اين حق المواطنة القطرية من توزيع الاراضي

[دنيا الاسهم]

بلدية :
تجهيز 4780 قطعة أرض للمواطنين
5 مشروعات لتقسيم الأراضي

الدوحة ـ الراية :

كشفت إدارة التخطيط العمراني بوزارة البلدية والتخطيط العمراني عن 5 مشروعات لتقسيم الأراضي جار العمل عليها حالياً هي مشروع تقسيم مدن الشمال ومشروع تقسيم الحضارمة ـ تحت الاعتماد ـ والذي يتضمن 1073 قسيمة ومشروع تقسيم على شارع الاحتفالات الرفاع ويتضمن 530 قسيمة. ومشروع تقسيم روضة راشد 3000 قسيمة. و مشروع تقسيم غرب أبوهامور ويتضمن 177 قسيمة.

وأشارت الإدارة في كتاب الإنجازات الداخلية للدولة إلى أنه تم اعتماد عدد من مشاريع تقسيم الأراضي وهي مشروع تقسيم شمال وجنوب الوكير ويتضمن 4844 قسيمة. ومشروع تقسيم غرب سميسمة ويتضمن 470قسيمة. و مشروع تقسيم جنوب غرب السيلية ويتضمن 386 قسيمة. و مشروع تقسيم شرق جنوب السيلية (أبونخلة) ويتضمن 200 قسيمة.

وأشار التقرير إلى عدد من مشاريع تقسيم الأراضي التي تم الانتهاء منها وهي مشروع تقسيم غرب الخريطيات ويتضمن 2292 قسيمة. ومشروع تقسيم شمال الناصرية ويتضمن 823 قسيمة. ومشروع تقسيم غرب الناصرية ويتضمن 575 قسيمة. ومشروع تقسيم غرب أم صلال ويتضمن 470 قسيمة. ومشروع تقسيم جنوب الشحانية ويتضمن 278 قسيمة.


عليهم بالف عافية والف مبروك لكل من طلعت لة ارض ...
اين حق المراة من توزيع الاراضي
يمكن الموضوع مكرر بس وضعتة لتتضح الصورة اكثر
يا ليت الاخوة والاخوات اللي بيعلقون على الموضوع يحطون في بالهم ان لهم اخت ربما ( ارملة - مطلقة - عانس) اي كانت المسميات التي سميتوا المراة
- من ناحية اخرى ان الدستور ساوى بين الرجل والمراة في الحقوق والواجبات فأين حقها هنا
- ثانيا لماذا تم توقيف صرف الاراضي عن من هم لديهم موافقة مسبقة من مكتب سمو رئيس مجلس الوزراء
اتمنى النظر بجدية في هذا الموضوع

[ام ناصر1]

والله...صعب يعطون المرأة ...بانتظار مجلس الشورى ليحل الآمر

[الماريّة]

يعني ايش هذي الاراضي مالنا حق فيها ؟:omg:

بس للرجال ؟؟

[Abdulraman]

يعطون الرجال واشدخل المرأه واعتقد يعطون حق المرأه اللي زوجها متجنس ويعطون المرأه العانس شرط ان تكون موظفه

[الماريّة]

يعطون الرجال واشدخل المرأه واعتقد يعطون حق المرأه اللي زوجها متجنس ويعطون المرأه العانس شرط ان تكون موظفه


شلون شلون مافهمت وضح كلامك

تقول شدخل المرأه وعقب تقول يعطون العانس ؟

والمطلقة
والارمله
والي تعول
والمهجوره
ووووووو الخ :( مالهم رب

[Abdulraman]

شلون شلون مافهمت وضح كلامك

تقول شدخل المرأه وعقب تقول يعطون العانس ؟

والمطلقة
والارمله
والي تعول
والمهجوره
ووووووو الخ :( مالهم رب

المراه اشدخلها لان زوجها ياخذ ارض إلا اللي قلتي عنهم هذا موضوع ثاني

[رُفق المجنّا]

ليس بالضرورة قرارات الدولة تقاس ع حالة فردية , ولكن الرجل أصلاً لا يملك حق التملك للمسكن الا اذا كان متزوج والمرأة تشترك معه في هذا الحق ولكن لا مانع ان تضاف فئات اخرى كالمهجورة او الارملة او المطلقة ولكن وفق شروط وظوابط تضمن عدم الانفلات

[فرهود]

هههههههههههههههههههههههههههههههههههههههههههههههههه ههههههه

[نوار قطر]

المطلقات والارامل والي يعولون ،،، لهم الله :) كل مره يتأخرون ويأجلون توزيع الاراضي عليهم ،،، مايندرى لي متى ،،،
الله المستعان

[قطري92]

الله كريم..

