مذيعات تلفزيون قطر .... !

[أم محمد 90]

،
،،


صباحكم خير :shy:

،
،،

بغض النظر عن الانتقادات اللي يواجهها تلفزيون قطر !

أختيارهم للمذيعات موضوع عليه علامة استفهام ..

أنا ما تابعت كل البرامج ولكن في كذا برنامج استفزوني ..

أولاً : برنامج درب المدينة ! - مذيعة كاشخة بالعباة الضيقة وتتمشى بالكعب من مكان لين مكان ع اساس انها تنقل لنا الفعاليات اللي تصير بدولة قطر
ولكن المشكلة -بغض النظر عن اسلوبها وشكلها المبالغ فيه كـ/ممثلة لتلفزيون قطر اضافة الى انها لا تمت للقطريات بصلة -
ماتعرف اي شي عن أي فعالية هي قاعدة تستضيف الناس فيها!

يعني فعاليات سباير
وفعاليات حلبة الوسيل
وفعاليات كتارا
والمتحف
وسوق واقف

توقف وتخلي الضيف يقول كل شي وهي كلامها كله ع بعضه سؤالين - شنهي الفعالية ووين مكانها - ماعندها معلومات كافية عشان تزور هالاماكن وتتكلم عنها !


ثانياً : برنامج ن النسوة ، عكس برنامج درب المدينة ! برنامج في مذيعتين اعتقد وكبار بالسن واحس تفكيرهم وطريقة اسلوبهم ماتتماشى مع المستوى الثقافي والحضاري اللي دولتنا وصلت له ! (يمكن المذيعة اللي تلبس عباية ع الراس قديمة ولها تاريخ بالاذاعة ما ادري ماعرف عنها شي )

ثالثا: برنامج في الضحى ..... لا تعليق صراحة ! البرنامج كله ع بعضه مافيه تنسيق ولا اسلوب وما احسه يشد أي مشاهد !

وفي برنامج ما اعرف اسمه بس فيه مذيعة تتكلم عن الازياء والموضة كل شغلها فالبرنامج قاعدة ع كرسي وتدور وتقول لنا شنهي الموضة الجديدة مع تقرير عن هالموضة !

من وجهة نظري ! احس الحريم ماعندهم قدرة يكونون مذيعات - خصة في بلدنا- فرق بين مذيعاتنا ومذيعات دولة الامارات هل هو نقص بالتدريب والتوجيه أو شنو السبب ؟

[لـبـيـه]

تبين الصج من وجهة نظري

يعرضون الاخبار وبس اما الباقي برامج لمجرد تعبئة الوقت والريان كان زين وصار مثله

الزبده

تلفزيون قطر بكبره ماله داعي

[دااانة قطر]

over
من اشوفهم افر المحطه

[المقاول]

تصدقين يا ام محمد اني كنت ناسي هذا الاسم (( تليفزيون قطر )) والحين ذكرتيني فية .

[أم محمد 90]

تبين الصج من وجهة نظري

يعرضون الاخبار وبس اما الباقي برامج لمجرد تعبئة الوقت والريان كان زين وصار مثله

الزبده

تلفزيون قطر بكبره ماله داعي

احس تقديم البرامج مهنة تليق برجل أكثر (في المجتمع القطري)
مذيعاتنا ماعندهم القدرة على ايصال المعلومة ولا تحفيز المشاهد

المشاهد يشوف وياخذ ذنوب ع الاسلوب المايع والمصطنع ...!

[أم محمد 90]

over
من اشوفهم افر المحطه

لا انا اقعد اشوف واركز ..
واسأل نفسي مافي مسئولين يتابعون نسبة المشاهدين وشلون الجمهور هل هو متقبل هالنوع من البرنامج او لا ؟ ..

[بو خليفه 123]

قد اتفق معك نسبياً

و نقاشك عن ملاحظاتك في محله

و لكن لم تقترحي البديل ؟

[alsoq]

،
،،


صباحكم خير :shy:

،
،،

بغض النظر عن الانتقادات اللي يواجهها تلفزيون قطر !

أختيارهم للمذيعات موضوع عليه علامة استفهام ..

أنا ما تابعت كل البرامج ولكن في كذا برنامج استفزوني ..

أولاً : برنامج درب المدينة ! - مذيعة كاشخة بالعباة الضيقة وتتمشى بالكعب من مكان لين مكان ع اساس انها تنقل لنا الفعاليات اللي تصير بدولة قطر
ولكن المشكلة -بغض النظر عن اسلوبها وشكلها المبالغ فيه كـ/ممثلة لتلفزيون قطر اضافة الى انها لا تمت للقطريات بصلة -
ماتعرف اي شي عن أي فعالية هي قاعدة تستضيف الناس فيها!

يعني فعاليات سباير
وفعاليات حلبة الوسيل
وفعاليات كتارا
والمتحف
وسوق واقف

توقف وتخلي الضيف يقول كل شي وهي كلامها كله ع بعضه سؤالين - شنهي الفعالية ووين مكانها - ماعندها معلومات كافية عشان تزور هالاماكن وتتكلم عنها !


ثانياً : برنامج ن النسوة ، عكس برنامج درب المدينة ! برنامج في مذيعتين اعتقد وكبار بالسن واحس تفكيرهم وطريقة اسلوبهم ماتتماشى مع المستوى الثقافي والحضاري اللي دولتنا وصلت له ! (يمكن المذيعة اللي تلبس عباية ع الراس قديمة ولها تاريخ بالاذاعة ما ادري ماعرف عنها شي )

ثالثا: برنامج في الضحى ..... لا تعليق صراحة ! البرنامج كله ع بعضه مافيه تنسيق ولا اسلوب وما احسه يشد أي مشاهد !

وفي برنامج ما اعرف اسمه بس فيه مذيعة تتكلم عن الازياء والموضة كل شغلها فالبرنامج قاعدة ع كرسي وتدور وتقول لنا شنهي الموضة الجديدة مع تقرير عن هالموضة !

