بخصوص الدفان

[بوحمد2003]

مرحبا عندي استفسار بخصوص الدفان , هل الافضل دفان على مرحلة وحدة او مرحلتين ولماذا؟ أرجوا الرد سريعا

[باندول]

سوال وجييه انت تقصد دفان الحوش او دفان اثناء البناء وضح

[باندول]

اذا كان دفان الحوش
انا شغالين عندي دفان الحوش
سالت المقاول نفس السوال قالي الدفان يكون مرحله وحده ومايخالف ان يكون مرحليتن
بس لازم تكون متاكد انك مخلص من تمديد الكهرباء والماء وخلافه

[معماري قطري]

كلما زادت المراحل يكون أحسن مع الدك في كل مرحلة دفن .. والمفروض إستخدام دفان جيد .. إبعد عن البودرة هي أرخص وأسوأ أنواع الدفان ويزينونه لك المقاولين.

في رأيي لدفان المباني العادية تقدر تستخدم حجارة كبيرة قبل بس تندفن زين بدفان ناعم .. حبات صغيرة .. لكن الأفضل دفان مغربل وبأحجام حصى ما تزيد عن 5 سم ولازم نرش عليه مبيدات الأرضة والنمل الأبيض وغيرهم من الآفات .. ولو إستخدمنا الكاز في الطبقات الأُولى والمبيد في آخر طبقة بعد زين.

قبل كان الدفان والدك كل ارتفاع 15 سم دفان وألحين أعتقد على دفعتين حق ارتفاع 60 سم وحتى الدفان ورش الماي حتى ينزل التربة في الفجوات بين الحجر وبدون دك يكفي .. وبعدها ينرش المبيد أو الكاز وفي آخر طبقة رش ماء ودك زين وبعدين مبيد فعال وتغطية ببلاستيك حتى ما يتبخر المبيد لين يتم عمل الصبيات.

[Chambray]

كلما زادت المراحل يكون أحسن مع الدك في كل مرحلة دفن .. والمفروض إستخدام دفان جيد .. إبعد عن البودرة هي أرخص وأسوأ أنواع الدفان ويزينونه لك المقاولين.

في رأيي لدفان المباني العادية تقدر تستخدم حجارة كبيرة قبل بس تندفن زين بدفان ناعم .. حبات صغيرة .. لكن الأفضل دفان مغربل وبأحجام حصى ما تزيد عن 5 سم ولازم نرش عليه مبيدات الأرضة والنمل الأبيض وغيرهم من الآفات .. ولو إستخدمنا الكاز في الطبقات الأُولى والمبيد في آخر طبقة بعد زين.

قبل كان الدفان والدك كل ارتفاع 15 سم دفان وألحين أعتقد على دفعتين حق ارتفاع 60 سم وحتى الدفان ورش الماي حتى ينزل التربة في الفجوات بين الحجر وبدون دك يكفي .. وبعدها ينرش المبيد أو الكاز وفي آخر طبقة رش ماء ودك زين وبعدين مبيد فعال وتغطية ببلاستيك حتى ما يتبخر المبيد لين يتم عمل الصبيات.
ليش البودره اسوء دفان ؟؟

[معماري قطري]

ليش البودره اسوء دفان ؟؟

البودرة يا اخوي فائض كسارات يتكون من حبات صغيرة وايد لها خواص كيميائية وفيزيائية .. ومن خواصها الفيزيائية الإنتفاخ لو وصلتها رطوبة، والكيميائية كثرة الأملاح وزيد عليها مرتع خصب للأرضة.

إنت يا اخوي أكيد تمر على شوارع قطر وتشوف الأرصفة بعد كم سنه شلون تتآكل والسبب البودرة اللي يخلطونها بها والحصى اللايم ستون .. والمفروض الأرصفة تكون مكونة من رمل مغسول وإسمنت وممكن يضيفون لها بعض المواد مثل برادة الزجاج والفايبر وبدون لا حديد ولا حصى.

