من بيت شعبي في مدينه خليفه لين قصر في الخريطيات

[مخطط قطري]

20 سنه اللي راحت حصلت فيها اكثر من طفره الي اجتهد وحالفه الحظ استفاد منها والي فاتته الفرصه ماعليش هذا نصيب وماتعرف وش المقسوم لك من الرزاق الكريم
في موضوع هام جدا في هذا السياق النفوس الي تغيرت ونمط الحياه الي تبدل طبعا كثيرين من هل قطر تبدل حالهم وصارت الحياه كريمه لنسبه كبيره منهم اكيد في نسبه بسيطه تضررت ولكن هذا مش موضوعنا نتكلم عن فئه استفادت من هالطفرات والتغير السكيولوجي والمفوشر الحاصل وبقوه طبعا مانقدر نسميهم محدثي نعمه صعب جدا لانه صارلهم سنوات في هالعز والرخا
كان لنا جار حالتهم الماديه ضعيفه وجلسو سنوات وامورهم متعثره لدرجه انه الام تحرم نفسها من امور واجد عشان عيالها الي كان باص المدرسه ياخذهم ويجيبهم وعقب انقطعت الاخبار عنهم والان ماشالله اصبح لهم قصر كبير وسيارات فاخره والله يزيدهم يعني احنا نسعد لشفنا قطريين عايشين في رخا عقب الفقر والشين ومثل حاله هالجار واجد اعرفهم وشفتهم بس كان ودي في شي الاباء يعلمونه هالابناء والاحفاد شلون كانت حياتهم قبل صعبه ويستفيدون من العبر والدروس حتى لايضيع الحلال ويرجعون للفقر مره ثانيه وهذا السبب في طرحي لهالموضوع وملاحظ كثيرين نسو يغرسون هالشي في نفوس ابنائهم
الشكر لله في الاول والاخير واشكر بعدها سمو الامير الوالد الشيخ حمد على الحال الي وصلناه كقطريين من عز وخير

[طلعة الروح]

الحمدلله على كل حال.. والحمدلله اللي خلى السعادة نسبية وتختلف نسبتها ومسبباتها من شخص إلى آخر
وفعلا لازم الانسان يتعايش مع كل الظروف ويفهم أن النعمه زواله ويقدر اللي عنده وبنفس الوقت مايطمع
او يحسد غيره

[رهج السنابك]

والله ياخوي النفوس شانت وتغيرت
انا لما اسولف مع حد واعرف وضعه المادي عدل اقل بوايد مني احاول احسسه اشكثر حياتنا قبل بسيطه واتغشمر واقول بيتنا كان جذي وسيارتنا كانت جذي واحكي لهم قصص ايام الشقى من باب كسر الحاجز النفسي عشان ما احسسهم وهم في بيتي اني اعلى منهم خاصه اني اعرف نفسياتهم عدل
فبدل ما يحسون براحه اكثر بالعكس القاهم يخبون ويكذبون ويفاشرون بالكذب بس عشان يقولون اننا نفسكم او اعلى منكم!!!!

يعني في ناس مهما تتواضع وتذكرهم بالماضي وان حال اليوم مب نفس حال امس
وكيف كنا امس وكيف صرنا اليوم
مع ان ذي كلها نعم زواله

الا ماتلقى حديثي النعمه مصرين على التكبر وياليته تكبر في محله

اكره ماعندي حد يفوشر بالكذب مثل يقول انا صيفت باوروبا وشريت الشي الفلاني وسويت مدري شنو وهو كله كذب في كذب!!



هالناس يعانون من فقر قلب وفقر روح

[طلعة الروح]

يالارستقراطية االنوعيه اللي ذكرتيها عندهم نقص نفسي وعقده من نوع خاص ، ويحب يلفت الانتباه بأي طريقه،،
مشكلة لما مجتمع باكمله يتربى على ثقافة المظاهر في كل شي مهما كان تافه ، احب اقول البساطة زينة!

[R 7 A L]

تعال دنفر وشوف بعينك
الاباء والابناء هم المسئولين

[مخطط قطري]

اشكركم طلعه الروح والاستقراطيه على المشاركه اكره شي في الدنيا فقير متكبر
يعني مهايطي ومفوشر وشايف نفسه بعد
بس ماتلاحظون انه المفوشر والزبو واجد كثر حتى للي عنده من هالخير
انا ماتكلم عن واحد ماعنده ويفوشر المشكله عنده ويفوشر يعني بضرب لكم مثال بسيط
واحد راتبه 50 الف وعنده بيت ملك له اقساط البنك30 الف
!!!!
ليش يقولك الحياه صارت هشكل لازم اسافر ولازم اركب بنتلي ولا بكون اقل مستوى من الي حولي
ويفوشر بهالشي المشكله
انا مش ضد الواحد يلبس ويمتع نفسه بفلوسه بس باعتدال مب شرط بنتلي البورش حلوً بعد
المشكله لاركب البنتلي قال هذا هديه من الديوان واحنا مقربين وكل شهر يطرشون لنا شنطه فيها فلوس
يعني لو قال يحولون لنا يمكن اصدق بس شنطه وفيها فلوس احسه مايسوى اب ديت للمهايط عنده باستمرار

[مخطط قطري]

تعال دنفر وشوف بعينك
الاباء والابناء هم المسئولين

الله يعينك من اكره الولايات في امريكا
بس شلون الاباء والابناء مسؤلين مافهمت قصدك وضح ولاتهون

[طلعة الروح]

اشكركم طلعه الروح والاستقراطيه على المشاركه اكره شي في الدنيا فقير متكبر
يعني مهايطي ومفوشر وشايف نفسه بعد
بس ماتلاحظون انه المفوشر والزبو واجد كثر حتى للي عنده من هالخير
انا ماتكلم عن واحد ماعنده ويفوشر المشكله عنده ويفوشر يعني بضرب لكم مثال بسيط
واحد راتبه 50 الف وعنده بيت ملك له اقساط البنك30 الف
!!!!
ليش يقولك الحياه صارت هشكل لازم اسافر ولازم اركب بنتلي ولا بكون اقل مستوى من الي حولي
ويفوشر بهالشي المشكله
انا مش ضد الواحد يلبس ويمتع نفسه بفلوسه بس باعتدال مب شرط بنتلي البورش حلوً بعد
المشكله لاركب البنتلي قال هذا هديه من الديوان واحنا مقربين وكل شهر يطرشون لنا شنطه فيها فلوس
يعني لو قال يحولون لنا يمكن اصدق بس شنطه وفيها فلوس احسه مايسوى اب ديت للمهايط عنده باستمرار

نصيحه هالنوعيه حسسه انك ماتهتم بسوالفه هاذي خلك نفسيه وحاول تركز على الأمور القيمة والجادة عشان يحس انه تافه واذا كلش تبتعد عنه أحسن صراحه لأنه مرض ماله علاج في بعض النفوس!
الحمدلله مب الكل يهتم بالمفوشر والمظهر بشكل مبالغ فيه اغلبية الناس الحين average ويصرف في حدود مستوى دخله، خصوصا ان وايد اعرفوا سالفة الديون والقروض والبلاوي اللي من ورا هالسالفة يعني اللي بيقترض بيكون قرض لشي مفيد مثل عقار أو لتمويل استثمار بعيد المدى أو لأمر طارئ صعب تأجيله، اتمنى الناس تبتدي تشغل عقلها وتعرف قيمة الريال وتوظفه صح لأن الطفرة اللي احنا فيها ماراح تدوم على طول وحتى لو دامت مافي شي مضمون من ظروف تصيب الانسان وغيره....

[مخطط قطري]

كلام من ذهب ياطلعه الروح ونصايح قيمه

[][ الوحيد ][]

تعال دنفر وشوف بعينك
الاباء والابناء هم المسئولين

شفيها دنفر ؟ :eek5:

[R 7 A L]

الله يعينك من اكره الولايات في امريكا
بس شلون الاباء والابناء مسؤلين مافهمت قصدك وضح ولاتهون


ماعليش شابك من الايفون والوضع تعبان
قصدي الاباء والامهات

[R 7 A L]

[ الوحيد ][;9244715']شفيها دنفر ؟ :eek5:

حي الله اهل دنفر
ياليت اخوي الوحيد تسولف لنا عن الطلاب القطريين بدنفر و وضعهم

[رجل مثالي]

"علي بابا دوت كوم" – الشركة الرئيسة التابعة للمجموعة والمسجلة في البورصة الصينيه والتي تمارس العمل التجاري من خلال الإنترنت بين الشركات الصغيرة في الغالب – حققت أرباحاً بلغت 320 مليون دولار خلال الأشهر التسعة الأولى من العام الماضي وأحياناً يطلق عليها اسم "إي بيه". هذا النجاح الخرافي رغم كل العوائق، والذي زاده بهاءً كون جاك هو مدرس لغة إنجليزية تحول إلى رجل أعمال، جعله أيضاً محبوب المؤتمرات الدولية التي يعقدها قطاع الأعمال. ولكن حكاية التحول السريع من الفقر إلى الغنى، حسب ما يحكيها جاك عندما يلقي خطاباته التي تجتذب حشوداً ضخمة من المستمعين، أخفقت في أن تشرح سر نجاحه بشكل كامل – مثلما فعل الكتاب، رغم أنها حكاية ممتعة.

كتب ليو يقول: "الناس يقولون إنك إذا أردت أن تغير العالم، ينبغي عليك أولاً أن تغير نفسك. ولكن ما يبدو أنه فعل عكس ذلك: حيث غير العالم ولكنه أبقى على نفسه كما هي إلى حد كبير". ومضي قائلاً: "فقد بدأ صغيراً


وغير معروف، ولكنه ظل باقياً". هذا وصف رائع، ولكن رغم ذلك لا يكشف سوى القليل وراء الحقيقة المتمثلة في أن ذلك الرجل شخص عنيد جداً.




هاي نموذج للبعض الذي قفز بسرعه من الفقر الى الغني

وأهم شئ على الانسان الذي تحول من الفقر الى الغنى أن لا ينسى

الله سبحانه وتعالى الذي رزقه وأعطاه وأكرمه يتمسك

بالصلاة والدين في كل أموره ولا يتكبر على الناس

ويقوم بمساعدة المحتاجين في جميع الامور

ويشكر الله تعالى الذي أنعم عليه الخير ولا يقوم بالتكبر على

الناس حتى الله سبحانه لا يسلبه النعمه و

بالشكر تدوم النعم والنعم بالله تعالى

[بصمة قطرية]

ذكرتني بالمثل اللي يقول الفلوس تغير النفوس ..
حديثي النعمة للأسف الشديد
ما قدروا يتأقلمون مع الوضع الجديد
فأثر عليهم و غيرهم من الداخل بدل ما يكون التغيير من الخارج فقط ..!!

[الدبلوماسي]

مشكله هالجيل مب عارف لقيمه الفلوس الحمدلله كل هل قطر عندهم خير ومب حلو الواحد يبخل على نفسه او يبذر والنعمه زواله وكل ريال عندنا محاسبين عليه تخيل في ناس اعرفهم يدفعون 1000 او 2000 يورو او اكثر عشان (العاب ف السوني ) وفي ناس وصلت الوقاحه فيهم ان يدفعون مبالغ كبيرة والي ماعنده يسحب سلفيات توصل قريب النص مليون ريال او اكثر ( لكازينو او الدسكوات ) :)

[تغلبية]

مشكله هالجيل مب عارف لقيمه الفلوس الحمدلله كل هل قطر عندهم خير ومب حلو الواحد يبخل على نفسه او يبذر والنعمه زواله وكل ريال عندنا محاسبين عليه تخيل في ناس اعرفهم يدفعون 1000 او 2000 يورو او اكثر عشان (العاب ف السوني ) وفي ناس وصلت الوقاحه فيهم ان يدفعون مبالغ كبيرة والي ماعنده يسحب سلفيات توصل قريب النص مليون ريال او اكثر ( لكازينو او الدسكوات ) :)



هذي سفاهة ..

يعني الحجر عليهم حلال !

الله يهديهم

[تغلبية]

