اش رايكم في شارع طابقين !!!

[شبح الصمت]

بسم الله والصلاة والسلاة على أفضل المرسلين سيدنا محمد صلى الله عليه وسلم ..


مبارك عليكم الحياء يا هل قطر ومن عليها

اللهم انزل علينا الغيث ولا تجعلنا من القانطين
اللهم اسقنا غيثاً مغيثاً مرئياً نافعاً غير ضار
اللهم اغثنا اللهم اسق عبادك
اللهم آمين


طبعاً بنتحدث عن أزمة شارع 22 فبراير وانا اليوم اتمشى في هالجوء الجميل جاء في بالي انه هيئة الاشغال تعمل لها دراسة شارع طابقين في الاماكن الي فيها زحمة حلو ..

الطابق الي فوق يكون للسيارات وتكون سرعته لا تقل عن 120 ولا تزيد عن 140
والشارع الي تحت تكون سرعته لا تقل عن 80 ولا تزيد عن 100


وطبعاً راح تسهل الامور الي يبي يكمل سيده ما راح يدخل في المخارج والي يبي المخارج راح يستعمل الخط الي تحت ..



غيرووو وينك اش رايك في الفكرة وتكون وتطبق على الشوارع الي فيها زحمة واكتظاظ دائم وتطبق على شارع واذا الفكرة اطلعت اوكي تتطبق على اغلب الشوارع الي فيها زحمة !!!

[airbus]

ادا الشارع عادي تطلع حفر ادا الشارع طابقين شني بيكون ؟؟

[شبح الصمت]

ادا الشارع عادي تطلع حفر ادا الشارع طابقين شني بيكون ؟؟



ياخي اتامل انها بتكون فكرتاً منتااااااااازه صدقني يا ايربص

لا تحطمني عااد واطير الفرحة

:(

[duhail535]

أخي الكريم لا أريد أن أبدو سلبيا في التعاطي مع مقترحك . لكن هل فكرت أين سيصب هذان الطابقات ؟

- دوار العبيدلي .
و
- اشارات المطار .

تبقى الكارثة بدون حل .

أما إذا قلت أنه ليس بالضرورة أن يصبا في المكانين المذكورين سابقا ، إذن نستطيع أن نقترح طرقا اضافية رديفة بدون الحاجة إلى طرق الطوابق .

أخيرا ، بالنسبة لي . لن يوجد حل لكارثة الزحمة في قطر سوى بحل واحد لا بديل عنه : تحديد عدد سكان قطر بمليون نسمة فقط لا غير .
والكلام عن مشروعات لا تستطيع الانتظار ، مجرد هراء ، دفعنا وندفع في سبيله من أعصابنا وأوقاتنا وأموالنا ومصالحنا .

[شبح الصمت]

أخي الكريم لا أريد أن أبدو سلبيا في التعاطي مع مقترحك . لكن هل فكرت أين سيصب هذان الطابقات ؟

- دوار العبيدلي .
و
- اشارات المطار .

تبقى الكارثة بدون حل .

أما إذا قلت أنه ليس بالضرورة أن يصبا في المكانين المذكورين سابقا ، إذن نستطيع أن نقترح طرقا اضافية رديفة بدون الحاجة إلى طرق الطوابق .

أخيرا ، بالنسبة لي . لن يوجد حل لكارثة الزحمة في قطر سوى بحل واحد لا بديل عنه : تحديد عدد سكان قطر بمليون نسمة فقط لا غير .
والكلام عن مشروعات لا تستطيع الانتظار ، مجرد هراء ، دفعنا وندفع في سبيله من أعصابنا وأوقاتنا وأموالنا ومصالحنا .



اخي الكريم رايح يمتد من بداية مطار الدوحة وحتى نهاية جسر الشمال ..

وبتخصيص عدد سكان قطر لين مليون ترى اهل قطر عقب فترة ان شاء الله بيوصلون المليون

فبالتالي من بيقوم بادوار كثيرة في وسط المجتمع ممكن تقولي من وإلى ..

وهذا مش موضوعنا اخي الكريم الفكرة وانا متاكد راح تحل اشياء كثيرة وراح تتذكر ان تطبقت ان شاء الله ..

