اليوم وقعت عقد محل لمغسلة ملابس ،،،،،،،،،

[سايق_الخير]

مثل ماهو مكتوب في العنوان ، ولكن المحل يبيلة شوي تعديل و تصليح
وديكور عندي شوي اسئلة ، وﻻ استغني من النصائح .
. وين اماكن المغاسل الكبار (اماكن شرائها ) ؟
. وﻻ اشتريها من دبي او الرياض ؟
. هل اضبط المحل و اعطيه هندي و اخذ منه كل شهر ؟ و كم اخذ ؟ وﻻ اشغل عمال؟

ﻻتوجد لدي خبرة في المغاسل ولكن ان شاءالله بنجح
نصايحكم ؟:shy:

[سايق_الخير]

معقولة 24 ساعة وï»» رد .

[مذحج]

السلام عليكم ورحمة الله وبركاته

مساإآك الله بالخير اخوي سايق الخير

اول شي بالمبارك ع المحل واسأل الله ان يوفقك فيه

بالنسبه لأسئلتك :

لاتشتري اي معدات من الخارج اشتر من المحلات الموجوده في قطر .. عشان الضمان والسيرفس

والمعدات على حسب المحل اللي تبغي تفتحه ان كانه دوبي فريج عادي والمقصد منه ثياب وغتر فما يحتاج مغاسل كبار مغاسل عاديه تمشيه ...(اذا كان من هالنوع راسلني ع الخاص ادلك على معدات رخيصه وزينه )

واذا كان المحل على شارع عام والمقصد منه عقود فنادق وما الى ذلك عندك محل بعد سناء اللي عند جسر ابو عبود يبيع كل المعدات حق المغاسل ...


وبالنسبه للعمال كان من المفروض ايجاد العماله قبل توقيع العقد ... لأن المهم في المحل العماله .. لأنه صعب تحصل عماله في هالوقت ..


ولكن :

افتر على المغاسل وشوفهم ممكن يكون عندهم احد اللي يدير لك المحل ويكون عنده خبره في الغسيل ( اهم شي شخص يدير لك المحل يكون عنده خبره في الغسيل والكوي اما الباقي عمال هو يعلمهم)

واذا ماحصلت جيب لك عمال ووزعهم ع المغاسل مجانا يشتغلون عندهم لمدة عشرة ايام الى عشرين يوم يتعلمون الغسيل والكوي ويبدون بعدها عندك في المحل ,, اهم شي واحد يديرهم يعرف الشغله

ومبدئياً حاول تحصل احد يشتغل بإعاره الى ماتخلص موضوع الفيز وادارة العمل عقبها تجيب على كفالتك ,,

وانصحك بالهنود اللي من منطقة (يو بي ) تخصصهم مغاسل وكوي

اما الهنود اللي من مناطق ثانيه ما يعرفون للغسيل


واسمحلي ع الاطاله



وانصحك مر على اخوي شموخ دايم وخذ رأيه


بالتوفيق

[شموخ دائم]

,

مرحبا

مبروك المكان الله يجعله فاتحه خير في مجال البزنز

مذحج

هلا فيك ما شاء الله على ردك كافي ووافي واسمك يثير فيني الفضول لمعناه وشكرا على الاطراء

خطك يشبه خطي كثير
:)
شكيت ان انا انت وانت انا

بلخص النقاط المهمه برد اخوي المميز

1- العامل الخبره في التعامل مع الزبائن
2- المكينات يستحسن لها وكيل بقطر
3- حجم العمل وخطتك
4- نظافه المكان
5- السعر المعقول
6- عماله هنديه
7-عمل تغليف بلاستيك خاص باسم المكان


حدد خط العمل للمنطقه الي حولك او لك خطه موسعه
على الشركات والفنادق وسكن الموظفين
وعليه نقرر نوع وحجم المكائن




,


,


اخوك

شموخ دائم

[سايق_الخير]

اشكر مرورك اخوي مذحج و اخوي شموخ
كنت أنتظر مرور ناس مثلكم و فعلا بتكون آرائكم قاعدة
و ان شاء الله اليوم بأخذ العمال اللي بي يصبغون و يعملون بعض الديكورات

و لي عودة اخبركم بالحاصل
ما استغني عن آرائكم

[هتااان 77]

بالتوفيق

[سايق_الخير]

بالتوفيق

شكرآ جزيلاً

[سايق_الخير]

جاري عمل ديكورات للمحل .

[شموخ دائم]

,

,

مرحبا

متابعين معاك والله يوفقك

ياريت نعرف اخر التطورات ويكون هذا الموضوع
عملي من الاستشاره الى خطوات التنفيذ وتعم الفائده للجميع

,

,

اخوك

شموخ دائم

[GWU]

ودي اعرف وين وصلت ياخوي في مشروعك .. وهل واجهتك اي مشاكل سواء كبيره او صغيره ؟

[مابدل العادات]

بشرنا اخوي وش صار على المشروع ومن وين خذت المكاين والعمال

والله يوفقك ان شاء الله

[abuammar]

الله يجزيكم خير لكل الاعضاء على ردودهم المفيده

[بوفاطمه]

اول حاجة :مبروك على المحل الجديد.
ثانيا:خذ مكاين عدة الغسيل من قطر احسن ،للصيانة والخدمات.
ثالثا:نفس ماتفضل اخوي مذحج خذ من العمال يوبي .
بالتوفيق

[هندسة]

بالتوفيق ان شاء الله