[الماريّة]

ليس بالضرورة قرارات الدولة تقاس ع حالة فردية , ولكن الرجل أصلاً لا يملك حق التملك للمسكن الا اذا كان متزوج والمرأة تشترك معه في هذا الحق ولكن لا مانع ان تضاف فئات اخرى كالمهجورة او الارملة او المطلقة ولكن وفق شروط وظوابط تضمن عدم الانفلات


شلون عدم الانفلات ؟ من الي يفلت الشروط

[ms-qtr]

إلي أعرفه إن المرأة تاخذ أسرع من الشباب

وحده من أهلنا عطوها أرض بسرعة
وما كان عندها واسطة

[غايه الطواش]

المراه يعطونها حسبا لظروفها المطلقه والكبيره الي مالها عائل
عمتي مطلقه وطلعت لها الارض بسرعه
وعنها بنت كبيره مش متزوجه طلعت لها ارض
الدوله مش مقصره مع حق وتعطي الي يستحق اما انها تعطي كل وحده راح تفتح على نفسها باب هي في غنى عنه

[ام ناصر1]

اشمعنى أنا طلبت و محدن عبرني .....

[مخطط قطري]

خلهم يخلصون المواطنين بالاول وبعدين يلتفتون على المواطنات

[فلور]

والله أنا مطلقه وعندي عيال من ظ¢ظ*ظ*ظ§ مقدمه ألحد الحين ناشفت شفت شي
والله أني ميته قهر من الي قاعد يصير في التخطيط العمراني *

[شبح الصمت]

والله أنا مطلقه وعندي عيال من ظ¢ظ*ظ*ظ§ مقدمه ألحد الحين ناشفت شفت شي
والله أني ميته قهر من الي قاعد يصير في التخطيط العمراني *



الله يرزقج

المطلقات لازم تكون كملة 5 سنين على طلاقها
وبعد انتهاء المدة تجيب شهادة من المحكمة بصحة كلامها

وعقب ترفع كتاب للاسكان اطالب في الارض وعلى اساس هالشروط الي متوفره فيها اتوقع يعطونها بس يبيلها اشوي صبر

[أكاديمية]

أنا مب فاهمة القوانين الغريبة من اللي حاطها . ليه يشترط أن تحصل المطلقة على الحق في الحصول على ارض وقرض بعد خمس سنوات من طلاقها !! ماهو ممكن ترجع لزوجها بعد خمس سنوات من الطلاق مثل ما ترجع بعد سنه أو سنتين من طلاقها !! وأيش اللي يضمن انه بعد طلاقها بخمس سنين وحصولها على الأرض والقرض تتزوج !!

وليه الكبيرة اللي لها عائل ما يعطونها وأيش مفهوم العائل هل هو الأب مثلا أو الأخ !! أذا هي موظفة وخدمت بلادها سنين ووصلت الأربعين او الخمسين !! . هل العائل يصرف عليها مثلا !!

حد يفهمني القوانين موضوعة على أي أساس !! العانس حالها حال الأرملة اللي مات زوجها ايش الاختلاف ليه هاذي من حقها مسكن وهذي لا !!

[طلعة الروح]

أنا مب فاهمة القوانين الغريبة من اللي حاطها . ليه يشترط أن تحصل المطلقة على الحق في الحصول على ارض وقرض بعد خمس سنوات من طلاقها !! ماهو ممكن ترجع لزوجها بعد خمس سنوات من الطلاق مثل ما ترجع بعد سنه أو سنتين من طلاقها !! وأيش اللي يضمن انه بعد طلاقها بخمس سنين وحصولها على الأرض والقرض تتزوج !!

وليه الكبيرة اللي لها عائل ما يعطونها وأيش مفهوم العائل هل هو الأب مثلا أو الأخ !! أذا هي موظفة وخدمت بلادها سنين ووصلت الأربعين او الخمسين !! . هل العائل يصرف عليها مثلا !!

حد يفهمني القوانين موضوعة على أي أساس !! العانس حالها حال الأرملة اللي مات زوجها ايش الاختلاف ليه هاذي من حقها مسكن وهذي لا !!

القوانين هاذي يبيلها تغيير، يقولون حسب القانون ان العانس يحق لها تطلب أرض وقرض لما توصل سن 35 ، لكن نسمع من بعض المواطنات اللي قدموا وهم مستوفين الشروط ان السالفة فيها تعطيل وتأجيل وهاي شي مايبشر بالخير للي تبي تقدم ، مادري من ورا هالتعطيل خصوصا اذا كان متعمد يضر فيه المواطنة أيا كانت فئتها واستحقت الشروط، للعلم انا مب مستوفيه الشروط ومع ذلك القانون والاجراءات اللي نسمع عنها خلتني اغسل يدي من السالفة الا اذا صارت تغييرات جذرية في صالح المواطنه وحطوا موظفين مثل الناس يعرفون يتعاملون مع الناس، والاجراءات اذا ماتغيرت للأحسن الكل راح يتضرر بدون استثناء!

[طلعة الروح]

يعطون الرجال واشدخل المرأه واعتقد يعطون حق المرأه اللي زوجها متجنس ويعطون المرأه العانس شرط ان تكون موظفه
لازم العمر فوق 35 ومايندرى متى يطلع لها بعد!

[طلعة الروح]

خلهم يخلصون المواطنين بالاول وبعدين يلتفتون على المواطنات

لازم يخلصون الجميع بدون استثناء والأولوية للي قدم قبل!

