تربيـــة الابنــاء . . . خبراتكم وتوصياتكم

[سلامي للكل]

الـســــــــلام عــليكـــــم ورحـمـــــــة الله وبــركـاتـــــه

اللــــهـــــم لــــك الــحمــــد حــــتـــى تــــرضــى ولــــك الـــحمـــد اذا رضــيــــت ولــــك الـــحـمـــد بــــعــــد الــــرضـــــا

في البداية اعرفكـم بعمـري: "سلامي للكل" احـد اعضــاء منتــدى شبكة الاسهم القطــرية مشاركاتي قليلـة ولـكن متابـع

لاغلـب المـواضيــع وبصمـت طبــعا تربيـة الابنــاء تعتبر حاجة جـديدة علي ومن خلال تجربتي ارى انها حمل كبيـرعلـى

الاباء والامهـات لذلك يجـب ان نقوم بالتربيـة الصحيحة اللازمة وفي الوقت المنـاسب. وبمـا ان المنتــدى فيه الكثيـر من

الابـاء والامهات ذوات الخبــرة العالية في التربيـة, اعرض عليكـم مسألتي الي اواجههـا حاليـاً, عنـدي من العيـال بنتيـن

(الله يحفظهم), الاولى سنتين والثانية اقل من سنة (وكلامي عن الاولى بالخصوص). الملاحظ حالياً ان الاولى ماشاء الله

عليها حركية وذكيـة وشيطانـه (تطلـع قـرون) وكلـه تصارخ, بدأت تقلد الاخـرين في اغلـب الامـور (الحـركـات والكـلام),

واذا بغـت الشيء تقريبـا تاخـذه, وعنيــدة بشكـل ماتتصورن ومن النـوع الي اذا ماتبغي تسمع لك تعطيك الاذن الصمخـة

وبنفـس الوقت صياحة, يقولـون لي كلـه من الدلــع :shy: (مايندرى يمقن اي ويمقن لا). واعـانـي معاهـا وقت الاكـل حيـث

انهـا تعـانـد وايد وقـت الاكـل ماتبغـي تاكــل :weeping: . اطـلب من الاباء والامهات والتربوييـن ذوات الخبــرة الادلاء بــدلوهــم

للاستفادة العامة اولاً. اعذروني مشاركاتي راح تكون قليلة ولكن ان شاء الله راح يتم قراءة جميع الردود والاستفادة منها

اســــــأل الله الـتــــــوفيــــــق لـكـــــم ولــــــي ولـلـــجميــــــــع, وفـااااااالكـــــــــم طيــــــب. ســـــــــلامـــــــي للكــــــــــــل.

[ROSE]

وعليكم السلام ورحمة الله وبركاته

حبيت احيي رجعتك لنا سلامي ومتابعة للموضوع

[زبرجد]

لا تحطون بالكم عليها وايد ... وخلكم حازمين معاها بالرفض إذا كان الطلب صعب .. والعناد من الطفل مُكْتسب .. إنتوا خلكم حنونين معاها لا تحرمونها من شي تقدرون توفرونا لها .. ولازم تلعبون معاها تنزلون لمستواها .. والله يجعلها ذرية صالحة ويطرح فيها البركة

[New Vision]

اهم شي تاكد من المنهج الي بتدرسه فالمدرسه هو اساس التربيه

[حسن]

الله يحفضهم ويخليهم لكم
انت تبي حلول والحلول ماتجي الا بعد الاسئله
وانا ابغي اسئلك كمن سؤال

البنت من اللي معاها في البيت من الصبح وعلى طول الوقت ؟ يعني امها دائما الخادمه احيانا ولا اوقات واوقات
وهل هي مع الخادمه ولا الام يعني زوجتك تعمل وتترك البنت مع الخادمه ولا ايش الوضع ؟

[بصمة قطرية]

البنت دلوعه و هالشي واضح من كلامك
طبيعي تكون دلوعه
البنت الأولى
و جات بعدها على طول بنت ثانية
يعني البنت ما خذت كفايتها من الدلال والدلع و وووو
طبيعي جداً في هالحالة إنك تشوف
العناد و الدلع و محاولة التمرد
هالشي لاحظته في بنات أخواني
الفترة اللي بينهم بسيطة سنه
البنت ما مداها تستانس و تتدلع إلا جات منافسة على الساحه

أبشرك إصبر شوي على الصغيرة و بتشوفها
تفوق الكبيرة في كل شي
و بتذكر كلامي ..:secret:

غالباً الطفل الثاني أذكى و أجرأ و أفطن
مسألة الأكل
من اللي يأكلها ..؟
أمها و لا الخدامة ..؟
بنات أخوي كانت دائماً أمهم تشكي إنهم ما ياكلون
و معاي الحمدلله ياكلون و أكلهم جداً طبيعي ..
أحياناً الأم تحط بالها كثير على الطفل ..

