مشاهدة النسخة كاملة : خدامتي عندها فيسبوك
اكتشفت ان خدامتي - اللي من جنسية آسيوية مسلمة واقل ما يقال عن ذكائها انه اقل من المتوسط - عندها حساب على الفيسبوك، اللي فتنت عليها خدامة صديقتي اللي تم تسفيرها مؤخراً بسبب سلوكياتها وعلاقتها مع رجال.
طبعاً المشكلة مش بالحساب على الفيسبوك بحد ذاته ولكن بالصور اللي منزليتها ( اقل ما يقال عنها غيرلائقة). والتعليقات حاولت اجوجلها شكلها غير لائقة .
طبعاَ قررت أسفرها وشغالة بالإجراءات.....
المهم عرفت من بناتي وبحسن نية إنهم فاتحيلها الوايرلس على تليفونها، عشان مخبريتهم انها بدها تتواصل مع بنتها و اخواتها.
أولا قطعت عنها النت: غيرنا الباسوورد ولما سألتنا خبرناها انه المشكلة في تليفونها ، صبرت يومين وبعدين طلبت من بناتي يوصلوها عالنت من كرت هلا بس البنات خبروها انهم ما يعرفون كيفز
لم يمض وقت حتى رجعت تدخل عالنت بس ما عرفنا كيف. (شكينا انها بتعرف حد أو سألت حد لأنها ما طلعت من البيت أو هذا ما نظن....)
أخر اجراء قررنا نقطع كرت هلا اللي احنا معطينها اياه، وتوقعنا تجي تسأل وفي هالحالة نعطيها كرت جديد لحد ما يجي موعد سفرها.
مر يوم وما سألت، لا و طلبت رصيد ورجعت تدخل عالنت عادي ( يعني عندها خط ثاني) واحنا خبر خييير.
انا وزوجي نعمل , وأولادي بيروحوا المدارس والجامعة, احنا ما نحب الخدم بس مضطرين.....شو العمل :weeping:
ام السعف
03-11-2013, 04:31 PM
بتييبين وحدة ثانية بيكون عندها فيس بوك وتويتر وانستقرام وسكايب
و برنامج ثاني يديد للحين ما عرفتيه وهي تعرفه وتستخدم النسخة التجريبية ،،
اليوم عندي كل هالبلاوي الخدم ،، ومن حقهم يستخدمون النت ،،
لكن اشلون ممكن الواحد يتحكم فيهم ؟
هذا هو السؤال المهم ،،
رهج السنابك
03-11-2013, 04:36 PM
خدامه اختي عندها فيسبوك وتنزل صورها عادي اشعلينا منها الفلبينيات كلهم يعرفون للنت وينزلون صور
خدامتنا معطينها لاب توب واكسيس كامل على النت رغم انها جاهله بس تعلمت لوحدها وعرفت تتصفح وتنزل برامج وكل شي بس مطوعه كله تقول لي علميني افتح القران شلون
تغلبية
03-11-2013, 04:42 PM
عادي .. هذا شي مش جدي
تقريبا معظم الفلبينيات عندهم فيس بوك يصورون فيه بملابس المعزبة في بيت المعزب
ويدللون على عمارهم .. من يبي !
المساعد على هالشي ان فودافون كانت سامحة بدخول الفيس بوك مجاناً على تليفون نوكيا ما يحتاج رسوم واظن بطريقة ما بدون وصلة انترنت .. على كلام العاملة في الصالون اللي كانت توريني قصايدها وتقرا علي اشعارها :)
وبعدين احنا صرنا في زمن قريبا راح يكون لكل عامل لاب توب خاص فيه .. وهالشي يعتبر من الحريات الشخصية ما لم يطال البيت اي ضرر .
alsoq
03-11-2013, 04:48 PM
خذ لها جهاز عادي وريح عمرك
المشكلة مش في الحساب على الفيسبوك اغلبنا عنده حساب : المشكلة في استخدام الفيسبوك بشكل خاطئ.
يعني هي لو جتني وطلبت مني أنا مش حامنعها طالما انها لا تتجاوز حدود الأخلاق.
المشكلة انها مسلمة وتلبس حجاب وتصلي، وتدعي البراءة امامنا، يعني تستغفلنا, وتعتقد انها ممكن تعمل أي شي من ورانا.
طالما ما في عقيدة صحيحة ولا أخلاق تمنعها فكل شئ وارد.
Dana’1
03-11-2013, 05:31 PM
يا تقولين لها عندي وفي بيتي لا تصورين هالصور إذا رحتي إنتي حرة
أو مثل ما سويتي وسفرتيها
عادي هم مذهبهم كذا!!
شغالتي أول ماجات كان عندها جوال عادي..قالت أبغى جوال اقدر أتواصل فية مع أهلي بالنت رحنا مع بعض وأخذت سامسونج
عقب قال لي مدام أنا ما أعرف لة وأبغى أنزل وأتس أب وفيسبوك….قلت أوك بنزل لك أغلب برامج التواصل الإجتماعي وأحسني التعامل معها..والأهم لا يلهيك من الشغل قالت أوك
عاد نزلت لها كل شي..لا وجلسنا نحاول نرد حسابها بالفيس بوك لان ناسيتة
عقب أضفتها كصديقة بالفيس بوك وهي عادي أقبلت…بكذا أحسن أشوف إيش تنزل وإيش تسوي بهالفيس
وبصراحة اشفت شي يصعق عنها إلى الآن ولله الحمد والمنه….بس المضحك إن شغالة أهلي وخواتي عندهم فيس بوك وشفتهم معها أصدقاء…وحقت أختي على أساس ماعندها
أختي ماواجهتها لانها على وشك تروح فمالة داعي..خصوصا إن صفحاتهم مافيها شي كايد!
بس مشكلة هالبرامج تشحنهم وتشوقهم لأهلهم الحين هي بعد سنة طالبة تروح لأنها تحس بالتعب ومشتاقة لأهلها!!:(
الله يعينا ..ويكينا شرهم يارب آمين
قطرية مثقفة
03-11-2013, 06:00 PM
عادي ترااا كل الخدامات عندهم واتساب واللي تقولج مانعه الجوال عن خدامتها @@ تأكدي ان الخدامة عندها وخاشته والله الخدامات اللي عند جماعتنه كلهم عندهم ويخشونه في ملابسهم الداخلية هذي باعتراف منهم لخداماتي@@ انه خداماتي عندهم بصراحة وشابكه لهم الوايرلس @@ خلهم يستانسون مساكين عايشين حياتهم بعيد عن الزوج والعيال والأهل وفرحانين على السوالف مع الأهل بالمجان @@ نصيحة مني وقفي اجراءات تسفيرها إذا شغل في البيت ماعليه كلام@@ ترا صعبه الحصول على الخدامه هالأيام
pink dream
03-11-2013, 06:00 PM
مافيها شي احنا الفلبنيه الي عندنا عندها فيس بوك وتلعب لعبه المزرعه لا واشغلها بعد في مزرعتي تسقي لي الزرع واطرش لي خشب:shy:
بو علاوي
03-11-2013, 06:08 PM
الفيسبوك صار موضة قديمة الحين طالع we chat وطالع say hi وكل الخدامات عندهم هالبرنامج ... والمشكلة ان هالبرنامج يحدد الموقع بدون عناء .. يعني ماعليها الا تحدد موقعها برسالة ويجيها كل شي لعندها
ودي أكون
03-11-2013, 06:10 PM
عالعوق .. وانا عبالي بس خدمنا اللي ماني عارفه شسوي فيهم غير التنطيش الاجباري ..!
المشكله في السالفه .. وحده اتخرب لج كاللي عندج ..!
والله يعين
مو مهم
03-11-2013, 06:15 PM
اقرب مركز امني ( الشمال - الجنوب - دخان- العاصمه - الريان) او اداره البحث والمتابعه
وتجيبين تذكره سفر مفتوحه + مستحقاته + اغراضها وهم يودونها للمطار وانتي تريحيين بالج
H B A
03-11-2013, 06:39 PM
اقرب مركز امني ( الشمال - الجنوب - دخان- العاصمه - الريان) او اداره البحث والمتابعه
وتجيبين تذكره سفر مفتوحه + مستحقاته + اغراضها وهم يودونها للمطار وانتي تريحيين بالج
شكلك من النوع اللي متعب المراكز ومسوي لهم شغل :secret:
الحين بذمتك هالموضوع يستاهل هذا كله ههههههههههه
اذا الموضوع وايد مضايقكم اقطعو تذكره وودوها على المطار
وطالما هي ماتطلع خصوصيات واسرار البيت على الفيس بوك او هالخرابيط
ماعتقد في مشكله .. خلوها تتواصل مع اهلها
مايقدر يحس فيهم الا اللي جرب الغربه :nice:
واحدة نعرفها اكتشفوا خدامتهم حاطة صور بنات اهل البيت
ابوعلي
03-11-2013, 06:49 PM
الحل تنبهين الخدامة ان ما تصور اهل البيت وحجز مبلغ من راتبها للتذكرة اذا خالفت
ولكن منعها مب حل وراح تسوي الشي بدون علمج
مو مهم
03-11-2013, 06:50 PM
شكلك من النوع اللي متعب المراكز ومسوي لهم شغل :secret:
الحين بذمتك هالموضوع يستاهل هذا كله ههههههههههه
اذا الموضوع وايد مضايقكم اقطعو تذكره وودوها على المطار
وطالما هي ماتطلع خصوصيات واسرار البيت على الفيس بوك او هالخرابيط
ماعتقد في مشكله .. خلوها تتواصل مع اهلها
مايقدر يحس فيهم الا اللي جرب الغربه :nice:
اولا انا اشتغل في احدى المراكز الامنيه ودليتها الطريق الصحيح
ثانيا انت لا تقراء بس العنوان تقولك انها عندها رقم ثاني وتعرف واحد..
انا كشخص كيف اممن عيالي عند وحده ما تخاف الله ولها لعلاقه مع احد
باندول
03-11-2013, 07:01 PM
اليوم على برنامج we chat خدامه فلبينيه كلمتني تقول ماتبي كفيلها
وباقي على عقدها 6 شهور تبغي تروح وترجع واخليها على اقامتي
استغرب الاول الخدمات عندهم تلفون نوكيا الزبالة ولحيين ايفون وسامسونغ وغيرة
بس الصراحة ماعندي حلول لذي المشاكل غير تعامل خدامتك بحترام هي تحترمك وتقوم فيك وتخدمك
شيخ الديرة
03-11-2013, 07:01 PM
نفس الفلم صار عندي، أخذت الموبايل منها وهددتها بالشرطة اللي تمنعها مؤبد من كل دول الخليج.
اذا خدامتك تروح مع الأطفال للمدرسة، هناك يصير تجارة السيم كارت وما خفي أعظم
w.qatar
03-11-2013, 07:02 PM
خدامتنا الفلبينية نفس الشي كانت ميته تبي جوال فيه نت عشان الفيس بوك و غيره من هالبرامج امي حلفت يا تاخذ بدون كاميرا و نت ولا خلاص تتسفر وافقت على التلفون العادي و بعد طلعت راعيه سوالف و تواعد فلبن يشتغلون في القنصليه الفلبينيه اللي ورا مستشفى الولاده تبيهم يجونها البيت
بوحارب
03-11-2013, 07:43 PM
احنا جاتنا إندونيسية كانت شغالة في الكويت
وفرت مخوخ كل الخدم وكلهم الحين عندهم فيس بوك وتويتر
انا ما عندي :(
نصيحة لاتسفرينها خليها وحاولي تسحبين منها الجوال بس
واحب اعطي هالمعلومة للكل
اللي عنده خادمة عندها تلفون جالكسي أو النوكيا بؤ شاشة عريضة
لازم يتأكد ان خدامتة تدخل النت اكثر وقتها
خدم آخر زمن
القبطان سلفر
03-11-2013, 07:45 PM
بتييبين وحدة ثانية بيكون عندها فيس بوك وتويتر وانستقرام وسكايب
و برنامج ثاني يديد للحين ما عرفتيه وهي تعرفه وتستخدم النسخة التجريبية ،،
اليوم عندي كل هالبلاوي الخدم ،، ومن حقهم يستخدمون النت ،،
لكن اشلون ممكن الواحد يتحكم فيهم ؟
هذا هو السؤال المهم ،،
الخدامه او السائق انسان من حقة يتصرف كما يشاء دون المساس بخصوصية صاحب العمل .
يعني من حق الخدامة تفتح لها حساب في الفيس بوك او اي موقع تواصل اجتماعي اخر . لكن دون وضع صور تنتهك خصوصية البيت الذي تعمل فيه يعني ما تصور في البيت الا بأذن صاحبه
وعلى العموم قانون العمل الجديد الذي يناقش الان وهو مستمد من عدة قوانين عالمية ذات صله بالخدم سوف يجبرنا جبرا وليس اختيارا على تمتع العاملين في المنازل بحقوق صادمة لنا واعتقد طريقة العقود المبرمة سيشترك في التوقيع عليها ومتابعة تنفيذها عدة جهات لضمان عدم التحايل في ارغام الخدم على التنازل عن بعض حقوقهم المنصوص عليها كما يحدث الان .
باندول
03-11-2013, 08:08 PM
الخدامه او السائق انسان من حقة يتصرف كما يشاء دون المساس بخصوصية صاحب العمل .
يعني من حق الخدامة تفتح لها حساب في الفيس بوك او اي موقع تواصل اجتماعي اخر . لكن دون وضع صور تنتهك خصوصية البيت الذي تعمل فيه يعني ما تصور في البيت الا بأذن صاحبه
وعلى العموم قانون العمل الجديد الذي يناقش الان وهو مستمد من عدة قوانين عالمية ذات صله بالخدم سوف يجبرنا جبرا وليس اختيارا على تمتع العاملين في المنازل بحقوق صادمة لنا واعتقد طريقة العقود المبرمة سيشترك في التوقيع عليها ومتابعة تنفيذها عدة جهات لضمان عدم التحايل في ارغام الخدم على التنازل عن بعض حقوقهم المنصوص عليها كما يحدث الان .
اتوقع تقصد اجازة الخدم الاسبوعيه او ذهابها الى الكنيسه يوم الاحد وغيرة
والمبيت خارج منزل المخدوم
او تحديد ساعات معينه من العمل
يا ليت توضح انا سمعت انه في قوانين
بس ما اتوقع اتطبق في قطر
زين شنو المشكله
أن شاء الله عندها استغرام وين المشكلة
يالطيف
انا طباخ عندي عنده لاب توب وشغال عليه يوميا
مااقدر امنع عنهم أي شي
هم بشر مثلنا
باندول
03-11-2013, 08:22 PM
زين شنو المشكله
أن شاء الله عندها استغرام وين المشكلة
يالطيف
انا طباخ عندي عنده لاب توب وشغال عليه يوميا
مااقدر امنع عنهم أي شي
هم بشر مثلنا
أي ويندوز مركب علية :secret:
Qtr37
03-11-2013, 08:27 PM
كل الخدامات الحين يستخدمون هالمواقع،، للاسف ما عندهم وعي ديني
يعني عادي نشوف خادمة ملتزمة بالصلاة والقرآن وننصدم ان عندها سلوكيات محرمة من خلال هالوسائل،،
اهم شي نوعيهم واهم شي ما يأذون أهل البيت وكل وحدة تحفظ جوالها اذا في صورها وتنتبه ان ما يصورونها
والالتزام باذكار الصباح والمساء
أي ويندوز مركب علية :secret:
والله ياخوك مادري عنه بس يمكن 8
:)
نيساني
03-11-2013, 08:37 PM
شالمشكله اللي عندي عندها فيس بوك وواتسب وتلفونين ورقمين واحد فودا والثاني اريدو
وماشاء الله عليها قمه في الاحترام والاخلاق وتؤدي شغلها على اكمل وجه
تحياتي لك:):)
مخطط قطري
03-11-2013, 08:38 PM
خدامه وعندها نت!! شي غريب يعني هي ليش جايه او شنو الهدف من خدمتها تحط لك الباسورد مثلا ولا تنزل مواضيع بدالك ?
الواجب على كل واحد يحصل مثل هالتصرفات يكون حازم ماتدري بكره تصورك وتنزلك في الانستغرام وتكتب تحت تعليقات وقحه او سخيفه
Right
03-11-2013, 08:40 PM
يا زين المشعاب على علباها وهي غافله :anger1:
تأملات
03-11-2013, 08:53 PM
الخدم بشر له الحق في التسلية والراحة عن تجربة شخصية عامل كل إنسان اضطرته ظرفه يشتغل عندك بإنسانية صدقوني بيخلص لك
اولا: أحب اشكر الجميع على الدخول والمشاركة.
تانيا: انا قلت وأكرر ما عندي مشكلة مع مواقع التواصل الاجتماعي بكل أنواعها، لكن المشكلة في الاستخدام.
ثالثا: ما حد ضد الحرية الشخصية وحقوق العمال، لكن الكذب وقلة الأدب مش حرية...
وانا اكتب هذا البوست هي قاعدة في غرفتها عالفيسبوك، هي حرة بس تروح على بلادها وتمارس هالحرية هناك .