وبعدين لا تقعدون تقولون لنا ريال ومره ومن له الاولوية، أنا اقول يا دولة ادرسي الشروط وشوفي الحالات ، والله هالايام بعض الرياييل عندهم أراضي لكن من الطمع او الكسل
هاد أرضه وبنيان بيته وقاعد هو ومرته وعياله في بيت هله، هاذي المفروض تنسحب منه الأرض خصوصا اللي مر عليه فوق الخمس سنين وللحين مابنى!

[أكاديمية]

القوانين هاذي يبيلها تغيير، يقولون حسب القانون ان العانس يحق لها تطلب أرض وقرض لما توصل سن 35 ، لكن نسمع من بعض المواطنات اللي قدموا وهم مستوفين الشروط ان السالفة فيها تعطيل وتأجيل وهاي شي مايبشر بالخير للي تبي تقدم ، مادري من ورا هالتعطيل خصوصا اذا كان متعمد يضر فيه المواطنة أيا كانت فئتها واستحقت الشروط، للعلم انا مب مستوفيه الشروط ومع ذلك القانون والاجراءات اللي نسمع عنها خلتني اغسل يدي من السالفة الا اذا صارت تغييرات جذرية في صالح المواطنه وحطوا موظفين مثل الناس يعرفون يتعاملون مع الناس، والاجراءات اذا ماتغيرت للأحسن الكل راح يتضرر بدون استثناء!

أتصلت فيهم اليوم وما قصروا ردوا علي بس الغريب قالوا لي في موافقات على وايد حالات بس موقفين كل شي بغرض تعديل القوانين ومب عارفين متى بيتم التعديل والعلم عند الله . الخوف لما يجيك التقاعد وأنت تنتظر عقبها هل يحق للوحدة تطلب قرض وارض وهي متقاعده !!

[طلعة الروح]

أتصلت فيهم اليوم وما قصروا ردوا علي بس الغريب قالوا لي في موافقات على وايد حالات بس موقفين كل شي بغرض تعديل القوانين ومب عارفين متى بيتم التعديل والعلم عند الله . الخوف لما يجيك التقاعد وأنت تنتظر عقبها هل يحق للوحدة تطلب قرض وارض وهي متقاعده !!

هاي هو التساؤل الحقيقي واللي الدولة للحين مافكرت فيه وحسبت حسابه يوم حطت القانون التعجيزي!

[R 7 A L]

لو يعطونهم بيوت من ضمن مجمع سكني وتكون ( مرهونه ) للدولة يكون أفضل .

[حبر وقرطاس]

مثل ما الرجل قد يكون ارمل ومطلق واعزب ويمر باحوال
المراه نفس الشي

[الـقـاسـي]

لاعاد مصختوها الحين خل يعطون الرجال بعدين يصير خير

[ام ناصر1]

اعتقد منافسة المرأة على الأراضي قادمة قادمة ...وبخاصة في ظل تزايد العازبات والمطلقات ...... سواء عن طريق المنح أو الشراء ...

[فلور]

انا كملت 13 سنه من انفصالي وعندهم جميع الاجراءات كل مره يوعدوني بس للاسف ولا حد معبرني
لو عندي واسطه كان مب هذا حالي ربنا كريم

[أكاديمية]

انا كملت 13 سنه من انفصالي وعندهم جميع الاجراءات كل مره يوعدوني بس للاسف ولا حد معبرني
لو عندي واسطه كان مب هذا حالي ربنا كريم

يا ويلي 13 سنه وأنا متفائلة ان الرد بيجي خلال اشهر او شهرين بالكثير ... طيب ايش نسوي !!

[الماريّة]

حتى في ذي بعض الناس حاسدين شوفاتهم من قطعه ارض

كانها الا منه

ترراها من الحكومة وكلنا قطريين ونستحق مثلكم يابعض الشباب الي مب عاجبه

ياحيف والله وين الرجال الي يأثرون خواتهم وبنات بلادهم على انفسهم

ماتت النخوة فيكم ؟؟

عز الله الي ماقلتوا بنعطيكم اراضينا وحن بنصبر انتوا شوفاتنا وخواتنا وامهاتنا

كلن ماهمه الا نفسه

لاحول ولاقوه الا بالله:weeping: الرازق في السماء والحاسدين في الارض

[ام السعف]

اعرف حريم ما صار لهم لا 13 سنة منفصلين ،، حصلوا ارض وقرض لأنهم موظفات ،،

واعرف وحدة زوجها مب قطري حصلت ارض وقرض بيسدده ولدها لأنها ما تشتغل
وهي على ذمة ريلها ،،

فمب عارفين ليش هالأمور تمشي حق ناس ولا ناس لا ؟

حد عنده خبر ؟

[ام ناصر1]

انا الي اعرفه موقفين الطلبات ...وصار لي فترة كبيرة ماراجعتهم بس خلال هالسنة اذا ما عطوني ارض ...باضطر ارفع كتاب لمعالي رئيس الوزراء