جلسة التداول ليوم الإثلاثاء 19\11\2013

[.:: القيصر ::.]

السلام عليكم ورحمة الله وبركاته

اصبحنا واصبح الملك لله .. والحمدلله .. لا اله الا الله وحده لاشريك له .. له الملك وله الحمد وهو على كل شيء قدير

اللهم ما اصبح بي من نعمة او بأحد من خلقك فمنك وحدك لاشريك لك .. فلك الحمد ولك الشكر

صبحكم الله بالخير والرزق الوفير

[.:: القيصر ::.]

يا الله صباح خير المستثمرين لين وين ؟؟

[Abo al3ez]

السلام عليكم ورحمة الله وبركاته

[bo3adel]

عليكم السلام ورحمة الله وبركاته

صبحكم الله بالخير والرزق الوفير .. تشكر اخوي القيصر ع الافتتاحيه المباركه ان شاء الله

المستثمرين اتوقع 41.20

[bo3adel]

السلام عليكم ورحمة الله وبركاته

عليكم السلام ورحمة الله وبركاته

[.:: القيصر ::.]

عليكم السلام ورحمة الله وبركاته

صبحكم الله بالخير والرزق الوفير .. تشكر اخوي القيصر ع الافتتاحيه المباركه ان شاء الله

المستثمرين اتوقع 41.20

العفو يا بوعادل

بنشوف نهاية المستثمرين

بس العائد على السهم يستحق سعره الحال 39.50 ولا السعر متضخم !!

[لـبـيـه]

السلام عليكم ورحمة الله وبركاته

[قطــ86ــر]

السلام عليكم و رحمة الله و بركاته
صبحكم الله بالخير و السعادة جميعا


تداول موفق و مربح للجميع ان شاء الله

[لـبـيـه]

اتوقع لفودافون اليوم تتحرك

[bo3adel]

العفو يا بوعادل

بنشوف نهاية المستثمرين

بس العائد على السهم يستحق سعره الحال 39.50 ولا السعر متضخم !!

عائد الرعايه ريالين وسعر السهم 49

في امور اكبر من العائد في هالمواضيع ....... في صانع سهم يبي يدخل معاه اكبر كميه من الناس عشان يبيع ويشتري بأقل عقب

الكل كان يشوف سعر مواشي في ال 42 و 48 مقارنه بالعائد سعر متضخم .. بس التحليل يقول السهم رايح .. وراح لين 78

التحليل المالي للاسهم انا اشوف انه حق مستثمر طويل البال يبي ارباح ولا يهتم نزل السهم ولا طار سما

التحليل الفني يقول السهم على هالقوه والشراء الخيالي لازال فيه نفس طلوع ولكن نفس محكوم بمغامره لايعرف اخرها

[bo3adel]

السلام عليكم ورحمة الله وبركاته

عليكم السلام ورحمة الله وبركاته

هلا بالزين .. ان شاء الله بلوه بيضت الويه وياك

الا بعض الناس غريبه مادشو وقردو السوق .. جان تشوف بروه لمت داون اليوم بسبة بعض الناس

[لـبـيـه]

عليكم السلام ورحمة الله وبركاته

هلا بالزين .. ان شاء الله بلوه بيضت الويه وياك

الا بعض الناس غريبه مادشو وقردو السوق .. جان تشوف بروه لمت داون اليوم بسبة بعض الناس

ليش مادريت عنهم :omg:

[bo3adel]

السلام عليكم و رحمة الله و بركاته
صبحكم الله بالخير و السعادة جميعا


تداول موفق و مربح للجميع ان شاء الله

عليكم السلام ورحمة الله وبركاته

صباح الورد والجو اللطيف

علوم محفظتك ان شاء الله انها مبدعه :nice:

[bo3adel]

ليش مادريت عنهم :omg:

لا ليش شصاااااار عقب قصة السجن على قضية بيع شباصات تقليد؟؟

[.:: القيصر ::.]

عائد الرعايه ريالين وسعر السهم 49

في امور اكبر من العائد في هالمواضيع ....... في صانع سهم يبي يدخل معاه اكبر كميه من الناس عشان يبيع ويشتري بأقل عقب

الكل كان يشوف سعر مواشي في ال 42 و 48 مقارنه بالعائد سعر متضخم .. بس التحليل يقول السهم رايح .. وراح لين 78

التحليل المالي للاسهم انا اشوف انه حق مستثمر طويل البال يبي ارباح ولا يهتم نزل السهم ولا طار سما

التحليل الفني يقول السهم على هالقوه والشراء الخيالي لازال فيه نفس طلوع ولكن نفس محكوم بمغامره لايعرف اخرها

جزاك الله خير على التوضيح

وبالتوفيق للجميع اليوم

وانا بصراحة اشوف ان السوق مب ناوي يصحح

ناوي على 11 ألف ان شاء الله

[الريان76]

السلام عليكم ورحمة الله وبركاته

صبحكم الله بالخير

[بن كهلان]

السلام عليكم ورحمة الله وبركاته
واسعدالله صباحكم
ورزقنا وإياكم الحلال

[قطــ86ــر]

عليكم السلام ورحمة الله وبركاته

صباح الورد والجو اللطيف

علوم محفظتك ان شاء الله انها مبدعه :nice:

المحفظة غدرت فيها المستثمرين يالذيب .. مالنا نصيب فيها
بس الحمدلله مضاربات خفيفة في المستثمرين.. فودافون.. بروة و حاليا المتحدة و الملاحة (اتوقع حركتها قريبة جدا)

لكن لله الحمد كل شي تحت السيطرة :)

[bo3adel]

السلام عليكم ورحمة الله وبركاته

صبحكم الله بالخير

عليكم السلام ورحمة الله وبركاته

دامج تجوفين الجلسات كل يوم .. شله يعني ماتشاركين ويانا

لازم نجيب طاريج عشان تجين يعني

بعد لو طاريين مليون كان جاني مسج من البنك الحين

[قطــ86ــر]

السلام عليكم ورحمة الله وبركاته

صبحكم الله بالخير

عليكم السلام و رحمة الله و بركاته
صباح النور

[لـبـيـه]

لا ليش شصاااااار عقب قصة السجن على قضية بيع شباصات تقليد؟؟

لا مسكينه وين سجن لانتكلم عن البنت وهي مش موجوده ياخي طيبه وحبوبه :shy:

[الريان76]

