هذا ماحصل اليوم بالعديد بالصور نهاية الاستعراض (حادث قوي)

[عنزي قطر]

السلام عليكم ورحمة الله وبركاته


وقوله الحق: "ولا تلقوا بأيديكم إلى التهلكة

ياشباب نهاية الاستعراض موت او اعاقة .

والحمدالله لايوجد وفيات

نصيحة
اتعظ بغيرك تكن اسعد الناس والله يهدي الجميع

الصور

والتعليق لكم

http://im42.gulfup.com/Y1hLe.jpg (http://www.gulfup.com/?Ykc0Uw)





http://im42.gulfup.com/RZbNM.jpg (http://www.gulfup.com/?JZTgiG)

[بوخالد911]

الله يهدي هالشباب الطايش

وهالصورة ممكن بتتكرر اسبوعيا

مدررري متى بيعقلوووون؟!؟!؟!؟

[توشيبا]

الله يهديهم كنت مار من عندهم واشوفه منقلب وصورته

الصوره بالمرفقات

[الصغيره]

لحول ولا قوه الا بالله

الله يصبر هالوالدين الام والاب على وجع القلب

اما وفاه او شلل او اعاقه

يارب احفظهم يارب

[فهد111]

كل اسبوع لازم حد ينقلب وكل اسبوع صور جديده ولاحياه لمن تنادي ياخي ابي افهم شيفكرون فيه حسبي الله ونعم الوكيل

[وطن]

لاحول ولا قوة الله بالله

الله يصلحهم

[دنيا الاسهم]

خل ينفعونة الحين اللي واقفين ويصفقون لة ويقولون يا الله انت رجال لازم تسبق وتستعرض لا تخاف
استغفر الله العظيم الحين يضحكون علية وهو يا اعاقة او كسور غير خسارة السيارة
يا ناس انتوا تخسرون اهلكم سيارة وروح وتروح من اهلك حرام عليكم الدولة واهلكم يبونكم
الحمدلله على السلامة ان محد مات يمكن رحمة من الله لوالدينهم مهب لهم

[Q0T0R]

لاحول ولا قوة الله بالله

[تغلبية]

الله يهديهم

... هذول يتلذذون بالموت ؟!

[باندول]

شلجديد في الموضوع هم يدرون انه كل ويك اند في حادث
هم بلاساس يتحدون الموت انت تصوت في جربه مبطوطه
المفروض تكتب عنوان الموضوع هل من متعظ
هم بيردون عليك لا لا لا

[بـارود]

بعض اللي أعرفهم يروحون العديد عشان يشوفون الحوادث مب عشان الاستعراض !

[عنزي قطر]

الله يهدي الجميع اتمنى الصور تكون للعبره
الروح غاليه

[R 7 A L]

ومازال مسلسل اهمال إدارة المرور مستمر
للاسف اهتموا بالاشياء الغير خطيرة ( تواير بالون - رادار مخشوش في باص - مخالفات حزام امان في مواقف سوق واقف )
وتركوا المهمة والخطيرة الطرق الخارجية والنقيان والعديد

[راعي ال VXR]

لا حول ولا قوة الا بالله

[نوفة قطر]

تلومون المرور ؟ والله اذا الشباب ماعندهم عقل

لو يلحقونهم ويطقونهم بعد مابينصلح حالهم

[عنزي قطر]

الله يهدي هالشباب الطايش

وهالصورة ممكن بتتكرر اسبوعيا

مدررري متى بيعقلوووون؟!؟!؟!؟

جزاك الله خير الله يهدي الجميع ان شاءالله

ان شاءالله الصور تكون عبره

[حسن]

طالبت ولازلت اطالب من اصدار قرار من وزير الداخليه بمنع اسعاف المصابين وعدم دخول الشرطه في هذه الاماكن
هل من مستمع راي ناس وصلو القمر واحنا لين الحين على هل السوالف

[عنزي قطر]

الله يهديهم كنت مار من عندهم واشوفه منقلب وصورته

الصوره بالمرفقات

الله يهديهم شكرا اخوي ماهو تعليقك على الموضوع

[ريم الشمال]

الله يهديهم ويصلحهم ويصلح أهلهم قبلهم لأنهم من يربون قالوها إلى قبل ( من همل فقد )

المسئولية ليس فقط الاهل مع أني اجعلها في المرتبة الاولى ولكن ايضا التغافل من مسئولي
الأمن ربما لأن لهم وجهة نظر أن هؤلاء عندهم طاقة والخوف الكتم يؤدي لنتائج سيئة فـ
بدل حل المشكلة وايجاد بديل لاستغلال هذه الطاقات بتعاون مع مراكز وهيئات عده اشتروا
دماغهم ( وخلو القرع ترعى )

[امـ حمد]

الله يصلحهم هل الشباب
الله يهدي عيالي وعيال المسلمين
الله يعطيك العافيه ابو غريب

[بوخالد911]

هالجمعة من عليه الدوررررررررررررررررررررررررر؟!؟!؟!؟!؟

[رحال]

والله حراااام أرواح في عمر الزهور تغادرنا

والأسباب لايوجد حل لهذه المنطقة

ياوزارة الداخلية ..

ياوزارة البيئة ..

يا أولاياء الأمور ..

يامن يسمعني ..

أتقوا الله ..

[بومحمد المطاوعه]

الله يهديهم ويستر عليهم

كل جمعه لازم حادث

لاحول ولاقوه الا بالله

[عنزي قطر]

جزاكم الله خير الله يهدي الشباب وان شاءالله الصور تكون عبره للشباب
لي عوده