نماذج لأفشل موارد بشرية ،،

[رهج السنابك]

الموارد البشرية من اهم الادارات في اي مكان

لكن في بعض الجهات الله بالخير يتم تعيين ناس مايفقهون شي بالاتش ار

موظفي الاتش ار خاصة قسم التوظيف يصيدهم احيانا تركبية من اضطرابات غريبه
مدري هو كثرة الغثى الليي يصيدهم
او يحسون نفسهم مهمين اكثر من اللازم

نموذج من هالنماذج
احد الجهات تحط اعلان بالجرايد
ثم تتصل على اللي ينجح السي في مالهم للمقابله
تتصل بنيه بصوت رقيق
الوووه
اخت/ اخ فلان
معاك المكان الفلاني
كم تتوقع راتب الوظيفة:anger1::anger1::anger1::anger1:
بذمتكم هذا اتش ار!!!
وترد تقول عشان اعرف توقعاتك ضمن البدجت مالنا او لا!
وعقب ماتعطيها اي رقم لانها تصر الا تاخذ رقم ( راتب) وتسد الخط

هالجهة هي اسباير :)
سووها فيني عدة مرات وفي رفيجاتي
اذا حد من اسباير مر الموضوع اتمنى يخبر الاتش ار بأن طريقتهم من اسذج مايكون :) خاصة انهم جهه حكومية مب قطاع خاص


النموذج الفاشل الثاني
وضع بوابات واقفال على ادارة الاتش ار
ممنوع الدخول
مافي رد على المكالمات
اي ايميل ينرسل لهم يقرونه ويتجاهلونه

النموذج الفاشل الثالث
ادارة ماتدري وين الله قاطها
محد فاهم شغله
كل واحد يرمي على الثاني
عشان استفسار واحد تاخذ لك لفة طويلة عريضة



نتمنى من كل جهات العمل تهتم بالاتش ار اكثر
وتطور موظفينها وخاصة المدراء لان المدير هو الاساس
سمعة اي مكان تنبني على الموارد البشرية وهي الي تعطي انطباع لدى المجتمع ولدى الموظفين بمدى قوة المكان


وبس

[عنيــــد]

الموارد البشرية اهم الادارات في اي مؤسسة تحسن استغلالها ،،

و افشل اداره اذا اهملوا فيها و صارت مرتع للتخصصات و الموظفين غير المرغوب فيهم ،،

[قطريه22]

هههههههههههههههههههه الله يقطع ابليسج ضحكتيني
بس زين سويتي يوم طرحتي هالموضوع

اما من اول سؤال يقولون كم تتوقعين راتج؟؟

كنتي قلتي مليون وربع

[تحداني]

لذلك ننادي بتخصص الموارد البشريه الhr لان نجاح اي مؤسسه من نجاح مدخلاتها ونجاح اساليب التطوير والاستقطاب
وللأسف هالتخصص مب موجود في جامعه قطر .. ومازلنا نطالب فيه
لذلك نرى بعض القطاعات اللامعه في هالمجال ولامعه في تكوين فريق عمل مبدع
وفي قطاعات يوم ما يلقون شاغر يحطون تخصص التاريخ في الموارد البشريه
او تخصص الاحياء


هالموضوع لازم يكون له حل
لان قطر مقبله على قفزه رهيبه على كل الاصعده
فلو استمر قصه وضع افلان عشان فلان
ورد فلان عشان فلان
بنروح في ستين داهيه اسملى علينا



جملك الله برضاه

[aziz4z]

أنا وياج , بس أنا سألوني في المكتب كم تتوقع الراتب :shy:
مب شغال اهناك , بس بشوف عندهم و بجيبلج الخبر :secret:
لا فوق هاي كل واحد يتقرب للموارد البشرية ممكن عندهم زيادة , فضول :shy:

[رهج السنابك]

تحداني فعلا اثرتي نقطه هامه

مافي تخصص اتش ار !!
مع انه جداااااا مهم

الموجود فقط ادارة اعمال
صاروا يحطون خريجين الفنية موظفين اتش ار

[ام ناصر1]

خاطري بوظيفة بالاتش آر بأي مكان حتى لو في بنك ...بس ماحصلت الا وظيفة إدارية...

