بخصوص فيديو وفاة في سوق الجمعة

[jassim69]

الفيديو النتشر اليوم على الوات ساب يقولون في سوق الجمعه

بقض النظر ان كان في الدوحه او احد دول الخليج كيف جات هذا المصور الجرائه يصور الرجال وهو يموت

وزوجته جنبه تبكي عليه ،،،، لاحو ولا قوه الا بالله

[زبرجد]

ما عاد فيه إحساس ... ما تشوفونهم لين إجتمعوا في الزيارات ولا المجالس !

[عيون الدوحة]

الله يرحمة يقولون كويتي وكان مرقد من أسبوع في المستشفى بسبب جلطات
وفاجاتة جاطة قوية بالسوق وتوفى
أنا ماشفت الفيديو بس تأثرت من وصف الحادثة
والله يرحمة ويصبر زوجته

[R 7 A L]

اطالب بإزالة هذا المقطع من مراكز التحميل
التي حمل عليها

[وطن]

ناس فقدت الإحساس
بالنسبة لهم سبق صحفي
الله يصلحهم

[كايدهم قطر]

يمكن ناشرة للموعضة

ان الموت يجي فجاة ويبي يذكر الغافلين


الله يرحمنا برحمته


ويرحم موتى المسلمين والمسلمات

[ام السعف]

وايد اكره التصوير ،، العالم مات فيهم الاحساس ،، مب عارفين يفرقون مابين حالة وفاة وحق الميت
وحالة فرح وحق الفرحان !!

[امـ حمد]

الله يرحمه ويغفر له

[aziz4z]

الغريق يستنجد جدامه و هو يصوره , ما عاد في إحساس , سبحان الله , لا عاد في قلوب فيها رحمة

[مـراحـب]

لا حول ولا قوة الا بالله

[N2323]

الله يرحمه يارب

[R 7 A L]

الغريق يستنجد جدامه و هو يصوره , ما عاد في إحساس , سبحان الله , لا عاد في قلوب فيها رحمة


ليس بغريق
المقطع الي شفته رجل ينزف دم وتحتة بركة من الدماء وزوجتة تصارخ
والاخ قاعد يصور بكل برود

[moonبنتnight]

الله يرحمه وغفر له ..
الله يهون علينا مصائب الدنيا ..
الانسان في لحظة يروح .. الله يحسن خاتمتنا اجمعين ..

[كازانوفا]

لاحول ولاقوة الا بالله
رحمة الله عليه ربي يثبته عند السؤال يارب ويصبر اهله :(

[aziz4z]

ليس بغريق
المقطع الي شفته رجل ينزف دم وتحتة بركة من الدماء وزوجتة تصارخ
والاخ قاعد يصور بكل برود

أنا قصدي في ناس تغرق جدام الناس و هم يصورونه و لا ينقذونه , في ناس تشوف ناس تعاني و هم بكل ضحك يصورونه

[دااانة قطر]

سواء كاان في قطر و برا قطر
اطاالب بمعااقبة المصور

والله يرحمه ويصبر زوجته

[نوفة قطر]

انا شفت المقطع فالانستغرام والبنت حذفته بعد خمس دقايق .. < كويتيه

رجال ثيابه كلها دم وتعليق البنت تحت الفيديو ان الرجال تعرض للطعن ؟!

لانها كاتبه القتل صارسهل عندنا ومن هالكلام

يعني فعلا وين الرحمه !! جرايم تصير والعالم يصورون

ماعاد في احساس

انا دخلت ع حساب فالانستغرام حصلت واحد مصور اعز اصدقائه وهو يندفن ! وهو يتلقن قبل ماينزلونه القبر ! وهم يشيعونه !!!!

يعني هاللحظات لحظات روحانيه بعيده عن الكاميرات المفروض تكووون!

[Abdulraman]

الله يرحمه ويغفرله ويصبر اهله

[الخيالة]

من صجهم شلون يقدرون يسوون جذيه لا حول ولا قوة الا بالله ماشفت ولي ابي اشوف

[الماريّة]

لاحول ولا قوه الا بالله الله بحسن الخاتمه يارب

والله يرحمه ويرحم جميع المسملين

يااااااارب تسترنا في الحياه وفي الممات

انا شفت المقطع والله حسبته تصوير لمسلسل او فلم ماتوقعت انه صدق

عافانا الله مما ابتلاه به وغفر له يارب

[RE-Qatar]

الفيديو وصلني لكن ما أرسلته برودكاست فكرت في المتوفي الله يرحمة وأهله الفيديو مؤثر

[الزعفراني]

الفيديو في الكويت .. والشخص كانت فيه جلطة وياخذ علاج سيولة للدم والظاهر خذ جرعة زايده .. وصار عنده نزيف

