هل تتجرأ تقول لشخص انه صكك عين؟؟

[رهج السنابك]

اذا تأكدت ان حد صكك عين اصليه ماكينه المانيه
وهالشخص معروف بالعين بين الناس
لكن هو نفسه مايعرف يعني الناس مجربته اكثر من موقف تثبت انه عينه حاره
هل تسك تعاني او تتجرأ تقول له توضى لي؟
شخصيا اعاني من وحده قريبه لي
قالتها لي صراحة انتي يافلانه كيت و كيت
من عقب كلمتها ماترقعت كل ماصار لي موضوع نفس الي هي تكلمت فيه يفشل
ويفشل بطريقه غريبه
الحين خمس مرات ورا بعض من عقب كلمتها ولا توفقت
وامي واختي كانوا حاضرات وكلهم اكدوا لي انه عين فلانه
خذت من اثرها واغتسلت بالماي لكن ما تعدل الوضع
رغم انه الثابت واليقين هو الوضوء وليس اخذ الاثر
لان الحادثه الي صارت بزمن الرسول طلب الرسول من العائن الوضوء وماطلب منه الاثر

ومافي طريقه اطلب منها تتوضى لي لانها بتزعل وايد وتنجرح
فشنو الحل؟ وهل حد مر بموقف وتعدل وضعه من اخذ الاثر فقط؟؟؟

[بصمة قطرية]

الله يكون في عونج
وحدة من قرايبي صار لها موقف قريب
مع وحدة قريبة
قالت لها كلمة من بعدها البنت ما ترقعت
المشكلة البنت مريضة وشوي تحسنت صحتها
صكتها بعين لا حول ولا قوة إلا بالله
المهم كنت ماخذة ثرها اللي قطت الكلمة
لأني شاكة إنها سبب في مرضها
جاتني البيت و أصب عليها الماي من راسها لين ريلها
الحمدلله
والله لو تشوفينها تقولين كذابة مستحيل خلال ساعتين تغير حالها
يفضل الماي مقري فيه

[غير البشر]

الله يبعد عن العين ويحرسج ويحميج

بخصوص موضوعج بصراحه ناس قليله الي تتجرأ

لكن الطريقه الي دارجه ومعظم الناس يسوونها
يضيفونها عندهم ويعطونها ماي او عصير او غسال
وبعد ماتروح او يشيلون العصير والماي
ياخذونه منها ويغسلون بع وجع المصابه بالعين او تشرب العصير من بعدها


لو تروحين لها وتقولين لها ابي كذا منج لانج عطتيني بعين
راح تاخذ منج موقف انا عيني بارده ومش حسوده وطلاطيش كلام

المشكله انتي عارفته

المشكله الثانيه غير العين هي فزه القلب
يعني يفز قلب الشخص لشي معين عند الشخص الثاني
هذي شلون تعرفون فزه قلب من :rolleyes2:

[غير البشر]

ملاحظه الاستقراطيه

اذا شفتيني كاتب شي زين او كلمه اعجبتج

لاتعطيني بعين قولي ماشاء الله عليك غير البشر :shy:

[musel999]

مره واحد من الربع كان راكب معاي قالي بوناصر اقول شغله قلته قول تفضل
قالي ياخي انت من يوم عرفتك ماسويت حادث هب ماكنك تسوق في الدوحه
قلت له قول ماشاء الله
قالي ماراح اقول انت مايصيدك شي
هالكلام كان الساع تسع في الليل تقريبا
اليوم الثاني الصباح وانا رايح الدوام تكنسل في موتري جنب كامل الا الرفرف الي قدام يعني بابين ورفرف ورى حرام الموتر كان موديل السنه ظ¢ظ*ظ*ظ¨
نزلت من الموتر قبل لا اتصل للشرطه قبل لا اتصل لا اي احد يجيني كلمت الرجال قلت له حسبي الله عليك
تعذر والله وقالي قضاء وقدر ومو مقصوده

[بريق الحق]

جزاج الله خير على طرح الموضوع
اول شي الواحد ياحافظ على الاذكار ويستعين بالله
وموضوع اقول حق واحد معروف بالعين اي بقوله واذا رفض الرجال بحاول اجيبه بطريقه ثانيه

