في بيتنااااااا عوانس ...

[Nojoom]

السلام عليكم

نعم في بيتنا عوانس اقولها بصوت عالي

بيتنا مثل بيتكم ومثل بيت الكثير غيرنا فيه عوانس
ليش نستحي من هذي المشكله ؟

يتقطع قلبي وانا اشوف اختي حياتها بلا هدف
البنات الي في جيلها منهم من تزوج ومنهم من انجب وصارت أم وهي للحين حياتها روتينيه

البنت ماتقدر تقول بصوت واضح " ابي اتزوج "

لان بمجتمعنا وبعاداتنا عيب تقول هذا الكلام

لكن الاخ والاب وولي الامر لابد يحس بالي يحسون فيه اهلهم

نعم هي مشكله اجتماعيه ومشكله كبيره بعد
اختي واختك

من حقها تعيش حياتها الطبيعيه تكون زوجه وتكون أم هذي هي فطرتها.

احنا دوم نكتفي بقول الزواج قسمه ونصيب

نطبطب على نفسنا ونحاول نخدع نفسنا ان هذا شي عادي
تنطرح مواضيع كثيره ودراسات كثيره عن نسبة العنوسه وطرق حلها .

ولكن مافي اراده قويه لحل هذي المشكله

البنات قاموا يلجؤن الى الخطابات والمواقع الي مهتمه بالزواج .

وكل وحده فيهم ماتبي احد يدري عنها
ليش ؟؟ لانه عيب ؟

البنت من داخلها تحاول وتتمنى انها تتزوج

هو البحث عن الاستقرار ؟
او
البحث عن احساس الامومه ؟
او
الهرب من نظرة المجتمع لها ؟

او كل ماذكرته مجتمعين


في دول ثانيه مشاكل العنوسه قهريه مرتبطه بمشاكل صعبه
مثل الفقر والمشاكل الاقتصاديه
عندنا في قطر الحمدلله عايشين في نعمه وخير وبعض البنات الي الله ماكتب لهم الزواج بروحهم يقدرون يفتحون بيت .


ادري بتوصلني انتقادات كثيره من الاعضاء
لان الي قاعد اتكلم فيه يعتبره البعض خط احمر

يعرف انها مشكله لكن مايبي يتخذ اي خطوه لحلها

انا طرحت الموضوع على شان اقول ان صاحبة المشكله ليست فقط العانس .

احنا كذالك اخوانها واهلها نتحمل جزء من المشكله .

قد نكون احنا سبب عنوستها
حتى لو ماصدر منا اي قرار يعترض طريقها في الزواج
سكوتنا فقط وعدم احساسنا في مشكلتها هو بحده ظلم لها



والله ما كتبت هذا الموضوع الا من قهري ..

اتمنى كل واحد يتخيل انه مكان اخته الي ماصار لها نصيب وتزوجت .

كيف بيكون شعورك ؟

ماتبي حياه ؟ ماتبي استقرار ؟ ماتبي عيال ؟

اذا انت ماتبي تعيش


الله يسامحني على الايام الي طافت الي انشغلت فيها بنفسي وتفكيري بس في حياتي .

انا امتلك الاراده القويه والواضحه للمساهمه في معالجة هذي المشكله


ابي منكم الحلول مابي منكم الانتقاد وعيب ..الخ


لاني مقتنع في الي كتبته

شنهو الي ممكن يقدمه الاخ او ولي امر البنت في مساعدتها على الزواج ؟

شنهو تتمنى الاخت من اخوها او ولي امرها ؟

اتمنى اسمع ارائكم وخاصه من البنات

لان فعلا الموضوع يهمني

[رهج السنابك]

شعور جميل انك تحس بهالاحساس وهذا دليل حبك لخواتك في وايد غيرك ميتين بلا احساس خاصة الاخ المتزوج المستقر مايفكر بخواته واخر همه واذا تقدم خاطب حطوا فيه مليون عذروب الا مب من قبيلتنا الا كرشه كبير الا اعرج الا مدري شنو وغالبها اسباب تافهه

لكن تقول تقدر تساهم بالعلاج شلون وكيف؟!

[السكين]

موضوع هادف جداً

وبالفعل البنت ما تقدر حتى تتألم من حالها ، الله يفرح كل وحدة ويرزقها .

المطلوب هو أن يضع ولي الأمر مكانه في محل من يتقدم لخطبة أي بنت ، لا يصعب الأمور ولا يطلب المستحيل ولا يدقق بأدق التفاصيل ولا يتلاعب بحياة بنت لمجرد عقلية متحجرة ، المجتمع لا يرحم والأيام لا ترجع للوراء .

الله المستعان .

[عاشق العديد]

لي رجعـه لـك ..

لكن سؤال .؟ هل انت بتخطب لختـك ,. يعني هل انت بتروح لحد وبتقوله والله اختي للزواج .؟

كلامك صحيح عن الظلم وعن الحياه .. وهي تتمنى هذا شي .. وهذا صحيح اميه بالميه ..

لكن نصيبها ماجاء .. الي ربي كاتبه بيصير انت شوف لها الخير وربي مانساها لاتخاف ..
اهم شي لو احد تقدم حاول تبحث عن سلوكه واخلاقه عشان توفر حياه هنيئه ..
لكن اذا نصيبها ماجاها الله بيكتب لها الاحسن والاحسن ..ولي رجعه

[moon_night]

ليش ينتقدونك ؟؟ انت تتكلم بصراحه وبالعكس لازم ماتخاف من الانتقادات لانك قاعد تفكر في المشكله والحلول

[العلم]

سؤال :


متى عرفيا نطلق على الوحده إنها عانس ؟

[رهج السنابك]

موضوع هادف جداً

وبالفعل البنت ما تقدر حتى تتألم من حالها ، الله يفرح كل وحدة ويرزقها .

المطلوب هو أن يضع ولي الأمر مكانه في محل من يتقدم لخطبة أي بنت ، لا يصعب الأمور ولا يطلب المستحيل ولا يدقق بأدق التفاصيل ولا يتلاعب بحياة بنت لمجرد عقلية متحجرة ، المجتمع لا يرحم والأيام لا ترجع للوراء .

الله المستعان .



اكبر تصعيب غبي وتافه وينم عن عقليه متحجره مسأله لا والله مب من قبيلتنا !!
منو قايل قبيلتكم منحدره من عرق سامي خايفين عليه يختلط بغيره
عادي الوحده تقعد للاربعين عند بعض الناس ولا تاخذ انسان صالح لانه من قبيله او عايله ثانيه!!
قمة التخلف

[تأملات]

المشكلة تحولت الى ظاهرة ولكن افضل الحلول هو
الدعاء دعاء لمن تأخرت عن الزواج وتريد زوج صالح - دعاء للزواج

اللهم زدني قرباً إليك..اللهم زدني قرباً إليك..اللهم زدني قرباً إليك..اللهم اجعلني من الصابرين..اللهم اجعلني من الشاكرين..اللهم اجعلني في عيني صغيرا.. وفي أعين الناس كبيرا...
.اللهم اغفر ذنبي وطهر قلبي وحصن فرجي...اللهم سخر لي زوجا صالحا..اللهم جمله في نظري وجملني في نظره.... يا أرحم الراحمين..يا ذا الجلال والإكرام...اللهم آمين

يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم الراحمين


اللهم ارزقني بزوج صالح ..تقي ..هني ..عاشقا لله ورسوله .. ناجح في حياته .اكون قرة عينه وقلبه ويكون قرة عيني وقلبي "

اللهم يا جامع الناس ليوم لا ريب فيه اجمع بيني وبين زوجي اللي يكون غني بدينه واخلاقه وماله ويهنيني ويسعدني ويفرح قلبي

يا من أمره بين الكاف والنون وإذا أراد شيئاً قال له كن فيكون ارزقني بزوج صالح وذرية صالحة تقر بهما العيون

يا ودود يا ودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزقني الزوج الصالح والذرية الصالحة الطيبة

يارب ارزقني ولاتحرمني وسكن نفسي واسترني في الدنيا والاخرة وأغنني بحلالك عن حرامك

يارب يا رحيم يا قادر على كل شي يا ذا الجلال و الإكرام أن ترزق جميع بنات المسلمين زوجة صالحا عاجلا غير آجل

اللهم هب لي من لدنك زوجاً هيناً ليناً ديناً مرفوع ذكره في السماء والأرض وارزقني منه ذرية صالحة طيبة عاجلاً غير آجلاً إنك سميع الدعاء ... اللهم ارزقني زوجاً تقياً نقياً مخمون القلب ....


اللهم أني أسألك زوجاً صالحاً ممن ترضاه من الرجال عندك وممن تقر به عيناي وعيناه تقربي

" اللهم اقذف في قلبي رجاؤك و اقطع رجائي عمن سواك ، حتى لا أرجو أحدا غيرك ، اللهم ما ضعفت عنه قوتي و قصر عنه علمي و لم تبلغه مسألتي و لم تنته إليه رغبتي مما أعطيت أحدا من الأولين أو الأخرين فخصني به يا أرحم الراحمين"

اللهم اشرح صدور اولاد ادم وبنات حواء اللهم ارزقني الزوج الصالح الذي تحبه وترضاه

اللهم اني اشكو اليك ضعف قوتي وقلة حيلتي وهواني عن الناس انت ارحم الراحمين ورب المستضعفين وانت ربي الى من تكلني ؟ الى قريب يتجهمني ام الى عدو ملكته امري ان لم يكن بك علي غضب فلا ابالي غير ان عافيتك هي اوسع لي اعوذ بنور وجهك الذي اشرقت به الظلمات وصلح عليه امر الدنيا والاخره ان ينزل علي غضبك او يحل بي سخطك لك العتبى حتى ترضى ولا حول ولا قوة الا بك"
اللهم يافارج الهم وياكاشف الغم ياربنا ورب كل شي ومليكه سبحانك تباركت وتعاليت اللهم اني اسالك بانك انت الله الواحد الاحد الفرد الصمد الذي لم يلد ولم يولد ولم يكن له كفوا احد اللهم فرج كربنا واكشف غمنا وارزقنا من حيث لا نحتسب الله باسمك الوهاب الرزاق ارزقني واخواتي بالزوج التقي النقي انك على كل شي قدير

اللهم ارزقنا فى صلاتنا ودعائنا بركة تطهر بها قلوبنا وتكشف بها كربنا وتغفر بها ذنبنا وتصلح بها أمرنا وتغنى بها فقرنا وتذهب بها شرنا وتكشف بها همنا وغمنا وتشفى بها سقمنا وتقضى بها ديننا وتجلو بها حزننا وتجمع بها شملنا وتبيض بها وجوهناوتجمع بيبننا وبين ازواجنا عاجلاا غير اجل وتعجل نصيبن
يا أرحم الراحمين.

وأسألك بأسمائك يا جليل، يا جميل، يا كفيل، يا عزيز، يا لطيف، يا مليك، يا ظهير، يا منير، يا نصير، يا معين. لا إله إلا أنت سبحانك إنى كنت من الظالمين. سبحانك لا إله إلا أنت الغوث الغوث
يا دليل المتحيرين، يا غياث المستغيثين، يا صريخ المستصرخين، يا أمان الخائفين، يا عون المؤمنين، يا راحم المساكين، يا مجير المستجيرين، يا ملجأ العاصين. لا إله إلا أنت سبحانك إنى كنت من الظالمين. سبحانك لا إله إلا أنت الغوث الغوث اللهم ارحم ضعفي يااكرم الاكرمين يارب العالمين زوجني ياكريم

ياودود ياودود ياودود ياودود ياذا العرش المجيد اللهم اني بك استغيث اللهم اني بك استغيث اللهم اني بك استغيث ان ترزقني واخواتي بالزوج الصالح اللهم امين

اللهم يامن لطفت بعظمتك دون اللطفاء ..وعلمت ماتحت أرضك كعلمك بمافوق عرشك..وكانت وساوس الصدور كالعلانية عندك .. وعلانية القول كالسر في علمك .. وانقاد كل شيئ لعظمتك.. وصار أمر الدنيا والآخرة كله بيدك .. أجعل لي من كل هم وغم أصبحت فيه فرجا ومخرجا ..

اللهم إنك تسمع كلامي ..وترى مكاني ..وتعلم سري وعلانيتي .. ولايخفى عليك شيئ من أمري ، وأنا البائس الفقير .. والمستغيث .المستجير ..والوجل المشفق المقر المعترف اليك بذنبه .. أسألك مسألة المسكين وأبتهل اليك إبتهال المذنب الذليل.. وأدعوك دعاء الخائف الضرير .. دعاء من خضعت لك رقبته .. وذل لك جسمه .. ورغـم لك أنفه ..
اللهم يادليل الحائرين ويارجاء القاصدين ياكاشف الهم ويافارج الغم اللهم زوجنا واغننا بحلالك عن حرامك
يالله ياكريم يارب العرش المجيد أرحمنا برحمتك ياأرحم الراحمين اللهم أني أسألك بأسمك العليم أنك عالم بحالي فبرحمتك يا رب يارب يارب زوجني برجل صالح يستر علي ويكون قرت عينن لي وأكون قرت عينن له يا رب يا رب يا رب ثم الدعاء بأسم الله الأعظم اللهم اني أسألك بأسمك الأعظم الذي إذا سالك به احد اجبتة واذا أستغاثك به احد اغثتة وأذا أستنصرك به احد أستنصرته ان زوجني يا رب يا رب يارب يا أرحم الراحمين يا أرحم الراحمين يا أرحم الراحمين با ذا الجلال والإكرام يا ذا الجلا والإكرام يا ذا الجلال والإكرام اللهم اني اسالك بدعاء ذي النون يوم دعاك في ظلمات ثلاث ظلمة الليل وظلمة البحر وظلمة بطن الحوت فستجبت له وأنجيتة لا إله إلا أنت أني كنت من الظالمين , لا إله إلا أنت أني كنت من الظالمين , لا إله إلا أنت أني كنت من الظالمين اللهم وارزقنا الزوج الذي يخافك ولا يعذبنا برحمتك ياارحم الراحمين ..........

