بخصوص تمزق في الاربط القدم

[قطري فلته]

السلام عليكم ورحمه الله وبركاته

اخواني وخواتي اعضاء منتدي الاسهم القطريه

بسالكم احد صار له تمزق في الاربطه

قبل ١٠ ايام كنت اركض وقدر الله ماشاء افترت ريلي وانتفخت وعلي طول رحت طواري مستشفي حمد وجبرو ريلي نص ساق علشان ما احركها

طيب اليوم رحت المستشفي وشالو علي الجبس وافتكيت :eek5: لعوزني من مشي

بس لحد الحين فيها ورم وعطوني تحويل علاج طبيعي

انا امشي فيها بس مو مشي الطبيعي بحذر وبخوف احس لحد الحين مشدوده

في احد مر عليه هلسوالف وشكرا

[وطن]

انا صادني التهاب في أربطة الكوع
مب تمزق الحمدلله
وكان مؤلم و مزعج وايد

رحت سبيتار

مر عليهم اذا تقدر
للاستشارة


ما عليك شر
اجر وعافية

[شموخ دائم]

,

,


مرحبا


اخوي الكريم

هذي اصابه معروفه عند الرياضيين يسمونها ( الانكل )
ومن الطبيعي تاخذ معاك تقريبا شهركامل ماتقدر تجري
خاصه طلعت فيها الوان ازرق واحمر
مع انتفاخ شديد

ولها تمرين طبيعي يمهد لك الحركه قبل الجري
ومن الطبيعي بتحس بخوف ان يتكرر عليك الموضوع
خاصه انه صاحبه الم كبير وهذا شي نفسي
من تهتز رجلك بتحس انك بتلتوي رجلك وراح تدوس بحذر عليها
وتعتمد على الرجل الثانيه اكثر

في تمرين

http://www.pamf.org/sports/king/images/ankle_2.jpg

واستخدم الضاغط عند المشي
http://www.colchicine.ca/uploads/from_toughkitty_1342731406.jpg

وراح ترجع الى نشاطك المعهود تدريجي ان شاء الله

ممنوع الجري اول شهر

لان الاربطه ما زالت ضعيفه

ومن تحس انها ما في الم امشي مسافه 20 متر واجري مسافه 20 متر وارجع امشي 20 متر
حتى تتعود على الجري بعد اسبوع من المشي والجري التدريجي

,

,


اخوك


شموخ دائم

[قطري فلته]

الله يعافيج يا وطن
فيج الخير والله ودي امر بس سمعت يبيلها واسطه هلمووضوع

[قطري فلته]

اخوي شموخ

كفيت ووفيت علي المعلومات بس معلوماتك غير الي قالولي

قالو ارفع رجلي لفوق وحط ثلج كل 3 ساعات

[nagano]

ما تشوف شر اخوي أنا كنت مع واحد من الشباب وصار له نفس اصابتك وراح حق دكتور مختص باللاعبين في أوروبا ومعالج لعيبة ومتخصص في هذا النوع من الإصابات على طول ركب لة جبس وقاله علاجك راحة من خمسة الى ستة أسابيع والمهم تكون رجلك ثابتة اول أسبوع تقريبا لازم عكاز بعد أسبوع شال الجبس وعطاه الجبس اللي ينلبس وينشال نفس الجوتي اعزكم الله ومتى ماحسيت نفسك أحسن قبل المدة ممكن تستغني عن كل شي وتنتبه لنفسك والله يشفيك انشالله .

[وطن]

لا اخوي لا واسطة ولا شي

انا اتصلت لهم وشرحت لهم المشكلة
عطوني موعد خلال يومين


ترى يعتمد على نوع الحالة و الدكتور اذا عنده ضغط او لا

جرب انت ما راح تخسر
كلها الا اتصال :nice: