تفتيش المجرمين ( عفواً الطلاب ) في المدارس !!

[khalid Qtr]

بسم الله الرحمن الرحيم

أطلعتنا جريدة الراية في عددها الصادر اليوم الخميس 7 / 11 على تحقيق مفصل حول ما يتعرض له طلابنا من حملات تفتيش في المدارس ، وبطبيعة الحال لا أحد يمانع من اجراء مثل هذه الحملات كل فترة لمنع حمل بعض الأشياء الممنوعة التي تؤثر على السلوك.
ولكن المستفز في الأمر هو الطريقة التي يتم من خلالها التفتيش والتي تسبب الكثير من المشاكل بين الطلاب والمفتشين من أعضاء هيئة التدريس والذين يفتشون بعض الطلاب وكأنهم مجرمين !

وقبل أن اضع التحقيق بين يديكم أود الاشارة إلى ان بعض المدارس تمنع الطلاب من ادخال أطعمة عادية للمدرسة مثل الشيبس والكافي !! وبعض المدارس لا تسمح للطالب إلا بإدخال كمية محدودة ( لشخص واحد ) واذا كان عنده زيادة تتم مصادرته !

التحقيق من هنا :

http://raya.com/news/pages/896c688b-1405-4e6a-91e7-720a4f816739

[ضوى]

والله بجد ماعرفنا حق هالاهالي ، مايعجبهم شي ، ان دخلوا شي مخالف من غير لا يدرون عنهم الادارة قالوا وين الادارة شنهو هالتسيب ، وان شددوا الرقابة والتفتيش قالوا تفتيش تعسفي ،

جيل هالوقت يبي له هالتفتيش التعسفي خلاص ماعاد يمسكه شي ماخلوا شي ماسوووه لازم شوي ضبط اخلاقي وسلوكي

[خبير أسهم]

صباح الخير

الطلاب ........

اعتقد من الضروري تفتيش بعض من الطلاب من قبل الادارة وذلك لمصلحتهم

واعتقد ان معظم اولياء الامور موافقين على ذلك

[aziz4z]

بعض منهم يمنعون الشيبس و الكافي , حسب ما سمعت منهم اهتماما بصحتهم
تؤثر في صحتهم إذا كثروا منها , و تنبيه للطلاب بعدم الاكثار منها , طالب يجيب و الثاني بكرة يقلده , فيكثرون منها

[باندول]

شوشرة جرائد المدرسة ما تبي غير مصلحة الطالب

سابقا التربية تبدا من البيت ثم المدرسة
حاليا الخراب يجي من البيت ومن ثم ترمم المدرسة الخلل

الكل يتهم المدرسة وهو ميدري عن عياله
الي شايل تلفون مدخله الصف والي مدخل زقاير ومايبي حد يفتشه
والي في راسها قمل وماتبي حد يكشفها ...وغيرة من الامور

الدوله ادرى بمصلحه شعبها

[حمد 2002]

اخبر يوم كنا بالابتدائيه كان الفلفل الاحمر ممنوع ايدخلونه للمدرسه ههههههههه والله ايام حلوه ، وتالي الجوالات ممنوع دخولها للمدرسه مادري اذا هالقووانين مازالت مستمره او لا !!!!!

مممممم التفتيش ضروري لكن على حسب نوع وطريقه التفتيش وشنو الشيئ الي تبي اتفتشه وتمنع دخوله للمدرسه لانك في النهايه اتعامل مع طلاب مراهقين ،،،

واذا استخدمت معاهم العنف والصرامه بالتفتيش ، بيدخلون هالممنوعات الي تحضرها المدرسه غصب طيب ،، (( كل ممنوع مرغوب ))
مع التحيه اخوي خالد وفالك التوفيق ،،،

[moonبنتnight]

خلهم يحسون أنهم في العسكرية 00
والنظام نظام لا أحد يزعل 00
وعن طريقة التنفيش خلهم يتعلمون أن يوم حلو يوم مر 00
يتعلمون المسؤولية أحسن لهم 00

[عـ العبيدلي]

" يحذر التربويون من تفتيش الطلاب وإسناد تلك المهمة إلى غير المختصين لما لها من تأثير سلبي على شخصية الطلاب وأكدوا أن التفتيش دون مبررات قانونية أو إجرائية ودون حالات الاشتباه يضع الطلاب في موضع الاتهام، فضلا عن تسبب تلك الإجراءات في انهيار الثقة بين الطلاب وإدارات المدارس."

"د. بتول خليفة: سوء الظن بالطلاب يتعارض مع القواعد التربوية"

اهل الخبـره رفضـوا الموضوع , وهم ابخص منا في هالموضوع ,
فنتمنى انه يكون له حل ؟

[khalid Qtr]

لا خلاف حول أهمية التفتيش ، ولكن الخلاف حول أسلوبه

[حمد 2002]

لا خلاف حول أهمية التفتيش ، ولكن الخلاف حول أسلوبه

صحيح كلامك ولاغبار عليه ،، :victory:

[باندول]

" يحذر التربويون من تفتيش الطلاب وإسناد تلك المهمة إلى غير المختصين لما لها من تأثير سلبي على شخصية الطلاب وأكدوا أن التفتيش دون مبررات قانونية أو إجرائية ودون حالات الاشتباه يضع الطلاب في موضع الاتهام، فضلا عن تسبب تلك الإجراءات في انهيار الثقة بين الطلاب وإدارات المدارس."

"د. بتول خليفة: سوء الظن بالطلاب يتعارض مع القواعد التربوية"

اهل الخبـره رفضـوا الموضوع , وهم ابخص منا في هالموضوع ,
فنتمنى انه يكون له حل ؟

ضاهر يا العبيدلي اهل الخبرة مشغولين في عملهم وخبرتهم وناسيين عيالهم
في ذمتك انت ما تدري عن الطلاب وسلوكهم الغير اخلاقي :secret:

[عـ العبيدلي]

^^
ما نقدر نتكلم عن عيال الناس واحنا ما نعرفهم ..
بصراحه جهودهم واضحه ومشكوره , انهم يصححون هالسلوكيات الخاطئه , لكن للأسف نادرين الي يسمعونهم ..
قابلت تربويين وعيالهم ما شاء الله بصراحه مثال وقدوه ..

خلهم مع عيالهم وخلنا مع عيالنــااا .. " كلكم مسؤول عن رعيته "

ما نبي نطلع عن محور الموضوع ..

لازم يكون في اسلوب مدروس للتفتيش ..

[عاشق العديد]

اخبر يوم كنا بالابتدائيه كان الفلفل الاحمر ممنوع ايدخلونه للمدرسه ههههههههه والله ايام حلوه ، وتالي الجوالات ممنوع دخولها للمدرسه مادري اذا هالقووانين مازالت مستمره او لا !!!!!

مممممم التفتيش ضروري لكن على حسب نوع وطريقه التفتيش وشنو الشيئ الي تبي اتفتشه وتمنع دخوله للمدرسه لانك في النهايه اتعامل مع طلاب مراهقين ،،،

واذا استخدمت معاهم العنف والصرامه بالتفتيش ، بيدخلون هالممنوعات الي تحضرها المدرسه غصب طيب ،، (( كل ممنوع مرغوب ))
مع التحيه اخوي خالد وفالك التوفيق ،،،

انت مواليد كم لحقت على الجوالات وترتيبات .؟ ههههههههههههه

[باندول]

^^
ما نقدر نتكلم عن عيال الناس واحنا ما نعرفهم ..
بصراحه جهودهم واضحه ومشكوره , انهم يصححون هالسلوكيات الخاطئه , لكن للأسف نادرين الي يسمعونهم ..
قابلت تربويين وعيالهم ما شاء الله بصراحه مثال وقدوه ..

خلهم مع عيالهم وخلنا مع عيالنــااا .. " كلكم مسؤول عن رعيته "

ما نبي نطلع عن محور الموضوع ..

لازم يكون في اسلوب مدروس للتفتيش ..

