نكتة الموسم : مسؤولوا تقطير ليسو قطريين

[قطري2022]

لا نريد التفرقة بين مواطن او مقيم ، فكلنا اخوة ، لكن لنتكلم بواقعية ، وليس بمثالية والهروب من الحقيقة ، كلنا نعلم ان بعض المرؤوسون القطريون او ربما أغلبهم ، يعانون من ظلم رؤسائهم في العمل وخصوصا الرؤساء غير القطريون الذين يحاولون تعطيل تطورهم بشتى الوسائل ، وبطبيعة الحال ، سيبحث الموظف القطري المظلوم عن من ينصفه ، وفجأة ، يفاجئ ذلك المظلوم بان مسؤول التقطير الذي يجب اللجوء اليه ليس قطريا ، هل يعقل ذلك ؟ هل من المنطق ان يتحكم المقيم بمصير المواطن ؟ والطامة الكبرى ، هي ان بعض مدراء الموارد البشرية يثقون بهؤلاء المسؤولون ثقة عمياء كي يهربوا من المسؤولية ، لا تنسوا يا مدراء الموارد البشرية ان بعض المقيمين يكنون حقدا ضغينا على المواطنين بسبب كيفية عيشهم المنعم و ترفهم ، لانهم بشر ، فمنهم من يحمل اخلاقا حميدة و منهم من يحمل اخلاقا سيئة ، ومن الممكن ان ينعكس ذلك الحقد على المرؤوس القطري الذي مصيره بيد ذلك المسؤول عن التقطير ، الا و هو المقيم ، حيث من الممكن ان يحاول احباطه ، او تأخير تطويره ، او الوقوف بجانب المدير الظالم الذي ظلم مرؤوسه القطري (من باب الحقد او من باب الوقوف بجانب مع من هو من بني جلدته ) ، فهل يرضى الله عز وجل بهذا الظلم ؟ ام راحة بال مدير الموارد البشرية اهم من رضا الله تعالى ؟ ارجو اعادة النظر في فريق التقطير بالمؤساسات واختيار من لديهم الضمير من المواطنين وليس من يفتقرون له ، بالاضافة الى تعيين الكفاءات الشابة المتفهمة لرغبات الشباب والاجيال الحديثة ، و ليست الكفاءات من كبار السن اللذين توقفت لديهم عجلة الانتاج بحكم سنهم ومقتنعون بأفكارهم القديمة سواء كانت صائبة أم خاطئة ، من ناحية اخرى ، كفاءة المسؤول لاتحدد باجتيازه لمقابلة ما قبل التوظيف فقط ، بل بمتابعة أداءه والاستماع الى اراء مرؤوسيه ، فهم افضل الاشخاص في تقييمه سواء كان ذلك المسؤول مواطنا او مقيما ، فقد كان سيدنا عمر رضي الله عنه ، يتفقد احوال رعيته بنفسه و ليس بالاعتماد على من هم يعملون معه ، فلا اظن انكم افهم من سيدنا عمر باعتمادمكم على من معكم في تفقد احوال الموظفين .

[الـقـاسـي]

هذي والله المهزله اذا مسئول التقطير مب قطري

[qatarlands]

ماجات على مسؤول التقطير
اغلب روساء الاداريه او القانونيه او وماحولها غالبا يكونون مش قطرين


والله يعين

[Abdulraman]

اكبر غلط انك تحط مسؤل اجنبي على القطرييين

[قطري2022]

هذي والله المهزله اذا مسئول التقطير مب قطري

صح لسانك

[قطري2022]

ماجات على مسؤول التقطير
اغلب روساء الاداريه او القانونيه او وماحولها غالبا يكونون مش قطرين


والله يعين

الله يفتح بصيرة المسؤولين الكبار انشالله و يمشون على نهج الرسول صلى الله عليه و سلم و الصحابة رضي الله عنهم

[أسد الجزيرة]

المشكلة الي حط الاجنبي في هذا المكان و لا حد يرفس النعمة بريوله

[bos3eed]

على اساس مسؤول التقطير عنده صلاحيه يوظف اللي يبغيه, على العموم مدير التقطير بغض النظر عن جنسيته بيحاول يوظف قطريين لان هالشي من اهم اهدافه السنويه واللي عليها يتقيم اداءه الوظيفي. البلا من اللي فوقه ومن مدراء الاقسام اللي اغلبهم متكلين على الاجانب ويخافون يتبدلون بقطريين ويلاقون صعوبه في التحكم فيهم.

