صادني اكتئاب :(

[رهج السنابك]

متضايقه :(



صادني اكتئاب :(

مب متخيله المكان اللي احبه صار جذي عقب عملية التجميل

ابي المنتدى القديم والله ابيه

حتى رد بالمواضيع صار صعب
ادري ان الوضع مؤقت بس انا اتكلم عن الالوان والخطوط
الالوان وايد صارت كئيبه
معليه اعذروني يمكن تزعلون مني وشيء طبيعي الاذواق تختلف

اخاف ان استمرت حاله الاكتئاب معاي انقرض
وعقب تدورون الارستقراطيه ماتلقونها
ادري بتفقدوني واثقه من هالشي :shy:
الله يخليكم ادعو لي احب الاستايل الجديد عشان مانقرض :(

[بصمة قطرية]

التغيير لا بد منه
و عمليات التجميل أصبحت ضرورة في هالزمن :secret:
معليش مع الوقت بتتعودين :shy:

[خزامئ]

:( :(
والله انش صادقه
سايره معه كني اول مره ادخل منتدا كل شي ضايع وصعب

[النهار]

وانا بعد احس اني اول مره ادش مكان غير الي تعودت عليه
نفس الشعور يوم تروح الجمعيه عارف كل رف ايش عليه لو غيرت الجمعيه تضيع

:rolleyes2:

[بوحارب]

الله معاج نشوفك في مكان ثاني

[رهج السنابك]

ادري في ناس تبي الفكه مني مايحتاج نيهاهاها

[شـــوق]

صاجه يختي الستايل الجديد مب حلو وشوي غثيث

[الصغيره]

ياجماعه احنا ببيت واحد كان اول هيئتونا نفسيا

هو مهوب شين حليووو

يعني مدري شولوون

احلى ما فيه صندوق النصوص ريحني بالتنسيق

يالله جعله مبروك

التماميم على من؟؟

وين رجال المنتدى ؟ التماميم ياجماعه :victory:

[توشيبا]

انا كنت كارهه بس الحين عشقته وزاد حبه لي اكثر

[Locale]

يعني الوضع مؤقت ؟؟
المواضيع جذي مصفوفه ورى بعض اتيب اللوعه

[النهار]

ياريت خط المواضيع يكون اكبر مثل الاول

[تغلبية]

المسألة يبي لها شوي تعود .. وبنتأقلم :(

خلج ستايل ارسطو :(

احس ان اللوك القديم راح وماخذت معاه صورة تذكارية ارجع لها اذا بغيت اتذكر الايام الخوالي :(:weeping:

[رهج السنابك]

الخط الس تحت عنوان الموضوع الي فيه كتب بواسطه مع الوقت والتاريخ
هالخط لازم يكون اصغر بوايد من عنوان الموضوع لانه مسوي ازعاج ومب لازم الوقت والتاريخ فقط اسم الكاتب
والوان الخلفيه لو ترجع بيج بيكون اجمل

مانبي تمايم :( نبي ولدنا القديم

[فلتة زمانها]

الصراحه افتر مخي من الستايل مب قادره اقرا المواضيع عدل
يمكن فالبداية بس وان شاءالله بنتعود عليه
يعطيه العافيه اخوي قطري

[الرويـس]

اتوقع سر الاكتئاب صورة الانسة منشن طيب الله ذكرها

[نور الحور]

الله يهديكم ويصلحكم بس ..
الارستقراطية .. اكتئابج ذي مؤقت .. وبذكرج ..

انتوا بس تعلموا تتعايشون مع التغيير .. وكل الملاحظات بتتعدل مع الوقت .. لا تصيرون ضد الا تتشبثون بذكريات الماضي .. حالتكم صعبة
عيشوا وتلذذوا بشغف التغيير وتقبلوه وبتتعودون بسرعة .. كفاية الجماعة نيتهم طيبة للتحسين والتطوير والترقية .. يحتاجون ودعم ونقد ايجابي بناء مو احباطات واكتئاب



تغلبية .. عندي صورة للمنتدى بحلته القديمة.. تبينها ؟:)

[تغلبية]

الله يهديكم ويصلحكم بس ..


