علاج طبيعي للاذن لرجوع التوازن

[الخيالة]

سلام عليكم
دورت وماحصلت قسم الاستفسارات ارجو نقل الموضوع الي قسم الاستفسارات

حد عنده فكرة عن علاج طبيعي للاذن الوسطي ان الدكتور يسوي حركات معينة عشان يرجع التوازن؟
حد مسوي هالعلاج من قبل ؟ علاج التهاب الاذن الوسطي عن طريق التمارين عشان يرجع التوازن اتمني اللي عنده فكرة يساعدني

الالم من اسبوعين ومن يومين الدكتور قايل بيسوي علاج طبيعي للاذن تمارين معينه في الراس عشان يعيد التوازن.

وممكن اعرف من احسن دكتور عندنا لعلاج التهاب الاذن الوسطي سواء في حمد او عيادات الخاصه

[المنسى]

المستشفى الاهلى فيه دكتوره متخصصه فى هالامور على مااعتقد اسمها هناء مصريه وممتازه

[تلتوله]

مالج الا دكتور توماس هندي عيادته ورى الاصمخ مول

[الخيالة]

شكرا ع المرور

بخصوص هالدكاتره مجربينهم ؟

وحد صادفه نفس المشكله وتم علاجه عن طريق التمارين والعلاج الطبيعي؟

[حسن الاحمد]

الدكتور توماس والدكتور الجفيري

[شبيه الريح]

توماس فاشل واجهزته قديمه ولا يعرف شي وغالي على الفاضي
عبدالعزيز الجفري , عيادة نسيم الربيع , الاخصائييين في مستشفى حمد ممتازين جدا جدا

[الخيالة]

شكرا ع المرور

[imation]

,





الجزء الخاص بالتوازن موجود في الأذن الداخليه وليس الوسطى , على كل حال اكتبي على اليوتيوب )Vertigo--Tests & Exercises)
بتحصلين تمارين خاصه بالتوازن ممكن تفيدك





,

[الخيالة]

مشكور اخوي بس ابي دكتور زين في قطر او اذا حد يعرف ناس كان عندهم نفس المشكله شنو العلاج اللي خذوا وشكثر تم معاهم

[تأملات]

أنصح بالدكتور عمار في عيادة الكيالي

[الخيالة]

أنصح بالدكتور عمار في عيادة الكيالي

مشكور اخوي وين مكانه؟



انا ابي اعرف في حد كان معاه نفس الأعراض والمشكله او يعرف حد كان عنده نفس مشكلة في التوازن والتهاب الاذن الوسطي؟

[طير حوران]

مشكور اخوي وين مكانه؟



انا ابي اعرف في حد كان معاه نفس الأعراض والمشكله او يعرف حد كان عنده نفس مشكلة في التوازن والتهاب الاذن الوسطي؟


كما عانيتي منها مرضيا ونفسيا أنا كذلك عانيت جهلا بالحاله ولكن بعد التعرف عليها وجدتها حاله بسيطه جدا جدا وحتى لوتركت بدون علاج فقط بالمضاد الحيوي تذهب لوحدها

النصيحه

أي دكتور سواء في المركز الصحي او في عيادات حمد او أي عياده اخرى سيصف لك العلاج المناسب وهو دواء واحد مع مضاد حيوي ومن أول يومين علاج ستفقدين الاعراض التي منها الدوران وعدم التوازن وزغللة النظر وغير ذلك وتختلف بقية الاعراض من شخص الى أخر

ولاتحاتين مابه الا العافيه باءذن الله

[الخيالة]

شكرا ع المرور بس عدم التوازن للحين موجود :( مع ان استمرينا ع المضاد الحيوي

[Dana’1]

الدكتور :أحمد حندوسة …شاطر مشاءلله عليه بمستشفى المغربي بالمطار
والله يشفي مريضكم

[الخيالة]

مشكوره ديور

[.Qa6ar]

السلام عليكم

الله يشافيكم أن شاء الله

الحل ان شاء الله بسيط ( جاني شخصيا ) وجزاه الله خير دكتور باكستاني في حمد علمني طريقة بسيطة والحمدلله رجع التوازن

بدون دواء ولا شي

فقط التمارين ثلاثة ايام في الاسبوع


والنوم على شكل حرف l الأل

التمارين هي

الاستلقاء على جنب الايمن مدة 20 ثانيه

وبعدها الايسر 20 ثانية

بعدعا على الظهر 20 ثانية

وبعدها ترتفع شوي شوي الا ان تربع وترفع راسك وتخليه مستقيم


ثلاث مرات في اليوم ، وان شاء الله من بعد الله تتشافى


واي استفسار حاضرين

[.Qa6ar]

والدكتور في حمد قابلته في قسم الطوارئ باكستاني جاي من بريطانيا ، والمستغرب في الأمر قبل لأقابله كانوا بيعطوني أبره ههههههه مادري ليش