[aziz4z]

الله يبعد عنج الشر و يحفظك من كل حاسد
تقريبا قصة مشابهة لقصتك , واحد من ربعي الله منعم عليه , واحد يزورهم كل مرة , وهاالرجل كله حسد , و في كل مرة رفيجي يقولي , بكرة راح يصير شيء , و سبحان الله صج يصيرله خسارة كبيرة . و بعدين قاله صراحة أنت قلبك كل حسد , كيت و كيت , و ابتعد عنه , و ماعاد يشوفه أبدا و لا حتى ذكرى , و الحمد لله
اقرأي المعوذات كل مساء و صباح , و خليلج ورد يومي من القرآن و أقل شيء قبل صلاة الفجر ركعتين , و راح تحسين بنفسج
الله يحفظك من كل مكروه

[Right]

مو أقوله بس إلا أبط عيونه



المشكلة إذا مطوع وينظل .. شلون تركب مادري؟! :unsure:

[ابوعلي]

ذكرتيني اختي بمواقف من كم يوم بالشغل كنت اتريق مع واحد من الربع بمكتبي ودخل علينا الموظف وتم يسولف ومن بعد هالريق اختفى رفيجي ولما سألته يقولي من بعد الريوق ما ترقع من الم البطن فاستغربت لو الاكل فيه شي كان صادني مثله ولكن قال السبب هالموظف لان يعرفه ان عينه حاره

وقلت له باطلب الموظف حتى يقرا عليك ولكن قال ان بيزعل وخاصة ان يقرب له

والي عليج انج ترقين نفسج وتقرين الاذكار وبنفس الوقت وصي الي حولج ويعرفونها ان ياخذون شي منها واشربي وامسحي وماعليج شر ان شاء الله

[حسن]

ذكرتيني اختي بمواقف من كم يوم بالشغل كنت اتريق مع واحد من الربع بمكتبي ودخل علينا الموظف وتم يسولف ومن بعد هالريق اختفى رفيجي ولما سألته يقولي من بعد الريوق ما ترقع من الم البطن فاستغربت لو الاكل فيه شي كان صادني مثله ولكن قال السبب هالموظف لان يعرفه ان عينه حاره

وقلت له باطلب الموظف حتى يقرا عليك ولكن قال ان بيزعل وخاصة ان يقرب له


والي عليج انج ترقين نفسج وتقرين الاذكار وبنفس الوقت وصي الي حولج ويعرفونها ان ياخذون شي منها واشربي وامسحي وماعليج شر ان شاء الله



بوعلي انت ماشاء الله عليك محصن ماتقضك الرصاصه تمر عليك من يمين وشمال

[ابوعلي]

بوعلي انت ماشاء الله عليك محصن ماتقضك الرصاصه تمر عليك من يمين وشمال

ههههههههههه

وهقتنا الارستقراطية بموضوعها:tease:

[خزامئ]

الله يجيرنا من اذا الموذي
اذا كان شخص عاقل ومتفهم ممكن اقول له
وذا شخص نص عقل باحاول اخذ من اثره مثل مامرنا الرسول عليه الصلاه والسلام
فيه طريقه اسويها في الي ماقدر اخذ غسالهم
اني اصافح الشخص وتم ماسكه يده شوي بدون مايحس وتعرق يده في يدي
واغسل يدي في ماعون وارشه فوق ضهري وغسلي وجهي واحول اشرب منه

[ام ناصر1]

وحده معانا بالشغل عانت من هالشي ....كل الي سوته عزمت فلانه على قهوة الصبح مع كوب ماي ...خذت بواقي الماي الي اشربت منها
وشفت من اثر العين

[قلم صادق]

الله يعينج .. والله يحفظنا من هالناس اللي ماتذكر الله ..