هي ما تعرف انني اعرف وتذكرة سفرها خلاص انحجزت، ،،،،،، قبل ساعات من موعد سفرها حاخبرها ، وأعطيها كامل مستحقاتها، المهم تفتيش دقيق حتى أتأكد انها ما أخذت شي من أغراضنا او صورنا.
من اول يوم عاملناها بما يرضي الله ، لكن انا ما ارضى تكون في بيتي واحدة على هالشاكلة... واعتقد هذا من حقي
اولا: أحب اشكر الجميع على الدخول والمشاركة.
تانيا: انا قلت وأكرر ما عندي مشكلة مع مواقع التواصل الاجتماعي بكل أنواعها، لكن المشكلة في الاستخدام.
ثالثا: ما حد ضد الحرية الشخصية وحقوق العمال، لكن الكذب وقلة الأدب مش حرية...
وانا اكتب هذا البوست هي قاعدة في غرفتها عالفيسبوك، هي حرة بس تروح على بلادها وتمارس هالحرية هناك .
هي ما تعرف انني اعرف وتذكرة سفرها خلاص انحجزت، ،،،،،، قبل ساعات من موعد سفرها حاخبرها ، وأعطيها كامل مستحقاتها، المهم تفتيش دقيق حتى أتأكد انها ما أخذت شي من أغراضنا او صورنا.
من اول يوم عاملناها بما يرضي الله ، لكن انا ما ارضى تكون في بيتي واحدة على هالشاكلة... واعتقد هذا من حقي
نعم معاج حق ، حريتها تمارسها في بلادها ، دامها رضت بهالشرط من البداية معناها راعية البيت مالها ذنب ، انا ارفض هالحرية ، تكلم اهلها كثر ماتبي محد يمنعها لكن مواقع تواصل ليش عسى ماشر ،
نعم معاج حق ، حريتها تمارسها في بلادها ، دامها رضت بهالشرط من البداية معناها راعية البيت مالها ذنب ، انا ارفض هالحرية ، تكلم اهلها كثر ماتبي محد يمنعها لكن مواقع تواصل ليش عسى ماشر ،
صح لسانك :victory:
بس نسيت أخبركم أني عرفت ان خدامتي متفقة مع كفيل ثاني في قطر اول ما يخلص عقدها.....
كان الغرض من الموضوع هو التنبيه والاستنارة بآراء كم
شكرًا للجميع :)
بوحارب
03-11-2013, 10:14 PM
وش بتسوين فيها الحين
تسفير ولا سحب التلفون؟
رهج السنابك
03-11-2013, 10:17 PM
خلاص خليها تروح لكفيل ثاني احسن بدال ماتخسرين بتسفيرها دام ماسوت شي كبير لا سحر ولا فاحشه
وش بتسوين فيها الحين
تسفير ولا سحب التلفون؟
تسفييييير ::yes::yes::yes::
خلاص خليها تروح لكفيل ثاني احسن بدال ماتخسرين بتسفيرها دام ماسوت شي كبير لا سحر ولا فاحشه
أصلا عقدها باقيله شهرين ، وهي شغلها مش واو ، ودائما عندها مشاكل صحية في الفم ......ما انصح فيها :no2::no2:
بوحارب
03-11-2013, 10:31 PM
تسفييييير ::yes::yes::yes::
الله يعوضج بوحده احسن منها
اولا انا اشتغل في احدى المراكز الامنيه ودليتها الطريق الصحيح
ثانيا انت لا تقراء بس العنوان تقولك انها عندها رقم ثاني وتعرف واحد..
انا كشخص كيف اممن عيالي عند وحده ما تخاف الله ولها لعلاقه مع احد
صدقت والله :thumbup:
ودي امنعها تدخل قطر مرة ثانية بس أخاف من الحرام .... حسابها عند ربها
الله يعوضج بوحده احسن منها
مشكووووور
ونعم بالله
وليف الشوق
03-11-2013, 10:36 PM
انا قريت الموضوع اكثر من مرة لكن مافهمت شي ابد وحاولت افهم حيثيات الموضوع او وش المقصود منه او وش المطلوب مننا بالضبط وهل هي نصيحه او ملاحظه او اقتراح ؟
يااااااااااااااااااااااختي لاتجننيني بهالموضوع وش الفايده منه من الاساس ؟ خدامتي وفيس بوك وتويتر ومادري وشو بعد !!! طيب قوووووووووووووولي وش المطلوب مننا
الزعفراني
03-11-2013, 10:40 PM
الحل عقب ما تسفرينها ، تقدمين استقالتج ونفس المهام اللي كانت تسويها انتي تقومين بها :)
انا قريت الموضوع اكثر من مرة لكن مافهمت شي ابد وحاولت افهم حيثيات الموضوع او وش المقصود منه او وش المطلوب مننا بالضبط وهل هي نصيحه او ملاحظه او اقتراح ؟
يااااااااااااااااااااااختي لاتجننيني بهالموضوع وش الفايده منه من الاساس ؟ خدامتي وفيس بوك وتويتر ومادري وشو بعد !!! طيب قوووووووووووووولي وش المطلوب مننا
ما في اي شي مطلوب .... مجرد فضفضة .... ما اعتقد اي حد يكتب في المنتدى بيكون طالب شي ......وإذا الموضوع أزعجك تجاهله
شـــوق
03-11-2013, 10:43 PM
اغلب الخادمات بدون اخلاق وقله قليله جدا ويجوز نادره اللي عندهم اخلاق ..
خل تحط صورها بالفيس بوك في الطقاق المهم انها ماتحط صور البيت واهل البيت ..
بتتعبين كثر ماتسفرين وتجيبين ويطلعون نفس السالفه
اغلب الخادمات بدون اخلاق وقله قليله جدا ويجوز نادره اللي عندهم اخلاق ..
خل تحط صورها بالفيس بوك في الطقاق المهم انها ماتحط صور البيت واهل البيت ..
بتتعبين كثر ماتسفرين وتجيبين ويطلعون نفس السالفه
100% موافقة على كلامك، لكن هي أصلا عقدها بعد شهرين ليخلص، الفكرة أني انا حددت موعد سفرها أبكر حتى اضمن عامل المفاجأة وما تلحق تتمادى وتسوي شي يؤذينا
الله المستعان
القحطاني505
03-11-2013, 10:52 PM
قاعد اقرا اضحك وبس هههههههههههه
ما باقي الا نحطهم في قروب العائلة
قاعد اقرا اضحك وبس هههههههههههه
ما باقي الا نحطهم في قروب العائلة
حقوق الانسان :d
بو علاوي
03-11-2013, 11:01 PM
بعض الاخوان يدافعون عن حق الخدامة في الترفيه عن نفسها والتسلية وحق الاتصال و و و . وهذا الحق محد ينكره ... لكن انه يتحول لإزعاج لأهل البيت هذا غلط .. ولازم الخدامة تعرف حدودها ..
شرايكم ان اغلب الخدامات بعد مايطلعون أهل البيت لشغلهم يقلبن البيت استوديو ،،، وتقوم تتفنن الخدامة بالصور وهي كاشخة بملابس راعية البيت .... وماخفي اعظم
شـــوق
03-11-2013, 11:34 PM
بعض الاخوان يدافعون عن حق الخدامة في الترفيه عن نفسها والتسلية وحق الاتصال و و و . وهذا الحق محد ينكره ... لكن انه يتحول لإزعاج لأهل البيت هذا غلط .. ولازم الخدامة تعرف حدودها ..
شرايكم ان اغلب الخدامات بعد مايطلعون أهل البيت لشغلهم يقلبن البيت استوديو ،،، وتقوم تتفنن الخدامة بالصور وهي كاشخة بملابس راعية البيت .... وماخفي اعظم
صحيح كم وحده اعرفها تمت تصيح لما شافت خدامتها متصوره بفساتينها وعارضه نفسها بالفيس بوك..
المفروض البيت الخادمه ماتقعد فيه اذا اهل البيت بالدوام .. تتقلفع وتقعد في المطبخ او بالملحق:secret:
jassim_007
03-11-2013, 11:49 PM
تلفون ، انترنت و فيس بوك و جميع وسائل التواصل حق و يجب ان يتمتع به كل * البشر*
الا لو انتو لحين تعتبرون الخدم عبيد لكم !
فله هاي لانها خدامه خلاص تاكل تبن و تشتغل 20 ساعه و ال4 ساعات الباقيه نوم!!
خافو ربكم فيها ، كانت مسلمه او غير مسلمه .. ماضن ترضون تعيشون بهل القوانين و القيود!! انتو في دواماتكم الي ماتكمل 8 ساعات ماتقارقون هل الاجهزه " بي بي و غيره"
و في المطاعم " ماينزل اللقمه" قبل ماتنزلون عشرين صورة للوجبه في الانستغرام :)
و الي خايفه الخدامه تصور في لبسها و تنزله ، ترا الحل سهل ... شغلي ايدج يالسلحفاه و نظفي غرفتج ع الاقل بروحج ! و اذا مب موجوده في البيت قفلي باب الغرفه .. اما متكله على كل صغيره و كبيره عليها بعد لازم تتحملين العواقب.
القبطان سلفر
03-11-2013, 11:54 PM
تلفون ، انترنت و فيس بوك و جميع وسائل التواصل حق و يجب ان يتمتع به كل * البشر*
الا لو انتو لحين تعتبرون الخدم عبيد لكم !
فله هاي لانها خدامه خلاص تاكل تبن و تشتغل 20 ساعه و ال4 ساعات الباقيه نوم!!
خافو ربكم فيها ، كانت مسلمه او غير مسلمه .. ماضن ترضون تعيشون بهل القوانين و القيود!! انتو في دواماتكم الي ماتكمل 8 ساعات ماتقارقون هل الاجهزه " بي بي و غيره"
و في المطاعم " ماينزل اللقمه" قبل ماتنزلون عشرين صورة للوجبه في الانستغرام :)
و الي خايفه الخدامه تصور في لبسها و تنزله ، ترا الحل سهل ... شغلي ايدج يالسلحفاه و نظفي غرفتج ع الاقل بروحج ! و اذا مب موجوده في البيت قفلي باب الغرفه .. اما متكله على كل صغيره و كبيره عليها بعد لازم تتحملين العواقب.
جزاك الله خير . كلام من ذهب :)
تأملات
03-11-2013, 11:57 PM
سفرها مب حل شنو يضمنج ان الخدامه اللي بتكون بدالها ما تسوي نفس الشي
الحل أختي في وضع ضوابط. للخدم ونصيحة لا تقطعي رزقها.
ترى ( قطع الأعناق ولا قطع الأرزاق)
تقبلي مني النصيحة
القبطان سلفر
03-11-2013, 11:58 PM
اتوقع تقصد اجازة الخدم الاسبوعيه او ذهابها الى الكنيسه يوم الاحد وغيرة
والمبيت خارج منزل المخدوم
او تحديد ساعات معينه من العمل
يا ليت توضح انا سمعت انه في قوانين
بس ما اتوقع اتطبق في قطر
بصراحة ما عندي علم اكيد بالقوانين الجديده . ولكن اعتقد الاجازه الاسبوعية وتحديد ساعات العمل وبعض التفاصيل الاخرى شئ اساسي وسيطبق غصب مش باختيارنا لانه بيكون قانون ملزم تتشارك في التصديق عدة جهات رسمية .
الصغيره
04-11-2013, 12:48 AM
ياحلاووووه
المشكله بتسكرين على خداماتك لا بد وتجي خدامة الجيران ولابد خدامات الزوار والا دهى والامر المضيافات اللي بالعزايم والاعراس ويتبادلن التلفونات وهات من ذا ومن ذا
المهم جيراني ثلاث بيوت خوان سفروا ست خدامات فلبينيات لقوهم على الفيس بوك ياااااناس الفيس بوك والتويتر بلاوي وقنابل موقوته خطرها مش على الخدم الا على العيال والبنات الكيك والفيس بوك والتويتر افلام وصور اباحيه وللاسف الاطفال بدوا بلا حسيب ولا رقيب
اللي قاهرني اخ متدين مطوع ثوبه لين نص ساقه فاتح بمجلسه النت والخدم شابكين والعيال شابكين واهل البيت شابكين وهو شابك لدرجه ان الدريول مسوي تاجير دخول النت لدريوليه وطباخين الفريق
مصيبه وبالبيت لحول ولا قوه الا بالله
تلفون ، انترنت و فيس بوك و جميع وسائل التواصل حق و يجب ان يتمتع به كل * البشر*
الا لو انتو لحين تعتبرون الخدم عبيد لكم !
فله هاي لانها خدامه خلاص تاكل تبن و تشتغل 20 ساعه و ال4 ساعات الباقيه نوم!!
خافو ربكم فيها ، كانت مسلمه او غير مسلمه .. ماضن ترضون تعيشون بهل القوانين و القيود!! انتو في دواماتكم الي ماتكمل 8 ساعات ماتقارقون هل الاجهزه " بي بي و غيره"
و في المطاعم " ماينزل اللقمه" قبل ماتنزلون عشرين صورة للوجبه في الانستغرام :)
و الي خايفه الخدامه تصور في لبسها و تنزله ، ترا الحل سهل ... شغلي ايدج يالسلحفاه و نظفي غرفتج ع الاقل بروحج ! و اذا مب موجوده في البيت قفلي باب الغرفه .. اما متكله على كل صغيره و كبيره عليها بعد لازم تتحملين العواقب.
كلام عام جدا ....مين قال ممنوع يدخلوا على مواقع التواصل......بس كلكم راع ومسئول عن رعيته .... اولادنا بنراقبهم و نحط لهم ضوابط ،،،، مش معناه عبودية...... بعض اماكن العمل لحد وقت قريب كانت تعمل بلوك على مواقع التواصل .....
ومين قال معتمدين عليهم في كل شي..... مش المشكلة انها تلبس من اغراضنا .....المشكلة في هاي الحالة انها مش أمينة ولا يمكن الوثوق بها.
هي في الآخر موظفة تم استقدامها بناء على عقد ومفروض انها تتحاسب بشكل او بآخر
سفرها مب حل شنو يضمنج ان الخدامه اللي بتكون بدالها ما تسوي نفس الشي
الحل أختي في وضع ضوابط. للخدم ونصيحة لا تقطعي رزقها.
ترى ( قطع الأعناق ولا قطع الأرزاق)
تقبلي مني النصيحة
ترى هي مخلص عقدها بعد حوالي شهر ونص، وهي طالبة انها تسافر،،،، الموضوع ما في ابدا قطع آرزاق...على العكس ،، انا عرفت من خدامة صديقتي انها مظبطة امورها مع كفيل ثاني في قطر ( هذا من وراي طبعا)
بالمناسبة هذا المثل غير صحيح او على الآحرى حرام ...لآن الآرزاق بيد الله تعالى ....وليس بيد البشر ان يقطعوا الآرزاق
Aaziz
04-11-2013, 02:46 AM
السلام عليكم
ماعندي شي مميز اقدمه في الموضوع. قريت بدايه الردود فعلا الناس تغيرت. كيف الخدامه او الدريول عنده تلفون + انتر نت + مثلا صاحبه الموضوع وهي مجرد مثال ولها ظروفها ذكرت اعتقد انها ماطلعت من البيت ؟
الخدامه جزء من اهل البيت صحيح مش من دمي و لحمي ولكنها جزء من هذه الاسره كون اهل البيت يحتكون معاها ، يأثرون فيها و تتاثر فيهم.
طبيعي جدا نسمع بلاوي يسوونها الخدم دام هذا مستوى الرقابه و الاهتمام بالخدم ، لدرجه ان البعض اقنع نفسه بان مثل هذه الامور من حق و حريه الخدم، خلاصه الكلام القصور فينا و منا احنا لحد يجي بكره يتشكى من خدامه او دريول فعل و سوى
السلام عليكم
ماعندي شي مميز اقدمه في الموضوع. قريت بدايه الردود فعلا الناس تغيرت. كيف الخدامه او الدريول عنده تلفون + انتر نت + مثلا صاحبه الموضوع وهي مجرد مثال ولها ظروفها ذكرت اعتقد انها ماطلعت من البيت ؟
الخدامه جزء من اهل البيت صحيح مش من دمي و لحمي ولكنها جزء من هذه الاسره كون اهل البيت يحتكون معاها ، يأثرون فيها و تتاثر فيهم.
طبيعي جدا نسمع بلاوي يسوونها الخدم دام هذا مستوى الرقابه و الاهتمام بالخدم ، لدرجه ان البعض اقنع نفسه بان مثل هذه الامور من حق و حريه الخدم، خلاصه الكلام القصور فينا و منا احنا لحد يجي بكره يتشكى من خدامه او دريول فعل و سوى
كلام منطقي وموزون
حبر وقرطاس
04-11-2013, 03:24 AM
بتييبين وحدة ثانية بيكون عندها فيس بوك وتويتر وانستقرام وسكايب
و برنامج ثاني يديد للحين ما عرفتيه وهي تعرفه وتستخدم النسخة التجريبية ،،
اليوم عندي كل هالبلاوي الخدم ،، ومن حقهم يستخدمون النت ،،
لكن اشلون ممكن الواحد يتحكم فيهم ؟
هذا هو السؤال المهم ،،
وليش اساسا النت يوصل لها ؟؟؟ ههههه انا مستغرب
انا عندي خدامه مسلمه وقبلها ثلاث مسيحيات وكل وحدها معاها كتابها الانجيل يسمونه البايبل
لكن تمش بوزها من شي اسمه نت وجوال
ما طلعت لها جوال نهائي ولا بطلع
وفهمتها من البدايه جوال مافي واذا تبي تتطمن على اهلها تجيب ارقامهم وكل جمعه اتصل لها من جوالي تكلمهم وتسولف معاهم ربع ساعه ويرتاح قلبها وتوعدهم باتصال الجمعه الجايه غي هالشي جدولها :
القومه الصبح خمس ونص
تنظيف من كنس ومسح وغسيل لحد الساعه عشر الصبح وبعدين راحه لين وقت العصر
توتخليص ماتبقى من شغل ومسؤوليات منزليه وتتعشا وتنام بكيرررر عشر بالكثير
وملتزمه باليونيفورم ومستته ومرتاحه ولا قاصرها شي وطلعات وجيات مع الاهل
والمعامله الحسنه وكان الله غفور رحيم
حبر وقرطاس
04-11-2013, 03:37 AM
ايش ماكانت جنسيه الخادمه
ومهما كانت بدائيه او متمدنه
من اجل استباب الامن في البيت والحفاظ على سلامه الجميع
الخدامه لازم تعرف انها جايه للخدمه والانضباط مطلوب ولازم تعرف ان البلد فيه قوانين صارمه
وراح تعطى جميع حقوقها من اكل وملبس ومشرب وراحه وتواصل مع اهلها
لكن ما اترك لها لاب توب ولا جوال في ايدها وافتح معاها خط حوار وافهمها متى ما احتاجت تكلم اهلها تجي تقول وبضرب لها الرقم لا وعشان التحكير ومنع التلاعب اخزن ارقام اهلها في جوالي
مافي امل تفكر تكلم رقم داخل الدوحه وحتى تلفون البيت مافيه صفر دولي ملغي من اوريدو بطلب مني
والانترنت لاستخدام افراد الاسره وعاده الاب توب فالمجلس متاح ومافي لاب توب ينحط بغرفه نوم نهائي
والله وتلقاها مرتاحه وعلى سنجه عشره
والحمدلله بيتي مافيه كرف ولكن شغل مستمر بشكل يومي
وانا لي نظره فالخامات جربت المسيحيات الكينيات غسلت ايدي منهم كل وحده اخس من الثانيه
الاولى مصيبتها ماتعرف انها خدامه جايه مودرن وطموحها تتزوج قطري هههههه لا مسح ولا كنس ولا حتى مهتمه تعرف عادات وتقاليد ومحظورات هالمجتمع وطيرناها
الثانيه كينيه فلاحه مسيحيه دفشه بشكل وماعندها برستيج وتاكل وايد سببت لنا مجاعه هههههه وبدائيه جدا في التعامل مع المنظفات والاجهزه الكهربائيه والفرن وعلمناها لمده شهر وكنك يابو زيد ما غزيت
الثالثه اثيوبيه مسيحيه حركه ونشيطه بس مريضه التهاب فالمعده وطاحت علينا و خسنا فالطوارئ لين قررت هل تسافر
الرابعه وهي الي استقرينا عليها بعد تفادي تكرار العيوب
جبناها مسلمه وصغيره سن وتتكلم عربي وخبره سنتين ومحترمه ومتعلمه الشغل والحمدلله
Aaziz
04-11-2013, 03:42 AM
وليش اساسا النت يوصل لها ؟؟؟ ههههه انا مستغرب
انا عندي خدامه مسلمه وقبلها ثلاث مسيحيات وكل وحدها معاها كتابها الانجيل يسمونه البايبل
لكن تمش بوزها من شي اسمه نت وجوال
ما طلعت لها جوال نهائي ولا بطلع
وفهمتها من البدايه جوال مافي واذا تبي تتطمن على اهلها تجيب ارقامهم وكل جمعه اتصل لها من جوالي تكلمهم وتسولف معاهم ربع ساعه ويرتاح قلبها وتوعدهم باتصال الجمعه الجايه غي هالشي جدولها :
القومه الصبح خمس ونص
تنظيف من كنس ومسح وغسيل لحد الساعه عشر الصبح وبعدين راحه لين وقت العصر
توتخليص ماتبقى من شغل ومسؤوليات منزليه وتتعشا وتنام بكيرررر عشر بالكثير
وملتزمه باليونيفورم ومستته ومرتاحه ولا قاصرها شي وطلعات وجيات مع الاهل
والمعامله الحسنه وكان الله غفور رحيم
انت في هذا المنتدى يراك البعض تدعي المثالية. بمعنى اخر (حيشاك كذاب)
مع العلم انك تعامل بالطريقه العاديه و المفترضة كرب اسرة
deema117
04-11-2013, 05:07 AM
تخيلوا الخدامة تسرق ملابسي وتلبسها وتصور فيها بعد وتحط الصورة على الواتس اب
مع أني أقفل القسم الخاص فيني كامل وما أخليها تدخل تنظف إلا بوجودي مع ذلك بعد
تسرق لدرجة أني بديت أشك بأن عندها سبير لمفتاح الباب ممكن تدخل من وراي
هي خدامة الوالدة لو خدامتي وتسوي جذي جان ما خليتها ..
والمشكلة أخاف أتكلم توهقنا وتسافر مع عدم وجود البديل :( أو تحتر علي وتضرني
أحياناً التجاهل عن بعض الأمور أفضل
رجل مثالي
04-11-2013, 06:22 AM
بتييبين وحدة ثانية بيكون عندها فيس بوك وتويتر وانستقرام وسكايب
و برنامج ثاني يديد للحين ما عرفتيه وهي تعرفه وتستخدم النسخة التجريبية ،،
اليوم عندي كل هالبلاوي الخدم ،، ومن حقهم يستخدمون النت ،،
لكن اشلون ممكن الواحد يتحكم فيهم ؟
هذا هو السؤال المهم ،،
بس المفروض ممنوع الجوال عند الخدم في المنزل لان يشكل خطورة
على اهل البيت ولكن عند الظرورة تتصل الخادمه بأهلها من جوال
صاحبة البيت يكون افضل والعلم عند الله
سهم طايش
04-11-2013, 06:31 AM
حرية شخصية كل انسان حر في تصرفاته انا ككفيل اهم شي عندي انها قايمة بشغل البيت بدون تقصير
صدقوني في المستقبل الخدامة ما راح تقيم معاكم في البيت بتشتغل لين الساعه 6 و بتقول انتهى دوامي
ريتويت
04-11-2013, 06:44 AM
مافيها شي احنا الفلبنيه الي عندنا عندها فيس بوك
رجل مثالي
04-11-2013, 06:54 AM
مافيها شي احنا الفلبنيه الي عندنا عندها فيس بوك
بعضهم يقولون أنهم يقيمون علاقات بهذه الهواتف ويدخلون بلاوي
الى البيوت والعياذ بالله والعلم عند الله
chillis
04-11-2013, 07:01 AM
حريه شخصيه ما نقدر نستعبد الناس دام احنا عندنا وعيالنا عندهم ما نقدر نمنعها وبعدين هذي قديمه مال اول فيس بوك
OM_OMAR_QATAR
04-11-2013, 07:05 AM
الاتصالات .. من تلفون لنت لفيس بوك وتس اب ومن لف لفهم
خطر على كل افراد العائلة .. فمثل ما في خدامات ينخاف يخلون صور اهل البيت او خصوصيات البيت
فالاولاد او من يزورهم ايضا على نفس المنوال .. بل حتى الام والاب
العبرة مو بالنهي التام عنها لانها من دواعي العصر الحديث
لكن بوضع ضوابط .. او تحديد .. والمراقبة عن كثب ..
واسلوب العقاب والثواب وارد
الخدامة بالقانون القطري يحق لها يوم اجازة ..
وهذه النقطة يذكروها لنا لما ناخذ اي خدامة ..
ويتبعوها ( لكن عادي هي تقبل انها ماتاخذ )
يعني موجود ولا يُطبّق
اؤيد وجوده .. بس طبعا مو مبيت برة البيت شدعوة
رجل مثالي
04-11-2013, 07:07 AM
حريه شخصيه ما نقدر نستعبد الناس دام احنا عندنا وعيالنا عندهم ما نقدر نمنعها وبعدين هذي قديمه مال اول فيس بوك
لازم نراقب عيالنا من هذه مثل الانترنت والفيس وغيره
اما الخدم ممكن يتصلون تحت رقابتنا عند الضرورة
افضل وذلك لمصلحة الحفاظ على عدم عمل اي خطأ من الخدم
للعائلة في حالة عدم وجود أحد في البيت
وممكن وضع كاميرات رقابة في الاماكن المهمه في البيت
مافيها شي احنا الفلبنيه الي عندنا عندها فيس بوك
ما فيها شي وعادي اذا كان بعلمك، اما ان كان من خلف الظهر وبطريقة مريبة فاعتقد مش ممكن يكون عادي ........
لازم نراقب عيالنا من هذه مثل الانترنت والفيس وغيره
اما الخدم ممكن يتصلون تحت رقابتنا عند الضرورة
افضل وذلك لمصلحة الحفاظ على عدم عمل اي خطأ من الخدم
للعائلة في حالة عدم وجود أحد في البيت
وممكن وضع كاميرات رقابة في الاماكن المهمه في البيت كفيت ووفيت
missperfect
04-11-2013, 07:10 AM
قريت مره علي باب مكتب الخدم
الخدم شرٌّ لا بد منه
OM_OMAR_QATAR
04-11-2013, 07:17 AM
مافيها شي احنا الفلبنيه الي عندنا عندها فيس بوك وتلعب لعبه المزرعه لا واشغلها بعد في مزرعتي تسقي لي الزرع واطرش لي خشب:shy:
عاد تعطيها مزرعة الاونس هههههههههه
shadad
04-11-2013, 07:19 AM
المشكلة مش في الحساب على الفيسبوك اغلبنا عنده حساب : المشكلة في استخدام الفيسبوك بشكل خاطئ.
يعني هي لو جتني وطلبت مني أنا مش حامنعها طالما انها لا تتجاوز حدود الأخلاق.
المشكلة انها مسلمة وتلبس حجاب وتصلي، وتدعي البراءة امامنا، يعني تستغفلنا, وتعتقد انها ممكن تعمل أي شي من ورانا.
طالما ما في عقيدة صحيحة ولا أخلاق تمنعها فكل شئ وارد.
عزيري مع الاحترام الشديد لك في شي اسمه حرية شخصيه. مدام انها تصلي وتلبس حجاب ايش مشكلتك معاها ؟ وبعدين ايش هاي التناقض اخوي مرة تقول مسلمه وبعدين تقول ان عقيدتها فيها خلل ؟ والا دخلت لقلبها ؟
خل حسابها لها .تبي تعرف شنو تكتب وشنو ما تكتب بتسوي لك مشاكل انت مع زوجتك لو درت هاي الشي. ما تبيها يا خي روح مكتب الخدم وجيب وحده ثانيه انتهينا:nice: . والا جيبها وصارحها بالتالي : NO facebook بكل سهوله .لا تقعد تلعب معاها الصياد والحرامي.
دوبي الفريج مالنا يصلي ويصوم بس انا حاس ان عقيدته منحرفه . نفتح موضوع جديد..:tease:
شيخ الديرة
04-11-2013, 07:26 AM
الخدم لا يفهمون أبعاد مساحة الحرية, وغالبا ما يسيؤون التصرف , بسبب ضحالة مستواهم الفكري, وكذلك تأثيرات أصحاب السوء.
لما دخلت على فيسبوك خدامتنا, بدت رسائل الدردشة من كل صوب وبلغات متعددة, وخاصة اللغة العربية من رجال مقيمين في الدوحة.
كل من يفتخر أنه يوفر النت لخدامته, لا شك أنه في سبات عميق.
عزيري مع الاحترام الشديد لك في شي اسمه حرية شخصيه. مدام انها تصلي وتلبس حجاب ايش مشكلتك معاها ؟ وبعدين ايش هاي التناقض اخوي مرة تقول مسلمه وبعدين تقول ان عقيدتها فيها خلل ؟ والا دخلت لقلبها ؟
خل حسابها لها .تبي تعرف شنو تكتب وشنو ما تكتب بتسوي لك مشاكل انت مع زوجتك لو درت هاي الشي. ما تبيها يا خي روح مكتب الخدم وجيب وحده ثانيه انتهينا:nice: . والا جيبها وصارحها بالتالي : NO facebook بكل سهوله .لا تقعد تلعب معاها الصياد والحرامي.
دوبي الفريج مالنا يصلي ويصوم بس انا حاس ان عقيدته منحرفه . نفتح موضوع جديد..:tease:
اخوي احترم رأيك بس انت شكلك ما قريت الموضوع..... انا الزوجة...:shy: وبعدين وين الحرية الشخصية في الموضوع وليش قدامنا لابسة الحجاب وعالحساب صورها ( استغفر الله) احنا ما جبرناها تتحجب، هذا اسمه خداع......
على العموم ما في لعبة .... هي حرة وانا كمان حرة انني أسفرها .... ليش م خبرتها ؟! خاييفين تسوي شي وتؤذينا قبل ما تسافر
وبعدين اسمحلي ؛ الدوبي اللي في فريجكم مش مثل الخادمة في بيتي .... هذا مسلسل مختلف :tease:
moonبنتnight
04-11-2013, 07:41 AM
جيل ميري راح 00 خدامات هل وقت كل شي يعرفونه 00 وهم جاين من بلادهم عندهم تلفون وخط وبرامج 00
بو خليفه 123
04-11-2013, 08:12 AM
خدامتي عندها فيس بوك
وشلون اكتشفت ؟
جاتني اضافه منها هههههههههههه
ارسلت نسخه من الاضافه لزوجتي و خليتها تتفاهم معها .. أنا اقترحت عليها مانمنعها و لكن نراقب تصرفاتها .. و مرتاح الحمدالله لا هواش ولا عوار راس
R 7 A L
04-11-2013, 08:17 AM
حرية شخصية اهم شي ماتصور شي في البيت
شبح الصمت
04-11-2013, 08:20 AM
تدخل بيتي تحترم نفسها
حرية شخصية يوم تكون في محيط يناسبها
لكنها تجي في محيطي وبين آهلي وعائلتي ليش اخليها تسبب لي مشاكل وتدخل هالمواقع وتحط صورها وقدامي انها الانسانه البريئة الانسانه الي تخاف ومن وراي تلعب لعبتها ..
مثل هالاشكال اانا اشلون امن امي وزوجتي وخواتي عليها مثل هالاشكال عادي تروح تتكلم عند الي تعرفهم وعادي تسوي اشياء انتم ما تفكرون فيها ..
امس جاء اتصال حق رفيجي فلبينية يقولها من معطك رقمي تقوله انت متصل يقولها انتي متصله وشكلها رااايحه في خرايط امها قال لها ان شفت رقمج مره ثانية وديتج البوليس اهنيه تخصبقت !!!
وسالها قال لها انتي خدامه قالت اي انا خدامة يـلا لو رفيجي انسان ما يخاف الله كان مشى معاه وفي مواضيع انطرحت من قبل عن الخدمات الي يتكلمون عن معزباتهم وعن رجاجيلهم !!
دخلت بيتي لها حرية محدودة واحترام لكنها تجيب لي الكلام والمشاكل والآثم ويجني شخص من بعيد حريتها يا حبيبي طير انزين قالي حرية تعرف على كمن واحد وادخله البيت آخر الليل والا تطلع معاه يوم نرقد والا تقعد تسولف معاه ..
ترى عجبها عجبها ما عجبها ترد ابلادها مب انا الي ميت عليها ..
بس تدرون شنهي مشكلتكم صرتم انتم انتم الي خليتوهم يحسسوون انه لهم قيمة لهم قيمة صح ومليون صح ولهم احترام لكن ما نعطيهم حجم اكبر من حجمهم
احترام لهم الاحترام
راتب نعطيهم كل شهر
نعطيها ولا نبخل عليها
طلعات نطلعها ونخليها تستانس معانا .
اول امس شفت موقف صج عجبني 3 حريم كبار ربي يحفظهم مب كبار اكبار جايين مع خدامتهم في كوفي ومجلسينها معاهم ويضحكون وتلمها .. ( هذه لو تقول لها المعزبه سوي الي تبيه بتسويه على المعاملة ) وكلهم يضحكون معاها ويسولفون ..
sweet qatar
04-11-2013, 08:50 AM
مثل ما قال أخوي شبح
تبي تشتغل تحترم البيت الي هي فيه
كنسليها وافتكي من شرها ..
ماتدرين اي مصيبة بتجيبها لج دام انها تعرف واحد هني وتتواصل معاه
الله يعوضج خير
مثل ما قال أخوي شبح
تبي تشتغل تحترم البيت الي هي فيه
كنسليها وافتكي من شرها ..
ماتدرين اي مصيبة بتجيبها لج دام انها تعرف واحد هني وتتواصل معاه
الله يعوضج خير
:thumbup:
تدخل بيتي تحترم نفسها
حرية شخصية يوم تكون في محيط يناسبها
لكنها تجي في محيطي وبين آهلي وعائلتي ليش اخليها تسبب لي مشاكل وتدخل هالمواقع وتحط صورها وقدامي انها الانسانه البريئة الانسانه الي تخاف ومن وراي تلعب لعبتها ..
مثل هالاشكال اانا اشلون امن امي وزوجتي وخواتي عليها مثل هالاشكال عادي تروح تتكلم عند الي تعرفهم وعادي تسوي اشياء انتم ما تفكرون فيها ..
امس جاء اتصال حق رفيجي فلبينية يقولها من معطك رقمي تقوله انت متصل يقولها انتي متصله وشكلها رااايحه في خرايط امها قال لها ان شفت رقمج مره ثانية وديتج البوليس اهنيه تخصبقت !!!
وسالها قال لها انتي خدامه قالت اي انا خدامة يـلا لو رفيجي انسان ما يخاف الله كان مشى معاه وفي مواضيع انطرحت من قبل عن الخدمات الي يتكلمون عن معزباتهم وعن رجاجيلهم !!
دخلت بيتي لها حرية محدودة واحترام لكنها تجيب لي الكلام والمشاكل والآثم ويجني شخص من بعيد حريتها يا حبيبي طير انزين قالي حرية تعرف على كمن واحد وادخله البيت آخر الليل والا تطلع معاه يوم نرقد والا تقعد تسولف معاه ..
ترى عجبها عجبها ما عجبها ترد ابلادها مب انا الي ميت عليها ..
بس تدرون شنهي مشكلتكم صرتم انتم انتم الي خليتوهم يحسسوون انه لهم قيمة لهم قيمة صح ومليون صح ولهم احترام لكن ما نعطيهم حجم اكبر من حجمهم
احترام لهم الاحترام
راتب نعطيهم كل شهر
نعطيها ولا نبخل عليها
طلعات نطلعها ونخليها تستانس معانا .
اول امس شفت موقف صج عجبني 3 حريم كبار ربي يحفظهم مب كبار اكبار جايين مع خدامتهم في كوفي ومجلسينها معاهم ويضحكون وتلمها .. ( هذه لو تقول لها المعزبه سوي الي تبيه بتسويه على المعاملة ) وكلهم يضحكون معاها ويسولفون ..
معاك حق أخوي :nice:
أهم شي:
احترام لهم الاحترام
راتب نعطيهم كل شهر
نعطيها ولا نبخل عليها
طلعات نطلعها ونخليها تستانس معانا .
لا ظالم ولامظلوم :)
بو خليفه 123
04-11-2013, 09:11 AM
أنا اقترح نسجلهم في المنتدى و نطلب من الاداره ينشئون لهم قسم خاص للخدم
منهم يكونون تحت انظارنا و منها حلينا مشكلتكم مع الفيس بوك
و شرط على كل عضو يسجل خدامته ولا يتم خصم 30 مشاركه منه و ينزلونه لعضو معصقل
shadad
04-11-2013, 09:32 AM
اخوي احترم رأيك بس انت شكلك ما قريت الموضوع..... انا الزوجة...:shy: وبعدين وين الحرية الشخصية في الموضوع وليش قدامنا لابسة الحجاب وعالحساب صورها ( استغفر الله) احنا ما جبرناها تتحجب، هذا اسمه خداع......
على العموم ما في لعبة .... هي حرة وانا كمان حرة انني أسفرها .... ليش م خبرتها ؟! خاييفين تسوي شي وتؤذينا قبل ما تسافر
وبعدين اسمحلي ؛ الدوبي اللي في فريجكم مش مثل الخادمة في بيتي .... هذا مسلسل مختلف :tease:
ِاختي الصراحه من اول. لو انتي عارفه ومتاكده انها مو مسلمه استغني عنها. مكتب الخدم هذول الملام في اول المقام لانهم جابوا وحده مسلمة وانت عارفه انها العكس. لا تخليها عندكم لو شاكه فيها بشي. ومثل ما قلت المواجهه افضل : امسكيها على صوب وقولي لها NO facebook مب صعبه. وما فيها خوف الا اذا الخدامه تلعب كارتيه او شي ثاني ههههه
على العموم اذا هي قدامكم مسويه كل شي تمام وما عليها قصور فتقدري تتساهلين معاها في موضوع الفيس بوك لو تريدي بشرط انك تستمري بالمراقبه وهاي حال جميع الاباء اتجاه الخدم سواءا بشك او بدونه .
الله يسهل امرك يا رب . كل الود والتقدير .
مخدها من ططبقة متوسطته .. خدها ريفية ما تعرف لا نت لا غيرة
الله يستر علينا وعليك
captin
04-11-2013, 10:25 AM
بكرة بتروح حقوق الإنسان تشتكي بتقول منعوني من
وسائل الاتصال المتاحة لكل إنسان
ya3coub
04-11-2013, 10:31 AM
وانا علبالي بس فبيتنا طلع الكل يشتكي من هالشي
أحنا علطول سفرناها
ابسط شي تقولها احنا بنسافر جهزي ثيابج و اغراضج يلا بتسافرين انتي بعد
و تكون المرة واقفه على راسها و على المطار علطول
و اذا ما رضت تركب الطيارة <<<< يحقلها علطول عالشرطة
um.7moody
04-11-2013, 10:43 AM
استغرب من بعض الردود الغير مؤيدة أن الشغالة أو السايق يستخدمون الانترنت وبرامج التواصل
ترى هم بشر حالهم حالنا مافي فرق بينا وبينهم والخدمة اللي يقومون فيها هاذي تعتبر وظيفة كأي وظيفة بالعالم
يكفي أنهم متغربين وبعاد عن أهلهم هالشي يخيهم قراب منهم وعلى تواصل دايم بهم بس بشرط أن هالشي يكون بعيد عن محيط البيت ولايشغلها عن وظيفتها
أحنا شغالاتنا عندهم فيس بوك وواتس أب وأجهزتهم بلاك بيري وعندهم أي باد وعادي الحمدالله مافيه أي مشاكل ولا يطلعون الأجهزة قدامنا في شي بغرفهم
كل واحد يحط نفسه مكانهم .. ارحموا من في الأرض يرحمكم من في السماء
chillis
04-11-2013, 10:45 AM
انا خدامتي عندها واتس اب وفيس بوك ويمكن غير تتواصل عن طريقه مع عيالها وزوجها ماشوف فيها شي مساكين متغربين عن اهلهم وعيالهم ما قدر امنعهم
الناايفه
04-11-2013, 10:50 AM
:secret:
جيل ميري راح 00 خدامات هل وقت كل شي يعرفونه 00 وهم جاين من بلادهم عندهم تلفون وخط وبرامج 00
Rider
04-11-2013, 11:05 AM
ماحد ضيع الخدم غير تصرفات بعض الناس الي يشتغلون عندهم هؤلاء الخادمات انا اقول يامعشر النساء كل وحده تشمر عن ساعد الجد وتشتغل في بيتها ابرك من التعدل وتزين والدواره في المجمعات وعرض الازياء في مقر الاعمال
ولد شرق
04-11-2013, 11:05 AM
خدامه اختي عندها فيسبوك وتنزل صورها عادي اشعلينا منها الفلبينيات كلهم يعرفون للنت وينزلون صور
خدامتنا معطينها لاب توب واكسيس كامل على النت رغم انها جاهله بس تعلمت لوحدها وعرفت تتصفح وتنزل برامج وكل شي بس مطوعه كله تقول لي علميني افتح القران شلون
ههههههه لا حلوه هاذي علميني افتح القرآن لا وامطوعه بعد
(معطينها لاب توب واكسيس كامل على النت رغم انها جاهله بس تعلمت لوحدها وعرفت تتصفح وتنزل برامج وكل شي) وماتعرف تفتح القرآن
اي عقول تخاطبون انتم... بسنا خرابيط...
حبيبتي انا مثلج تفاحات من الفيسبوك وصور الخدم ولا معارفهم من الفلبين والعرب وبعدين حبيبتي والله لو تمنعي عنها التلفون ولا النت لهم الف طريقه يتواصلون فيها عليج بشغلها وخلاص
ظل القمر
04-11-2013, 11:09 AM
والله الدمار من يدكم
خدامه عندها جوال اشوله !
حبيبتي انا مثلج تفاحات من الفيسبوك وصور الخدم ولا معارفهم من الفلبين والعرب وبعدين حبيبتي والله لو تمنعي عنها التلفون ولا النت لهم الف طريقه يتواصلون فيها عليج بشغلها وخلاص
اسمحي لي يامهرة وايد اختلف معاج بهالنقطة ، هذا بيتي يامهرة تعرفين شنهو يعني بيتي ؟؟
يعني اخليها تدخل النت وتسوي اللي تبيه بغرفتها ؟؟ تكلم اللي تبيه وتطرش صورها للي تبي وتدخل المواقع اللي تبيها ؟؟ انتوا مستوعبين الكلام هذا ؟؟ وين الراع والمسؤول عن رعيته ؟ ماتعتبر هذي من الرعية ؟؟ نعم لها حق مثلنا تاكل وتشرب وتلبس وتطلع وترتاح وتنام وكل شي وتكلم اهلها وتتطمن عليهم وتسال عليهم ، عيالنا اللي هم عيالنا مراقبة اشلون شغالة تسوي اللي تبيه دام شغلها زين ؟؟
بو خليفه 123
04-11-2013, 11:13 AM
ههههههه لا حلوه هاذي علميني افتح القرآن لا وامطوعه بعد
(معطينها لاب توب واكسيس كامل على النت رغم انها جاهله بس تعلمت لوحدها وعرفت تتصفح وتنزل برامج وكل شي) وماتعرف تفتح القرآن
اي عقول تخاطبون انتم... بسنا خرابيط...
ههههههههههههههه
اي والله بسنا خرابيط
اسمحي لي يامهرة وايد اختلف معاج بهالنقطة ، هذا بيتي يامهرة تعرفين شنهو يعني بيتي ؟؟
يعني اخليها تدخل النت وتسوي اللي تبيه بغرفتها ؟؟ تكلم اللي تبيه وتطرش صورها للي تبي وتدخل المواقع اللي تبيها ؟؟ انتوا مستوعبين الكلام هذا ؟؟ وين الراع والمسؤول عن رعيته ؟ ماتعتبر هذي من الرعية ؟؟ نعم لها حق مثلنا تاكل وتشرب وتلبس وتطلع وترتاح وتنام وكل شي وتكلم اهلها وتتطمن عليهم وتسال عليهم ، عيالنا اللي هم عيالنا مراقبة اشلون شغالة تسوي اللي تبيه دام شغلها زين ؟؟
صح لسانك أختي ضوى
شبح الصمت
04-11-2013, 11:18 AM
اسمحي لي يامهرة وايد اختلف معاج بهالنقطة ، هذا بيتي يامهرة تعرفين شنهو يعني بيتي ؟؟
يعني اخليها تدخل النت وتسوي اللي تبيه بغرفتها ؟؟ تكلم اللي تبيه وتطرش صورها للي تبي وتدخل المواقع اللي تبيها ؟؟ انتوا مستوعبين الكلام هذا ؟؟ وين الراع والمسؤول عن رعيته ؟ ماتعتبر هذي من الرعية ؟؟ نعم لها حق مثلنا تاكل وتشرب وتلبس وتطلع وترتاح وتنام وكل شي وتكلم اهلها وتتطمن عليهم وتسال عليهم ، عيالنا اللي هم عيالنا مراقبة اشلون شغالة تسوي اللي تبيه دام شغلها زين ؟؟
لا فض فوك
اختي ضوى ذكرتني بعض الردود في واحد كتب معانا فالمنتدى مره شاف فلبينيه او مدري شنو اصلها راده البيت وداشه بيت رفيجه يقول سالته من ذي قاله الخدامه قاله خدامة !!! :eek5:
قاله واحد منزلها قالي اي البوي فرند مالها انا اخليها يوم تطلع تروح تفره عن نفسها !!!
بوي فرند :eek5: امحق رجوله في ذمتي بعض الاشكال حرام كلمة رجال عليه
عادي تحط في الفيس بوك صورها بملابسها الداخلية
عادي تحط صورها واهي في غرفة المدام
عادي تصور وهي استغفر الله العظيم
عادي يردون عليها بكلام وصخ وترد عليهم نفس الرد . !!!
امحق تفكير عند البعض قالي حرية
استغفر الله العظيم
الله لا تبلينا ..
آه قلبتي علي المواجع
<<< توها مسفرة خدامتها عن طريق الإبعاد
غلطتي ان خدامتي تقريباً بعمري
لبست حطت عينها علي
شريت ششي عينها علي
كليت شي عينها علي
حتى لو مش جدامها بنومها تنبش ( الزبايل ) الله يعزكم وعينها علي
رحت مطعم تآخذ المينيو وتتطلب مقبلات طبق رئيسي عصير طازج وتحلي ( لو أنها كفو بقول أوكي )
رحت محل لقطت لها كمن شغله وعند الحساب حطتهم مع ثيابي
ولو أقول لا أو ممنوع ماأدري شتسوي فيني
قلت مسكينة ومتغربة حرام
تمر الأيام وتدخل أختي المطبخ وتلقى عندها جوال غريب عجيب ( علماً ان عندها نوكيا بو ليت )
وتحققت معاها قالت يوم وصلتج دوامج مريت وخذته
سحبته واعتذرت وانتهى الموضوع
ثيابي صارت تحرقهم
ثياب زوجي وتمليهم صبغ نبهتها وزوجي نبهها
كرهتها شوي عليها واستحقرتها
في يوم من الأيام حسيتها خاشه شي بثيابها وطلع جوال سامسونغ
قلت لها جيبيه قاومت بشده استغربت ( كأن أحد قايل لها موتي ولايصيد الجوال عندج )
المهم قلت بوديها وفي السيارة تبي تنتحر خوفتني تفتح باب السيارة وتبي تقط عمرها
واوديها بيت جدتي واكلم الشرطة ويتصرفون معاها تخيلوا الكرت اللي في الجوال اختفى فجأة
وبالنهاية يوم قدرت استرجع المعلومات من الجوال
طلع ان روميو هو الدريول الإضافي عندي وهي جولييت
انصدمت صدمة عمري والدريول من البيت للمسجد ومن المسجد للبيت
شفت شي ينخش منه الوجه
وفوق ذي صورها بثيابي وانا اقول ثيابي ليش كارهتهم
وعلماً يوم كانت عندي كنت في مشاكل مع زوجي واللحين أختفت المشاكل الحمدلله
لا لقيتها من روميو ولا جولييت
سفرت الإثنين عن طريق الإبعاد بعد ماخليتهم فترة عشان يكونون عبرة لمن لم يعتبر
آه قلبتي علي المواجع
<<< توها مسفرة خدامتها عن طريق الإبعاد
غلطتي ان خدامتي تقريباً بعمري
لبست حطت عينها علي
شريت ششي عينها علي
كليت شي عينها علي
حتى لو مش جدامها بنومها تنبش ( الزبايل ) الله يعزكم وعينها علي
رحت مطعم تآخذ المينيو وتتطلب مقبلات طبق رئيسي عصير طازج وتحلي ( لو أنها كفو بقول أوكي )
رحت محل لقطت لها كمن شغله وعند الحساب حطتهم مع ثيابي
ولو أقول لا أو ممنوع ماأدري شتسوي فيني
قلت مسكينة ومتغربة حرام
تمر الأيام وتدخل أختي المطبخ وتلقى عندها جوال غريب عجيب ( علماً ان عندها نوكيا بو ليت )
وتحققت معاها قالت يوم وصلتج دوامج مريت وخذته
سحبته واعتذرت وانتهى الموضوع
ثيابي صارت تحرقهم
ثياب زوجي وتمليهم صبغ نبهتها وزوجي نبهها
كرهتها شوي عليها واستحقرتها
في يوم من الأيام حسيتها خاشه شي بثيابها وطلع جوال سامسونغ
قلت لها جيبيه قاومت بشده استغربت ( كأن أحد قايل لها موتي ولايصيد الجوال عندج )
المهم قلت بوديها وفي السيارة تبي تنتحر خوفتني تفتح باب السيارة وتبي تقط عمرها
واوديها بيت جدتي واكلم الشرطة ويتصرفون معاها تخيلوا الكرت اللي في الجوال اختفى فجأة
وبالنهاية يوم قدرت استرجع المعلومات من الجوال
طلع ان روميو هو الدريول الإضافي عندي وهي جولييت
انصدمت صدمة عمري والدريول من البيت للمسجد ومن المسجد للبيت
شفت شي ينخش منه الوجه
وفوق ذي صورها بثيابي وانا اقول ثيابي ليش كارهتهم
وعلماً يوم كانت عندي كنت في مشاكل مع زوجي واللحين أختفت المشاكل الحمدلله
لا لقيتها من روميو ولا جولييت
سفرت الإثنين عن طريق الإبعاد بعد ماخليتهم فترة عشان يكونون عبرة لمن لم يعتبر
شر وانزاح حبيبتي ، والله يعوضج بكل خير يااارب
شبح الصمت
04-11-2013, 11:27 AM
آه قلبتي علي المواجع
<<< توها مسفرة خدامتها عن طريق الإبعاد
غلطتي ان خدامتي تقريباً بعمري
لبست حطت عينها علي
شريت ششي عينها علي
كليت شي عينها علي
حتى لو مش جدامها بنومها تنبش ( الزبايل ) الله يعزكم وعينها علي
رحت مطعم تآخذ المينيو وتتطلب مقبلات طبق رئيسي عصير طازج وتحلي ( لو أنها كفو بقول أوكي )
رحت محل لقطت لها كمن شغله وعند الحساب حطتهم مع ثيابي
ولو أقول لا أو ممنوع ماأدري شتسوي فيني
قلت مسكينة ومتغربة حرام
تمر الأيام وتدخل أختي المطبخ وتلقى عندها جوال غريب عجيب ( علماً ان عندها نوكيا بو ليت )
وتحققت معاها قالت يوم وصلتج دوامج مريت وخذته
سحبته واعتذرت وانتهى الموضوع
ثيابي صارت تحرقهم
ثياب زوجي وتمليهم صبغ نبهتها وزوجي نبهها
كرهتها شوي عليها واستحقرتها
في يوم من الأيام حسيتها خاشه شي بثيابها وطلع جوال سامسونغ
قلت لها جيبيه قاومت بشده استغربت ( كأن أحد قايل لها موتي ولايصيد الجوال عندج )
المهم قلت بوديها وفي السيارة تبي تنتحر خوفتني تفتح باب السيارة وتبي تقط عمرها
واوديها بيت جدتي واكلم الشرطة ويتصرفون معاها تخيلوا الكرت اللي في الجوال اختفى فجأة
وبالنهاية يوم قدرت استرجع المعلومات من الجوال
طلع ان روميو هو الدريول الإضافي عندي وهي جولييت
انصدمت صدمة عمري والدريول من البيت للمسجد ومن المسجد للبيت
شفت شي ينخش منه الوجه
وفوق ذي صورها بثيابي وانا اقول ثيابي ليش كارهتهم
وعلماً يوم كانت عندي كنت في مشاكل مع زوجي واللحين أختفت المشاكل الحمدلله
لا لقيتها من روميو ولا جولييت
سفرت الإثنين عن طريق الإبعاد بعد ماخليتهم فترة عشان يكونون عبرة لمن لم يعتبر
تعرفين ليش لانه عينج تراقبهم
بس البعض مخلي عيونه على جمب ما يبي يشووف او بالاصح ما يبي ينصدم من الي بيشوفه
:nice:
بونووف
04-11-2013, 11:27 AM
اذا فلبينيه تره عندهم كرت دولي ينباع بشي رمزي وسعر المكالمه بعد شي بسييط ويقدرون يعبون لهم من بلادهم .. واحد فلبيني قالي عن هالكرت ..