من وجهة نظري ! احس الحريم ماعندهم قدرة يكونون مذيعات - خصة في بلدنا- فرق بين مذيعاتنا ومذيعات دولة الامارات هل هو نقص بالتدريب والتوجيه أو شنو السبب ؟

ام ام محمد الطاقم للتلفزيون قطر لبناني ولجنة التطوير للبناني ايش توقعين منهم
القداما همشوا مع الاسف والبرامج الان من يضعها ليسوا قطرين ابدآ وكلام صحيح 100%

انا لا ادري لماذا هذي الجنسيه على وزارة مؤسسه مهمه في البلد

[أم محمد 90]

قد اتفق معك نسبياً

و نقاشك عن ملاحظاتك في محله

و لكن لم تقترحي البديل ؟

هل تقصد بديل لهذه البرامج أم بديل للمذيعات ؟

[أم محمد 90]

ام ام محمد الطاقم للتلفزيون قطر لبناني ولجنة التطوير للبناني ايش توقعين منهم
القداما همشوا مع الاسف والبرامج الان من يضعها ليسوا قطرين ابدآ وكلام صحيح 100%

انا لا ادري لماذا هذي الجنسيه على وزارة مؤسسه مهمه في البلد

أخوي حتى لو كانت الادارة (مش قطرية) ما يمنع انها تثقف المذيعات وتتأكد من قدرتهم على تقديم برنامج وكسب مشاهدين وايصال المعلومة !

في برامج حلوة وتثير الاهتمام مثل برنامج (وجوه عادية) برنامج يستضيفون فيه اي شخص مش قطري وعايش ف قطر من فترة طويلة ويسألونه شنو راح يكون شعوره لو في يوم ترك قطر (مثل طباخ ، عامل ، طالب ، سائق)

[الـقـاسـي]

هو لو كان اختيار المذيعات لكفائتهم ومهنيتهم العاليه كان اختلف الوضع بس الاختيار حسب الشكل

[همر]

هذا لأنهم يبون يلبسون القطريه ثوب مب ثوبها

غصب طيب ...

البلا فيهم وفي اللي تصدقهم من ناقصات العقل ..



على العموم قناة قطر انا حاطها في الريسيڤر في لستة

المفضلات مع قناة السودان وجيبوتي وارتيريا...

[أم محمد 90]

هو لو كان اختيار المذيعات لكفائتهم ومهنيتهم العاليه كان اختلف الوضع بس الاختيار حسب الشكل

والله يا اخوي نظراً للوضع الحالي أي وحدة بتشل حواجبها وبترسمها وبتنحت خدها وبتضرب شفايفها إبره ومع المكياج بيطلع شكلها مناسب لتلفزيون قطر :) !

[meme-93]

والله يا اخوي نظراً للوضع الحالي أي وحدة بتشل حواجبها وبترسمها وبتنحت خدها وبتضرب شفايفها إبره ومع المكياج بيطلع شكلها مناسب لتلفزيون قطر :) !
بس الشكل الزين مطلوب
بعدين وحده بترزز ظ¢ظ¤ ساعه فالتلفزيون وتسولف مع هاي ومع ذاك بتكون مدينه وحواجبها حواجب خطر وجلحه ملحه
انا مع الشكل الحسن المرتب الجميل (مع) الثقافه واصول الاعلام الصحيح

[تأملات]

ام طلال أحسنهم صج مب دارسه لكن سوالفها حلوه أتمنى يكون لها برنامج خاص وله أعداد جيد

[Serenade]

ام محمد
اكاد اجزم لج ان ما عندهم اي معايير في اختيار المذيعات..هم يبون بنات لابسين عباية و بس.. و بيموتون يبون وحدة قطرية تطلع في التلفزيون

الي اكد لي قصة طريفة و غريبة حصلت لي... قبل ما يظهر تلفزيون قطر بحلة جديدة بكم شهر بس
جاني اتصال غريب من وحدة من جنسية عربية تسألني فلانه.. تبين تصيرين عندنا مذيعة في تلفزيون قطر الجديد؟ تعالي بكرة حق الكاستينغ

انا تميت مصدومه شوي ...و بدون عصبية سألتها ...من عطاج رقمي؟ و ردت بعصبية و عجلة ان احنا نتحفظ على هالمعلومات.. فقط قولي لي اذا مستعدة للعرض او لا"

انا ضحكت ضحك ذاك اليوم.. و شر البلية ما يضحك.. المشكلة مو مستوعبة ان واضح من اسمي قطرية 100% و من ا لقبايل المتحجرة ههههه شلون بكل هالوقاحة تتصل
لين اليوم مادري شلون صار هالموضوع

[أم محمد 90]

بس الشكل الزين مطلوب
بعدين وحده بترزز ظ¢ظ¤ ساعه فالتلفزيون وتسولف مع هاي ومع ذاك بتكون مدينه وحواجبها حواجب خطر وجلحه ملحه
انا مع الشكل الحسن المرتب الجميل (مع) الثقافه واصول الاعلام الصحيح

ماننكر ان المذيعة لازم شكلها يكون (مرتب وجميل) بس اعتقد ان في ضوابط دينية + مجتمعية للبنت القطرية
وفي اسلوب حواري المذيعة لازم تتحاور فيه !

[أم محمد 90]

هذا لأنهم يبون يلبسون القطريه ثوب مب ثوبها

غصب طيب ...

البلا فيهم وفي اللي تصدقهم من ناقصات العقل ..



على العموم قناة قطر انا حاطها في الريسيع¤ر في لستة

المفضلات مع قناة السودان وجيبوتي وارتيريا...




ليش همر قناة السودان حلوة :shy:

[أم محمد 90]

ام طلال أحسنهم صج مب دارسه لكن سوالفها حلوه أتمنى يكون لها برنامج خاص وله أعداد جيد

ماعرفها اي برنامج تقدم ؟

[البانوش]

شوفوا اسامي المذيعات بعدها تعرفون ايش صلتهم بقطر

وبالاخص خدامة ام طلال الاثيوبية الي لبسوها دفة وحجاب بلفيت قطرية

الشرهة ماهي عليهم الشرهة على الي حطهم

[meme-93]

ماننكر ان المذيعة لازم شكلها يكون (مرتب وجميل) بس اعتقد ان في ضوابط دينية + مجتمعية للبنت القطرية
وفي اسلوب حواري المذيعة لازم تتحاور فيه !

