رايكم في القبو كمجلس وصاله ؟

[الحمر]

السلام عليكم
عندي أرض 450 متر وبغيت أستغل المساحة عدل بس المشكله ان الارض صغيرة و مستطيله 14 في 32

بغيت أربع غرف فوق ثنتين ماستر وثنتين بحمام مشترك
وتحت صاله عائلية ومجلس حريم وغرفة ضيوف وغرفة طعام
خلف البيت مطبخ غرفة خدامة ولندري رووم
وبنت هاوس غرفة وحمام
أذا حد عندة خرايط او اقتراح يساعدني

السؤوال هو أين يكون مجلس الرجال؟
لذلك قررت ان اسوي مجلس الرجال في القبو ويكون له مدخل من واجه البيت للمجلس دايركت ومدخل من داخل البيت يكون للصاله الي في القبو الي هو بيكون الدرج العادي للبيت في النهايه بيطلع عندي مجلس كبير ومقلط وصاله فهل هذا ممكن

القبو بيكون مجلس كبير للرجال و صاله . فبغيت نصايحكم


لحد يقولي سو مجلس برع لان الارض صغيرة والحوش وبيكون صغير و المجلس صغير

[MAZEN37]

انصحك ما تسوي ملحق وانت بكيفك

[الحمر]

انصحك ما تسوي ملحق وانت بكيفك

مين قال ملحق الله يرضي عليك

ان زين اذكر الأسباب حتي تعم الفائدة
وجزالة الله خير

[كب كيك]

السلام عليكم اخوي ..انا عن نفسي سويت مجلس في القبو مع غرفة طعام هذا قسم والقسم الثاني سويت غرفة اللاندري وغرفة للكوي بمساحات صغيرة وفي سلم يأخذك على الدور الارضي ومنه الى فوق . لأن مساحة ارضي صغيرة 560 متر وطلعت جدا رائعة .والفكرة ممتازة اخوي توكل على الله وعموما انا ماسويت ملاحق خلفية لصغر الارض .اللهم غرفة الشغاله في البنت هاوس مع الحمام . لان اذا بسوي ملاحق بضطر اجدم الارض قدام فماراح تصير في مساحه ((حلوه ))للسلم الخارجي اللي ينزلك ع البسمنت (القبو)

[العرّاف]

مويد للقبو وبقوة :nice:.. اذا ارضك صالحة طبعا .. وانصحك بالانجليش بيسمنت ... شوف هالصور عشان تستفيد

http://www.houzz.com/english-basement

شوف الصورة الثانيه .. مدخل البيت نفس الي انت تبيه

الزبده اذا عندك مساحه سو خندق جدام للبيت لدرج مدخل المجلس وللشبابيك وحط له درابزين حماية عشان محد يطيح وسو جسر سلم لمدخل البيت الدور الارضي راح تحس ان البيسمنت دور طبيعي حاله حال الادوار الثانيه

[MAZEN37]

مين قال ملحق الله يرضي عليك

ان زين اذكر الأسباب حتي تعم الفائدة
وجزالة الله خير
حبيبنا الحمر انت تقول افكر اسوي غرفه خدامه ولندري ومطبخ خلف البيت هذا شيسمونه استراحه الي اعرفه اسمه ملحق خارجي للفيلا
ونصيحتي انك ماتسوي ملحق خلف البيت علشان ماتخسر مساحه وتكبر مساحة الفيلا وتستغل الدور الثاني ويكون عندك مساحه قدام البيت

[الدبلوماسي]

الدور الارضي خل مساحته صغيره اما الاول كبر قد ماتقدر من المساحه وكذالك البنت هاوس عشان تستفيد من مساحه الحوش هالنقطه انا اهملتها وتحسفت قد شعر راسي وفكره القبو ممتاززه جدااا عشان تستفيد من مساحه زيادة

[Aaziz]

الخرايط و التصاميم كثيره ،، و ماراح تتعب فيها .. برد عليك بخصوص البيسمن مع اني مش صاحب تجربه .

اول شي تاكد من الارض ،، هل فيها مشكله مياه جوفيه و تسريب او لا ؟ زغوى و الخريطيات و عين خالد ،، لاتفكر تسوي بيسمن نهائيا . يبقى سؤالك عن منطقتكم .