الصج صرتوا سلبيين

احس خسارتي منكم

[bo3adel]

المحفظة غدرت فيها المستثمرين يالذيب .. مالنا نصيب فيها
بس الحمدلله مضاربات خفيفة في المستثمرين.. فودافون.. بروة و حاليا المتحدة و الملاحة (اتوقع حركتها قريبة جدا)

لكن لله الحمد كل شي تحت السيطرة :)

امس اسولف مع الشباب عن المحفظه الاسلاميه المثاليه .. شي خيالي ههههههههههههههههههههههههه

لازم يعطوني 10 ملايين ويقولون لي خذها ورجعها عقب خمس سنين .. وخذ كلاااااااااااااااااااام ياقطر86

سنه ونص والافانتدور والشاليه ف المخبه ههههههههههههههههه

[لـبـيـه]

سبحان الله هي هني مادريت انها هني الله جابج الريان تونه في طاريج :shy:

[الريان76]

انت محد يقدر يكلمك من امس :nice:

[bo3adel]

لا مسكينه وين سجن لانتكلم عن البنت وهي مش موجوده ياخي طيبه وحبوبه :shy:

تقول مارد مصباح علاء الدين .. من جبت طاريها طلعت لك

كاهي تغرد في الساحه

[bo3adel]

باقي الحبيب ورلدبوس ومغروور قطر .. وكم شخص يتغلون علينا مادري شسالفتهم

والجلسه تولع توليع

الريان الجو مال كيتارا يالذيبه وقعده صباحيه في شاكليت مادري شسمه

[لـبـيـه]

بروه باذن الله 31.5

[قطــ86ــر]

امس اسولف مع الشباب عن المحفظه الاسلاميه المثاليه .. شي خيالي ههههههههههههههههههههههههه

لازم يعطوني 10 ملايين ويقولون لي خذها ورجعها عقب خمس سنين .. وخذ كلاااااااااااااااااااام ياقطر86

سنه ونص والافانتدور والشاليه ف المخبه ههههههههههههههههه

الله يسلمك يا بقاني هوايرا او ماكلارين بي ون و يفضل الماكلارين :)
وبعدين خلاص مابي شي


وش الاسهم المثالية: الريان و الدولي و بروة و الميرة و ودام هذي من الاساسيات طبعا

[الريان76]

سوق واقف بعد:shy:

[bo3adel]

شفت القيصر هههههههههههههههه جاب زياده عن الهدف 60 درهم

[لـبـيـه]

تقول مارد مصباح علاء الدين .. من جبت طاريها طلعت لك

كاهي تغرد في الساحه

اقولك عاد لو قايلين بروه ب 100 ابرك

[الريان76]

اقولك عاد لو قايلين بروه ب 100 ابرك

:anger1:

[لـبـيـه]

بروه والمستثمرين وفودافون

هايات سنويه جديده

[bo3adel]

الله يسلمك يا بقاني هوايرا او ماكلارين بي ون و يفضل الماكلارين :)
وبعدين خلاص مابي شي


وش الاسهم المثالية: الريان و الدولي و بروة و الميرة و ودام هذي من الاساسيات طبعا

ودام والاجاره عفناهم هالفتره

بس الريان الدولي بروه والميره ان شاء الله يولعون

اقولك محفظه ناريه .. تشكيله مدرب خطير ههههههههههه

وفي سهمين يحضرون حق مفاجأه .. بس للحين مادري شقصتهم ..

[لـبـيـه]

بوعادل بعض الناس الحين موجودين وبيقولون كلمتين وتالي بيردون الكهف بيات شتوي

[لـبـيـه]

فودافون اتوقع لها 10.9

[دكتور قطر]

السلام عليكم وصبحكم الله بالخير جميعا

[قطــ86ــر]

ودام والاجاره عفناهم هالفتره

بس الريان الدولي بروه والميره ان شاء الله يولعون

اقولك محفظه ناريه .. تشكيله مدرب خطير ههههههههههه

وفي سهمين يحضرون حق مفاجأه .. بس للحين مادري شقصتهم ..


الدولي بس لو يرضى عليه بوعبدالله مثل الرعاية و الاسلامية القابضة كان شفنا علوووووم
منا الى بو عبدالله :) هههههههههههه

[لـبـيـه]

بروه والمستثمرين يقولون للوطني وصناعات اركدو شوي الدور لنا

[الريان76]

بوعادل بعض الناس الحين موجودين وبيقولون كلمتين وتالي بيردون الكهف بيات شتوي

عاد شسوي ماعندي اسهم مضاربه :weeping:

بس تاسيس:shy:

[bo3adel]

الدولي بس لو يرضى عليه بوعبدالله مثل الرعاية و الاسلامية القابضة كان شفنا علوووووم
منا الى بو عبدالله :) هههههههههههه

هههههههههههههههههههههههههههههههههههههههههههههههههه ههههه

لعبت

[bo3adel]

السلام عليكم وصبحكم الله بالخير جميعا

عليكم السلام ورحمة الله وبركاته

هلا بالزين .. هلا بالدكتور .. صبحك الله بالنور والطاعه

[bo3adel]

بوعادل بعض الناس الحين موجودين وبيقولون كلمتين وتالي بيردون الكهف بيات شتوي

يارجل .. اللي يبيك كل يوم بيجيك

واللي مايبي يدش شنسوي فيه بعد .. مكانه موجود ومحفوظ

[الريان76]

السلام عليكم وصبحكم الله بالخير جميعا

وعليكم السلام ورحمة الله وبركاته

[لـبـيـه]

يارجل .. اللي يبيك كل يوم بيجيك

واللي مايبي يدش شنسوي فيه بعد .. مكانه موجود ومحفوظ

تدري شلون خله يختفي

لاحظ السوق خفت وتيرة الارتفاعات من اول ماقال السلام عليكم

انا اقول يرد للكهف خل نشوف حلالنا

[bo3adel]

كفو الدولي .. القمه السابقه تحتريك يالذيب

[لـبـيـه]

المستثمرين ناوي على لمت اب ثاني

[bo3adel]

هدف مستثمرون الجاي 43.10 من وجهة نظر متواضعه

[دكتور قطر]

هدف مستثمرون الجاي 43.10 من وجهة نظر متواضعه

بوصالح يقول 45

[bo3adel]

بوصالح يقول 45

صادق بوصالح .. بس 44.5 بيصير بيع قوي بعد من وجهة نظر متواضعه هههههههههههه

[دكتور قطر]

فودافون ممكن لمت اب

[دكتور قطر]

يقول بوصالح حلمت في بروه 30 ريال

[حلم قطري]

السلام عليكم ....يسعد لي صباحك
ربحي في بروة من فضل الله فوق الزين
لكن تعتقد اليوم وين السهم رايح
في بالي ابيع كل المحفظه اللي في بروة على 30.1 ووارجع اخذها اخر النهار من يوم الخميس

[.:: القيصر ::.]