[قطري2022]

حياك الله اخوي الغالي ، انصحك بمكتب الاستشرات العائلية لان عندهم اخصائئين اجتماعيين و نفسيين ، و هم اعلم الناس بتركيبة النفس البشرية و بتركيبة الطفل خصوصا ، و الانسان مركب كيميائي و الظروف هي الي تتتحكم في تربية الانسان و اخلاقه و اطباعه و تفكيره سواء ظروف الطفولة او الحاضرة او المستقبلية ، فلازم تهيأ الظروف الصحيحة علشان تتربى بشكل صحيح ولا تعتمد على الطرق التقليدية ، اعتمد على الاساليب العلمية الي تجيك من المسلمين ، و التربية هي عملية تعويد ، فهيأ الظروف الي من خلالها بتعودها على الاخلاق الصحيحة وترسخها فيها بالاقناع علشان محد يقدر يغير اخلاقها اذا كبرت ، و الاخلاق في الصغر كالنقش على الحجر .

[سلامي للكل]

وعليكم السلام ورحمة الله وبركاته

حبيت احيي رجعتك لنا سلامي ومتابعة للموضوع

مرحبا بـ مشرفتنا العزيزة rose

حيااااااج الله والكل متابع ان شاء الله

وبالتوفيــق

[سلامي للكل]

لا تحطون بالكم عليها وايد ... وخلكم حازمين معاها بالرفض إذا كان الطلب صعب .. والعناد من الطفل مُكْتسب .. إنتوا خلكم حنونين معاها لا تحرمونها من شي تقدرون توفرونا لها .. ولازم تلعبون معاها تنزلون لمستواها .. والله يجعلها ذرية صالحة ويطرح فيها البركة

مشكــورة اختي على الدعوة الطيبــة, بارك الله فيج

والحمد لله موفرين لها كل شيء ولانحرمها من الي بخاطرها, وانا بالذات معاها حنون لابعد ماتتصورين

وبخصوص اللعب نلعب معاها وبستواها

موفقة

[سلامي للكل]

اهم شي تاكد من المنهج الي بتدرسه فالمدرسه هو اساس التربيه


هذا الشيء ان شاء الله نحطه في الاعتبار لجاء وقته

مشكورين على النصيحة

وبالتوفيق

[ام السعف]

مراحب سلامي للكل ،، استغربت تعرفيك بنفسك ،، قلت يمكن مسوي عملية تجميل ويظن ما بنعرفه ،،

بنت دلوعة وانتوا اللي مدلعينها في الوقت اللي تغار من اختها ،،
والأمر راجع لكم تشدون عليها وتحزمون ولا بتكمل طريقها لين تكبر
ويصعب عليكم الكنترول ،،
بالنسبة لصراخها خلوها تصارخ لين تشبع ولا تعطونها اللي تبيه ،، مع تنبيهها انها لازم تسكت
علشان تحصل الشي اللي تبيه او تحرمونها من اشياء وايدة لأنه تصرخ وتصيح ،،

اما الأكل اذا شفتوها ما تبي تاكل خلوها ولا تعطونها ويه ،، لين تيوع ،،
هذا عقب ما تتأكدون اذا ماكانت تعاني من بلاعيمها او اذنها ،، ففي مثل هالحالات تنسد نفسها عن الأكل ،
فخلوها هي اللي تيي وتطلب الأكل ،، حزتها أكلوها وامنعوا عنها الحلويات والبسكون والفواكه بعد والعصاير ،،
الا الماي خلوه له ،،

وان شاءالله متى ما شديت قلبك عليها وشدت امها قلبها عليها
بتعرف انها لازم تغير طريقتها ،، وحطب في حسابك ان الطفل ذكي في هالمراحل
،،

وربنا يحفظها لك ويبلغك فيها هي واختها وكل عيالك القادمين الى الدنيا قول آمين ،،
علشان تحصل اللي تبيه ،،

[سلامي للكل]

الله يحفضهم ويخليهم لكم
انت تبي حلول والحلول ماتجي الا بعد الاسئله
وانا ابغي اسئلك كمن سؤال

البنت من اللي معاها في البيت من الصبح وعلى طول الوقت ؟ يعني امها دائما الخادمه احيانا ولا اوقات واوقات
وهل هي مع الخادمه ولا الام يعني زوجتك تعمل وتترك البنت مع الخادمه ولا ايش الوضع ؟

مرحبا اخوي حســن, ويحفظ كل غالي على قلبك

ماشاء الله عليك ماخيبت ظني لاني كنت انتظر ردك لاني اتابعك ومعجب بطريقة ردودك الى تدل على وعيك وخبرتك بالحياة

البنت الله يسلمك معاها امها واختها وخالاتها وجدتها تقريبا على طول ال24 ساعة لازم متواجدين معاها الكل او بعض من الي ذكرتهم