ترديد هذه الآيات مع الإستغفار:

" لو أنفقت ما فى الأرض جميعا ما ألفت بين قلوبهم و لكن الله ألف بينهم إنه عزيز حكيم" (63)

سورة الروم "و من آياته أن خلق لكم من أنفسكم أزواجا لتسكنوا إليها و جعل بينكم مودةً و رحمةً إن فى ذلك لأيات لقوم يتفكرون"(21)

سورة الذاريات "و من كل شئ خلقنا زوجين لعلكم تذكرون "( 49)

سورة القصص "و ربُك يخلق ما يشاءُُ و يختارُ ما كان لهم الخيرةُ سبحان الله و تعالى عما يشركون " (68)

سورة الانسان "و ما تشاءون إلا أن يشاء الله إن الله كان عليماً حكيماً " (30)

سورة الأنبياء "لا اله الا أنت سبحانك انى كنت من الظالمين "(87)

سورة النبأ "و خلقناكم أزواجا "(8)

سورة الفرقان "ربنا هب لنا من أزواجنا و ذرياتنا قرة أعين" (74 )

سورة الأنبياء "ربى إنى مسنى الضر وأنت أرحم الراحمين "(83)

سورة يوسف " إنما أشكو بثى و حزنى إلى الله وأعلم من الله ما لا تعلمون "(86)

سورة الأعراف " هو الذى خلقكم من نفس واحدة وجعل منها زوجها ليسكن إليها "(189)

[بوحارب]

نسخة الى بعض العضوات اللي يقولون نقعد بدون زواج احسن وأريح !!!

ماعرف شلون تفكر هالفئة :)

[ام السعف]

اذا الله ما كتب لها تتزوج ،، اشلون احنا ممكن نزوجها ؟

فالوحدة لو وصلت عمر معين وكانت من نفسها ما تبي تتزوج فهذي حكمة رب العالمين

ولكن لو الأهل هم المتسببين في تأخير زواجها لين توصل هالعمر
فهي في ذمتهم ليوم الدين ،،

[اجرام]

الشي الي يقدمه الاخ السمعه والاخلاق الطيبه هذا اكبر شي ممكن يقدمه لاهله

وبالاخير الزواج قسمه ونصيب وبوقتنا الحالي عدد النساء صارو اكثر من الذكور
وانا اشجع تعدد الزوجات لمن استطاع الزواج والعدل

[أسد الجزيرة]

المشكلة البعض من الحريم تصر على شروطها كانها بنت عشرين و العمر يقرب من الاربعين

جارنا عنده ٧ بنات وحدة الي متزوجة منهم و اصغرهم قريب الثلاثين هذا بيت اجل كيف البيوت الثانية

الوحدة لا طافت الثلاثين فرص الزواج تقل فلذلك قللوا من الشروط واحد من الربع راح يخطب بنت خالته شرطت بيت و خدامة قالهم السلام عليكم و راح خطب غيرها*

قللوا من شروطكم ترى ما بتحصلون احسن من شبابنا عقب بعدين ممكن ترضون بالزواج من اجنبي ممكن يكون صادق او ممكن يكون طمعان فيكم

[أسد الجزيرة]

الحل هو التعدد و لا البعض ممكن ينجر للزنى عشان يشبع عاطفته

[أخت الكل]

طرح قيم أختي نجوم

والعنوسة موجودة في مجتمعنا وفيه بيوت كثيرة مليانه بنات على قدر من الدين والعلم والجمال لكن وما قدر لهم الرحمن الزواج وهذه أرزاق ولازم الوحده ترضى بنصيبها وتحمد ربها وتؤمن بإن الخيرة فيما أختاره الله لها وتستمتع بعنوستها

بالنسبه للأهل عليهم ما يقصرون بحق بناتهم خصوصا من الناحيه النفسية والإجتماعية ويكون هناك إحتواء للبنت اللي تأخر زواجها وما يضعون عليها قيود بحجه العنوسة

[alsoq]

الزواج نصيب قد يكون نصيبها من رجل من احد الدول

ولكن السؤال من هو المتسبب في العنوسه لهذي الفتاه هل هي نفسها رافضه ام اوالدين ام بها عيب خلقي

يجب دراسه الاسباب اولآ ثم يتخذ القرار الحاسم


انا اعرف شخص عنده 3 بنات واعمارهم في اواخر الثلاثين واحدهم تخطت الاربعين
والسبب هو والدهم نفسه وهم موظفات كلهم واتضح انه ياخذ رواتبهم وتقدم له ناس بالنصيحة ولكنه لم يسمع لهم مع الاسف واخر الاخبار انهم تقدموا الى المحكمة

[aziz4z]

أشكرك على طرحك للموضوع
المشكلة البنت مسكينة ماتقدر تقول أبي أتزوج , هي تنتظر حد من أبويها يخطبونها لواحد
بس المشكلة مرات تكمن في الاب أو الاخ اللي يضع شروط تعجيزية للزواج , و حتى هو ما يأهل البنت نفسيا للزواج
مثال لأب يبين فيه سبب رفضه لكل من تقدم لبنته : عنده ثلاث بنات , و أنعم الله على كلا بوظيفة , و شاءت الاقدار أن يتقدم به السن و يحول للتقاعد , فكلما تقدم أحد لبناته , رفض , و حجته أنه سيفقد الاستمتاع بأموالهن
و بعض الاخوة إذا تزوج نسى هموم أخواته , و لا يفكر فيهن أبدا
اللهم أصلح أحوالنا

[meme-93]

هـمم ...

الي فهمته انتوا كـ اخوان واهل ماطلعتوا فالمعاريس عيوب
ولا هي رفضت ناس بدون سبب
يعني محد تقدم لها ؟

من رايي ماشوف فيها شي لو البنت لجأت لخطابه
واايد بنات تزوجوا عن طريق خطابه والحمدالله حياتهم مستقره ومرتاحين

[وطن]

اخوي الزواج رزق من رب العالمين

ولا تقول عنها عانس
هالكلمة أكيد تجرحها


وبعدين ليش تقول ان اللي مو متزوجات ما عندهم هدف و متضايقين

اخوي الزواج اضافة جميلة للحياة
ان الله رزقنا بها
الحمدلله على النعمة
وان ما رزقنا بها الحياة ما توقف وهم الحمدلله عايشين و مرتاحين


الاستقرار مب بس بالزواج
هذا احساس داخلي احنا لازم نصنعه لأنفسنا

السعادة و الراحة احنا نخلقها داخلنا

مب الزوج
ياما متزوجات مو مرتاحات في حياتهم

لازم ما نعلق الحياة عليه

والله يرزقنا ويرزق كل بنات المسلمين الزوج الصالح

[رهج السنابك]

صح وطن

احيانا الزواج يكون تعاسه وجحيم ياما متزوجات وصلوا لدرجة المرض النفسي والجنون بسبة المصيبه الي ابتلت فيه

وتتمنى لو لحظه ترجع لحياتها في بيت ابوها وامها معززه مكرمه

الزواج مب دايما نعمه :)

[نوار قطر]

حلم كل بنت انها اتزوج واتعيييل وتستقر في حياتها وتعيش الحياه الطبيعيه حالها حال اي بنت في سنها،،، والبنت الي تقول ماابي اعرس سووووري بس غلطانه ،، وتكابر وتقص على نفسها ،،، وتبين حق الناس انها قوويه بس ضعيفه قدام نفسها،،، فالنهايه الزواااج قسمه ونصيب ومافيه ام ولا اب ولا اخ ولا اخت مايبون يشوفون خواتهم مستقرين في حياااتهم وعند رياييلهم بس الواحد شنو الي بيده ممكن انه يسووويه ،،، هذي نصيبها وكل تأخيره وفيها خيره،،، انعرف وحده عدت ال45 سنه وماتزوجت من شهر تقريبا الله رزقها بريال الكل يتمنى انه يكون من نصيبها ،،، مثل مايقولون صبرت ونالت ،،، الوحده منا ماتدري نصيبها وووين،،

[ام ناصر1]

صح وطن

احيانا الزواج يكون تعاسه وجحيم ياما متزوجات وصلوا لدرجة المرض النفسي والجنون بسبة المصيبه الي ابتلت فيه

وتتمنى لو لحظه ترجع لحياتها في بيت ابوها وامها معززه مكرمه

الزواج مب دايما نعمه :)

فيه قصص موجعة عن الزواج طلاق وخيانات وهجر واهمال ...يشيب منها شعر الرأس
فيه قصص حليوه ...عن الزواج ومحبة واخلاص الزوجين لبعضهم ..
بس الزواج بالنهاية مثل الجحة ماتعرفين نوعيته الا بعد تجربته ....
وفي بنات جربوا الزواج مرة وفشلت العلاقة وثانية لين توفقت مع الثالث ...

اكيد الحياة جميلة بوجود شخص ..آخر يدعمك ويحبك ...
والي تأخر سن زواجها ...ماله داعي اتسوي حياتها دراما ...وتبحث
في سبب تأخر زواجها ..هل هو فعلا كبر سنها ...في هالحالة ...مضطرة
تقبل بشخص يريدها ...لأدوار ثانية ...كتربية اطفاله ...كالاسترزاق من
معاشها ...كزوجة ثانية ...لأنه الادوار الأولى ...شريك وبناء حياة ..وحب
جاهلي ...راحت عليها

على قولة الخاطبة ممكن امشي سوقكم اذا كنتم ضعاف وتحطون مكياج ...:tease:

[ضوى]

ماحب كلمة عانس اكرهها

لي عودة

[توشيبا]

كل بنت ورجل محد ماخذ نصيبه الا اللي ربه كاتبه

لو يجيبها الف خطاب يمكن ترفضهم هذا شي ربنا كاتبه لها

بس ناخذ بالاسباب

الطلبات والمفوشر في الزواج وعلي قولتهم ليله العمر

البعض طلباتها تعجزيه واذا وصلت سنه معين ودها يجيها لو شايب واهي تدفع له المهر

يحز علي خاطري اذا تقدم شخص لي ناس تقرب له ويعطونه شروط تعجزيه يتركهم ويروح للغريب ويرحب فيه ويساعدونه في زواجه

[Qtr37]

صوتك وكلامك المفروض يوصل للاخوان والاخوات سواء في المنتدى هذا او غيره اللي يقولون في بعض الاحيان "خلها قاعدة ببيت ابوها معززة مكرمة ما ناقصها شي "

شي جيد انك صرحت بأنك تعلم ان اختك فيها احساس وتتضايق من الروتين وحتى لو انها تشتغل او تدرس ، الحياة الاجتماعية وتكوين اسرة شي ثاني، حاجة فطرية في كل وحدة

ما اقول نروح على طول نكلم لهم خطابة ولا نزوجهم مسيار، لكن في وسائل كثيرة واسباب كثيرة ممكن الواحد ياخذ بها،،، لأن هذا بعد رزق

ممكن ان الأخ يقول لاي حد يعرفه ( ويخاف الله) عن هالموضوع ،، المجتمع المفروض يتعاون سواء بشكل مباشر او غير مباشر

يا ما أنا حاولت أدلل على بنات من غير ما يكلموني ، ع الاقل حاولت لأني حاسة فيهم من غير ما يتكلمون

واخر شي اقول حق كل بنت أن تلتزم بالدعاء، ادعي لنفسج بالزوج الصالح والله كريم

وشكرا

[هامور البورصة]

نسخة الى بعض العضوات اللي يقولون نقعد بدون زواج احسن وأريح !!!

ماعرف شلون تفكر هالفئة :)

يمكن مسترجلات ؟ :tease:

[هامور البورصة]

اذا الله ما كتب لها تتزوج ،، اشلون احنا ممكن نزوجها ؟

فالوحدة لو وصلت عمر معين وكانت من نفسها ما تبي تتزوج فهذي حكمة رب العالمين

ولكن لو الأهل هم المتسببين في تأخير زواجها لين توصل هالعمر
فهي في ذمتهم ليوم الدين ،،

مب شرط الاهل ؟ خلونا نتكلم بصراحة ..... وحده تشتغل في مكان مختلط وفل ميك اب وريحة العطر تنشم على بعد كيلو ، من بيرضى ان هاذي تكون شريكة حياته وام عياله ؟ وحده من يوم ماشتغلت وشرت السيارة هايته من مجمع لي مجمع وكل يوم طالعه بدون حسيب او رقيب ، من بيرضى يتزوجها ؟ وحده دوامها من 7 الصبح لين 3 العصر متى باشوفها ؟ واذا تقدم لها واحد ماتفكر بالستر ، الا تفكيرها شلون بيكون عرسها وطلبات مالها اول من اخر ، ولكن اقول الله يهدي بناتنا ويستر عليهم ويرزقهم الزوج الصالح اللي يعينها على طاعة الله

[Qtr37]

نسخة الى بعض العضوات اللي يقولون نقعد بدون زواج احسن وأريح !!!

ماعرف شلون تفكر هالفئة :)

يمكن تكابر ، ومعاها حق ما تبي تحس ان خاطرها مكسور
اقصد أن لازم نرحمهم ما نجرحهم زيادة

[كيلو حديد]

أصدق وأجمل المواضيع الي قرأتها بالمنتدى

و الله المستعان

[توشيبا]

يمكن مسترجلات ؟ :tease:

اتقو الله في خواتكم

[نور الحور]

أصدق وأجمل المواضيع الي قرأتها بالمنتدى

و الله المستعان




اتفق معاك كيلو حديد ..:victory:

أتمنى بس حسن إدارة الموضوع والنقاش فيه حتى تعم الفائدة وممكن نخرج بحلول عملية إن أمكن للمساعدة في حل المشكلة ..

الموضوع مهم جداً ومتشعب يانجوم ..لي عودة إن شاء الله للمشاركة

[بوحارب]

يمكن ليش لا

[.:: القيصر ::.]

والله ودي اكتب شي لشخص اعرفه محترم و خلوق

لكن غباء البنت اللي عمرها فوق 30 هي اللي خربت كل شي

والحين الرجال عنده ولد و يقول لي الثاني جاي في الطريق

اقول له الوضع الحين احسن يقول ابركها من ساعة

وبيت البنت نعرفهم و البنت لين الحين محد جاها بس تروح الدوام و ترجع مع العالم

خبز خبزتيه يا الرفله إكليه

[أسد الجزيرة]

والله ودي اكتب شي لشخص اعرفه محترم و خلوق

لكن غباء البنت اللي عمرها فوق 30 هي اللي خربت كل شي

والحين الرجال عنده ولد و يقول لي الثاني جاي في الطريق

اقول له الوضع الحين احسن يقول ابركها من ساعة

وبيت البنت نعرفهم و البنت لين الحين محد جاها بس تروح الدوام و ترجع مع العالم

خبز خبزتيه يا الرفله إكليه

قلبه متروسة :secret:

[.:: القيصر ::.]