[Tamuq]

تصدق ان واحد من الربع قالي نفس الفكره بالضبط .. شور طيب وقابل للتطوير

[شبح الصمت]

تصدق ان واحد من الربع قالي نفس الفكره بالضبط .. شور طيب وقابل للتطوير



صدقني اخوي مب عشان انها فكرة وجاتني من وجهة نظري الحل الحين هذا الحل

لاحدن يقولي يقدرون يقصون بيوت العالم ويشلونهم ويوسعون تبون ابنوا جسور معلقة طابق ثاني وشوفوا اذا جابت نتيجة اشوي اشوي

وراح يكون مشروع جديد وقطر ارضها صخرية وراح تتحمل الاساسات ماشاء الله ..

[duhail535]

وبتخصيص عدد سكان قطر لين مليون ترى اهل قطر عقب فترة ان شاء الله بيوصلون المليون

فبالتالي من بيقوم بادوار كثيرة في وسط المجتمع ممكن تقولي من وإلى ..


عدد أهل قطر لا يكاد يتجاوز 250 ألفا . وعدد الأجانب 9 أضعاف (بيل غيتس لديه موظفين إثنين فقط لا غير وعمر بن عبد العزيز كان لديه خادم واحد) . وهذا رقم مبالغ فيه جدا وغير مقبول لا دينا ولا عقلا ولا واقعا ولا مصلحة ولا أمنيا ولا بيئيا ولا إجتماعيا .

ربما يصل عدد أهل قطر إلى مليون خلال 50 سنة قادمة وخلالها يمكن إيجاد 99 حلا لتوزيع السكان بطريقة سليمة وعلمية .

تكدس 95% من عدد مليونين و200 ألف (عدد سكان قطر الحالي) في منطقة جغرافية ضيقة محصورة ، سيخلق زحمة خانقة جدا أشبه بالفخ القاتل . ولن يستطيع انشتاين المهندسين حل هذه المعضلة إلا بهدم 90% من مدينة الدوحة وما جاورها .

[شبح الصمت]

عدد أهل قطر لا يكاد يتجاوز 250 ألفا . وعدد الأجانب 9 أضعاف (بيل غيتس لديه موظفين إثنين فقط لا غير وعمر بن عبد العزيز كان لديه خادم واحد) . وهذا رقم مبالغ فيه جدا وغير مقبول لا دينا ولا عقلا ولا واقعا ولا مصلحة ولا أمنيا ولا بيئيا ولا إجتماعيا .

ربما يصل عدد أهل قطر إلى مليون خلال 50 سنة قادمة وخلالها يمكن إيجاد 99 حلا لتوزيع السكان بطريقة سليمة وعلمية .


شاكر لك مشاركتك اخوي

وموضوعي ليس عن تعداد سكان اهل قطر والا من فيها

موضوعي عن الشوارع اخوي عندك اقتراح او فكرة اتمنى تطرحها

موضوع تعداد سكان اهل قطر والمقيمين هذه يرجع للدولة بارك الله فيك

وجزاك الله الف خير

[غير البشر]

غيرووو وينك اش رايك في الفكرة وتكون وتطبق على الشوارع الي فيها زحمة واكتظاظ دائم وتطبق على شارع واذا الفكرة اطلعت اوكي تتطبق على اغلب الشوارع الي فيها زحمة !!!



موووووجود شبوووح :shy:
فكرتك حلووه نفسك
ومنتازه جدا
بس هم ماعرفو يسون شارع عدل تحت في الارض
تبغيهم يسوون لك شارع زين فوق :rolleyes2:

+ التكلف عاليه وايد
والمشكله الاخرى الي تواجههم
ماراح يكون فيه مخارج الا من بعد الدحيل
لان المنطقه بطول 22 فبراير مزدحم بالعمران يمين ويسار
يمكن يقدرون يصرفون لهم مخرج واحد او اثنين
اما اكثر صعبه

[مرتبش]

اوه فلة كل شوي راعي التيدا البيضا طالع فوق ونازل تحت. المشكلة في المداخل والمخارج مو في الطابقين او الطابق..لو الدولة جادة في حل هالمشكلة والمترتب عليها من مشاكل اخرى خلها تعتمد الخطة العمرانية للدوحة.. سنين واحنا نسمع عنها بس مانشوفها.. ومتروكة لغير اصحاب الاختصاص

[مرتبش]

اضافة .. كلام عجيب من عمدة مدينة ملواكي الامريكية عن مساوئ الطرق السريعة وان الافضل التخلص منها .. http://sf.streetsblog.org/2013/09/20/john-norquist-time-to-talk-about-a-freeway-free-san-francisco/

[نور الحور]

ههههههههههههههه .. شبح وانا أقرأ وصفك للفكرة تذكرت سلوى المطيري الله يشفيها ويستر عليها ..

