دوله قطر والدول الاجنبيه والمطر

[حمد 2002]

السلام عليكم ورحمه الله وبركاته


الموضوع يحمل العنوان التالي

دوله قطر والدول الاجنبيه والمطر

في الدول المتقدمه كالدول الاوربيه اتحصل المطر ايطق عليهم بكل وقت وبكثافه وفي شوارعهم ماتحصل ولا قطره ماي ، اما احنا ايطق علينا المطر مره بالسنه ولمده 5 دقايق واتحصل انقع الماي بكل مكان وبالشوارع الرئيسيه وبين الاحياء ؟

السؤال الي انوجهه لأشغال لماذا هذا الامر ؟

اتمون بالمشروع سنوات عديده لين تنجزونه واخرته مايقاوم كمن قطره ماي !!!!!!!!! :)

ماتخافون من الله :)

وحتى لو مب انتوا الي مسوين الشوارع ؟ انزين حطوا شركات عدله نفس العالم اتسوي هالمشاريع وولا ماعندكم رقابه عليهم :)

يالله كلموني :)

اما الان سأترك لكم التعليق وفقا لسياسه المنتدى وبدون الخروج ع الإطار العام للموضوع ،،

مع التحيه ،،

[ام السعف]

هم مسرفين ما يحبون يجمعون ،، احنا الحمدلله ناس واعيين ونحب نجمع وانكود في كل شي :shy:

ومنور يا حمد :nice:

[أم محمد 90]

المنتدى عدد الاعضاء اللي فيه فاق الـ 33 ألف ! وما اعتقد مافي حد يعرف اشغال او يشتغل باشغال مايدش ويشوف شكاوي الناس ع شغلهم السيء ..

اتحدى حد من يرد عليك

بس صراحة حبيت اسلوب موضوعك ههههههه

يلا كلموني :shy: ما يخااافون الله

[qatara]

مصيبتنا اشغال من بدايتها الله بالخير
كانما اسندت الامانه لغير اهلها
وراور وحفر من عرفنا الدنيا وستنتهي الدنيا
وبنيتنا التحتيه لاهي سلميه ولن تنتهي

[دااانة قطر]

عقب اللي صار امس في فيلاجيو
واللي اشوفه بالشوراع
بصرحة ماعرف شقول

[أخت الكل]

مثل ما قلت أخوي قلت خبرة نتج عنها سوء تخطيط وسوء تنفيذ

والنتيجة اهدار للمال والوقت ومشاريع نقدر نقول عنها شبة فاشلة شكلها جميل لكن جودتها وقت المحك عدم

[موبايل]

الدول الاوروبية واجهت المشكلة لان الامطار بتجيهم معظم اوقات السنة فاذا ماسووا شي بخصوص هذه المسالة راح تكون اضرارها فادحه.
اعتقد ان المعنيين بالامر هنا لسان حالهم يقول انه ليش نحط ميزانية كبيرة لتصريف مياه الامطار وهي اصلا بتجينا في السنة مامجموعه اسبوع والا اسبوعين, وماعمل في حسابه ان الاسبوع او الاسبوعين الي بتجي فيهم الامطار ممكن انها تاثر على البنية التحتيه

[حسن]

حيالله بوشهاب

ياغايب عن عيوني

:weeping:

شوف بعد سفرتي لالمانيا سارت عندي رده فعل عكسيه وحب انفذ الاعادمات علني واركز المشانق على الكورنيش

:omg:

لكل من تسؤل له نفسه الاسائه الى هذا البلد

انا مستمتع بالجو الحين والغدران من حولي كل مكان واختلط ماي البحر مع ماي المطر
ومالي نفس ادور لك عن ميزانيه قطر الضخمه كل سن بدايه الميزانيه الجديده لدوله
واللتي هي من نصيب اشغال والبنيه الاساسيه
وبلادنا اللي يقول لاس فيجاس ولا نييويورك
كلها شارعين الكورنيش و6 اكتوبر

لو في هناك محاسبه حقيقيه وتشوف كل زعبوط يوقف على المشاريع بنفسه ويترك عنه المكتب
ومدير المكتب ومن هل الخرابيط اللي شبعنا منها
كان احنا الحين بالف خير
الله يرحم ابهانتا الولين جيل صالح بن حمزه ومحمد الخوري
اللي كان حلال الدوله تقول حلال ابوهم
الله يرحمهم اجمعين

قبل اسبوعين المطر صباب علينا ثلاث ايام ولا شفت بقعه قد قلاص ماي في الشوارع
وانا اللي قاهرني هل المسؤلين ليش تتعطل الوزارات ومجلش الشوري في الصيف ويصيفون في اوربا
مايشوفون ماتعلمون مايقولون نبي نسوي مثلهم مادام فائض الميزانيه تخصص لاشغال


جوعان ووانتظر الصيد ابي اتغدا
شرايك تتغدا معاي وتلرك عنك هل الخشب المسنده على قوله عاشه المهندي

:)

[شموخ دائم]

,

,


مرحبا

اخوي الكريم

شكرا على الموضوع

احنا دوله شحيحه المطر

ونصلي الاستسقاء طلب للمطر

والحمدالله على كل شي

كلها كم نقعه تصير بالفرجان وجنب الدوار

وثاني يوم تجي سيارات البلديه وتسحبها خلال ( ساعتين )

الحين انتهى المطر واطلع للشوارع بتلاقيها ( ملحه ) ( جلحه ) من التراب

ويالله من فضلك والله العالم متى يرجع لنا المطر !!

