ممكن مساعدة بخصوص الجبس بورد

[العابر]

السلام عليكم ورحمة الله وبركاته

أخواني وأخواتي بغيت رقم أحد يشتغل جبس يكون شاطر ومجرب وسعره زين وملتزم في المواعيد للعلم حق فيلا كاملة للسكن ، ماعليكم أمر اللي يرشحلي واحد مجرب من قبل يطرش رقمة والله يجزيكم خير

[ضوى]

والله عندي واحد ماشاء الله عليه ، تعطيه التصميم يسوي لك اياه تمام مثل ماتبي ومكن ينفذ اللي انت تفكر فيه ويرسمه لك وينفذه بدون تكلفة اضافية هو نيبالي بس يشتغل لصالح شركة مدري اذا يتشغل لحاله للاحتياط باطرش لك رقم الشركة ورقم النيبالي

[العربية نت]

لو سمحتى اخت ضوى الرقم على الخاص للجبس وبعد لو امكن الصباغ الهندي مدري الفلبيني هههه :):shy:

[ضوى]

شيكوا الخاص

[Ali Mohammed]

السلام عليكم

اخوي انت طلبت محل للجبس بورد ، عن تجربة ارشح لك الفاروق للديكور المحل في بروة وعندهم مصمم يصمم لك البيت بالمجان ، هم حاليا ماسكين بيتي وشغلهم حلو وراقي وقريب يخلص بيتي

كلهم هنود ونيباليين وسعرهم في السوق لا ارخيص ولا غالي

ممكن ارسل لك على الخاص التفاصيل


وشكرا

[al saad]

شيك الخاص

[ابو جمال]

لاتنسوني بأرقام النسا الي ذكرتوهم في الموضوع سواء للصبغ او الديكور بحتاج عن قريب جداً

[الواافي]

عندي معلم جبس الديكور شاطر ينفذ رسم لي في بالك

[الكاسر99]

الأخت ضوى ممكن رقم النيبالي لو تسمحين

وجزاك الله كل خير

[amm]

ممكنً الرقم اختي ضوى بأسرع وقت

[رهج السنابك]

ضوى ممكن رقمه

[معماري قطري]

انا رايي يكون موضوع موحد عن شركات وعمال الجبس ويكون فيه عرض عن أسعارهم سلبياتهم وإيجابياتهم وأعمالهم بالصور.

[مهاجر]

تعاملت مع بنغالي محله في نجمه , اتوقع انه مب بنغالي لانه غير عنهم

التزام فالمواعيد واسعاره ممتازه وشغله ممتاز ... اللي يدور شخص يرسل لي عالخاص

[لما]

واسعارهم حلوه مناسبه موب طايره

[لما]

معماري قطري انت افتتح الموضوع وانا بشارك فيه ننطر الموضوع صوري جاهزي

[معماري قطري]

معماري قطري انت افتتح الموضوع وانا بشارك فيه ننطر الموضوع صوري جاهزي

مساء الخير إخت لما .. انا ملاحظ كثرة المواضيع اللي تدور حول مادة مهمة .. مثلاً اليو بي في سي والألمنيوم وممكن نضيف لهم الخشب ونخليهم في موضوع ثابت فيه تجارب الأعضاء ونصايحهم .. الجبس ممكن يكون مع الأرضيات ومع الصبغ وورق الجدران وحتى الأسقف المستعارة بكافة أنواعها في موضوع ثابت .. هذي المواضيع أهم بكثير من موضوع المصاعد مثلاً مع إن موضوع المصاعد ثابت وأي واحد بسهولة ممكن يشوف حاجته فيه.

ودوم هذي المواضيع ما تكتمل فايدتها الا بعرض التجربة الشخصية عرض كامل بإيجابياتها وسلبياتها .. يمكن عني انا خبرتي محدودة بالسوق المحلي، وتعاملت مع عدد محدود لكن الكثيرين لهم تجارب شخصية وحديثة .. يعني ممكن الواحد ما يقصر يصور وبدقة ويذكر التفاصيل وأهم بنود العقد ومواصفات ونوعية الجبس وطريقة تركيبة ومهم السعر والشركة اللي ركبته .. منها دعاية مستحقة للشركة سواءً بالإيجاب فيبحث القاريء عنها أو بالسلب فيحاول القاريء يتجنبها أو يتجنب الجزئية السلبية في عملها أو في عقدها.

[لما]

طيب ابدا بوضع موضوعك

[معماري قطري]

طيب ابدا بوضع موضوعك

خلاص ولا يهمج هذا موضوعي أعتبره كباقي المواضيع .. وأتمنى خلاصة التجارب مع الصور والأسعار إن أمكن وإسم الشركة وكافة التفاصيل.

وحتى التصاميم الحلوة والغريبة بتفيدني وتفيد القراء.

[بن غيث]

افضل عماله في هذا المجال .. الفلبينيين ..
تأكد ان الشركة عمالتهم من الفلبين ..

[دوحة حمد]

السلام عليكم ورحمة الله وبركاته

أخواني وأخواتي بغيت رقم أحد يشتغل جبس يكون شاطر ومجرب وسعره زين وملتزم في المواعيد للعلم حق فيلا كاملة للسكن ، ماعليكم أمر اللي يرشحلي واحد مجرب من قبل يطرش رقمة والله يجزيكم خير

وعليكم السلام والرحمة
عندك محل الشام للديكور في محطة طيبة شغال في فلة الوالد وشغله ماعليه كلام من ناحية التركيب والفنيشنق والسرعه في الشغل الفورمن اسمه بلال بس الرقم مب موجود معاي راح ارسله لك قريب

[كرواتيا]

ابي ارقام العمال

[blackjacket]

انا ابي واحد يعرف حق الجسبنبورد