20 سنه اللي راحت حصلت فيها اكثر من طفره الي اجتهد وحالفه الحظ استفاد منها والي فاتته الفرصه ماعليش هذا نصيب وماتعرف وش المقسوم لك من الرزاق الكريم
في موضوع هام جدا في هذا السياق النفوس الي تغيرت ونمط الحياه الي تبدل طبعا كثيرين من هل قطر تبدل حالهم وصارت الحياه كريمه لنسبه كبيره منهم اكيد في نسبه بسيطه تضررت ولكن هذا مش موضوعنا نتكلم عن فئه استفادت من هالطفرات والتغير السكيولوجي والمفوشر الحاصل وبقوه طبعا مانقدر نسميهم محدثي نعمه صعب جدا لانه صارلهم سنوات في هالعز والرخا
كان لنا جار حالتهم الماديه ضعيفه وجلسو سنوات وامورهم متعثره لدرجه انه الام تحرم نفسها من امور واجد عشان عيالها الي كان باص المدرسه ياخذهم ويجيبهم وعقب انقطعت الاخبار عنهم والان ماشالله اصبح لهم قصر كبير وسيارات فاخره والله يزيدهم يعني احنا نسعد لشفنا قطريين عايشين في رخا عقب الفقر والشين ومثل حاله هالجار واجد اعرفهم وشفتهم بس كان ودي في شي الاباء يعلمونه هالابناء والاحفاد شلون كانت حياتهم قبل صعبه ويستفيدون من العبر والدروس حتى لايضيع الحلال ويرجعون للفقر مره ثانيه وهذا السبب في طرحي لهالموضوع وملاحظ كثيرين نسو يغرسون هالشي في نفوس ابنائهم
الشكر لله في الاول والاخير واشكر بعدها سمو الامير الوالد الشيخ حمد على الحال الي وصلناه كقطريين من عز وخير



عادة يستوي في المجتمعات النامية بين فترة وفترة حراك إما اجتماعي أو مالي أو علمي بين الناس تتغير طبقتهم فيه أما صعوداً أو هبوطاً

في المجتمعات الكبيرة تكون الناس واعية أكثر .. فيأثر هالحراك غالباً على كل مناشط حياتهم ..

يعني لما تزيد فلوسهم ويبنون القصور .. مايبنون ويقعدون .. لا

يستغلون فلوسهم في تحقيق مكانة اجتماعية أعلى وتحقيق مكانة علمية ..

يطرشون عيالهم يدرسون ويستزيدون علشان يثبتون المكانة اللي هم فيها .. وهكذا ...

الحراك المالي يجر حراك اجتماعي .. ويجر حراك علمي ..

ألاحظ هالشي مفقود عندنا .. للأسف كثير من الناس حيرانه بالخير والنعمة والفلوس اللي عندها.. ما يقدم فيهم إلا مظاهر بس


!

[R 7 A L]

http://www.youtube.com/watch?v=GQwDwd7Ug7I



http://www.youtube.com/watch?v=mI9G6MYzJ8g

[امـ حمد]

وفي السماء رزقكم وما توعدون

[ريم الشمال]

الحياة في قطر مرة بحالات ارتبطت بعوائل قطر كلهم تقريباً ..
لذلك عندما تقول شعبيات مدينة خليفة فمنهم من سوف اتحدث عنهم ومنهم من يسكن مناطق متفرقة في قطر


حياة البدواه والغوص في ناس كثير كان ضعيف حال بس بعد فيهم من كان حاله أفضل عندهم حلال وعيالهم يدشون الغوص
ثم تأتي مرحلة كسر الغوص وإلي اثر على الكثير من هذه العوائل حيث اضطروا إلى ترك مهنة الغوص والرحيل للبحث عن العمل ثم مرة حالة في بر قطر لا يعرفها إلا أهل قطر عندما اضطرت عوائل كثيرة لترك قطر وأثناء الانتقال فقدة هذه العوائل الكثير من مال والاستقرار وغيره مما كان يتمتعون به ثم ظهر البترول في قطر ورجع الجميع تقريباً على دفعات ومنها العوائل التي اصبحت من غنى الحال إلى فقر الحال وبداء جيل هؤلاء يشق طريقة منهم بتوفيق من الله شقه بسرعه ومنهم من انتظر سنوات حتى يسترجع ما فقد آبائهم ومن هؤلاء الآن ممن ابنائهم يمتلكون قصور ومنهم من لم يفعل لنفسه شيء

ملاحظة عندما تجد شخص حتى لو فقير من عوائل قطر ولكن شامخ كشموخ الجبال اعرف أنه من تلك العوائل التي جرى عليه الزمن ما اجرى على من سبقهم من الأمم

[رجل مثالي]

كان رسولنا المصطفى عليه الصلاة والسلام متواضعا ومن تواضعه يجلس على الارض، وينام عليها، ويخضف النعل، ويرقع الثوب بيده، ويحلب الشاة، ويعقل البعير، ويطحن مع الخادم، وكان يعصب الحجر على بطنه من الجوع ويأكل ما يجد، ويلبس ما يجد، ويركب ما أمكنه من فرس، أو بعير، أو بغلة، أو حمار، ويردف خلفه، وربما ركبه عاريا بلا سرج، ويمشي راجلا، ويجالس الفقراء، ويؤاكل المساكين، وكان لا يثبت بصره في وجه أحد، يغضب لربه، ولا يغضب لنفسه، وكان أكثر الناس تبسما، وربما ضحك من غير قهقهة، ولم يكن شئ أبغض إليه من الكذب إلى غير ذلك من الفضائل، وكريم الشمائل.

