ابي اتسلف سيارتك ؟ اتسلفني !!!

[حمد 2002]

السلام عليكم ورحمه الله وبركاته

الموضوع يحمل العنوان التالي

ابي اتسلف سيارتك ؟ اتسلفني !!!


مارأيكم بموضوع السلف بشكل عام !!!!!!!

لو احد طلب منج او منك اي نوع من السلف ذهب سياره بشت ملابس فلوس ووووووووووووووو

هل تسلفه ول لا ؟

وهل اذا رفضت ممكن هالشخص الاخرى يتخذ موقف ضدك ؟

وهل تؤمن بالمثل التالي الناس للناس والكل بالله ؟

ويمكن انت تحتاج شيء في يوم من الايام هل بتتسلف ؟

اسئله كثيره انتضر اجابتها منكم ،،،

مع التحيه ولكن يرجى رجاء حااااااااااار الالتزام بصلب الموضوع ،،،

[R 7 A L]

على حسب الشخص
لو جاني رجال عاقل بعطية سيارتي
اما يجيني صايع راعي استعراض بقبضة الباب

[وطن]

أسلف ايه مافي مشكلة
بس مب اي حد

حد اثق فيه و في أمانته

بس أتسلف
لا صعبة جدا
ما تعودت

[بونووف]

يعتمد..

[aziz4z]

حسب الشخص , و إيش السبب و لا زم أعرف التفاصيل

[ام ناصر1]

اسلف السيارة العتيجة ...الجديدة لا

[حسن]

صباح الخير ياحمد

:)

هذه مشكله اعاني منها والله الى الان الطيبه مصيبه في هذا الزمان الذي تردة اصحابه
ذكرتني واحد مسلفه وناوي اروحله وابي اكلمه كلام نهائي
محتار توقف معاه في الشده على قولته وتركض وراه ولا يعبر بك ويعتذر لك والله احيانا ودي افضحه هني
اكشفه لكم ولكن
العفو عند المقدره
ياكثرهم يبيلهم دليت من اللسته عندي ولا عليهم حسوفه

اشاور نفسي واتردد الظاهر يبيلي احمد عكاشه نسير عليه

تروح حمد معاي لان اسئلتك مش طبيعيه معقوله من تجيبها ذبحت ام السعف

:eek5:

[دااانة قطر]

سياره لا وألف لا

بيزاات على حسب الشخص وقربه مني والمبلغ اللي بيطلبه
للأسف الحين كلمة سلف صاار مفهومها غير
يعني سلفهم وانسى
لأنك لو ذكرتهم بتسمع كلاام يسم بدنك

[أم محمد 90]

مستحييييييييييل اسلف حد اي غرض من عندي ولله الحمد انا ما اعاني من هالمشكلة لان جربوني واعرفو ان انا ماحب استخدم اغراض حد ولا حد يستخدم اغراضي :shy:

[قطريه22]

اي عادي اسلف الي يبي مافي اي مشكله

[غايه الطواش]

عادي نص اغراضي بيت صحباتي ونص اغراضهم عندي مافي مشكله والنفس طيبه
واحيان اقولهم لاتشترون خذو الي عندي لي بغيتوا وانا بعد صرت ماشتري نفس الي عندهم او مقارب له اخذ الي عندهم والحياه حللوه
وتوها رفيجتي مسافره وقلت لها لاتاخذين ملابس شتويه خذي الي عندي

[aziz4z]

مستحييييييييييل اسلف حد اي غرض من عندي ولله الحمد انا ما اعاني من هالمشكلة لان جربوني واعرفو ان انا ماحب استخدم اغراض حد ولا حد يستخدم اغراضي :shy:

بخيلة :shy: ههههه ,
أحسن , مافي وراها غير عور راس , واحد يستلف منك و يضيع , عاد لحق وراه عشان ترد حقك

[أم محمد 90]

بخيلة :shy: ههههه ,
أحسن , مافي وراها غير عور راس , واحد يستلف منك و يضيع , عاد لحق وراه عشان ترد حقك

بصراحة وايد قالو عني بخيلة !

