النطق عند ابنتي

[nasreen]

السلام عليكم ياجماعة طالبة المساعدة منك ابنتي عمرها خمس سنوات عنيدة والكلام عندها غير واضح مستواها اقل من باقي اقرانها من نفس عمرها محتاجة لشخص ذو خبرة وكفاءة ليعلمها مخارج الاحروف ويساعدها على تعلم القراءة والكلام من لدية نفس تجربتي ياريت ينصحني مع العلم اني عرضتها على اطباء النطق وقالوا ما عندها مشكلة غير السرعة والعجلة

[خزامئ]

الله يعينش فيه اساتذه حق صعوبه التعلم
وذا بس مشكلتها في مخارج الحروف عندش في الرميله عياده كاملها اسمها عياده النطق
اخذي تحويل من مركزش الصحي وروحي لهم
انا كان ولدي عمره ثلاث سنين ومب راضي يتكلم كلش وديته لهم بس ثلاث زيارات ونفكت عقده لسانه طلع كله كسل
وبعضهم لا عنده مشكله ويساعدونه

[khalid525]

طيب اذا الدكاترة قالوا ان ما عندها مشكلة ليش خايفة ؟ اعتقد المسألةمسألة وقت،الله يخليها لج

[the_end]

أختي عندج رميلة ومجمع الشفاء الطبي

[تأملات]

السلام عليكم
أختي
اولا لازم تفحصين مستوى السمع وبعدها تروحين رميلة
وسلامة البنت

[أم علي 2010]

ماعرف هالمشكلة هي صعوبات تعلم او شي طبيعي

بس عن تجربة جربي مركز الدوحة لذوي الاحتياجات ،، يمكن اسمه يضايقج وبنتج الله يحفظها طبيعية بس بيساعدونها في مشكلة النطق و خلج مع رميلة بس مواعيدهم بعيدة وعدد الجلسات مب كفاية واظن مدتها نص ساعه

[بصمة قطرية]

إن شاءالله الحالة عادية و مش مرضية
تحتاج فقط بعض التدريب
شوفي لها مدربة نطق تجيها البيت
و في نفس الوقت إنتي تكونين معاها وتشوفين طريقة التدريب ..

وين عرضتيها على أطباء رميلة و لا الصحة المدرسية ..!!
في قسم يتبع الصحة المدرسية يتم فيه تقييم الطالب
إذا كان يعافي من صعوبة أو من أي مشكلة ثانية
يتم عرض الطالب على أخصائيين و آخر شي يشوفه الطبيب ..

[باندول]

هي مشكله وقت بس لاتكبرين السالفه ولا تعرضينها على حد
سولفوا وياها ولاعبوها وخلوا نفسيه مرتاحه بروحها بتنطق
الخوف والقلق ماله داعي

[نوار قطر]

حبيبتي ماعليها شر ان شالله ومافيها الا العافيه ،،، انا بنتي كانت تعاني نفس حالة بنتج لدرجة ان اذا احد سألها شسمج تقول اسمي نولا (.نوره ) وكنت اتضايق لين اشوف الي اصغر منها ينطقون الحرف عدل وهي لا وكل ماقلت حق امي قالت لي بنتج مافيها شي لاتحاتين،، لين دخلت الصف الاول اهني ماقدرت اسكت وطلبت لها مدرس لغه عربيه وقلت له مشكلتها والله ان من اول حصه نطقها الحرف وقال لي بنتج الي فيها دلع من كثر ماهي دلوعه ماتنطق الحروف عدل ،، والحمدلله الحين ماشالله لسانها يلوط اذانها ،،

[QaTaRSouL]

يجب فحص قوة السمع قبل كل شيء لتحديد ما إذا كانت المشكلة مجرد وقت لإتقان مخارج الأحراف
فهو من أهم أسباب تأخر النطق

[nicemoon]

يوجد مركز في مدينة خليفة الجنوبية ( مركز قطر للسمع والنطق ) ممكن تراجعينهم وان شاء الله خير واهم شي تاخذيها طبيب انف اذن حنجرة حتى تتاكدين من سلامة اعضاء النطق وبعدها تسوين لها تقييم نطق في رميلة او مركز قطر للسمع والنطق واذا بحتاج تمارين اكيد رح يعطونها والله ييسر كل خير

[thelord007]

اختي احيانا كثيرة يكون السبب في تاخر النطق او التكلم بكلمات غير واضحة هو مشكلة او ضعف في السمع
تاكدي من سلامة السمع عندها اولا
ولا تتاخري في مراجعة المراكز المختصة بالنطق
وان شاء الله يتتيسر امورها

[حسن الاحمد]

هي مشكله وقت بس لاتكبرين السالفه ولا تعرضينها على حد
سولفوا وياها ولاعبوها وخلوا نفسيه مرتاحه بروحها بتنطق
الخوف والقلق ماله داعي
واهم شي ما يزيدون الدلال .... ترى الإفراط بالدلال يخرب الأطفال

[الحسيمqtr]

اختي
ولدي نفس بنتك في النطق وتبعثر في الحروف دخلته تحفيظ القران وتعلم القاعدة النورانية ومشاء الله حفظ القران وتعلم النطق

والحمدلله

[العساس]

مركز الدوحه لذي الاحتياجات الخاصة الرجاء الاسراع وعدم الاعمال د.هلا السعيد.

من اول مقابلة راح تعطيج تصور للمشكلة

وراح ترتاحين بأذن الله

[العساس]

الاسراع ليس لوجود مشكلة لان مثل هذي الامور يتعرض لها كثير من الابناء
لاسباب عده.
ولكن الاسراع بسبب كلما كان الطفل صغير بالسن كلما سهل تعديل وتقويم الاشكالية.