بس رفضت وخلوني أقابله وحتى هو استغرب من موضوع الأبرة، الزبدة من الكلام علاجها طبيعي ولاتحتاج لأي دواا او أبر

[الخيالة]

السلام عليكم

الله يشافيكم أن شاء الله

الحل ان شاء الله بسيط ( جاني شخصيا ) وجزاه الله خير دكتور باكستاني في حمد علمني طريقة بسيطة والحمدلله رجع التوازن

بدون دواء ولا شي

فقط التمارين ثلاثة ايام في الاسبوع


والنوم على شكل حرف l الأل

التمارين هي

الاستلقاء على جنب الايمن مدة 20 ثانيه

وبعدها الايسر 20 ثانية

بعدعا على الظهر 20 ثانية

وبعدها ترتفع شوي شوي الا ان تربع وترفع راسك وتخليه مستقيم


ثلاث مرات في اليوم ، وان شاء الله من بعد الله تتشافى


واي استفسار حاضرين

مشكور اخوي
يعني كان فيك نفس الأعراض التهاب في الاذن وعدم التوازن والدوخه لدرجة انك ماتقدر تسوق السياره ولي تداوم؟ وممنوع استخدام الجوال وهل خذت ادوية ولي بس استمريت علي هالتمارين وخلاص؟

[.Qa6ar]

مشكور اخوي
يعني كان فيك نفس الأعراض التهاب في الاذن وعدم التوازن والدوخه لدرجة انك ماتقدر تسوق السياره ولي تداوم؟ وممنوع استخدام الجوال وهل خذت ادوية ولي بس استمريت علي هالتمارين وخلاص؟


الله يسلمك ماكان عندي التهاب في الأذن بس كنت مريض وصخونه وقالي هذا من أسبابه بعد لأان في سائل خلف الأذن يتحرك أذا طالعت فوق أو تحت وفي حبيبات صغار

المفروض تطلع من السائل لان هي مسببه عدم التوزان والتمارين تخليها تطلع، والدوخه من أعراضها لا أعرف اطالع تحت ولا فوق لازم مستقيم ولا امشي عدل وكذا كانت كابوس لي، الحمدلله على كل حال

وعندي اوراق شرح لها بحاول ارفقها اليوم او بكره الدكتور عطاني أياها

[.Qa6ar]

لا بدون أدوية فقط استمريت يومين عليها والحمدلله

[الخيالة]

الله يسلمك ماكان عندي التهاب في الأذن بس كنت مريض وصخونه وقالي هذا من أسبابه بعد لأان في سائل خلف الأذن يتحرك أذا طالعت فوق أو تحت وفي حبيبات صغار

المفروض تطلع من السائل لان هي مسببه عدم التوزان والتمارين تخليها تطلع، والدوخه من أعراضها لا أعرف اطالع تحت ولا فوق لازم مستقيم ولا امشي عدل وكذا كانت كابوس لي، الحمدلله على كل حال

وعندي اوراق شرح لها بحاول ارفقها اليوم او بكره الدكتور عطاني أياها

مشكور اخوي جزاك الله خير
الله يشفي جميع المرضي

[طير حوران]

شكرا ع المرور بس عدم التوازن للحين موجود :( مع ان استمرينا ع المضاد الحيوي

اختي العزيزه

التعامل مع هذا المرض ابسط من البساطه والفارق بيننا ان بعض الرجال أحيانا يتعمد تجاهل الاحساس بالمرض بينما من عادة الانثى أنها قوية التدقيق حول ماتعلم به حتى يثبت العكس وشديدة التحسس من أي معاناه ولذلك يجب محاولة تجاهل العلم بالمرض وليس تجاهل الاحساس به

لاأريد أن أقول انسي انك مريضه ولكن اقول طولي بالك ولاتشغلين نفسيتك بالتفكير فيه وسيختفي باءذن الله

تحياتي وكل الامنيات لك بالعافيه

[شتان]

انا رحت حق حندوسه التشخيص ممتاز بس قالي مش من الاذن وانا متأكده انه من الاذن لان فيها الم وطنين
ودوار وباشوف الجفيري

[الخيالة]

شكرًا ع المرور جزاكم الله خير
الله كريم

[المنسى]

الدكتوره الى خبرتك بها هى الافضل ومجربه من كذا شخص وبالتوفيق

[الدوحه1]

حد عنده حل ل "طنين الاذن"؟؟؟؟
اكثر من 5 سنوات وانا اعاني من "طنين الاذن" ماخليت دكتور ماشفته ولكن بدون فايده!!!

[الخيالة]

شكرًا ع المرور جميعا
الله يشفي جميع المرضي

[qatari911]

حد عنده حل ل "طنين الاذن"؟؟؟؟
اكثر من 5 سنوات وانا اعاني من "طنين الاذن" ماخليت دكتور ماشفته ولكن بدون فايده!!!