تغلبية .. عندي صورة للمنتدى بحلته القديمة.. تبينها ؟:)



ايه حبيبتي نور .. تسوين خيييييييير ..... :weeping:

[فلتة زمانها]

اتوقع سر الاكتئاب صورة الانسة منشن طيب الله ذكرها

هاهاهاهاهاهاهاهاهاها

[السيف5]

الاستقراطية

الصبر زين ومع الوقت بنتعود على الاستايل الجديد
وش المشكلة وعن الملاحظات ان شاء الله الادارة مش مقصرين راح يعدلونها فيها
الصبر زين

[رهج السنابك]

نور حبيبتي مش ضد التغيير
بالعكس طبعا تشكر الاداره على التطوير


بس خلوني افضفض عن حاله الاكتئاب :(
عاد انتي بروفيسوره في علم النفس وتدرين الفضفضه علاج

لا تقولون تعود صعب اتعود على شيء ماحبيته ممكن اتقبل على مضض لكن اني اقول ستايل الحين احلا لا مب احلا ووايد يتفقون معاي ان الاستايل القديم احلا وابسط وسلس مب مكركب

بس الي فهمته انهم ممكن يعدلون بعض الصعوبات لكن ستايل الالوان والخطوط لا لانها تجي على شكل قالب

لكن متأمله خير ان تتعدل الاوضاع اني اغصب نفسي على التأقلم

المشكله اني احبكم :(
ماقدر اخليكم
ادري بتفقدوني وتبكون علي :(

[R 7 A L]

مساكين الي ارقام عضوياتهم مميزة
راحت عليهم

[مسمس12]

حتى انا نفس الشي

[باحث علم]

صراحة كلش ماينفع
ياليت يردون القديم
ع الاقل الاستايل اما النسخة مش مشكلة يرقونها

[عاشق العديد]

انا كرهته جدا وشي واحد مصبرني فقط ..

ولا القديم والله اهون بوايد

[Tamuq]

اي والله صادقه النظام القديم افضل بواجد

[وليف الشوق]

اللهم لك الحمد والشكر على الاستايل الجديد لانه فعلا نعمه وراح يشيل ناس ويجيب دماء جديدة واتمنى الدماء تتغير لاني مليت من بعض الدماء الحالية اللي للاسف ماعندهم اسلوب في طرح المواضيع غير همهم التعليق وبس ،، وصدقوني فيه منتديات كثيرة اتمنى يجربونها


ياااااااااااااااااااااااااااااارب اللي في بالي يعتذر عن وجوده بالمنتدى نبي طاقات ودماء جديدة وحيه

[بوحمد1]

قديمك نديمك

[محاسب]

متضايقه :(



صادني اكتئاب :(

مب متخيله المكان اللي احبه صار جذي عقب عملية التجميل

ابي المنتدى القديم والله ابيه

حتى رد بالمواضيع صار صعب
ادري ان الوضع مؤقت بس انا اتكلم عن الالوان والخطوط
الالوان وايد صارت كئيبه
معليه اعذروني يمكن تزعلون مني وشيء طبيعي الاذواق تختلف

اخاف ان استمرت حاله الاكتئاب معاي انقرض
وعقب تدورون الارستقراطيه ماتلقونها
ادري بتفقدوني واثقه من هالشي :shy:
الله يخليكم ادعو لي احب الاستايل الجديد عشان مانقرض :(
الله يبعد الشر عنج ......

[لاجل QT]

معاج حق

بس كل شي يتصلح

اولا اللون الابيض يفضل لو يرجع لحمي مثل قبل

قسم المشاركات الجديدة او اي قسم ..يفضل تثخين السطر وتغميجة لانى احس المشاركات انهم مخلوطين فوق بعض

وجود العضو اون لاين لو يكون فية مثل باقي المنتديات حاطين نجوم دور صغيرة دليل ان موجود اون لاين

لونى الوردي مهب محصلتة اهئ اهئ ....كنت افصل ردودي عن الباقي بهاللون احصلة بسرعة من النظر

الحين كولنا رجعنا للتراب ههههههههه بني كئيب

[التميمي 3]

صح القديم أفضل ولكن هذا مب شين

ومع الوقت نتعود عليييه

[شذى الحياة]

امممممم. أنا بعد احب اكتب باللون الوردي

[Miss]

الصبر زييييييييين
بتتعدل الامور ان شاء الله
اي والله رحال الارقام المميزة بح هههههه

[رحال]

يقولون بنتعود يالأرستقراطية ..