قلبه متروسة :secret:

ههههههههههه

صج موضوعة قهرني

بس الحين فرحان له الله يوفقه

[رهج السنابك]

القيصر لا تتكلم بالالغاز قول القصه كامله : )



اشتغلت لقافه النسوان هههه

[توشيبا]

القيصر لا تتكلم بالالغاز قول القصه كامله : )



اشتغلت لقافه النسوان هههه

لا تقول شي :victory:

[+abc]

سوال

ايام قبل يوم كان كلن فيه خير والناس لمه على بعض وكلن يخطب للثاني
واكثر الرجال متزوجين اكثر من وحده
والناس مناسبين بعض واواصر وروابط اجتماعية

والمراه الي تترمل عيب يخلونها كلن يسبق ويخطبها

كان فيه عنوسه مثل الحين

اتمنى الناس كلها تفطن لهالشي والرجال قبل الحريم وكلن يسعى في عمار البيوت

وبتصير الدنيا بخير وبيحفظنا رب العالمين من الفتن

اللهم امين

[مجلان]

موضوع جميل احنا الي خلقنا العنوسة طلبات فوق طاقه المعرس والعروس سلفه فوق 500 الف ريال عرس لي ٥ ساعات للمعازيم يغسلون ايا ديهم ويمشون والمعرس يقعد 6 سنوات يدفع في دين والفوائد تزيد والعروس هل من مزيد المعرس اخر اوراقه اطلاق ودفع نفقه لي ذالك سبب العنوسه وشكرا

[الزعفراني]

المشكلة المجتمع بصورة غير مباشرة ساهم في تفشي هالظاهره ان صح التعبير .. يعني الطفرة الاقتصادية اللي صارت .. والوضع المادي للبنت .. يعني بعض البنات تلقاها موظفة وتستلم راتب وقدره .. أو تلقاها ماسكة منصب ولاهيه في الشغل .. وكل اشوي تقول بينها وبين نفسها لاحقه ع الزواج .. ولازم اعيش حياتي .. وتبتدي تعيش حياتها .. طلعات مع صديقاتها .. في المجمعات تتسوق .. سفرات .. عزايم .. وحفلات ... إلخ

فتلقى اللي يبي يتقدم لها يتردد لما يسأل عنها ويقولون ذي كله تسافر .. والا كله طلعات وما تقر في البيت ..

بعض المفاهيم اللي يروج لها الاعلام لها دور ..
الإعلام نفخ المرأة حبتين وكبر راسها .. :)

وخلى بعض الفتيات تأخر فكرة الزواج أو خلاها تنشغل بالتفكير بمثل هالموضوع

بس عموما حل مشكلة موضوع البنت العانس بسيط .. يعني البنت نفسها تقدر تصارح اقرب رفيجاتها انها تبي تتزوج .. وتطلب منها تدور لها عريس .. ورفيجتها ذي تبلش تبحث لها عن عريس هو في الاساس يبحث عن بنت يبي يتزوجها ..

يعني في الاخير بتلقى بنت تدورعروس حق اخوها .. وتقدر تدلها على هالبنت العانس عشان تكون عروس لاخوها ... إلخ

هذي طريقة من طرق مواجهة هالمشكلة ...

المخيف عندنا بقطر ان نسبة العوانس اللي تجاوزن الـ 60 سنة سوف تكون مرتفعه خلال سنوات قليلة قادمة ...

[.:: القيصر ::.]

القيصر لا تتكلم بالالغاز قول القصه كامله : )



اشتغلت لقافه النسوان هههه

الله يوفقه ان شاء الله

و تركوا اللقافة عنكم :shy: :tease:


لا تقول شي :victory:

ان شاء الله طال عمرك :shy: :secret:

[ريم الشمال]

موضوع حساس جداً ويمس شريحة من المجتمع
لكن هل العنوسة سببها يكون الاب والاهل والعروس
اعتقد أن الله له مشيئة في ذلك ولله الحمد والمنة ولا اعتراض على قضائه وقدره
نعم هناك اباء لا يخافون الله واخوان كذلك
وهناك فتيات تسببت لنفسها بذلك لأسباب عدة طلبات رفض وغيرها
وهناك المجتمع نفسه الحسد والغيرة وعدم حب الخير للأخر وهذا ايضا من اسباب العنوسة يتكلمون بأسم الفتاة وأهلها ويتسببون في رد نصيب يمكن يكون زوج مناسب لهذه الفتاة ولعائلتها ولكن الحسد دفعهم لفعل ذلك وعدم حب الخير للأخر
لكن هل العانس لكي تتزوج تتنازل عن كرامتها في الزواج الكريم القائم على الاحترام لها ولآدميتها ويتنازل اهلها كذلك عمن يرونه حق في حسن النسب بهم اعتقد المسئلة نسبية تقديرها راجع للأفراد المعنين بهذا الزواج وليس من حق إي فرد التدخل فيه
الله يسهل حق كل بنات قطر الزواج وانتم ياشباب تريدون حلها عددوا مثنى وثلاث ورباع ولا تبحثون عن ام الثماني عشر والعشرين في التعدد هذا يحتاج إلى افراد مخلصين من المجتمع يتم فيه حل المشكلة دون المساس بكرامة المرأة وكرامة اهلها

[بنت شرق]

الحياة ماشية بزواج او بدونه كله واحد ، ذاك اول ينخاف على المرة من العنوسة

[توشيبا]

الزعفراني وريم الشمال تسلم ايديكم

كنت مهتم اشوف ردكم علي هالموضوع وان شاء الله اشوف رد ريم28 وشبح الصمت وبنت الشمال :victory:

[طلعة الروح]

البلا في الريال اللي وصل عمره فوق الـ35 وللحين يخاف يروح يخطب بنات الناس!
أما اللي بيتحجج بالمهر فأحب أسأله انت رحت تقدمت وطالبوك بالمبلغ وقدره ولا سوالف مجلس؟

[ام ناصر1]

محسسيني أنه القضية ماتنحل ....الي تبي تتزوج ...عليها تقوم الليل وتدعو وتلزم الاستغفار ....لأنه الزواج قسمة
من عند الرحمن .....وبس لا هو بيد ابوج او امج او اخوج او اهلج او المجتمع ...مع احترامي للجميع

[الجوكر90]

السلام عليكم
الشيخ ولله الحمد كل خواتي تزوجوا
اول شي فضل وتوفيق من رب العالمين
وثاني شي امي وابوي ماطلبوا وﻻ تشرطوا
اول ثنتين كل وحده خذت 150 + الشبكه واحنا نتكفل فالباقي
الثالثه 180+ الشبكه واحنا نتكفل فالباقي
ولله الحمد وﻻ واحد من انسباي حط ع نفسه دين عشان الزواج الا دين بسيط

اذا الاهل سهلوا الحلال راح تحصلون الشباب يتزوجون

[هامور البورصة]

اتقو الله في خواتكم

ليش :omg: ؟؟؟؟؟؟؟؟ مافي مسترجلات ؟

[هامور البورصة]

دعاء في اخر الليل : يارب ترزق كل فتاة صالحة بالزوج الصالح والذرية الصالحه عاجلا غير اجلا وتبعد عنها صديقات السوء يارب العالمين ....

[مستجدة]

كل انسان ما يأخذ الا اللي ربي كاتبه له على جبينه وهو مزال في بطن امه


الله يرزق اخواتي المسلمات بالأزواج الصالحين والذرية الطيبة الصالحة

[لاجل QT]

المشكلة مش في الزواج والعيال

المشكلة وين الزوج الكفؤ مسؤلية بيت وزوجة وعيال

شالفايدة الحالة الاجتماعية متزوجة وفي الواقع تعيسة

مثل ماذكرت الصعوبة مش في الزواج الصعوبة في وجود رجل كفو انه يكون زوج

موضوع الزواج مهب صعب في اعتقادي انا

ولعلة خيرة لهم

[455]

الحل من البداية في الاب او وليها في ان يخطب لها كما كان يفعل جيل الصحابه فهو ليس بعيب ولاكن العيب فينا شفيها لو شفتلك رجل تقي نقي وزوجته بنتك او اختك بتقول حرام عيب عادات تقاليد ماشاء الله احسن من عمر بن الخطاب رضي الله عنه كفو عليك

[أسد الجزيرة]

المشكلة التقي النقي يتزوج بدري و يستر على نفسه و هم قليل في هذا الوقت

و الي طافت الثلاثين الي في عمرها الشاب يفضل وحدة اصغر منها

هنا المشكلة

[أسد الجزيرة]

البعض من الحريم تشتكي من ريلها

اذا ريلج مب عدل احنا ايش دخلنا في الموضوع

سنعيه قبل

[455]

الحل في التعدد اذن وتزوجوا الودود الولود فاني مكاثر بكم الامم يوم القيامة

اجدادنا يعددون ولاكن تاثير المسلسلات منذ القدم على عقلية المراة جعلت الزواج من اخرى كابوس هنا لو كان الرجل عادل في المبيت والصرف

[المتألم]

أخ / أخت نجوم

قبل شهر كنت أسولف مع أثنين من الربع و وسولفنا عن هالأمور

قال واحد منهم : تقدم لأختي وآحد من الجيران ورفض الوالد عشان قبيلته يقول
ما نزوج هالقبيله.
عقب فتره تقدم لها مره ثانيه ورفض الوالد .
المره الثالثه جانا مع اخوه قالي و أنا طردته من المجلس وقلت لهم ما عندنا بنات للزواج.
وتقدم لها مره رابعة ورفضنا .

وفي المره الخامسه قال كلمت أبوي وقلتله يبه هالرجال يبغي البنت ولو مب رغبان ما كان تقدم هالمرات كلها ورغبان يصاهرنا و بالنهاية يبه ترى محد احسن
من حد وقبيلتنا وقبيلتهم مردنا واحد ولو الرجال ما حشمها وما قدرها كسرنا راسه .
و بالنهاية يقول الوالد وافق وهذي أختي مستانسه بحياتها والله رزقهم العيال
و يسر لهم المال .

الثاني يقول : كل ما تقدم لأختي واحد يقول هالقبيله ما نزوجهم ولا نرضى بهم
واحنا نشوف خواتنا يكبرون وكل من تقدم يرفضه الوالد الين ما وقفنا وكلمنا
الوالد وزوجنا ثنتين من خواتنا والوالد رافض والحمد لله متزوجات وبينهم احترام وحياتهم احسن من الي تزوجوا نفس القبيله .

الموقف يحتاج رجال يكسرون قيود المجتمع النتنه والتي تخرب حياة البنات
وتفسد المجتمع .

إذا أتاكم من ترضون " دينه " و " خلقه " فزوجوه . إلا تفعلوا تكن فتنة في الأرض
وفساد كبير .

وهالي نشوفه فساد .

أما البنت الي محدن خطبها ولا حاها نصيبها فما غير ندعي الله يزوجها ويستر عليها .

[المقاول]

مشكلة اليوم ليس بسبب التعصب او غيره من هذى الامور .
مشكلة اليوم الماء زاد على الطحين .. كثرة الاناث الاناث اكثر من الذكور
والمشكلة الثانية .. هناك اخراج للزواج مكلف على المعرس ... كوشة وبوشة
والتزامات تخلي الرغبان في الزواج يحس بألم في بطنة ... هذه المشكلتين
تسببت في زيادة العنوسة عند الطرفين .. وعلى اثرها صار كل من الطرفين
يبحث عن الاخر في الاماكن العامة .. ليخرج ظاهرة منافية للدين والاخلاق
وهي العلاقة المحرمة . والتي افسدت الكثير .
الان هناك من يحتاج علاج . وهناك ظاهرة يجب القضاء عليها .
وهناك عوانس صالحات فالحات يرغبن في الزواج والامومة .
الحل في نظري .
نلحق على الصالحين من الذكور . وبدل مايكون لدية زوجة واحدة يكون لدية 3 زوجات
ونحن الان والحمد لله اغلب النساء موظفات .. يعني تستطيع تعين زوجها على بعض
الصعوبات .
والان عندي سؤال لصاحبة الموضوع .
هل تقبلين ان يكون لدى زوجك 3 زوجات ؟

[أسد الجزيرة]

ليش مب اربع ؟

[هداف]

الاخت نجوم

اولا احييك على ها الطرح الحساس ولمثل هذه المواضيع الهادفه نرفع القبعه لصاحبها ونضرب فيكمالمثل


نعم مشكلة العنوسه وتراكماتها على المجتمع خطيره جدا وهي من جعلت المشايخ يحللون زواج المسيار
للحفاظ على عفة المجتمع من كل هاجس !
اقوى اسباب العنوسه هذه الايام هو ابتعاد الازواج عن التعدد بل والخوف من التعدد لرفض الزوجات هذا الحلال شرعا جمله وتفصيل ! \

في السابق كانوا الرجال اقل من النساء في مجتمعاتنا الاسلاميه بسبب المعارك والغزوات وتعرضهم للمخاطر
برا وبحرا اكثر من النساء ومع ذلك لاوجود لمشكلة العنوسه والسبب كانوا يعددون في الزواج حتى المطلقه
والارمله تخطب وتتزوج ولو بعد حين !

اما الحاصل الان ظروف المجتمع حاليا والظغوطات الاسريه خلقت مشكله العنوسه اللتي حلها الله عز وجل
بالتعدد ولكن هل من !! صاحبة عقل ودين ترضا لزوجها ان يعدد !! هيهات

[المقاول]

ليش مب اربع ؟

حسب علمي عدد الاناث في قطر ضعف الذكور 4 مرات . كلامك صح المفروض اربع .