بس احنا شعوب تحب ( النكته ) والطنايز
:)

ونحب نبالغ ونعمل مقارنات مالها داعي

الي يقارن دول الخليج مع اليابان
والي يقارن دول الخليج مع لندن

هذه دول فيها فيضانات من الانهار والمطر طوال العام هم ( مجبرين ) على ذلك
او الناس تغرق في بيوتهم

واحنا لسنا مجبرين على ذلك

احنا لازم نصرف على ( حل مشكله الزحمه ) وليس على تصريف الامطار

من الغباء نصرف 40 او 50 مليار
على عمل شبكه تصريف امطار مثل بريطانيا او اليابان
وحنا ما يجينا المطر غير 4 ايام في السنه

ونقدر نسحبها ب 20 الف ريال كم تنكر وخلال ساعتين تنتهي المشكله

اطلع الان بالشوارع وشوف هل توجد مشكله ؟؟؟
ولا انتهت خلاص
:)

كل دول الخليج مافيها تصريف امطار
لانها مو محتاجتها

احنا بلد صحراوي
لو جبنا شركه عالميه للتصريف ممكن يضحكون علينا بيقولون هو انتوا عندكم مطر !!

:)

دول الخليج كل سنه تصلي الاستسقاء طلب للمطر
والحمدالله على كل شي
لانها دول مافيها امطار


,

,

اخوك

شموخ دائم

[Stranger Man]

اقمت في احدى مدن ولاية فلوريدا، اذا جانا الصيف تهب علينا عواصف والمطر يومياً ويكون قوي , والله ان بعض المرات من قو المطر شجر وليتات الشوارع تطيح ، لكن سبحان الله عقب مايوقف بساعه ماتقول ان الديرة جاها مطر والبلا ان شوارهم مكدوده صارلها سنين وبعضها مرقعه والاخ معماري قطر قد سكن في ميامي وشاف الامطار هناك شلون ، واهنيه من تمطر اعتفست الشوارع ولاعاد تقدر تمشي من النقع والحفر!

[مزوحي]

السلام عليكم ورحمه الله وبركاته


الموضوع يحمل العنوان التالي

دوله قطر والدول الاجنبيه والمطر

في الدول المتقدمه كالدول الاوربيه اتحصل المطر ايطق عليهم بكل وقت وبكثافه وفي شوارعهم ماتحصل ولا قطره ماي ، اما احنا ايطق علينا المطر مره بالسنه ولمده 5 دقايق واتحصل انقع الماي بكل مكان وبالشوارع الرئيسيه وبين الاحياء ؟

السؤال الي انوجهه لأشغال لماذا هذا الامر ؟

اتمون بالمشروع سنوات عديده لين تنجزونه واخرته مايقاوم كمن قطره ماي !!!!!!!!! :)

ماتخافون من الله :)

وحتى لو مب انتوا الي مسوين الشوارع ؟ انزين حطوا شركات عدله نفس العالم اتسوي هالمشاريع وولا ماعندكم رقابه عليهم :)

يالله كلموني :)

اما الان سأترك لكم التعليق وفقا لسياسه المنتدى وبدون الخروج ع الإطار العام للموضوع ،،

مع التحيه ،،


https://www.youtube.com/watch?feature=player_detailpage&v=9ketWiy_G9g#t=12

[هجمة مرتدة]

قطر تصرف المليارات على مشاريع الصرف الصحي والبنية التحتية . .
اين تذهب هذه المليارات ونحن نشاهد نفس الأخطاء تتكرر سنوياً؟!
ومن المسؤول وهل سيحاسب مثلما تتم محاسبة بعض الشخصيات على اهدار المال العام؟
لا يصح ان نقول "لن نرمم شبكات الصرف الصحي من اجل 4 ايام من المطر سنوياً"
فهل سنعيش نحن وابنائنا واحفادنا طوال العمر في العصر الحجري؟
هل ننتظر لتعود ارض العرب مروجا وانهارا للبدء بهكذا مشاريع؟
ان نأتي متاخرين خير من ان لا نأتي أبداً!

[qatara]

اقمت في احدى مدن ولاية فلوريدا، اذا جانا الصيف تهب علينا عواصف والمطر يومياً ويكون قوي , والله ان بعض المرات من قو المطر شجر وليتات الشوارع تطيح ، لكن سبحان الله عقب مايوقف بساعه ماتقول ان الديرة جاها مطر والبلا ان شوارهم مكدوده صارلها سنين وبعضها مرقعه والاخ معماري قطر قد سكن في ميامي وشاف الامطار هناك شلون ، واهنيه من تمطر اعتفست الشوارع ولاعاد تقدر تمشي من النقع والحفر!

لان هنا شغل ديكوري مشي نفسك شكل

ليس هناك شروط قويه وملزه على شركات المقاولات الكبيره بالمسئوليه عن الخراب لمده عشرين سنه
لو احست الشركات بذالك والزمت به لا اجادت العمل من اساسه

الواجب مافيه لجو للمحكمه للمماطله وتضيع الشهور الي ان تنتهي القضيه لا لا
اذا تعطل من ما التزمت به الشركه تلزم مباشره بصيانته من قبل اشغال وان تخلفت تسحب رخضتها كشركه
ولا يفتح لها مجال تروح محاكم وتظلمات للتهرب تجيب لها محامي يقلب الحق باطل ويقلب الباطل حق وتهرب عن التزاماتها

وهذا ما ضيع الحقوق في كثير من الامور

كان شفت اجاده العمل وشلون تكون