بصراااحة ناااار القديم ولا جنة الجديد ..

أقولكم حاس أني داخل فريج أم غويلينه كله دواااعيس

[بو الجوري]

:(

ليش

[sweet qatar]

بصراحة تعليقاتكم هي الي تجيب الاكتئاب



يالله صباح خير.. اتركوا عنكم التحلطم شوي .. واستمتعوا بالصفحة البيضا المشرقة

أحسن من قبلها المصوفرة :victory:

[بو الجوري]

أحس إني داخل منتدى ثاني :(

مب مرتاح كلش :..


سؤال :
شلون أخلي خطي نفس قبل ( نسيت الصراحه ) :anger1:

[بو الجوري]

بصراحة تعليقاتكم هي الي تجيب الاكتئاب



يالله صباح خير.. اتركوا عنكم التحلطم شوي .. واستمتعوا بالصفحة البيضا المشرقة

أحسن من قبلها المصوفرة :victory:

سويت ، ياسويت :( كيفي مب مرتاح :..
و الله مب شي اللوك اليديد ، وين قبل ووين الحين :(

[نفسي عزيزه]

انا محد

دوروني

ان شاء الله يظبط المنتدى ويصير سهل

وين احصل نشافه 100 بالميه تنشغ الثياب دلوني

[لاجئ عاطفي]

بالعكس وايد حلو والتغيير لابد منه وهالشي كثير طالبو فيه فاذا كان مب عاجبج تاكدي انه عاجب غيرج :)

[حمد 2002]

انا ضايع

[sweet qatar]

سويت ، ياسويت :( كيفي مب مرتاح :..
و الله مب شي اللوك اليديد ، وين قبل ووين الحين :(

اترك عنك الدلع .. كلها مشاركتين وتعود

اعجبتني الألوان الجديدة.. الظاهر باخذ منك البيربل :shy:

[غايه الطواش]

عند الدلع ههههه
العرب مايحبون التجديد والتطوير
ليش تحبون تجددون بيوتكم؟؟
اعبتروا هذا بيتكم بعد التجديد ؟؟
التجديد يبعث روح من النشاط والحيويه غيروا الروتين شوي :)

[قطريه22]

انا ماكنت مقتنعه فيه لانه كان يعلق وشكله كان غير وحسيته صعب
بس اليوم فيه تحسن وماصار يعلق

استانست على الالوان وااااااااااااااااااااااااااااااااايد

[قطريه22]

ليش ماسوو قسم نسائي

[غايه الطواش]

نور حبيبتي مش ضد التغيير
بالعكس طبعا تشكر الاداره على التطوير


بس خلوني افضفض عن حاله الاكتئاب :(
عاد انتي بروفيسوره في علم النفس وتدرين الفضفضه علاج

لا تقولون تعود صعب اتعود على شيء ماحبيته ممكن اتقبل على مضض لكن اني اقول ستايل الحين احلا لا مب احلا ووايد يتفقون معاي ان الاستايل القديم احلا وابسط وسلس مب مكركب

بس الي فهمته انهم ممكن يعدلون بعض الصعوبات لكن ستايل الالوان والخطوط لا لانها تجي على شكل قالب

لكن متأمله خير ان تتعدل الاوضاع اني اغصب نفسي على التأقلم

المشكله اني احبكم :(
ماقدر اخليكم
ادري بتفقدوني وتبكون علي :(


يقولون علماء النفس التغيير يحتاج الى 21 يوم كي تتعود عليه

نشوفج عقب 21 يوم شلون حالتج :)

[مهرة]

اسم الله عليج من الأكتئاب .. اذكري الله واستغفري وان شاءالله كل شي يرد مثل أول وأحسن ..!

[بو الجوري]

اترك عنك الدلع .. كلها مشاركتين وتعود

اعجبتني الألوان الجديدة.. الظاهر باخذ منك البيربل :shy:



خلي البيربل في حاله :weeping:

[بو الجوري]

زين محد قالي شلون أعتمد الخط :(

نسيت حسبي الله على بليس :..