هذا بالإضافة إلى إن مشاريع الحكومة على خبري ما يستخدمون لها البودرة لكن الحين كل شيء جايز

[Bozizoo]

الشباب ماقصروا

بس لازم تعرف مب لازم تصدق المقاول الي عندك
لان دايما يحاول يحاصرك ويدفعك للشي الي في صالحة او اوفر له من ناحية طرق العمل او فكره كانت في بالك او موااد
واااقع مقاولين

اخوي معماري قطري عندي ارض 40 واجهه*50 مشاهدة شرق على شارع واحد
ابي ديزاين اوربي

السموحه يا بوحمد

[معماري قطري]

الشباب ماقصروا

بس لازم تعرف مب لازم تصدق المقاول الي عندك
لان دايما يحاول يحاصرك ويدفعك للشي الي في صالحة او اوفر له من ناحية طرق العمل او فكره كانت في بالك او موااد
واااقع مقاولين

اخوي معماري قطري عندي ارض 40 واجهه*50 مشاهدة شرق على شارع واحد
ابي ديزاين اوربي

السموحه يا بوحمد

ما شاء الله يا بو زيزو قطعة أرض حلوه

والله يا اخوي انا أستعد لسفرة طويلة ومشغول وايد ولا باحاول أشوف لك .. ولو تحب تشوف بيتي يمكن يعجبك وتصميمه جاهز ومساحته 1070 مع الملحق .. وعندي التصميم المبدئي اللي عرضته قبل تقدر تواصل فيه عن طريق استشاري لو حبيت .. انا أرضي الجديدة قريبة من أرضك يمكن 44.75 في 50.6 نسيت بالضبط كم بس في هالحدود وعلى شارع وسكه .. شوف ترتيبها وكتبت موضوع عن البيت بس يمكن الصور مب واضحة.

http://im33.gulfup.com/VS32O.bmp (http://www.gulfup.com/?tIkaO4)

وهذي صورة الدور الأول.

http://im38.gulfup.com/T4JO1.bmp (http://www.gulfup.com/?9JyHmS)

معليش سامحني الصور مب واضحة ومقطوعة شوي مب كاملة .. بس لو حاب تشوف بيتي الحالي حياك عندك اليوم وبكره والأربعاء الخميس من ست الصبح رايح المطار.

على فكرة وانا أدور شركة قبب في السعودية مره حصلت صورة التصميم اللي انا مسويه حاطها مكتب استشاري يدعي انها له .. جرب دور في قوقل عن القبب وبتحصلها.

[Bozizoo]

يعطيك العافيه اخوي معماري قطري
وشاكر لك تعاونك و حبك للمساعده ليس معاي فقط ولكن للجميع ولا هي بغربيه عليك
انا بصراحه ادور واجهات اكثر من تقطيعات البيت من الداخل
لان عندي قناعة يمكن تكون مختلفه عن تفكير ناس كثير
موضوع بيت داخل بيت مرفوض تماما (يعني اني اعمل غرفة النوم الرئيسيه من ملحق كبير تتكون غرفة نوم وغرفة جلسه و مكتب )
وايضا عندي ديزاين جديد للملاحق و اتوقع ان الفتره القادمه سوف يغير من ديزاين البيوت القطريه في الملاحق .
لانه يوفر لك مساحات اضافية في البيت.
و ودي اني اطرح الديزاين الجديد في الملاحق في المنتدى للمناقشه والفائده بس صراحه ماعرفت كيف انزل الصوره.
وياااريت حد يقدر يساعدني على هذا.
تروح وترجع بالسلامه معماري قطري

[معماري قطري]

ما شاء الله عليك إخوي بو زيزو إنت مهندس وفاهم شتسوي .. وصحيح أي نموذج ممكن تنطلق منه وترتب الغرف على حسب رغبتك وترتب بعد المساحات العامة والمفتوحة .. وبالنسبة للواجهات تغييرها أسهل شيء بس وزن هذا التغيير ليطلع المبنى جميل بحدود غير متكلفة وبتشكيلة تقدر تقول وقورة وما فيها خربطة هذا هو الصعب.

شوف ديوان العمارة .. إذا للحين فاتح هو موقعه في مواقف الستي سنتر، ولا عندك جماعة العمارة العربية - محمد سرحان وهو معماري قديم شغال في قطر، وعندك مكتب الشؤون العربية للهندسة على ما اعتقد أو قريب من هذا الإسم .. هذا حق ابراهيم الجيدة وهو معماري قطري هامور المعماريين .. هو مصمم مبنى برج برزان .. عندك مكتب عمار في السد بعد وأتوقع فتحوا شركة عمار للإنشآءات .. بس المكاتب ذي يبي لهم زيارات متكررة ومفاوضات للحصول على سعر جيد وتصميم مبدئي يسوى .. أخيراً عندك مكتب اتحاد قطر للتخطيط بس ما ادري وايد من ربعي راحوا لهم وتسعيرهم وايد يطلع غالي يعني إشراف ب 10000 شهرياً.

الله يوفقك يا اخوي وتنزيل الصور أو الرسومات سهل جداً .. أول بالنسبة للرسومات تحولها صورة من برنامج الاوتوكاد مثلاً أو بي دي اف فايل ومنه تاخذ صورة، وتسوي تحرير لها وتحفظها وتنزلها على موقع تنزيل مثل غلف آب www.gulfup.com بس تخلي حجم الصورة 800 في 600 بكسل حتى تطلع مب كبيرة وايد وواضحة.