[ام ناصر1]

فيه تخصص اتش ار بكلية شمال الاطلنطي اعتقد دبلوم ....أو شهادة مهنية

[رهج السنابك]

أنا وياج , بس أنا سألوني في المكتب كم تتوقع الراتب :shy:
مب شغال اهناك , بس بشوف عندهم و بجيبلج الخبر :secret:
لا فوق هاي كل واحد يتقرب للموارد البشرية ممكن عندهم زيادة , فضول :shy:


انا حاولت اهرب من سؤالهم لان مع احترامي كلش مب مهني
طيب انتوا قابلو الموظف شوفوه يمكن يعجبكم ويكون شاطر ويخدمكم والراتب تتفاهمون عليه
يمكن انا اقول راتبي 50 الف لكن بما اني قدمت عندهم ممكن شفت مميزات ثانيه غير الراتب فلو عرضوا علي 42 ممكن اقبل ليش لا!!
هم على بالهم ان استقطاب الموظف بس عشان الفلوس!! هذا افشل واغبى تفكير
في ناس ماتفكر في الراتب واخر همها الراتب
وهذا اللي قلته للموظفة اخر همي الراتب حتى لو انعرض علي اقل يمكن القى ميزات تجذبني واقبل بالوظيفة بس اصرت الا اقول قالت انزين كم راتبج الحالي!! يعني الا تبي رقم
ناس فاهمين التوظيف غلط ولا فيه ادنى مهنيه

[رهج السنابك]

فيه تخصص اتش ار بكلية شمال الاطلنطي اعتقد دبلوم ....أو شهادة مهنية

صح بس دبلوم
وعاد تعرفون مستوى الاطلنطي لا تعليق :)

[رهج السنابك]

وشغلة اشوفها مهمه بعد

ليش ما ينوجد قسم في الاتش ار لحل مشاكل الموظفين!
احيانا تصير خلافات وتكبر ومرات توصل للشرطة ومحد يعرف يلجأ لمن
الاتش ار لازم يكون فيه قسم مختص بحل النزاعات ومايتعين فيه الا ناس بروفيشنال معاهم شهادات متخصصه في حل المشاكل مع خلفيه في علم النفس لانهم اقدر ناس على فهم سلوكيات الموظفين

[ابوحشر]

خاطري بوظيفة بالاتش آر بأي مكان حتى لو في بنك ...بس ماحصلت الا وظيفة إدارية...

ان شاء بتحصلي وظيفة في الhr

اللي لدية خبرة بال hr يراسلني لحاجتنا الى ذلك التخصص

[رهج السنابك]

ان شاء بتحصلي وظيفة في الhr

اللي لدية خبرة بال hr يراسلني لحاجتنا الى ذلك التخصص



ياكم الخير ياكم
موضوعي فتحة خير عليكم :shy:

[قطري2022]

اذا كان رب البيت بالدف ضارب ، فشيمة اهل بيته الرقص ، اذا حطوا مدير موارد فاهم و عنده ضمير ويحب يتطمن على موظفينه بنفسه ، بتجح الادارة ، واذا كان المدير العام فاهم و عنده ضمير و يتطمن على احول الموظفين من اصغر موظف لين اكبر موظف بنفسه ون الاعتماد على واحد بياع كلام ماهمه الا نفسه ، بتمشي المؤسسة ، و كذلك مع اي ا ادارة .

[لاجئ عاطفي]

الطامة الكبرى في شهادات وتخصصات مسؤولين الاتش ار :secret: حدث ولا حرج

[ابوحشر]

ياكم الخير ياكم
موضوعي فتحة خير عليكم :shy:

:nice:

[ابوحشر]

الطامة الكبرى في شهادات وتخصصات مسؤولين الاتش ار :secret: حدث ولا حرج

لا تعمم

[asadfg]

انا حاولت اهرب من سؤالهم لان مع احترامي كلش مب مهني
طيب انتوا قابلو الموظف شوفوه يمكن يعجبكم ويكون شاطر ويخدمكم والراتب تتفاهمون عليه
يمكن انا اقول راتبي 50 الف لكن بما اني قدمت عندهم ممكن شفت مميزات ثانيه غير الراتب فلو عرضوا علي 42 ممكن اقبل ليش لا!!
هم على بالهم ان استقطاب الموظف بس عشان الفلوس!! هذا افشل واغبى تفكير
في ناس ماتفكر في الراتب واخر همها الراتب
وهذا اللي قلته للموظفة اخر همي الراتب حتى لو انعرض علي اقل يمكن القى ميزات تجذبني واقبل بالوظيفة بس اصرت الا اقول قالت انزين كم راتبج الحالي!! يعني الا تبي رقم
ناس فاهمين التوظيف غلط ولا فيه ادنى مهنيه