الرعاية

الى الامام :)

[bo3adel]

الرعايه ناوي ناوي

بس يعدي 53 ويفكنا .. وشوفه ف العلالي

[لـبـيـه]

ايه عليك ياعليان ويذكرك بلخير وين ماكنت

[bo3adel]

السوق استخف

[لـبـيـه]

يقول بوصالح حلمت في بروه 30 ريال

يارجال قوله ركز في الحلم عدل يمكن 31 مب 30

[وسمي2016]

الرعايه ناوي ناوي

بس يعدي 53 ويفكنا .. وشوفه ف العلالي

السلام عليكم وصبحكم الله بالخير جميعا

""""وين راح الكتف الايسر,,,:),,,

[دكتور قطر]

ناقلات تشتغل بهدوء

[.:: القيصر ::.]

الحمدلله كل مادخل في شي يطلع زين

مافي الا المتحدة نبي نشوف اختراع الــ 24 اليووووووووووووووم

[يعقوب ذياب]

السلام عليكم ورحمة الله وبركاته

واسعد الله صباحكم

[دكتور قطر]

يارجال قوله ركز في الحلم عدل يمكن 31 مب 30

هدف اول لبيه

[دكتور قطر]

السلام عليكم ورحمة الله وبركاته

واسعد الله صباحكم

عليكم السلام صباح النور

[قطــ86ــر]

ايه عليك ياعليان ويذكرك بلخير وين ماكنت

السوق انهار على فوق :)

[قطــ86ــر]

السلام عليكم ورحمة الله وبركاته

واسعد الله صباحكم

عليكم السلام و رحمة الله و بركاته
صباح النور

[bo3adel]

السلام عليكم وصبحكم الله بالخير جميعا

""""وين راح الكتف الايسر,,,:),,,

عليكم السلام ورحمة الله وبركاته

ههههههههههههه قايلك في احتمالين لازم تاخذ كل شي ف الحسبان يالذيب

[bo3adel]

السلام عليكم ورحمة الله وبركاته

واسعد الله صباحكم

عليكم السلام ورحمة الله وبركاته

صباح النور بوذياب

[حلم قطري]

بروه باذن الله 31.5

السلام عليكم
الربح الحمدلله فوق الزين ... مادري ابيع كل المحفظه في بروة اليوم على 30.1 واخذها الخميس اخر النهار
ولا لها طلعة اكثر

[ame32480]

السلااام عليكمم ورحمة الله وبركاته

السوق مولع الله يوفقكم ويرزقكم كل خير

الحمدلله

[ame32480]

فودافون كانت مشكلة كوب وعروه وهدفها 10.29 لكن مع هالاختراق وين رايحة؟

[.:: القيصر ::.]

النت علق ولا انا معلق ولا السوق علق شسالفة

فلوووسي ههههههههههههه

[يعقوب ذياب]

http://www.qatarshares.com/vb/showthread.php?324933-توصيات/page187هذا تحليل قبل كم شهر للذكير

وهذا تحليل قبل يومين
http://www.qatarshares.com/vb/showthread.php?324933-توصيات&p=9251801#post9251801

[ame32480]

المتحدة مقاومة عند 23.89
ناقلات هدف ومقاومة قوية 20.95

المستثمرين الصراحة دوخني مش محنرم اي مقاومة هههههههه

[قطــ86ــر]

النت علق ولا انا معلق ولا السوق علق شسالفة

فلوووسي ههههههههههههه

الظاهر في خلل من السوق العالمي..

[bo3adel]

بخصوص السوق مايحدث

استخف مضبوط

[لـبـيـه]

الشاشه علقت شسالفه

[ame32480]

النت علق ولا انا معلق ولا السوق علق شسالفة

فلوووسي ههههههههههههه

السوق انصدم شكله هههههههههه ماشاءالله

[حلم قطري]

مدري من حوبته ههههههههههههه

[دكتور قطر]

السلااام عليكمم ورحمة الله وبركاته

السوق مولع الله يوفقكم ويرزقكم كل خير

الحمدلله

عليكم السلام

[وسمي2016]

النت علق ولا انا معلق ولا السوق علق شسالفة

فلوووسي ههههههههههههه

شيكت عليهم,,,,,سيستم السوق نفسه معلق""مشير""

والله عيب عليهم,,,,,بس يصير اقبال شديد على الحركه

وسيوله عاليه,,,,,,يبدأ يشير,,,,,

ياخي هذول وين جايبين السيستم مالهم؟؟؟؟؟؟؟؟؟؟؟

معقوله,,,:anger1:,,:secret:,

[دكتور قطر]

السستم معلق

[قطــ86ــر]

شيكت عليهم,,,,,سيستم السوق نفسه معلق""مشير""

والله عيب عليهم,,,,,بس يصير اقبال شديد على الحركه

وسيوله عاليه,,,,,,يبدأ يشير,,,,,

ياخي هذول وين جايبين السيستم مالهم؟؟؟؟؟؟؟؟؟؟؟

معقوله,,,:anger1:,,:secret:,

المسؤولين في البورصة يثبتون ان ما عندهم اي شي يقدمونه غير الكلام
مكانهم البيت بس متى يجينا الفرج

[bo3adel]

هالعطل فيه اشياء اكبر من انه عطل عادي

سوق طاير يصير فيه عطل مره وحده

وين الجهاز الاحتياطي اللي ورلدبوس ذكره

لبيه .. جنه فريق قاعد يهاجم ومشتط .. والحارس مال الفريق الثاني طايح مايبي يقوم

[الوسيط العقاري]

من اللي عينه حاره

اليوم

:(

[.:: القيصر ::.]