الله يرحمه

[الزعفراني]

مش طعن الرجل تعرض لنزيف

[رحال]

الله يرحمه ويغفر له ويصبر هله ان شاء الله

[باندول]

كما وصلني من صديق كويتي مصاحبا لفيديو
الرجل كان بصحبة زوجته في سوق وجاء واحد يعاكس زوجته وصارت هوشه بينهم والمراهق اخذ سكين وركزها في قلب الزوج وتوفى الرجل امام زوجته
هذا والعلم عند الله
صراحه محبيت اشوف الفيديو قلبي مايستحمل

[alsoq]

كما وصلني من صديق كويتي مصاحبا لفيديو
الرجل كان بصحبة زوجته في سوق وجاء واحد يعاكس زوجته وصارت هوشه بينهم والمراهق اخذ سكين وركزها في قلب الزوج وتوفى الرجل امام زوجته
هذا والعلم عند الله
صراحه محبيت اشوف الفيديو قلبي مايستحمل

نفس الكلام اللي وصلني

[بوخالد911]

شفت المقطع
لو فيه جلطة
كييف الدم ع الارض وثوبه غرررقان دم؟!؟!؟

عموما الله يرحمه

[فلتة زمانها]

شفت الفيديو وانصدمت من جراءة المصور في مثل هالمواقف
مبين على الريال انه يعاني من دوالي في المريء ومعروف انها تنتفخ
وتنفجر وقت الكحه هالمرض مب هين والشخص ينزف كمية دم كبيره
وبصراحه الناس معاهم حق يخافون يمكن فيها تحقيق او يسعفون المصاب بطريقه خاطئة
الله يرحمه ويغفر له

[الوسيط العقاري]

«الداخلية» تنفي وقوع جريمة قتل بـ «سوق الجمعة»
(web-team)
2013/11/08 23:00




(كونا) - نفت ادارة الاعلام الامني في وزارة الداخلية صحة ما تتداوله مواقع التواصل الاجتماعي عن وقوع جريمة قتل بسوق (الجمعة) اليوم.

وقالت الوزارة في بيان صحافي أن وفاة احد الاشخاص الذي وافته المنية داخل سوق الجمعة اليوم كانت طبيعية بناء على كشف الطب الشرعي حيث تعرض لأزمة قلبية حادة نزف على أثرها الدماء.

وذكرت انه تم اتخاذ كافة الاجراءات اللازمة حيث تم نقل الجثمان الى الطب الشرعي لمعرفة المزيد من التفاصيل حول ظروف وملابسات الوفاة.

[باندول]

«الداخلية» تنفي وقوع جريمة قتل بـ «سوق الجمعة»
(web-team)
2013/11/08 23:00




(كونا) - نفت ادارة الاعلام الامني في وزارة الداخلية صحة ما تتداوله مواقع التواصل الاجتماعي عن وقوع جريمة قتل بسوق (الجمعة) اليوم.

وقالت الوزارة في بيان صحافي أن وفاة احد الاشخاص الذي وافته المنية داخل سوق الجمعة اليوم كانت طبيعية بناء على كشف الطب الشرعي حيث تعرض لأزمة قلبية حادة نزف على أثرها الدماء.

وذكرت انه تم اتخاذ كافة الاجراءات اللازمة حيث تم نقل الجثمان الى الطب الشرعي لمعرفة المزيد من التفاصيل حول ظروف وملابسات الوفاة.
جزاك الله الف خير عرفتنا بلحقيقه
لحين اقدر اقول هذا المصور قليل ادب مصور رجال في ذي الحاله صج يستاهل العقاب

[قطريه ماركه]

لا حول و لا قوة الا بالله

الله يغفر له و يرحمه يارب

[اعمار قطر]

لا حول ولا قوة الا بالله

[شـــوق]

استغفر الله هالبشر ماعاد فيهم احساس

[puree]

المقطع في الكويت ..

ويقولون ان اللي الاخبار المنتشره كلها اكاذيب واشاعات

الشخص عنده انسداد فالشرايين او شي من هالقبيل


لا حول ولا قوة الا بالله

[معماري قطري]

الله يرحمه ويصبر هله وزوجته والله ياخذ الحق من اللي صوره ومن اللي قتله

يا ناس بالعقل حد عنده جلطه ينزف؟ انا شفت المقطع وياليتني ما شفته وصراحة الرجال ماسك صدره ويحاول يقعد والدم كثير على الأرض وعلى ثيابه وشكله مطعون بسكين

[بصمة قطرية]

إستغفر الله العظيم
شفته اليوم
الرجال ينزف مبين إنه مطعون
اللي صور شلون طاوعه قلبه يصور و ينشر
غريبة محد قرب منه ينزف و زوجته تصيح ...!!!

