قاعات الأعراس المجانية .........

[Mohammed2]

السلام عليكم ورحمة الله وبركاته

كلنا نعرف ان بتفتح قاعات أعراس مجانية للقطريين في المستقبل ان شاء الله, وكلمة مجانية المفروض تعني ان بلاش مافي دفع

لكن السؤال!

كيف بيكون نظام هذه القاعات, هل العشاء مع القاعة مجانا للمعازيم ام لا؟
هل فيها سويت لمبيت العروسين او لا؟
هل بيكون معاها سكيورتي او لازم المعرس يجيب من مكان ثاني؟
وكثير من الأسئلة....

لو كان العشاء على المعرس والكوشه والتزيين والخرابيط كلها ماصارت مجانيه :rolleyes2:


في ناس مأخرين المجلة او العرس ينطرون هذه القاعات الين تنفتح لكن محد يعرف نظام هذه القاعات بالظبط

أتمنى لو في حد يعرف نظام هذه القاعات ويخبرنا عنها عشان كل شي يكون واضح أمام الكل

ومشكورين

[Abdulraman]

اعتقد الصاله عليهم والباقي على المعرس يجيبها مثل العشاو.....
وكل هالامور تتضح بعدين

[Mohammed2]

اعتقد الصاله عليهم والباقي على المعرس يجيبها مثل العشاو.....
وكل هالامور تتضح بعدين

بس في قاعات الأعراس الحاليه مثل قاعة رجنسي وكتارا وغيرها
الفلوس على حسب المعازيم, يعني المعرس يدفع ثمن العشا وليس القاعه

يقولون لك العشا بوفيه للشخص بـ 200 ريال مثلا

وانت بتعزم 400

يعني 400 في 200 = 80 الف وهذا السعر اللي يندفع

يعني فالقاعات الحاليه الفلوس اللي تندفع هي فلوس العشا على حسب عدد اللي انت عازمهم
مافي شي اسمه فلوس القاعه بروحها غير وفلوس العشا غير

[نوفة قطر]

بلى في فلوس القاعه بروحها وفلوس للبوفيه حسب عدد الاشخاص .. الا بعض القاعات

اللي اعرفه ان سعر القاعه بيكون مجاني مادري اذا يشمل العشاء او لا

بس الديكورات والزايدات اكيد مب ببلاش

[حسن]

حلو والله اذا القاعات عليها العشى وكل شي والمعرس عليه ليله الدخله بس

تذكرت قصيده الجواهري طرطرا

:)

[باندول]

يا زين العرس في البيت بسكم بطرة
وشفايده الواحد يتزوج ويكون مديون
بسكم فسق
العرس ان كان حلو ومميز ومخسرين عليه ملايين بعد بيكون مذموم
كم مرة سالت ناس راحوا اعراس معمري سمعت قالوا شي زين
وع العشاء معجنا وع عرسهم كان كجرة
هههههههههههههههه
يا معرس حرام تقط فلوسك وبعدين يقعدون يذمون فيك

[حسن]

يا زين العرس في البيت بسكم بطرة
وشفايده الواحد يتزوج ويكون مديون
بسكم فسق
العرس ان كان حلو ومميز ومخسرين عليه ملايين بعد بيكون مذموم
كم مرة سالت ناس راحوا اعراس معمري سمعت قالوا شي زين
وع العشاء معجنا وع عرسهم كان كجرة
هههههههههههههههه
يا معرس حرام تقط فلوسك وبعدين يقعدون يذمون فيك


هو المعرس بيغسلونه النسوان بيغسلونه مامنه مفر شي مفروغ منه
مجتمعات دوال العالم الثالث

[باندول]

هو المعرس بيغسلونه النسوان بيغسلونه مامنه مفر شي مفروغ منه
مجتمعات دوال العالم الثالث

حسن يقولك المعرس صار مثل ال عومه ماكوله ومذمومه
هههههههههههه اشتقت حق البحر يا اخي

[Mohammed2]

بلى في فلوس القاعه بروحها وفلوس للبوفيه حسب عدد الاشخاص .. الا بعض القاعات

اللي اعرفه ان سعر القاعه بيكون مجاني مادري اذا يشمل العشاء او لا

بس الديكورات والزايدات اكيد مب ببلاش

أنا حاجز من قبل في قاعتين وماكان في فلوس حق القاعة

اللي دفعته فلوس البوفيه على عدد الاشخاص

[Mohammed2]

وننتظر حد يعرف نظام هالقاعات ويوضح لنا :)

[aziz4z]