يقول ابن جبرين رحمه الله:
من كان به عين ولم يعرف من الذي أصابه بالعين ولم يستطع أن يأخذ من أثره؛
ومن كان به حسد ولم يذهب عنه
ومن كان به سحر ولم يفك سحره
فعليه أن يأخذ إناء فيه ماء يقرأ هو بنفسه:
الفاتحه سبع مرات
وآية الكرسي سبع مرات
وأول خمس آيات من سورة البقرة سبع مرات
وسورة الكافرون سبع مرات
والإخلاص سبع مرات
والفلق سبع مرات
والناس سبع مرات
فيشرب منه ويغسل به جسده
حتى ينتهي ماؤه ولا يبقى منه شي
يفعل ذلك في الصباح
وفي الظهر أيضا يحضر ماء ويقرأ
فيه من سبع مرات فيشرب ويغتسل
ويفعل ذلك أيضا في المغرب يحضر إناء يقرأ فيه فيشرب ويغتسل
ثلاث مرات في اليوم
لمدة ثلاثة أيام متوالية
علما بأن كل مرة يحضر ماء جديد يقرأ فيه من جديد يشرب منه ويغتسل يفعل ذلك باليقين أن الشافي هو الله
فمن كان به عين خرجت من جسده
ومن كان به حسد ذهب حسده
ومن كان به سحر فك سحره أياً كان هذا السحر وفي أي مكان كان .

اعملوا بها بيقين تام وان شاء الله الشفاء من رب العالمين

[alsoq]

نعم امسكه واخليه يتوضى بالماء
اذا كنت اعرف الشخص بس تجيه بطريقه سلسه لانه بيرد عليك يا ابن الحلال مو انا انا عيني بارده:)

[ام السعف]

لو كانت قريبة وايد مثل اختي او وحدة امون عليها وبتستحمل كلمتي
بقول له يا اختي صار لي كذا وكذا تعالي واذكري الله علي ،،

اما لو وحدة احس لو قلت لها بتزعل وبتنقهر احاول اخذ من اثرها،،

[Aaziz]

انتي يؤجر الي يصكج عين

[مهرة]

ههههههههههه هههههههههههه هههههههههههه حلوة حلوة وخاطري أجربها ..:happy:

بس مرات أقط نغزات وتنفهم ويعرفون زين انهم المقصودين ..

[مهرة]

وحده معانا بالشغل عانت من هالشي ....كل الي سوته عزمت فلانه على قهوة الصبح مع كوب ماي ...خذت بواقي الماي الي اشربت منها
وشفت من اثر العين



انزين يام ناصر لو بغيت مثلاً اسوي نفس الي قلتيه وهالبنية مجرد زميلة اشلون اقدر أقنعها او اعزمها وشسوي بالضبط اضا قدرت اخذ من الي باقي في قلاصها ويمكن مايكون ماي يمكن قهوة عصير !! شاسوي ممكن تنصحيني ؟؟

[shadad]

حلوه هل اتجرأ هذه ههههه .

اعطيه بوسط الجبهه. وعلى طول اقوله اذكر الله. خصوصا هذول العصاقيل او المتان ابو يوم في صالة الحديد. مرة كنت العب جنب واحد تم يطالعني طول التمرين ! طير تركيزي برا الدريشه. تخيل ارفع الوزن واشوف ويهه بين الدنابل هههه والله اكلمك جد. عاد شوف انت شيقول في باله : اوف اوف ..بل ..كل هاي يرفعه ..اخ بس ليتني مثله ..

ما اقولك احنا نقط كل شي على هاي الموضوع بس ..تعرف ..العين حق . وعادي جدا يوم اقول لواحد اذكر الله يرد ويقول ما شاء الله . روح رياضيه. المشكله يوم اللي يطالعك ويقزك من ديانه ثانيه هاي شقول له ؟؟؟ ههههه .

وشكرا لك على الموضوع الحلو .

[qatari_xp]

الموضوع بسيط قوليلها

بشكل مباشر سوري يعني انفثي علي من باب الميانه والصداقه وان مافاد قربي منها شعثا خليها تضرب فيه وتغسل في مله وانتي عارفه الباقي

واهم شي لاتنسين الاذكار صباحا ومساءا

[ضوى]

صادتني العين مرتين ومن ناس قراب واايد وماقدرت اقولهم ، جبت مطوع وقرا علي لمدة ثلاث ايام والحمد لله رقيت نفسي بالاذكار والحمد لله بطلت العين

[بن مفتاح]