[ضوى]

الله يرزق كل بنت الزوج الصالح ، والتي لم ياتي نصيبها بعد فنسال الله ان يشغلها بذكره وطاعته ومعوضة خير بالأخرة ان شاء الله

[w.qatar]

بعض الاهالي هم اللي يحطون شروط اعرف وحده ابوها قايل لهم اي حد يتقدم غير هالقبايل اللي بعددها لكم لا تخلون العرب يجون بالتلفون صرفوهم !!!
بعض الاباء و الاخوان حاطين نفسهم من شعب الله المختار و مقسمين القبايل درجات هذا يناسب و ذاك ما يناسب !!
دام الرجال اصيل و خايف ربه و مصلي و سمعته زينه ليش ما يزوجونه ؟؟

[رهج السنابك]

هههههه الرياييل من يشوفون موضوع زواج كلن قام يقول التعدد والتعدد حطوا التعدد حل لكل المشاكل الاجتماعيه :)

[أسد الجزيرة]

اجل ايش الحل في نظرك

[بنت مريخ]

بعض الاهالي هم اللي يحطون شروط اعرف وحده ابوها قايل لهم اي حد يتقدم غير هالقبايل اللي بعددها لكم لا تخلون العرب يجون بالتلفون صرفوهم !!!
بعض الاباء و الاخوان حاطين نفسهم من شعب الله المختار و مقسمين القبايل درجات هذا يناسب و ذاك ما يناسب !!
دام الرجال اصيل و خايف ربه و مصلي و سمعته زينه ليش ما يزوجونه ؟؟
عنديى صديقه اخوها مايقبل لي حد لازم من قبايل معينه
تعور قلبي تقولي اخوها يقولها البنت مثل الورده تذبل مع الايام
غير الطلبات للقاعه والتجهيزات الى مالها معنى تكسر ظهر الريال
لازم قاعه فلانيه والمطرب الفلاني
الله يرزق جميع بنات المسلمين الازواج الصالحين

[بوجاااااسم]

موضوع يدمي القلب
الله يستر على بنات المسلمين
ويرزقهم الأزواج الصالحين
ويفرج هم كل مهمومه ...

[aziz4z]

في مرة من المرات قرأت في موقع قطري بس باللغة الانجليزية , شاب عربي بس يحمل جنسية أجنبية , يقول تعرفت على فتاة من قطر , و قررنا نتزوج , هي ماتبي تخبر أهلها , و تبي تطلع من قطر .
بسبب القيود الصارمة للزواج عند بعض الاباء , تحاول الفتيات الهروب من الواقع المرير بطرق أخرى
واحد من قرايبي , أبوه ما يبي إلا من قبيلته , ابنه الاكبر , رضي و تزوج حسب رغبته , الحين ليل نهار مشاكل عائلية , و الابن الاصغر , رفض رفض قاطع يتزوج في القبيلة , و في النهاية تزوج من برة القبيلة , سعيد جدا بحياته الزوجية

[pink pearl]

لي عودة

[غايه الطواش]

ذكرتوني بصديقتي الي ماتبي الا شيخ

هالسنه دخلت الاربعين

[وطن]

ذكرتوني بصديقتي الي ماتبي الا شيخ

هالسنه دخلت الاربعين

الله يرزقها اللي تتمناه

[Locale]

ذكرتوني بصديقتي الي ماتبي الا شيخ

هالسنه دخلت الاربعين

شيخ دين ؟ولا شيخ دنيا؟
الله يرزقها ماتتمنى
عقب سن الاربعين راح اطيح وايد شروط

[أم محمد 90]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها

[ضوى]

ذكرتوني بصديقتي الي ماتبي الا شيخ

هالسنه دخلت الاربعين

وواحدة اعرفها تموت وتاخذ شيخ وخذت شيخ ، لكن ............. الله يصبرها يااارب

[mubarak2006]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها
في ذمتك هذا كلام ناس مثقفه....هههههههه

[قطريه ماركه]

الله يرزق البنات بالأزواج الصالحين

و يرزق الشباب بالزوجات الصالحات

آميين

[أم محمد 90]

في ذمتك هذا كلام ناس مثقفه....هههههههه

والله مب انت ريال؟

يالله ساهم بالقضاء على العنوسة :)
تزوج 4 :)


هههههههههه

[العلم]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها

هذا هو الفكر اللي ينشرونه الآن عند بنات قطر والحاصل منه فساد المجتمع لأنه يخالف الفطرة البشرية السليمة ..

[أم محمد 90]

هذا هو الفكر اللي ينشرونه الآن عند بنات قطر والحاصل منه فساد المجتمع لأنه يخالف الفطرة البشرية السليمة ..

الفطرة البشرية السليمة كانت موجودة لما كان في رياييل

الحين وينهم ينعدون ع الاصابع ،، حظ من خذت لها ريال قول وفعل
والله يعين من خذت واحد بس (شنب) والافعال ماتمت للرجولة بصلة

[صمت القلوب]

فعلا.. نرى الموضوع له جوانب عده ... سواء من جهه الدين.. المجتمع.. العادات والتقاليد..
لكن اختي كل شي نصيب بهالدنيا .. اذكر فيديو للشيخ وسيم يوسف ... يتكلم فيه عن تاخر سن الزواج ..
يقول كل شي تسعى فيه الا الزواج والموت ياتون اليكـ وانتم في حجر امهاتكم ... ودام اعرف ان للحين نصيبي ما حان .. فخيره من رب العالمين ...يعني في الحالتين خيره لو عقلنا وتوكلنا ..
البنت تسعى بالاسباب للتوفيق مثل الدعاء والاستغفار وربكم هو من يسهل هالموضوع ..
والله يوفق كل البنات بازواج صالحين ويرزقهم الذريه الصالحه ...

[العلم]

الفطرة البشرية السليمة كانت موجودة لما كان في رياييل

الحين وينهم ينعدون ع الاصابع ،، حظ من خذت لها ريال قول وفعل
والله يعين من خذت واحد بس (شنب) والافعال ماتمت للرجولة بصلة

إذا صارت في مشاكل في العوائل فهذا شيء طبيعي مب معناته نروح نفر راس البنات ونفهمهم إنكم أقوياء ومب محتاجين للرجال ،، روحوا ادرسوا وتوظفوا واصرفوا على أنفسكم بدون منة أهلكم وأزواجكم وآخر شيء تفكرون فيه الزوج والأولاد ..


قاعدين تقتلون البنات :anger1:

يااااما مديرات ورؤساء أقسام مشبكينهم شباب عاديين ويلعبون في روسهم ويخلونهم يصرفون عليهم والسوالف كثيرة وشباب المنتدى نفسهم يعرفون هالشيء ..

[ام ناصر1]

فعلا.. نرى الموضوع له جوانب عده ... سواء من جهه الدين.. المجتمع.. العادات والتقاليد..
لكن اختي كل شي نصيب بهالدنيا .. اذكر فيديو للشيخ وسيم يوسف ... يتكلم فيه عن تاخر سن الزواج ..
يقول كل شي تسعى فيه الا الزواج والموت ياتون اليكـ وانتم في حجر امهاتكم ... ودام اعرف ان للحين نصيبي ما حان .. فخيره من رب العالمين ...يعني في الحالتين خيره لو عقلنا وتوكلنا ..
البنت تسعى بالاسباب للتوفيق مثل الدعاء والاستغفار وربكم هو من يسهل هالموضوع ..
والله يوفق كل البنات بازواج صالحين ويرزقهم الذريه الصالحه ...

اعدت الاقتباس...لانه الكلام يطلع بخط ثاني ...مش عربي ...

[أم محمد 90]

إذا صارت في مشاكل في العوائل فهذا شيء طبيعي مب معناته نروح نفر راس البنات ونفهمهم إنكم أقوياء ومب محتاجين للرجال ،، روحوا ادرسوا وتوظفوا واصرفوا على أنفسكم بدون منة أهلكم وأزواجكم وآخر شيء تفكرون فيه الزوج والأولاد ..


قاعدين تقتلون البنات :anger1:

يااااما مديرات ورؤساء أقسام مشبكينهم شباب عاديين ويلعبون في روسهم ويخلونهم يصرفون عليهم والسوالف كثيرة وشباب المنتدى نفسهم يعرفون هالشيء ..

الحين احنا نقتل البنات !

وين مواضيعكم ضد البنت

وبخصوص اخر جملة انت تقولها ، البنت القوية ماترضى ريال يهزها
واذا المديرات ورئيسات القسم شباب لعبو بهم فهذا فالنهاية يرجع ع التربية

ومب معناته القوية والي تصرف ع روحها تتبرى من اهلها

يازين دلع البنت ف بيت ابوها معززة مكرمة ولا ريال ياخذها ويذلها ويمرمطها :)

وأخوي لا تحلل ردي ان انا ضد الزواج ، مافي بنت ماتتمنى تتزوج

لكن انا اقصد ان العنوسة مب عيب :)

[Qtr37]

محسسيني أنه القضية ماتنحل ....الي تبي تتزوج ...عليها تقوم الليل وتدعو وتلزم الاستغفار ....لأنه الزواج قسمة
من عند الرحمن .....وبس لا هو بيد ابوج او امج او اخوج او اهلج او المجتمع ...مع احترامي للجميع





أخ / أخت نجوم

قبل شهر كنت أسولف مع أثنين من الربع و وسولفنا عن هالأمور

قال واحد منهم : تقدم لأختي وآحد من الجيران ورفض الوالد عشان قبيلته يقول
ما نزوج هالقبيله.
عقب فتره تقدم لها مره ثانيه ورفض الوالد .
المره الثالثه جانا مع اخوه قالي و أنا طردته من المجلس وقلت لهم ما عندنا بنات للزواج.
وتقدم لها مره رابعة ورفضنا .

وفي المره الخامسه قال كلمت أبوي وقلتله يبه هالرجال يبغي البنت ولو مب رغبان ما كان تقدم هالمرات كلها ورغبان يصاهرنا و بالنهاية يبه ترى محد احسن
من حد وقبيلتنا وقبيلتهم مردنا واحد ولو الرجال ما حشمها وما قدرها كسرنا راسه .
و بالنهاية يقول الوالد وافق وهذي أختي مستانسه بحياتها والله رزقهم العيال
و يسر لهم المال .

الثاني يقول : كل ما تقدم لأختي واحد يقول هالقبيله ما نزوجهم ولا نرضى بهم
واحنا نشوف خواتنا يكبرون وكل من تقدم يرفضه الوالد الين ما وقفنا وكلمنا
الوالد وزوجنا ثنتين من خواتنا والوالد رافض والحمد لله متزوجات وبينهم احترام وحياتهم احسن من الي تزوجوا نفس القبيله .

الموقف يحتاج رجال يكسرون قيود المجتمع النتنه والتي تخرب حياة البنات
وتفسد المجتمع .

إذا أتاكم من ترضون " دينه " و " خلقه " فزوجوه . إلا تفعلوا تكن فتنة في الأرض
وفساد كبير .

وهالي نشوفه فساد .

أما البنت الي محدن خطبها ولا حاها نصيبها فما غير ندعي الله يزوجها ويستر عليها .

أتفق معاكم

[وطن]

إذا صارت في مشاكل في العوائل فهذا شيء طبيعي مب معناته نروح نفر راس البنات ونفهمهم إنكم أقوياء ومب محتاجين للرجال ،، روحوا ادرسوا وتوظفوا واصرفوا على أنفسكم بدون منة أهلكم وأزواجكم وآخر شيء تفكرون فيه الزوج والأولاد ..


قاعدين تقتلون البنات :anger1:

يااااما مديرات ورؤساء أقسام مشبكينهم شباب عاديين ويلعبون في روسهم ويخلونهم يصرفون عليهم والسوالف كثيرة وشباب المنتدى نفسهم يعرفون هالشيء ..

لا لا العلم
لا تفهمها جذي

احنا ما قلنا أقوياء وما نحتاج الرجل
احنا الحمدلله مرتاحين في حياتنا ومب قاصرنا شي
والزواج اضافة جميلة لنا
والرجل دوره مهم في حياتنا أكيد


اذا الله رزقنا به الف حمد وشكر
وان ما رزقنا ما نعترض
هم الحمدلله

:victory:

[العلم]

الحين احنا نقتل البنات !

وين مواضيعكم ضد البنت

وبخصوص اخر جملة انت تقولها ، البنت القوية ماترضى ريال يهزها
واذا المديرات ورئيسات القسم شباب لعبو بهم فهذا فالنهاية يرجع ع التربية

ومب معناته القوية والي تصرف ع روحها تتبرى من اهلها

يازين دلع البنت ف بيت ابوها معززة مكرمة ولا ريال ياخذها ويذلها ويمرمطها :)

وأخوي لا تحلل ردي ان انا ضد الزواج ، مافي بنت ماتتمنى تتزوج

لكن انا اقصد ان العنوسة مب عيب :)

العنوسة مب عيب ومايقول عنها عيب إلا الغبي ولكن هي قدر مؤلم في الظاهر وإن كان في باطنه خير فلايعلم الإنسان بذلك ،،


الله يزوج الشباب والبنات :(

[العلم]

لا لا العلم
لا تفهمها جذي

احنا ما قلنا أقوياء وما نحتاج الرجل
احنا الحمدلله مرتاحين في حياتنا ومب قاصرنا شي
والزواج اضافة جميلة لنا
والرجل دوره مهم في حياتنا أكيد


اذا الله رزقنا به الف حمد وشكر
وان ما رزقنا ما نعترض
هم الحمدلله

:victory:

الله يرزق الجميع الراحة والإطمئنان وسعة البال ..

[Serenade]

اخي شي جميل جدا و طيب منك انك تحزن عليها و تبي تساعدها بأي طريقة
و لكن للاسف اول غلط ارتكبته بحقها هو نعتها بكلمة عانس.. و انت ما تعرف مدى الضرر النفسي الي يسببه هذا اللقب و مدى تأثيره على حياتها

محد له الحق انه ينادي اي وحدة غير متزوجة بكلمة (عانس) لانه بهالطريقة كأنه خلاص حدد مصيرها انها بلا زوج!.. النصيب عند الله فقط.. لا عندي ولا عندك فبأي حق تحدد لها مصيرها بأنها بلا زوج؟ و بأي حق نقتل عندها الامل ؟

[هداف]

العقل والفطرة في توافق تام فلا يجوز ان يخالف العقل الفطرة ولا الفطرة تنافي العقل !!
وفطر الانسان على حب المال والعيال والصحه والقوه الخ الخ

ومن يكابر ويخالف هذه الفطره اتوقع انه من كوكب زحل !

