يعني لازم واسطه

[أبو سعود]

أنتشرت وترعرعت بمجتمعنا الواسطه

وأحيانآ لا تستطيع أن تنجز المهمات

الأ عن طريق الواسطه

أن لم تكن عندك واسطه قد تفقد :

الوظيفه

أو تخسر المناقصه

أو لا تحصل على موعد قريب بالمستشفى

أو عدم حصولك على الترقيه بالعمل

أو عدم تكليفك بمهمه خارجيه للأستفادة من بدل التمثيل

أو أمتيازات أخرى


الواسطه جعلت البعض يفقدون الثقه

عند أنجاز معاملاتهم


لكن هناك واسطه لابد من الأعتماد عليها

الا وهي :

اللجوء إلى الله في كل شي

فهو واسطتنا الذي نلجأ أليه ولن يخيب ظننا


والسؤال لكل موظف ومسؤول :


أين أخلاصكم لله بالعمل ؟

وأين تحقيق العدل والمساواة بين

الموظفين والمراجعين ؟

[الخيالة]

صح كلامك اخوي كل شي صاير بالواسطه صار لي سنين ناطره بس توقيع ع الورقة لموضوع يخص حياتى كل هاي لان ماعندى واسطه سنين ادور علي وظيفه باي راتب حتي لو يعطونى 4000 ريال راضيه بس اوزع اوراقي وشكلهم لما اطلع من عندهم يقطون الاوراق لان ما قلت لهم انا من طرف فلان وعلان بدون واسطه ما بحصل و وايد امور غيره بس ما راح اسامح الناس اللي ماساعدوني بس عشان ماعندي واسطه واهمه يقدرون يساعدوني
الله كريم

[k.fatma]

بالنسبة لكلام ملكة الزهور بخصوص الوظيفة اطلعت وزارات جديدة مثل وزارة التخطيط والاحصاء ووزارة التنمية الادارية وغيرهم الجدد اكيد محتاجين وظايف قدمي هناك وانشالله ربي يسهل أمورج

[لاجئ عاطفي]

وجود الواسطه يعني ان هناك خلل في الانظمه والاجراءات المتبعه فلو كل مسؤول طبق النظام واللوائح على الكل ماراح نحتاج لواسطه في تسيير امورنا اليوميه فمادام هناك تجاوزات واستثناءات ومحسوبيات راح تتواجد الواسطه

[الخيالة]

وجود الواسطه يعني ان هناك خلل في الانظمه والاجراءات المتبعه فلو كل مسؤول طبق النظام واللوائح على الكل ماراح نحتاج لواسطه في تسيير امورنا اليوميه فمادام هناك تجاوزات واستثناءات ومحسوبيات راح تتواجد الواسطه

صح كلامك اخوي
شي يعور القلب اروح لمكان محد يهتم لامري واشوف شخص جاي يقول انا من طرف فلان والكل يقوم له :(


اختي فاطمه دشيت مواقعهم مكتوب لا توجد وظائف شاغرة او يبون كله خبرة فوق 10 سنوات او مؤهل جامعي

[أبو سعود]

صح كلامك اخوي كل شي صاير بالواسطه صار لي سنين ناطره بس توقيع ع الورقة لموضوع يخص حياتى كل هاي لان ماعندى واسطه سنين ادور علي وظيفه باي راتب حتي لو يعطونى 4000 ريال راضيه بس اوزع اوراقي وشكلهم لما اطلع من عندهم يقطون الاوراق لان ما قلت لهم انا من طرف فلان وعلان بدون واسطه ما بحصل و وايد امور غيره بس ما راح اسامح الناس اللي ماساعدوني بس عشان ماعندي واسطه واهمه يقدرون يساعدوني
الله كريم

الله يعينك ويسر أمرك

أن شاء الله

[حسن]

اي والله الواسطه

للاسف مساعه يكلمني واحد عن موضوع له ويقول الموظف كان يكلمني بنفس خايسه
قلت له هذا انا خابره يوم كان توه
للاسف لو في نظام واضح مثل الدول المتقدمه كان مااحتجنا للواسطه

هي من اوصخ انواع الفساد الاداري بالنسبه لي
مشكله الثقافه الجهل منتشره بشكل كبير

مااعتقد في امل

[زبرجد]

الواسطة ضيعت الحقوق.. وعطت ناس شي مب لها ..!
الشهادة مالها قيمة إذا ما عندك واسطة .

[قطري92]

الواسطة ضيعت الحقوق.. وعطت ناس شي مب لها ..!
الشهادة مالها قيمة إذا ما عندك واسطة .

100%:weeping:

يعني قاعد ادرس حق الوالد والوالده مب حق شغل >> من صجي

[New Vision]

الواسطه هي من تضع القانون فلذالك لابد من اللتزام بالقوانين

[ام ناصر1]

نذم الواسطة ...ايه ...بس لو توفرت لنا استخدمناها...بدون تردد

[زبرجد]

100%:weeping:

يعني قاعد ادرس حق الوالد والوالده مب حق شغل >> من صجي

الشغل للرجل خاصة شي لا بد منه فعلى الأقل تكون وظيفة محترمة والشهادة هي الي بتوفر لك هالوظيفة من بعد الواسطة طبعاً:)

[New Vision]

نذم الواسطة ...ايه ...بس لو توفرت لنا استخدمناها...بدون تردد

طبيعي بنستخدمها عشان نمشي امورنا لان شغلك بدون واسطه مايمشي والقانون يتبع للواسطه

[Right]

الواسطة في مجتمعنا أصبحت مثل الأكسجين لا غنى عنها



الواسطة ترفس القانون رفساً مبرحاً وتطرحه أرضاً وتفوز عليه بالضربة القاضية



صارت .. جون سينا مو واسطة :nice:



يعني إلي ما عنده واسطة .. سيتم رفسه !!!

[طلعة الروح]

تقدر تقول ان الواسطة فوق القانون وفوق التنمية وفوق الدستور
هاي الواقع ، توها مديرة الاتش ار تقولي ان واحد من المدراء الظلام ( لانه تعيين وواسطة واحد من الكباريه في مجلس الإدارة)
في شركة من الشركات اللي تدعمها الدولة دعم قوي، ظالم له موظف ويبي يفنشه بأي طريقة ، تقولي والله ما نقدر عليه عنيد ، وهو واضح ان اجراءه تعسفي ومع ذلك
ادارة الاتش ار ساكته عنه لأنه ظهره قوي، مانقول غير الله ياخذ الحق ولو بعد حين... الواسطة ممكن توصلك بس عمره الظلم مايدوم!


على فكره كل الاطراف المذكورة قطريين ومن عيال البلد

ماعندك مشكلة لو تشتغل بواسطة وانت كفؤ للوظيفة ، لكن تبي توصل على حساب الناس وبنفس الوقت تسيئ استخدام سلطتك وتتعسف في استخدام القانون وتطبق الانتقائية في اختيار من تطبق عليهم اجراءتك التعسفيه هني نقول لا مرحبا ولا مسهلا بهالاشكال والواسطة اللي وصلتهم لمنصب اكبر منهم

[k.fatma]

هلا بملكة الزهور
ماعليج من المكتوب بمواقعهم لا خبرة ولا شيء اساليني أنا انتي سوي اللي عليج وقدمي في كل وزارة جديدة لانهم محتاجين توظيف تقطير
والله بيكتب لج اللي فيه الخير

[الخيالة]

لان لازم اسوي ابلود الاوراق والشهادات في نفس الوقت ومابيقبل :(