نور الحور
04-11-2013, 11:31 AM
ما أحب يكون عند الخدامة أي جهاز إلا التلفزيون وبس ..
وهذي من شروط الشغل عندي موضحتها ومبينتها ..
أي تواصل تبيه مع اهلها عن طريق تلفون البيت وقدامي ..
إذا كان شي من وراي فهذا شي ثاني .. لكني أبداً ما أأيد إعطاء الخادمة أكسس على النت << من تجربة :victory:
الماريّة
04-11-2013, 11:31 AM
ساالفة الخدم والفيس بوك صارت وووووواضحه
الاغلبية عندهم واحنا نفس الشي نعاني من خدمنا صدناهم بالصدفة عندهم هالحساب
وحده فيهم لقيناها حاطه صور عيالنا الصغار في حسابها لكن المشكله ماكتشفنا هالشي الا بعد ماسفرناها
والثانية لحين موجودة ونراقب حسابها اول باول ومافيه الا صورها بس
وهاي كله من خدم بيوت عممممممممي مخربين خدمنا ومعلمينهم ع هالحساب
الماريّة
04-11-2013, 11:33 AM
معلومه
وحده من خدامات الاهل اكتشفوا انها مسترجله من خلال الفيس بوك مالها
صورها كلها صبيانيه وعندها شهاده من دولتهم سامحين لها انها كأنها ولد
ومعزبها ومعزبته ماكتشفوا هالشي فيها الا من الفيس بوك:secret:
آه قلبتي علي المواجع
<<< توها مسفرة خدامتها عن طريق الإبعاد
غلطتي ان خدامتي تقريباً بعمري
لبست حطت عينها علي
شريت ششي عينها علي
كليت شي عينها علي
حتى لو مش جدامها بنومها تنبش ( الزبايل ) الله يعزكم وعينها علي
رحت مطعم تآخذ المينيو وتتطلب مقبلات طبق رئيسي عصير طازج وتحلي ( لو أنها كفو بقول أوكي )
رحت محل لقطت لها كمن شغله وعند الحساب حطتهم مع ثيابي
ولو أقول لا أو ممنوع ماأدري شتسوي فيني
قلت مسكينة ومتغربة حرام
تمر الأيام وتدخل أختي المطبخ وتلقى عندها جوال غريب عجيب ( علماً ان عندها نوكيا بو ليت )
وتحققت معاها قالت يوم وصلتج دوامج مريت وخذته
سحبته واعتذرت وانتهى الموضوع
ثيابي صارت تحرقهم
ثياب زوجي وتمليهم صبغ نبهتها وزوجي نبهها
كرهتها شوي عليها واستحقرتها
في يوم من الأيام حسيتها خاشه شي بثيابها وطلع جوال سامسونغ
قلت لها جيبيه قاومت بشده استغربت ( كأن أحد قايل لها موتي ولايصيد الجوال عندج )
المهم قلت بوديها وفي السيارة تبي تنتحر خوفتني تفتح باب السيارة وتبي تقط عمرها
واوديها بيت جدتي واكلم الشرطة ويتصرفون معاها تخيلوا الكرت اللي في الجوال اختفى فجأة
وبالنهاية يوم قدرت استرجع المعلومات من الجوال
طلع ان روميو هو الدريول الإضافي عندي وهي جولييت
انصدمت صدمة عمري والدريول من البيت للمسجد ومن المسجد للبيت
شفت شي ينخش منه الوجه
وفوق ذي صورها بثيابي وانا اقول ثيابي ليش كارهتهم
وعلماً يوم كانت عندي كنت في مشاكل مع زوجي واللحين أختفت المشاكل الحمدلله
لا لقيتها من روميو ولا جولييت
سفرت الإثنين عن طريق الإبعاد بعد ماخليتهم فترة عشان يكونون عبرة لمن لم يعتبر
وجعتيلي قلبي :weeping: الله يعوضك خير إن شاء الله omen
شبح الصمت
04-11-2013, 11:37 AM
ساالفة الخدم والفيس بوك صارت وووووواضحه
الاغلبية عندهم واحنا نفس الشي نعاني من خدمنا صدناهم بالصدفة عندهم هالحساب
وحده فيهم لقيناها حاطه صور عيالنا الصغار في حسابها لكن المشكله ماكتشفنا هالشي الا بعد ماسفرناها
والثانية لحين موجودة ونراقب حسابها اول باول ومافيه الا صورها بس
وهاي كله من خدم بيوت عممممممممي مخربين خدمنا ومعلمينهم ع هالحساب
معلومه
وحده من خدامات الاهل اكتشفوا انها مسترجله من خلال الفيس بوك مالها
صورها كلها صبيانيه وعندها شهاده من دولتهم سامحين لها انها كأنها ولد
ومعزبها ومعزبته ماكتشفوا هالشي فيها الا من الفيس بوك:secret:
وينهم الي يبون يخلونهم على راحتهم
هنا قصصص وحقائق واقعية وليست من نسخ الخيال ...
هالموضوع بيطلع بلاوي الخددددم
مستوى الدعم
04-11-2013, 11:39 AM
أرجو عدم التساهل في الموضوع..
ويجب دائماً النظر للخدم بعين الشك.. فهم من بيئات مختلفة في المعايير الدينية والأخلاقية..
وبعضهم مسلمون بالاسم فقط..
فقد سفرنا منذ فترة بسيطة خادمات بنفس مواصفات خادمتك.. حيث وجدنا أن إحداهن لديها حساب في فيسبوك..وكانت تروج "لنفسها" عن طريق حسابها ذلك وبصور خادشة للحياء..
وكانت تدخل للنت عن طريق التلفون.. ووجدنا لديها العديد من صور أطفال العائلة (وهذا شيء مخيف فقد يتم استخدام الصور في أعمال السحر)..
وتم التسفير بسبب العلاقات المحرمة..
Aaziz
04-11-2013, 11:42 AM
معلومه
وحده من خدامات الاهل اكتشفوا انها مسترجله من خلال الفيس بوك مالها
صورها كلها صبيانيه وعندها شهاده من دولتهم سامحين لها انها كأنها ولد
ومعزبها ومعزبته ماكتشفوا هالشي فيها الا من الفيس بوك:secret:
بمعنى اخر ،،، ان فكرنا في الموضوع من ناحيه عمليه نقدر نتوصل الى ان الفيس بوك الخاص بالخدامه او السواق بيساعدنا في اكتشاف جانب خفي من شخصيتهم و ميولهم كانو قادرين يخفونه عنا بحكم جدية التواصل بين الكفيل و الخادم .
بوخالد911
04-11-2013, 11:46 AM
الحين مطلب الخدامة أو السايق أول ما يوصل هو : يبي يشبك ع الوايس لس
!!!!!!!!!!!!!!!!
Nojoom
04-11-2013, 11:50 AM
انا لوعندي خدامه او سائق ماراح اعرض ان يكون عندهم جوال او فيس بوك
المشكله البعض يستخدم نظام العبوديه مع الخدم .
البعض الاخر يحرص ويتشدد على الخدم اكثر من اهل البيت
في النهايه هذي غريبه واهلها مادام رضوا تطلع من بلادها وتسافر وتشتغل يعني ماعندهم مانع انا ليش اصير وصي عليها
لهم مني المعامله الطيبه اما الخطء ان صار فهم الي بيتحملونه وليس انا
ظل القمر
04-11-2013, 11:50 AM
مشكلتنا يا جماعه اننا وللاسف نتهاون في سالفة الجوال والكروت
ولا والمصيبة الكبرى ان في بيوت يعطونهم
ايباد
ايباد ؟؟ عسى ماشر شالثقه العمياء ؟
والمبكي اني اعرف عايله صادوا خدامتهم تصور
بناتهم وهم بلبس البيت في ايبادها !!!
وعقبها بفترة ليست بطويلة الدريول حاول ان يتحسس
بنتهم الي عمرها ما تجاوز العشر في السياره ؟؟
طبعا انصدموا ليش تنصدمون اذا خدامتكم تصور بناتكم في جهازها الغبر و توري الدريول
!
امانه ناس من هالطخه شتقولون عنهم ! شالتبلد شالانفتاح الغريب العجيب
والله ان في بيوت لابسين ثوب ماهو ثوبهم مسوين فيها انهم المسالمين المتعاطفين مع المغتربين
تعالوا شوفوا اللي عندنا بالبيت معيشينهم في معسكر
ويالله نلحق
الانسان غلط يكون سفيه لهذه الدرجة واسمحوا لي على الكلمه
شبح الصمت
04-11-2013, 11:56 AM
مشكلتنا يا جماعه اننا وللاسف نتهاون في سالفة الجوال والكروت
ولا والمصيبة الكبرى ان في بيوت يعطونهم
ايباد
ايباد ؟؟ عسى ماشر شالثقه العمياء ؟
والمبكي اني اعرف عايله صادوا خدامتهم تصور
بناتهم وهم بلبس البيت في ايبادها !!!
وعقبها بفترة ليست بطويلة الدريول حاول ان يتحسس
بنتهم الي عمرها ما تجاوز العشر في السياره ؟؟
طبعا انصدموا ليش تنصدمون اذا خدامتكم تصور بناتكم في جهازها الغبر و توري الدريول
!
امانه ناس من هالطخه شتقولون عنهم ! شالتبلد شالانفتاح الغريب العجيب
والله ان في بيوت لابسين ثوب ماهو ثوبهم مسوين فيها انهم المسالمين المتعاطفين مع المغتربين
تعالوا شوفوا اللي عندنا بالبيت معيشينهم في معسكر
ويالله نلحق
الانسان غلط يكون سفيه لهذه الدرجة واسمحوا لي على الكلمه
لا حول ولا قوة الا بالله
مفروض تكون عين تراقبهم على طول ويحسووون فيه
الماريّة
04-11-2013, 11:58 AM
وينهم الي يبون يخلونهم على راحتهم
هنا قصصص وحقائق واقعية وليست من نسخ الخيال ...
هالموضوع بيطلع بلاوي الخددددم
واكثر اخوي بعد
وبعد من خلال حساب خدامتنا توصلنا لاكثر من حساب لجميع خدم الاهل
وقمنا ندش نشوف صورهم تخخخخخخخخيل بعض خدم الاهل مسوين حفلات صغيرة بارتي
في بيوت اهاليهم مش عارفه شلون سوو هالحفلة وين اهل البيت منهم مانتبهوا لهم
وواضح انها حفلة عيد ميلاد
والصور الاخرى لقينا بعض الخدمات ماخذين اغتر واعقل الشباب اهل البيت ولابسينها
ومصورين فيها يستعبطون
انصدددمنا والله لما شفنا هالشي :eek5: شلون قدروا يسون هالاشياء ومحد منتبه لهم
ظل القمر
04-11-2013, 12:01 PM
لا حول ولا قوة الا بالله
مفروض تكون عين تراقبهم على طول ويحسووون فيه
بالضبط هذا اللي لازم يصير في كل بيت
مراقبه مستمرة وعدم تهاون
بنشد عليهم في شيء وبنرخي في شيء بنطلعهم معانا بنوديهم مطاعم
بنوديهم مجمعات لكن كله برقابه ومش اي رقابه
خافوا على بناتكم خافوا على بيوتكم
مافيها شي احنا الفلبنيه الي عندنا عندها فيس بوك وتلعب لعبه المزرعه لا واشغلها بعد في مزرعتي تسقي لي الزرع واطرش لي خشب:shy:
ههههههههههههههه لازم أتخصصين لها راتب أضافي :victory:
أرجو عدم التساهل في الموضوع..
ويجب دائماً النظر للخدم بعين الشك.. فهم من بيئات مختلفة في المعايير الدينية والأخلاقية..
وبعضهم مسلمون بالاسم فقط..
فقد سفرنا منذ فترة بسيطة خادمات بنفس مواصفات خادمتك.. حيث وجدنا أن إحداهن لديها حساب في فيسبوك..وكانت تروج "لنفسها" عن طريق حسابها ذلك وبصور خادشة للحياء..
وكانت تدخل للنت عن طريق التلفون.. ووجدنا لديها العديد من صور أطفال العائلة (وهذا شيء مخيف فقد يتم استخدام الصور في أعمال السحر)..
وتم التسفير بسبب العلاقات المحرمة..
نفس الشي حدث من خدامة قريبتي ، وبعد ما سفرتها لبلدها اتصلت تهددها بالصور وتقولها والله لأعملكم سحر وأخرب بيتكم ، وبكرة بطلع جواز جديد باسم جديد وعمركم ما حتوصلولي
هي نفسها اللي فتنت على خدامتي انها عندها فيسبوك
حسبي الله ونعم الوكيل :omen2:
شبح الصمت
04-11-2013, 12:24 PM
واكثر اخوي بعد
وبعد من خلال حساب خدامتنا توصلنا لاكثر من حساب لجميع خدم الاهل
وقمنا ندش نشوف صورهم تخخخخخخخخيل بعض خدم الاهل مسوين حفلات صغيرة بارتي
في بيوت اهاليهم مش عارفه شلون سوو هالحفلة وين اهل البيت منهم مانتبهوا لهم
وواضح انها حفلة عيد ميلاد
والصور الاخرى لقينا بعض الخدمات ماخذين اغتر واعقل الشباب اهل البيت ولابسينها
ومصورين فيها يستعبطون
انصدددمنا والله لما شفنا هالشي :eek5: شلون قدروا يسون هالاشياء ومحد منتبه لهم
بالضبط هذا اللي لازم يصير في كل بيت
مراقبه مستمرة وعدم تهاون
بنشد عليهم في شيء وبنرخي في شيء بنطلعهم معانا بنوديهم مطاعم
بنوديهم مجمعات لكن كله برقابه ومش اي رقابه
خافوا على بناتكم خافوا على بيوتكم
يعطيكم العافيه
ولا تخلون الخدمات يختلطون في السواقين تراهم شر ..
شوف عيني في خدمات قويات عيني يعني تخز وطالع ما تستحي على وجهها ..