وبخصوص الخادمة مالها شغل نهائياً بالبنت الا يمكن ربع ساعة لين نص ساعة تراقبها اذا طلعت تلعب برع بالحوش وهذا مايصير الا في الاسبوع مرة او مرتين وبعض الاوقات تاكلها وجبتها لان نستغل وجودها بالحوش علشان تاكل

يعني بالمختصرالبنت بين امها وابوها وخلاتها وجدتها وعماتها

في انتظار مشاركتك, رب يوفقك ويطرح فيك البركة

[سلامي للكل]

البنت دلوعه و هالشي واضح من كلامك
طبيعي تكون دلوعه
البنت الأولى
و جات بعدها على طول بنت ثانية
يعني البنت ما خذت كفايتها من الدلال والدلع و وووو
طبيعي جداً في هالحالة إنك تشوف
العناد و الدلع و محاولة التمرد
هالشي لاحظته في بنات أخواني
الفترة اللي بينهم بسيطة سنه
البنت ما مداها تستانس و تتدلع إلا جات منافسة على الساحه

أبشرك إصبر شوي على الصغيرة و بتشوفها
تفوق الكبيرة في كل شي
و بتذكر كلامي ..:secret:

غالباً الطفل الثاني أذكى و أجرأ و أفطن
مسألة الأكل
من اللي يأكلها ..؟
أمها و لا الخدامة ..؟
بنات أخوي كانت دائماً أمهم تشكي إنهم ما ياكلون
و معاي الحمدلله ياكلون و أكلهم جداً طبيعي ..
أحياناً الأم تحط بالها كثير على الطفل ..

مرحبا اختي بصمة, شكرا على الاضافة والمشاركة

صحيح الاغلب يقول لي ان ماخذت راحتها في الدلال والدلع والملاحظ حالياً الغيرة من اختها ولكن بشكل بسيط

بخصوص مسالة الاكل انا شخصياً اتولى مسالة الاكل اذا سنحت لي الفرصة وبعدها امها وبعدها خالاتها وجدتها وعماتها

الخدامة تتولى مسالة الاكل اذا خلاص معانده كلش نطلعها الحوش علشان تلتهي وتاكل

وهذا مايصير الا في الاسبوع من مرة الى مرتين (3 بالكثير)

وفااااااااااااالج التوفيــق

[سلامي للكل]

حياك الله اخوي الغالي ، انصحك بمكتب الاستشرات العائلية لان عندهم اخصائئين اجتماعيين و نفسيين ، و هم اعلم الناس بتركيبة النفس البشرية و بتركيبة الطفل خصوصا ، و الانسان مركب كيميائي و الظروف هي الي تتتحكم في تربية الانسان و اخلاقه و اطباعه و تفكيره سواء ظروف الطفولة او الحاضرة او المستقبلية ، فلازم تهيأ الظروف الصحيحة علشان تتربى بشكل صحيح ولا تعتمد على الطرق التقليدية ، اعتمد على الاساليب العلمية الي تجيك من المسلمين ، و التربية هي عملية تعويد ، فهيأ الظروف الي من خلالها بتعودها على الاخلاق الصحيحة وترسخها فيها بالاقناع علشان محد يقدر يغير اخلاقها اذا كبرت ، و الاخلاق في الصغر كالنقش على الحجر .

هلا بـ الاخ قطري 2022

تسلم على المشاركة والنصيحة

كلامك جميــل وان شاء الله يكون في الاعتبار

وانا منتظر الاباء والامهات ذوات الخبرة

مشكور وفاااالك طيب

[رهج السنابك]

انصحك تشوف برنامج سوبر ناني

فيه وايد طرق وتكتيكات للتعامل مع الاطفال النتف ذيلا العنيدين
اذكر منها طريقه العقاب
مايكون فيها حرمان ولا اذيه للنفس
ان عاندت بشغله
ممكن تتعاقب بتجليسها على عتبه الدرج لمده ربع ساعه بدون حركة
تشيلها وتقعدها على العتبه وتعطيها نظره حاده
شوي شوي الطفل يفهم انه معاقب لانه سوى شطانه او عاند او صارخ
ً
شغله مهمه بعد
دام الطفله محاطه بهذا الكم الهائل من الاهل طبيعي تكتسب منهم شغلات يمكن انت تتفهمها من كبير بس ما تتفهم ردة الفعل من الطفل
الطفل لما يطنشك ويعاند اوًيصارخ او يسوي هالحركات لانه طول اليوم قاعد يشوف الكبار شيسوون يختلف الوضع عن الطفل الي عايش بس بين امه وابوه في بيت لحالهم تلقاه ياخذ طبايع امه وابوه فقط اكثر شي


شوف هالبرنامج كل مافضيت باليوتيوب بتتعلم اساليب مختلفه في تربية الاطفال