زين خلاص خلونا نسولف

اخباركم بعد ؟

[لـبـيـه]

هالعطل فيه اشياء اكبر من انه عطل عادي

سوق طاير يصير فيه عطل مره وحده

وين الجهاز الاحتياطي اللي ورلدبوس ذكره

لبيه .. جنه فريق قاعد يهاجم ومشتط .. والحارس مال الفريق الثاني طايح مايبي يقوم

سبحان الله الاعطال لما السوق ينهار عمرها ماتجي الى والسوق طالع دايما جي

[bo3adel]

حسبنا الله ونعم الوكيل

هاي اللي الواحد يقوله

[حلم قطري]

المسؤولين في البورصة يثبتون ان ما عندهم اي شي يقدمونه غير الكلام
مكانهم البيت بس متى يجينا الفرج

لعلها خيره
(( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ))
الاعتقاد بأن الأيام القادمة تحمل معها السعادة والفرح والأرزاق

[لـبـيـه]

من اللي عينه حاره

اليوم

:(

مافي غير بعض الناس قلت لك بوعادل خلهم بلكهف جبت طاريهم ووقف السستم

[وسمي2016]

المسؤولين في البورصة يثبتون ان ما عندهم اي شي يقدمونه غير الكلام
مكانهم البيت بس متى يجينا الفرج

لقد اسمعت لو اسمعت حيا,,,,,,


,,,,,,,,,,,,,,,,,,,,,,,ولكن لا حياة لمن تنادي


فيني غيره ,,,,اكثر مما فيني زعل

ما نقبلها بصراحه,,,,,,,,ولا نشتكي الا

للقادر الجبار ,,,,سبحانه رب العرش العظيم

[ame32480]

اصلا من الصبح وهو فيه شي
من مساعة ابغي اشتري وعندي رصيد ويقولي غير كافي واضطريت اشتري بالتجزيء
ولاحظوا متوسط اسعار تداول بروة والمتحدة غلط !! المتحدة متوسط اسعار تداول اليوم 24.37 وبروة 30.87
خطا واضح جدا كذلك في الدوليه المتوسط 65.17 والهاي السنوي 60 وتذبذب سعر تداول اليوم بين 58.8-58.3

[دكتور قطر]

من المفترض في هذي الحاله احتساب الوقت المهدر بالتوقف واضافته للتداول

[لـبـيـه]

يعني اليوم التداول بيستمر لين 1.30

[bo3adel]

من المفترض في هذي الحاله احتساب الوقت المهدر بالتوقف واضافته للتداول

انا اقولك ولا بيزيدون دقيقه .. للاسف

صارت قبل فتره يوم السوق مافتح الصبح لين 11 مادري 10 ونص

ومازادوا شي

[ابو عبد الرحمن]

صلوا على الرسول الكريم
عليه أفضل الصلاة وأتم التسليم

وأكثروا من الاستغفار

[.:: القيصر ::.]

يعني اليوم التداول بيستمر لين 1.30

خل يشتغل اول عشان يستمر ههههههههههههههههههههههههه

[قطــ86ــر]

لعلها خيره
(( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ))
الاعتقاد بأن الأيام القادمة تحمل معها السعادة والفرح والأرزاق

الله كريم
وان شاء الله الاشخاص اللي ما عندهم شي ينشالون و يفكونا

مثل ما خلوا ناس تبيع عشان "الاكتتاب" و طار السوق من يعوضهم
مانقول الا حسبنا الله و نعم الوكيل و الله يعوضهم خير

[مهندس_قطري]

السلام عليكم ورحمة الله وبركاته

صبحكم الله بالخير والربح الوفير :)

[الوسيط العقاري]

حد اتصل في البورصه

وسألهم متى بيرجع التداول

[دكتور قطر]

السلام عليكم ورحمة الله وبركاته

صبحكم الله بالخير والربح الوفير :)

عليكم السلام صباح النور

[وسمي2016]

صلوا على الرسول الكريم
عليه أفضل الصلاة وأتم التسليم

وأكثروا من الاستغفار

اللهم صلي على سيدنا محمد وعلى آل محمد كما صليت على سيدنا ابراهيم

وعلى ال ابراهيم,,,,,انك حميد مجيد

نستغفرك اللهم ونتوب اليك,,,,

,,,,,,,,,,,,,,,,

[bo3adel]

السلام عليكم ورحمة الله وبركاته

صبحكم الله بالخير والربح الوفير :)

عليكم السلام ورحمة الله وبركاته

صباح الورد يا باش مهندس .. شعلومك عساك طيب

[قطــ86ــر]

السلام عليكم ورحمة الله وبركاته

صبحكم الله بالخير والربح الوفير :)

عليكم السلام و رحمة الله و بركاته
صبحك الله بالنور

[بحر شرق]

صباح الخير
اتصل في المجموعة تقولي الشاشات كلها معلئه :eek5:
قاصدينها

[alsiddiqi]

السلام عليكم ورحمة الله وبركاته .. اول مشاركه لي من بعد متابعه طويله

اسال الله العظيم رب العرش العظيم ان يفتح عليكم ابواب الخير والرزق الحلال الوفير ان شاء الله ويكتب لكم كل خير في هذا اليوم.

[بحر شرق]

استغفر الله العظيم وقفوا التداول

[لـبـيـه]

بورصة قطر - بسبب عطل فني سيتم وقف التداول حتى اشعار اخر

رئصي ياقدع على وحده ونص

[دكتور قطر]

صباح الخير
اتصل في المجموعة تقولي الشاشات كلها معلئه :eek5:
قاصدينها

صباح النور احسنوا النيه هذا سستم ومعرض للاعطال

[دكتور قطر]

السلام عليكم ورحمة الله وبركاته .. اول مشاركه لي من بعد متابعه طويله

اسال الله العظيم رب العرش العظيم ان يفتح عليكم ابواب الخير والرزق الحلال الوفير ان شاء الله ويكتب لكم كل خير في هذا اليوم.