يقولون بخيلة ولا يحسبوني مقصة كلن ياخذ مني ويقول بنرجع وبنرجع ويضيع وبعدها يروح مهب الريح

[غايه الطواش]

بذكر موقفين صارولي وقت التسليف

مره سلفت صاحبتي شغاب لولو شانيل اكسسوار ماهو مجوهرات وضاع وقلت لها بطيب خاطر يفداج والله يعلم اني مافي قلبي ذره زعل وكانت قيمه الشغاب 2800 ريال
ومره سلفت وحده كتاب قيمته 90 ر يال وردته لي منتف مشقق ومن غير غلاف جد جد زعلت من غير شخابيط عيالها الي عليه


المراد ان الي ضاع منها ضاع غصب عليها مو قاصده لكن الثانيه اهمالها هو الي زعلني ولابعد لقيت كاتبين فيه قيمه تذاكر سفرهم

[الـقـاسـي]

موضوع السياره صعبه انا سيارتي ماحب حد ياخذها ولا يستخدمها حتى لو كان اخوي انا اذا المغسلة ماحب اخلي الدريول يوديها اوديها انا لان دايما السياره فيها اغراض شخصية ومب حاله اشيل كل شي منها عشان واحد يبيها
موضوع الفلوس انقرصت منه كم مره
يعني على سبيل المثال كلمني واحد يبي سلف وقالي الشهر الجاي عندك ومرت اربع سنين وللحين ماجا الشهر الجاي وغيره وغيره الناس صادها بلا الحين من رد الدين

[أم علي 2010]

بين خواتي مافي سلف والحمدالله ، اعطيهم مجوهراتي ونتلابس

لكن الملابس ابدا ما احب ،،

الفلوس ماقط حد طلبني يعني بس اكيد ماعرف اقول لا اذا عندي

بالنسبة للسيارة ،، زوجي كان نعطي رفيجه سيارته يستخدمها حق الرحلات كروزر لان هالرجال ماعنده سياره

المهم عقب فترة طويلة قريب السنة ردها مدعمه وعلى كلامه ان صافها عند بيتهم ومايعرف من دعمها وكاهي طايحه عندي في البيت

وعقبها مستحيل اخليه يسلف حد سياره ،،

[ms-qtr]

الموضوع بحدود
وحسب
من إلي يطلب وليش و سعر الشي الي طالبه
يعني إذا الوالدين أو إخواني أو خواتي أو القراب وايد ما راح أتردد

[دااانة قطر]

بصراحة وايد قالو عني بخيلة !

يقولون بخيلة ولا يحسبوني مقصة كلن ياخذ مني ويقول بنرجع وبنرجع ويضيع وبعدها يروح مهب الريح


صدقتي والله
ان يحسبوني قااعدة على بنك والسبة رااتبي وراتب زوجي المتوفي
يطلبون ويسكتون
الوااحد مايقول غير الله كريم

[شبح الصمت]

جان زين اقدر ارد احد

ما أعرف ارد ما تعودت

[عاهد بن علي]

صدقتي والله
ان يحسبوني قااعدة على بنك والسبة رااتبي وراتب زوجي المتوفي
يطلبون ويسكتون
الوااحد مايقول غير الله كريم

عظم الله اجرج
وعسى مثواه الجنه
اللهم آمين

[حسن]

انا باقي اثيابي يتسلفون منها


عاهد عندك شرياس سلف

:)

[عاهد بن علي]

انا باقي اثيابي يتسلفون منها


عاهد عندك شرياس سلف

:)

هلا وغلا ((((((( بالبنك المركزي السريلانكي ))))))
حتى لو تطلب فرخ شاهين محنط باعطيك ما يغلا عليك :rolleyes2::rolleyes2:

[حسن]

هلا وغلا ((((((( بالبنك المركزي السريلانكي ))))))
حتى لو تطلب فرخ شاهين محنط باعطيك ما يغلا عليك :rolleyes2::rolleyes2:


ماتقصر ياعاهد نورت المجلس ابشرك عندي للك غايه تدور عليها ماخليت حد مادقيت بابه

باعطيك العوده وانا باخذ الصغيره

وش قلت


:telephone:

[عاهد بن علي]

ماتقصر ياعاهد نورت المجلس ابشرك عندي للك غايه تدور عليها ماخليت حد مادقيت بابه

باعطيك العوده وانا باخذ الصغيره

وش قلت


:telephone:

راضي يا بوعلي حتى لو ((((((( امهم )))))) ما عندي مانع المهم انثى وبالحلال

[غايه الطواش]

ماتقصر ياعاهد نورت المجلس ابشرك عندي للك غايه تدور عليها ماخليت حد مادقيت بابه

باعطيك العوده وانا باخذ الصغيره

وش قلت


:telephone:



shnoooooo ?