[ام السعف]

وواحدة اعرفها تموت وتاخذ شيخ وخذت شيخ ، لكن ............. الله يصبرها يااارب

واعرف وحدة كانت متزوجة وتقول يالله يرزقني بالشيخ الفلاني

هاهاها

زين وريلج ؟

تقول حرام الوحدة تحلم ،،....> تبا له من حلم ،


المهم وين وصلنا ؟

[ضوى]

اخي شي جميل جدا و طيب منك انك تحزن عليها و تبي تساعدها بأي طريقة
و لكن للاسف اول غلط ارتكبته بحقها هو نعتها بكلمة عانس.. و انت ما تعرف مدى الضرر النفسي الي يسببه هذا اللقب و مدى تأثيره على حياتها

محد له الحق انه ينادي اي وحدة غير متزوجة بكلمة (عانس) لانه بهالطريقة كأنه خلاص حدد مصيرها انها بلا زوج!.. النصيب عند الله فقط.. لا عندي ولا عندك فبأي حق تحدد لها مصيرها بأنها بلا زوج؟ و بأي حق نقتل عندها الامل ؟

وانا معاج ، اكره هالكلمة جدا جدا جدا

[ام السعف]

اجل ايش الحل في نظرك

التعدد :nice:

[ضوى]

واعرف وحدة كانت متزوجة وتقول يالله يرزقني بالشيخ الفلاني

هاهاها

زين وريلج ؟

تقول حرام الوحدة تحلم ،،....> تبا له من حلم ،


المهم وين وصلنا ؟


:):):)

ياما بنعيش وبنشوف

[شبح الصمت]

اخوي الغالي Hp

الزواج قسمه ونصيب

يا سعادة أبديه واستقرار
يا وتعاسه وعدم استقرار واستمرار حياة من اجل الابناء
يا ضياع وتشتت وتفكك أسسر

الزواج شنو اهو اتفاق بين طرفين يكون عقد ولو نرجع سبحان الله اهي ورقة تنكتب بينهم وتنفض في حال خل احد الطرفين فيها ..

ورقة ورقة ورقة وكلمة مكونه من أربع حروف ( ما احب اذكرها )


البنات الي ما جائهم نصيبهم في منهم المعذورين ليس بيدهم ولكن يتم الحل والربط في يدي أولياء أمورهم ..

وفي بنات اهم نفسهم يبون الرجال الي على مزاجهم
وفي مطلقات ما حصلوا الراحة مع ازواجهم السابقين يمكن الخلل منها ويمكن منه .. ويمكن بعد فترة يجيها نصيبه وتستقر ويمكن ما تستقر


الحياه بتسير صدقني والي الله كاتب لها رزق بتاخذه

( وفي السماء رزقكم وما توعدون ) صدق الله العظيم


ومع احترامي للكل ونظرة المجتمع

الشباب الي خواتهم تزوجوا ومرتاحين راح يشوفون الاناث غير خواتهم بنظرة انه البنت اهي السبب صدقوني وانه البنت اهي الي خربت على نفسها

والشباب الي عندهم خوات غير متزوجات وطافهم القطار راح ينظر لها بنظرة انه يشوف زوجته متسانسه ويشوف اخته المسكينه ما جاءها حظها وهي اختي شعره في وجهي اذا ما جاء نصيبها اتم في عهدتي لين الله ياخذ امانتي ..



والي ما تبي تتزوج الله يرزقهم ان شاء الله بالزوج الصالح فالجنة بس اهم شيء تحافظ على نفسها في الدنيا ..


الله يرزق كل اخت الزوج الصالح

والله يرزق اخوانا الزوجات الصالحات

[فريج النجادة]

ان شاء الله اول ما تفتح المؤسسة القطرية قسمة ونصيب مر علينا

[زود الهموم]

ياكم من وحده فضلت الشغل والدراسه على الزواج معتقده ان الزواج بكيفها متى مابغت عرست

[الـقـاسـي]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها



للاسف وانا اسف اخت ام محمد لكن هذا اللي ضيع البنات وخلاهم يشتكون من العنوسه

طيب سوال قوليه حق رفيقتكم المتزوجه اذا عندكم وحده مب متزوجه ترضى انها تبدل وياها يعني يطلقها زوجها وتتزوجه اي وحده ثانيه وشوفي ردها

[Nojoom]

متابع لردودكم وقاعد اقرى ردودكم كلها مره ومرتين .

فيه ردود كانت ايجابيه وهادفه

وفي مشكله ملاحظها في اغلب المواضيع

انها دوم تتحول الشباب ضد البنات والعكس صحيح .

ترى كلنا واحد انتي يابنت في هذا الموضوع اختي . في موضوع اخر امي .. وفي موضوع غيره بنت عمي

وكذالك الشباب

في مثل هذي المواضيع المفروض نناقش كيف نحل مشاكلنا مثل عائله وحده قاعده على طاولة نقاش .


اذا احنا ابناء هذا المجتمع من شباب وبنات ما قدرنا نوصل لحلول لمشاكلنا واحنا الي نغيرها

صدقوني ماراح شي يتغير .

سالني واحد في احد ردوده سؤال .

قال هل ممكن انت تخطب لختك ؟

اقوله نعم وليش لا .. اذا شفت زميل لي وصديق لي فيه خير وادري انه رجل

ممكن افتح معاه موضوع عن الزواج وامدحه وقوله الي مثلك المفروض يتزوج ونعم فيك

وترى لو تبي العرس زوجتك عندي ..


هذا على المستوى الشخصي وبشكل عام اقدر بعد اساهم في الكثير من الامور

يعني لو اعرف عائله عندهم بنات واعرف انهم مناسبين لزواج وفيهم خير .

ممكن اذكرهم لربعي الي ماتزوجوا اقول لهم .

مثال

ياربع الي له خاطر في الزواج ترى بيت فلان عندهم بنات ونعم فيهم الكل يمدحهم ويسعد عينه الي بيناسبهم .

يعني في امور كثيره الواحد يقدر اساهم فيها رغم بساطتها الا انها ممكن تحقق نتائج في القضاء ولو نسبياً على هالمشكله

[Serenade]

مب شرط الاهل ؟ خلونا نتكلم بصراحة ..... وحده تشتغل في مكان مختلط وفل ميك اب وريحة العطر تنشم على بعد كيلو ، من بيرضى ان هاذي تكون شريكة حياته وام عياله ؟ وحده من يوم ماشتغلت وشرت السيارة هايته من مجمع لي مجمع وكل يوم طالعه بدون حسيب او رقيب ، من بيرضى يتزوجها ؟ وحده دوامها من 7 الصبح لين 3 العصر متى باشوفها ؟ واذا تقدم لها واحد ماتفكر بالستر ، الا تفكيرها شلون بيكون عرسها وطلبات مالها اول من اخر ، ولكن اقول الله يهدي بناتنا ويستر عليهم ويرزقهم الزوج الصالح اللي يعينها على طاعة الله

اخوي هذي ليست الاسباب..
كثير من الي يتزوجون و ينخطبون هم من هذي الفئة.. و كثير من الي ما تزوجوا محافظات



المشكلة ان الزواج عندنا انحرف عن معناه و اهدافه الاساسيه و صار مهمة اجتماعية بحته لربط عائله باخرى..لذلك نرى التدخلات العائليه من كل جانب.. ونرى احقاد غريبه تطلع.. شخصيا اعرف نسوان خربوا على قريباتهم مواضيع خطبة بسبب غيره و حسد... و ياما اباء و امهات يبحثون عن الي تناسبهم قبل ما تناسب ولدهم ....العرس حق اثنين واللي يجنون الفين

اعتقد لو اتيحت للرجال فرصة اختيار زوجاتهم بانفسهم كان قلت نسبة الطلاق و العنوسة .. ولكن هذا الشي صعب يحصل في مجتمعنا

[الماريّة]

قلبه متروسة :secret:

قلبه متروسه ؟؟؟:eek5:

قلبه متروس القلب مذكر وليس مؤنث :victory:


بسم الله نبدا في موضوع الاخت

موضوعج جدا رائع وضربتي على الوتر الحساس وهذي المواضيع الي يجب المناقشه فيها

الزواج حياه واستقرار وستر من الله سبحانه وتعالى مهما كان فيه من خلاف ومشاكل

وكل امرأه في الحياه تتمنى الزواج وتكوين اسره لان هذي طبيعه الانثى ومهما كابر البعض منهم او انصدم وتعقد من بعض القصص الي سمعها لكن في الاول والاخير

الزواااااااااج شي رائع :)

بالنسبة للاسباب الي تمنع الزواج من غلاء المهور و التقيد بالعادات والتقاليد والقبلية
فلكل مشكله منها حل ان كان الاهل ينظرون بمنظور ديني

لكن المشكله هي رفض البنت بنفسها لزواج ؟
اذا كانت البنت متعلمه وجميلة ونشيطة وصغيرة سن وترفض كل من تقدم لها مع الحاح واصرار والديها عليها لكن دون جدوى في هذه الحاله كيف التصرف معها ؟

والمشكله بعض البنات يرفضون فكره الزواج وكل من تقدم لهن بدون اللجوء لصلاة الاستخاره وترفض ان تصلي لانها تخاف توافق ! هذه مشكله كبيرة

وبخصوص بعض الاخوات الي يقولون الزواج مب شرط اساسي ولا بنهايه الحياة
المرأه ماراح تحس بأنه مهم في الحياة الا بعد ماتوصل سن الاربعين وتحس بالوحده والفراغ

وبالذات لما الاهل بعد عمر طويل توفوا والاخوان انشغلوا بحياتهم العائلية والصدييقات انتهت مدة صلاحيتهم وابتعدوا والكل انشغل بحاله في هذه اللحظة لابد تحس بأهمية الزواج
سواء بزوج خير لها ام بأولاد يملون حياتها ...


والله يوفق الجميع يارب ...

[الرويـس]

الله يرزق الجميع النصيب

[بصمة قطرية]

الزواج قسمة و نصيب
و بيد رب العالمين
الأب الشروط التعجيزية المهر وغيره
كلها مجرد أسباب....!!!!!
في الأول و الأخير القسمة والنصيب ..

[بوحارب]

الله يرزق الجميع النصيب

امين :(

[لما]

اخطب لبنتك قبل تخطب لولدك
مثل صحيح ميه الميه
اذا شفت رجال كفو ودين وخير اعرض عليه بدون خجل خاصه اذا كانوا يناسبون بعض

[هامور البورصة]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها

قال الله تعالى : وخلقناكم ازواجا ، ليستمتع كل منهما بالاخر وهاذي سنة الحياة ، ومن بيخرج عن هذا فهو شاذ ومافي داعي لنشر الافكار الشاذة وان شاء الله يشفيهم مما ابتلاهم

[بصمة قطرية]

انا ماقريت الردود ، ولا أبي أقراها


أختي / أخوي

الزواج مو كل شيء والمرأة تغيرت عن العصور السابقة

وبما أننا بعصر التطور ، مب حكم على المرأة تكون عندها عيال وريل

يا ما حريم متزوجات يحسدون اللي مب متزوجة ،


رفيجتي عمرها 23 سنة وعندها 4 عيال ، ولا شغل ولا مشغلة ولا طورت نفسها

كل ماتتجمع ويانا وتشوفنا ماتزوجنا تقول لا تستعجلون عيشو حياتكم

الريل مب كل شي ، واذا وصلت سن العنوسة وماتزوجت مب عيب

هذاك أول يعايرون اللي ماتزوجت توصل 25 سنة يسمونها عانس!
الحين المرأة تدرس وتشيل روحها وتمسك مناصب وتكون لها رجل قوية وثابته

ما اشوف ان اللي ماتزوجت معيوبة !
معيوبة فقط اذا حاطة يدها ع خدها وتنطر فارس الاحلام !

وفالنهاية اللي ربي كاتب لها رزق راح يجيها

يوم كنت في عمر ال 23 كانوا عندي ثلاث عيال
و الحمدلله طورت نفسي
و خذت دورات
و تعلمت و قدرت أتفوق على خريجات و موظفات
الزواج عمره ما كان عائق للتطوير
اللي تبي تطور نفسها الحين في ألف وسيلة
أولها النت تقدر تتعلم و تشوف الدورات الموجودة
لا تتحججون بإن الزواج المبكر عائق ..
الرغبة إذا موجودة مافي شي يمنعها و يعيقها ..
و بعدين كلمة لا تستعجلون
قالوا كثيرين و تحسفوا يوم وصلوا لعمر ولقوا نفسهم عايشين روتين
الأهل الله يطول بعمرهم ما راح يدومون للوحدة
الأخوان بيتزوجون و بينشغلون ببيوتهم

[حمد 2002]

الزواج قسمة و نصيب
و بيد رب العالمين
الأب الشروط التعجيزية المهر وغيره
كلها مجرد أسباب....!!!!!
في الأول و الأخير القسمة والنصيب ..

صحيح كلامج قسمه ونصيب ولكن يجب علينا ان نأخذ بالاسباب :)

[be cool]

هاي الموضوع يسببلي حساسيه... لاني صج ابي اتزوج بس المشكله ابوي مايزوجنا...

وايد تقدمولي بس كله يردهم ... والسبب لان امي وابوي مطلقين واحنا اخترنا نعيش عند امي...

الله يسامحه...:weeping:

[عاشق العديد]

هاي الموضوع يسببلي حساسيه... لاني صج ابي اتزوج بس المشكله ابوي مايزوجنا...

وايد تقدمولي بس كله يردهم ... والسبب لان امي وابوي مطلقين واحنا اخترنا نعيش عند امي...

الله يسامحه...:weeping:

:(

الله يكتب لج الي فيه الخير ..

[توشيبا]

التعدد :nice:

ترضين زوجج يتزوج عليج ؟

[توشيبا]

اخوي الغالي Hp

الزواج قسمه ونصيب

يا سعادة أبديه واستقرار
يا وتعاسه وعدم استقرار واستمرار حياة من اجل الابناء
يا ضياع وتشتت وتفكك أسسر

الزواج شنو اهو اتفاق بين طرفين يكون عقد ولو نرجع سبحان الله اهي ورقة تنكتب بينهم وتنفض في حال خل احد الطرفين فيها ..

ورقة ورقة ورقة وكلمة مكونه من أربع حروف ( ما احب اذكرها )


البنات الي ما جائهم نصيبهم في منهم المعذورين ليس بيدهم ولكن يتم الحل والربط في يدي أولياء أمورهم ..