المهم .. الفكرة إبداعية كفكرة مجردة .. في التطبيق ما ظنتي .. يمكن يفيدونك خبراء الطرق ..أنا حدي خبرة في الشغف

يعطيك العافية على التفكير ..والطرح .. شكل الجو الحلو سوالك رفرشمنت :victory:

[naklan]

فكرة حلوة اخوي شبح وموجودة في تايلند مثلا جسر قاعدته بين المسارين
ويسمونه سكاي وي وياخذون ضريبة للدخول فيه بالنسبة لي اشوف ان طريق 22 فبراير
مشكلته الي خططه غير محترف جسر ومخارج كلهم مثل بعض المفروض انه فيه
جسوراو انفاق تشقح الشارع بدون دخول للشارع يعني توصل المنطقتين
ببعض بدون الدخول للهاي وي مثلا الخريطيات ودحيل ويكون في
اكثر من مكان حتى ما يصير تداخل شوارع من الشرق للغرب
بتحل مشاكل التكدس عند معابر الجسور ومن شيشة طيبة
الى فريج سلطه او الى المطار يبيلهم سكاي وي
لن 3 مسارات غير كافيه لهاي وي كان من
الاول عملوه 7 مسارات حساباً للنمو
السكاني بيكفيهم 100 سنه

[السامـي]

الأفكار كثيرة يا شبح،بس وين اللي يطيع،ومن الأفكار تطوير الطرق الدائرية
وخروج أغلب الوزارات والمصالح اللي لها علاقة بالجمهور خارج الدوحة.

[naklan]

الأفكار كثيرة يا شبح،بس وين اللي يطيع،ومن الأفكار تطوير الطرق الدائرية
وخروج أغلب الوزارات والمصالح اللي لها علاقة بالجمهور خارج الدوحة.


اعتقد اخوي السامي ان خروج الوزارات لن يغير شي بل
من الافضل عمل مجمع خدمات في اغلب المناطق بيكون هو
الحل الامثل للحد من الازدحام والتنقل من منطقة الى
منطقة والا ويش رايك

[رهج السنابك]

شبحو قل قسم؟

انزين ماودك تحط لك بلكونه في الطابق الثاني وتزينها بورد ومشموم وتعزم خليفهظ،ظ¢ظ£

[ANONYMOUS]

الظاهر توارد خواطر

اذكروا هالحل ف المنتدى اكثر من مره

مش هذي القضيه

الكضيه استعدوا لوصول عدد السكان ل ظ£ ملايين

تصبحون على خير

[HotBlood]

ياخوك المشكله اللي عندنا مب بس سوء تخطيط والا ما عندهم افكار.
المشكله انهم مب قد هالمشاريع

[السامـي]

اعتقد اخوي السامي ان خروج الوزارات لن يغير شي بل
من الافضل عمل مجمع خدمات في اغلب المناطق بيكون هو
الحل الامثل للحد من الازدحام والتنقل من منطقة الى
منطقة والا ويش رايك
بعد هذا رأي،المهم إنه ما يكون التكدس في مكان واحد،ويتطلب الخروج منه مثل
الخروج من عنق الزجاجة مثل ما يقولون.:)

[همر]

عرفنا ان لا اشغال ولا الشركات المحليه كفو مشاريع كبرى...


ليش مايستخدمون جسور التركيب نفس جسر الجيده

اللي ماكرروه مع انه له قرن من الزمان موجود ؟!!!!

يعني الولد اثبت جدارته !!! :anger1:

[وطن]

صبه رده حقنه لبن
:)
وفي مقولات اخرى
لا طبنا ولا غدا الشر


اذا خصصت المسار السفلي للمخارج فقط
ما راح يستفيد من المسار العلوي الا اللي رايح الشمال مباشرة
كم عددهم في حالتنا !!
ما يوصلون 50% من عدد السيارات


لازم تتوزع المخارج ع الخطين
مثلا اللي تحت فيه مخارج مدماك
اللي فوق فيه مخارج للريان
وهكذا

يكون في توزع للسيارات
كل واحد ياخذ المسار اللي يبي يلف منه

[شبح الصمت]

الله يعطيكم العااافيه جميع على المشاركة وكل واحد ادلى برآية وآراء طيبه ..