وفي خدممات يجون زيارات ويقعدون يقرقرون على الخدم مفروض الواحد الي خدامته تجي تفصلها عن الخدم الي جايين هم بشر بس بعضهم شر ويخوفون ..
تجي تمهد لها وتسوي لها حركات مافي كلام دريول لازم كلام لازم سوي
نصيحة الي بياخذ ياخذ له وحده رعويه وصغيرة
وضعنا االاثيوبيات ينخاف منهم تجيك تخاف على نفسها بس في نفس الوقت الشر بين عيونها ( ما تلاعب يمين يسار بالصاطور . ) :rolleyes2:
الفلبيينه والاندونيسية هذولي استغفر الله العظيم .. لازم تخربط إلا من رحم ربي
السريلانكيات ان جووكم صغار تجيك خوافه وتشتغل بس اذا قرنست وكبرت ما ترفس الا اذا لها خبرات سابقة ومضروبه على راسها
ام السعف
04-11-2013, 12:28 PM
الخدامه او السائق انسان من حقة يتصرف كما يشاء دون المساس بخصوصية صاحب العمل .
يعني من حق الخدامة تفتح لها حساب في الفيس بوك او اي موقع تواصل اجتماعي اخر . لكن دون وضع صور تنتهك خصوصية البيت الذي تعمل فيه يعني ما تصور في البيت الا بأذن صاحبه
وعلى العموم قانون العمل الجديد الذي يناقش الان وهو مستمد من عدة قوانين عالمية ذات صله بالخدم سوف يجبرنا جبرا وليس اختيارا على تمتع العاملين في المنازل بحقوق صادمة لنا واعتقد طريقة العقود المبرمة سيشترك في التوقيع عليها ومتابعة تنفيذها عدة جهات لضمان عدم التحايل في ارغام الخدم على التنازل عن بعض حقوقهم المنصوص عليها كما يحدث الان .
صحيح كلامك يا قبطان ،،
الخدامة او الصبي او الدريول مالنا حق في التحكم فيهم ومنعهم من استخدام
برامج التواصل الاجتماعي ،، لكن في حال وجود تجاوزات اخلاقية منهم في
مثل هالمواقع ،، مثل الفيس بوك مثلا ،،
وحسب تجربتي الفيس بوك يربط الأرقام المحيطة ابعضها البعض
وخاصة لو شبكت من الجوال فيه او فعلت خدمة ربط عناوين المتصلين بالفيس بوك
راح يمكنك من انك تطلع على كل الناس المضافين عندك لمجرد الدخول فيه ،
فاحنا شفنا حسابات دريوليتنا مع ان ما ندري عنهم في خيار اشخاص قد تعرفهم ،،
ففي حالة وجود خادمة او دريول عندهم حسابات فيها مشاركات غير اخلاقية
شنهو الوضع وماهي حقوقنا وحقوقهم في هالخصوص ؟
فهل القوانين احفظت لنا حقوقنا ؟
وهل القانون بما انه يسمح لهم يستخدمون هالمواقع بيسمح لهم
انهم يمارسون امور غير اخلاقية فيه وعليان ان نبلع العافية ؟
ام السعف
04-11-2013, 12:40 PM
وليش اساسا النت يوصل لها ؟؟؟ ههههه انا مستغرب
انا عندي خدامه مسلمه وقبلها ثلاث مسيحيات وكل وحدها معاها كتابها الانجيل يسمونه البايبل
لكن تمش بوزها من شي اسمه نت وجوال
ما طلعت لها جوال نهائي ولا بطلع
وفهمتها من البدايه جوال مافي واذا تبي تتطمن على اهلها تجيب ارقامهم وكل جمعه اتصل لها من جوالي تكلمهم وتسولف معاهم ربع ساعه ويرتاح قلبها وتوعدهم باتصال الجمعه الجايه غي هالشي جدولها :
القومه الصبح خمس ونص
تنظيف من كنس ومسح وغسيل لحد الساعه عشر الصبح وبعدين راحه لين وقت العصر
توتخليص ماتبقى من شغل ومسؤوليات منزليه وتتعشا وتنام بكيرررر عشر بالكثير
وملتزمه باليونيفورم ومستته ومرتاحه ولا قاصرها شي وطلعات وجيات مع الاهل
والمعامله الحسنه وكان الله غفور رحيم
مب لازم كل العالم يكونون مثلك يااخوي حبر وقرطاس،،
احنا كنا في يوم من الأيام نسفر الخدامة اللي عندها جوال على اساس انه
ما يحق لها يكون عندها جوال ويمكن تتعرف على اغراب ،،
فاليوم عرفنا ان ما يحق لنا اصلا نمنعها من الجوال ،،
ومع الايام في اللي للحين يقول وليش عندها نت من الأساس
في الوقت اللي مع الأيام بيكون وجود النت عادي عند اي خدامة
او صبي وهالشي اشوفه من حقهم ،،
لكن اللي مب من حقهم انهم يستخدمون هالاشياء بطريقة خاطئة
وان كنا سمحنا لهم باستخدام النت ،،
اليوم لما اسمح لخادمتي تستخدم تلفون البيت في الاتصال
فهذا ما يعني لو ما كنت في البيت تروح تهذر فيه مع شباب !!
واليوم لما أأمن خادمتي على البيت واطلع هذا ما يعني انها
تسمح لرجال غرب يدخلون عندها ،،
فحرمان الخادمة من الجوال او النت ما راح يمنعها انها تسوي اللي تبيه
لكن لازم تكون هناك ضوابط لاستخدام النت او الجوال
دام انهم في بيوتنا ،،
على فكرة يا اخوي حبر وقرطاس ،، بالنسبة لي اتمنى خداماتي يكونون
عندهم هواتف ذكية وفيها نت ،، بس بو العيال رافض هالشي ،،
وكنت ابي اخذ حق الدريول جوال ذكي ما رضى وقال لي لا ،،
واليوم دريولنا عنده جوالي ذكي وعنده واتس اب ،، وممكن الخادمات اييون
من برع وعندهم هواتف ذكية ما نقدر نصادر هالهواتف من عندهم
في الوقت اللي احنا مستمتعين فيها ونستخدمها ،،
نور الحور
04-11-2013, 12:46 PM
يعطيكم العافيه
ولا تخلون الخدمات يختلطون في السواقين تراهم شر ..
شوف عيني في خدمات قويات عيني يعني تخز وطالع ما تستحي على وجهها ..
وفي خدممات يجون زيارات ويقعدون يقرقرون على الخدم مفروض الواحد الي خدامته تجي تفصلها عن الخدم الي جايين هم بشر بس بعضهم شر ويخوفون ..
تجي تمهد لها وتسوي لها حركات مافي كلام دريول لازم كلام لازم سوي
نصيحة الي بياخذ ياخذ له وحده رعويه وصغيرة
وضعنا االاثيوبيات ينخاف منهم تجيك تخاف على نفسها بس في نفس الوقت الشر بين عيونها ( ما تلاعب يمين يسار بالصاطور . ) :rolleyes2:
الفلبيينه والاندونيسية هذولي استغفر الله العظيم .. لازم تخربط إلا من رحم ربي
السريلانكيات ان جووكم صغار تجيك خوافه وتشتغل بس اذا قرنست وكبرت ما ترفس الا اذا لها خبرات سابقة ومضروبه على راسها
ههههههههههههه ..
مرجع ما شاء الله عليك :nice:
خبرة شبح خبرة :victory:
شبح الصمت
04-11-2013, 12:49 PM
ههههههههههههه ..
مرجع ما شاء الله عليك :nice:
خبرة شبح خبرة :victory:
http://www.cheesebuerger.de/images/midi/traurig/d045.gif
نور الحور
04-11-2013, 12:51 PM
مب لازم كل العالم يكونون مثلك يااخوي حبر وقرطاس،،
احنا كنا في يوم من الأيام نسفر الخدامة اللي عندها جوال على اساس انه
ما يحق لها يكون عندها جوال ويمكن تتعرف على اغراب ،،
فاليوم عرفنا ان ما يحق لنا اصلا نمنعها من الجوال ،،
ومع الايام في اللي للحين يقول وليش عندها نت من الأساس
في الوقت اللي مع الأيام بيكون وجود النت عادي عند اي خدامة
او صبي وهالشي اشوفه من حقهم ،،
لكن اللي مب من حقهم انهم يستخدمون هالاشياء بطريقة خاطئة
وان كنا سمحنا لهم باستخدام النت ،،
اليوم لما اسمح لخادمتي تستخدم تلفون البيت في الاتصال
فهذا ما يعني لو ما كنت في البيت تروح تهذر فيه مع شباب !!
واليوم لما أأمن خادمتي على البيت واطلع هذا ما يعني انها
تسمح لرجال غرب يدخلون عندها ،،
فحرمان الخادمة من الجوال او النت ما راح يمنعها انها تسوي اللي تبيه
لكن لازم تكون هناك ضوابط لاستخدام النت او الجوال
دام انهم في بيوتنا ،،
على فكرة يا اخوي حبر وقرطاس ،، بالنسبة لي اتمنى خداماتي يكونون
عندهم هواتف ذكية وفيها نت ،، بس بو العيال رافض هالشي ،،
وكنت ابي اخذ حق الدريول جوال ذكي ما رضى وقال لي لا ،،
واليوم دريولنا عنده جوالي ذكي وعنده واتس اب ،، وممكن الخادمات اييون
من برع وعندهم هواتف ذكية ما نقدر نصادر هالهواتف من عندهم
في الوقت اللي احنا مستمتعين فيها ونستخدمها ،،
انزين لو هواتف غبية؟ ممكن؟:omen2:
لأ جد .. أم السعف الخدم ناس لهم حقوق الإنسان من حسن المعاملة والكرامة ..
لكن لازم في شروط للعمل يضعها صاحب البيت بهدف الضبط .. خاصة إن شغلها (داخل) البيوت وتختلط بأفراد الأسرة ..
وللأسف أغلبهم جايين من مجتمعات بيئتهم الثقافية والاجتماعية منحطة أخلاقياً ..
هالقناعة توصلت لها بعد مشاهدات وبعد عدة تجارب ..
الله يحفظ الجميع :victory:
بوحارب
04-11-2013, 01:35 PM
ما شاء الله عليكم
عيل الخدم من حقهم يكون عندهم شبكات التواصل الاجتماعي !!!
والزوج والزوجة هم اللي يقومون بشغل البيت صح ؛)
ام السعف
04-11-2013, 02:19 PM
انزين لو هواتف غبية؟ ممكن؟:omen2:
لأ جد .. أم السعف الخدم ناس لهم حقوق الإنسان من حسن المعاملة والكرامة ..
لكن لازم في شروط للعمل يضعها صاحب البيت بهدف الضبط .. خاصة إن شغلها (داخل) البيوت وتختلط بأفراد الأسرة ..
وللأسف أغلبهم جايين من مجتمعات بيئتهم الثقافية والاجتماعية منحطة أخلاقياً ..
هالقناعة توصلت لها بعد مشاهدات وبعد عدة تجارب ..
الله يحفظ الجميع :victory:
حتى الهواتف التقليدية ،، ما يصير الخادمة تستخدمه الاستخدام السيء
احنا متفقين على نقطة يجب وجود شروط للاستخدام سواء كانت هواتف
عادية او ذكية ،،
لكن ما يصير نقول ما يستخدمون النت او الجواويل الذكية لأنهم يشتغلون عندنا ،،
ام السعف
04-11-2013, 02:20 PM
ما شاء الله عليكم
عيل الخدم من حقهم يكون عندهم شبكات التواصل الاجتماعي !!!
والزوج والزوجة هم اللي يقومون بشغل البيت صح ؛)
احد صور العبودية في ردك يا بوحارب ،،
الخدم لهم اوقات راحة في هالاوقات يقدرون يستخدمون النت ،،
القبطان سلفر
04-11-2013, 02:32 PM
صحيح كلامك يا قبطان ،،
الخدامة او الصبي او الدريول مالنا حق في التحكم فيهم ومنعهم من استخدام
برامج التواصل الاجتماعي ،، لكن في حال وجود تجاوزات اخلاقية منهم في
مثل هالمواقع ،، مثل الفيس بوك مثلا ،،
وحسب تجربتي الفيس بوك يربط الأرقام المحيطة ابعضها البعض
وخاصة لو شبكت من الجوال فيه او فعلت خدمة ربط عناوين المتصلين بالفيس بوك
راح يمكنك من انك تطلع على كل الناس المضافين عندك لمجرد الدخول فيه ،
فاحنا شفنا حسابات دريوليتنا مع ان ما ندري عنهم في خيار اشخاص قد تعرفهم ،،
ففي حالة وجود خادمة او دريول عندهم حسابات فيها مشاركات غير اخلاقية
شنهو الوضع وماهي حقوقنا وحقوقهم في هالخصوص ؟
فهل القوانين احفظت لنا حقوقنا ؟
وهل القانون بما انه يسمح لهم يستخدمون هالمواقع بيسمح لهم
انهم يمارسون امور غير اخلاقية فيه وعليان ان نبلع العافية ؟
المشكلة يا ام السعف ان الاطراف الحكومية المعنية تساهم في تفاقم الوضع بين الكفيل القطري والعامل . لان هذه الاطراف لا تبادر في ايجاد صيغية او عقد عمل يكفل حق المواطن وخصوصا من ناحية الاداب العامة والعادات والتقاليد . يعني السفارات والجهات الداعمة للمكفول هي من تضع الخطوط العريضه للعقود فتأتي ضد المكفول . وكنت اتمنى ان تكون هذه الاطراف الحكوميه ذات الصلة في موقع الفعل لا ردت الفعل . يعني موقفها سلبي من الاشكالية ولم تملك زمام المبادره في عمل عقود الاذعان للاطراف الاخرى سواء المكفول او من يقف وراءه .
على العموم القوانين الجديده التي سيتم اقرارها ستكون ( والله اعلم ) صادمة لنا ومجبورين على تنفيذ بنودها والا فليرجع النساء لاعمال المنزل في حالة الاعراض .
ام السعف
04-11-2013, 02:49 PM
المشكلة يا ام السعف ان الاطراف الحكومية المعنية تساهم في تفاقم الوضع بين الكفيل القطري والعامل . لان هذه الاطراف لا تبادر في ايجاد صيغية او عقد عمل يكفل حق المواطن وخصوصا من ناحية الاداب العامة والعادات والتقاليد . يعني السفارات والجهات الداعمة للمكفول هي من تضع الخطوط العريضه للعقود فتأتي ضد المكفول . وكنت اتمنى ان تكون هذه الاطراف الحكوميه ذات الصلة في موقع الفعل لا ردت الفعل . يعني موقفها سلبي من الاشكالية ولم تملك زمام المبادره في عمل عقود الاذعان للاطراف الاخرى سواء المكفول او من يقف وراءه .
على العموم القوانين الجديده التي سيتم اقرارها ستكون ( والله اعلم ) صادمة لنا ومجبورين على تنفيذ بنودها والا فليرجع النساء لاعمال المنزل في حالة الاعراض .
هذا هو يا القبطان ،،
اليوم كثيرين فرحانين انهم يمنعون الخدم من الجوال والنت ،،
وفي القريب العاجل هناك قوانين بتعطيهم هالحق ،، فكم خادمة او مربية
ممكن نسفرها سنويا لأننا ما نبيهم يستخدمون النت ؟
فلذلك اشوف من الأفضل البحث عن ضوابط لمثل هالاستخدام
وتقديمها للجهات المعنية ،، علشان يحطون في مقابل استخدام النت
لازم ولابد الاستخدام ما يكون مخل بالاداب لأنه حزتها بتكون هناك عقوبات ،،
بس السؤال اللي يطرح نفسه وبقوة ،،
هل هناك عقوبات تطال عيالنا من قبل قوانينا الدولة لو الواحد فيهم
مسوي صفحات مخلة بالأداب مثل صفحات المثيليين والاخوانية والبويات
والعروض والطلبات اللي تقدم فيها ؟!!
او انه يعرض صور عارية ؟ سواء في افاتاره او ضمن مشاركاته ؟!!
طبيب قطري
04-11-2013, 03:55 PM
انا في بيتي مانع الخدم والدريوليه من ان يكون عندهم جوالات بكيمرا وهذا طبعا من كثر المصايب اللي سمعتها من ناس وايد عن خطورة هذي الاشياء ، من الاخر هم اغراب ومب من اهل البيت ووجود مثل هذي الجوالات فيه خطر انتهاك الخصوصيه من تصوير اهل البيت وغيره..
ولاتتركون اطفالكم مع الخدم الله يعلم يصورونهم وينشرون الصور أو يسوون فيها اي شي..
شيخ الديرة
04-11-2013, 06:17 PM
هذا هو يا القبطان ،،
اليوم كثيرين فرحانين انهم يمنعون الخدم من الجوال والنت ،،
وفي القريب العاجل هناك قوانين بتعطيهم هالحق ،، فكم خادمة او مربية
ممكن نسفرها سنويا لأننا ما نبيهم يستخدمون النت ؟
فلذلك اشوف من الأفضل البحث عن ضوابط لمثل هالاستخدام
وتقديمها للجهات المعنية ،، علشان يحطون في مقابل استخدام النت
لازم ولابد الاستخدام ما يكون مخل بالاداب لأنه حزتها بتكون هناك عقوبات ،،
بس السؤال اللي يطرح نفسه وبقوة ،،
هل هناك عقوبات تطال عيالنا من قبل قوانينا الدولة لو الواحد فيهم
مسوي صفحات مخلة بالأداب مثل صفحات المثيليين والاخوانية والبويات
والعروض والطلبات اللي تقدم فيها ؟!!
او انه يعرض صور عارية ؟ سواء في افاتاره او ضمن مشاركاته ؟!!
هذه المرة أُخالفك الرأي. أنا في عملي يحجبون مواقع التواصل الإجتماعي والإيميل من حاسبات الشركة، ولكن هذا لا يعني بأي حال من الأحوال إنتهاك حقوقي الإنسانية، وإنما صاحب العمل إرتئى إن هذه المواقع قد تؤثر على مستوى الإنتاجية أو تعرضه للمسائلة القانونية. الخادمة تعمل عندي، وأنا أقرر شروط العمل.
hi sky
04-11-2013, 06:32 PM
اصلن ماله داعي الجوال للخدامه تبي أتكلم أهلها أتكلمهم عن طريق الهاتف الأرضي في كروت تنباع حق الاتصال الدولي
هذا هو الحل مافي غيره
سرايات
04-11-2013, 07:01 PM
انا ما ايد كلش الحرية التامة للخدامة تطلع وتدخل البيت على كيفها ولا عندها جوال وفيس بوك عسى ما شر هذول يجون من جنسية وثقافه مختلفة عنا وش يضمن لي انها ما تلعب من ورانا وتجيب لنا المصايب هي جايه تشتغل مش جاية للتلفون والفيس بوك وغيرة تبي تكلم اهلها ما في مانع بس بوجودنا ومن تلفوناتنا نعطيها وتكلمهم اما جوال وفي غرفتها بتكلم الدوحه كلها واتفاقيات وخرابيط وسرقات والله اعلم ايش بعد
رهج السنابك
04-11-2013, 07:06 PM
اقسم بالله توها جاتني الخدامه بجوالها تقولي ضيعت باسوورد الفيسبوك علميني شلون ارجعه
قلت ماشاء الله انتي عندج فيسبوك وانا ماعندي ههه كنت بنتف شعري
ادري عندها نت ولاب توب بس ماتوقعت تتعلم بسرعه مسويه لعمرها ايميل وفيسبوك والله العالم شنو بعد
انا يالعيوز حتى ايام المسن ماسويت حساب وايام الفيسبوك ماسويت وايام تويتر قلت بتمدن شوي سويت لي اكاونت واتبلك من الاداره مدري تعلق ههههه
وذيلا خيبه كل شي عندهم
شبح الصمت
04-11-2013, 07:33 PM
اقسم بالله توها جاتني الخدامه بجوالها تقولي ضيعت باسوورد الفيسبوك علميني شلون ارجعه
قلت ماشاء الله انتي عندج فيسبوك وانا ماعندي ههه كنت بنتف شعري
ادري عندها نت ولاب توب بس ماتوقعت تتعلم بسرعه مسويه لعمرها ايميل وفيسبوك والله العالم شنو بعد
انا يالعيوز حتى ايام المسن ماسويت حساب وايام الفيسبوك ماسويت وايام تويتر قلت بتمدن شوي سويت لي اكاونت واتبلك من الاداره مدري تعلق ههههه
وذيلا خيبه كل شي عندهم
اشفيج مستانسه !!
شوفي اش مسويه في الفيس بوك !!!
اشلون وضعها الانساني !!
ولا تعطينها وجه على العين والراس احترامها بس لا تخلينها تقط الميانه بتحسفين ..
تتذكرين هالشكل
شيتوري
http://alhayat.com/Content/ResizedImages/293/10000/inside/130510091621327.jpg
رهج السنابك
04-11-2013, 07:37 PM
ههههههه مطيحتها من زمااان عادي تقول لي هيه قومي سوي لي عصير اورنج وهاتيه غرفتي
بس متطمنين لها لانها قديمه عندنا ونعرف اخلاقها وماتعطي ويه للدريول ومحافظه ع الصلاه ومافيها جهل ديني قاتل نفس باقي الخدم
شبح الصمت
04-11-2013, 07:40 PM
ههههههه مطيحتها من زمااان عادي تقول لي هيه قومي سوي لي عصير اورنج وهاتيه غرفتي
بس متطمنين لها لانها قديمه عندنا ونعرف اخلاقها وماتعطي ويه للدريول ومحافظه ع الصلاه ومافيها جهل ديني قاتل نفس باقي الخدم
سالتج سؤال ما جاوبتي ..
دخلتي صفحتها مالت الفيس بوك !!
:)
رهج السنابك
04-11-2013, 07:40 PM
ومنو شيتوري هذا
بتاني؟؟؟ :(
رهج السنابك
04-11-2013, 07:41 PM
اي حاولت ادخل بس هي مدري شنو مخبصه ماقدرت ارجع لها الباسوورد وانا ماعرف للفيسبوك عدل
شبح الصمت
04-11-2013, 07:45 PM
ومنو شيتوري هذا
بتاني؟؟؟ :(
:secret:
اي حاولت ادخل بس هي مدري شنو مخبصه ماقدرت ارجع لها الباسوورد وانا ماعرف للفيسبوك عدل
ننتظرك يوم ترد لها تطلعين وتقولين لي شلي حصلتيه ..
:)
العربية نت
04-11-2013, 07:46 PM
اتوقع انه من الصعوبة الحين نحصل خدامة وماتعرف لطرق التواصل في الشبكات الاجتماعية وبعضهم اذا جات تكذب تقول معندي جوال وتمسكن وبعد المهلة ال 3 شهور تطلع الجوال وتقول بابا مامه ابي شريحة ههههههه :eek5::omg:
القبطان سلفر
04-11-2013, 07:52 PM
هذه المرة أُخالفك الرأي. أنا في عملي يحجبون مواقع التواصل الإجتماعي والإيميل من حاسبات الشركة، ولكن هذا لا يعني بأي حال من الأحوال إنتهاك حقوقي الإنسانية، وإنما صاحب العمل إرتئى إن هذه المواقع قد تؤثر على مستوى الإنتاجية أو تعرضه للمسائلة القانونية. الخادمة تعمل عندي، وأنا أقرر شروط العمل.
عفوا شيخ الديره قياسك خاطئ .
انت في العمل أجير لساعات محدده يحدد شروطها صاحب العمل ( الجهة الحكومية ) وهذا من حقه ولكن بعد إستيفاء تلك الساعات يحق لك استخدام الكمبيوتر او الدخول لمواقع التواصل الاجتماعي . يعني المسألة ليست على الاطلاق . فهل تطبق نوعية ذلك المنع على الخدم أم ان المسألة مفتوحة ومستمره طول الوقت من جهتك ؟
من ناحيتي انا أرفض رفض تام وجود جولات لدى الخدم وهذا ما اطبقه في منزلي . وهذا اعتبره تعسف في استخدام الحق ولكن هي وسيلة مهمة لحماية بيتي وخصوصيتي في ضل غياب قوانين فعالة تحميني انا واسرتي .
بوحارب
04-11-2013, 08:17 PM
احد صور العبودية في ردك يا بوحارب ،،
الخدم لهم اوقات راحة في هالاوقات يقدرون يستخدمون النت ،،
اي عبودية يا خالتي الله يهديج
وش يسوى عالواحد إذا شاف صور أهل بيته في النت بسبب الخدم
انا اكثر واحد اقدر الخدم بس في سالفة النت لا لا لا
القبطان سلفر
04-11-2013, 08:19 PM
هذا هو يا القبطان ،،
اليوم كثيرين فرحانين انهم يمنعون الخدم من الجوال والنت ،،
وفي القريب العاجل هناك قوانين بتعطيهم هالحق ،، فكم خادمة او مربية
ممكن نسفرها سنويا لأننا ما نبيهم يستخدمون النت ؟
أذكر قبل سنوات طويلة يستطيع الكفيل ان يضرب السائق ويمنع عنه الراتب ويحذفه على الابعاد مع التذكره دون مسائلة . اما الان لو ادعى السائق انك تضطهده ولا تعطيه راتبه تتحول الى قضية في المحاكم تنتزع منك حقوقه انتزاعا دون هواده .
حتى بعض العقود الشكلية لبعض الجنسيات تتضمن يوم اجازه للعامل ولكن يتنازل عنها في مقابل العمل . لكن اعتقد ان القانون الجديد سيكون اكثر حزما وتطبيقا لحقوق العامل على اعتبار انه موظف وليس مملوك يتصرف به المالك كما يشاء .
العالم اصبح قرية صغيره وعليه القوانين اصبحت اكثرها تشابه عالميا لان الدول أعضاء في منظمات دولية مختلفه فيها تصاغ القوانين وتطبق على الكل .
فلذلك اشوف من الأفضل البحث عن ضوابط لمثل هالاستخدام
وتقديمها للجهات المعنية ،، علشان يحطون في مقابل استخدام النت
لازم ولابد الاستخدام ما يكون مخل بالاداب لأنه حزتها بتكون هناك عقوبات ،،
هذا ما كنت اقوله واكرره . يجب على الجهات المختصه المبادره في صياغة القوانين وتعديلها بما يتناسب مع عاداتنا وتقاليدنا وقيمنا الاسلاميه . على اعتبار اننا الحلقة الاقوى التي يمكنها ان تجبر الاخر على الانصياع لمطلبنا .
والا سنرى العجب من تصرفات الخدم وكل ذلك يجري تحت سمعنا وبصرنا دون ان نحرك ساكن لاننا مكبلين بشروط وقوانين تخنقا لدرجة البكاء .
بس السؤال اللي يطرح نفسه وبقوة ،،
هل هناك عقوبات تطال عيالنا من قبل قوانينا الدولة لو الواحد فيهم
مسوي صفحات مخلة بالأداب مثل صفحات المثيليين والاخوانية والبويات
والعروض والطلبات اللي تقدم فيها ؟!!
او انه يعرض صور عارية ؟ سواء في افاتاره او ضمن مشاركاته ؟!!
لا اعتقد . الا أذا تمت أدانته تحت تهمة شبيه . اي ان الجهة المختصه تكيف الاتهام قانونيا بطريقة شرعية . او اذا كان هناك نص قانوني صريح يدين ذلك الفعل .
شيخ الديرة
04-11-2013, 08:24 PM
حيرتني مشاركتك, من جهة تقول
عفوا شيخ الديره قياسك خاطئ .
ثم تقول
من ناحيتي انا أرفض رفض تام وجود جولات لدى الخدم وهذا ما اطبقه في منزلي . وهذا اعتبره تعسف
هدفي يتفق مع هدفك, ماهي نتائج تواصل خادمتي أجتماعيا مع أهلها؟ قهر وكأبه وماما تبي فلوس وبابا يبي فلوس
أما تواصلها مع الغرباء, فلا أريد أن أزيد على ما بان في المشاركات السابقة
القبطان سلفر
04-11-2013, 09:04 PM
حيرتني مشاركتك, من جهة تقول
ثم تقول
هدفي يتفق مع هدفك, ماهي نتائج تواصل خادمتي أجتماعيا مع أهلها؟ قهر وكأبه وماما تبي فلوس وبابا يبي فلوس
أما تواصلها مع الغرباء, فلا أريد أن أزيد على ما بان في المشاركات السابقة
اخي الكريم شيخ الديره ليس في الموضوع حيره ابدا . لانني ذكرت انني مع استخدام برامج التواصل الاجتماعي وهو من حق للعامل . ولكن انا شخصيا امنع ذلك والجوال لانني استخدم حقي بطريقه تعسفيه في منعهم من ذلك .
يعني من وجهة نظر انسانية وقانونية مواقع التواصل الاجتماعي والجوال حق للعامل . ولكنني وخوفا من الاضرار التي يمكن ان تلحق بي بسبب ذلك ولعدم وجود قانون يحميني من التبعات المترتبه من سوءاستخدام العامل لتك الوسائل . أضطر الى استخدام حقي التعسفي في منع العامل من استخدام الفيس بوك او الجوال .
اتمنى الالتباس زال .
بوخالد911
04-11-2013, 09:46 PM
ما شاء الله عليكم
عيل الخدم من حقهم يكون عندهم شبكات التواصل الاجتماعي !!!
والزوج والزوجة هم اللي يقومون بشغل البيت صح ؛)
صح
:telephone:
هذا يسمووونه تبادل الأدواررررررررررررر
:secret::eek5::omg:
بوحارب
04-11-2013, 09:49 PM
صح
:telephone:
هذا يسمووونه تبادل الأدواررررررررررررر
:secret::eek5::omg:
لتس كونكت :omen2:
hot2000
04-11-2013, 11:45 PM
اغلب المشاكل التي تأتي من الخادمات التلفونات
واكبر مشكلة الفيس بوك
romoz
05-11-2013, 01:12 AM
انزين عندي تساؤل
انا اكتشفت ان خدامتي عندها جوال غير الجوال اللي انا معطيتها
خط فودافون و مسوية حساب فيس بوك
صورها عادية
بس المشكلة انها تصور اغراضنا و تكشخ فيها ، عشان چذي سحبت التلفون منها
افكر حاليا اني ارجع التلفون لها ، خصوصا لما اشوفها تطالعني و انا ماسكة تلفوني و اتواصل مع اهلي فاحس بإحساسها انها بعيدة من اهلها خصوصا اني جربت البعد و ذقت مرارة الغربة
و اللي مخليني اتردد خوفي انها تتردى في شغلها خصوصا انها ممتازة
افكر اعطيها التلفون اللي فيه نت كل ويك إند ، و باقي الاسبوع يكون عندي
شبح الصمت
05-11-2013, 08:10 AM
انزين عندي تساؤل
انا اكتشفت ان خدامتي عندها جوال غير الجوال اللي انا معطيتها
خط فودافون و مسوية حساب فيس بوك
صورها عادية
بس المشكلة انها تصور اغراضنا و تكشخ فيها ، عشان چذي سحبت التلفون منها
افكر حاليا اني ارجع التلفون لها ، خصوصا لما اشوفها تطالعني و انا ماسكة تلفوني و اتواصل مع اهلي فاحس بإحساسها انها بعيدة من اهلها خصوصا اني جربت البعد و ذقت مرارة الغربة
و اللي مخليني اتردد خوفي انها تتردى في شغلها خصوصا انها ممتازة
افكر اعطيها التلفون اللي فيه نت كل ويك إند ، و باقي الاسبوع يكون عندي
هذه كلمتنا اخاف يتردى شغلها
اخاف انها تسوي شيء
اخاف انها وانها
ليش نخاف منهم على اي اساس مع احترامي انا مش انسان ما احب الخدم احترمهم واحترم عملهم ولكن تحفظي على نقاط كثيرة لهم وامور نراها ونسمعها وفي اشياء لمسنها منهم ضرتنا لو استمرت ..
سمعيني جلسي معاها وقولي لها انا بعطيج التلفون لكن
واحد
اثنين
ثلاثة
اشرحي لها عجبها الوضع عجبها ما عجبها ترى بلادها تنتظرها ورزقها اهي الي بتقطعه وترى محدن بيموت اذا ما عندها فيس بوك والا تويتر والا والا اشياء أخرى ..
ناس وايد غيرهم ما عندهم هالسوالف
دامج قايمه فيها تعطينها وقت راحة واطلعينها وتشترين لها مهب مقصرة معاها خلاص سايريها بس حاولي انج توصلين لها رسالة وتفهمها
لي متى الخوف
الفا برافو
05-11-2013, 09:22 AM
دريولي انباق تلفونه ونا بحسن نيه رحت خذت له تلفون نوكيا عادي.. الا يقولي شكرا بابا انا مايبي ؟؟ ليش يا مسرور.. قال بابا مافي انترنت مايبي !!! سألته حق شنو تبي انترنت .. قال سوي تلفون بلاد مع فايبر!! ومنشان واتس اب !! @@
يعني التكنولوجيا للجميع !!!
هذه كلمتنا اخاف يتردى شغلها
اخاف انها تسوي شيء
اخاف انها وانها
ليش نخاف منهم على اي اساس مع احترامي انا مش انسان ما احب الخدم احترمهم واحترم عملهم ولكن تحفظي على نقاط كثيرة لهم وامور نراها ونسمعها وفي اشياء لمسنها منهم ضرتنا لو استمرت ..
سمعيني جلسي معاها وقولي لها انا بعطيج التلفون لكن
واحد
اثنين
ثلاثة
اشرحي لها عجبها الوضع عجبها ما عجبها ترى بلادها تنتظرها ورزقها اهي الي بتقطعه وترى محدن بيموت اذا ما عندها فيس بوك والا تويتر والا والا اشياء أخرى ..
ناس وايد غيرهم ما عندهم هالسوالف
دامج قايمه فيها تعطينها وقت راحة واطلعينها وتشترين لها مهب مقصرة معاها خلاص سايريها بس حاولي انج توصلين لها رسالة وتفهمها
لي متى الخوف
لازم نتخلص من عقدة الإحساس بالذنب كون ضروفهم اضطرتهم يكونوا خدم هذا مش بسببنا،،، بالعكس قدمنا لهم فرصة عمل ، يعني ما استقدمناهم من بلادهم غصب .
الغربة مش مببرر لسوء الأخلاق، والنسبة لموضوع التواصل مع الأهل ما حد منعهم ،،،،، المشكلة انهم يستغلونها بشكل خاطيء.
ام السعف
05-11-2013, 01:39 PM
هذه المرة أُخالفك الرأي. أنا في عملي يحجبون مواقع التواصل الإجتماعي والإيميل من حاسبات الشركة، ولكن هذا لا يعني بأي حال من الأحوال إنتهاك حقوقي الإنسانية، وإنما صاحب العمل إرتئى إن هذه المواقع قد تؤثر على مستوى الإنتاجية أو تعرضه للمسائلة القانونية. الخادمة تعمل عندي، وأنا أقرر شروط العمل.
من حقك تخالف ومن حقك تمنع عنها النت ،،
لكن مع الايام مثل هذا الحق لن يكون من حقك اخوي شيخ الديرة ،،
فلو كل خادمة يات وقالت انا عندي جوالي وابي استخدم النت وانت
ما تبي تعطيها النت ،، وقالت باستخدم النت من حسابي وتعبي شهريا
ما يخليها تستفيد من الاتصالات والتواصل عبر النت او الابحار في النت
القانون راح يعطيها هالحق ،،
فسؤالي كان كم خادمة ممكن نرفض لها هالحق ؟
ام السعف
05-11-2013, 01:43 PM
اي عبودية يا خالتي الله يهديج
وش يسوى عالواحد إذا شاف صور أهل بيته في النت بسبب الخدم
انا اكثر واحد اقدر الخدم بس في سالفة النت لا لا لا
يعني اتصالها بالنت لازم يكون وراه انها تحط صور هل البيت في النت ؟
المهم ،، القوانين قاعدة تصاغ وبيكون من حقهم انهم يستخدمون النت في البيوت
حزتها لازم نشوف لنا طريقة نمنعهم يصورون هل البيت ،،
واقترح المرأة ما تمشي من غير غطا كااامل في البيت الا في غرفتها الخاصة :secret:
بوحارب
05-11-2013, 01:59 PM
يعني اتصالها بالنت لازم يكون وراه انها تحط صور هل البيت في النت ؟
المهم ،، القوانين قاعدة تصاغ وبيكون من حقهم انهم يستخدمون النت في البيوت
حزتها لازم نشوف لنا طريقة نمنعهم يصورون هل البيت ،،
واقترح المرأة ما تمشي من غير غطا كااامل في البيت الا في غرفتها الخاصة :secret:
ههههههههههههه
لا مب شرط أنها تنزل صور البيت بس الحذر واجب
حلوة فكرتج هههههه
نور الحور
05-11-2013, 08:58 PM
عفوا شيخ الديره قياسك خاطئ .
انت في العمل أجير لساعات محدده يحدد شروطها صاحب العمل ( الجهة الحكومية ) وهذا من حقه ولكن بعد إستيفاء تلك الساعات يحق لك استخدام الكمبيوتر او الدخول لمواقع التواصل الاجتماعي . يعني المسألة ليست على الاطلاق . فهل تطبق نوعية ذلك المنع على الخدم أم ان المسألة مفتوحة ومستمره طول الوقت من جهتك ؟
من ناحيتي انا أرفض رفض تام وجود جولات لدى الخدم وهذا ما اطبقه في منزلي . وهذا اعتبره تعسف في استخدام الحق ولكن هي وسيلة مهمة لحماية بيتي وخصوصيتي في ضل غياب قوانين فعالة تحميني انا واسرتي .
أنا (متعسفة) بعد .. مثلك قبطان :victory:
حرمة البيت لها أولوية كبرى بالنسبة لي .. ومثل ما قلت لا توجد قوانين تحمينا لو صار شي !
أم محمد 90
06-11-2013, 09:48 AM
اختي ،
انا اشوف اذا الخدامة زينة وشغلها زين وامينة ع البيت خليها
اعنبو عاد الحريم ، تبون خدامة مثالية
ماتشوف
ماتسمع
ماتتكلم
كانها روبوت الي !
الخدامة بشر حالها حالج !
ولا تنسين انها بعيدة عن اهلها وناسها وجاية عشان 1000 ريال
الالف ريال الحين نقطها ع المكياج والعطورات والثياب
وهي تعيشها شهر كامل
رفقاً بالخدم ، خلاص اكتشفتي عندها فيس بوك حتى لو تنزل صورة غير اخلاقية هاي شي خاص فيها
دام انا عندي موظف ملتزم ويسوي شغله
وبرع الشغل يروح حفلات وغيره مايخصني فيه
اهم شي يسوي شغله !
احمدي ربج باجر تجيج خدامة قاسية ع اليهال ولا بواقة ولا غيره :)
الحاقول
06-11-2013, 09:56 AM
خدامتنا عندها فيسبوك وتنزل صورها عادي
أنا (متعسفة) بعد .. مثلك قبطان :victory:
حرمة البيت لها أولوية كبرى بالنسبة لي .. ومثل ما قلت لا توجد قوانين تحمينا لو صار شي !
وانا متعسفة فوق ماتتصورين انا حتى الموبايل ارفضه للشغالة وهالشي من قبل لا تجي من بلادها اكون مفهمتها ، والحمد لله وربي يديم علي هالنعمة ، مالهم عندي الا المعاملة الحسنة والاحترام ، حتى عيالي مارضى يغلطون عليهم وحتى هالنزغة بنتي ماتسمي الشغالة الا ناني ارفض كلمة خدامة تماما ، وماجات من تلفون وفيس بوك عشان ترضى علي عساها مارضت :)
اختي ،
انا اشوف اذا الخدامة زينة وشغلها زين وامينة ع البيت خليها
اعنبو عاد الحريم ، تبون خدامة مثالية
ماتشوف
ماتسمع
ماتتكلم
كانها روبوت الي !
الخدامة بشر حالها حالج !
ولا تنسين انها بعيدة عن اهلها وناسها وجاية عشان 1000 ريال
الالف ريال الحين نقطها ع المكياج والعطورات والثياب
وهي تعيشها شهر كامل
رفقاً بالخدم ، خلاص اكتشفتي عندها فيس بوك حتى لو تنزل صورة غير اخلاقية هاي شي خاص فيها
دام انا عندي موظف ملتزم ويسوي شغله
وبرع الشغل يروح حفلات وغيره مايخصني فيه
اهم شي يسوي شغله !
احمدي ربج باجر تجيج خدامة قاسية ع اليهال ولا بواقة ولا غيره :)
أختى أم محمد ، احترم رأيك بس ما اتفق معاكي
يعني أنا شو مسويتلها؟؟! ما قطعتلها راسها، حتى صوت ما صرخت عليها، بس أنا من حقي ارفض وجودها في بيتى
واذا كان أهم شي تسوي شغلها فهو مش بيرفكت يعني لازم اتابعها واذكرها طول الوقت ولا هي من نفسسها ما تسوي.
لا اخلاق ولا شغل ،،، كانت كاسرة خاطري أقول مسكينة خليها تترزق ....طلعت ما تستاهل:)
pink pearl
06-11-2013, 11:42 AM
خدامه اختي عندها فيسبوك وتنزل صورها عادي اشعلينا منها الفلبينيات كلهم يعرفون للنت وينزلون صور
خدامتنا معطينها لاب توب واكسيس كامل على النت رغم انها جاهله بس تعلمت لوحدها وعرفت تتصفح وتنزل برامج وكل شي بس مطوعه كله تقول لي علميني افتح القران شلون
لا ياأختي علينا منهم وبس.. هل لو تهورت وتجاوزت جدودها في بيتهج بتقولين شعلي منها؟؟؟
احنا جايبينهم وندفع لهم رواتب لكن فيه حدود يلتزمون فيها حتى لو كانت غير مسلمة.. والله محد خربهم غير هالكلمة اللي تقولونها !
ام السعف
06-11-2013, 12:03 PM
وانا متعسفة فوق ماتتصورين انا حتى الموبايل ارفضه للشغالة وهالشي من قبل لا تجي من بلادها اكون مفهمتها ، والحمد لله وربي يديم علي هالنعمة ، مالهم عندي الا المعاملة الحسنة والاحترام ، حتى عيالي مارضى يغلطون عليهم وحتى هالنزغة بنتي ماتسمي الشغالة الا ناني ارفض كلمة خدامة تماما ، وماجات من تلفون وفيس بوك عشان ترضى علي عساها مارضت :)
مب متفقين في هذي :(
طلعت الاختلافات السبعة بيننا ،،
عني لو بيدي كان خذت لهم جواويل ذكية ،،
بس بو فلان مانع علي اخذ لهم اي جوال ذكي او اعطيهم اي جوالي
ذكي من اللي عندي ،، فقلت له زين خذ لهم جواويل على كيفك ،،
خذ لهم نوكيا هم اطلبوه ما ادري اذا فيها كاميرات ولا لا ،،
الاهم ان وحدة منهم ردت لي الجوال النوكيا الوردي اللي فيه كيمرة
علشان يصير عندها نفس جوال الخدامة اليديدة النوكيا الصغير :(
بغيت اذبحها من القهر بس قلت ذوقها وهي كيفها ،،
مب متفقين في هذي :(
طلعت الاختلافات السبعة بيننا ،،
عني لو بيدي كان خذت لهم جواويل ذكية ،،
بس بو فلان مانع علي اخذ لهم اي جوال ذكي او اعطيهم اي جوالي
ذكي من اللي عندي ،، فقلت له زين خذ لهم جواويل على كيفك ،،
خذ لهم نوكيا هم اطلبوه ما ادري اذا فيها كاميرات ولا لا ،،
الاهم ان وحدة منهم ردت لي الجوال النوكيا الوردي اللي فيه كيمرة
علشان يصير عندها نفس جوال الخدامة اليديدة النوكيا الصغير :(
بغيت اذبحها من القهر بس قلت ذوقها وهي كيفها ،،
مهو لازم تطلع بينا اختلافات شي طبيعي
ام السعف
06-11-2013, 05:56 PM
مهو لازم تطلع بينا اختلافات شي طبيعي
:shy:
الزعفراني
06-11-2013, 11:45 PM
اللهم لك الحمد ... لا خدامه ولا سائق .. والله لا يحدني على الحاجة لهم .. كان الله في عون من ابتلاه الله بشر الخدم :)
بوحارب
06-11-2013, 11:53 PM
توني ماعطي خدامتي الجديدة نوكيا بوليت
ومنبه عليها من المكتب ان مافيه استعمال للنت داخل البيت
جمالو :eek2: :thumbup:
توني ماعطي خدامتي الجديدة نوكيا بوليت
ومنبه عليها من المكتب ان مافيه استعمال للنت داخل البيت
جمالو :eek2: :thumbup:
:thumbup::strong2:
بـن عدوان
07-11-2013, 02:27 PM
مافيها شي احنا الفلبنيه الي عندنا عندها فيس بوك وتلعب لعبه المزرعه لا واشغلها بعد في مزرعتي تسقي لي الزرع واطرش لي خشب:shy:
هههههههههههههههههه
ضحكتني والله ههههههههههه
UmmAzoz
07-11-2013, 06:35 PM
تعرفين ليش لانه عينج تراقبهم
بس البعض مخلي عيونه على جمب ما يبي يشووف او بالاصح ما يبي ينصدم من الي بيشوفه
:nice:
صح في بعضهم مثل ما تقول بعضهم يعطون مع المراقبه انا الصراحه ما اخليها واقول لها دايما تبين بنقل كفالتج ما راح اسفرج بس جوال في بيتي لا تبين طالعي التلفزيون في المجلس عادي وانا اشتغل وما احن عليها في الشغل فهي مرتاحه معاي عشان كذا تبي تقعد وما تبي تروح بيت ثاني انا اخاف على عيالي من الكبت على الخدامة ما احب تشتغل عندي وحده غصب ما راح ارتاح في بيتي
فــلان
09-11-2013, 02:25 PM
الخدم بشر مثلنا و الدنيا دواره لكل من نظر لهم بعين النقص
لو فكرتي إنك تطبقين نظرية تبادل الكراسي وتوضعين نفسج مكانها وتحسين في ظروفها اللي حدتها على الغربه وترك أهلها و ممكن فلذات أكبادها عشان نهاية الشهر ترمين لها كم ريال ما يكفون حساب طلعة عشاء وهي تنكرف من أول ما تفتح عيونها تعليمات و عمل لين تنتظر تعليمات الذهاب للنوم لعلك ما كنتي كتبتي هذه المشاركه. المشكله أبداً مب فالنت أو الفيس بوك أو غيره. المشكله إنه لعلك ما فكرتي إن هذا حق إنساني بسيط يجب أن لا يتم إنكاره.
تعاملي معاها بالمعروف و طولة البال وخليها من داخلها تحس فعلا ً بالإمتنان لكرم و طيب المعامله وبتشوفين كيف بترتاحين و كيف بيرتفع أداء الخدمه مب كله تحبيس تحبيس و الرزق كله على الله يرزقها و يرزقج ويرزق الكون كله. الرزق مب عند أحد.
(( رفقا ً بهم ))
سلام
شيخ الديرة
09-11-2013, 04:25 PM
مافيها شي احنا الفلبنيه الي عندنا عندها فيس بوك وتلعب لعبه المزرعه لا واشغلها بعد في مزرعتي تسقي لي الزرع واطرش لي خشب:shy:
تشتغل في مزرعتچ على الخشب، لكن هل تعلمين إنها عندها حسابات فيسبوك أخرى تشتغل بيها على فحم أسود ؟
ms-qtr
11-11-2013, 08:43 AM
الصراحة دام تسوي شغلها مالي شغل فيها
كل من عقله في راسه
الحين كلهم عندهم هالسوالف
NeverLand
11-11-2013, 09:53 AM
الخدم بشر مثلنا و الدنيا دواره لكل من نظر لهم بعين النقص
لو فكرتي إنك تطبقين نظرية تبادل الكراسي وتوضعين نفسج مكانها وتحسين في ظروفها اللي حدتها على الغربه وترك أهلها و ممكن فلذات أكبادها عشان نهاية الشهر ترمين لها كم ريال ما يكفون حساب طلعة عشاء وهي تنكرف من أول ما تفتح عيونها تعليمات و عمل لين تنتظر تعليمات الذهاب للنوم لعلك ما كنتي كتبتي هذه المشاركه. المشكله أبداً مب فالنت أو الفيس بوك أو غيره. المشكله إنه لعلك ما فكرتي إن هذا حق إنساني بسيط يجب أن لا يتم إنكاره.
تعاملي معاها بالمعروف و طولة البال وخليها من داخلها تحس فعلا ً بالإمتنان لكرم و طيب المعامله وبتشوفين كيف بترتاحين و كيف بيرتفع أداء الخدمه مب كله تحبيس تحبيس و الرزق كله على الله يرزقها و يرزقج ويرزق الكون كله. الرزق مب عند أحد.
(( رفقا ً بهم ))
سلام
احلى رد بالموضوع :)
:omg::omg:
احلى رد بالموضوع :)
يا فلان ويا never land الموضوع ماله علاقة بالحرية ولا بالغربة , ترى ما حد منعها تتواصل مع أهلها ولا احنا جبرناها على الغربة، الغربة مش مبرر لانحلال الاخلاق,
ولللعلم انا سفرتها أمس وعطيتها كامل مستحقاتها ومكافاءة نهاية الخدمة بعد......
لما واجهتها قالتلي بكل برود ترى هذا عادي عندنا في اندو....... قلتلها بس احنا في قطر وهذا عنا عيب وحرام وأنتي مسلمة . المهم .....طبعا أخذت منها التليفون اللي انا معطيتها اياه وانصدمت :omg::shy: اكتشفت انها داخلة بعلاقة....... مع نفرر في الدوحة .... ما في داعي ادخل في التفاصيل لانها مخجلة......
استغفر الله تكون وحدة مثلها في بيتي ....... لا بارك الله فيها ولا في شغلها
:omg:
يامعشر النساء رفقا بالقوارير
(الخادمات المربيات الحافضات لبيوتكن ولا عيالكن ولا ازواجكن ولسعادته اسرتكن الزوجيه تكن)
:)
ومن الغيره ماتسفر
:weeping:
سمعني انا رديت الى عيونك انا رديت
:)
فقط قطر
12-11-2013, 12:28 AM
تراها بشر مثلكم...يعني انتي عندك فيس بوك..وهي لا...ليش..لانها خادمة فقط..
يمكن تكون هذي الخادمة افضل بكثير عن كثير من الناس...
انتي عليك من شغلها...تحاسبينها اذا قصرت او اذا اخطأت..اما عندها نت او عندها تويتر او.....الخ..اعتقد هذي امور شخصية بحته...
Powered by vBulletin® Version 4.2.5 Copyright © 2024 vBulletin Solutions Inc. All rights reserved.