دام هي تخلت عن الضوابط الشرعيه والعادات والتقاليد اكيد بتنازل عن اشيا ثانيه مثل المكياج وغيره
لو بنتكلم عن الضوابط الغلط انها تطلع فالتلفزيون

فالشرهه الحين مب ع الشكل والطله ،، ع الاسلوب الحواري الي لازم تتحاور فيه مع الناس وحتواء البرنامج
مثل ماذكرت الاذاعه تتطلب وحده متسنعه + الاسلوب الاعلامي
وشكرا :)

[meme-93]

يعني مذيعات الكويت احين يمثلون الكويتيات؟؟

الي بتتجه صوب التلفزيون لازم تقدم تنازلات عديده
منها الضوابط الشرعيه والعادات والتقاليد

الخلاص ،، لحد يزعل اذا المذيعات مايمثلون البنت القطريه
لان البنت القطريه من الاساس مستواها ارقى من ان تكون مذيعه

[همر]

ليش همر قناة السودان حلوة :shy:


اكيد تتابعين فيها دروس التقويه :tease:

[الدوحه1]

على فكره عدد موظفين "تلفزيون قطر" تجاوزوا ال 1000 موظف والمفروض ان عددهم لايتجاوز ال 600 موظف؟؟؟؟؟؟

الوضع في "المؤسسه القطريه للاعلام" محتاج الى اعادة نظر وتحرك فوري من المسئولين؟؟

[أم محمد 90]

يعني مذيعات الكويت احين يمثلون الكويتيات؟؟

الي بتتجه صوب التلفزيون لازم تقدم تنازلات عديده
منها الضوابط الشرعيه والعادات والتقاليد

الخلاص ،، لحد يزعل اذا المذيعات مايمثلون البنت القطريه
لان البنت القطريه من الاساس مستواها ارقى من ان تكون مذيعه

اختي اتمنى ماتشبهين بناتنا ببنات الكويت !

انتي عارفة الكويت شلون مجتمعهم عادي الوحدة ماتتحجب ولا تلبس عباة
وانتي عارفة عدل عاداتنا وتربيتنا شلون !

ف مايصير نشبه نفسنا بالكويت :) فرق شاسع جداً

وملخص كلامج صحيح المذيعات فالتلفزيون مايمثلون البنت القطرية !
ولكن احنا ماجينا نتكلم عن الشكل احنا نتناقش في انهم يفتقرون للاسلوب الحواري والطريقة الصحيحة لتقديم البرنامج ..

[أم محمد 90]

اكيد تتابعين فيها دروس التقويه :tease:



لا والله
اشوف حنا السودانيات :shy:

[شبح الصمت]

قبل كنت مستانس على انه صار في تغيير

وفي برامج بس الاختيار في الاشخاص اوقات يرجع رجوووع عكسي على البرنامج بكبره

يمكن شخص يحب برنامج لاشخاص متألقين فيه

ويمكن اكره كل البرامج وكل الاشياء لشخص ما حبيته وانتقدت عليه ..


اتمنى يعاد النظر من ناحية المذيعات وعدم اظهارهم بهالشاكلة


ويعطيج العافيه خيتو ام محمد

بس ماشاء الله عليج كل هالبرامج متابعتهم

في برنامج لثلاث شباب شفته مره بس حسيته تغيير جو للشباب ويعطونهم افكار اشوي بس بعد مدري احس في ناس مهب بالعينهم ليش وكيف مدري

هههههههاي

[meme-93]

اختي اتمنى ماتشبهين بناتنا ببنات الكويت !

انتي عارفة الكويت شلون مجتمعهم عادي الوحدة ماتتحجب ولا تلبس عباة
وانتي عارفة عدل عاداتنا وتربيتنا شلون !

ف مايصير نشبه نفسنا بالكويت :) فرق شاسع جداً

وملخص كلامج صحيح المذيعات فالتلفزيون مايمثلون البنت القطرية !
ولكن احنا ماجينا نتكلم عن الشكل احنا نتناقش في انهم يفتقرون للاسلوب الحواري والطريقة الصحيحة لتقديم البرنامج ..
حبيبتي انتي ذكرتي كذا نقطه وانا نقطه شدتني ان المذيعه كاشخه وتفتر
وعلقت عليها ومع توضيح ان يجب على المذيعات احترام اصول الاعلام واحتواء البرامج
هاي اولا

ثانيا
على اي اساس قلتي بنات الكويت عادي مايتحجبون؟؟
ترا بنات قطر بعضهم بعد عادي مايتحجبون :)
وانا ماشبهت بنات قطر بالكويتيات لكن شبهت المذيعات الكويتيات ببنات الكويت
القبائل العربيه الاصليه تحرم ع البنت الظهور فالتلفزيون وغيره
والاعلام صور لنا ان بنات الكويت فاصخين الحيا ولكن العكس صحيح محترمات محتشمات متدينات متعلمات ومتطورات ،، فليش مانشوف بنات العرب الكويتيات اساميهم تلمع من النجوميه الاعلاميه؟؟

فـ اذا معلوماتج عنهم بسيطه لاتعممين على بنات الكويت ان كلهم فري!!
وفالمقابل عندنا بنات فري مثلهم

[NINA RICCI]

اختي اتمنى ماتشبهين بناتنا ببنات الكويت !

انتي عارفة الكويت شلون مجتمعهم عادي الوحدة ماتتحجب ولا تلبس عباة
وانتي عارفة عدل عاداتنا وتربيتنا شلون !

ف مايصير نشبه نفسنا بالكويت :) فرق شاسع جداً

وملخص كلامج صحيح المذيعات فالتلفزيون مايمثلون البنت القطرية !
ولكن احنا ماجينا نتكلم عن الشكل احنا نتناقش في انهم يفتقرون للاسلوب الحواري والطريقة الصحيحة لتقديم البرنامج ..

ليش فرق شاسع !!!! غريب كلامج ..

وبخصوص المذيعات فعلا مايشدون الانتباه لسبب ان ماعندهم خبررره كافيه تأهلهم ان يصيرون مذيعات لقناة فضائيه , اتوقع العالم هاجرين هالقناه من الاساسس

[أم محمد 90]

قبل كنت مستانس على انه صار في تغيير

وفي برامج بس الاختيار في الاشخاص اوقات يرجع رجوووع عكسي على البرنامج بكبره

يمكن شخص يحب برنامج لاشخاص متألقين فيه

ويمكن اكره كل البرامج وكل الاشياء لشخص ما حبيته وانتقدت عليه ..


اتمنى يعاد النظر من ناحية المذيعات وعدم اظهارهم بهالشاكلة


ويعطيج العافيه خيتو ام محمد

بس ماشاء الله عليج كل هالبرامج متابعتهم

في برنامج لثلاث شباب شفته مره بس حسيته تغيير جو للشباب ويعطونهم افكار اشوي بس بعد مدري احس في ناس مهب بالعينهم ليش وكيف مدري

هههههههاي

لا والله مو متابعتهم

بس لان اول مادخل البيت اشغل التلفزيون وتلقائيا ع قناة قطر لانها رقم واحد عندي بالريسيفر

ف اكون قاعدة فالغرفة سواء اتكلم فالتلفون او ع النت او ارتب او غيره والتلفزيون ع قناة قطر من جي شفت هالبرامج

وترى برنامج الـ3 شباب وايد وايد وايد حلو شفت لهم 3 حلقات

واحسه ناجح لان عندهم (كاميرا فيس) ويعرفون شلون يتكلمون ويعبرون قدام الكاميرا

[شبح الصمت]

قناة قطر صارت مثل اللاعب الاحتياط اذا خلاص عجزت عن متابعة قنوات أخرى تفتر عليه وانت مغصوب

[أم محمد 90]

ليش فرق شاسع !!!! غريب كلامج ..

وبخصوص المذيعات فعلا مايشدون الانتباه لسبب ان ماعندهم خبررره كافيه تأهلهم ان يصيرون مذيعات لقناة فضائيه , اتوقع العالم هاجرين هالقناه من الاساسس

معليش اختي نقاشي مب عن عاداتنا وعادات الدول الاخرى ..

وكلنا نتابع ونشوف الفرق ،،

في ناس هاجرينها وفي ناس يتابعونها استغراباً للتغير من سيء الى اسوء

[Qtr37]

أم محمد ،، يعني لو كانو المذيعات مب حلوات وما يلبسون كعب بتكون قناة ناجحة؟ صحيح أني ما أأيد كشف الوجه في أي مكان ، لكن البنات هالايام جذي مكياج وكشخة سواء قطريات او غير قطريات ،،
بغض النظر عن مضمون البرامج ، تلفزيون قطر شلون كانو المذيعات فيه قبل؟؟

[أم محمد 90]

حبيبتي انتي ذكرتي كذا نقطه وانا نقطه شدتني ان المذيعه كاشخه وتفتر
وعلقت عليها ومع توضيح ان يجب على المذيعات احترام اصول الاعلام واحتواء البرامج
هاي اولا

ثانيا
على اي اساس قلتي بنات الكويت عادي مايتحجبون؟؟
ترا بنات قطر بعضهم بعد عادي مايتحجبون :)
وانا ماشبهت بنات قطر بالكويتيات لكن شبهت المذيعات الكويتيات ببنات الكويت
القبائل العربيه الاصليه تحرم ع البنت الظهور فالتلفزيون وغيره
والاعلام صور لنا ان بنات الكويت فاصخين الحيا ولكن العكس صحيح محترمات محتشمات متدينات متعلمات ومتطورات ،، فليش مانشوف بنات العرب الكويتيات اساميهم تلمع من النجوميه الاعلاميه؟؟

فـ اذا معلوماتج عنهم بسيطه لاتعممين على بنات الكويت ان كلهم فري!!
وفالمقابل عندنا بنات فري مثلهم

معلوماتي مو بسيطة عنهم ،
بس مثل ماقلت وذكرت الكويت مشهورة بالوسط الفني والاعلامي
والمقارنة هني عن المجال الاعلامي وعن المذيعات مو عن بنات الناس :)

[أم محمد 90]

أم محمد ،، يعني لو كانو المذيعات مب حلوات وما يلبسون كعب بتكون قناة ناجحة؟ صحيح أني ما أأيد كشف الوجه في أي مكان ، لكن البنات هالايام جذي مكياج وكشخة سواء قطريات او غير قطريات ،،
بغض النظر عن مضمون البرامج ، تلفزيون قطر شلون كانو المذيعات فيه قبل؟؟

مانتكلم عن الشكل ..

نقاشنا عن طريقة تقديم البرنامج والاسلوب الي يتحاورون فيه مع الضيف

شكراً ،،

[meme-93]

حبيبتي تكلمتي عن كذا نقطه
ومنها الشكل
واحنا نعلق ع الشكل بغض النظر عن باقي كلامج


وصح الكويت مشهوره بالوسط الفني لكن بعد مشهوره بقابئلها العريقه الي ترفض حتى الرجل يلبس بدله
وعندهم تشديد اكثر من قطر فالعلم بس
والوسط الفني الي تقولين مشهورين فيه
ظ©ظ*ظھ مب كويتين + مجنسين

فلاتقللين من شأن الكويت لان الكويت وقطر وحده وعاداتنا وتقاليدنا وافكارنا وحده

نرجع حق الموضوع الاساسي
المذيعات لازم يتعلمون فنون الاذاعه والتلفزيون
وكيفية احتواء البرامج واخلاق الابتكارات من طريقة الطرح والسؤال
وشكوره يام حمووودي ع الموضوع :)

[أم محمد 90]

حبيبتي تكلمتي عن كذا نقطه
ومنها الشكل
واحنا نعلق ع الشكل بغض النظر عن باقي كلامج


وصح الكويت مشهوره بالوسط الفني لكن بعد مشهوره بقابئلها العريقه الي ترفض حتى الرجل يلبس بدله
وعندهم تشديد اكثر من قطر فالعلم بس
والوسط الفني الي تقولين مشهورين فيه
ظ©ظ*ظھ مب كويتين + مجنسين

فلاتقللين من شأن الكويت لان الكويت وقطر وحده وعاداتنا وتقاليدنا وافكارنا وحده

نرجع حق الموضوع الاساسي
المذيعات لازم يتعلمون فنون الاذاعه والتلفزيون
وكيفية احتواء البرامج واخلاق الابتكارات من طريقة الطرح والسؤال
وشكوره يام حمووودي ع الموضوع :)

تماما مثل الوسط الفني عندنا

العفو حبيبتي نورتي

[Rider]

يعني الحين من زين مذيعات قناة الريان وبرامجهم الهابطة كل وحده كاشخه وطالعه للكل يشوفها ترى والله عيب

[TRAVELLER]

تقنية حديثة ممتازة لتلفزيون قطر لكن في الإعداد للبرامج أتفق معك أختي الكريمة ينقصه معدين بارزين وفلتر لما يعرض وما لا يعرض

وللإنصاف ،، هناك برامج مثل الربيع الأسري وسبحآن الله وغيرها ذات الإثراء والقيمة في المحتوى وكم أود بالبرامج الحوارية الساخنة في إستضافة دكتور طارق رمضان ومناقشة لبعض كتبه وما يعنيه أو الدكتور الشيخ ذاكر عبدالكريم ،، لكن أين المعد الناجح لهؤلاء ليعطي قيمة للمشاهدة ؟

وبرنامج آخر ليناقش ويحقق في مشكلات المواطنين التي يعانونها ويتم طرحها بوطني الحبيب صباح الخير ووضع مقترحات للحل والتطوير

[Abdulraman]

يا ام محمد اذا بدقيقين على كل شي بتتعبين لان سياسة الدوله الحين الانفتاح والانفصاخ الله يهديم
بسألكم ذهبيه جابي وينescape

[بوخالد911]

مصائب قوم عند قوم فوائد

[أم محمد 90]

يعني الحين من زين مذيعات قناة الريان وبرامجهم الهابطة كل وحده كاشخه وطالع للكل يشوفها ترى والله عيب

قناة الريان برامجها حلوة (كأفكار) لكن كتقديم سيء !
اسوء من تلفزيون قطر بوايد

في برنامج عن السيارات ! المذيع يسولف مرة بالعامية مرة بالانجليزي مرة بالفصحى !!

اسلوبه مستفز جداً كأن يسولف مع واحد من ربعه عن سيارة ما كأن يخاطب ناس من داخل الدولة وخارجها

http://www.alrayyan.tv/Arabic/Shows/Pages/ShowDetails.aspx?ShowID=481

[أم محمد 90]

يا ام محمد اذا بدقيقين على كل شي بتتعبين لان سياسة الدوله الحين الانفتاح والانفصاخ الله يهديم
بسألكم ذهبيه جابي وينescape

منهي ذهبية جابي"؟
ههههههههههههه شخباري

[Right]

ما أشوف إلا براطم منفخة وخدود مليانة بوتكس



تذكرني برسوم الرغيف العجيب :nice:

[Abdulraman]

منهي ذهبية جابي"؟
ههههههههههههه شخباري

افا ماتعرفين ذهبيه جابي
من مؤسسي تلفزيون قطر
قبل ماعندنا مذيعه غيرها واختفت مره وحده والمفروص يسوون لها تمثال عند باب التلفزيون

[بنـ الدحيل ـت]

السلام عليكم ..
بصراحة لم أقرأ الموضوع
ولكن الأخت عروق قطر طلبت مني الرد عليكِ

وتقول : موضوع ركيك يا ام محمد
ليس لديكِ أسلوب النقد ..

مع تحيات صديقتي الكاتبة عروق قطر

[أم محمد 90]

السلام عليكم ..
بصراحة لم أقرأ الموضوع
ولكن الأخت عروق قطر طلبت مني الرد عليكِ

وتقول : موضوع ركيك يا ام محمد
ليس لديكِ أسلوب النقد ..

مع تحيات صديقتي الكاتبة عروق قطر

قولي للكاتبة / عروق قطر

الموضوع نقاشي عكس كتاباتها اللي تحاول انها تسرد قصص وحكم ومواعض (مع ان ماشوف في ردود والتفات كبير لكتاباتها)
بس يالله شكلها زعلانة لان مرة كتبت ان اسلوبها ركيك فالكتابة في احد مواضيعها (عن المذيعين والمذيعات) وحبت ترد علي
يحليها ويحليلج :shy: نورتو انتو الثنتين

ولو باخذ برأيي أحد في مواضيعي باخذ رأي ناس خبرة ولهم اسم في هذا المجال ،

فالنهاية عارفة شنو نوعية الموضوع اللي طارحته
اخلي الكتابة والنقد لاهلها وهي خل تخلي السوالف والمناقشات العامة لاهلها ;)

[أم محمد 90]

افا ماتعرفين ذهبيه جابي
من مؤسسي تلفزيون قطر
قبل ماعندنا مذيعه غيرها واختفت مره وحده والمفروص يسوون لها تمثال عند باب التلفزيون

ههههههههههههههه دخلت قوقل اشوف صورها

صج صج قديمة

[زبرجد]

أختي أم محمد المذيعات من هالأشكال لهم أشباه من بنات قطر للأسف ..!

[7llo]

ياريال من يتابع اذاعه قطر ؟ والله العظيم انه اذاعه قطر مانحط عليه الا في رمضان وقت اذان المغرب عشان نسمع متى ياذن وعقب يفرون ويحطون ام بي سي
قناه قطر محد يشوفها كلش الكل يشوفها لو في زياده اعلنوها على التلفزيون ولا وقت الفطور وسع صدرك وانا اخوك

[أم محمد 90]

ياريال من يتابع اذاعه قطر ؟ والله العظيم انه اذاعه قطر مانحط عليه الا في رمضان وقت اذان المغرب عشان نسمع متى ياذن وعقب يفرون ويحطون ام بي سي
قناه قطر محد يشوفها كلش الكل يشوفها لو في زياده اعلنوها على التلفزيون ولا وقت الفطور وسع صدرك وانا اخوك

هذا اللي نحاول نوصل له

معقولة المسئولين مايتابعون ويشوفون اذا في اقبال من المشاهدين على برنامج معين ..؟

[أم محمد 90]

أختي أم محمد المذيعات من هالأشكال لهم أشباه من بنات قطر للأسف ..!

مع الأسف يا اخوي هالبنات ماقامو يلبسون جذي الا تأثراً بما يشاهدونه ع القناة والقنوات الاخرى

[كيلو حديد]

قليل اتابع التلفزيون بس مذيعه برنامج في الضحى تعجبني والوالده ما تعجبها ههه
مدري شسمها عاد


صرت أكره التلفزيون بشكل عام

[ام السعف]

امس ماادري اول امس في رحلة التنقل ما بين المحطات
كعادة شريكي في هذه الحياة ،، لاحظت مذيعتين كبار في السن
ياحليلهن معلوماتهن وطريقة كلامهن مقبولة لي ......> فما لقيت شي غلط فيهن
في الفترة اللي توقف تالرحلة عند قناة قطر الفضائية :shy:

[ام ناصر1]

من وين اتيبون وقت لمتابعة البرامج .....المهم
تلفزيون قطر حاب يعطي فرصة لوجوه جديدة ...مافيها شي ...وهاي محتاج اعطاء فرصة للجدد ...بعد 3 سنوات اذا ماتطور مستواهم يصير خير حزتها ....

[وليف الشوق]

سيدتي الفاضله

[وليف الشوق]

سيدتي الفاضله وصاحبة الموضوع اشكرك وطرحك للموضوع واحترم رأيك بكل تقدير واحترام لكن اختلف تماما مع نقدك والسبب ان تلفزيون قطر قام بتطوير القناة للافضل من ذي قبل وهي تمثل شريحه كبيرة من الموطنين وفي جميع المجالات واذا على اللباس فهو اللباس المعتاد لتقاليدنا وعادتنا خاصه العباءه ولبس الشال والابتعاد عن المذيعات اللاتي يقمن بلبس اللباس الغير محتشم في كثير من القنوات العربية وبالنسبة لضيق العباة صدقيني اللي اشوفه موضه البنات العباة الضيقه والخصره _ يعني جات على المذيعات الاخوات الفاضلات ؟

[الدوحه1]

سيدتي الفاضله وصاحبة الموضوع اشكرك وطرحك للموضوع واحترم رأيك بكل تقدير واحترام لكن اختلف تماما مع نقدك والسبب ان تلفزيون قطر قام بتطوير القناة للافضل من ذي قبل وهي تمثل شريحه كبيرة من الموطنين وفي جميع المجالات واذا على اللباس فهو اللباس المعتاد لتقاليدنا وعادتنا خاصه العباءه ولبس الشال والابتعاد عن المذيعات اللاتي يقمن بلبس اللباس الغير محتشم في كثير من القنوات العربية وبالنسبة لضيق العباة صدقيني اللي اشوفه موضه البنات العباة الضيقه والخصره _ يعني جات على المذيعات الاخوات الفاضلات ؟

اخي العزيز ممكن تشرح لنا ماهو التطور اللي حصل؟؟؟
مدي نجاح أي وسيله اعلاميه يعتمد على راي ورضا المشاهدين/المستمعين!!

وانا متأكد ان لو تم عمل استبيان علمى لقياس مدى رضى المشاهدين عن تلفزيون قطر لوجدنا ان الاغلبيه مب راضيين عن أداء تلفزيون قطر!!
والسبب ان المسئولين يسعون لرضا المسئولين الاعلى منهم ومش مهم رضا المشاهدين.

نبي برامج "قويه" مثل بانوراما(بي بي سي) و 60 دقيقه(امريكا).

[kawkawii]

أنا اائيد الرأي في مذيعات قناع قطر خاصه برنامج في الضحى حده تعيس وما في حضور للمذيعات
لكن ما يوجه الانتقاد للحريم بشكل عام
ما شاء الله مذيعات قناة الريان يعطيهم العافيه شغلهم صح ولبسهم محترم ولا شعره طالعه ومب أوفر بالمكياج الله يحفظهم فقناة تمثل قطر بصوره حلوه حتى في برامجها عكس القناه الي شايله اسم قطر واهي محتواها( لا تعليق) لدرجه ان أشك ان الي فيها والي ورآها اصلهم قطريين !

[khalid525]

مشكلتنا ما نعرف شنبي ، اذا جابوا مذيعات اجانب قلتوا وين بنات البلد واذا جابوا بنات البلد قلتوا فاصخين الحيا ، تدرون احسن شي خلهم يسكرون تلفزيون قطر لاننا في الاخير ما نتابع الا ام بي سي واخواتها اللي ما تعرض الا مشاهد كلها تقوى وورع :)

[faisalqatar]

صاحبة الموضوع تتكلم عن طريقة الحوار و المهنية والناس اقلبوها اصل و قبائل + احترام و احتشام

يعطيكم العافية

[وليف قطر]

انا ما احط على هالقناة

إلآ في اليوم الوطني : )

[غايه الطواش]

الصراحه عاجبتني قناه قطر

[ضوى]

الصراحه عاجبتني قناه قطر

فيه برنامج حلو بعد المغرب مباشرة عن المسلمين الجدد وايد عجبني

[حسن]

بالنسبه لي متابعتي اصبحت قليله جدا

لكن شفت كم مره واحس انها مقبوله وماشيه

وبعدين بالنسبه للبس المذيعات هذه معروفه موضه النساء نلاحظهم في كل مكان العمل المجمعات والشارع
يعني لاجديد

وبعدين احنا نعاني من قله مذعين الشغله هذه في نظر الكثير عيب ويستحي

وبس بس بالنسبه لي
مااهتميت فيه وخصوصا من عقب ماشالو النشره الجويه وخلوها ارقام
ماتصلح لنا

وبعدين مش بالضروره

[أم محمد 90]

امس ماادري اول امس في رحلة التنقل ما بين المحطات
كعادة شريكي في هذه الحياة ،، لاحظت مذيعتين كبار في السن
ياحليلهن معلوماتهن وطريقة كلامهن مقبولة لي ......> فما لقيت شي غلط فيهن
في الفترة اللي توقف تالرحلة عند قناة قطر الفضائية :shy:

اي هاي البرنامج اسمه ن النسوة ، البرنامج فكرته حلوة بس لو قعدتي تتابعينه بتشوفين ان المذيعتين يعيدون نفس الكلام
احس ماعندهم اعداد جيد..

حياج الله يالغالية

[أم محمد 90]

سيدتي الفاضله وصاحبة الموضوع اشكرك وطرحك للموضوع واحترم رأيك بكل تقدير واحترام لكن اختلف تماما مع نقدك والسبب ان تلفزيون قطر قام بتطوير القناة للافضل من ذي قبل وهي تمثل شريحه كبيرة من الموطنين وفي جميع المجالات واذا على اللباس فهو اللباس المعتاد لتقاليدنا وعادتنا خاصه العباءه ولبس الشال والابتعاد عن المذيعات اللاتي يقمن بلبس اللباس الغير محتشم في كثير من القنوات العربية وبالنسبة لضيق العباة صدقيني اللي اشوفه موضه البنات العباة الضيقه والخصره _ يعني جات على المذيعات الاخوات الفاضلات ؟

اخوي انا يمكن ذكرت نقاط اللبس ولكن ركزت اكثر على اسلوب الحوار وتقديم البرنامج
وقلت ان مستواهم في الاعداد سيء جداً واسلوب التقديم مايجذب المشاهد

شكراً لك

[أم محمد 90]

صاحبة الموضوع تتكلم عن طريقة الحوار و المهنية والناس اقلبوها اصل و قبائل + احترام و احتشام

يعطيكم العافية

معليه اخوي متعودين

تحوير الموضوع الى موضوع اخر شي متعودين عليه

يعطيك العافية

[أم محمد 90]

بالنسبه لي متابعتي اصبحت قليله جدا

لكن شفت كم مره واحس انها مقبوله وماشيه

وبعدين بالنسبه للبس المذيعات هذه معروفه موضه النساء نلاحظهم في كل مكان العمل المجمعات والشارع
يعني لاجديد

وبعدين احنا نعاني من قله مذعين الشغله هذه في نظر الكثير عيب ويستحي

وبس بس بالنسبه لي
مااهتميت فيه وخصوصا من عقب ماشالو النشره الجويه وخلوها ارقام
ماتصلح لنا

وبعدين مش بالضروره

مش بالضرورة شنو ههههههه احسك ماكملت ردك

نورت بابا حسن

[المستعصم بالله]

أعتقد أن أغلب مذيعي تلفزيون قطر هم من الهواة الغير متخصصين في المجال الإعلامي، والمشكلة أن بعضهم يتحدث الفصحى فيرتكب الكوارث من حيث لايدري !

[مهرة]

هلا بالمشاكسة اللطيفة .. هاه ويش عندج هاليومين ترى الجو بديع وماله داعي الهواش والتعكير من الصبح ..!

بالنسبة لتفزيون قطر والله نادر مانشوفه بس حق الآذان ومرة بالغلط نشوف لقطات لبرامج معينة متى وقت عرضها ..

والمذيعات الصراحة صدمة !!!!!!!!!!:rolleyes2:

بس نادر مانحط على قناة قطر ..

[أم محمد 90]

هلا بالمشاكسة اللطيفة .. هاه ويش عندج هاليومين ترى الجو بديع وماله داعي الهواش والتعكير من الصبح ..!

بالنسبة لتفزيون قطر والله نادر مانشوفه بس حق الآذان ومرة بالغلط نشوف لقطات لبرامج معينة متى وقت عرضها ..

والمذيعات الصراحة صدمة !!!!!!!!!!:rolleyes2:

بس نادر مانحط على قناة قطر ..

اهلين حبيبتي :shy: انا مشاكسة حرام عليج انا اكثر بنت هادئة على الكوكب ههههههههههههه

شفتي شلون كلامج نفس باقي الردود ! معقولة قناة بلادنا مانحب نشوفها ولا تشدنا ولا تثير اهتمامنا؟
شمعنى قنوات دبي مثل one tv و دبي و قنوات mbc بشكل عام تثير انتباهنا ونحب نتابعها ؟

[العنيده]

قناة قطر اكثر وقت اشوفها فيه لما اكون مسافره :victory:
معاج بكل كلمه .. ياريت قبل بعطونهم دورات طريقه الكلام والاسلوب تشد اكثر لاي برنامج .. و في الضحى اشوفه حلوو اختلاف راي لا اكثر فكرة البرنامج طبيعيه اكثر من اي برنامج غيره ..

الكوادر القطريه يطورونها بتعطي اكثر بس المشكله ماعطوها حقها هناك ..

[الماريّة]

خلي المذيعات على صوب وفريه على قناه الريان وشوفي برنامج تراحيب
الي كله شباب قطر ولا يستضيفوووووووون الا كل وحده حلوة ومزيونه وتتدلع بكلامها
والبنت تتكلم عن الموضوع الي مستضفينها فيه والمذيعين امبققين عيونهم ومفهين عليها ولا يدرون شتقول

[أم محمد 90]

خلي المذيعات على صوب وفريه على قناه الريان وشوفي برنامج تراحيب
الي كله شباب قطر ولا يستضيفوووووووون الا كل وحده حلوة ومزيونه وتتدلع بكلامها
والبنت تتكلم عن الموضوع الي مستضفينها فيه والمذيعين امبققين عيونهم ومفهين عليها ولا يدرون شتقول

:eek5: جاري البحث والعودة لابداء الرأي

[ظل القمر]

انا خاطري افهم واستوعب شغله

على اي اساس اختاروا حنين النقدي و شوق النقدي !!!


لا جد والله اشكالهم تجيب اللوعه و الغثه مافي احترام مافي تهذب وحشمه باللبس !! كل وحده تطلع تستعرض لنا

بالمكياج و بالعبايات الخايسه هاذي !!

شالسنع ؟؟؟؟ من اللي قاعد يلعب بنا باستقطاب هالاشكال التعبانه ؟؟

اما بالنسبة لفحوى موضوعج وهو الاعداد و القدرة

خلونا نرجع ونشوف منهم معدين البرامج وشهي جنسياتهم وشهو فكرهم !!!

وبعدين بنعرف ليش اصلا دور المقدمة سطططططحي

[أم محمد 90]

انا خاطري افهم واستوعب شغله

على اي اساس اختاروا حنين النقدي و شوق النقدي !!!


لا جد والله اشكالهم تجيب اللوعه و الغثه مافي احترام مافي تهذب وحشمه باللبس !! كل وحده تطلع تستعرض لنا

بالمكياج و بالعبايات الخايسه هاذي !!

شالسنع ؟؟؟؟ من اللي قاعد يلعب بنا باستقطاب هالاشكال التعبانه ؟؟

اما بالنسبة لفحوى موضوعج وهو الاعداد و القدرة

خلونا نرجع ونشوف منهم معدين البرامج وشهي جنسياتهم وشهو فكرهم !!!

وبعدين بنعرف ليش اصلا دور المقدمة سطططططحي

حنين النقدي لو دورتي بقوقل بتشوفين ان هي من زمان تقدم بتلفزيون قطر (كان شكلها غيررر)
وبعدها تسمكرت صح وراحت سوق واقف سوت فوتوشوت وفجأة صار لها برنامج الليموزين العملاق

شوق النقدي بعد مادري ع أي اساس

اشوف ان نورا حسن اختفت نهائي مادري وين راحت ..

بغض النظر عن جنسيات معدي البرنامج ؟ هذا دليل على ان الي يعدون البرامج وماسكين القناة غير مؤهلين للاعلام

[ms-qtr]

أنا بس يعجبني في الضحى
أجوفه عفوي وما فيه تكلف
بس البرامج الثانية مالها معنى "سطحية"

[ضوى]

بصراحة الجنسية ماتعيب صاحبها ، اللي يعيبهم الاسلوب والافتقار للحوار والتقديم وبروتوكولات تقديم البرامج

نشوى الرويني ذهبية جابي كانوا من اروع مايكون

[ms-qtr]

بعض الردود غريبة
خافوا الله في ردودكم هذي أعراض ناس
في بعض المذيعات مبالغين بس مب كلهم لا تجمعون
بعضهم لبسهم محتشم وأشكالهم نفس نسبة كبيرة من القطريات إلي نجوفهم بالأماكن العامة
وإلي تقول إن مذيعين الريان يبحلقون شتحسين فيه!!!
أيام التلفزيون القديم كانوا مذيعات ببنطلون والشعر مفلول وما قلتوا شي!!
والحين قامت القيامة

[الماريّة]

انا خاطري افهم واستوعب شغله

على اي اساس اختاروا حنين النقدي و شوق النقدي !!!