[romoz]

الله يغفر له و يرحمه

ماتت الانسانية في قلوب البعض
و آخرون كانو يقدمون المساعدات و "الفزعة" للمحتاج و لكن بسبب القوانين و المسائلات اللي قد يتهم فيها الشخص
اصبحو يبتعدون عن المساعدات بسبب المشاكل اللي تصير عقبها


بس الشهم و راعي النخوة ما تلرمة قوانين ، و بيقوم بالمساعدة

[حمد بن سعد]

هذي اهي الفتنه

[أم محمد 90]

عورني قلبي على مرته قعدت اصيح :(

[ضوى]

انعدمت الانسانية والضمير في هالزمن ، اتمنى يتحاسب هالشخص حساب عسير ، زوجة مستورة هتك سترها وسط الاف مؤلفة من البشر عشان بس يزيد حصيلته عالكيك صج بني ادم نذل

[R 7 A L]

تحية شكر وعرفان
للأخت الي فزعت في أخر المشهد ووتدخلت وحاولت تسحب الزوجة
لم تنشغل بالتصوير او الوقوف
تدخلت حسب استطاعتها .

[Locale]

المقطع وايد اثر فيني
صادتني خرعه ورجفه
المصور نذل المره تصيح وحالتها حاله وهو قاعد يصور

[رهج السنابك]

انا استغرب ليش الناس جافلين محد قرب من الريال!!

موقف صعب

ليش الناس كانت بعيدة ويطالعون من بعد !

[Locale]

انا استغرب ليش الناس جافلين محد قرب من الريال!!

موقف صعب

ليش الناس كانت بعيدة ويطالعون من بعد !

وأنا مستغربه مثلج
قطعت قلبي زوجته ما تدري شتسوي

هذا واحد يعرفه في منتدى كويتي كاتب


كان مرضه الله يرحمه يرجع إلى أرتفاع ضغط الدم البابي في الكبد
وأحد أسبابه الرئيسيّة هو دوالي المريء، نتيجة تليّف للكبد.
ودوالي المريء تعني بأوعية المريء حيث أنها تتوسّع مع أدنى كحّه ومع استمرار الكحّه تنفجر الأوعية
مما يُسبب تقيؤ دموي مُسرف وفي هذه الحالة لا تُتنظر الأسعاف بل إسعافه فوراً للمستشفى وإدخاله للعناية المُركّزة.

ولكن للأسف، أصبحوا يتفرّجون عليه والآخر ذلك الفاقد لإنسانيّته مُستمراً في التصوير بكل وقاحة!


اسأل الله له الرحمة والمغفرة وأن يُلهم أهله

[اغلى الغاليات]

الله يرحمه ويغفر له ويصبر اهله ..انا صج قهرني اللي يصور في هالظروف..بس بعد انقهرت اكثر وانا ابحث عن تفاصيل الموضوع بسبب ذكر كلمه ( بدون ) في اكثر من موقع إلكتروني لهدرجه وصلنا نحدد نوع المتوفى ومن اي فئه وكان هالشي يهون وفاته !..كلنا بشر ..وكلمه (بدون) ما لها داعي في هالخبر لانها لا تزيد ولا تنقص من اللي صار لهذا الانسان ..
والمفروض كل دوله توفر سياره اسعاف خاصه لكل مجمع او سوق او نقطه تجمع لاي فعاليه او احتفال في حال لو سمح الله صار اي شي لاي انسان ..

[زمان]

ما شفت المقطع

والموت حق

الله يرحمه المتوفي يمكن محظوظ بانتشار صورة

وما شاء الله كم واحد فينا ترحم عليه

فالله يرحمه برحمته ويصبر اهله

والله يحسن عزاكم

[العنيده]

الله يرحمه ويغفر له .. صار في ناس بدل ماتساعد تطلع تليفوناتها استغفر الله

[ام اصائل]

الخبرالصج ان هذا الرجال طلع من المستسفي على مسؤوليته
وصار فيى نزيف وتعب وتوفي
والناس مافيها خير تصور
ها الصج .... السالفة صارت بسوق الجمعة
في ناس تخاف تسعفه ويصير الحق عليها
بس كسر خاطري وايد
والناس الحين تجمع تبرعات لعياله لان حالتهم ضعيفة

[نوار قطر]

انا ماشفت هالفيديو ولا افكر اني اشوفه ،،، بس شي يعوور القلب ،،،الواحد شلون اتييه الجرأه يصور هالمنظر ،،، اعنبو قلبه ماعوره ،، مافيه رحمه ،،، مافيه احساس ،،،، الله لا يبلينا بهالقلوب القاسيه