وانا واحد ابي أشوف إضافاتك ومتابع معاك... وصدقني بيتي تصميمه وايد شرح وميزته صالته وسطية ومتصلة من فوق لتحت ويدخلها النور من فوق من فجر للمغرب ومبني بكميات حديد اقتصادية، وشيء مجربه ومرتاح منه أتمنى يكون نموذج سهل التغيير فيه شوي ليناسب حاجة اللي يبي يبني.

[مواقف النجادة]

سؤال بخصوص الدفان بعد اذن صاحب الموضوع..

المقاول عندي حاط في الدفان الاضافي بودرة.. و انشاء الله بخليه يغيره ..
وسؤالي هو شسم الدفان الزين اللي لازم استخدمه؟ ووين ينباع عادةً؟..
و كم يفرق في السعر عن البودرة؟ ..
و هل تختلف مواد الدفان في الحوش عن مواد الدفان فوق اساسات البيت؟ ..

و اعذروني على كثرة الاسئلة .. و سلامتكم..

[معماري قطري]

سؤال بخصوص الدفان بعد اذن صاحب الموضوع..

المقاول عندي حاط في الدفان الاضافي بودرة.. و انشاء الله بخليه يغيره ..
وسؤالي هو شسم الدفان الزين اللي لازم استخدمه؟ ووين ينباع عادةً؟..

شوف إخوي إذا كمية البودرة قليلة وخلطها مع دفان عادي تمشي بس مهم تحط مبيد للنمل الأبيض وحاول يكون مخلوط زين بالعادي .. المهم في الدفان التدرج في حجم حبات الرمل والحصى وبدون خشب أو تواير أو حصى بحجم كبير.

و كم يفرق في السعر عن البودرة؟ ..

السعر يا اخوي يفرق كثير بس ما اعرف كم بالضبط .. تدري البودرة كانت تتخلص منها الكسارات وتحمل النشاشيل بها ببلاش بعد ما يوردون حجر ودفان لتصنيفه في الكسارات .. والمشكلة في ظل عدم الرقابة وبيع الكلام الحاصل يبيعون ناس هذا الدفان بأسعار غالية ويسوقون له بأنه أحسن أنواع الدفان .. اليوم كنت مار على الكورنيش شفت للإنترلوك يستخدمون رمل مغسول خشن، وهذا الرمل نادر في قطر وله أماكن قليلة يستخرج منها عن طريق الصناعات التحويلية وقريب يخلص وللإنترلوك ممكن استخدام طبقة دفان عادي وفوقها صبية بسيطة حتى ما يهبط ويتفكك مثل ما نشوف في أغلب أرصفتنا .. وحتى ممكن طبقة 10 سم أو 15 سم خرسانة مقواة بالفايبر أو بالحبال البلاستيكية حتى تعمر بدون تكسر.

و هل تختلف مواد الدفان في الحوش عن مواد الدفان فوق اساسات البيت؟ ..

ممكن تختلف للتوفير قليلاً وفوق الأساسات أو قريب منها بعد حمايتها عدل ينحط دفان ناعم حتى ما يجرح الحماية ويمكن ينط حجر بعدين بس يتم تعبئة الفراغات بدفان ناعم .. وأغلب الدفان المستخدم هو ناتج الحفر، والمقاولين قليلي الذمة ياخذون الدفان الزين يبيعونه غالي ويجيبون للشخص الغافل دفان رخيص أو حتى ببلاش ويحطونه له مثل البودرة

و اعذروني على كثرة الاسئلة .. و سلامتكم..

عندك بعد الدفان الخاص بالزراعة يختلف حسب الخلطة وحسب نوع الزراعة.

[مواقف النجادة]

مشكور يالشيخ.. بارك الله فيك..

[بوحمد2003]

مرحبا يالربع ماقصرتوا وبصراحة استفدت منكم واسف لاني تاخرت عليكم انشغلت مع الامتحانات

[Azizuk]

ممكن حد يقولي كم تكلفة دفان مغربل الطبقة الثانية لبيت مساحة مع الملاحق 630 متر مربع لان المقاول جاب لي دفان مطحون يقول زين وقوي مع الدك والصبية وانا مب مقتنع بكلامه حاب اعرف نقلة التريله دفان مغربل نوع جيد كم يكلف ودفان البيت في حصى كبار ما يصلح لدفان

[Bozizoo]

التريب الواحد يكلف تقريبا 260 ريال
-+ 10 ريال