وفي بنات اهم نفسهم يبون الرجال الي على مزاجهم
وفي مطلقات ما حصلوا الراحة مع ازواجهم السابقين يمكن الخلل منها ويمكن منه .. ويمكن بعد فترة يجيها نصيبه وتستقر ويمكن ما تستقر


الحياه بتسير صدقني والي الله كاتب لها رزق بتاخذه

( وفي السماء رزقكم وما توعدون ) صدق الله العظيم


ومع احترامي للكل ونظرة المجتمع

الشباب الي خواتهم تزوجوا ومرتاحين راح يشوفون الاناث غير خواتهم بنظرة انه البنت اهي السبب صدقوني وانه البنت اهي الي خربت على نفسها

والشباب الي عندهم خوات غير متزوجات وطافهم القطار راح ينظر لها بنظرة انه يشوف زوجته متسانسه ويشوف اخته المسكينه ما جاءها حظها وهي اختي شعره في وجهي اذا ما جاء نصيبها اتم في عهدتي لين الله ياخذ امانتي ..



والي ما تبي تتزوج الله يرزقهم ان شاء الله بالزوج الصالح فالجنة بس اهم شيء تحافظ على نفسها في الدنيا ..


الله يرزق كل اخت الزوج الصالح

والله يرزق اخوانا الزوجات الصالحات

احسنت:victory:

[لاجل QT]

البعض من الحريم تشتكي من ريلها

اذا ريلج مب عدل احنا ايش دخلنا في الموضوع

سنعيه قبل

مسكينة

كان سنعوة هله وربوه عدل مثل اللاوادم السنعة

وين هي تسنع قطو عوود..



مستحيل

خل هو يسنع عمرة العوود

الله يعينهم اللى طاحو طيحة خايسة

[نور الحور]

أخوي نجوم .. أشكرك على غيرتك ..واهتمامك بالحلول ..

بالنسبة لي أشوف إن جزء كبير من الحل هو بمحاولة القضاء على (الأسباب) ..

لو تعاملنا بشكل فردي مع كل حالة بنشوف إنه قد تكون هناك أسباب معينة ..

مو كل الحالات ترجع لارتفاع المهور وتىكاليف الزواج ..
ولا كل الحالات ترجع للشروط التعجيزية للبنت ..
مع إن ما يمنع إن تكون هناك أسباب عامة في المجتمع !

بس عموماً كل حالة لها ظروفها .. نشوف ظروف كل حالة كل حسب محيطه .. ونحاول نسهل الحلول ..

نيسر الأمور ونبسطها .. نتساهل في التكاليف لو كانت هي السبب ..
ونخفف من الشروط ..
ونحاول قدر الإمكان التخابر والإعلان عن من نعرف في محيطنا الاجتماعي ..

لكن في حالات بدون سبب ..قسمة ونصيب .. وطبعاً كله بقدر الله ..لكن يمكن ما تقدم لها الكفؤ .. أو انخطبت وانفصلت ..الخ

في هالحالة نأخذ بالأسباب كلها ..
تحسن الظن بالله وتشغل وقتها بالمفيد وتبعد عن ما قد يثر القلق او الكآبة في النفس ..لأني شفت حالات شبه مكتئبة !

وبعضها تحولت نفوسها لأنفس (حاقدة) للأسف .. وهذه المشاعر السلبية تتحول لما يشبه التآكل الداخلي ولا يجلب لها إلا السخط والغضب !

تعيش حياتها ولو في فرص تتشبث فيها ..فرص مثلاً في الظهور في المناسبات أو التعرف على أناس جدد .. المهم الا تدفن نفسها أو تعتزل الحياة الاجتماعية ..

الأب أو الأخ مافي مانع لو خطب لبنته أو أخته الرجل الكفؤ ..
الصديقة لها دور في محاولة أن تدل غيرها ممن يبحثون عن زوجات على صديقتها ..

في ظني لو أخذت الأمور ببساطة أكثر تتيسر الأمور إن شاء الله وتبقى في الأخير كلها (أسباب) والزواج رزق من الله يقدره لمن يشاء وكيف يشاء ..

اللهم ارزق اخواتنا الأزواج الصالحين يارب

[أسد الجزيرة]

مسكينة

كان سنعوة هله وربوه عدل مثل اللاوادم السنعة

وين هي تسنع قطو عوود..



مستحيل

خل هو يسنع عمرة العوود

الله يعينهم اللى طاحو طيحة خايسة

صراحة الله يعينهم حاس بمعاناتهم

استمري:thumbup1:

[لاجل QT]

لو قلنا سلبيات العنوسة

بتكون في البعض الحقد والتفرق لاذية الغير

مافي حد تشغل بالها فيه

البعض وعن تجارب واقعية

هذي اسوء صفة في العنوسة في اعتقادي

[ام ناصر1]

السلبيات ...ايضا ...المرة اذا تعدت الاربعين فيه مخاطر صحية كبيرة عليها وعلى الجنين ...واحتمال الاعاقة
للأطفال يزداد ...بتقدم سن المرأة الحامل ...
اضافة الى انه الفارق الجيلي بين الاب والام والابناء يكون كبير ....

[Tamuq]

قال الله تعالى : وخلقناكم ازواجا ، ليستمتع كل منهما بالاخر وهاذي سنة الحياة ، ومن بيخرج عن هذا فهو شاذ ومافي داعي لنشر الافكار الشاذة وان شاء الله يشفيهم مما ابتلاهم

جزاك الله خير

[على العهد]

ابي اتزوج :shy:

[moon_night]

لو قلنا سلبيات العنوسة

بتكون في البعض الحقد والتفرق لاذية الغير

مافي حد تشغل بالها فيه

البعض وعن تجارب واقعية

هذي اسوء صفة في العنوسة في اعتقادي

مافهمت اختي ممكن توضحين؟؟

[الصريح99]

قال الله تعالى : وخلقناكم ازواجا ، ليستمتع كل منهما بالاخر وهاذي سنة الحياة ، ومن بيخرج عن هذا فهو شاذ ومافي داعي لنشر الافكار الشاذة وان شاء الله يشفيهم مما ابتلاهم

جزاك الله خير اخوي هامور ،،،، ما قصرت بردك المختصر المفيد والله محد وهق البنات وزاد نسبة العنوسه والطلاق الا الأفكار الشاذه عن دينناوعاداتنا رتقاليدنا والله يشفيهم مما ابتلاهم

[هامور البورصة]

جزاك الله خير

وجزيت بمثله

[هامور البورصة]

جزاك الله خير اخوي هامور ،،،، ما قصرت بردك المختصر المفيد والله محد وهق البنات وزاد نسبة العنوسه والطلاق الا الأفكار الشاذه عن دينناوعاداتنا رتقاليدنا والله يشفيهم مما ابتلاهم

ويجزاك خير ويستر على بناتنا وخواتنا

[455]

لابد من تخفيف امور الزواج لان الي بيتزوج بيكون في بداية حياته وعلى قده انا عجبني طرح قدموه في الامارات من فترة وتبنته اغلب القبائل هناك يعني كل شباب القبيلة يتزوجون بهلطريقة وكان راي من احد الحكام وهو انه فترة الزواج تكون من المغرب لين صلاة لعشا ويكون فواكه وخفايف ومشروبات وبس عن التبذير والاسراف والاكل اللي بينقط بلمزابل . ولاكن مايمنع ان تولم ولو بشاه وبذلك خففت ماليا ونفسيا على الرجل مايسوى عليه هلزواج يتم يدفع كل ماله ويتدين ويعيش بهم وضيق عشان خاطر الناس لو طبق مثل هلقرار هنا وتنافست القبائل في تطبيقه لرايت نسبة العنوسة صفر حتى لو مافي حد يعدد بعد بتقل النسبة ولابد نشيل الفكرة القبيحة عن التعدد والرجل يكون قد المسؤولية ويكون وسيع الباااااااال والخاطر ... وصدقوني أي شاب يهون مساله الزواج ومايصعبها ويتوكل على الله اموره تتيسر لانه يكون من ضمن الذين كان على الله حقا ان يعينهم تخيل حق على الله ان يعينك يامن تريد الستر وكان السلف ينصحون من اراد الغنى بالزواج لما ذكر من فضائل اهم شي الدين والله ياجماعه نرجع لدينا فهو سبيلنا من الخلاص من هلمشاكل واذكر حادثة طلب الشيخ الانصاري رحمه الله من احد الوزراء سابقا رحمه الله لااذكر بان الناس بداوو يثقلون على انفسهم باقامة الافراح في الفنادق مما تضيف اعباء وتفتح باب شر على المجتمع فكان من الوزير ان حث الناس ورغبهم على ترك هذه العادات الدخيلة علينا وعدم التبذير وكان الشيخ من قبل وصى ونبه رحمهم الله اجمعين ،،، عودي الى الاسلام ياامة الاسلام كفانا تضييع لديننا فبدونه والله نضيع

[الزعفراني]

عجيب اسمك المستعار ٤٥٥ :)

[455]

هههههههه تسلم ياخي مكينة ترانز ام455sd

[الجوكر90]

مسكينة

كان سنعوة هله وربوه عدل مثل اللاوادم السنعة

وين هي تسنع قطو عوود..



مستحيل

خل هو يسنع عمرة العوود

الله يعينهم اللى طاحو طيحة خايسة

في واحد كان صايع راعي بنات
تزوج وحده قالت له بدون عرس
وراحت العمره معاه قعدوا شهرين عسل
رجع مطوع
من الي سنعه هله
الهدايه من رب العالمين بس هي لها الفضل

[لاجل QT]

في واحد كان صايع راعي بنات
تزوج وحده قالت له بدون عرس
وراحت العمره معاه قعدوا شهرين عسل
رجع مطوع
من الي سنعه هله
الهدايه من رب العالمين بس هي لها الفضل

هذا الشخص في نية داخلية للرجوع الى الله
من كذا اول ماراح بيت الله استحى من نفسة يوم شاف زوجتة تصلي والناس تخاف ربها

وانا سامعة عن زوج عاصي كل ماتقولة زوجتة تبي تروح العمرة يرفض يقول لين الله يهديه ههههههه الشيطان راكبة شتسويله هالفقيرة يعنى اذا هو رافض حتى ياخذ اجر عمرتها

عموما هداية الرجل لاترمونها على عاتق الزوجة وتحملونها مسؤولية عصيان الزوج لربه

هي عليها النصيحة بس
هذا دينا كلنا المفروض جانا الرسول الكريم وهدانا

بعد تبون الزوجة تصير غصب رسول في هداية زوجها ولا بتكون زوجة غير سنعة فاشلة:rolleyes2:

[بنت الطائي]

هاي الموضوع يسببلي حساسيه... لاني صج ابي اتزوج بس المشكله ابوي مايزوجنا...

وايد تقدمولي بس كله يردهم ... والسبب لان امي وابوي مطلقين واحنا اخترنا نعيش عند امي...

الله يسامحه...:weeping:

حبيبتي بنتي اتمنى لج كل خير انصحج بالدعاء تالي الليل وربي بيتقبل منج باذن الله
وقعدي استغفري باليوم حول 500 مرة او اكثر بنية الزواج الله يوفقج

عندي سؤال مهم : بهالحالات شنو من الممكن تقدر تسويه البنت اذا ابوها كل ما جاها حد يرفضه؟

[tony]

هو على حسب شنو سبب عنوسة البنت:

1-بنت تلقينها ماشاء الله من هي بالمدرسة تنخطب تنخطب والكل ميت عليها وعلى جمالها لكن هي يجيها غرور من هالشي وان لا ماتقبل اي حد فتقعد تشرط شروط خيالية من كثر غرورها انا ما اخذ الا جامعي مو ثانوية وما اخذ الا من عوائل محدده مو اي حد اقبل فيه وابيه طويل مو قصير وابيه غني وعنده بيت جاهز ...الخ واخرتها تكبر ويوقف الطلب عليها وتقعد تتحسف على هالغرور...

2- بنت تلقينها مدمنة شغل تموت تموت عالشغل حياتها كلها شغل في شغل لا حياة اجتماعية لا طلعات لا زيارات ولاتهتم بنفسها وبكشختها همها شغلها وتطوير افكار جديدة للشغل يعني هي من الاساس مقتنعه بحياتها وماتبي زوج وعيال يعطلون مسيرتها التنموية .

3- وبنت هي ماعندها شروط ولا طلبات تعجيزية لكن الاهل هم الي يتحكمون فيها هم الي يرفضون الخطاب ويردونهم على حسب الاصل المستوى التعليمي المستوى الاجتماعي المستوى المادي يعني البنت مسكينة مالها يد لا هي الي ترفض ولا تشرط تبي الستر بس اهلها الي يتدخلون مايوافقون على الي يخطبونها وتلقينها حتى آخر من يعلم ان فلان خطبها واهلها ردوه وهي ماعندها خبر.

4- وبنات ماشاء الله ادب واخلاق وراعيات بيت لكن سبحان الله تستغربين ان مثلهم ليش محد يخطبهم او يتقدمون لهم ناس لكن للاسف مايستاهلونهم اخلاقياً وبنات فرررري جدا جدا وعلى طول تلقى نصيبها ومن احسن الناس..... يعني محد يدري نصيبه وين..

من ناحية المساعده للاسف محد بيساعد لا الاب ولا الاخ الكرامة فوق اي اعتبار ... محد بيعرض بنته او اخته للزواج لو الاخ كلم صديقه عن اخته ولا الاب كلم حد عن بنته بيقعدون يسألون ليش اشفيها البنيه اكيد طايحة بجبدهم يبون الفكة ....لكن لو سالفة وحده طالعة مع واحد فيديو خليع بالجوال سييييييده انشررر وانت شاق الحلج لكن السعي للخير لا محد يهتم.