بخصوص البيسمنت ،، قبل فتره كنت ادردش مع شخص كويتي و الكويت معروفه بالبيسمنت في اغلب بيوتهم وهم ضليعين في هذا المجال .

يقول لي البيسمن صار عندنا اساسي والبيسمن عباره عن مجلس رجال بالدرجه الاولى و احيانا يستغل للرجال و النساء

الشغله الثانيه ان البيسمن عندهم سابقا بدون درايش بمعنى انه يكون تحت مستوى الارض تماما ،، اما حاليا صار البيسمنت ظاهر فوق مستوى الارض بمتر تقريبا و الدور الاول مرتفع عن الارض بمستوى مقبل بحيث يكون عباره عن درجات قليله .
و السبب في جعل البيسمنت مرتفع عن مستوى الارض هذا بسبب انم يبون درايش (مثل الصور المرفقه في مشاركه الاخ الكريم فوق)
مدخل البيسمنت يكون مغطى بحيث مايدخل ماء المطر .
و يقول لي سابقا كان البيسمنت بدون اجلكم الله حمامات و ذلك لعدم تطور تقنيات المضخات و الجوده رديئة ،، لان الحمام اذا كان في البيسمنت يحتاج مضخات تدفع السوائل من مستوى نازل (البيسمنت) الى مستوى مرتفع (للمجاري) يقول اما الان فالمظخات تطورت و عليها ضمان ليستمر لسنوات طويله .

خلاصه الكلام سو بيسمنت اذا طبيعة ارضك تسمح بدون تردد

[(عبدالله)]

فكرة البيسمنت في ظل صغر مساحة وغلاء الأرض مجدية جداً

أنا عملت بيسمنت في أرضي عبارة عن طابق كامل يشمل: مجلسين واستقبال وصالة كبيرة متعددة الاستخدام ومخزن طويل الأجل وعزك الله حمام

نصيحتي لك تقلل من وضع استخدام المياه والصرف الصحي، مثلاً اللاندري لا تحطه في البيسمنت لأن المضخة تحتاج إلى تغيير مع كثرة الاستعمال.

نصيحتي الثانية: اختار الاستشاري الصح اللي له خيرة في عمل البسيمنت واحرص انه يوجه المقاول ويحط في العقد عزل كامل للبيسمنت.. اذا الارض فيها ماي بتتأذى واذا مافيها ما تضمن ما تجيك بعدين مثل ما صار في الخريطيات والعبيب ومعيذر وعين خالد



والله يوفقك

[Bozizoo]

اخوي طرش لي ايميلك وبعطيك فكره للملحق
تظيف لك مساحات للفيلا
مع فكرتك و كلامك انك تسوي بيسمنت مجلس

[ضوى]

مويد للقبو وبقوة :nice:.. اذا ارضك صالحة طبعا .. وانصحك بالانجليش بيسمنت ... شوف هالصور عشان تستفيد

http://www.houzz.com/english-basement

شوف الصورة الثانيه .. مدخل البيت نفس الي انت تبيه

الزبده اذا عندك مساحه سو خندق جدام للبيت لدرج مدخل المجلس وللشبابيك وحط له درابزين حماية عشان محد يطيح وسو جسر سلم لمدخل البيت الدور الارضي راح تحس ان البيسمنت دور طبيعي حاله حال الادوار الثانيه

عجيب الموقع بالفعل افكار ابداعية

[captin]

مرحباً اخوي

فكرة ألبيسمنت ممتازة واستغلال امثل لمساحة الارض

أنصحك روح لمكتب استشاري كبير يسوي لك المخططات واصرف عليها شوي
لان التصميم المعماري سهل وبتسوي اللي يعجبك لكن يبقى التصميم الإنشائي
هو الأهم من ناحية توزيع الأحمال والجسور .

أنصحك اذا قدرت تشوف تصاميم الفلل في الكويت لان الاراضي هناك ما تزيد
على 400 متر مربع ومعظم إخوانا الكويتيين يسوون بيسمنت في فللهم ومنها
مجالس ومناطق خدمات وغرف خدم الخ .