[basma222]

الحمدلله على كل حال..

[ولد شرق]

20 سنه اللي راحت حصلت فيها اكثر من طفره الي اجتهد وحالفه الحظ استفاد منها والي فاتته الفرصه ماعليش هذا نصيب وماتعرف وش المقسوم لك من الرزاق الكريم
في موضوع هام جدا في هذا السياق النفوس الي تغيرت ونمط الحياه الي تبدل طبعا كثيرين من هل قطر تبدل حالهم وصارت الحياه كريمه لنسبه كبيره منهم اكيد في نسبه بسيطه تضررت ولكن هذا مش موضوعنا نتكلم عن فئه استفادت من هالطفرات والتغير السكيولوجي والمفوشر الحاصل وبقوه طبعا مانقدر نسميهم محدثي نعمه صعب جدا لانه صارلهم سنوات في هالعز والرخا
كان لنا جار حالتهم الماديه ضعيفه وجلسو سنوات وامورهم متعثره لدرجه انه الام تحرم نفسها من امور واجد عشان عيالها الي كان باص المدرسه ياخذهم ويجيبهم وعقب انقطعت الاخبار عنهم والان ماشالله اصبح لهم قصر كبير وسيارات فاخره والله يزيدهم يعني احنا نسعد لشفنا قطريين عايشين في رخا عقب الفقر والشين ومثل حاله هالجار واجد اعرفهم وشفتهم بس كان ودي في شي الاباء يعلمونه هالابناء والاحفاد شلون كانت حياتهم قبل صعبه ويستفيدون من العبر والدروس حتى لايضيع الحلال ويرجعون للفقر مره ثانيه وهذا السبب في طرحي لهالموضوع وملاحظ كثيرين نسو يغرسون هالشي في نفوس ابنائهم
الشكر لله في الاول والاخير واشكر بعدها سمو الامير الوالد الشيخ حمد على الحال الي وصلناه كقطريين من عز وخير

كلام جميل
تسلم اخوي على الطرح الرائع

[ولد شرق]

والله ياخوي النفوس شانت وتغيرت
انا لما اسولف مع حد واعرف وضعه المادي عدل اقل بوايد مني احاول احسسه اشكثر حياتنا قبل بسيطه واتغشمر واقول بيتنا كان جذي وسيارتنا كانت جذي واحكي لهم قصص ايام الشقى من باب كسر الحاجز النفسي عشان ما احسسهم وهم في بيتي اني اعلى منهم خاصه اني اعرف نفسياتهم عدل
فبدل ما يحسون براحه اكثر بالعكس القاهم يخبون ويكذبون ويفاشرون بالكذب بس عشان يقولون اننا نفسكم او اعلى منكم!!!!

يعني في ناس مهما تتواضع وتذكرهم بالماضي وان حال اليوم مب نفس حال امس
وكيف كنا امس وكيف صرنا اليوم
مع ان ذي كلها نعم زواله

الا ماتلقى حديثي النعمه مصرين على التكبر وياليته تكبر في محله

اكره ماعندي حد يفوشر بالكذب مثل يقول انا صيفت باوروبا وشريت الشي الفلاني وسويت مدري شنو وهو كله كذب في كذب!!



هالناس يعانون من فقر قلب وفقر روح

طيب شلهدف لما حد يزورني اقول ترا انا كنت نفسك قبل وهالعز اللي انا فيه الحين ماكان عندي قبل؟
بالعكس هذا هو الغلط والغرور بعينه
واحد زاني في بيتي برحب فيه وبكرمه وكان الله غفورا رحيما اما تعال اتحسسه بالدونيه وترى انا كنت نفسك قبل ليش؟
هم قالوا ولا اسألوا من وين لكم بهلعز؟

[بو خليفه 123]

موضوع جميل و عجبني العنوان لأنه ذكرني في ناس واجد ..