القاعة بس مجانا , بس أنت تجيب الاكل من برة . لو كل شيء مجان كان شفت كل واحد يبي يتزوج الثانية :secret:

[رهج السنابك]

وين صرت عشا مجاني؟؟؟ وسويت فندق بعد مجاني!! وكوشه وخرابيط مجاني!!! ان كان جذي كل يوم الواحد بيعرس ههههه

بالمنطق والعقل
القاعه ان كانت مجانيه بتكون فقط القاعه وكل شي من جيبك يا معيريس
والارجح انها بتكون رمزيه وليست مجانيه ممكن يحطون عليها عشر الالاف
والارجح اكثر انها بتاخذ سنتين لين تخلص هذا اذا ما تكلككوا وطولوا الافتتاح لاجل عيون اصحاب القاعات يتربحون اكثر ً


فاللي يبي شوري ومستعجل على العرس ومايقدر ينطر سنتين او ثلاث خل يعرس وعلى قده لا يفوشر ولا يسمع كلام الحريم


سوي بحث في قوقل وبتطلع لك اسم الجهه المسؤله عن الموضوع او كلم حسن الساعي في تويتر ويجيب لك العلم

[رهج السنابك]

سويت بحث وقريت القرار نعم بتكون مجانيه وتم الانتهاء من المرحله الاولى روح شارع الاحتفالات بمنطقه الرفاع وتفرج بنفسك

شفت صور للمشروع شي مبهج وخيالي فخامه مالها حد ولا في فندق بقطر بنفس فخامتها

[مخطط قطري]

المفروض بنك التنميه يشجع الشباب على فتح صالات زواج ونقول مثلا بشكل مبدئي 5 قاعات
وتكون اسعارها معقوله الشباب كتجار يستفيدون والشباب اللي مقبلين ع الزواج بس ماعرف ليش القيود هنيه والاجراءات معقده

[مخطط قطري]

ااعرف شخص كويتي اجر من وزاره الماليه الكويتيه ارض حكوميه ب100 دينار في السنه يعني ظ،ظ¢ظ*ظ* ريال في السنه لمده 20 سنه وارض موقعها متميز وفي نص البلد وبناها قاعه افراح فخمه من اول 3 شهور دخل قيمت البنيان والاثاث الحين هذا مصدر دخل قوي له وحق اسرته
المفروض الدوله من زمان سوت هالمشروع بس عساه مايتاخر ومايكوون مشروع ع الورق مثل باقي المشاريع الهامه

[Mohammed2]

انا ادري ان الكوشه والخرابيط كلها على المعرس

لكن نظام القاعات الموجوده حاليا المعرس يدفع للبوفيه حق كل شخص بينعزم
يعني تدفع العشى على عدد الاشخاص

ومافي فلوس ثانيه للقاعه

انا حجزت في رجنسي وحجزت قاعة كتارا من قبل

اللي دفعته هو فقط للبوفيه وعلى حسب عدد الاشخاص, مافي شي اسمه فلوس للقاعه وفلوس للعشى


لكن اشلون بتصير القاعه مجانيه وكل شي بيندفع؟ ابي حد عنده علم بنظام القاعات اللي بتنفتح ان شاء الله
مابي اعتقد واعتقد

اذا في حد يعرف يتفضل ويفهمنا السالفه

[ms-qtr]

أخوي خل تفتح القاعات
وعقبها لكل حادث حديث

[بونووف]

اخوي القاعات الحاليه تحاسبك على عدد الاشخاص صحيح لكن تتوقع انه عشى ل 400 شخص يسوى 80 الف ... تلاقي العشى مكلف مبلغ بسيط والباقي لهم

يعني لو القاعات الجديده مجانيه تقدري ترتب مع اي مطعم يجهز لك بوفيه لعدد الاشخاص اللي تبغي تعزمهم ويجهز لك البوفيه نص السعر اذا مب اقل

اما الكراسي اتوقع تكون متوفره ..

والله يسهل ويسر امور كل شاب مقبل على الزواج

[مسمس12]

ابو بلاش كثر منه هههههههههههههه

انطلقوا الى التعدد وفالكم التوفيق هههههههههههههههههههه

[فلتة زمانها]

سويت بحث وقريت القرار نعم بتكون مجانيه وتم الانتهاء من المرحله الاولى روح شارع الاحتفالات بمنطقه الرفاع وتفرج بنفسك

شفت صور للمشروع شي مبهج وخيالي فخامه مالها حد ولا في فندق بقطر بنفس فخامتها

منطقة الرفاع اي صوب ؟