[قطري2022]

على اساس مسؤول التقطير عنده صلاحيه يوظف اللي يبغيه, على العموم مدير التقطير بغض النظر عن جنسيته بيحاول يوظف قطريين لان هالشي من اهم اهدافه السنويه واللي عليها يتقيم اداءه الوظيفي. البلا من اللي فوقه ومن مدراء الاقسام اللي اغلبهم متكلين على الاجانب ويخافون يتبدلون بقطريين ويلاقون صعوبه في التحكم فيهم.

انا ما تكلم عن اللي يوظف ، اتكلم عن المسؤول اللي يدرب القطريين والاجانب اللي تحته الي يشرفون على تدريب القطريين ، هم بيوظفون قطريين ، بس هل بيدربون صح ؟ هل بيتركون عنهم سوالف التطفيش ليما القطري يطلع ؟ و طبعا مدراء الادارات الثانية اللي متكلين على الاجانب ، ذيلة ذنبهم اعظم و اعظم و الله يهديهم انشالله ، ناس امعة و ماعندهم لا ضمير و لا شخصية ، مقصة حق الاجنبي ، تلقى الاجنبي يسلك امور هالمدير مع القعدات البذيئة او علاقات محرمة ، او تلقى هالمدير ما يفهم و متعين بواسطة و مايدري و ين الله قاطه من جي الاجنبي يدوسه و يلعب فيه لعب .

[دايموند]

اخوي نكتتك للاسف قديمه """من قدم التقطير

[قطري2022]

اخوي نكتتك للاسف قديمه """من قدم التقطير

كثر الدق يفج اللحام ، و هذا احنا نحاول عل و عسى احد يصحى ضميره .

[+abc]

المدراء الكبار على ماقالوا الدايركتريه ماسكين كذا مكان ومستحيل يشرف عليهم كلهم لكن عنده سلطه مطلقه فتلاقيه يحطهم عشان يشغلهم من بعيد لبعيد ويتامر ويزف ووووووووو
وطبعا اغلب الي متبعين هالنظام ناس وصوليين وعندهم عقدة نقص كبيرة لانهم خذوها بالتملحس ومسح الجوخ

وهالشغلات مايقدر يمارسها على ولد البلاد

[khalid525]

فعلا مهزله اذا مسؤول التقطير مب قطري حتى لو كان مدير الموارد البشرية قطري ، اعتقد مفروض يوقفون هالتصرفات التي تدل على عدم احساس بمسؤلية تجاه المجتمع

[الصغيره]

هههههههههههههههههههههههههههههههههههههههه

اضحك الله سنك كما اضحكتنا

اشوف التقطير مكانك سسسر

[طلعة الروح]

اللي أمر من هذا هو الواسطة ومشاكلها، اللي حطت لنا اللي يسوي واللي مايسوى مدير ادارة ومسؤول ورئيس قسم، لأن اللي اشتغل بالواسطة وعارف أصلا انه مب كفؤ للوظيفه فكرته عن ان كل شي لازم يحصل عليه الناس والموظفين اللي تحته بالواسطة والمصالح مب بالجهد او بالكفاءه،،،

[+abc]

اللي أمر من هذا هو الواسطة ومشاكلها، اللي حطت لنا اللي يسوي واللي مايسوى مدير ادارة ومسؤول ورئيس قسم، لأن اللي اشتغل بالواسطة وعارف أصلا انه مب كفؤ للوظيفه فكرته عن ان كل شي لازم يحصل عليه الناس والموظفين اللي تحته بالواسطة والمصالح مب بالجهد او بالكفاءه،،،

فعلا والله العظيم صدقت بكل حرف والمصيبة انهم بكل سخافة يقولون انها ارزاق وانهم اصلا مايبون هالمناصب

[قطري2022]

المدراء الكبار على ماقالوا الدايركتريه ماسكين كذا مكان ومستحيل يشرف عليهم كلهم لكن عنده سلطه مطلقه فتلاقيه يحطهم عشان يشغلهم من بعيد لبعيد ويتامر ويزف ووووووووو
وطبعا اغلب الي متبعين هالنظام ناس وصوليين وعندهم عقدة نقص كبيرة لانهم خذوها بالتملحس ومسح الجوخ

وهالشغلات مايقدر يمارسها على ولد البلاد

ماهو شالفايدة اذا ماسك اكثر من مكان و مقصر مع بعض هالاماكن اذا مب كلها ، بدل ما يمسكونه اربع اماكن يمسكونه مكانين و يضبطهم و ينصف المظلومين اللي فيهم بدل ما يتكل على المسؤول الظالم اللي تحته .