[حسن]

shnoooooo ?


خير محد قرب صوبك

:waiting:
غايه

تعني هدف تعني حاجه في نفس يعقوب اقصد (عاهد)


:)


يعني مهب غايه بنت الطواش
انتي الدانه اللي هي غايه الطواش وهو غايته بنت النوخذه

:victory:

[حمد 2002]

بوعلي اتسلفني طرادك ؟

[لاجل QT]

امممم

الملابس تلوع جبدي محب حد يستخدم ملابسي

السيارة على حسب القرابة السن العقل

الفلوس لوعندي ماتاخر عن حبايبي بس حتى لو مايرجعونها مافي مشكله اهم شي يكون الشخص صادق في طلب الفلوس مهب ياخذها يدلع فيها عمرة يعنى تكون فك ازمة

دلع ماعندي حق الدلع غير اعيالي بس

بشكل عام عن نفسي انا ماحب اتسلف اي شي خير شر نفسي عزيزة جدا جدا جدا

حتى لو اعزم شخص احب انا اللى ادفع......>>>كيفي بطرانة

احب خيري على الغير مهب العكس

[قطري92]

ياما سلفت ناس اعرفهم ووجان يعطوني سحبه محترمه وصار لهم فوق ال4 سنين

الطيبه بهاي الزمن صار يسمونها (( المغفل )) خلاص راحت ايام اول الي تعطي موترك حق رفيجك ويتم عنده شهور

ممم بس للحين احط مواتري بأسم رفيجي وفلوسي عنده لمن اسافر بس ...

[حمد 2002]

لأجل ادريبج بطرانه ،، اتسلفيني 200 الف وبردهم لج نهايه الشهر ؟

[alsoq]

حادثه صارت لي تم كفالة شخص بمبلغ فوق 100 في سياره ماخذها ايام الكفيل
يعني سالفه لها فوق 15 سنة المهم رجال تعثر في الدفع من القسط الاول بعد فتره اتصلوا فيني شركه بعد سنه قالوا صحب السياره ما دفع ولا قسط
المهم رحت له حصلت الرجال تعبان ومن مرضه تفنش من شغل بسبب الغياب

المهم تميت اسدد على سياره حتى تم الانتهاء من سنه ما شفت الى هذا الشخص عند باب بيتي يطرقه هلا بو فلان اخبارك علومك قال تمام المهم عطاني ظرف فيه المبلغ كامل كل ريال دفعته وفوقه اعتذار وشرح الاسباب

الحق ما يضيع

[رهج السنابك]

الي عنده مزاراتي ولا بنتلي سبورت يسلفني بس يومين واردها

[لاجل QT]

لأجل ادريبج بطرانه ،، اتسلفيني 200 الف وبردهم لج نهايه الشهر ؟

هههههه

حمد انت بالذات لا:p

[حسن]

بوعلي اتسلفني طرادك ؟

الطراد وراعي الطراد وارض السد والكباين والتيدر والصبيان والنيسان كلهم حلالك

انت تامر

[دايموند]

حسن جاني فضووول """ ليش انت زعلان من الي سلفته سيارتك وليش تراكض وراه لايكون مب ناوي يرجع لك اياه بعد !!!

[بوعلاوي]

كل شي ما عدا السياره صعب اعطي اي شخص

[حسن]

حسن جاني فضووول """ ليش انت زعلان من الي سلفته سيارتك وليش تراكض وراه لايكون مب ناوي يرجع لك اياه بعد !!!

هو لو على السياره كان تهون اوقفه في الشارع وانزله منها وهو يضحك لكن الطامه الفلوس شلون ترجع


:weeping:

[رهج السنابك]

هو لو على السياره كان تهون اوقفه في الشارع وانزله منها وهو يضحك لكن الطامه الفلوس شلون ترجع


:weeping:



اي هذيلا الشرطه يستخدمون الباور مالهم لامورهم الشخصيه :sneaky::sneaky::sneaky:

[NBA_]

يعتمد على شخص اللي بعطي له الموتر أو الفلوووص :)