[بو خليفه 123]

خلص كرتون الرطب ؟

[بو الجوري]

بوخليفه

تعرف شركات تقدم خدمة صف السيارات !

[بو خليفه 123]

بوخليفه

تعرف شركات تقدم خدمة صف السيارات !



عندي رقم دلال يبيع اراضي

تبي ارض في وادي البنات ؟

[بو الجوري]

عندي رقم دلال يبيع اراضي

تبي ارض في وادي البنات ؟


ههههههههههههههههههههههههههه

لا الأرض هذي شكلها تجيب المشاكل و النكد :(

[sweet qatar]

خلي البيربل في حاله :weeping:

زين من حلاته

:(

عقب الستايل الجديد تغيرت نفسياتكم.. صايرين ماتحاجون

تشبهون راعي الجو الشتوي

هههههههههههههههههه

[بو خليفه 123]

زين من حلاته

:(

عقب الستايل الجديد تغيرت نفسياتكم.. صايرين ماتحاجون

تشبهون راعي الجو الشتوي

هههههههههههههههههه



ههههه

و بعض العرب غدى دمهم خفيف عقب التجديد :)

[بو الجوري]

زين من حلاته

:(

عقب الستايل الجديد تغيرت نفسياتكم.. صايرين ماتحاجون

تشبهون راعي الجو الشتوي

هههههههههههههههههه

هههههههههههههههههههههههههه

[sweet qatar]

ههههه

و بعض العرب غدى دمهم خفيف عقب التجديد :)

http://img.tgareed.com/imgcache/400426.png

[R 7 A L]

زين محد قالي شلون أعتمد الخط :(

نسيت حسبي الله على بليس :..

اذا عرفت عطني خبر
عقدني لون الخط العادي احس ان شيبة ):

[حمد 2002]

دائما الناس تنتقد التجديد ومن ثم تتقبله بصدر رحب ، هاذي اهي الدنيا ،،

[رهج السنابك]

خلص الرطب
ونفذ صبري
استغرب من الي يقول حلو
اي حلو حرام عليكم
عبالكم ان جاملتوا بيعطونكم عضويه مميزه ههههههههه ولا انتو شعب تعود يجامل
صدقوني ترا وايد حبوبين وصدرهم رحب حتى ان قلتوا الصج انه مب حلو محد بيعطيكم باند وان خذتوا باند بتوسط لكم ولا يهمكم واسطتي قويه عند الاداره
ازهلوهاااااا

نيهاهاهاهاهاهاهاها

[توشيبا]

اتمنئ اغلاق الموضوع صاير يجيب الاكتئاب

ويحرض علي كره الديكور الجديد ويمنع التطور في الشبكه

[حمد 2002]

صح كلامك اج بي اطالب بتوجيه انذار شديد اللهجه الى الاخت الارستقراطيه على تصرفها العشوائي والغير مسؤول ، ومصادره كل مستحقاتها بالمنتدى وكل ماملكته يداها ،، وشكرا ا ا ا

[بنت مريخ]

نفس الشعور ياالارستقراطيه

[نور الحور]

اذا عرفت عطني خبر
عقدني لون الخط العادي احس ان شيبة ):


أنا بعد نسيت شلون يعتمدون لون ونوع الخط .. حد يعلمنا يا جماعة .. أحس أنا مو أنا مع هالخط :(

[قطري]

أنا بعد نسيت شلون يعتمدون لون ونوع الخط .. حد يعلمنا يا جماعة .. أحس أنا مو أنا مع هالخط :(
هذه خاصية اضافية مش من ضمن خيارات المنتدى الرئيسية
إن شاء الله بنضيفها قريب...

[نور الحور]

هذه خاصية اضافية مش من ضمن خيارات المنتدى الرئيسية
إن شاء الله بنضيفها قريب...


إن شاء الله .. عساكم على القوة ..