التفتيش معروف اسبابه وليش تفتيش
حتى اذكر من فترة جاني رساله مسج من مدرسه بنتي
انهم بيسون تفتيش على شعورهم والي يطلع في راسها قمل بيرجعونها لبيت عشان ماتعدي الطالبات وتم في البيت لين اهلها يعالجونها
يعني لحين المدرسه اتدور مصلحه الطلاب
ونلومها وتقولي ممختصيين

[رجل الجزيرة]

مع التفتيش ولكن بإحترام إلا إذا الطالب تمرد فهذا شيء آخر.

[حمد 2002]

انت مواليد كم لحقت على الجوالات وترتيبات .؟ ههههههههههههه

الثمانينيات ولكن كم بالتحديد هالشيء ماقدر ابوح فيه ،، :shy:

[عاشق العديد]

الثمانينيات ولكن كم بالتحديد هالشيء ماقدر ابوح فيه ،، :shy:

.. هههههههه ..

زين الله يعطيك طولت العمر ..

عيل لحقت على الجوالات .. هههه

[شبيه الريح]

مؤيد للتفتيش وبقوة
الجوالات تدخل وفيها بلاوي
والسويكة وربع السويكة وتدرجا الى اعلى

الا مؤيد ومؤيد وبقوة

[ضوى]

التفتيش معروف اسبابه وليش تفتيش
حتى اذكر من فترة جاني رساله مسج من مدرسه بنتي
انهم بيسون تفتيش على شعورهم والي يطلع في راسها قمل بيرجعونها لبيت عشان ماتعدي الطالبات وتم في البيت لين اهلها يعالجونها
يعني لحين المدرسه اتدور مصلحه الطلاب
ونلومها وتقولي ممختصيين

ولا جا هالبلا الا من المختصين

وعلييه علينا ضرب وانضربنا وحبس وانحبسنا ونسخ الف مرة ونسخنا ، ماشوف ظهرت علينا عقد والا سوالف علم النفس الغبية ، ضيعوا علينا بسالفة ذواتكم ونفسيتكم وخرابيطكم

[حمد 2002]

.. هههههههه ..

زين الله يعطيك طولت العمر ..

عيل لحقت على الجوالات .. هههه

تسلم وياك يالذيب ،، :shy::shy:

[عـ العبيدلي]

التفتيش معروف اسبابه وليش تفتيش
حتى اذكر من فترة جاني رساله مسج من مدرسه بنتي
انهم بيسون تفتيش على شعورهم والي يطلع في راسها قمل بيرجعونها لبيت عشان ماتعدي الطالبات وتم في البيت لين اهلها يعالجونها
يعني لحين المدرسه اتدور مصلحه الطلاب
ونلومها وتقولي ممختصيين

اوكي قلنا يفتشونهم بس يحترمونهم .. حتى على القمل يقدرون يفتشون عادي بالعدال بدون ما يذلونهم ويبهدلونهم ..

ترى راحوا وله ردو طلاب .. لازم ما تتعامل معاهم مثل اي حد ثاني !؟
وله تبي تبهدل الطلاب من اول يومه فالمدرسة وعقب نقول العيال ما يحبون المدرسة !؟

ومن قال انهم ما يدورون مصلحة الطالب !؟
وشفيهم المختصين !؟ شقالوا ؟ قالوا شي غلط !؟؟ قالوا ما يتعدون على الطلاب وهاي حقهم وهم دارسين وفاهمين الطلاب اكثر منا !!

[Abdulraman]

اذا مافتشوهم قالو اهمال من ادارة المدرسه واذا فتشوهم قالو يعاملون عيالنا كأنهم مجرمين
انتوا لا يعجبكم العجب ولا الصيام في رجب

[باندول]

اذا مافتشوهم قالو اهمال من ادارة المدرسه واذا فتشوهم قالو يعاملون عيالنا كأنهم مجرمين
انتوا لا يعجبكم العجب ولا الصيام في رجب

صح كلامك اللوم دوم على المدرسة
ذكرتني بواحد يقول انه ولده يستعمل سويكا وزقاير وسبب المدرسه هم الي خربوا ولده
اقوله غير بدل ماهو راضي يقتنع
ولدي ريال يعرف مصلحته وربعه زنين
يله رقعها مع هلاشكال

[khalid Qtr]

اذا مافتشوهم قالو اهمال من ادارة المدرسه واذا فتشوهم قالو يعاملون عيالنا كأنهم مجرمين
انتوا لا يعجبكم العجب ولا الصيام في رجب

نكرر أخوي الكريم .. التفتيش ضروري ولا بد منه ، ولكن احترم الطالب اللي تفتشه ، فتشه بأسلوب محترم .. جيب أجهزة للتفتيش مثل اللي يستخدمونها في قاعات الأفراح للكشف عن الأجهزة ، أما انك تقعد تتلمس في جسم الطالب وتستفزه ربما بكلمات مثل ( أنا عارف ان عندك شي طلعه أحسنلك ، حركاتكم مكشوفة ، شايف من اشكالك كثير طلع اللي عندك . الخ ) .. هذا اسلوب غير مرضي ..

[باندول]

نكرر أخوي الكريم .. التفتيش ضروري ولا بد منه ، ولكن احترم الطالب اللي تفتشه ، فتشه بأسلوب محترم .. جيب أجهزة للتفتيش مثل اللي يستخدمونها في قاعات الأفراح للكشف عن الأجهزة ، أما انك تقعد تتلمس في جسم الطالب وتستفزه ربما بكلمات مثل ( أنا عارف ان عندك شي طلعه أحسنلك ، حركاتكم مكشوفة ، شايف من اشكالك كثير طلع اللي عندك . الخ ) .. هذا اسلوب غير مرضي ..

ياخي انت كاتب موضوع تحرش اثناء التفتيش او كاتب عن موضوع التفتيش
بعدين أي جهاز بيطلع لك القمل الي في شعر
وزقاير وسويكا وغيرة
صبحك الله بلنور

[khalid Qtr]

ياخي انت كاتب موضوع تحرش اثناء التفتيش او كاتب عن موضوع التفتيش
بعدين أي جهاز بيطلع لك القمل الي في شعر
وزقاير وسويكا وغيرة
صبحك الله بلنور

ما تكلمت عن التحرش ، ومحشومين المدرسين وادارات المدارس عن ذلك ..
ولكن ان حد يفتشك بهذا الاسلوب ما ترضاها ، وبعدين الجهاز يختص بالبحث عن الجوالات ، باقي الاشياء دورها في جيوبه ، وين بتكون في غير هالمكان يعني !!

[khalid Qtr]

ياخي انت كاتب موضوع تحرش اثناء التفتيش او كاتب عن موضوع التفتيش
بعدين أي جهاز بيطلع لك القمل الي في شعر
وزقاير وسويكا وغيرة
صبحك الله بلنور

بصراحة مستغرب من سالفة التفتيش على القمل :/

[بونووف]

اخبر يوم كنا بالابتدائيه كان الفلفل الاحمر ممنوع ايدخلونه للمدرسه ههههههههه والله ايام حلوه ، وتالي الجوالات ممنوع دخولها للمدرسه مادري اذا هالقووانين مازالت مستمره او لا !!!!!

مممممم التفتيش ضروري لكن على حسب نوع وطريقه التفتيش وشنو الشيئ الي تبي اتفتشه وتمنع دخوله للمدرسه لانك في النهايه اتعامل مع طلاب مراهقين ،،،

واذا استخدمت معاهم العنف والصرامه بالتفتيش ، بيدخلون هالممنوعات الي تحضرها المدرسه غصب طيب ،، (( كل ممنوع مرغوب ))
مع التحيه اخوي خالد وفالك التوفيق ،،،

الله على غرشة الكريستال ايااام

[بو خليفه 123]

جيل مدلّع .. و اولياء أمور يبيلهم تلشط بالخيزران قبل عيالهم .

الله يرحم ايام استاذ ابو مازن يوم كان يلشطنا بالمسطره و خلانا نعرف الفرق بين فعل الأمر والفعل المضارع والفعل الماضي .

الحين جيل barney and his family

[حمد 2002]

الله على غرشة الكريستال ايااام

:nice:

[Abdulraman]

اتذكر على ايامنا في الثمانينيات والله عندنا مدير شري الله يذكره بالخير كان في طابور الصباح يمر علينا واللي شعره في قمل وصيبان والله كان يطلعهم من الطابور وعلى طول يرش علي روسهم ادوه للقمل والصيبان:nice:

[أخت الكل]

التفتيش والرقابة ضرورة خصوصا مع الأجيال الحالية لكن باسلوب ما يكون فيه إهانة او تجريح للطالب

[باندول]

اتذكر على ايامنا في الثمانينيات والله عندنا مدير شري الله يذكره بالخير كان في طابور الصباح يمر علينا واللي شعره في قمل وصيبان والله كان يطلعهم من الطابور وعلى طول يرش علي روسهم ادوه للقمل والصيبان:nice:

يا رجال االاول الابهات يروح لمدير يقوله الولد عطيناكم اياه لحم ردوة عظم ويطقونا ويضربونا حق مصلحتنا
يوم كبرنا عرفنا انهم صح التربيه من البيت ثم المدرسه
لحين المشكله اغلب الرجاجييل سكانهم عند حريمهم تسوق فيه وين ماتروح توديه اذا
المدرس طق الولد روح اشتك عليه وحتى لو الولد كان مشاغب والحق مع المدرس
يا رجال يله خذ خل

[بو خليفه 123]

اتذكر على ايامنا في الثمانينيات والله عندنا مدير شري الله يذكره بالخير كان في طابور الصباح يمر علينا واللي شعره في قمل وصيبان والله كان يطلعهم من الطابور وعلى طول يرش علي روسهم ادوه للقمل والصيبان:nice:


هههههههههه

بو عوف قول الصدق كم مره طلعك من الطابور

عادي كلنا اخوان :shy:

[khalid Qtr]

جيل مدلّع .. و اولياء أمور يبيلهم تلشط بالخيزران قبل عيالهم .

الله يرحم ايام استاذ ابو مازن يوم كان يلشطنا بالمسطره و خلانا نعرف الفرق بين فعل الأمر والفعل المضارع والفعل الماضي .

الحين جيل barney and his family

يا رجال كنا نخاف نقول للأهل ان المدرسين جلدونا :(

كانوا الشيبان الله يحفظهم يقولون للمدرسين لكم اللحم ولنا العظم :eek5:

كان الخوف مسوي عجايب (:

[Abdulraman]

بعض الطلاب مسوين مخابي سريه في ثيابهم ووشفت بعيني

[khalid Qtr]

يا رجال االاول الابهات يروح لمدير يقوله الولد عطيناكم اياه لحم ردوة عظم ويطقونا ويضربونا حق مصلحتنا
يوم كبرنا عرفنا انهم صح التربيه من البيت ثم المدرسه
لحين المشكله اغلب الرجاجييل سكانهم عند حريمهم تسوق فيه وين ماتروح توديه اذا
المدرس طق الولد روح اشتك عليه وحتى لو الولد كان مشاغب والحق مع المدرس
يا رجال يله خذ خل

كلام سليم ، منع الضرب افقد المدرس هيبته

[القناوي]

اللي يشوف المدواخ ويشوف لسويكه ويشوف الزقاير راح يعذر مشرفين المدارس والله يا ان شوف العين بزر في اول اعدادي مع لدرويل وواقف يسحب من المدواخ والهندي ساكت وربعه ينتظرون سحبة الدوخه والله شي يعور القلب ..لاتبوق ولا تخاف لو كل يوم تفتيش

[Abdulraman]

هههههههههه

بو عوف قول الصدق كم مره طلعك من الطابور

عادي كلنا اخوان :shy:

ههههههههههههههههه الحمدلله كنت مدلل وأصغر الاولاد يعني نظيف:)

[باندول]

ما تكلمت عن التحرش ، ومحشومين المدرسين وادارات المدارس عن ذلك ..
ولكن ان حد يفتشك بهذا الاسلوب ما ترضاها ، وبعدين الجهاز يختص بالبحث عن الجوالات ، باقي الاشياء دورها في جيوبه ، وين بتكون في غير هالمكان يعني !!

شلون يعني اسلوب ما ترضاه
يعني فهمني وشهو المفروض وقت التفتيش يسون من غير هذا الجهاز وصل نقطه الي تبيها عشان نفهمك

[Abdulraman]

يا رجال االاول الابهات يروح لمدير يقوله الولد عطيناكم اياه لحم ردوة عظم ويطقونا ويضربونا حق مصلحتنا
يوم كبرنا عرفنا انهم صح التربيه من البيت ثم المدرسه
لحين المشكله اغلب الرجاجييل سكانهم عند حريمهم تسوق فيه وين ماتروح توديه اذا
المدرس طق الولد روح اشتك عليه وحتى لو الولد كان مشاغب والحق مع المدرس
يا رجال يله خذ خل

فعلا واذا اضربك المدرس والله مب احسن لك تقول حق ابوك

[khalid Qtr]

شلون يعني اسلوب ما ترضاه
يعني فهمني وشهو المفروض وقت التفتيش يسون من غير هذا الجهاز وصل نقطه الي تبيها عشان نفهمك

قصدي باختصار ، فتش الطلاب تفتيش بسيط ، ماله داعي تدقق عليه جدا .. واللي تشك فيه خذه على جنب وتفاهم معاه بالطيب ..

خاصة ان اكثر اللي يتفتشون مراهقين وبسهولة يتمشكل مع المدرس

[باندول]

يا بوخالد من زمان كانوا يسون فينه هلحركات
اخبر يضروبنه فلقه وقت الطابور وقدام كل المدرسين وطلاب
لازعلنا ولا اشتكينه وكبرنا وان تذكرنا هلايام نضحك بلعكس اصبحت ذكرى من ماضينا الجميل

بس دوم الي يسوي الغلط هو الي يفتشل
عموما جزاك على خير على التوضيح
اوصلت الفكرة بارك الله فيك

[بوراشد82]

انا شخصيا" صورتني طالبة ((( معاكم ام راشد��))) ،،جوالها كان كله صور للمدرسات،، ولا كنا ندري بموضوع التصوير خير شر،، والمشكلة اني مدرسة رياضة،، يعني لا عباة ولا شيلة،، شدراني انه صوري مانزلت فالنت او راوتها ابوها واخوانها،، بعض الطلاب يبيلهم قرص أذن ،، بسكم طبطبة على هالجيل،،مايعجبكم العجب،، ولعلمكم حماتي مدرسة شرعية وهددتها طالبة فالثانوية انها صورتها وبتنشر صورها عالنت ،، تدرون شالسبب!! لان البنت تنورتها ضيقة والابلة قالت لها وسعيها ،، طبعا" بنات هاليوم كل وحدة لسانها اطول منها الا من رحم ربي،، عيل طالبة تهدد مدرستها بنشر صورها؟ شبقى !! سنعوا عيالكم ولا عاد تقطون اللوم عالمدرسين ،، ترى اللي فينا مكفينا ،،

[ضوى]

انا شخصيا" صورتني طالبة ((( معاكم ام راشد��))) ،،جوالها كان كله صور للمدرسات،، ولا كنا ندري بموضوع التصوير خير شر،، والمشكلة اني مدرسة رياضة،، يعني لا عباة ولا شيلة،، شدراني انه صوري مانزلت فالنت او راوتها ابوها واخوانها،، بعض الطلاب يبيلهم قرص أذن ،، بسكم طبطبة على هالجيل،،مايعجبكم العجب،، ولعلمكم حماتي مدرسة شرعية وهددتها طالبة فالثانوية انها صورتها وبتنشر صورها عالنت ،، تدرون شالسبب!! لان البنت تنورتها ضيقة والابلة قالت لها وسعيها ،، طبعا" بنات هاليوم كل وحدة لسانها اطول منها الا من رحم ربي،، عيل طالبة تهدد مدرستها بنشر صورها؟ شبقى !! سنعوا عيالكم ولا عاد تقطون اللوم عالمدرسين ،، ترى اللي فينا مكفينا ،،