انا من سنة تقريبا
دوخة وطنين بالاذن وحتى لما اكون نايم على الفراش تصيدني دوخه واحس السرير يدور
طبعا بدايتها كانت اني نمت وانا زعلان وهذا غلط فكنت كاظم الغيض اتذكر اليوم الثاني صحيت من النوم وصوت الطنين في اذني كان قوي صحاني من نومي بس كنت اعتقد صوت عادي وبيروح
>>>>> ليتني انفجرت وتكلمت وضربت ولانمت وفيني غيض

طبعا هذا كلام الطبيب
رحت عند الدكتور ناجي ومافيه فايده صرف مضاد حيوي وحبوب لوقف الصداع والدوخه
بس مافيه نتيجه
وبعد مرمطه رحت عند الدكتور خالد عبدالهادي
وفحص على الاذن والراس من الاورام لاني شكيت
كان تجيني الدوخه اكثر شي الصبح لما اصحى من النوم وكنت اطيح على الارض او اتمسك بالشي القريب مني
ويجيني ظغط من عند الرقبه على الاذن واحس كني بطياره
الفحوصات بالبدايه يقولون سليمها بس بعد كذا فحص طلع عندي الاذن الايسرا ماتفك الظغط مثلا لما تركب طياره او سكرت خشمك ونفخت
عطاني جهاز ليزر ينحط على الراس لمدة 20دقيقه ولازم تكون في مكان هدوء وماتسمع نفس ولازم تنتظم على الاستعمال مثلا حطيت الجهاز الساعه 3 العصر لازم المره الثانيه تحطه بنفس الوقت يكون مثل الفرض عليك <<<<<كلام الطبيب
واستمريت 3اشهر وماجاب نتيجه نفس الاعراض
رجعت للدكتور ورجعت الجهازة وعطاني جهاز صغير نفس جهاز السمع ينحط بالاذن هذا الجهاز يطلع صوت تشويش يغطي على الطنين
والدكتور قالي فيه ناس خف الطنين من عندهم وفيه ناس اختفى الطنين من الاذن نهائي وفيه ناس مازال الطنين موجود
فهي على حسب حالة الشخص
صار لي اسبوع من ركبت الجهاز انزعجت بالبدايه بس تعودت والجهاز ينشال وقت النوم والوضوء
وبكره عندي موعد وفحوصات مره ثانيه ونشوف النتيجة وعلى اساس هالفحوصات ييستمر الجهاز معي لمدة معينة او ينشال عني
اسف على الاطاله
اتمنى اني افيدكم ولو بالشي البسيط
تحياتي لكم

[Qatari In Us]

اتوقع والله العالم انها متلازمة منييرز دوري عنها بالنت وان شاء الله انها مب فيج . اذا مرات تحسين انج بترجعين وفيج رننيين بالاذن وتوبات الدوخة تجي بشكل متقطع وتستمر من دقيقة الى دقيقتين اهتمي بالموضوع اكثر

[ولد العلي]

جزاكم الله خير

[الخيالة]

شكرا ع المرور

[بحر الشمال]

السلام عليكم
اولا اسال الله الشفاء لكم ولجميع مرضى المسلمين
اما بخصوص مشاكل الاذن ومشاكل التوازن يا جماعة انا قبل 4 سنوات جاتني اعراض الدوخة لحد الغثيان وعدم توازن وزغلله في العين وقلة سمع
في الاذن اليسرى وطنين مزعج واصوات مزعجة وراجعت عند الكيالي ومجمع المنصور وتومس وكمال ناجي وحندوسة وفحوصات سمع ورنين مغناطيسي
وتم تشخييص حالتي انها متلازمة منيير او مانر ووصفولي بيتا سيرك للدوخة فقط ما عدا توماس عطاني ادوية مختلفة بس ما جابت اي نتيجة وبعدها قررت
التوجه الى تايلند المستشفى الملكي وبعد الفحوصات تم التشخيص ان المشكلة في اعصاب الاذن بعد عمل 3 فحوصات وهي فحوصات السمع
والتوازن واعصاب الاذن وبعدها تم وصف نوعين من العلاج وهو الريفوتريل 5 مج وفيتامين b12 لمدة 3 شهور وبعدها اللهم لك الحمد والشكر تحسنت حالتي
واختفى الدوار وصرت ما اسمع صوت الطنين الا نادر بس السمع للاسف ما رجع وعلى كلام الدكاترة ان صعب يرجع بسبب اصابة العصب
عموما حبيت ابين ان للاسف الدكاترة عندنا مع احتارمي لهم مب على الكفاءة المطلوبة لذا اختي الكريمة انصحج اتروحين اما تايلند او بانجلور لاني سمعت ان العلاج عندهم ممتاز لا تخلين الدكاترة الي عندنا يلعبون ويجربون فيج واسال الله الشفاء لج ان شاء الله

[الخيالة]

مشكور اخوي
الله يشفي جميع المرضى ويشفي مريضنا