اخوي همر صحيح جسر الجيده له سنين وماسك نفسه ماشاء الله

هذا الي اقصده جسور معلقه تجيك جهازه روح شوف البحرين بالتحديد صوب بوابة مدينة عيسى سوى انفاق وجسور ياخي صج قبل كان الواحد يوقف

المكان تربطه بوابة مدينة عيسى وسلام آباد وطريق يوديك على الرفاع وطريق ينزلك على الهاي وي ..

يعني اخذوا فكرة الجسور الي عندهم وكلها كانت صب وتعال ركب صب وتعال ركب


واحد من الشباب امس كاتب خلنا نطلع من الحفر ابشرك امس على خط 22 فبراير الشارع تحسه مايل والعنقز قام يبين فيه ماشاء الله من طيب اصل وفكرة المهندس ومن الشغل الزين

حسافه والله فلوس تروح على الفاضي وفنشنق مش حالك حالك يمشي

[أسد الجزيرة]

فكرة ممتازة و ممكن يسونها تركيب الاساسات على الاطراف و وسط الجزيرة و تتركب عادي بس يبيله واحد من الهوامير الكبار يسويله مصنع خرسانة جاهزة حق الصبيات و يخلونه من الطرف اليمين نزلات و طلعات نفس فكرة طريق سلوي صوب المعارض

بالطريقة هذي ما يحتاج يقصون بيوت الهوامير و الفلوس الي بتندفع بالمليارات حق القص تنحط في الجسور

[شبح الصمت]

فكرة ممتازة و ممكن يسونها تركيب الاساسات على الاطراف و وسط الجزيرة و تتركب عادي بس يبيله واحد من الهوامير الكبار يسويله مصنع خرسانة جاهزة حق الصبيات و يخلونه من الطرف اليمين نزلات و طلعات نفس فكرة طريق سلوي صوب المعارض

بالطريقة هذي ما يحتاج يقصون بيوت الهوامير و الفلوس الي بتندفع بالملايارات حق القص تنحط في الجسور



صحيح كلامك او الله يسلمك يسوون هالطريق مثل سالك الي في الامارات ببطاقة

[alnoida]

إذا مثل هذه الطوابق شي طيب

لكن تخب عليهم ( ملاحظه الموضوع مكرر )

http://www8.0zz0.com/2013/11/21/05/899120363.jpg (http://www.0zz0.com)

[أم محمد 90]

والله يا شبح مع احترامي لك بس شكله الجو الحلو والغيم أثر عليك

فكرتك حلوة أي نعم ، وممكن تحل جزء من الزحمة

لكن تعال فكر ! هل اشغال يصلحون لمثل هذه الفكرة !

اخوي انا امر ف نفق ولا تحت جسر واحس برعشة وخوف كله اتخيل بيطيح علي

تعال بس شوف الشوارع شلون تحفرت ونقعة وبحيرة ف كل صوب من الشغل الممتاز ما شاء الله

والله اني احاول اتحاشي الجسور والانفاق عندنا احس لو جاها مطر زيادة بعد بتطيح (متأثرة بالأفلام هههه)

[شبح الصمت]

إذا مثل هذه الطوابق شي طيب

لكن تخب عليهم ( ملاحظه الموضوع مكرر )

http://www8.0zz0.com/2013/11/21/05/899120363.jpg (http://www.0zz0.com)


اذا نفس هالشوارع عيل بيمحووون ويدكون الارض من اول وجديد ويبون اول شيء الجسور والشوارع وعقب البيوت مفروض في مشروع جديد اول شيء بناء الطرق وبعدين الالتفاف إلى توزيع الاراضي وتقسيمها


والله يا شبح مع احترامي لك بس شكله الجو الحلو والغيم أثر عليك

فكرتك حلوة أي نعم ، وممكن تحل جزء من الزحمة

لكن تعال فكر ! هل اشغال يصلحون لمثل هذه الفكرة !