[الرويـس]

امين :(

طلعت من قلبك
:(
يالربع زوجوا بوحارب

[قطريه22]

حسبي الله ونعم الوكيل

[توشيبا]

حسبي الله ونعم الوكيل

تتحسبي علي من ؟

[قطريه22]

تتحسبي علي من ؟

على الي يكون سبب في ان البنت ماتتزوج والعذر يكون تافهه

[توشيبا]

على الي يكون سبب في ان البنت ماتتزوج والعذر يكون تافهه

:victory:

[تحداني]

رب العالمين لم يعد كل نساء الارض بالأزواج
هناك من يتزوجون في الدنيا .. وهناك من سيعوضهم الله سبحانه وتعالى
نعم نأخذ بالأسباب .. نحاول .. نساعد .. نتمنى .. نحزن أحيانا .. نتلهف لطفل ..
لإحساس الإمومه الذي يضعه رب العالمين في احشاء الأم
لكن هناك نقطه فاصله ما بين الرضى بالقضاء والقدر وبين القناعه
الا وهو " انه قدر " ولله سبحانه وتعالى حكمه في ذلك



الفتاه العازيه ما تتمنى من هالحياه سوى مجتمع يتفهم انها عازبه بإراده الله
انها انسانه طبيعيه .. قد تكون خارقه الجمال .. ملكه في الابداع .. مثقفه ..
ليس بالضروره ان تكون تلك الفتاه فيها من العيوب الكثيره
او فيها من قله الحظ .. والدليل هناك من لايستحقون ظفر رجل واحد متزوجين ..
وهناك من لايستحقون احساس الامومه رب العالمين رزقهم به

تقول الوالده .. يا يمه .. ان كان في ميزان عادل في هالدنيا
فهو ميزان رب العالمين .. هو الي يعلم غيب السموات والارض
هو من يبتلي المرأه بزوج لايستحقها
او زوجه لاتستحق ذاك الرجل
هو ذاك الميزان الذي قدر لتلك الفتاه ان تعيش عازبه
لان الحياه سترسم لها سعاده مفرطه دون رجل ...

نعم قد لاتستطيع ان تعيش المرأه بلا رجل ..
اذا كان كل من حولها من اب واخ وخال وعم تبروا منها معنويا ..
تركوها لعين الشفقه .. وتركوها لعين العطف ..
نعم قد لا تستطيع العيش بلا رجل ..
عندما تتبهدل في هالدنيا وسبب هالبهدله اقرب الناس لها
لكن لو عاشت بين احضان اخ واب وعم وخال يفهم ويعي
انهم سيكونون لها كل شي .. لما وصل احساس بعض الفتيات ان يحسدوا المتزوجات
او يبغضوا حياتهم ان يتمنوا اي رجل المهم رجل
ان يحاولوا مرات عده من اجل سلب سعاده الغير لتحقيق سعادتهم وكأن الزواج كيل بمكيال



احساسك جميل اخي الفاضل .. لكن تأكد وثق ان الاخت تفخر بأخوها مليون مره
ان كان لها كل شي .. واعيالك من اعيالها
واعيال اختها من اعيالها اذا رب العالمين ما رزقها زوج
اعرف وحده .. اعيال اخوانها يقولون لها يا يمه


جملك الله برضاه

[أم محمد 90]

يوم كنت في عمر ال 23 كانوا عندي ثلاث عيال
و الحمدلله طورت نفسي
و خذت دورات
و تعلمت و قدرت أتفوق على خريجات و موظفات
الزواج عمره ما كان عائق للتطوير
اللي تبي تطور نفسها الحين في ألف وسيلة
أولها النت تقدر تتعلم و تشوف الدورات الموجودة
لا تتحججون بإن الزواج المبكر عائق ..
الرغبة إذا موجودة مافي شي يمنعها و يعيقها ..
و بعدين كلمة لا تستعجلون
قالوا كثيرين و تحسفوا يوم وصلوا لعمر ولقوا نفسهم عايشين روتين
الأهل الله يطول بعمرهم ما راح يدومون للوحدة
الأخوان بيتزوجون و بينشغلون ببيوتهم

اقري رد شبح الصمت :nice:
ماتحججنا لكن لو جانا نصيب يوقف معانا ويخلينا نرتقي للافضل ماراح نرفض اختي

واذا انتي كان عمرج 23 سنة وعندج عيال وطورتي ونفس والخ ...

انا الحين في سنج واتوقع يوم كنتي في عمري ماكنتي ف المستوى التطويري اللي انا حاليا فيه والحمدلله ع كل حال

[أم محمد 90]

للاسف وانا اسف اخت ام محمد لكن هذا اللي ضيع البنات وخلاهم يشتكون من العنوسه

طيب سوال قوليه حق رفيقتكم المتزوجه اذا عندكم وحده مب متزوجه ترضى انها تبدل وياها يعني يطلقها زوجها وتتزوجه اي وحده ثانيه وشوفي ردها

يكون في علمك أخوي ان رفيقتي الله بلاها برجال قبيلي يبي درزن عيال
ولا هو مقتدر يصرف عليهم

عمره 23 وعنده ثلاث عيال ويبي الرابع ع السنة الجاية
واضطرت انها تغلف شوكلت وسكر وتبيعه عشان بس تحس نفسها سوت شي لعمرها
وفوق هذا كله يقول لها ابي اتزوج الثانية لما اوصل ال 26 وابيها على ذوقج

اللهم لك الحمد والشكر

محد منا يبي ريلها

[شبح الصمت]

اقري رد شبح الصمت :nice:
ماتحججنا لكن لو جانا نصيب يوقف معانا ويخلينا نرتقي للافضل ماراح نرفض اختي

واذا انتي كان عمرج 23 سنة وعندج عيال وطورتي ونفس والخ ...

انا الحين في سنج واتوقع يوم كنتي في عمري ماكنتي ف المستوى التطويري اللي انا حاليا فيه والحمدلله ع كل حال





اشدخلني في السالفة بينكم !!

:secret:

[أم محمد 90]

اشدخلني في السالفة بينكم !!

:secret:

ان هي يا اخوي تقيس (نجاح حياتها) على حساب الاخرين

يعني عشانها تزوجت (وطورت نفسها والخ الخ الخ .....)

معناته كل بنت لازم تتزوج لان حياتها بتكون نفسها

وانت ردك يجمع كل النواحي سواء الزواج الناجح أو الفاشل أو المتعب

ف كنت ابيها تقراه وبس ... :)

[رهج السنابك]

الله يعين الريال ان انحط بين النسوان ههههه

هاردلك شبح

[شبح الصمت]

ان هي يا اخوي تقيس (نجاح حياتها) على حساب الاخرين

يعني عشانها تزوجت (وطورت نفسها والخ الخ الخ .....)

معناته كل بنت لازم تتزوج لان حياتها بتكون نفسها

وانت ردك يجمع كل النواحي سواء الزواج الناجح أو الفاشل أو المتعب

ف كنت ابيها تقراه وبس ... :)




يعطيج العافيه تصدقين نسيت اش كتبت

زهااايمر

:secret:

[رهج السنابك]

ام محمد هذا نك نيم ولا عندج ولد؟

[شبح الصمت]

الله يعين الريال ان انحط بين النسوان ههههه

هاردلك شبح





وحده ترفع والثانية تكبس وانا فالوسط

:rolleyes2:

[aziz4z]

ام محمد هذا نك نيم ولا عندج ولد؟

أمنية الامومة :secret:
يعني إذا تزوجت أول الاولاد محمد :nice:

[أم محمد 90]

ام محمد هذا نك نيم ولا عندج ولد؟

نك نيم :shy:

لان يوم جيت اسجل فالمنتدى ماقبلو نكي !

[أم محمد 90]

أمنية الامومة :secret:
يعني إذا تزوجت أول الاولاد محمد :nice:

صـــــــــــــح :nice:

عطوه جائزة

[مهرة]

نك نيم :shy:

لان يوم جيت اسجل فالمنتدى ماقبلو نكي !


اوبـــــــــــــــــــــــــاااااااااااااااااااااا ااا :eek5:

وكل هالسنين وانا حسبالي انج صج صج ام محمد؟؟؟؟؟:omg:

خلااااااص لا عاد تكلميني :telephone:

[مسمس12]

نك نيم :shy:

لان يوم جيت اسجل فالمنتدى ماقبلو نكي !

خلاص بسمي بدالج ههههههههههههههههههه

[aziz4z]

اوبـــــــــــــــــــــــــاااااااااااااااااااااا ااا :eek5:

وكل هالسنين وانا حسبالي انج صج صج ام محمد؟؟؟؟؟:omg:

خلااااااص لا عاد تكلميني :telephone:

ليش سميت عائشة رضي الله عنها بأم عبد الله :)

[أم محمد 90]

اوبـــــــــــــــــــــــــاااااااااااااااااااااا ااا :eek5:

وكل هالسنين وانا حسبالي انج صج صج ام محمد؟؟؟؟؟:omg:

خلااااااص لا عاد تكلميني :telephone:

شحقه ؟
:weeping:

[أم محمد 90]

خلاص بسمي بدالج ههههههههههههههههههه

بس مابيطلع حلو مثلي :shy:

[رهج السنابك]

اوبااا واحنا نحسبج عيوز ام عيال تلبسين برقع وحوالينج دلالج

طلعتي بنيه كتكوته

[بوحارب]

انا كنت داري

[مهرة]

شحقه ؟
:weeping:



لأني خلاص كنت بسجل اسمج في جمعية مناصرات الأم الكيوووت:shy: واحطج عضو مميز بعد مع مرتبة الشرف ..!!

جذية مضطرة أحطج سكرتيرتي الخاصة بعد شنسوي ابتلينا فيج ..!:tease:

[أم محمد 90]

اوبااا واحنا نحسبج عيوز ام عيال تلبسين برقع وحوالينج دلالج

طلعتي بنيه كتكوته

هههههههههههههههههههههههههه

اقولج لو تشوفيني ماتقولين كتكوته خليها على الله :shy:

[أم محمد 90]

لأني خلاص كنت بسجل اسمج في جمعية مناصرات الأم الكيوووت:shy: واحطج عضو مميز بعد مع مرتبة الشرف ..!!

جذية مضطرة أحطج سكرتيرتي الخاصة بعد شنسوي ابتلينا فيج ..!:tease:

:weeping: افااااا خسرت منصب يعني

سكرتيرة ف دوامي وف منتدى مب حالة :weeping:

[وطن]

يعطيج العافيه تصدقين نسيت اش كتبت

زهااايمر

:secret:

هاهاهاهاها بعدك شباب يا اخوي

[بنـ الدحيل ـت]

شكرا لصاحب الموضوع ،،،

أنا أيضا أتألم لحالهن والله ،،،

أحببت ان اقول :


لو تزوج كل زوج باثنين او ثلاثة او اربعة ،،،

فلن يكون هناك عوانس بإذن الله ،،،

لكن ،،،

الله المستعان ،،،

اللهم اصلح بناتنا واخواتنا ،،،

@@ مشكلة النساء هو التفكير بواسطة(عاطفتها وقلبها ) @@
http://www.qatarshares.com/vb/showthread.php?t=545185

[رهج السنابك]

كلا يابنت الدحيل حتى لو تزوجو مثنى وثلاث ورباع سيكون هناك عوانس اتعلمين لماذا؟؟


لان اللي يبي يعدد يقدر يحصل على موافقه اسرع واسهل من الداخليه عشان يتزوج من برا او ياخذ مقيمه
بيعددون لكن مابياخذون قطريات :)

[أكاديمية]

كلا يابنت الدحيل حتى لو تزوجو مثنى وثلاث ورباع سيكون هناك عوانس اتعلمين لماذا؟؟


لان اللي يبي يعدد يقدر يحصل على موافقه اسرع واسهل من الداخليه عشان يتزوج من برا او ياخذ مقيمه
بيعددون لكن مابياخذون قطريات :)

والله أختي ارستقراطية أنا عايشت قصص كثيرة لمعددين وجميعها أن لم تنتهي بالفشل فكل الاطراف تعيسة ، الخلل مش في موضوع التعدد ذاته بس للأمانه مجتمعاتنا العربية محتاجة قرون علشان تفهم عمق التشريعات الربانية . في ناس بتهاجمني اني ضد التعدد ، لست ضد التعدد بالمفهوم الحقيقي الذي اشعر به في داخلي . ولكن المجتمع يعطي للرجل حقوق أكثر من المرأة حين تصبح الثانية . لما يتقد رجل يتزوج للمرة الثانية ولما البنت تشاور نفسها وتخاف التجربة يقولون لها لازم شوية تنازلات مع انها موب شوية الا تنازلات مرعبة في مقابلها لا يقدم الرجل أي تنازلات الا يحصل التسهيلات بعكس ما هو شائع بين الناس . الرجل يطلب من الثانية ان تشيل نفسها وتصرف على حالها وتساعده بما انه مسؤول عن أسرتين .
لذلك تجدين الزواج باجنبية اسهل من بنت البلد لانها ولابد ستقدم الكثير من التنازلات مقابل حياة افضل من حياتها الحالية لضعف الحال المادي في اغلب الأحيان هذا في حال كانت الثانية او الثالثة .

مفهوم التعدد صعب يفهمه الرجال اكثر من النساء .... وهذه هي الحقيقة لذلك فالتعدد ليس حلا سهلا ومرضيا في اغلب الحالات لمشاكل العنوسة كما تفضلتم ..

وسلامتكم :shy:

[رهج السنابك]

اكاديميه
شايب من جماعتنا يبي يصك الثالثه ماعنده زود مال ولا وظيفه ولا شي راح الاردن شهر ورد معاه العروسه (جمال - ودين - ومعاها دكتوراه :) )
قارني صفاتها بصفاته فرق شاسع
بس مثل ماقلتي العربيه او الاجنبيه مستعده تقدم تنازلات وايد وترضى تاخذ الرجل المعدد والي مافيه اي ميزات لانها تبي تتستر وخلاص والدوله تساعده


بس بعد فكره المجتمع عن التعدد وايد سلبيه

اتذكر بالمدرسه خذنا درس عن التعدد كنت باول ثاني عمري ١٦ وعقب ماخلصت الابله الشرح وجهت لي سؤال ها يا فلانه ترضين بالتعدد ؟ جاوبتها بكل براءه اي ابله لان الله قال مثنى وثلاث ورباع ماعندي اعتراض
كل البنات ضحكوا علي و عيوني غرورقت بالدموع حسيت انهم قالوا عني غبيه :(

فكري ذاك الوقت مابعد تأثر بأي سلبيات لكن الحين الناس تنظر له باجرام وكأن المعدد مجرم في حق زوجته والزوجه تعتقد ان الثانيه بتكوش على كل شي وتشكل لها خطر عليها وعلى عيالها
صح في ناس مب كفو تعدد ويكون ظالم ومجحف
لكن في المقابل في رياييل كفو وقدها
بس الانطباع السلبي موجود عن التعدد رغم وجود نماذج ناجحه


ولكن اتفق معاج هو مب حل للعنوسه
هو حل لحالات من المجتمع لكن من ناحيه انه حل ناجح للعنوسه فلا

[أكاديمية]

أنا اكبر مثال عندك صكيت الخمسة والأربعين من عمري وما زال هناك من يتقدم لكنهم جميعا يبون اللي تصرف على نفسها وعندها وديعة في البنك والا ارض أو بيت .. وين ترضينها على نفسك وفوق هذا انتي الثانية لازم تقدمين تنازلات وتنازلات في مقابل علاقة تنجح أو ما تنجح ........