اختي اما معاج في بعض النقاط لكن انا متفهم السؤال عن الراتب

انتي ماتدرين كم من المقابلات تصير ولا جينا مثلن نعرض عرض العمل نقابل بالرد فيكون ضيعنا من وقتنا ووقت المؤسسه وبعض الوظايف ماتتحمل التاخير يعني في امور تقنيه تصير انتي ممكن مش ملمه فيها انا مثلن عندي موظف استقال واحتاج اجيب موظف فيها قبل نهايه السنه لانه الوظيفه محسوبه من الbudget لسنه 2013 واذا ماوظفت حد قبل السنه الجديده تضيع على الوظيفه يعني هاي سيناريو من السينريوهات لانه الموظف يحتاج يستقيل عقب يحتاج يخدم فتره الاخطار عقب يحتاج يخلج اوراق الجنائيه والفحص الطبي هاي وعقب تمر الاوراق وزراه العمل يعني هاي امور كلها تحتاج تقريبا شهر في حاله موافقه الشخص على عرض العمل فمثل ماقلت في امور تقنيه كثيره في الموارد البشريه انتو مب مطلعين فيها هو قسم حساس جدا

في امور كثيره انتو مش ملمين فيها ترى شغل الاج ار مب بس يشوف سيفيات ويوظف ومعرفه الراتب الحالي للشخص وتوقعاته امور مهمه ومافيها مجال للهرب لانه اذا صار ماصار راح يطلبون شهاده راتب واذا اختلفت الورقه عن الكلام ناخذ فكره بعدم اعطاء معلومات صريحه والكذب فياثر

انا معاج ممكن تجين اذا في مميزات افضل حتى براتب اقل او لتغير جهه العمل بس في بعد الوظايف تتحمل التاخير وبعضها ماتتحمل لامور ماليه ولامور مستعجله خاصه احنا بشهر 11 والوقت حرج جدا للتوظيف

المشكله الناس مب عارفه تخصصات الموارد البشريه هي شغله استراتيجيه وكلها امور سريه تقريبا

انتي لو تلاحظين دايمن اكثر قسم مكروه في اي مؤسسه هو قسم الموارد البشريه + التدقيق الداخلي

للتويه: انا مب شغال في اسباير لكن اتكلم خبره في الموارد البشريه

[GENIUS]

طيب وإذا تم طلب أو إحضار إثبات آخر راتب في الوظيفة السابقة هل هذا يعتبر عمل أخلاقي أو قانوني .

بمثال سيعطونك زيادة 10% أو 15% على راتبك الحالي في وظيفتك الحالية لكي تقبل عرضهم الوظيفي بينما من يشغل نفس الوظيفة المعروضة عليك قد يفوق راتبه الأساسي الراتب المعروض عليك ب آلاف قد تصل لضعف راتبك.

للأسف فن التعامل والإحترافية في الموارد البشرية ضعيف جدا لدينا والسبب قلة الوعي والإهتمام والخبرة .


هناك تخصص إسمه HR ولكن ليس Human Resources بل إختصارا ل Human Relations وهذا ما يحتاجه موظفي الموارد البشرية.

[تغلبية]

هناك تخصص إسمه HR ولكن ليس Human Resources بل إختصارا ل Human Relations وهذا ما يحتاجه موظفي الموارد البشرية.



أبدعت :victory:

[بو راشد 1]

تعال شوف hr في qp اذا الطوفة ردت على ايميلاتك او اتصالاتك كانو ردو عليك، سياستهم "الهروب هو الحل"

[حسن الاحمد]

انا ادرس حاليا ادارة اعمال في جامعة القاهرة .. وكل ما تقدمت بالدراسة اكثر احس اني استمتع اكثر واعرف الدنيا ماشية من حواليا ازاي ... اهم ادارة في اي مؤسسة هي الموارد البشرية ... ونجاحها يعتبر نجاح لكل المؤسسة

[بن غيث]

الموارد البشرية في اي جهة .. هي عنوانها
فاذا وجدت موظفينهم غير مريحين او لديهم اهمال في استقبال المراجعين واستظافتهم
فاتركهم فورا ..
وتاكد انك انت الرابح وهم الخاسرون

[أم محمد 90]

الله حبيت الموضوع لاني اشتغل بالموارد البشرية

اخلص كلاس وراجعه

[Qtr37]

صحيح التخصص مطلوب ان يكون مناسب للشاغر
بس احيانا اللي تخصصه تاريخ ( مثلا ) ممكن يتعلم ويفهم في شغل الاتش ار وتصير عنده خبرة مع الوقت
اشيا كثيرة من اللي درستها في التخصص ما شفتها في مجال عملي

[أم علي 2010]

بخصوص اخوي بو راشد ، وايد استقالات في صارت في الاج ار كيوبي وحسب معلوماتي عندهم شورتج