أشكر اهتمامك وردك يا مديرنا العام :)

[قطري]

بعض الاخوة والاخوات الي يشتكون من الخط
اذا امكن امدادنا بالآتي:-
1- نوع الجهاز الي تدخل من خلاله (كمبيوتر ,جوال او جهاز لوحي)
2- اسم واصدار المتصفح (انترنت اكسبلورر ,فاير فوكس...الخ)
3- ارفاق صورة لاحد المشاركات وارفاقها في هذا الموضوع

مع جزيل الشكر

[قطري]

1- دخول من خلال لابتوب
2- فايرفوكس اصدار 25
3- مرفق...
85625

[حمد 2002]

اخوي قطري هل ستايل = ديزاين المنتدى الحالي ، مؤقت ام بيستمر على طول ،،،

مع التحيه على جهودك المبذوله ،،،

[قطري]

لا طبعاً مش مؤقت يا اخ حمد
لكن اذا رقينا للاصدار الخامس مكن نغيره
ياريت تمدنا بالي في مشاركتي السابقة اخوي

[قطريه22]

السلام عليكم

أخوي قطري

الخط الي تحت اي موضوع الي مذكور فيه اسم الكاتب والوقت وايد صغير لو ممكن تكبرونه شوي

[حمد 2002]

مممممم هالستايل حلو اخوي قطري بس بيني وبينك استايل تعودنا عليه لسنوات عديده منذ تاسيس المنتدى ، صعب نتقبل تغيره مابين يوم وليله ،،

مع التحيه ،،

[بو الجوري]

شكراً أخوي قطري على إهتمامك :..

1- دخولي من كمبيوتر الدوام
2- هذا إسم وإصدار المتصفح
إكسبلورر 9
الإصدار RTM kb982861

85626

3- هذي صوره من إحدى المشاركات

85627


وللعلم إرفاق الصور صار صعب ، مدري ليش الصور ماترضى تنزل
يقولي خطأ !

وبعض الصور مقدر اشوفها ! مثل الصوره اللي إنت نزلتها في مشاركتك السابقه

[بو الجوري]

السلام عليكم

أخوي قطري

الخط الي تحت اي موضوع الي مذكور فيه اسم الكاتب والوقت وايد صغير لو ممكن تكبرونه شوي

معاج في هالنقطه

[قطري]

السلام عليكم

أخوي قطري

الخط الي تحت اي موضوع الي مذكور فيه اسم الكاتب والوقت وايد صغير لو ممكن تكبرونه شوي
عليكم السلام

كان هناك اعتراض على انه كبير وصغرناه اختي
الآن انتي تقولين صغير :rolleyes2:
المسئلة مجرد تعود اختي لا اكثر

[نور الحور]

عليكم السلام

كان هناك اعتراض على انه كبير وصغرناه اختي
الآن انتي تقولين صغير :rolleyes2:
المسئلة مجرد تعود اختي لا اكثر


هههههههه .. لأ صج .. صغير وايد ..وكان قبل كبير ..

خير الأمور الوسط !

[قطري]

شكراً أخوي قطري على إهتمامك :..

1- دخولي من كمبيوتر الدوام
2- هذا إسم وإصدار المتصفح
إكسبلورر 9
الإصدار RTM kb982861

85626

3- هذي صوره من إحدى المشاركات

85627


وللعلم إرفاق الصور صار صعب ، مدري ليش الصور ماترضى تنزل
يقولي خطأ !

وبعض الصور مقدر اشوفها ! مثل الصوره اللي إنت نزلتها في مشاركتك السابقه
شكراً لك اخوي بو الجوري
الدخول من الشغل مب مقياس اخوي
لان جهات العمل لا تعطيك صلاحية بالتعديل على الجهاز
او تنزيل برامج...
ومع ذلك اشوف الخط عادي عندي مافيه مشاكل
هل تشتكي اخوي من رداءة الخط؟

بالنسبة لنقطة المرفقات...
اذا رجعت البيت إن شاء الله جرب

موفق إن شاء الله

[قطريه22]

عليكم السلام

كان هناك اعتراض على انه كبير وصغرناه اختي
الآن انتي تقولين صغير :rolleyes2:
المسئلة مجرد تعود اختي لا اكثر

اسمحلي ماشفته وهو كبير

[قطري]

هههههههه .. لأ صج .. صغير وايد ..وكان قبل كبير ..