التعدد نار ستحرق الزوجة الثانية والأولى وسيتبعهم الرجل الا اذا كانوا الثلاثة معدومين الإحساس ولا تنسين الأبناء خصوصا اذا كإنو كبار ما شاء الله .

[رهج السنابك]

اللي يبي يعدد ومايبي يتكلف ماديا يصطفل مب كفو يطق بيوت الناس

لكن تأكدي فيه الشهم الي يخاف الله والي هدفه من التعدد مب مادي ولا مسترخص في بنات الناس

التنازلات الماديه بهذا الشكل غير مقبوله لانها دليل طمع ودليل انه واحد يبي يتمتع بزوجه ثانيه بس بدون مايتكلف مصاريف

[وطن]

أنا اكبر مثال عندك صكيت الخمسة والأربعين من عمري وما زال هناك من يتقدم لكنهم جميعا يبون اللي تصرف على نفسها وعندها وديعة في البنك والا ارض أو بيت .. وين ترضينها على نفسك وفوق هذا انتي الثانية لازم تقدمين تنازلات وتنازلات في مقابل علاقة تنجح أو ما تنجح ........

التعدد نار ستحرق الزوجة الثانية والأولى وسيتبعهم الرجل الا اذا كانوا الثلاثة معدومين الإحساس ولا تنسين الأبناء خصوصا اذا كإنو كبار ما شاء الله .

الله يرزقج الزوج الصالح اللي يسعدج ويقدرج و يحطج في عيونه

عاجلا غير آجل
يا رب

[فلتة زمانها]

الله يوفقكم يا بنات بازواج صالحين ويرزقكم احلى كتاكيت

[طلعة الروح]

أعتقد أن أكثر أولياء الامور أو حتى الأمهات يستحون يعرضون أو يشيرون الى بناتهم للنساء او الرجال بغرض تزويجهم، عاده موجوده للاسف بحجة عيب وعادات وتقاليد مع ان مب غلط ولا حرام انك تذكر انه عندك بنات في سن الزواج حتى لو بطريقه غير مباشره!

[لاجل QT]

شكرا لصاحب الموضوع ،،،

أنا أيضا أتألم لحالهن والله ،،،

أحببت ان اقول :


لو تزوج كل زوج باثنين او ثلاثة او اربعة ،،،

فلن يكون هناك عوانس بإذن الله ،،،

لكن ،،،

الله المستعان ،،،

اللهم اصلح بناتنا واخواتنا ،،،

@@ مشكلة النساء هو التفكير بواسطة(عاطفتها وقلبها ) @@
http://www.qatarshares.com/vb/showthread.php?t=545185




وهل في زمنا تشوفين كل الرجل كفو تعدد ومسؤولية اربع ابيوت

من صجكم؟؟

معقولة بيشيل مسؤولية اربع حريم باعيالهم اللى بيجيبهم منهم وبيت ود ويب وروح

:eek5:

هالرجل الاسطوري اختفى راح ماله وجود

انقرض
الهدف من التعدد في هذا الزمن بالذات الثانيه مسكينة.. وناسة تبديل مل طلقها خذت غيرها..ماتشوفونهم يشترطون مايبون عيال من الثانية ...مايبي تحمل مسؤولية

تخيلو عديمين اللامسؤولية تزووجو اربع نساء ويابو عيال بتصير كارثة ..من بيربي هالجيل؟؟؟ الشارعّ!!!!!

[عنيــــد]

و اذا كان الرجال مهوب كفو (على قولتكم) يتحمل يفتح اربع بيوت ،،

طيب اليوم هذا و انا متأكد من كلامي ،، كثير من الزوجات يشاركون ازواجهم مصاريف البيوت حباً و كرامة ،، و كل زوجين عاقلين يبون الافضل لهم و لعيالهم و العمر فاني و الفلوس مصيرها تروح ،،

اللي اقصده ان الانسان العاقل يفكر في الامور و عواقبها ،، وش المشكلة لو واحد يبي يتزوج له ثانيه و يبيها تساعده في حياته معها ،، طيب الفلوس اللي عندها وش قيمتها قدام انها تكون ام و لها عيال يسندونها و يدعون لها لا صارت تحت التراب ؟؟؟

بعض الحريم تتزوج و لا تكمل سنه الا و مطلقه ،، و بعضهم بعد سنتين ثلاث مطلقة لكن ع الاقل عندها طفل تفرح فيه ،،

الدولة ما قصرت و رفعت رواتب الرجال و النساء عشان تساعد بيوت قطر و عوايلها لتصل لالى مستوى رفاهية و راحة بال ،، و لكن الناس صارت مادية كن الفلوس بتنحط معها في القبر !!


و حتى اللي يشرط عليها ما يبي عيال ،، ممكن مع الزواج و مع الحب و الغلا ،، يمكن الله يهدي قلبه و يفرح حليلته بولد ،، ترى الدنيا بخير و الله يرزق المؤمن ،،

اقول اللي يمديه يلحق خلوه يتلاحق نفسه و الخير عند الله فضيل ،، اهم شي زوج صالح و الباقي يتسهل من الله سبحانه ،،

[doha70999]

احيك على احساسك ، المشكلة ان الكل يشوف البنت اللي ماتزوجت بنك ولازم تصرف على البيت كل راتبها ...ليش لان ماعندي عيال ولا التزامات!! حسبي الله على هالفئة والله يعين ان شاء لله





















mp3 youtube - go to website (http://mp3-youtube.kambasoft.com/ )























descargar youtube downloader here (http://descargar-youtube-downloader.kambasoft.com/ )

[طلعة الروح]

الله يعينهم لأن فعليا هم ملزومين يشتغلون ويصرفون على اعمارهم ولو فرضنا ان عندها اخوان واب فأكيد اوصلت لعمر ماتطلب فيه مصروف من اهلها ومن حقها تتمتع بحقوقها من الدولة لان الاصل لايوجد زوج يتكفل بها فأشوف من واجب الدولة ان تجعل لهن وضع خاص حالهم حال المطلقات والارامل خصوصا اللي تجاوز عمرهم 30 سنة بدون زواج

[.:: القيصر ::.]

اللي يبي يعدد ومايبي يتكلف ماديا يصطفل مب كفو يطق بيوت الناس

لكن تأكدي فيه الشهم الي يخاف الله والي هدفه من التعدد مب مادي ولا مسترخص في بنات الناس

التنازلات الماديه بهذا الشكل غير مقبوله لانها دليل طمع ودليل انه واحد يبي يتمتع بزوجه ثانيه بس بدون مايتكلف مصاريف

1- صحيح ليس هناك سقف للمهر و لكن هناك احاديث وردت و تم فيها التذكير بتقليل المهر ، و بالنسبة لتقليل المهر مب معناته ان البنت رخيصة :) الانسان لا يقدر اصلا بالمال .
2- التنازلات المادية غير مقبولة لانها دليل طمع ممكن اعرف الطمع من أي ناحية !! ، هل التفكير في التعدد فقط مجرد النوم ! ان كان مجرد النوم فالمسيار موجود و لم يحرمه علماء الدين لوجود شهود و عقد كما هو الحال في الزواج المتعارف عليه

التعدد ليس في النوم فقط

و التعدد يجب فيه العدل و العدل ليس بالسهل

وفي النهاية لما يطلب الرجل تقليل المهر ما راح يكون في باله الاستمتاع فقط

احنا لما نطلب تقليل المهر نطلبه لتوفير اشياء ثانية للزوجة بدال ما تروح لناس جاية بس ترقص و تاكل و تسولف و و و و

و اخر شيء تقول والله الطقاقة مب شي و عشاهم مب لين اهناك ومن هالخربطة يعني ينتهون من العرس بعقرة

في النهاية الفلوس اللي انا بقطها على الطلبات التعجيزية اللي بتكون في مجرد 5 ساعات انا و زوجتي اولا بها

اتمنى يا اختي ان يكون في باللج لما يطلب الرجل التقليل في المهر و الطلبات هو التقرب اكثر من المرأة و تقديرها منذ البداية لان هي هونت عليه وقدرته في بداية المشوار


اتمنى ما طولت بالكلام


و بالتوفيق للجميع

للعلم الحمدلله متزوج بسعر خيالي و رخيص في عام 2011 مع وقت الغلاء و الله يطرح فيها البركة ماقصرت طال عمرها

و على التنازلات صارت اغلى من اغلى ومن اغلى ما اعرف اعبر لكن أي شي ينطلب الحين يتوفر بدون أي تردد

[أكاديمية]

الله يعينهم لأن فعليا هم ملزومين يشتغلون ويصرفون على اعمارهم ولو فرضنا ان عندها اخوان واب فأكيد اوصلت لعمر ماتطلب فيه مصروف من اهلها ومن حقها تتمتع بحقوقها من الدولة لان الاصل لايوجد زوج يتكفل بها فأشوف من واجب الدولة ان تجعل لهن وضع خاص حالهم حال المطلقات والارامل خصوصا اللي تجاوز عمرهم 30 سنة بدون زواج

والله أختي اغلب اللي مب متزوجات يعتمدون على نفسهم حتى وأن كان في وجود الأب والإخوان ، بعد عمر معين يكون الأب كبر في السن والإخوان تزوجوا واللي ما تزوج معتمد على أخته أو خواته اللي كبر منه في تخليص مسؤوليات البيت وتخليص أمورهم بعد .

أما مسألة المطالبة بالصرف لأنه ما عليها التزامات فهي محاولات يقوم بها الأب والإخوان في اغلب البيوت ويتوقفون عن المحاولة متى ما لقوا رفض وثبات . ما عاد حد يحس بحد وكل شخص يدور مصلحته وتمضي الحياة .

المصيبة صاروا يسوفون في حقوقنا نحن الغير متزوجات ويعتبرونا ظروف خاصة وهذا اللقب سمعته منهم في الإسكان وأنا أطالب بحقوق وكل اللي وصلني منهم ظروفك خاصة لا نك تسكنين مع أهلك وغير متزوجة وما نقدر نبت في الموضوع في الوقت الحالي وبس .

أتخيل حياتي بعد أبوي وأمي يجون أخواني يطالبون بحقوقهم في بيت العائلة شبيكون مصيري اذا الدولة ما تساعدني بعد ها السن متى بتساعدني بعد التقاعد مثلا !!

مقفلينها علينا من كل صوب ... الله المستعان

[طلعة الروح]

والله أختي اغلب اللي مب متزوجات يعتمدون على نفسهم حتى وأن كان في وجود الأب والإخوان ، بعد عمر معين يكون الأب كبر في السن والإخوان تزوجوا واللي ما تزوج معتمد على أخته أو خواته اللي كبر منه في تخليص مسؤوليات البيت وتخليص أمورهم بعد .

أما مسألة المطالبة بالصرف لأنه ما عليها التزامات فهي محاولات يقوم بها الأب والإخوان في اغلب البيوت ويتوقفون عن المحاولة متى ما لقوا رفض وثبات . ما عاد حد يحس بحد وكل شخص يدور مصلحته وتمضي الحياة .

المصيبة صاروا يسوفون في حقوقنا نحن الغير متزوجات ويعتبرونا ظروف خاصة وهذا اللقب سمعته منهم في الإسكان وأنا أطالب بحقوق وكل اللي وصلني منهم ظروفك خاصة لا نك تسكنين مع أهلك وغير متزوجة وما نقدر نبت في الموضوع في الوقت الحالي وبس .

أتخيل حياتي بعد أبوي وأمي يجون أخواني يطالبون بحقوقهم في بيت العائلة شبيكون مصيري اذا الدولة ما تساعدني بعد ها السن متى بتساعدني بعد التقاعد مثلا !!

مقفلينها علينا من كل صوب ... الله المستعان


وهاي اللي انا حبيت أأكد عليه ، البنت بهالعمر صحيح انها ممكن تكون معتمده على عمرها وتشتغل وحتى لو ما كانت تشتغل لازم يكون لها وضع خاص في الدولة
اللي يشيل يده بحجة انها ساكنه مع اهلها اقول لو فرضنا ان الاهل وولي الأمر رحل لاقدر الله عن الحياه وتوارثوا الاخوان المنزل وين تروح البنت تسكن عند اخوانها؟
نفرض انه في مشاكل بينها وبين نسوان اخوانها او لأي سبب من الاسباب من جذي اقول عدم الزواج ومنزل الاهل مب حجة خل الدولة تدرس الظروف عدل كفايه انها انحرمت من حقها ودورها الطبيعي في الحياه لأاي سبب من الأسباب نزود عليها بحرمان حق يكفله لها الدستور!!! اللي قاعد يصير الحين من اهمال لحقوق المواطنة من هالفئة مانقول غير حسبنا الله ونعم الوكيل في اللي له يد بهالموضوع! وبعدين هم ليش ناطرين الوحده يصير عمرها فوق35 ومع التعطيل يمكن توصل 40 سنة عشان يعطونها حق الرعاية السكنية خلوها تضمن مستقبلها وهي بعز عطائها وشبابها القانون هذا قلنا لهم من زمان يبيله تعديل من الاساس! اللهم اني بلغت اللهم فاشهد..

[بصمة قطرية]

اقري رد شبح الصمت :nice:
ماتحججنا لكن لو جانا نصيب يوقف معانا ويخلينا نرتقي للافضل ماراح نرفض اختي

واذا انتي كان عمرج 23 سنة وعندج عيال وطورتي ونفس والخ ...

انا الحين في سنج واتوقع يوم كنتي في عمري ماكنتي ف المستوى التطويري اللي انا حاليا فيه والحمدلله ع كل حال
يوم كنت في عمرج كنت حاصلة على كل الدورات و مخلصة ومتفرغة لعيالي
زمن عن زمن يفرق
و كوني كنت في عمر ال 23 و أم يختلف عن بنت في هالعمر ..!!!
ركزي في كلامي أنا ردي كان عن المثال اللي ذكرتيه عن صديقتج ..