عليكم السلام وحياك الله بين ربعك واخوانك

[ابو عبد الرحمن]

تم ايقاف التداول حتى اشعار آخر

[bo3adel]

صباح النور احسنوا النيه هذا سستم ومعرض للاعطال

النيه صافيه .. لكن يادكتور بورصة هي واجهة دولة قطر .. اقوى دولة اقتصاديا في العالم .. تقولي انها بدون سستم احتياطي؟

[لـبـيـه]

النيه صافيه .. لكن يادكتور بورصة هي واجهة دولة قطر .. اقوى دولة اقتصاديا في العالم .. تقولي انها بدون سستم احتياطي؟

الاحتياطي موجود بس فيه شد عضلي

بل شفيكم محد يضحك صج معصبين على السستم هههههههههههههههههههههه

[قطــ86ــر]

تود بورصة قطر اعلامكم بأنه, و بسبب عطل فني تم ايقاف التداول حتى اشعار اخر

1- شغل السيستم الاحتياطي يا سعادة مدير البورصة المحترم
2- "حتى اشعار اخر" انت في بورصة مب فاتح بسطة - حلال العالم معلق و السبب المماطلة و العناد اللي ماله داعي


الدولة ما قصرت في اي شي و اخرتها المجهود الكبير يروح هدر لاتفه الاسباب ؟!!
الى من يهمه الامر - فكونا منهم و حطوا ناس تعرف معنى كلمة "بورصة"

[بن كهلان]

نستغفرالله الذي لا اله الا هو ونتوب اليه

[bo3adel]

الاحتياطي موجود بس فيه شد عضلي

بل شفيكم محد يضحك صج معصبين على السستم هههههههههههههههههههههه

هههههههههههههه

ياخي لانه اللي صاير مهزلة .. تخيل مؤشر الداو جونز يوقف عنده نص ساعه وهو في عز تداوله

شبيصير؟

هل هم احسن منا .. عندنا فلوس ونقدر نجيب كفائات واحسن سستم نقدر نحطه .. عشان جي الواحد يعصب ويتنرفز من اللي صاير

[الوسيط العقاري]

ايقاف التداول في بورصة قطر بسبب عطل فني

2013-11-19


تود بورصة قطر إعلامكم بأنّه، وبسبب عطل فنّي، سوف يتمّ وقف التداول حتى اشعار آخر.

المصدر : موقع البورصة

[دكتور قطر]

النيه صافيه .. لكن يادكتور بورصة هي واجهة دولة قطر .. اقوى دولة اقتصاديا في العالم .. تقولي انها بدون سستم احتياطي؟

بورصة نيويورك ,داو جونز,نكاي ,يصير فيها اعطال ترى مب مشكله

[.:: القيصر ::.]

تود بورصة قطر إعلامكم بأنّه، وبسبب عطل فنّي، سوف يتمّ وقف التداول حتى اشعارآخر

[bo3adel]

بورصة نيويورك ,داو جونز,نكاي ,يصير فيها اعطال ترى مب مشكله
ارجع اقولك في سستم احتياطي

[imadfah]

لو ناقلات كسرت حاجز 21 ريال السعر المقبل سيكون 23 - 25 - 30

[رحال]

السلام عليكم ورحمة الله وبركاااته ..

قبل شهرين نفس المشكلة ؟؟؟

[ame32480]

لا حول ولاقوة الا بالله

هاي شاشة البورصة وهذي بورصة، اشلون يكتبون حتى اشعار اخر! المفروض يحددون وقت او يقولون بنصكره اليوم او بنعطي وقت للتداول او تمديد اوي شي، يعني الناس تترك اشغالها وتتم مجابله الشاشه عشان تنطر التداول وتحط طلباتها؟
هذي بورصه وفلوس ناس والشغل فيها دقيق !!!

[رحال]

حتى أشعاااار آخر ..
دكاااااان بن عاقول مب بورصة ..

[رحال]

:nice:
لا حول ولاقوة الا بالله

هاي شاشة البورصة وهذي بورصة، اشلون يكتبون حتى اشعار اخر! المفروض يحددون وقت او يقولون بنصكره اليوم او بنعطي وقت للتداول او تمديد اوي شي، يعني الناس تترك اشغالها وتتم مجابله الشاشه عشان تنطر التداول وتحط طلباتها؟
هذي بورصه وفلوس ناس والشغل فيها دقيق !!!

[ame32480]

اشعار اخر يعني عقب ساعة او عقب يوم او عقب اسبوع :)

[عساف]

المفروض نرفع عليهم قضية نطالب بتعويض الخساير من جراء هذا الخلل

[وسمي2016]

ليش اصلا حدث العطل الفني,,,,,

والجواب حسب اغلب الظن:: عدم قدرة نظام البورصه

على استيعاب التدفقات القويه ,,,,,,خلهم يعطونا تعليل اخر

معقوله عطل فني بهالتوقيت !!!!!!!!!؟؟؟؟؟؟؟؟؟؟؟؟

[bo3adel]

السلام عليكم ورحمة الله وبركاااته ..

قبل شهرين نفس المشكلة ؟؟؟

عليكم السلام ورحمة الله وبركاته

نعم صحيح يا رحال

[دكتور قطر]

ارجع اقولك في سستم احتياطي

مع احترامي وتقديري.. اذا حصل عطل رئيسي حتى السستم الاحتياطي ما يشتغل .. بشرحها لك لم تنقطع الكهرباء عن مكان وكان هناك مولد احتياطي لكن العطل في اداة التزويد الرئيسيه حتى المولد الاحتياطي لا يستطيع توصيل التيار

[دكتور قطر]

السلام عليكم ورحمة الله وبركاااته ..

قبل شهرين نفس المشكلة ؟؟؟

عليكم السلام

[bo3adel]

مع احترامي وتقديري.. اذا حصل عطل رئيسي حتى السستم الاحتياطي ما يشتغل .. بشرحها لك لم تنقطع الكهرباء عن مكان وكان هناك مولد احتياطي لكن العطل في اداة التزويد الرئيسيه حتى المولد الاحتياطي لا يستطيع توصيل التيار

على عيني وراسي .. بس يادكتور شالفايده منه اذا مابيفدني؟

ومابيشتغل

[دكتور قطر]

على عيني وراسي .. بس يادكتور شالفايده منه اذا مابيفدني؟

ومابيشتغل

يفيدك اذا صار عطل بسيط في السستم لكن مو عطل رئيسي

[bo3adel]

يفيدك اذا صار عطل بسيط في السستم لكن مو عطل رئيسي

يعني ماصار سستم مساند .. ولا اسمه احتياطي

اتمنى امنيه انهم يتعلمون من الاخطاء هذي لان فلوس الناس في ارقابهم وانحطوا في هالاماكن وهم عارفين حجم الامانه اللي ماسكينها

ويمكن انفعالنا حاليا بهالطريقه .. جاي بسبب ان السوق تفاعل بقوه وبسرعه خلال نص ساعه والاسعار قاعده تطير والناس مبسوطه

ماعاشت هالشعور من شهر 8

[دكتور قطر]