بسم الله الرحمن الرحيم

انا الوالدة قبل لا تتوفى .. عسى الله يغفر لها ولجميع موتى المسلمين .. صادتها مثل حساسية في القدم ، الجلد عندها صار خفيف ودايماً ينزف مثل الماي حتى اني اتذكر ان بعض الاحيان نلف الجرح بشاش ونلفه بكيس لأنها عندما تمشي يبدأ الجرح باخراج الماء ، وكانت تعاني من الجرح وايد .. وكانت شاكة بوحدة من الاقرباء لأنها شافت ساقها واستحسنت ما شافته ولم تذكر الله في ذلك الموقف .. وسبحان الله هالجرح كم حاولنا وحاولنا علاجه مع اكثر من دكتور في قطر وخارجها لكن بدون فائدة .. وبعدين قالت لنا الوالدة الله يرحمها انها شاكة في فلانة وما قدرنا نقول لها ان تتوضا لأنها اكيد بتقول انا مب عيني حارة وانتوا ظالميني ومن هالكلام .. فاخذنا من اثرها وزدنا عليه ماي واعتقد انا قرينا فيه وخلينا الوالدة الله يرحمها تشرب منه ومسحنا منه على جرحها ( السالفة قديمة ما اتذكر التفاصيل بشكل جيد فاعذروني ) ولله الحمد والمنة بعد فترة برا جرحها اللي ما خلينا حد علشان علاجه الا وجربناه .. وصدق الصادق المصدوق عندما قال ان ( العين حق ) .

وانا في حياتي العامة اللي اعرفه عندما يستحسن مني شي اطلب منه والح عليه ان يذكر الله ويقول ما شاء الله .. مع ان البعض منهم للاسف يرفض بحجة ان عيونه مب حارة .. لكن انقرصنا من هالسالفة لكن بامور بسيطة ولله الحمد ..

والله يجزي خير ابهاتنا وامهاتنا وعسى الله يرحم من مات منهم علمونا نقول ما شاء الله في كل وقت .. فاصبحت كلمة نقولها من غير ما نحس .. فجزاهم الله عنا خير الجزاء ..


اذكر نفسي واذكركم .. الاذكار ، الاذكار ، الاذكار

والله يحفظكم من كل عين وشر ..

[دااانة قطر]

الله يعينك اختي الاستقراطية



الله يعينج .. والله يحفظنا من هالناس اللي ماتذكر الله ..

يقول ابن جبرين رحمه الله:
من كان به عين ولم يعرف من الذي أصابه بالعين ولم يستطع أن يأخذ من أثره؛
ومن كان به حسد ولم يذهب عنه
ومن كان به سحر ولم يفك سحره
فعليه أن يأخذ إناء فيه ماء يقرأ هو بنفسه:
الفاتحه سبع مرات
وآية الكرسي سبع مرات
وأول خمس آيات من سورة البقرة سبع مرات
وسورة الكافرون سبع مرات
والإخلاص سبع مرات
والفلق سبع مرات
والناس سبع مرات
فيشرب منه ويغسل به جسده
حتى ينتهي ماؤه ولا يبقى منه شي
يفعل ذلك في الصباح
وفي الظهر أيضا يحضر ماء ويقرأ
فيه من سبع مرات فيشرب ويغتسل
ويفعل ذلك أيضا في المغرب يحضر إناء يقرأ فيه فيشرب ويغتسل
ثلاث مرات في اليوم
لمدة ثلاثة أيام متوالية
علما بأن كل مرة يحضر ماء جديد يقرأ فيه من جديد يشرب منه ويغتسل يفعل ذلك باليقين أن الشافي هو الله
فمن كان به عين خرجت من جسده
ومن كان به حسد ذهب حسده
ومن كان به سحر فك سحره أياً كان هذا السحر وفي أي مكان كان .