[ام محمد2012]

هذي والله المهزله اذا مسئول التقطير مب قطري
لا هنت على هالكلام

[New Vision]

هههههههه وانا اقول ليش اكثر شباب قطر عاطلين عن العمل

[قطري2022]

اللي أمر من هذا هو الواسطة ومشاكلها، اللي حطت لنا اللي يسوي واللي مايسوى مدير ادارة ومسؤول ورئيس قسم، لأن اللي اشتغل بالواسطة وعارف أصلا انه مب كفؤ للوظيفه فكرته عن ان كل شي لازم يحصل عليه الناس والموظفين اللي تحته بالواسطة والمصالح مب بالجهد او بالكفاءه،،،

صح لسانج ، ويقولج المثل اذا كان رب البيت بالدف ضارب فشيمة اهل بيته الرقص .

[قطري2022]

فعلا والله العظيم صدقت بكل حرف والمصيبة انهم بكل سخافة يقولون انها ارزاق وانهم اصلا مايبون هالمناصب

صح هو مايبي المنصب لكن هددوه اذا ما بتاخذ المنصب بنذبح ولدك :) فمن جذي اضطر انه يرضخ لامرهم و لا هو اصلا رجال طيب :)

[قطري2022]

هههههههه وانا اقول ليش اكثر شباب قطر عاطلين عن العمل

ماهو اذا اشتغلو القطريين الاجانب المساكين اش بيسوون ؟ فلازم نضحي علشانهم :)

[imation]

,





والله هالوضع يخلي الواحد يحس انه رجع على ايام بداية اكتشاف النفط , يوم كانوا المسؤلين عن تشغيل ابهاتنا اجانب




,

[قطري2022]

,





والله هالوضع يخلي الواحد يحس انه رجع على ايام بداية اكتشاف النفط , يوم كانوا المسؤلين عن تشغيل ابهاتنا اجانب




,

مشكلة المسؤولين الكبار ليلحين على بالهم ان الاجنبي العربي او الغربي او الاسيوي يفهم اكثر من القطري ، لكن اقسم بالله لما اشتغلنا معهاهم لقينا فيهم ام الغباء ، ترى الذكاء و الخبرة و الاخلاق مب بالجنسية ، يعتمدون على الشخص نفسه ، ترى التعليم دخل قطر من ستين سنة او اكثر ، و الهسنين تكفي انها اتطلع عباقرة و نوابغ ، لكن اذا المسؤولين مب واثقين في نفسهم فاشلون بيوثقون في الاصغر منهم ، على بالهم عقول الشباب وقفت مثل ما صار مع عقولهم .

[BoFahed]

تذكرت مدير تقطير عربي مقيم في احدي الشركات الكبيرة شبه الحكومية كان كله ينتقد وبكل وقاحة وحقد يقول للموظفين انتو مدلعين انتو شنو تشتغلون ????? الجواز هو اللي شغلكم وياما لعب و وقف ترقيات لشباب مستحقين مرشحينهم اداراتهم لانهم ما ينفخونه ويعطونه علا راسه وياما شباب تهاوشو معاه بس خلوه لانه كان ماسخ جوخ الراس الكبيرة الاجنبي وبالخير ظهر الحق وطيروه

[قطري2022]

تذكرت مدير تقطير عربي مقيم في احدي الشركات الكبيرة شبه الحكومية كان كله ينتقد وبكل وقاحة وحقد يقول للموظفين انتو مدلعين انتو شنو تشتغلون ????? الجواز هو اللي شغلكم وياما لعب و وقف ترقيات لشباب مستحقين مرشحينهم اداراتهم لانهم ما ينفخونه ويعطونه علا راسه وياما شباب تهاوشو معاه بس خلوه لانه كان ماسخ جوخ الراس الكبيرة الاجنبي وبالخير ظهر الحق وطيروه

ظهر الحق بعد مااحبط ناس و عور قلوبهم ، و اتوقع محد عوضهم عن الظلم اللي جاهم و لا عن الترقيات الي راحت عليهم ، شوف اشكر بعض المسؤولين الكبار مقصة و ملطشة حق الاجنبي ، الله ياخذ الحق من المسؤولين الكبار المقصة الي مب كفو لمناصبهم ، بس فالحين يقولون احنا نشجع التقطير وهم مايدرون وين الله قاطهم والاجنبي مكمل طريقه في الدوس عليهم واللعب فيهم على كيفه .