اخوي انا امر ف نفق ولا تحت جسر واحس برعشة وخوف كله اتخيل بيطيح علي

تعال بس شوف الشوارع شلون تحفرت ونقعة وبحيرة ف كل صوب من الشغل الممتاز ما شاء الله

والله اني احاول اتحاشي الجسور والانفاق عندنا احس لو جاها مطر زيادة بعد بتطيح (متأثرة بالأفلام هههه)



شفتي عاد اشلون وايد متأثر فيه وامس تراني مثلج صادني مثل الخوف قلت الله يستر من هالزحمة والعالم الي ما تعرف تسوق كلن يلف وكلن خايف جسر 22 امس يخرخر يوم مرينا من صوب جزء منه !!

الحافظ الله ان شاء الله اختي

[أسد الجزيرة]

يسمونه أشغال فوبيا :secret:

[ام السعف]

إذا مثل هذه الطوابق شي طيب

لكن تخب عليهم ( ملاحظه الموضوع مكرر )

http://www8.0zz0.com/2013/11/21/05/899120363.jpg (http://www.0zz0.com)

اللــــــــــه صورة خيالية ما اعتقد بشوفها في قطر كلش :(

[حمد 2002]

ممممم هلا هلا شبح ،،

اقترح بأن يكون طابقين وبنت هاوس وملحق ومجلس خارجي هههه ، اقتراحك صعب اخوي شبح ،،

مع التحيه ،،

[مجلان]

http://m.youtube.com/watch?v=0FsWUy094Ck&app=m#

[باندول]

صراحه اقتراح كبير يا كبير :nice:
ياليت يتطبق
تايلند مهب احسن منه

[شبح الصمت]

ممممم هلا هلا شبح ،،

اقترح بأن يكون طابقين وبنت هاوس وملحق ومجلس خارجي هههه ، اقتراحك صعب اخوي شبح ،،

مع التحيه ،،

ههههههههههههههههههههههههههههههههههههههاي

اش رايك مع ملحق ههههههههههههههههههاي



http://m.youtube.com/watch?v=0FsWUy094Ck&app=m#


اضحك الله سنك يا مجلان
هههههههههههههههههههههههههههههههههههههههههههههههههه ههههههاي

ودك تصدق عيل :shy:

صراحه اقتراح كبير يا كبير :nice:
ياليت يتطبق
تايلند مهب احسن منه



ياخي كله يحسبونا نتغشمر ما تبون تخفوون الزحمة جربوا الفكرة على احد الشوارع وعقب ان انجحت طبقوها على الشوارع الي فيها زحمة

[همر]

الله يعطيكم العااافيه جميع على المشاركة وكل واحد ادلى برآية وآراء طيبه ..


اخوي همر صحيح جسر الجيده له سنين وماسك نفسه ماشاء الله

هذا الي اقصده جسور معلقه تجيك جهازه روح شوف البحرين بالتحديد صوب بوابة مدينة عيسى سوى انفاق وجسور ياخي صج قبل كان الواحد يوقف

المكان تربطه بوابة مدينة عيسى وسلام آباد وطريق يوديك على الرفاع وطريق ينزلك على الهاي وي ..

يعني اخذوا فكرة الجسور الي عندهم وكلها كانت صب وتعال ركب صب وتعال ركب


واحد من الشباب امس كاتب خلنا نطلع من الحفر ابشرك امس على خط 22 فبراير الشارع تحسه مايل والعنقز قام يبين فيه ماشاء الله من طيب اصل وفكرة المهندس ومن الشغل الزين

حسافه والله فلوس تروح على الفاضي وفنشنق مش حالك حالك يمشي


خلك من الجسور اللي تظهر فجأه في البحرين تقول فقع...

ماشاء الله omen


اشرايك في الشغل والذمه والضمير بس ؟!!


الظاهر لازم يقل بترولنا وتزيد حسينياتنا عشان نعرف قيمة القرش...

[شبح الصمت]

خلك من الجسور اللي تظهر فجأه في البحرين تقول فقع...

ماشاء الله omen


اشرايك في الشغل والذمه والضمير بس ؟!!


الظاهر لازم يقل بترولنا وتزيد حسينياتنا عشان نعرف قيمة القرش...