[MAZEN37]

اذا تعرف مسجد الشيخ ثامر بالغرافه تعال هناك وبخليك تشوف فيلا على الطبيعه فيها بيسمنت لكن من الااااخر والفيلا لا تعدى 400م

[Bozizoo]

بس في ملاحظه المساحه الاجماليه للبناء المفروض لا تتجاوز عن 1.3 *مساحة الارض
يعني ارضك 500 *1.3 = 650متر مربع
لو على سبيل المثال الدور الارضي الارضي 250 متر مربع و الاول 250 و البيسمنت 250
مجموعه المساحه الكلية =750 متر مربع يعني انت تجاوزت المساحه على حسب التخطيط
ولا تنسى باقي البنت الهاوس بعد.

[ولد شرق]

السلام عليكم
عندي أرض 450 متر وبغيت أستغل المساحة عدل بس المشكله ان الارض صغيرة و مستطيله 14 في 32

بغيت أربع غرف فوق ثنتين ماستر وثنتين بحمام مشترك
وتحت صاله عائلية ومجلس حريم وغرفة ضيوف وغرفة طعام
خلف البيت مطبخ غرفة خدامة ولندري رووم
وبنت هاوس غرفة وحمام
أذا حد عندة خرايط او اقتراح يساعدني

السؤوال هو أين يكون مجلس الرجال؟
لذلك قررت ان اسوي مجلس الرجال في القبو ويكون له مدخل من واجه البيت للمجلس دايركت ومدخل من داخل البيت يكون للصاله الي في القبو الي هو بيكون الدرج العادي للبيت في النهايه بيطلع عندي مجلس كبير ومقلط وصاله فهل هذا ممكن

القبو بيكون مجلس كبير للرجال و صاله . فبغيت نصايحكم


لحد يقولي سو مجلس برع لان الارض صغيرة والحوش وبيكون صغير و المجلس صغير

اخوي لاتعصب اول شي
اولا انت تبغي قبو وبيتك مايستحمل مجلس بره في الحوش يعني ماعندك بديل للقبو فليش تبغي راينا؟
انت ادرى بمتطلبات بيتك وانا اخوك

[الحمر]

مويد للقبو وبقوة :nice:.. اذا ارضك صالحة طبعا .. وانصحك بالانجليش بيسمنت ... شوف هالصور عشان تستفيد

http://www.houzz.com/english-basement

شوف الصورة الثانيه .. مدخل البيت نفس الي انت تبيه

الزبده اذا عندك مساحه سو خندق جدام للبيت لدرج مدخل المجلس وللشبابيك وحط له درابزين حماية عشان محد يطيح وسو جسر سلم لمدخل البيت الدور الارضي راح تحس ان البيسمنت دور طبيعي حاله حال الادوار الثانيه

المهندس قال راح يسوي المدخل مع بداية واجه البيت يعني راح ياخذ مساحة درج دخول البيسمنت من مجلس الحريم الي في الدور الارضي .

[الحمر]

الدور الارضي خل مساحته صغيره اما الاول كبر قد ماتقدر من المساحه وكذالك البنت هاوس عشان تستفيد من مساحه الحوش هالنقطه انا اهملتها وتحسفت قد شعر راسي وفكره القبو ممتاززه جدااا عشان تستفيد من مساحه زيادة

أشلون تصغر الارضي وتكبر الاول ؟ مب الاول مبني فوق الارضي يعني بيكون نفس الحجم او اصغر

[الحمر]

الخرايط و التصاميم كثيره ،، و ماراح تتعب فيها .. برد عليك بخصوص البيسمن مع اني مش صاحب تجربه .

اول شي تاكد من الارض ،، هل فيها مشكله مياه جوفيه و تسريب او لا ؟ زغوى و الخريطيات و عين خالد ،، لاتفكر تسوي بيسمن نهائيا . يبقى سؤالك عن منطقتكم .

بخصوص البيسمنت ،، قبل فتره كنت ادردش مع شخص كويتي و الكويت معروفه بالبيسمنت في اغلب بيوتهم وهم ضليعين في هذا المجال .