يحليلهم طلعوا خوات ؟ وبعد عراقيات وانا اقول من وين جاي هالجمال

الله يحفظهم ويستر عليهم

[الماريّة]

بعض الردود غريبة
خافوا الله في ردودكم هذي أعراض ناس
في بعض المذيعات مبالغين بس مب كلهم لا تجمعون
بعضهم لبسهم محتشم وأشكالهم نفس نسبة كبيرة من القطريات إلي نجوفهم بالأماكن العامة
وإلي تقول إن مذيعين الريان يبحلقون شتحسين فيه!!!
أيام التلفزيون القديم كانوا مذيعات ببنطلون والشعر مفلول وما قلتوا شي!!
والحين قامت القيامة

تابعي البرنامج وتعرفين انهم مايستضيفون الا الحلوات ^_*

واصلا ماله داعي شباب وبنات بحكم انهم مذيعين
ليش البنت ماتستضيفها بنت والولد يستضيف شنب مثله

[أم محمد 90]

يحليلهم طلعوا خوات ؟ وبعد عراقيات وانا اقول من وين جاي هالجمال

الله يحفظهم ويستر عليهم

http://www.qatarp.com/files/131/Haniin15.jpg

:secret:

[أم محمد 90]

تابعي البرنامج وتعرفين انهم مايستضيفون الا الحلوات ^_*

واصلا ماله داعي شباب وبنات بحكم انهم مذيعين
ليش البنت ماتستضيفها بنت والولد يستضيف شنب مثله

انا دخلت اشوف الحلقات ماشوفهم استضافو بنات؟
يمكن مغلطة باسم البرنامج..

[Rider]

لازم المذيعه تكوين فضائية علشان تنجح

[ضوى]

لازم المذيعه تكوين فضائية علشان تنجح

تذكر برنامج غانم السليطي ؟؟ انتي مذيعة فضائية وانتي مذيعة ارضية ؟؟

كانه كان حاس باللي يصير الحين

[math~story]

بصراحه ماحب قناة قطر بسبب المذيعات وكلامج اختي ام محمد كله صحيح
والحين طبعا يختارون المذيعات اللي يعرفونهم ويقربولهم ومش قطريات حتى يمكن
ماعندهم شهادة ف تخصص الاعلام والبعض اذا عنده شهاده والكلام يطلع ع الشاشه
اللي قدامهم ويقرون ع اساس انهم يقدمون وخلاص ...
يعني قناة قطر كقناه تعرض لا تهتم ابدا بالمشاهد ولا المستمع

[لاجئ عاطفي]

كلامج صحيح يا ام محمد في برامج هالمذيعات بعضهم فعلا ماتعرف تحاور وماتعرف شتقول مجرد ظهور وبس اما عن الشكل فكل التلفزيونات على نفس السياق يعني عادي ولكن نتفق معاج ان اغلبهم ماعنده ثقافه الحوار ولا حتى الاسلوب في الحوار وحتى الريان فيها مذيع هوايته يقاطع الناس ويفرض رايه بالقوة وغير وجهه المكشر مع ابتسامه مصطنعه ييعني بالغصب يضحك والمشكله امفكر نفسه مذيع مافوقه فوق يعني اللي يشوفه يقول فوزي الخميس الله يرحمه :)

[الماريّة]

انا دخلت اشوف الحلقات ماشوفهم استضافو بنات؟
يمكن مغلطة باسم البرنامج..

اخر حلقه انعرضت من كم يوم

[qatara]

خذ وخل
بالفيت انه تطورنا
كانه بخروج المراه وترززها بكل مكان يكون التطور !!!!!

تذكرني باغنيه مياده الحناوي
كان ياماكان

[القحطاني505]

طبيعي ما ينهضمون لأن المرأة ما خلقت لتستعرض بكامل زينتها أمام الرجال في التلفزيون

والأفضل إلغاء تلفزيون قطر :)

[وبشرالصابرين]

شكل القناه لحد الحين بث تجريبي ... كلها برامج معاده ومكرره



.

[مهرة]

اهلين حبيبتي :shy: انا مشاكسة حرام عليج انا اكثر بنت هادئة على الكوكب ههههههههههههه

شفتي شلون كلامج نفس باقي الردود ! معقولة قناة بلادنا مانحب نشوفها ولا تشدنا ولا تثير اهتمامنا؟
شمعنى قنوات دبي مثل one tv و دبي و قنوات mbc بشكل عام تثير انتباهنا ونحب نتابعها ؟

قلت الصج فديتج .. وبصراحة اشوف قناة الريان اكثر حتى برمضان احط عالريان اكثر .. بغض النظر عن بعض مذيعينهم الكفاءة ..!

وبعدين تعالي ابي افهم من وين اتجيبين وقت لمجابل التلفزيون هاه ؟؟ خليني اخلص بالأول مسلسلات الديفي دي عقب افضى للتيفي ..:tease:

[أم محمد 90]

قلت الصج فديتج .. وبصراحة اشوف قناة الريان اكثر حتى برمضان احط عالريان اكثر .. بغض النظر عن بعض مذيعينهم الكفاءة ..!

وبعدين تعالي ابي افهم من وين اتجيبين وقت لمجابل التلفزيون هاه ؟؟ خليني اخلص بالأول مسلسلات الديفي دي عقب افضى للتيفي ..:tease:

الريان برامجها افضل من تلفزيون قطر بس لو شوي يتكلمون فصحى !

عاميتهم تعبانة وايد يخلطون العامي بالبدوي بالحضري بالانجليزي !!!!!

والله ارجعى البيت 8 تقريباً اشغل التلفزيون وشرايج يتم واقف ع تلفزيون قطر ليييين موعد نومي اغيره ع الام بي سي اذا لقيت شي يعجبني قعدت اشوفه لين انعس وانام واذا ماعجبني شي شغلت المجد وقعدت اطقطق بالجوال لين انام هههههههه

مو متابعة والله بس حظها هالقناة رقمها 1 عندي بالريسيفر