صراحة شغل محترم ياخي شارع يستوي لا تقولي بيرد يخق والا يصير فيه شيء

وبخصوص الجسر الي عند مدينة عيسى خيال

يعني شوف البحرين كم عددهم وكم اصلا السيارات كل واحد عنده سيارة

الرجال يسوقون
الامهات يسوقون
الصبيان يسوقون
البنات يسوقون


وفوق كل هذا شوف كم عدد اهلنا من السعودية والكويت وعمان والامارات يدخلونها ..

ترى التكتل كله في وسط الدوحة صدقني لانه الاماكن الحلوه والمرافق كلها داخل الدوحة والشوارع فيها ضيق مهب طبيعي

وبخصوص الذمة انشهد انهم يشتغلون بذمة

[قطريه22]

http://im34.gulfup.com/C0y6a.gif (http://www.gulfup.com/?aJL5Mj)

[حمد 2002]

اقترح بأن اتكون 5 طوابق وكل طابق يتكون من 4 شقق وليش طابقين ولاتنسى البسمنت اخوي شبح = القبو = السرداب = المواقف الارضيه

[AL-MAYSTRO]

والله اعتبرها فكره راح تساعد في حل مشكله الزحمه


وطبعا المشكله مو بسيطه مو حل واحد يبيلها .. يبيلها اكثر من حل عشان تقضي ع المشكله بنسبه اكثر من 70 فالميه

يعني مثلا ياكتمل القطار .. و المواقف تكون بفلوس مثل اوروبا وامريكا .. و نظام سالك المروري

ويكنسلون بعض التقاطعات ويسون انفاق وجسور بحيث الزحمه ماتتراكم .. الخ

واقتراحك مطبقينه كثير من الدول

مثل بانكوك .. يقول راعي التكسي تبي من فوق سعر اكثر وتوصل بسرعه للفندق

تبي الشارع اللي تحت بسعر اقل بس الوقت دبل الدبل يعني لو 20 دقيقه بوصل في ساعه وربع

يعني هي يبيلها حلول مو حل واحد .. وفكرتك الصراحه جيده لتساعد بالحل للمشكله فالزحمه

[شبح الصمت]

http://im34.gulfup.com/C0y6a.gif (http://www.gulfup.com/?aJL5Mj)


:rolleyes2:

اقترح بأن اتكون 5 طوابق وكل طابق يتكون من 4 شقق وليش طابقين ولاتنسى البسمنت اخوي شبح = القبو = السرداب = المواقف الارضيه

:rolleyes2:


والله اعتبرها فكره راح تساعد في حل مشكله الزحمه


وطبعا المشكله مو بسيطه مو حل واحد يبيلها .. يبيلها اكثر من حل عشان تقضي ع المشكله بنسبه اكثر من 70 فالميه

يعني مثلا ياكتمل القطار .. و المواقف تكون بفلوس مثل اوروبا وامريكا .. و نظام سالك المروري

ويكنسلون بعض التقاطعات ويسون انفاق وجسور بحيث الزحمه ماتتراكم .. الخ

واقتراحك مطبقينه كثير من الدول

مثل بانكوك .. يقول راعي التكسي تبي من فوق سعر اكثر وتوصل بسرعه للفندق

تبي الشارع اللي تحت بسعر اقل بس الوقت دبل الدبل يعني لو 20 دقيقه بوصل في ساعه وربع

يعني هي يبيلها حلول مو حل واحد .. وفكرتك الصراحه جيده لتساعد بالحل للمشكله فالزحمه



الله يعطيك العافيه مثل ما تفضلت في ابداء رأيك اخوي

مثل سالك او مثل الي في بانكوك تبي تطلع بسرعة لك طريق مختصر وسهل والا فيه زحمة ..

ان شاء الله يطبق ويشوفون لانه صراحة الزحمة اوقات لا تطاق والعالم كلن نفسيته لين خشمه ما يقدر يتحمل ..

والله يحفظ قطر واهلها ويستر على الشباب والبنات من شر الحوادث

اللهم آمين

لا هنت يالماستروا

[بونو]

اقتراح طيب يالشيخ.... وشفته بأم عيني في اليابان... شارع ظ¥ظ* كيلو يمتد من المطار و ينتهي في قلب العاصمه.... مخارجه محدوده ومستخدميه فقط اللي يبون الاماكن البعيده من المطار ... والشارع بفلوس ... وامورهم في الروب ...

