او بنت هالمدير او الوكيل او الوزير ويحاول انه يتقرب منه انه يمشي اموره ولا يرد له طلب ..

الله يخليهم لج ويخليج لهم

وارحم الله والديج