يقول لي البيسمن صار عندنا اساسي والبيسمن عباره عن مجلس رجال بالدرجه الاولى و احيانا يستغل للرجال و النساء

الشغله الثانيه ان البيسمن عندهم سابقا بدون درايش بمعنى انه يكون تحت مستوى الارض تماما ،، اما حاليا صار البيسمنت ظاهر فوق مستوى الارض بمتر تقريبا و الدور الاول مرتفع عن الارض بمستوى مقبل بحيث يكون عباره عن درجات قليله .
و السبب في جعل البيسمنت مرتفع عن مستوى الارض هذا بسبب انم يبون درايش (مثل الصور المرفقه في مشاركه الاخ الكريم فوق)
مدخل البيسمنت يكون مغطى بحيث مايدخل ماء المطر .
و يقول لي سابقا كان البيسمنت بدون اجلكم الله حمامات و ذلك لعدم تطور تقنيات المضخات و الجوده رديئة ،، لان الحمام اذا كان في البيسمنت يحتاج مضخات تدفع السوائل من مستوى نازل (البيسمنت) الى مستوى مرتفع (للمجاري) يقول اما الان فالمظخات تطورت و عليها ضمان ليستمر لسنوات طويله .

خلاصه الكلام سو بيسمنت اذا طبيعة ارضك تسمح بدون تردد

يعطيك العافية علي الرد

[الحمر]

فكرة البيسمنت في ظل صغر مساحة وغلاء الأرض مجدية جداً

أنا عملت بيسمنت في أرضي عبارة عن طابق كامل يشمل: مجلسين واستقبال وصالة كبيرة متعددة الاستخدام ومخزن طويل الأجل وعزك الله حمام

نصيحتي لك تقلل من وضع استخدام المياه والصرف الصحي، مثلاً اللاندري لا تحطه في البيسمنت لأن المضخة تحتاج إلى تغيير مع كثرة الاستعمال.

نصيحتي الثانية: اختار الاستشاري الصح اللي له خيرة في عمل البسيمنت واحرص انه يوجه المقاول ويحط في العقد عزل كامل للبيسمنت.. اذا الارض فيها ماي بتتأذى واذا مافيها ما تضمن ما تجيك بعدين مثل ما صار في الخريطيات والعبيب ومعيذر وعين خالد



والله يوفقك

هل راح يأثر اذا الارض جاتها مياه جوفية بعدين مع وجود العازل؟

[الحمر]

مرحباً اخوي

فكرة ألبيسمنت ممتازة واستغلال امثل لمساحة الارض

أنصحك روح لمكتب استشاري كبير يسوي لك المخططات واصرف عليها شوي
لان التصميم المعماري سهل وبتسوي اللي يعجبك لكن يبقى التصميم الإنشائي
هو الأهم من ناحية توزيع الأحمال والجسور .

أنصحك اذا قدرت تشوف تصاميم الفلل في الكويت لان الاراضي هناك ما تزيد
على 400 متر مربع ومعظم إخوانا الكويتيين يسوون بيسمنت في فللهم ومنها
مجالس ومناطق خدمات وغرف خدم الخ .

اشلو ن الواحد يقدر يطلع المخططات حق الكويت عندك منتدي كويتي في مثل هاي الخرايط

وجزاك الله خير

[الحمر]

اذا تعرف مسجد الشيخ ثامر بالغرافه تعال هناك وبخليك تشوف فيلا على الطبيعه فيها بيسمنت لكن من الااااخر والفيلا لا تعدى 400م

صراحة بيكون شي حلو ممكن توصفلي الفله مكانها بالضبط

وشكرا

[الحمر]

اول مرة اسمع هاي الكلام
امس كنت عند المهندس وماطرا هاي الكلام

بتأكد منه وشوف

[الحمر]

اشلو ن الواحد يقدر يطلع المخططات حق الكويت عندك منتدي كويتي في مثل هاي الخرايط

وجزاك الله خير


بس في ملاحظه المساحه الاجماليه للبناء المفروض لا تتجاوز عن 1.3 *مساحة الارض
يعني ارضك 500 *1.3 = 650متر مربع
لو على سبيل المثال الدور الارضي الارضي 250 متر مربع و الاول 250 و البيسمنت 250
مجموعه المساحه الكلية =750 متر مربع يعني انت تجاوزت المساحه على حسب التخطيط
ولا تنسى باقي البنت الهاوس بعد.
اول مرة اسمع هاي الكلام
امس كنت عند المهندس وماطرا هاي الكلام