والسبة السياسة اللي ماشيين عليها

الارستقراطية عندنا ًمثل ما تفضلتي ادارة تخص مشاكل الموظفين شرايج ان صارت لي مشكله وحسب معرفة الوالد الشخصية بمدير الاج ار رحت وقابلتة و كان معانا مدير هذي الادارة طق الصدر ان بيمل المشكلة بعد فتره قال ان مايقدر روحي سوي بلاغ في مركز الشرطة

الرك على المدير نفسه اذا هو عارف شلون يمشي ادارته و يقدر يستقطب موظفين حق الشركة او لا

[للصبر اخر]

احنا بعملنا
موضف الاتش ار كان شغال في الرسبشن
جاته ترقيه وودوه الاتش ار

[اليشم]

والله الحمدلله على الأقل هذي الجهات عندها اتش
عيل إلي ماعنده ايش يسوي:weeping:

[عاشق العديد]

.. كلامج صحيح .. اميه بالميـه ..
واكبر دليل لفشل الموارد البشريه .. هي شركه تبع قطر فونديشن من اتعس الموارد البشريه الي شفتهم فحياتي .. اهم شي .. انه نص الموظفين على جنسيات الي يشتغلون في الموارد البشريه ..

[الدوحه1]

هي جات على "الموارد البشريه",,
في ادارات ووزارات باكملها فاشله بسبب "العقليه الدينوصاريه" اللي تدار بها هالجهات!!
مره دشيت احدى الجهات الحكوميه"الخدميه" حسيت كأني داش "سوق الحراج"؟؟؟

[R 7 A L]

دام هذا أسلوبهم
أنصحك من الحين تسحبين أوراقك ولاتفكرين تشتغلين عندهم حتى يعطونك مديرة إدارة التش أر

[رهج السنابك]

ام علي


هذا دليل انهم حاطين ناس في قسم حساس ومب مؤهلين عشان يحلون المشاكل دام وصلوها للشرطه
المفروض احتواء المشكله ان كان يملكون مهارات
لان كل مشكله لها حل

اااه ذكرتيني مره في شغلي دعوني احضر مقابله عشان اتعلم
وكانت المقابله لتعيين مديره في الاتش ار
سألوها سؤال لو تعرضتي لمشكله مع موظف شنو بتسوين؟؟ قالت احاول اقنعه بوجهة نظري
قالها طيب لو ماقتنع او مارضى بالحل قالت يروح يدور له مكان ثاني يشتغل فيه!!!! هذا وهي مديرة اتش ار قطريه لها عشرين سنه خبره وجذي جوابها!! الجواب عندها طرد الموظف عشان اختلف معاها!!! بذمتكم ذي نماذج لمدراء اتش ار!!

تهقون في بقطر مديرة او مدير اتش ار قطري ينقال عنه والنعم عقليه قياديه من الطراز الاول!!!
عن نفسي مالتقيت فيهم لحد الان :)

[رهج السنابك]

عاشق العديد



وهذي مصيبه ثانيه تنضاف لفشل الاتش ار
لما يكون فيه تمركز لجنسيه معينه تبدإ تكوش على الوظايف لاهلهم وربعهم
وكل ماطالبوا باعلان للشواغر شردوا القطريين وحطوا ربعهم

[طلعة الروح]

انا حاولت اهرب من سؤالهم لان مع احترامي كلش مب مهني
طيب انتوا قابلو الموظف شوفوه يمكن يعجبكم ويكون شاطر ويخدمكم والراتب تتفاهمون عليه
يمكن انا اقول راتبي 50 الف لكن بما اني قدمت عندهم ممكن شفت مميزات ثانيه غير الراتب فلو عرضوا علي 42 ممكن اقبل ليش لا!!
هم على بالهم ان استقطاب الموظف بس عشان الفلوس!! هذا افشل واغبى تفكير
في ناس ماتفكر في الراتب واخر همها الراتب
وهذا اللي قلته للموظفة اخر همي الراتب حتى لو انعرض علي اقل يمكن القى ميزات تجذبني واقبل بالوظيفة بس اصرت الا اقول قالت انزين كم راتبج الحالي!! يعني الا تبي رقم
ناس فاهمين التوظيف غلط ولا فيه ادنى مهنيه

انا شايفه الموضوع ممتاز لطرح اسماء المؤسسات اللي ادارات موارده البشريه فاشله
، طبعا احنا مانبي نعمم ع كل الموظفين اللي شغالين هناك بس الواحد صادته مواقف مع بعض من موظفينهم سواء بعض المدراء او موظفين الموارد ،عندج ع سبيل المثال : هيئة قطر للمتاحف، الموظفيين مفهين ومحد فاهم أي شي ولا هو عارف شحقه منادي ومقابل طالب الوظيفة اللي قدامه ، اتكلم من تجربه من حوالي 3 سنين او 4 سنين ، المهم طلعت من عندهم وانا اقول الحمدلله والشكر!