يعني ماصار سستم مساند .. ولا اسمه احتياطي

اتمنى امنيه انهم يتعلمون من الاخطاء هذي لان فلوس الناس في ارقابهم وانحطوا في هالاماكن وهم عارفين حجم الامانه اللي ماسكينها

ويمكن انفعالنا حاليا بهالطريقه .. جاي بسبب ان السوق تفاعل بقوه وبسرعه خلال نص ساعه والاسعار قاعده تطير والناس مبسوطه

ماعاشت هالشعور من شهر 8

اذا كان مو بيدهم لا حول ولا قوه

[دكتور قطر]

احتمال يرجع التداول واحتمال لا

[elders]

السلام عليكم ورحمه الله

كيف سيستم مثل هذا مافي له سيرفر احتياطي ؟

[حرب]

السلام عليكم صباح الخير علي الجميع يالخوفي عمليه معتمده للتصريف والغدر

[دكتور قطر]

السلام عليكم ورحمه الله

كيف سيستم مثل هذا مافي له سيرفر احتياطي ؟

عليكم السلام اعتقد المشكله اكبر من سيرفر احتياطي

[دكتور قطر]

السلام عليكم صباح الخير علي الجميع يالخوفي عمليه معتمده للتصريف والغدر

عليكم السلام ..ههههههههه

[elders]

عليكم السلام اعتقد المشكله اكبر من سيرفر احتياطي

يعني متعمد ؟ما اتوقع

[دكتور قطر]

خمس دقايق اذا مااشتغل السستم مااعتقد في تداول اليوم

[قطــ86ــر]

و بكره بيرزون الوجه في الجرايد
استلمنا جائزة احسن بورصة متطورة و احسن ديكورات مكاتب :secret:

[Abdulla Al.F]

السلام عليكم ..

[دكتور قطر]

يعني متعمد ؟ما اتوقع

لا ياخوي لا تقولني شي ما قلته انا اقول المشكله اكبر من سستم يعني احتمال يكون في اعطاب في كيبل مورد او ماشابه ذلك وهذا يحتاج فترة طويلة للاصلاح

[دكتور قطر]

السلام عليكم ..

عليكم السلام

[قطــ86ــر]

السلام عليكم ..

عليكم السلام و رحمة الله و بركاته

[دكتور قطر]

دقايق وراجع لكم

[elders]

لا ياخوي لا تقولني شي ما قلته انا اقول المشكله اكبر من سستم يعني احتمال يكون في اعطاب في كيبل مورد او ماشابه ذلك وهذا يحتاج فترة طويلة للاصلاح

وليش يكونو السرفرين بنفس المكان اصلا
الاه للمستعان هذا ريل تايم سيستم وقواعد البيانات اللي فيه مهمه كل سيرفر لازم يكون بمكان مختلف

[لـبـيـه]

زين في وايد كهربجيه قاعدين على الرصيف قدام البورصه يجيبون واحد يعدل السستم

[Abdulla Al.F]

لا ياخوي لا تقولني شي ما قلته انا اقول المشكله اكبر من سستم يعني احتمال يكون في اعطاب في كيبل مورد او ماشابه ذلك وهذا يحتاج فترة طويلة للاصلاح

يب :nice:

[Abdulla Al.F]

زين في وايد كهربجيه قاعدين على الرصيف قدام البورصه يجيبون واحد يعدل السستم

هههههه شكلك تبي التداول يوقف سبوع

[رحال]

وليش يكونو السرفرين بنفس المكان اصلا
الاه للمستعان هذا ريل تايم سيستم وقواعد البيانات اللي فيه مهمه كل سيرفر لازم يكون بمكان مختلف
برافوووو عليك يا أبله .. علميهم أصول الشغل :nice:

[لـبـيـه]

هههههه شكلك تبي التداول يوقف سبوع

زين انا لي خبره في تبديل الليتات في البيت اذا يصير يقدرون يستعينون فيني اعدل لهم السستم

[رحال]

زين انا لي خبره في تبديل الليتات في البيت اذا يصير يقدرون يستعينون فيني اعدل لهم السستم

لا ياباش مهندس أنت مستواااك أعلى :nice:

[ame32480]

الله يهديهم وقت الناس يضيع في الانتظار
ياخي يخبرونا بيستمر التداول اليوم او بيوقف ونكمل بكره او اي وقت وكان الله غفوا رحيما
مايصير مايحددون هذا سوق مال يعني فلوس ووقت ناس ومصالح ..

ساعة من وقتي شخصيا ضاعت وانا انتظر التداول ..

[elders]

موضوع الكيبل بعد مستبعد لان في uninterruptible power supply ups يشتغل لساعه او اكثر في سيستم مهم عشان لما يصلحو العطل ما يتوقف الشغل

لو ماعندهم اياه ففعلا هم محتاجين دعم

[رمــــــاح]

ايقاف التداول في بورصة قطر بسبب عطل فني
2013-11-19




تود بورصة قطر إعلامكم بأنّه، وبسبب عطل فنّي، سوف يتمّ وقف التداول حتى اشعار آخر.

[قطــ86ــر]

لا حول ولا قوة الا بالله

[elders]

برافوووو عليك يا أبله .. علميهم أصول الشغل :nice:

بعلمهم اذا يبون بس مو وقت التداول والسوق اخضر فااااااقع ....الحمدلله على كل حال وقدر الله وماشاء فعل ،شكلي بطلع اغير جو احسن من توتري على الفاضي

[Abdulla Al.F]

السرفرات ليش من اوريدو؟
ليش سيرفراتهم مب من برع؟ .. مب مشكله حتى لو تكون بس الاحتياطيه ..

