تركيا تركيا تركيا اسطنبول [الأرشيف] - منتديات شبكة الأسهم القطرية

مشاهدة النسخة كاملة : تركيا تركيا تركيا اسطنبول

صمتي حزن

20-11-2013, 11:44 AM

غير البشر

20-11-2013, 10:48 PM

السلام عليكم ورحمه الله وبركاته

اخواني جزاكم الله خير افيدوني

رايح تركيا بأذن الله شهر 3 لمده 11 يوم

اول مره ازورها ابغي نصايحكم وعندي استفسار

الخيارات الي عندي للفنادق

هل اسكن في فندق الأنتر كونتلنتل او شنغرلا او كمبنسكي

ابغي رايكم

شكرا والف شكر لك من بيعطيني رايه ونصائح الف شكر

مرحبا صمتي حزن

بالنسبه للفنادق الثلاثه

1- فندق كمبنكسي :

افخم وارقى فندق في اسطنبول
يقع على البسفور وقريب من الجسر المعلق الي يفصل بين اسيا واوربا
حجم الغرف العاديه كبيره 34 متر
وانصحج لما تحجزين فيه تاخذين غرفه تطل على البسفور
وعيبه الوحيد مافي شي جنبه غير البسفور
يعني من ناحيه مافي مطاعم او كوفيها او محلات تجاريه
وجنب الفندق زحمه يعني غير مريح كثير
بس الناحيه الثانيه من الفندق فيه حديقه حلوه للتمشي
ويبعد عن تقسيم بالسياره ربع ساعه تقريبا

2- فندق شانغريلا

فندق بعد حلو وعلى البسفور على نفس خط فندق كمبنسكي
خمس دقايق الى تقسيم بالتاكسي
الغرف العاديه عندهم حجمها كبير اكبر من كمبنكسي
واثاث الغرف وايد راقي
وجنب الفندق برع محلات تجاريه ومطاعم وكوفيهات
بس عيبه نفس عيب كمبنكسي فيه زحمه جنب الفندق
لان الطريق جنب البسفور غالبا زحمه

3- فندق الانتر تقسيم

يقع الفندق في تقسيم مكانه حلوو وفندق راقي
وجنب المطاعم والمحلات
وتحت الفندق مكتب الخطوط الجويه القطريه
سعر يعتبر مناسب جدا بالمقارنه مع فندق كمبنسكي وفندق شانغريلا

موقع الفنادق خارطة

http://im37.gulfup.com/bLo4q.png (http://www.gulfup.com/?YLQ2zi)

وان شاء الله بشرح لكم كل مايتعلق في اسطنبول وجميع الاماكن الحلوه
واذا تبغون سايق امين وعلى ظمانتي يتكلم ويكتب عربي بعد موجود :victory:

ماجد البدر

21-11-2013, 07:32 AM

حطوا في بالك الطق بارد جدا وربما مع ثلوج ولكنه ممتع جدا اسطنبول افضل في الشتاء من الصيف
للزيارات المساجد والمتاحف و المدينة الصغيره مني تورك واوكاروم وبنوراما فتح القسطنطينية وسوق جواهر مول والسوق المسقوف
افضل شي الاتفاق مع مكتب سياحي يوفر سيارة بسايق يكون معاكم 8 ساعات في اليوم بين 150 الى 200 دولار وقد تجدون ارخص والله اعلم

missperfect

21-11-2013, 07:55 AM

سكنت كمبنسكي وتحسفت توقعته افخم من جذي بالنسبة حق سعره المبالغ فيه عشان انه قصر عثماني قديم وعلى البسفور الغرف عاديه جدا جدا ولا بعد مافي غلايه تحضير الشاي والقهوة في الغرفه
افضل الفنادق وأسعارهم حلوه فندق جراند حياة - الانتركونتتال - فندق اليت وورد الخمس نجوم لان في اربع نجوم بعد اقدم منه ،، وقريب من ساحة التقسيم
وفنادق بورصا .. كراون بلازا بورصا - هيلتون بورصا ..

طموحي عالي

27-11-2013, 08:37 AM

اسكني في فندق مارتي او اليت وورلد لكن مارتي غرفه كبيره ووسيعه
نصيحه اسكني في تقسييم لان قريب منج المطاعم والمحلات وماتمللين

الانتر بعيد يبيلج ربع ساعه مشي لين تقسييم

انا بروح الاسبوع الجاي وهاي ثالث سفره لي
وماسكن غير في تقسييم

وروحي رحلات حق صبنجا وبورصه " رحلة اليوم الواحد" (( لاجربين تروحين بروحج لان الاستمتاع برحله اليوم الواحد تختلف عن الرحلة لما تروحين بروحج)

شهر 3 برد لكن مافي ثلج في اسطنبول وبصراحه شهر 3 احسن من شهر 2 لان وايد برد يكون

اذا محتاجه اي استفسار او تبين متب سياحي متعامله معاه دايما لايردج الا الخاص

وسفره موفقه ان شاء الله

qatari-vip

02-12-2013, 11:39 PM

انا رحت وراح نسيبي كلنا عن طريق شخص واحد هو يوفر كل شي من سكن مواصلات ورحلات خاصه واميين وسعره طيب اذا تبي راسلني على الخاص اعطيك رقمه

الكنترول

03-12-2013, 04:08 PM

ممكن الرقم على الخاص يا طويل العمر

Charisma

04-12-2013, 12:19 AM

الميزانيه مفتوحه : شانغريلا

الميزانيه متوسطه : جراند حياة او الانتر

ودام رايح 11 يوم خصص الجزء الاكبر منها في الشمال التركي ( طرابزون + اوزنجول )

< يكره المدن

وبكل الاحوال اختيار نوع الغرفه واطلالتها تفرق في تقييم كل فندق وبالتوفيق