[بوخالد911]

هلا

الان اسلوبهم يعتمد ع تلقي السيفيات بالايميل

ما يبون اتصالات ولا وجع راااس

وحتى ايميلاتهم ليس لها صفة رسمية ، بل هي تجارية مثل الهوت ميل وجي ميل

[طلعة الروح]

هلا

الان اسلوبهم يعتمد ع تلقي السيفيات بالايميل

ما يبون اتصالات ولا وجع راااس

وحتى ايميلاتهم ليس لها صفة رسمية ، بل هي تجارية مثل الهوت ميل وجي ميل

بالنسبة لي هاذي جهه فاشله اللي تتعمد الاسلوب غير الرسمي

[رهج السنابك]

انا انقهرت من وحده من الجهات حاطين اعلانات بكل مكان انهم شركة جديده وحاطين الوظايف مع الوصف الوظيفي لكن ندمت اشد الندم اني ارسلت على ايميلهم الي كان هوتميل حسيت اني انخدعت لانهم قروا السي في واطلعوا على معلوماتي وطريقه ردهم شككتني انهم شركة وهميه ردهم ابدا ماكان مهني ويمكن يكون شخص لعاب والله اعلم يبي يطلع على معلومات الناس لمرض في نفسه
من هالتجربه مستحيل ارسل على هوتميل او جيميل حتى لو اعلانهم بالجريده

[رهج السنابك]

شركة راس غاز من الشركات الي فيها ضعف بالاتش ار
تموا يعلنون عن التقطير وحاطين موبايلات موظفين الاتش ار واتصلوا في العالم وايميلات بالاخير كله شكلي ومحد فاهم شسالفه ولما تسألهم طيب شنو الوظايف الموجوده عشان نعرف على شنو نقدم يرد يتصل علينا واحد يوم الجمعه على الجوال ويقول انتو قدموا والي نشوفه نرشح لكم الوظيفه!!!



من هالتجربه ايضا تعلمت ان مارسل لجهه ماتعلن المسمى الوظيفي وتخلي الموضوع مفتوح !!
الادهى انهم قالوا السيستم خربان وارجعوا طرشوا السيفيات!!
ياعمي روحووووو
دربوا موظفينكم الي بالاتش ار وخلوا عندكم مهنيه بعدين اعلنوا عن الوظايف
وكان اعلانهم عن طريق تويتر!!!

[Qatari In Us]

اتفق معاج بوجود تخبط في ادارات الموارد البشرية بس من ناحية سؤال الراتب ترى عادي حتى اهم الشرككات بامريكا تسئل عن توقع ممقدم الطلب للراتب بس لعدة اسباب منها هل نقدر نتناقش معاه عشان الراتب ونوفر له مميزات مقابل راتب اقل او هل المتقدم على علم بسقف الراتب واذا ماكان عنده علم نقدر نتناقش فيه ونتفاوض اما انهم يتصلون يقولون نشوف البدجت هذا تدمير لاسس الموارد البشرية وصراحة موسسة او شركة ماتعرف تتعامل بابسط شي من ناحية الاتش ار ابعدي عنهم لان الاتش ار له خص بعدين لما تتوضفين بالتطوير والعلاوات واشيا ثانية بيضرونج فيها مب لانهم متعمدين بس لانهم جاهلين فيها.

[طلعة الروح]

شركة راس غاز من الشركات الي فيها ضعف بالاتش ار
تموا يعلنون عن التقطير وحاطين موبايلات موظفين الاتش ار واتصلوا في العالم وايميلات بالاخير كله شكلي ومحد فاهم شسالفه ولما تسألهم طيب شنو الوظايف الموجوده عشان نعرف على شنو نقدم يرد يتصل علينا واحد يوم الجمعه على الجوال ويقول انتو قدموا والي نشوفه نرشح لكم الوظيفه!!!



من هالتجربه ايضا تعلمت ان مارسل لجهه ماتعلن المسمى الوظيفي وتخلي الموضوع مفتوح !!
الادهى انهم قالوا السيستم خربان وارجعوا طرشوا السيفيات!!
ياعمي روحووووو
دربوا موظفينكم الي بالاتش ار وخلوا عندكم مهنيه بعدين اعلنوا عن الوظايف
وكان اعلانهم عن طريق تويتر!!!