[وسمي2016]

حجم السيوله والتداول في اول 24 دقيقه وصل 194 مليون ريال

لم يتمكن السيستم من الصمود امام كمية الطلبات فالبيع والشراء

,,,,,,,,,,,,

[هبوب الكوس]

أنا دوامي في برج وأي انقطاع السستم الاحتياطي يشتغل على طول

وعمره مافصل الثنين والفنيين متواجدين على الاحتياطي تحسب لأي خلل

حتى سوبر ماركت بومطر أحسن منهم ههههههه

[ame32480]

الظاهر مافي تداول اليوم
الساعه ظ،ظ، وربع

والمساهمين للحين معلقين "حتى اشعار اخر" ...
الله يستر ويكون التداول بكره بنفس الوتيره ، بعض الاسهم مامداها تتحرك الا وقف التداول

[لـبـيـه]

كملنا ساعه على الوقوف

[لـبـيـه]

بدا يرد في اشياء اتحرك

[Abdulla Al.F]

اتوقع رجع

[رمــــــاح]

تم اعادة التداول

[ame32480]

أنا دوامي في برج وأي انقطاع السستم الاحتياطي يشتغل على طول

وعمره مافصل الثنين والفنيين متواجدين على الاحتياطي تحسب لأي خلل

حتى سوبر ماركت بومطر أحسن منهم ههههههه

يارجال حتى لو يشغلونه بجنريتر راضيين

عمرنا ماسمعنا انه البنك تعطل بسبب خلل، دائما في احتياطات لانه بنك وشغله حساس
وهذا سوق مال وفي كل مكان في العالم يتعامل بمعامله البنوك والمؤسسات الماليه

[Abdulla Al.F]

ههههههههههههههههه شفيه السوق

[هابط]

عاد التداول والكل مستعجل

[لـبـيـه]

بل بروه مرتفعه وحمره ههههههههههههههههههههههههههههه

[وسمي2016]

عليكم السلام ورحمة الله وبركاته

ههههههههههههه قايلك في احتمالين لازم تاخذ كل شي ف الحسبان يالذيب

بالتأكيد يالأسد ,,,والحمد لله تنفذ لي طلبات بيع بين ال 50 و 51 ,,,,,

وان شاء الله مايلغونها,,,,,واذا كانت بسبب عطل فألغاء العمليات نتيجة

ذلك فلا يوجد مانع عندي ابداا ولايكون ربحي على حساب مظلوم ,,,,,

والله كريم يعوضنا بأفضل من ذلك,,,,,,,,,

[Abdulla Al.F]

شوفو ازدان

[لـبـيـه]

اقول خله خربان احسن بروه كانت خضره والحين حمره ههههههههههههههههههههههه

[Abdulla Al.F]

والله يفشلون

[.:: القيصر ::.]

بس شسالفة طلبات مختفية هههههههههههههههههههههه

[هبوب الكوس]

لازم يكون في تحقيق بالموضوع

رئيس الوزراء ما بقصر

[Abdulla Al.F]

مواشي +134%

هههههههه

[وسمي2016]

عاجل::

سيفتح السوق الساعه 12

والساعه 11 ونص يبدأ اخذ طلبات ماقبل السوق

والغاء كافة طلبات البيع والشراء التي تمت اليوم

تصحيح:: لم يتم الغاء العمليات وانما تم الغاء الطلبات التي

لم تنفذ,,,,,,,,,,,,ومسامحه على اللخبطه,,,,:shy:,,,,

[وسمي2016]

بالتوفيق للجميع ولاحد يحط على خاطره ابدا

الارزاق بيد رب العالمين سبحانه,,,,,,,

[.:: القيصر ::.]

0000000000000000000000000000000

[هابط]

(y) ...

[وسمي2016]

لم يذكر البيان على صفحة السوق اي معلومه

حول وقت اغلاق السوق اليوم,,,:omg::secret:,,,,

[ame32480]

الطلبات انسحبت وبعيده عن سعر العرض.. يعني اللي كان حاط بيع بالماركت بيبيع برخيص

حاسبوا

[Abo al3ez]

الحمد لله على كل شي, بس معقول تلتغ كل الصفقات؟؟؟

[bo3adel]

عاجل::

سيفتح السوق الساعه 12

والساعه 11 ونص يبدأ اخذ طلبات ماقبل السوق

والغاء كافة عمليات البيع والشراء التي تمت اليوم

مايصير يعني لو بعت الرعايه على 50.50 راح ترجع اسهمي وتنشال الفلوس

[مخطط قطري]

لعله خير

[Abdulla Al.F]

Market State changed to Pre Open

[.:: القيصر ::.]

يمكن خيره يا جماعه والحمدلله على كل حال

نطلب من الله التوفيق

[THE END]

السلام عليكم جميعا

[Abdulla Al.F]

الارقام في السوق لين الحين معتفسه .. شسالفه؟

[Abo al3ez]

انا ماعاد فهمت شي, يعني يالي اشترى بتلتغا صفقاته؟؟؟

[رمــــــاح]

فترة ما قبل الافتتاح تبدأ 11:30 – 12:00
2013-11-19






تعلن بورصة قطر أن فترة ما قبل الافتتاح تبدأ 11:30 – 12:00 , و سيتم الغاء الأوامر التي لم تنفذ

[فرهود]

بس بيتم الغاء الاوامر الي مانفذت اما الي تنفذ خلاص انتهى. الحين كاتبين في موق السوق

تعلن بورصة قطر أن فترة ما قبل الافتتاح تبدأ 11:30 – 12:00 , و سيتم الغاء الأوامر التي لم تنفذ.

[وسمي2016]

مايصير يعني لو بعت الرعايه على 50.50 راح ترجع اسهمي وتنشال الفلوس


انا ماعاد فهمت شي, يعني يالي اشترى بتلتغا صفقاته؟؟؟


تم تصحيح الخبر يا اخوان والالغاء فقط للطلبات وليس لما تم تنفيذه

[رمــــــاح]

الكلام واضح الغاء الاوامر التي لم تنفذ

واللي تنفذ شراء او بيع لن يتغير شيئ

[رحال]

مافي الغاء للصفقات اللي أشترى وباع في الصباااح أنتها أمره ..
ولايوجد تمديد للوقت حتى لو أنتهت الجلسة وماتعدل العطل ..

[ابو عبد الرحمن]

يمكن خيره يا جماعه والحمدلله على كل حال

نطلب من الله التوفيق



صحيح فعلا أحسنوا الظن بالله تجدوا خيرا

[نااادر]

اللي عنده مبلغ حلو ويبي يضارب اليوم حق لي اخر الاسبوع

[رمــــــاح]

سؤال يا اخوان التداول الساعه كم ينتهي هل تم تمديده ام لا

[وسمي2016]

سؤال يا اخوان التداول الساعه كم ينتهي هل تم تمديده ام لا

لم يذكر البيان شيء ,,,,,معناته السوق بيغلق

حسب العاده,,,,,,

[كيلو حديد]

ارتفاع المستثمرين 165 %

:eek5:



خخخ

[bo3adel]

هل نتوقع السوق يرجع بالقوه اللي بدا فيها

ننطر ونشوف يا سوق المفاجئات

[وسمي2016]

هل نتوقع السوق يرجع بالقوه اللي بدا فيها

ننطر ونشوف يا سوق المفاجئات

بتكون بصراحه تجربه استثنايه,,,,,السوق بيستمر

لمدة ساعه فقط,,,,وبعد التداول كالعاده ربع ساعه

يستحق المتابعه اللحظيه,,,,:victory:,,,جهزوا حالكم تمام,,,,,,:nice:,,,,,,,,

[لـبـيـه]

يعني الي حط امر شراء بسعر معين او بيع بسعر معين وسكر الكمبيوتر وراح في سبحانيته

بينصدم ان السعر الي بغاه وصل لاكن عمليته لم تنفذ سواء بيع او شراء

[لـبـيـه]

السستم للحين مخبط

[كيلو حديد]

hgltv,q dygr,k hgs,r ,dt;,kh lk ihgyen

[قطــ86ــر]

خربطة في خربطة

[ame32480]

اعلى وادنى سعر فيهم اخطاء
انا شاري المتحده ب 23.85 على اي اساس اعلى سعر 23.84

[لـبـيـه]

اقترح يلغون اليوم بكبره حفظا لماء الوجه

اذا مب قد انكم تردون لاتردون وتفتتحون بلفيت صلحتو وتداركتو الوضع

[hussein66]

اخواني : يعني اذا انا حطيت اوامر ثانيه الحين هل لو وصل السعر بتتنفذ ولا لا

[الريان76]

اقترح يلغون اليوم بكبره حفظا لماء الوجه

اذا مب قد انكم تردون لاتردون وتفتتحون بلفيت صلحتو وتداركتو الوضع

انا معاك:telephone:

[Abdulla Al.F]

الحين ماندري لو السوق فوق ولا تحت

[وسمي2016]

فتح السوق وعادت نفس الاخطاء والتشييرات

انتبهوا يا اخوان,,,,,,,,,,,

[Abdulla Al.F]

فتح السوق وعادت نفس الاخطاء والتشييرات

انتبهوا يا اخوان,,,,,,,,,,,

الشباب لين الحين يتداولون

[لـبـيـه]

بروه قريب الثلاثين وللحين حمره

[غير البشر]

السلام عليكم ورحمه الله وبركاتة

حد عنده سلف :shy:

[Abdulla Al.F]

بروة اوووب 29.95

[Abdulla Al.F]

مبروووك لبيه

[ابو عبد الرحمن]

بروة ليش حمرة بالرغم انها وصلت 30

[bo3adel]

باقي ريال على بروه

[وسمي2016]

الشباب لين الحين يتداولون

السوق واقف الحين,,,,,,

,,,,وشكلنا بنروح سوق واقف

,,,,,,,,,,,,,,,,عندي واقف وعندكم شغاااال,,,,,,,:shy:,,,,,

[لـبـيـه]

ياخي قهر نبيع مانبيع نشتري مانشتري

[دكتور قطر]

عدنا من جديد

[لـبـيـه]

مبروووك لبيه

يارجال احس كله بينلغي مب متمطن للحين

[قطــ86ــر]

ممكن المحترم القائم على البورصة يقول لنا المؤشر كم وصل الحين !!

[دكتور قطر]

في خربطه في النسب

[لـبـيـه]

المؤشر شاير على 34 ههههههههههههههههههههههههههه

[لـبـيـه]

للحين الناس خايفه تشتري او تبيع

[وسمي2016]

جاتني مسج بتنفيذ امر بيع عالرعايه هههههههه

وعندي عالشاشه مو مبين شي,,,,,المهم بعنا على 51,30

وربي يوفق من اشترى مني ,,,,,,,,,,,

[ابو عبد الرحمن]

السوق مغلق مرة ثانية !!!!!!!!!!!!!!!!

[قطــ86ــر]

وقفوا التداول


امحق عقلية

[(العديم)]

اذا الاوضاع قعدت كذا اعتقد بيلغون تداول اليوم بالكامل

[لـبـيـه]

جاتني مسج بتنفيذ امر بيع عالرعايه هههههههه

وعندي عالشاشه مو مبين شي,,,,,المهم بعنا على 51,30

وربي يوفق من اشترى مني ,,,,,,,,,,,

جاتك مسج :omg: مب بس السستم خبط حتى ربعنا خبطو لازم يرجع السستم بسرعه قبل لايصير شي

[وسمي2016]

الحين وقف السوق مره اخرى,,,,,,,,,,,,,

[قطــ86ــر]

من يعوض المتداولين من افراد و محافظ ؟؟

[.:: القيصر ::.]

شسالفة :)

[دكتور قطر]

قلنا وقفوا التداول لما تعطل السستم وخلوا التداول بكره بس عمك اصمخ اجتهادات مجانين .. ربك المستعان

[كيلو حديد]

راحت فلوسك يا صابر

[وسمي2016]

جاتك مسج :omg: مب بس السستم خبط حتى ربعنا خبطو لازم يرجع السستم بسرعه قبل لايصير شي

على الاقل قول مبروووك,,,,,:rolleyes2:,,,,,

[دكتور قطر]

نراكم غدا مب قادر اتحمل هالفوضى

[لـبـيـه]

على الاقل قول مبروووك,,,,,:rolleyes2:,,,,,

هههههههههههههههههههههههههههه

مبروك وتستاهل كل خير دعابه دعابه

[Ali M. K]

جاتني مسج بتنفيذ امر بيع عالرعايه هههههههه

وعندي عالشاشه مو مبين شي,,,,,المهم بعنا على 51,30

وربي يوفق من اشترى مني ,,,,,,,,,,,

انا شريت ب51
وتنفذ الامر وتوقف السوق مره ثانيه

[bo3adel]

ضايقونا الله يضيق على قلوب العدو

ابي ابيع واقبض فلوسي شسالفه يعني

[لـبـيـه]

نسكر الكمبيوتر بكبره ابرك

نشوفكم بكبره باذن الله

[رحال]

والله فشيله .. وين تستثمر المحافظ بهل الطريقة ؟

[وسمي2016]

من يعوض المتداولين من افراد و محافظ ؟؟

الرد في توقيعك,,,,,,,,,,,

,,,,,,,, ونعم بالله سبحانه

[بحر شرق]

انا ما صدق اللي صاير مهزله