اعملوا بها بيقين تام وان شاء الله الشفاء من رب العالمين

جزاك الله خير
ببتدي من بااجر باذن الله
انا عندي اكثر من مشكلة لكني دوم اقول يمكن الاسباااب تكون صحية
اولها تسااقط الشعر وضعف التركيزصرت انسي واايد ولأني كنت أكيلة صاار أكلي قليل
آخر شي طبااخي وطبااخ بناااتي تغير , بنتي الله يحفها اللي كاانت شااايلة عني شغل البيت عاافت شغل البيت بعد
الله المستعاان يمكن نفسية :weeping:

[ام السعف]

بسم الله الرحمن الرحيم

انا الوالدة قبل لا تتوفى .. عسى الله يغفر لها ولجميع موتى المسلمين .. صادتها مثل حساسية في القدم ، الجلد عندها صار خفيف ودايماً ينزف مثل الماي حتى اني اتذكر ان بعض الاحيان نلف الجرح بشاش ونلفه بكيس لأنها عندما تمشي يبدأ الجرح باخراج الماء ، وكانت تعاني من الجرح وايد .. وكانت شاكة بوحدة من الاقرباء لأنها شافت ساقها واستحسنت ما شافته ولم تذكر الله في ذلك الموقف .. وسبحان الله هالجرح كم حاولنا وحاولنا علاجه مع اكثر من دكتور في قطر وخارجها لكن بدون فائدة .. وبعدين قالت لنا الوالدة الله يرحمها انها شاكة في فلانة وما قدرنا نقول لها ان تتوضا لأنها اكيد بتقول انا مب عيني حارة وانتوا ظالميني ومن هالكلام .. فاخذنا من اثرها وزدنا عليه ماي واعتقد انا قرينا فيه وخلينا الوالدة الله يرحمها تشرب منه ومسحنا منه على جرحها ( السالفة قديمة ما اتذكر التفاصيل بشكل جيد فاعذروني ) ولله الحمد والمنة بعد فترة برا جرحها اللي ما خلينا حد علشان علاجه الا وجربناه .. وصدق الصادق المصدوق عندما قال ان ( العين حق ) .

وانا في حياتي العامة اللي اعرفه عندما يستحسن مني شي اطلب منه والح عليه ان يذكر الله ويقول ما شاء الله .. مع ان البعض منهم للاسف يرفض بحجة ان عيونه مب حارة .. لكن انقرصنا من هالسالفة لكن بامور بسيطة ولله الحمد ..

والله يجزي خير ابهاتنا وامهاتنا وعسى الله يرحم من مات منهم علمونا نقول ما شاء الله في كل وقت .. فاصبحت كلمة نقولها من غير ما نحس .. فجزاهم الله عنا خير الجزاء ..


اذكر نفسي واذكركم .. الاذكار ، الاذكار ، الاذكار

والله يحفظكم من كل عين وشر ..

الله يرحم امميمتك ويغفر لها ولجميع المسلمين الاحساء منهم والأموات ،،

[Miss]

اذا امون عليها ايه
اذا لا آخذ من غسالها

تنذكر ما تنعاد :(


انتي يؤجر الي يصكج عين

هههههههههههههههههههههههههههههههههههههههههههههههههه ههههههههههههه

[بو خليفه 123]

أنا سمعت مثل يقول مايحسد الحلال الا راعيه ..
و أنا اكثر من مره تعرضت للعين منك .. كل ما ادخل باسوورد المعرف يدخل بأسم أم السعف ولا روز
لكن من عقب كرتون الرطب ابشرك الأمور طيبه

[عاشق العديد]

والله انه مافي زعل .. ولا احراج وانا ماستحي ولانحرج ..

لاني يوميا احلم احلام تقولي اني مصكوك عين ..

المهم .. بعطيج حل ..

اعزميها لبيتكم .. ويكون وقت اذان .. وخل تروح توضى وخلي تحت المكان الي بتوضى فيه درام انه الماي ينكت فالماي فامتكونين جرحتيها ونفس الوقت بتاخذين الماي الي بتوضى منـه واتمنى الحل يكون جذري وسريع نفس الوقت

[راعي ال VXR]

انصح نفسي وانصحكم احبتي
بقرائة ادعية الصباح والمساء ومن ضمن هذه الادعيه هي :

بسم الله الذي لا يضر مع اسمه شئ في الارض ولا في السماء وهو السميع العليم ::ثلاثا صباحا ومساء
اعوذ بكلمات الله التامات من شر ما خلق ::ثلاثا صباحا ومساء