زين ما قابلوج ، هالجهات اللي من هالنوع بتهدلين لي صرت موظفه معاهم ، لا اسلوب ولا اجراءات ولا مهنية ولا سياسات واضحة
كل شي شكلي وماشي ع البركه، هالنوعيه ماعليهم حسوفه، زائد اعلان وظيفه عن طريق تويتر ماله داعي ناهيك عن مدى الجدية في التوظيف، في طرق وايد رسمية وافضل في الإعلان
منها موقع الجهه الالكتروني او الصحف او مواقع التوظيف المحترمه غير جذي ما شوف فيه داعي ، الاعلان بتويتر اتوقع مايتم الا لما يكون هناك يأس وعدم اقبال على وظايف تلك الجهه!

[رهج السنابك]

طلعة الروح كله يهووون
قدام ان موظف منهم يتصل جوال الساعه 2 يوم الجمعه!!!! ليش مافي اوقات عمل رسميه ولا شسالفه!! وبالاخير مب جادين كلش
قالوا السيستم خربان تعالوا البرج قطوا السي في عند الرسبيشن في صندوق مثل صناديق الزباله اجلكم الله وفيه فتحه قطوا السي في وامشوا !!!

حرام شركة كبرى يكون فيها كوارث اداريه هالشكل

[رهج السنابك]

قطري ان يو اس



صادق اخوي البعد عنهم غنيمه لكن حبيت احطهم كأحد النماذج الفاشله

يتصلون على الناس ويسألون كم سؤال سخيف ومكتوب اصلا في السي في الجواب
مثل شنو التخصص
كم سنه خبره
طبعا حركتهم مكشوفه هم يبونها مقدمة بس عشان توصل الموظفه لمقصدها وهو كم الراتب!!
بحياتي مافي جهة كلمتني من اول مكالمه قالت لي كم الراتب
طبعا عطيتهم رقم بعد الحاح شديذ منهم وشكلهم تخرعوا منه هههههه
على قولتك نسفوا اسس الموارد البشريه

[تغلبية]

^

يبون يشخلونكم من البداية .. ومايبون عوار راس

فيتبعون أقصر الطرق


طيب انتوا قابلوهم يمكن تلقون واحد "لؤطة" يستاهل اللي يطلبه مثل ارسطو .. << م ث ل اً :discuss:

[رهج السنابك]

ناس ماتقدر اللؤطات امثالي شفتي شلون ياتغلبيه :(

[حسن]

وشغلة اشوفها مهمه بعد

ليش ما ينوجد قسم في الاتش ار لحل مشاكل الموظفين!
احيانا تصير خلافات وتكبر ومرات توصل للشرطة ومحد يعرف يلجأ لمن
الاتش ار لازم يكون فيه قسم مختص بحل النزاعات ومايتعين فيه الا ناس بروفيشنال معاهم شهادات متخصصه في حل المشاكل مع خلفيه في علم النفس لانهم اقدر ناس على فهم سلوكيات الموظفين

انتي ماتعرفين قيمه الدكتور احمد عكاشه

انا طالبت بان اي وزاره يكون فيها طبيب نفساني لعلاج الكثير من الحالات اللي يعانيها السلك الوظيفي في الدوله
يفكرون اني اتطنز مايعرفون انها حقيقه وواقع نعيشه
وهذه احدى الامثله اللي طرحتيها في موظوعك

مالكم الى عكاشه وبس

[بونووف]

المتقدم للوظيفه لازم يكون سياسي

[وطن]

مشكلة الموارد البشرية في بعض الأماكن
انهم يفتكرون نفسهم هم الأساس اللي قايمه على هالمؤسسة او الوزارة

ما يدرون انهم مساندين للادارات الثانية
!!!

[أم علي 2010]

ام علي


هذا دليل انهم حاطين ناس في قسم حساس ومب مؤهلين عشان يحلون المشاكل دام وصلوها للشرطه
المفروض احتواء المشكله ان كان يملكون مهارات
لان كل مشكله لها حل

اااه ذكرتيني مره في شغلي دعوني احضر مقابله عشان اتعلم
وكانت المقابله لتعيين مديره في الاتش ار
سألوها سؤال لو تعرضتي لمشكله مع موظف شنو بتسوين؟؟ قالت احاول اقنعه بوجهة نظري
قالها طيب لو ماقتنع او مارضى بالحل قالت يروح يدور له مكان ثاني يشتغل فيه!!!! هذا وهي مديرة اتش ار قطريه لها عشرين سنه خبره وجذي جوابها!! الجواب عندها طرد الموظف عشان اختلف معاها!!! بذمتكم ذي نماذج لمدراء اتش ار!!

تهقون في بقطر مديرة او مدير اتش ار قطري ينقال عنه والنعم عقليه قياديه من الطراز الاول!!!
عن نفسي مالتقيت فيهم لحد الان :)


نعم فيه ،، عبدالعزيز بن ثاني كان مساعد مديرة التوظيف

كان لي موقف اول ما توظفت ان الاجانب في قسم الهندسه مايبون قطري وما صدقوا اني بنت قالوا انها ماتبي تذلع سايت وهو ماقصر لما سمع الموضوع مني قال لي انا بفتح تحقيق وحطني في إدارة زينة وعلى درجة عالية

على فكرة هو مب خريج اج ار ، اعتقد مهندس لكن عنده القدرة على الادارة وقطر للبترول اخسرته لما انتقل على تلفزيون قطر و من عقبه وايد اللي استقالوا

[عاشق العديد]

عاشق العديد



وهذي مصيبه ثانيه تنضاف لفشل الاتش ار
لما يكون فيه تمركز لجنسيه معينه تبدإ تكوش على الوظايف لاهلهم وربعهم
وكل ماطالبوا باعلان للشواغر شردوا القطريين وحطوا ربعهم

لاتحاتيين واقف لهم مثل العضم ..
مافي حد ماقدمت سيفي ماله .. ولكن بلا جدوى ..

[أم محمد 90]

الموارد البشرية من اهم الادارات في اي مكان

لكن في بعض الجهات الله بالخير يتم تعيين ناس مايفقهون شي بالاتش ار

موظفي الاتش ار خاصة قسم التوظيف يصيدهم احيانا تركبية من اضطرابات غريبه
مدري هو كثرة الغثى الليي يصيدهم
او يحسون نفسهم مهمين اكثر من اللازم

نموذج من هالنماذج
احد الجهات تحط اعلان بالجرايد
ثم تتصل على اللي ينجح السي في مالهم للمقابله
تتصل بنيه بصوت رقيق
الوووه
اخت/ اخ فلان
معاك المكان الفلاني
كم تتوقع راتب الوظيفة:anger1::anger1::anger1::anger1:
بذمتكم هذا اتش ار!!!
وترد تقول عشان اعرف توقعاتك ضمن البدجت مالنا او لا!
وعقب ماتعطيها اي رقم لانها تصر الا تاخذ رقم ( راتب) وتسد الخط

هالجهة هي اسباير :)
سووها فيني عدة مرات وفي رفيجاتي
اذا حد من اسباير مر الموضوع اتمنى يخبر الاتش ار بأن طريقتهم من اسذج مايكون :) خاصة انهم جهه حكومية مب قطاع خاص


النموذج الفاشل الثاني
وضع بوابات واقفال على ادارة الاتش ار
ممنوع الدخول
مافي رد على المكالمات
اي ايميل ينرسل لهم يقرونه ويتجاهلونه

النموذج الفاشل الثالث
ادارة ماتدري وين الله قاطها
محد فاهم شغله
كل واحد يرمي على الثاني
عشان استفسار واحد تاخذ لك لفة طويلة عريضة



نتمنى من كل جهات العمل تهتم بالاتش ار اكثر
وتطور موظفينها وخاصة المدراء لان المدير هو الاساس
سمعة اي مكان تنبني على الموارد البشرية وهي الي تعطي انطباع لدى المجتمع ولدى الموظفين بمدى قوة المكان


وبس

الموارد البشرية أهم إدارة في أي مؤوسسة أو وزارة لانها تغطي نسبة كبيرة من احتياجات المؤسسة من كل شي :

- الرواتب
- التوظيف
- التذاكر
- التدريب
-البدلات
- التأمين الصحي
- أمور السفر
-الاجازات
- الترقيات
-التقاييم
- الدورات
- الابتعاث

وغيره وغيره

الغلطة الكبيرة اللي ممكن تخلي إدارة الموارد البشرية (فاشلة) هي المدير !

اذا المدير كان فاشل ! واتكالي ! ومايدري وين الله قاطة وفوق هذا متسلط وفيه جنون العظمة هني الادارة ينحط عليها × كبير

في قسم التوظيف بالذات (من خلال خبرتي المتواضعة)

سياستهم فاشلة أهم شي صورتهم قدام الامين العام وفي الجرايد !

