استفسارعن هيوستن ضروري جدأ .........

[الغالي1]

شباب انا مسافر للعلاج لامريكا ( هيوستن ) على حساب الدولة ممكن حد عنده معلومات عن السكن والمواصلات وغيرها وكم المبلغ الي اخذه معاي
تكفون ياشباب اذا حد راح وجرب ولا عنده حد هناك لايبخل علينا
واسأل الله العظيم ان يشفي جميع مرضى المسلمين

[عاشق العديد]

.. السلام عليكم مرحبا .. اخوي

اتمنى اني اقدر افيدك بشكل جيد ..

بنسبه حق هيوستن .. انا سكنت في ايمي ..
في مجمع سكني والي اجر لنا شخص مع السفاره فلسطيني ..
والسعر كان شوي مرتفع هو نفسه الشخص عنده محل تاجير سيارات جنب المجمع السكني ..

السياره كانت علينا فاليوم تقريبا ان ماخاب ظني 30 دولار ..
والشقه كانت 90 او 85 ..
انت خذ معاك مبلغ بسيط 25 الف قطري .. وخل عندك فلوس فالبطاقه لانك انت اوردي الدوله بتمشي لك مبلغ معين ..
طبعا راح تحتاج تزور بعض الاماكن الترفيههه في وقت النزه .. انصحك تودي معاك قارمن اصلي ..
سواء تشتري من امريكا او من الدوحـه ..
بنسبه حق المطاعم العربيه .. في مطاعم عربيه جنب السكن ايمي ..
وفي بقاله يمنيه .. عنده مستلزمات من ناحية خبز وكذا ..
وحاسب من الخنازير .. في بعض المطاعم المشهوره مثل ابل بيز وفرايديز اكد عليهم انه يادجاج او لحم بقر ..


انصحك في مدينة الالعاب كيمه ومجمع غالريا وناسا الفضائيه
وفي منطقه قريبه من هيوستن شوي اسمها غلف ستون في مدينه العاب جميله جدا ..
والله يشفيك وماتشوف شر وترجع لاهلك سالم غانم اللهم امين ..

واذا محتاج شباب هناك يساعدونك بشي عطني خبر ..

[ظل القمر]

الله يشفي مريضكم يارب


بخصوص المواصلات لابد انك تأجر لنفسك سياره لانه هم ماعندهم مشي في الشوارع + التكاسي نادرة جدا جدا جدا فاول ماتوصل من المطار خذلك سياره من المكاتب اللي اهناك

السكن اذا بتم فترة بسيطة الافضل انك تسكن بفندق جنب المدينة الطبية
انا سكنت في

http://www.booking.com/hotel/us/courtyard-houston-medical-center.ar.html

فندق نظيف مشكلته مافيه مطعم كوفي شوب ستاربكس فقط

ومن الفندق الى المستشفى ماراح ياخذ منك الا خمس دقايق بالسيارة

وابدز لك رقم على الخاص لوحده اردنية تقدر تأجر من عندها شقة هم
شكلهم عايله يشتغلون في تأجير الشقق وهكذا
شققهم نظيفة والمكان آمن جدا جدا سيكورتي في البوابات وعقد
تخليك قاعد متأمن ومرتاح

قول لها القى شقق عندكم في Domain At Kirby جنب المدينة الطبية

حدد لها المدة بالضبط اللي بتم فيها بالشقة لانك لو طلعت قبل انتهاء المدة ماراح يرجعون لك مبلغك
فقط التأمين

بنصحك نصيحة لاتعتمد على ربعنا في المكتب الطبي في امورك ومواعيدك تراهم خبر خير
وكل شيء بيكون عليك انت تسويه بنفسك ... يعني المكتب الطبي بهيوستن للاسف سيء
ولا يقارن باللي في وشنطن او نيويورك ما شاء الله عليهم

الصرف ماهو كثير لو سكنت بشقة .. و عندك جمعية اسمها فيستا اسعارها زينه
وفيها من منتجاتنا العربيه

اي استفسار ثاني انا حاضر

[الغالي1]

جزاكم الله كل خير
ماقصرتوا

[الفا برافو]

اجر وعافيه ... وتروح وترجع بالسلامه ان شاء الله..