من وجهة نظري أن كثير من الافراد القطريين استفادوا من الطفره الماليه سواءً من الصفطان او الاسهم او العقارات . و لكن مايحزنني من يجيك مازال مستور الحال او اقل من ذلك و يتكلم بمستوى الطبقه المخمليه , يكذب الكذبه و يصدقها , و يهايط بما لا يملك . هذي من تحتاج الى علاج او تذكير بالواقع .


و لكن من جهة اخرى اتفق معك اخوي مخطط قطري . لا بد من الآباء و اولياء الأمور من افادة الابناء بقيمة هذي النعمه لانها زواله و مادامت مع ناس كثير و نحن لا نعكس تصرفاتنا الا من اولياء أمورنا .


ترقبوني لين ورثت ال 200 مليون :shy:

[ام ناصر1]

كل الي اعرفهم من بيت شعبي ....لفيلا كبار الموظفين ...متاكد انه فيه قصور بقطر ...عمري ماطبيت قصر ....يالله معوضه بالآخرة إن شا الله

[المرحب]

الشكر لله في الاول والاخير

[الـقـاسـي]

المشكله مب في حديثي النعمة المشكله باللي في العكس
يعني اعرف ناس كانوا ايام الفقر في عز وفي خير يملكون ملايين يوم الناس في شينكو اهما في بيوت الى الان تعتبر كبيره ولكن تغير عليهم الوضع وجار عليهم الزمان والى الان يحاولون يعيشون بنفس المستوى الكل فيهم مديون ويتسلف عشان يلبس وبعد مب راضيين يغيرون طبيعة حياتهم ولا يتاقلمون على الوضع الجديد ف هذولا اللي فعلا يكسرون الخاطر

[مخطط قطري]

اشكركم بو خليفه123 وولد شرق وجميع من شارك في هذا الموضوع اخوي القاسي في ظنك الي يكسرون خاطرك ويحاولون ياقلمون وضعهم بالمستوى الي كانو فيه وش اسباب انحدار مستواهم المادي لازم نعالج الاسباب عشان ماتتوسع الدائره ويكثرون المديونين بدال المليونيريه
كثيرين من هل قطر سواء البدو او اهل البحر من الاربعينيات لين السبعينيات سكنو الدوحه البدع والجسره وشرق والهتمي والسلطه والخليفات والمنصوره ونجمه وغيرها من مناطق الي حافظ على حلاله بس ماراح اقول اشترى او فكر في الاستثمار بس حافظ الحين ارضه تساولها ملايين
والدوله مشكوره ماقصرت بعد
ساعدتهم في تخصيص الاراضي قبل المواطن عادي عنده 5 اراضي ومزرعه وبيوت وهو من الطبقه العاديه وعقب تم تقليص هالشي لين ارض وحده فقط لكل مواطن ومانبي ندخل كثير في هذي التفاصيل لانها متشعبه واجد
بس الي حاب نستفيده من هالموضوع انه الفرص مازالت موجوده وانه نعلم الجيل الي طالع كيفيه اداره والمحافظه على الثروات
نعيد الايام الحلوه القديمه الجميله الي كنا عايشنها بطيب نفس وخير وعز في الوقت الحاضر مع التمدن والحضاره والبطره الحاصله
هل قطر معروفين قبل وقبائلهم وماكنت عندهم الطبقيه سواء شيخ ولا مواطن عادي واحس انه قبل الكل يعرف الثاني ويمكن الكثير لاحظ لمن يكون مع ابوه ولا اخوانه الكبار ويكنون في الديوان او عرس وتشوف ابوك يسلم عليهم ويعرفهم وانت تعرف عيالهم تستغرب ابوي وين يعرف كل هذولا .... اسمحولي يعني انا اطلع برا سياق الموضوع وان كان له ارتباط غير مباشر في موضوعنا ولكن الذكريات القديمه وفرجان اول وقطر القديمه ذكرياتها ذات شجون وتحن لها والاهم من ذلك اهل قطر الي هم اخوانك وعيال عمك وعزوتك تبيهم دوم في احسن حال ومايكنون ضعاف وتلعب بهم ظروف الحياه ويجير الوقت عليهم

[أم محمد 90]

كل الي اعرفهم من بيت شعبي ....لفيلا كبار الموظفين ...متاكد انه فيه قصور بقطر ...عمري ماطبيت قصر ....يالله معوضه بالآخرة إن شا الله

مرة انعزمت على حفلة بنات وماعرف صاحبة الحفلة رفيجاتي يعرفونها

لما وصلت بيتهم ، بيتهم كان قصر كاني داخلة البيت الأبيض لدرجة ان الدرج مال اللي تركبين عليه كله شوارفسكي :sorry:

عموماً قعدت بالضبط 26 دقيقة وطلعت


الله الرازق وبيتنا فالجنة ان شاء الله

[مهرة]

ههههههههه حلوة مرة ( آب ديت للمهايط) ..!