يعني يحطون اعلان ان يبون موظفين !
ويدخلون على الايميل ويشوفون السيفيات ويتصلون بالاشخاص (بس كذا) يمللونهم بالأسئلة واغلب الوقت يخلون بنت تتصل (سواء بشباب او بنات وبنت ماعندها خبرة ابداً وظيفتها تسجيل البريد) وبعدها يسون كتاب أو ايميل ان مالقو شخص مناسب من خلال الاعلان فيرشحون شخص من طرفهم يكون (رفيجهم!)

هذا بالنسبة للإعلانات ولين جا الراتب ! يعطون الشخص (بداية المربوط) على الرغم من ان شهادة الشخص قدامهم وراتبه نهاية المربوط !
ويجي الشخص يحاججهم ان الراتب اقل من راتبه ف يروحون يرفضون تعديل راتبه ويطرشون كتاب او ايميل ان الشخص رفض عرض العمل !

كان امور تصير قدامي ولين اليوم منقهرة اني ماتكلمت ولا رفعت تقرير ولا سويت أي شي !

لدرجة ان مرة عينوا ناس من (ذوي الاحتياجات الخاصة عندنا) بس حق (الشوو) راحو وسو سبق صحفي وتصوير والفضل يعود لمدير الموارد و و وو !
بس مفوشر !
كل شي كان يصير كان لازم سبق صحفي وتصوير وخرابيط ونشرة يومية ونشرة انترنت وغيره !

بس كلمة حق تنقال (من ناحية الخدمات كانت ادارة مرتبة ومنظمة جدا مستحيل ورقة تضيع ومستحيل موضوع يتأخر)

بس لما جيت الوزارة الحين !!

فوضى بكل ما للكلمة من معنى !

حريم كبار مايدرون الله وين قاطهم حاطين فالـ hr وكل وحدة بدلتها ونقابها وقرشة الفلفل والفطاير
والاوراق محذفة ولا شغل منظم ولا شي

والتلفون لو تحرقينه من اليوم اليييين بكرة مستحيل يردون لازم تروحين بريلج تفشلينهم ولا رحتي لهم يقولون لج كل الامور تتأخر لان الشغل وايد !
صج صج هني انا اعاني من شئون الموظفين خرابيط بالرواتب ، وتأخير بالسلف والبدلات والترقيات !

والعيب من منو "؟ من مديرة (الـHR) !

الوزارات والموؤسسات عندنا تحتاج دورات والمسئولين الكبار لازم يفكرون ألف مرة قبل لا يقررون منو لازم يمسك منصب مدير الموارد البشرية

وكلامج كله صحيح قبل لا اتوظف هني كنت اروح اماكن وايد اقدم اوراقي واحاول استفسر عن المكان واقابل رئيس التوظيف

لكن البيبان مصكرة وممنوع حد يدش وحاطين موظف ياخذ الاوراق وعلى بالج يوصل الاوراق فوق؟
والله تنحط ف ملف وتتفيل وتاخذ رقم وتنقط فالارشيف

بس اسم للمكان ان احنا عندنا استقبال طلبات توظيف


(مهزلة !)

[MaRuKoO]

هههههههههههههههههههه
هذا هو عالم الاتش ار هههههههههههههههههه
الاتش ار فكل مكان نفسيات ههههههههه
مادري شيحسون فيه خخخخ
لاتقولون لي ضغط ومادري ايش موظفين خدمات العملاء فكل مكان ينضغطون ضغطة اليهد وشاق حلجه فوجه الناس وتعامله راقي وانتوا بيبانكم مسكره وتلفونات مكاتبكم عالصامت و نفسيه !!
شوفوا ايش ياكل موظف خدمه العملاء وكلوا نفسه هههههههههههههههه

[العنيده]

هههههههههههههههههه في نماذج وايد للاتش ار نفسهم
الله يستر عليهم ويصلحهم

[عاشق العديد]

اذا عندك ناس يهود ماسكين الاج ار ..
لدرجة شركه كامله فيها 70 موظف وكلهم رواتبهم فوق 1000 .. مافيهم الا 8 قطرين فقط ,.؟؟؟؟؟ ولا اقل يمكن بعـد ..
باذن الله تتسسسهل اموري واستقاله ..

[Right]

إلي لاحظته أن الذين يعملون في الــ hr في أغلب الأماكن يتشاركون في:



الثقافة الضحلة بالعمل والتعامل + النفسية الخايسه !!!



" مجرد رأي "

[ضيء الامل]

على الجرح والله ..عقليه ماديه بحته قبل الحكم على الشخص وقدراته وامكانياته خساره فيهم وروحي ي استقراطيه عقبال ما نشوفج مديرة موارد بشريه ائد الدونيا ^_^..