وطني الحبيب صباح الخير

[كايدهم قطر]

السلام عليكم ورحمه الله وبركاته

صباح الورد ومساء الياسمين والنرجس

اخواني واخواتي في هالمنتدى الرائع

كنت اسمع الراديو في السيارة واسمع شكاوي الناس في

برنامج وطني الحبيب صباح الخير

وحبيت اطرح نفس فكرة البرنامج اهني

ويكون هالموضوع للجميع....

المشاكل والشكاوي والتهاني

سوى من المنتدى

او من قضايا دولتنا قطر او باقي دول الخليج او الدول العربية


اخوكم

كايدهم قطر

[قطريه22]

حلوه فكرتك

بس شالفايده الواحد يشتكي في المنتدى وشكواهم ماراح توصل للجهه المعنيه

الا اذا بيثبتون الموضوع

او اشرايك تطلب من الاداره يسون تصويت لموضوعك

[كايدهم قطر]

المنتدى هذا معروف على مستوى

والصوت يوصل فيه


واشكر الادارة على المجهود الي يقومون فيه


ويعطيهم الف عافيه

[كلاسيك قطر]

ننطر قطري شنو بيقول

لانه الي مايقدر يتكلم في التلفون يتكلم اهني في الموضوع نفسه

يعني مذيع البرنامج يشاهد الموضوع المثبت

[jassim69]

ههههه يصايح مالك ملبي سوى في رادو او المنتدى

[بوخالد911]

فكرة جيدة

[باندول]

الاذاعه عندهم قرين لايت من السلطات العليه ماخذين راحتهم
اما المنتدى ماعنده تصريح او ترخيص لو حد تكلم او قط كلام عن مسوؤل
او ادارة حكوميه وحول الموضوع لشخصصنه
عادي تنرفع شكاوي لمحكمه ويسبب مشاكل لمنتدى
خلونه على منتدنا الجميل حنا مرتاحين فيه

[طلعة الروح]

تبي صوتك يوصل شوف لك مسؤولين عندهم حساب تويتر، في الدوحه صاير اللي يبوق او يقط تويتات مفضوح اكثر من اللي يبوق المال العام!

[طلعة الروح]

الاذاعه عندهم قرين لايت من السلطات العليه ماخذين راحتهم
اما المنتدى ماعنده تصريح او ترخيص لو حد تكلم او قط كلام عن مسوؤل
او ادارة حكوميه وحول الموضوع لشخصصنه
عادي تنرفع شكاوي لمحكمه ويسبب مشاكل لمنتدى
خلونه على منتدنا الجميل حنا مرتاحين فيه

في قطر ما عندنا حد يلاحق حد في تويتر او ف المنتدى ويقاضيه ما اتوقع وصلنا لهالمرحله!
صارت في الكويت بس في الدوحه لسه المشوار طويل!
عموما القاعده الفقهيه تقول ( البينه على المدعي واليمين على من انكر) وفهمكم كافي

[باندول]

في قطر ما عندنا حد يلاحق حد في تويتر او ف المنتدى ويقاضيه ما اتوقع وصلنا لهالمرحله!
صارت في الكويت بس في الدوحه لسه المشوار طويل!
لااااااااااااااااااااااااااااا يا الحبيب اذا انت اسائت لشخص وقرر يرفع عليك قضيه تشويه سمعه يروح يشتكي عليك ويحولون الموضوع لجرائم الالكترونيه ويجرونك من شعرك وصارت وناس تغرمت بفلوس طائله على ما سمعت من عضو تاجر بلمنتدى

عموما الموضوع قوانين المنتدى لاتسمح بطرحه اعتقد
والله اعلم

[طلعة الروح]

لااااااااااااااااااااااااااااا يا الحبيب اذا انت اسائت لشخص وقرر يرفع عليك قضيه تشويه سمعه يروح يشتكي عليك ويحولون الموضوع لجرائم الالكترونيه ويجرونك من شعرك وصارت وناس تغرمت بفلوس طائله على ما سمعت من عضو تاجر بلمنتدى

عموما الموضوع قوانين المنتدى لاتسمح بطرحه اعتقد
والله اعلم


خل الاساءه على جنب، اللي له حق بياخذه طال الزمن او قصر!
وبعدين محد يتسفيد من الاساءه يعني ماراح تحل المشكله!
لكن لما تنطرح حقائق بدون زيادة ولا نقصان مع وجود الادلة الكافية
ما اعتقد فيها مشكلة تطرح رأيك او ملاحظتك باحترام، ع الاقل الظالم يمكن يقرا ويعرف نفسه
لما تكون القضيه تصب في الصالح العام ما اشوفها غلط تنطرح المشكله ، ممكن تعليقك يكون تنبيه او تحذير لهذي الجهات
اللي تطاولت في البنيان بسبب فرد او اجراء خاطئ خصوصا لما يكون المشتكي وصل حده وانسدت بوجهه كل القنوات اللي توصله لأخذ الحق من هذي الجهه ، مب شرط ان تكون فضيحه واللي يبي يرد من هالجهات خله يرد ، حق الرد مكفول لكن المشكله
باللي ماله حجه! أو لما المتلقي مايقدر يفرق بين الشكوى الحقيقيه والشكوى الكيدية!

[كايدهم قطر]

زين اخوووووووووووووووي نفس المواضيع موجودة وكلها مشاكل وشكاوي


واهني بتكون في موضوع واحد وبيتناقش


والله يبعدنا عن المشاكل

[كايدهم قطر]

صباح الخير


اخباركم طيبين



شرايكم نتكلم عن الزحمة الي في قطر بكبرها :(


والناس الي ماتعرف تسوق وتسبب الحوادث مثل الي يسكر الشارع السريع عشان يلف يمين او الي يتجاوز يمين


:(

[تأملات]

اقترح اسم ثاني
مثلا مشكلة محتاجة حل
تكون في قسم خاص