الحمدالله حمداً كثيراً طيباً كما ينبغي لجلال وجهك وعظيم سلطانك .. اللهم لك الحمد حتى ترضى ولك الحمد اذا رضيت ولك الحمد بعد الرضى ..

[مخطط قطري]

كل الي اعرفهم من بيت شعبي ....لفيلا كبار الموظفين ...متاكد انه فيه قصور بقطر ...عمري ماطبيت قصر ....يالله معوضه بالآخرة إن شا الله

الحين نص قطر قصور ماشاءالله وخلوني اثري النقاش بمعلومه وتصنيف مهم لمساحه لمباني بالمتر دام الشي بالشي يذكر
(1-349) مبنى ,,,ملحق,,,بيت
(350-600) فله صغيره
(601-1200) فله متوسطه الحجم
(1201-2499) فله كبيره الحجم
(2500-5000) قصر صغير الحجم
(5001-9999) قصر متوسط الحجم
(10000 فاعلى قصر كبير الحجم
كل واحد يقيس مساحه بيتهم ويعرف هو وين بالضبط لحد يجيني مساحه بيته 340 ويقولي انا من فئه القصر تراك لحد الان ملحق يالمهايطي ههههه
انا عن نفسي اعتقد قصرنا برا التصنيف لانه فوق 50 الف وصلو مساكين في التصنيف لين 10000 ووقفو مشكله هذي......... لزوم نبلغ الشيخ بسالفه:)
5

[ام ناصر1]

يعني معقولة نص قطر قصور ...اخبر الاراضي الي تعطيها الدولة لكبار الموظفين ....الف وشي ومساحة البناء 700 ....هاي حدود علمي ..وثلاثة ارباع القطريين موظفين.... فقلة الي راهين حدهم ....وعندهم قصور يمكن قصدك الوزرا فما فوق ....الله يزيدهم ويبارك

[فلتة زمانها]

ايوه حتى انت يا مخطط تهايط
لا لا امزح هاهاهاهاهاهاها

اللي يبي يفوشر بحلاله عليه بالعافيه الأهم يقدّر ويحافظ على النعمة
لانه مسؤول عنها يوم القيامه،،الله يبارك للجميع ويزيدهم من فضله

[باندول]

كلنا عيال قريية ولكل يعرف اخييه ...الكل في قطر يعرف ثاني ويعرف من وين جات فلوسه ومن وين بناء بيته وكيف كافح في الحياه
في ناس اغتنوا بسرعه وفي ناس للحين على قد حالهم والي ساعدهم وضعهم الوظيفي او نشاطهم في العمل وترقيه فيه ....
عموما البيت والقصر ماراح يدوم لصاحبه مصير الانسان القبر .

[الـقـاسـي]

