مالقيتك

[باندول]

جيت المكـان ولا لقيتـك ورديـت
يا للأسف خابت بشوفـك ظنونـي

وقفت أناظر ساعتي كـم تحريـت
من كثر شوقي لك تزايـد جنونـي

لا زارني طيفك على البال سجيـت
عييت أطاوع فيك من هم نهونـي

دايم ابروحي ما اقدر أفارق البيـت
وأهلي وربعي لجل عينك جفونـي

يا ما سهرت أيام ما قلـت مليـت
حتى لذيـذ النـوم جافـا جفونـي

مع كل رنه هاتفي قلـت يـا ليـت
تكـون محبوبتي قبـل لا يكفنونـي

والله لو لا فـارض حجـة البيـت
ولو لا جنون ومجتمـع يعذلونـي

وأبوي وأخوانـي وبيـت تربيـت
لا اجيك لـو مطلوبهـم يعدمونـي

لكن هي أحلام.. وأمانـي تمنيـت
رجيتهـا مـن قبـل لا يدفنونـي

ما فادني أبد قـول حنيـت
وأبيات شعري فيك لـو ذكرونـي

لو فادني عن كل مخلوق صديـت
ومجنون ليلى كان بـه شبهونـي

عسى الفرح في دنيتك وين ما جيت
وأنا عسى المولى يصبـر عيونـي


( مما راق لي )