[رهج السنابك]

الله يكون في عونج
وحدة من قرايبي صار لها موقف قريب
مع وحدة قريبة
قالت لها كلمة من بعدها البنت ما ترقعت
المشكلة البنت مريضة وشوي تحسنت صحتها
صكتها بعين لا حول ولا قوة إلا بالله
المهم كنت ماخذة ثرها اللي قطت الكلمة
لأني شاكة إنها سبب في مرضها
جاتني البيت و أصب عليها الماي من راسها لين ريلها
الحمدلله
والله لو تشوفينها تقولين كذابة مستحيل خلال ساعتين تغير حالها
يفضل الماي مقري فيه



الحمدلله انج تصرفتي وربي كتب لها الشفاء مع الاخذ بالاسباب

[رهج السنابك]

الله يبعد عن العين ويحرسج ويحميج

بخصوص موضوعج بصراحه ناس قليله الي تتجرأ

لكن الطريقه الي دارجه ومعظم الناس يسوونها
يضيفونها عندهم ويعطونها ماي او عصير او غسال
وبعد ماتروح او يشيلون العصير والماي
ياخذونه منها ويغسلون بع وجع المصابه بالعين او تشرب العصير من بعدها


لو تروحين لها وتقولين لها ابي كذا منج لانج عطتيني بعين
راح تاخذ منج موقف انا عيني بارده ومش حسوده وطلاطيش كلام

المشكله انتي عارفته

المشكله الثانيه غير العين هي فزه القلب
يعني يفز قلب الشخص لشي معين عند الشخص الثاني
هذي شلون تعرفون فزه قلب من :rolleyes2:

انا بصراحه متشككة في موضوع الغسال او هالطرق الدارجه عندنا
لان ماقريت بزمن الرسول اي حادثه فيها اخذ اثر ماعرف من وين متوارثينها!!
سبق وبحثت في هالموضوع فقريت كتابات لبعض العلماء ما استندوا فيها لاي نص فقط اجتهادات بالتجربه
انه تم تجريب اخذ الاثر ونفعت المصاب

لذلك انا اشوف ان الاقوى والارجأ <<متعوب على الهمزه
هو الوضوء وبس

[رهج السنابك]

ملاحظه الاستقراطيه

اذا شفتيني كاتب شي زين او كلمه اعجبتج

لاتعطيني بعين قولي ماشاء الله عليك غير البشر :shy:



يازين خطك الكحلي ياغير البشر
يازين صورة معرفك ياغير البشر
يازين توقيعك زيناه ياغير البشر
يازين مواضيعك ياغير البشر
يازين نك نيمك ياغير البشر


ومب قايله ماشاء الله نيهاهاهاهاهاهاهاهاها





،


ماشاء الله ماشاء الله لا يصير فيك شي وتقولي تعالي توضي لي وين اتوضا لك عاد ههههه

[رهج السنابك]

يازين المنتدى عقب ماتعدل اي الحين يفتح التفس مب قبل
تسلم اناملك يا قطري

ماشاء الله ماشاء الله تبارك الرحمن على منتدانا

[رهج السنابك]

مره واحد من الربع كان راكب معاي قالي بوناصر اقول شغله قلته قول تفضل
قالي ياخي انت من يوم عرفتك ماسويت حادث هب ماكنك تسوق في الدوحه
قلت له قول ماشاء الله
قالي ماراح اقول انت مايصيدك شي
هالكلام كان الساع تسع في الليل تقريبا
اليوم الثاني الصباح وانا رايح الدوام تكنسل في موتري جنب كامل الا الرفرف الي قدام يعني بابين ورفرف ورى حرام الموتر كان موديل السنه ظ¢ظ*ظ*ظ¨
نزلت من الموتر قبل لا اتصل للشرطه قبل لا اتصل لا اي احد يجيني كلمت الرجال قلت له حسبي الله عليك
تعذر والله وقالي قضاء وقدر ومو مقصوده


بااال هذا عينه صارووووووخ

[نوار قطر]

بوعلي انت ماشاء الله عليك محصن ماتقضك الرصاصه تمر عليك من يمين وشمال

راح فيها :secret:

[نوار قطر]

وااايد مواقف بس الي عمري ماانساهم موقفين ،،، اول موقف ايام الجامعه وحده من صديقاتي في الثانويه كانت ماره صوبي وكنت اضحك الا تقول لي وانتي من اشوفج القاج شاقه الحلج وتبتسمين ،، والله اني ماترقعت من المشاكل الي صادتني ،،،

الموقف الثاني من زمان بعد ،،اخوي كان مار علي بيتي وكان ماخذ موتر ابوي يديد مطلعه من الوكاله كروزر اسود كاامل بدون خطوط وكانت ذيك الايام توها هالنوعيه من المواتر نازله ،، عاد واخوي طالع كنا واقفين انا وابو بنتي الا يشوف الموتر ويقول بل مب موتر على ابووك اسووود كحل ،،،اخوي طلع من عندنا واندعم :rolleyes2:

في هالمواقف ممكن ان في نفس الوقت اقولها لها وباخذها مزاح وطعن رمااح ،،، ان ذكري ربج لاتنضليني ،، قولي لا اله الا الله ،،، ومن هالكلام منها تاخذها بروح رياضيه وماتزعل ومنها تذكر ربهاا

[بوخالد911]

الله يحفظنا من شر الحساد

نعم
اروح للي حسدني وبقوووله قووول ما شاء الله

وبعدين علاقتي أكيد بتقل معاه
وبحاول أتحاشاه أو أقول شي يخصني قدامه

[سداوي قطر]

يعطيكم العافيه على هالموضوع الطيب والردود الأكثر من رائعة ..

للاسف بعض الأوقات العين من قوتها قد تقتل أشخاص وللأسف أنا اعرف ناس ماتوو بسبب العين، فيا أهل الخير اذكرو الله بكل صغيرة وكبيرة، وهل تعلمون أن اقلبية الأموات بالمقابر أموات بسبب العين !!

أنا اذكر قصة لاحد القرايب تقول بعد الولادة اتتهم سيدة بالبيت، تعجبة من بياض وجمال الطفل، فلم تعدوا باب البيت، إلا اصبح لون الطفل أخضر ومات بالحال..

هذه قصة من سلسلة من القصص... قد يأخد البعض العين على اساس المزحة، فتتحول من مزحة إلا فاجعة..

والحمدالله لله على كل حال، واحرصو على حفظ الأذكار ومداولتها، واذكروا الله على كل شيء

وتحياتي

[يعقوب ذياب]

السلام عليكم

هلا اختي

راح اعطيج الطريقه وان شاء الله راح تفيد

وهو انج تجيبنها وتشربينها اي شي وتاخذين بيالتها وتحطينها في مله الغسول وتشربين من الغسول ان شاء الله تطفي العين

[رهج السنابك]

انتي يؤجر الي يصكج عين

هههههههههههههه حرام عليك


ياربي منكم شريرين

[رهج السنابك]

أنا سمعت مثل يقول مايحسد الحلال الا راعيه ..
و أنا اكثر من مره تعرضت للعين منك .. كل ما ادخل باسوورد المعرف يدخل بأسم أم السعف ولا روز
لكن من عقب كرتون الرطب ابشرك الأمور طيبه



زين انه مايدخلك باسم قطري



:secret:

[Locale]

ماشاء الله عليكم

كلكم يعني ايصكونكم عين

انزين مافي حد فيكم عينه حاره وحسود :secret:

[رهج السنابك]

لوكال
في ناس معروفين بالعين الحاره هذا يكون نفسه خبيثه من يشوف شي يطيح بخاطره
لكن هل معناها ان العين محصوره باشخاص لا طبعا
انتي ممكن تعطين عين وانا وغيري وغيري
حتى الاعمى يعطي عين
حتى الحيوان يعطي عين
حتى الجن يعطي عين
ترا العين ممكن تجي من اي كائن

قد سمعتي ان فيه نوع من الثعابين لو رات المرأه الحبلى انها تسقط جنينها؟؟

اي حد يقدر يصك عين
لذلك دايما كلمة ماشاء الله لازم تكون على اللسان

[بريق الحق]

الي عينه حاره اتمنى يصك بشار بعين ويفكنا