معاج معاج معاج

والله عيال هالوقت يبي لها تسنع من قلب ، لسان شطوله بنات اعدادي وثانوي لسان شطول ؟؟ قسما بالله اني سمعت واحدة في الثانوي تكلم ابلتها بقلة ادب والابله تداري خاطرها وتكلمها بهدوء والبنت ابد ، اقسم بالله كان خاطري اعطيها كف يرد لها عقلها

[بوعلاوي]

من وجهة نظري التفتيش ضروري للطلاب وكل من يدخل المدرسه وحتى المدرسين
اتمنى يوضع جهاز افضل من تفتيش اليدوي لان فيها اهانه للطلاب وكرامتهم

اتمنى في كل المدارس يمنعون السجاير والسويكه والليزر

ما عدا الجوال لانه ضروري للامور الطارئة

[عصير بو نص]

الجوال هو اساس البلاوي والمشاكل اشلون ماتبون يمنعونه
واذا في حالة طارئة إدارة المدرسة ما أعتقد انها تمنع الطلاب من الاتصال للضرورة
اشتغلت من خمس سنوات في مدرسة اجنبية لها سمعتها الادارة مسكت ثلاث طلاب وانوهم يصورون صور غير اخلاقيه ولين فتشوهم عقب شافو الموبيلات اللي معاهم مليانة بكل صور ومقاطع قلة الادب وللعلم كانو طلاب بالصف السادس الابتدائي
التفتيش ضروري جدا"

[ام السعف]

والله بجد ماعرفنا حق هالاهالي ، مايعجبهم شي ، ان دخلوا شي مخالف من غير لا يدرون عنهم الادارة قالوا وين الادارة شنهو هالتسيب ، وان شددوا الرقابة والتفتيش قالوا تفتيش تعسفي ،

جيل هالوقت يبي له هالتفتيش التعسفي خلاص ماعاد يمسكه شي ماخلوا شي ماسوووه لازم شوي ضبط اخلاقي وسلوكي

بنتي تقول عن مدرستها السفارة الامريكية ثلاث نقاط تفتيش في المدرسة ،،

ومع هذا اتفق مع المدرسة وقوانين المدرسة لأنها هي افهم واكثر
تقديرا لطرق التعامل مع الطلاب ،، فتحية كبييرة لهم ،،

[khalid Qtr]

الآراء بين مؤيد لتشديد التفتيش وبين معارض ، ولكن أرى أن هناك اتفاق على أهمية وجود التفتيش عموماً

أسعدني تواجدكم ونقاشكم الراقي ..

[ريم الشمال]

التصرفات الفردية من قبل فرد أو اثنين لمنع اجراء ضروري يمنع بلاوي كثير لا يكون سبب في رفض هذا الاجراء .. لذلك كل من عنده تحفظ على التفتيش الذي يتعرض له ابنه أو بنته يتجهه للجهة التي تصرفاتها له عليها ملاحظة ليتم علاج ذلك ..
أما الرفض والمطالب والتصعيده من خلال مقالات في الجرائد والمنتديات اعتقد هذا أمر يجب أن يتوقف ما يتعارض مع أمن ابنائنا ويطالب بطلبات تؤدي إلى شيوع المفاسد حتى لو هو لا يرى فيها مفسده فهي مفسدة مستقبلية مثل مطالبات سابقة أدت بنا لتردي حالة التعليم والتربية لأن من يريد تجريد التعليم من التربية فهو شخص غير مسؤول ولا يفهم ويفقه شيء ترتب عليه ما نراه الان من ضياع التعليم وطلاب العلم..

[معماري قطري]

هذا الأمر حاصل في كثير من الدول المهتمة لمصلحة الطالب .. لكن ثقافة التفتيش هناك تفرض بلطف وبإقناع وليس بطريقة بوليسية عابسة