خير الأمور الوسط !
احسن عشان يبرز عنوان الموضوع
نعطي نفسنا فترة لنتعود اختي...
واذا شفنا انه فعلاً يحتاج تكبير بنكبره إن شاء الله

[قطري]

اسمحلي ماشفته وهو كبير
كان تقريباً كبر عنوان الموضوع اختي
لكن ومثل وماقلت للاخت نور الحور
ناخذ فترة للتعود وبعدها نشوف إن شاء الله

[نور الحور]

أخوي قطري .. شرايك تحط موضوع مخصص لاقتراح التعديلات من قبل الأعضاء ..
وتتاح للجميع فرصة إبداء الرأي خاصة للي عندهم خلفية فنية في هالأشياء ..

وعساكم على القوة .. التغيير إن شاء الله بيكون للأفضل ..
وطولة بالنا وصبرنا وشغفنا بالتطوير أكيد معاكم طول الطريق :victory:

[قطريه22]

لاحظت يوم اكتب رد واختار حجم ولون الخط مايطلع الي اختاره واوقات يطلع مادري في حد صادفته هالمشكله؟

[زمان]

مشكلتنا دائما نقاوم التغيير

دخول قطري هنا واخذه للملاحظات اعتقد كافي يشيل هالاكتئاب

وبعدين صعب نفقد نيهاهاها

[حمد 2002]

لاحظت يوم اكتب رد واختار حجم ولون الخط مايطلع الي اختاره واوقات يطلع مادري في حد صادفته هالمشكله؟

انا نفس الشيء والله اختار اللون الاحمر وحجم الخط سته ومايطلع لي الي ابيييه !!!!

[رهج السنابك]

يه يه شرف كبير قطري معانا

شفتوا واسطتي

عشان تدرون بس

نياهاهاهاهاهاها

والوضع مب مؤقت هذا شكل الاصدار بس اعتقد التغييرات ممكن تتم على نوعية الخطوط او الالوان لكن كتغيير كامل نو
لذلك اتمنى
فقط مراعاة الالوان ان كان فيه امكانية
ونسخة الايفون ترا جدا متعبه ماقدر احط فيسات :shy:

على فكرة حدة الاكتئاب خفت شوي:shy:

[توشيبا]

قطري نبيك عون :eek5:

سكر الموضوع وريح روسنا من الاكتئاب :anger1:

كفايه عجبني انا وبس :victory:

[Aaziz]

نور حبيبتي مش ضد التغيير
بالعكس طبعا تشكر الاداره على التطوير


بس خلوني افضفض عن حاله الاكتئاب :(
عاد انتي بروفيسوره في علم النفس وتدرين الفضفضه علاج

لا تقولون تعود صعب اتعود على شيء ماحبيته ممكن اتقبل على مضض لكن اني اقول ستايل الحين احلا لا مب احلا ووايد يتفقون معاي ان الاستايل القديم احلا وابسط وسلس مب مكركب

بس الي فهمته انهم ممكن يعدلون بعض الصعوبات لكن ستايل الالوان والخطوط لا لانها تجي على شكل قالب

لكن متأمله خير ان تتعدل الاوضاع اني اغصب نفسي على التأقلم

المشكله اني احبكم :(
ماقدر اخليكم
ادري بتفقدوني وتبكون علي :(

لاتغصبين نفسج ولا مضض ولا عضض و خرابيط و بربره زايده

الانسان دايما يترك المكان الي مايرتاح فيه ،، طبيعة البشر مانقدر نقول شي .

على جمب و بخصوص النشافة مافيه داعي حق الغساله خل الدنيا ترطخ :rolleyes2:

[قطري]

أخوي قطري .. شرايك تحط موضوع مخصص لاقتراح التعديلات من قبل الأعضاء ..
وتتاح للجميع فرصة إبداء الرأي خاصة للي عندهم خلفية فنية في هالأشياء ..

وعساكم على القوة .. التغيير إن شاء الله بيكون للأفضل ..
وطولة بالنا وصبرنا وشغفنا بالتطوير أكيد معاكم طول الطريق :victory:
اختي احنا نبي نعالج مشاكل الاعضاء
وذكرنا في الموضوع الأول الي عنده مشكلة
او ملاحظة يتواصل معنا في قسم الشكاوي
اما نخصص موضوع...اعتقد صعب
لان كل شخص يبي التصميم حسب مزاجه
وكل شخص يبي هاكات او اضافات معينة
وفي هذه الحالة وعشان نرضي الجميع؟
نحتاج ان نعمل 30 او 40 استايل :rolleyes2:
لذلك احنا نتكلم في نقطة المشاكل الفنية
واذا كانت مشكلة ممكن نعدلها...
اما اذا كان عدم دراية من العضو او تغير عليه
خيار معين فممكن نوضح له...