اقترح ان الشارع يبدى من اطراف منطقة المطار وينتهي بعد جسر الشمال .... وجسر ثاني يبدأ من بداية الكورنيش و ينتهي عند الوسيل ....

المتنقلين من الشمال للجنوب والعكس مالهم حاجه يدخلون الدوحه ....

واسهل من هذا كله ... شارع اوربيتال يدور حول مدينة الدوحه ... وفيه السرعه ظ،ظ¦ظ* .... للمتنقلين اللي مايبون الدوحه ...

وشكرا ... تعالوا كل يوم ��✌

[بونو]

الشارع في اليابان 60 كيلو .... والسرعه على الاوربيتال المقترح 160

[أسد الجزيرة]

شكراً على الافادة اخ بونو

[بونو]

العفو يالليث ... جعلك الله من طلائع محرري الأقصى إن شاء المولى

[أسد الجزيرة]

آمين جميع ان شاء الله

[بوخالد911]

اوك

بس بدون مطبات

[شبح الصمت]

يعطيكم مليون عافيه

اخوي بونو اقتراحك طيب بس في الانتظار تجربة بسيطة لاحد الشوارع ان امكن ..

[حمد 2002]

يعطيكم مليون عافيه

اخوي بونو اقتراحك طيب بس في الانتظار تجربة بسيطة لاحد الشوارع ان امكن ..

اي شارع تقترح بأن يبدأ بتجربته كعينه مبدئيه او عشوائيه لشوارع الدوحه ؟

مع التحيه ،،

[شبح الصمت]

اي شارع تقترح بأن يبدأ بتجربته كعينه مبدئيه او عشوائيه لشوارع الدوحه ؟

مع التحيه ،،


ما يبيله كلام خط 22 فبراير

اهو الاهم حالياً ابتداءاً اشارات مطار الدوحة وانتهاء حتى بداية دوار الشمال

[بو خليفه 123]

أنا مؤيد بس توقع و انت بالطريق الارضي ينزل عليك موتر من الجسر الي فوقك .

[خور العديد1]

الحل انشاء طرق سريعه خارجيه,, يعني اذا بتروح من الجنوب للشمال مب لازم تدخل الكورنيش او 22 فبراير,, لازم في خط سريع خارج المناطق,, شوف دولة الأمارات بعد ماأنشأو شارع الامارات خط خارجي وسريع ,, وفيه جسور اتدخلك على كل اماره او منطقه,, وخفت الزحمه بشكل كبير عندهم

[معماري قطري]

الله يرحم أشغال من أفكارك يا شبح الصمت

مساكين شارع ما قدروا عليه طابق واحد يعني شلون طابقين وفي كم سنه بيخلصون

هم مستشفى القلب مسوينه طابقين مقتصدين فيه والمواقف للحين ما فكروا يسونها أدوار شلون الشوارع

انا ما شفت للحين مباني قريبة من شارع رئيسي وسريع الا في قطر .. في أمريكا شوارع السرعة عليها حول 50 كيلومتر في الساعة والمباني بعيدة منها فوق العشرين متر .. وشارع بهالأهمية المفروض كان استملاك المباني اللي حوله من زمان .. الغريب إنهم شلوا محطة بترول الجيدة وكان يقدرون يتفادونها وخلوا بيوت صغيرة كثيرة أولى انها تزال.

[وطن]

الله يرحم أشغال من أفكارك يا شبح الصمت

مساكين شارع ما قدروا عليه طابق واحد يعني شلون طابقين وفي كم سنه بيخلصون

هم مستشفى القلب مسوينه طابقين مقتصدين فيه والمواقف للحين ما فكروا يسونها أدوار شلون الشوارع

انا ما شفت للحين مباني قريبة من شارع رئيسي وسريع الا في قطر .. في أمريكا شوارع السرعة عليها حول 50 كيلومتر في الساعة والمباني بعيدة منها فوق العشرين متر .. وشارع بهالأهمية المفروض كان استملاك المباني اللي حوله من زمان .. الغريب إنهم شلوا محطة بترول الجيدة وكان يقدرون يتفادونها وخلوا بيوت صغيرة كثيرة أولى انها تزال.

اخوي معماري ليش ما تقدم في أشغال
ع الأقل يستفيدون من خبراتك

:nice:

[شاعر المليون]

الفكرة ممتااااااااااازة:tease: