مرحبآ بالزحمه

[أبو سعود]

الكثير تكلموا عن سلبيات زحمه شوارع الدوحه

ونادر ما تكلموا عن إيجابيات الزحمه

وأردت من هذا الموضوع أن نكتب عن أيجابياتها

لنغير الجو المشحون عليها

وعلى الأحباط الشديد تجاة

وزارة الأشغال العامه وأدارة المرور


من أيجابيات زحمه الشوارع :

أنها تعلم الصبر

وتجعل الشخص يستغل وقته بذكر الله

وتلاوة أو الأستماع لآيات من القرآن الكريم

أو الأستماع لبرامج مفيدة عبر الراديو


كذلك تجعل الشخص يتأمل بما يجري حوله

ويتذكر بمواضيع عديدة


الزحمه جعلت من البعض يؤدون صلاة الفجر

بعد أن كانوا يؤدون الصلاة ألى ما بعد شروق الشمس


الزحمه جعلت الكثير من الناس يفكرون

بالخروج مبكرآ من منازلهم

أي علمتهم على الأستيقاظ المبكر

والحضور المبكر للعمل


ومن أيجابيات زحمه شوارع الدوحه كذلك

أن يستغل الشخص بشحن هاتفه أو هاتف اللي معاه


وكما يقال كل تأخيرة فيها خيرة


على فكرة :

كتبت هذا الموضوع وأنا بالزحمه

[ام ناصر1]

اول شي انا بطلت اسوق تعففا عن صك البريك كل ساعة بالزحمة وغيرها ...ومضبطين لنا ليموزين ..عن حنة السواقين
بس بعد المشوار زاد من ربع ساعة لساعة الا ربع ...فقسمته ..جزء للذكر ...جزء لتصفح النت ..جزء للكتابة ..عن مخطط
اليوم ...

[w.qatar]

السواقه صارت مرهقه اكثر من قبل و هالشي يمكن يقلل عدد البنات اللي ناويين يسوقون هذي ايجابيه بيستانسون عليها بعض الناس

[كازانوفا]

الزحمممممممممممممه نوعا ما علمتني الصبر
بالذات على العاهات اللى اشوفهاااا

[khalid525]

ههههههههه
شكلك واحد من اللي خطط شوراع الدوحة وتبي ترقعع السالفة
عموما فعلا استغلال الوقت بشي مفيد افضل من التوتر

[مافي مثلي]

امس تاريخ 4 الساعه6 المغرب يلعن ابو غيرهها الزحمه من جسر طيبه لين السفاره الامريكيا خذيتها بنصف ساعه مع التزرق ونازل حصى!!! شيء يقهر
قال خط هاي واي مفروض يغيرون اسمه الي ممل واي

[Qtr37]

صحيح ،، ايجابيات الزحمة يمكن تطبيقها عند دوار الشيراتون ،، للأسف تكدس هناك في هذا الوقت،، غصب طلعت منه..
الله يعين

[راجو قطر]

انا شكله بجيني الضغظ من هذي الزحمه وانت تقول ايجابيات

[بوحارب]

الزحمة خلتني اقعد في البيت اكثر من اي وقت مضى :)

[أبو سعود]

انا شكله بجيني الضغظ من هذي الزحمه وانت تقول ايجابيات

صحيح أن الكل ما يتمنون الزحمه

لكن

مثل مافي سلبيات

لابد أن تكون لها أيجابيات

[أبو سعود]

الزحمة خلتني اقعد في البيت اكثر من اي وقت مضى :)

كله خير يابوحارب

ويمكن القعدة بالبيت تخليلك تستمع مع شاي الكرك

أكثر من ماتستمع فيها بخارج البيت

[دنيا الاسهم]

انصحكم بوضع كتاب للقراءة في السيارة عشان الزحمة ،، ماتوصلون مشواركم الا مخلصين الكتاب
منية تكونون تسليتوا ومن ناحية اخرى تثقفتوا ،، ويمكن يخف الضغط ويعلم الصبر :weeping:

[بو سالم]

نشكر الهيئة العامة للتخطيط العمراني بأنها حلت موضوع الزحمة في خط الشمال السريع وتحديدا بين نفق فريق السودان وجسر مدماك

والحل انها حولت رخصة الفلل السكنية واعطت رخص اداري وتجاري حتى المحلات ما لها موقف وذلك في سبيل حل ازمة المرور واتوقع ان الزحمة بتختفي نهائيا بهذا الحل
المفروض ان يسجل هذا الانجاز تاريخيا وهذا يعتبر خطوه هامة في تحقيق رؤية الدولة 2030 وترتيب البلد لاحتضان كاس العالم

باقي كم فلة سكنية لو ملاكهم يستعجلون ويبنون اداري ومحلات علشان يكون الحل جذري جزاهم الله خير

ولا ننسى الحل اللي عملوه قبل سنه عند جسر مدماك كان المبنى اللي في الزواية ( الدرويش الالكترونيات ) دور وعطوه رخصة كذا دور تجاري واداري لحل زحمة السيارات عند الجسر من تحت

مثل ما تفضل صاحب الموضوع ( الذكر هو اهم شي ) وسلامتكم

[ka2ka2]

طيب قطر صغيرة استخدمو السيكل ( الدراجة ):)