اشكركم بو خليفه123 وولد شرق وجميع من شارك في هذا الموضوع اخوي القاسي في ظنك الي يكسرون خاطرك ويحاولون ياقلمون وضعهم بالمستوى الي كانو فيه وش اسباب انحدار مستواهم المادي لازم نعالج الاسباب عشان ماتتوسع الدائره ويكثرون المديونين بدال المليونيريه
كثيرين من هل قطر سواء البدو او اهل البحر من الاربعينيات لين السبعينيات سكنو الدوحه البدع والجسره وشرق والهتمي والسلطه والخليفات والمنصوره ونجمه وغيرها من مناطق الي حافظ على حلاله بس ماراح اقول اشترى او فكر في الاستثمار بس حافظ الحين ارضه تساولها ملايين
والدوله مشكوره ماقصرت بعد
ساعدتهم في تخصيص الاراضي قبل المواطن عادي عنده 5 اراضي ومزرعه وبيوت وهو من الطبقه العاديه وعقب تم تقليص هالشي لين ارض وحده فقط لكل مواطن ومانبي ندخل كثير في هذي التفاصيل لانها متشعبه واجد
بس الي حاب نستفيده من هالموضوع انه الفرص مازالت موجوده وانه نعلم الجيل الي طالع كيفيه اداره والمحافظه على الثروات
نعيد الايام الحلوه القديمه الجميله الي كنا عايشنها بطيب نفس وخير وعز في الوقت الحاضر مع التمدن والحضاره والبطره الحاصله
هل قطر معروفين قبل وقبائلهم وماكنت عندهم الطبقيه سواء شيخ ولا مواطن عادي واحس انه قبل الكل يعرف الثاني ويمكن الكثير لاحظ لمن يكون مع ابوه ولا اخوانه الكبار ويكنون في الديوان او عرس وتشوف ابوك يسلم عليهم ويعرفهم وانت تعرف عيالهم تستغرب ابوي وين يعرف كل هذولا .... اسمحولي يعني انا اطلع برا سياق الموضوع وان كان له ارتباط غير مباشر في موضوعنا ولكن الذكريات القديمه وفرجان اول وقطر القديمه ذكرياتها ذات شجون وتحن لها والاهم من ذلك اهل قطر الي هم اخوانك وعيال عمك وعزوتك تبيهم دوم في احسن حال ومايكنون ضعاف وتلعب بهم ظروف الحياه ويجير الوقت عليهم

السبب ياخوي في مثل هالحاله اللي انا ذكرتها واللي موجود عدد لاباس به في قطر وكثيرين اللي صرفياتهم اكثر من مدخولهم انه مصادر الدخل تغيرت في السابق عن الحين , يعني قبل سنوات ليست بالكثيرة كانوا الشيوخ او من يقرب منهم ممكن يغتني بسهوله توزيع الاراضي كان شبة بالمجان خصوصا اراضي السد اللي وصلت ملايين كان الللي عنده محلات ماجرهم وتدخل له 10 الاف وضعه فوق الممتاز
في ناس استفادت من اراضيها سواء عن طريق بيعها واستثمار الفلوس في عقارات اخرى او شغلات ثانيه وفي ناس باعت الاراضي بملايين وتمت تصرف لين خلصت الفلوس وهو للحين يبي يعيش بنفس المستوى ويصرف بنفس الصرفيه لما كان عنده ملايين في النهايه الفلوس تدور وتتداول بين الناس اللي امس فقير اليوم غني واللي كان غني افتقر حكمة من رب العباد

[هاب الريح]

شكلك محتر

[الماريّة]

وفيه قطريين لين الحين في بيوت عربية ام ليوان

ومغطيه بشينكو من الشمس ولا شعبي ولا فله ولا قصر

مهب هل قطر كلهم في قصوووووووووور

[وحيد-الشوق]

مالفائدة المرجوه من الموضوع !!!

انذكر كلام فيه الكثير من المبالغات والهياط

[][ الوحيد ][]

حي الله اهل دنفر
ياليت اخوي الوحيد تسولف لنا عن الطلاب القطريين بدنفر و وضعهم

- الله يحيك ..

- من احسن الاماكن حق الدراسه ,,

- طلاب على قلب واحد ..

- بدأ فيها اتحاد الطلبه القطريين في امريكا ..

- مسابقات و محاضرات توعويه حق الطلاب ..

- معرض يعرف بقطر بين الماضي و الحاضر بحضور السفير ( الرميحي ) و وفد من جمعيه قطر الخيريه

- في كل ولايه فيها الزين و الشين ,, و دنفر تعتبر ولااااااشي حق واشنطن و لوس انجلوس و اريزونا حاليا :) !

- وضع الطلاب احسن من وايد ولايات ,,

- بعد شتبي تعرف ؟

- زبو ؟ هياط ؟ مشاكل ؟ ولاشي متوفر عندنا ..

- بتقول اني ادافع وانا ماعرف شي ؟ بالعكس انا في 2009 في دنفر وماشفت ولاشي من اللي الناس يتكلمون عنه
و جانا اكثر من واحد و اكثر من ولي امـــر و شاف دنفر و قال انا كنت متوقع اني بشوف بلاااوي ,, لكن ماشاف ولاشي من اللي الناس يتكلمون عنه

[ام ناصر1]

اللهم اكتب لي قصرا بالجنة ...وبيت فيه ليوان عربي بالدوحة