[قطري]

لاحظت يوم اكتب رد واختار حجم ولون الخط مايطلع الي اختاره واوقات يطلع مادري في حد صادفته هالمشكله؟
ماذكرتي الي طلبته منكم في اول رد
هذه تجربة مني لون احمر وحجم الخط 7

[قطري]

مشكلتنا دائما نقاوم التغيير

دخول قطري هنا واخذه للملاحظات اعتقد كافي يشيل هالاكتئاب

وبعدين صعب نفقد نيهاهاها
إن شاء الله مايصيب حد اكتئاب :victory:

[قطري]

يه يه شرف كبير قطري معانا

شفتوا واسطتي

عشان تدرون بس

نياهاهاهاهاهاها

والوضع مب مؤقت هذا شكل الاصدار بس اعتقد التغييرات ممكن تتم على نوعية الخطوط او الالوان لكن كتغيير كامل نو
لذلك اتمنى
فقط مراعاة الالوان ان كان فيه امكانية
ونسخة الايفون ترا جدا متعبه ماقدر احط فيسات :shy:

على فكرة حدة الاكتئاب خفت شوي:shy:
تصلحين تقودين مظاهرات :victory:

بالنسبة لنسخة الجوال اعتقد ذات خيارات محدودة
لكن جيدة وتؤدي الغرض...

[elders]

اخوي قطري يعطيكم العافية
عندي ملاحظة بالنسبة للملف الشخصي ما في عليه اكسيس علشان كل حد يضبط ستيال معين فيه بدل بكل مشاركة يغير الخط واللون والحجم واصلا في لوحة التحكم في خيار اظهار التنسيق الخاص بالعضو ومكتوب تحتو انو عن طريق الملف الشخصي تقدر تعمل كستمايز لستايلك
شكرا جزيلا

[قطري]

قطري نبيك عون :eek5:

سكر الموضوع وريح روسنا من الاكتئاب :anger1:

كفايه عجبني انا وبس :victory:
يعني نخلي الاعضاء يفضفضون شوي
لكن اكيد بنسكر كل هذه المواضيع اليوم
واذا حد عنده مشكلة او ملاحظة يكتب في قسم الشكاوي

[قطري]

اخوي قطري يعطيكم العافية
عندي ملاحظة بالنسبة للملف الشخصي ما في عليه اكسيس علشان كل حد يضبط ستيال معين فيه بدل بكل مشاركة يغير الخط واللون والحجم واصلا في لوحة التحكم في خيار اظهار التنسيق الخاص بالعضو ومكتوب تحتو انو عن طريق الملف الشخصي تقدر تعمل كستمايز لستايلك
شكرا جزيلا
ادخلي على لوحة التحكم اختي وليس الملف الشخصي
بالنسبة للتنسيق بنضيفه إن شاء الله

[نور الحور]

اختي احنا نبي نعالج مشاكل الاعضاء
وذكرنا في الموضوع الأول الي عنده مشكلة
او ملاحظة يتواصل معنا في قسم الشكاوي
اما نخصص موضوع...اعتقد صعب
لان كل شخص يبي التصميم حسب مزاجه
وكل شخص يبي هاكات او اضافات معينة
وفي هذه الحالة وعشان نرضي الجميع؟
نحتاج ان نعمل 30 او 40 استايل :rolleyes2:
لذلك احنا نتكلم في نقطة المشاكل الفنية
واذا كانت مشكلة ممكن نعدلها...
اما اذا كان عدم دراية من العضو او تغير عليه
خيار معين فممكن نوضح له...



ههههه .. نعم انا أقصد المشاكل والتعديلات الفنية .. ما أقصد التصميم بالطبع ..يمكن خانني التعبير

لوانفتح موضوع بيكون افضل لأن سهل تتجمع الشكاوى المتشابهة ..

والله يعطيكم العافية ..