بتأكد منه وشوف

[(عبدالله)]

أرضي كانت عبارة عن بحيرة لما حفروا فيها
المقاول سحب الماي ونشف الأرض وبنى جدار وأرضية بوكس المنظر صار كأنه صندوق مفتوح من فوق، عزله من الجهتين وكلفه كثير، وبعد العازل من برع صف طابوق حماية عشان الزوايا الحادة للحصى ما تشقق العازل.

الحمدلله الآن صار لي سنة على هالوضع وبتوفيق الله مافي أي مشكلة او تسرب

الموضوع فيه خطورة ويحتاج إلى تعاون بين الأطراف الثلاثة: الاستشاري (يكون فاهم وخبير) والمقاول (يكون شاطر ومتمكن) والمالك (ما يقصر بالفلوس في حدود المعقول)

هل راح يأثر اذا الارض جاتها مياه جوفية بعدين مع وجود العازل؟

[Bozizoo]

اول مرة اسمع هاي الكلام
امس كنت عند المهندس وماطرا هاي الكلام

بتأكد م8نه وشوف
اخوي انا رايح بنفسي بلدية الوكره قالوا هذا الكلام .

[العرّاف]

عجيب الموقع بالفعل افكار ابداعية

:ok:


اخوي انا رايح بنفسي بلدية الوكره قالوا هذا الكلام .

اول مرة اسمع هالكلام .. واعتقد غير صحيح .. او على حسب البلديات

عموما انا ارضي بروضة الحمامة مساحة 1320 م2 ومساحة البنيان عندي مع البيسمنت 1850 م2 (البيسمت منه 650 م2) ولا حد كلمني عن هالموضوع فقط الارتفاعات والارتدادات ... وانا الحين قاعد ابني

وعلى حسبتك مفروض حدي 1320*1.3= 1716 م2

[MAZEN37]

صراحة بيكون شي حلو ممكن توصفلي الفله مكانها بالضبط

وشكرا
مسجد الشيخ ثامر بالغرافه في نفس منطقة مسجد الشيخ عيد
هو بالظبط غرب مسجد الشيخ ثامر هم تقريبا 5 فلل جداد توهم خالصين وفيهم ناطور تقدر تشوف من داخل براحتك ومشاهدين شمال واسم الشارع سكة جاسم
وفالك التوفيق

[Stars]

ممكن تنصحونا بمكتب استشاري ممتاز لعمل البيسمنت

[الحمر]

اشلو ن الواحد يقدر يطلع المخططات حق الكويت عندك منتدي كويتي في مثل هاي الخرايط

وجزاك الله خير


مسجد الشيخ ثامر بالغرافه في نفس منطقة مسجد الشيخ عيد
هو بالظبط غرب مسجد الشيخ ثامر هم تقريبا 5 فلل جداد توهم خالصين وفيهم ناطور تقدر تشوف من داخل براحتك ومشاهدين شمال واسم الشارع سكة جاسم
وفالك التوفيق

رحت شفتها فلل حلوة بس مشكلته خلا البيسمنت كله غرف ماطلع حلو

في فله روعه في ام صلال علي راعيها من العمادي سوى شي خيالي على ارض ظ¤ظ¥ظ* خلها من تحت غرفتين على الزويا والباقي كله مفتو على بعض

[Bozizoo]

في فيلا في معيذر فيها بسمنت

[Bozizoo]

:ok:



اول مرة اسمع هالكلام .. واعتقد غير صحيح .. او على حسب البلديات

عموما انا ارضي بروضة الحمامة مساحة 1320 م2 ومساحة البنيان عندي مع البيسمنت 1850 م2 (البيسمت منه 650 م2) ولا حد كلمني عن هالموضوع فقط الارتفاعات والارتدادات ... وانا الحين قاعد ابني

وعلى حسبتك مفروض حدي 1320*1.3= 1716 م2
اخوي قلت لك انا رحت بنفسي بلديه الوكره وسالت
ويقولون قانون جديد .