public beach in doha

[حمد 2002]

السلام عليكم

هلا هلا بالجميع

الموضوع يحمل العنوان التالي

public beach in doha

ليش ماعندنا شاطىء عام بعاصمه الدوحه يكون مجاني للجميييييييع ، مانبي شواطىء وسواحل بعيييييييده نفس الغاريه ومسيعيد ومادري وييين ، لا لا لا نبي شواطىء تكون بقلب الدوحه ،

قبل من عده سنوات كانت هناك شواطىء بالدوحه ولكن الحين مكانها فنااااااااااادق !!! كالانتركونتننتال وتوابعه ،،،

بالدول المتقدمه كأوربا وغيرها هناك شواطىء عامه مجانيه راقيه بها كل الخدمات تكون فري = مجانيه للعامه وليست بفلوس ككتارا والحي الثقافي :)

هل هناك سوء تخطيط بالدوحه ؟ ام ماذا هناك ؟

سأترك لكم التعليق ولكن وفقا لصلب الموضوع ووفقا لقوانين المنتدى ،،

مع التحيه

[كلاسيك قطر]

والله يالغالي انسى الموضوع يالغالي الدوحه ابتغير 180 درجه وبتكون من احسن الدول في العالم قطر وشواطئ في قلب الدوحه المنظر بيخترب من تكرمون الوساخه

وخل الشواطئ خارج الدوحه احسن ومكانها زين لهم

[ام السعف]

اوبيه يا حمد ،،


احمد ربك ما في شوطئ في الدوحة كانت الزجمة بتزيد اضعاف اضعافها
وبيصير موت مروري ..........................................> وبتصير الفرجة ببلاش
فما في قوانين تلزم الاحتشام على الشواطئ فالكثير من الاجانب ما عندهم مشاكل
انهم يتمشون من غير ملابس تستر اجسادهم وفوقه شوف بعض الناس الله يهدينا
ويهديهم صار عادي عندهم يلبسون عاري ويسبحون جدام خلق الله ،،

[بريق الحق]

الشواطى لا تصلح فالوقت الحالي .... انتشار حالات الشذوذ والاجانب لايحترمون اهل البلد ( شرب الخمر ، الملابس العاريه الخ )

[Right]

Public Beach = وصاخة !!!



ضد وبقووووة

[حمد 2002]

اشكر كل من شاااااااارك بالموضوع وماقصرتوا وفالكم التوفيق

مع خالص تحياتي

اخوكم بالله حمد 2002

[عاشق العديد]

.. احنا بذمتـك ناقصين زحمـه زياده !؟


يعني كذا ومب مترقعين .. ونسوي لنا بحر فدوحـه خلاص كل واحد ياخذله سيكل احسن .. ولا تكتك وتايلند تصير بشوارع الدوحـه ..

[ms-qtr]

الخليج الغربي في مكان مفتوح إذا ما خاب ظني
جنب اللؤلؤة
بس زحممممممممة

[R 7 A L]

موضوعك مرفوض
دور غيرة

[العنيده]

public Beach

الفكره حلوه بس ناقصين وصاخه وملاغه هم في الاماكن العامه محد يقدر لهم نفتح لهم بحر في وسط الدوحه ليش بعد ..
كل الافكار الحلوه لما تتطبق تكون مب لصالحنا خلوهم بعيد احسن :omen2:

[تغلبية]

أنت مش أنت ياحمد لما تكتب عنوان بالانغلش :anger1:



واذا سووا لك شاطيء بابلك .. بتلقى لك فيه محط ريل ؟!

[حسن]

اولا
حمد منتدي شبكه الاسهم منتدى قطري
واحنا عرب

فاشلون تكتب باللغه الانجليزيه في هذا المحفل
وبعدين انت من صجك شاطئ ليش شايف طبعنا كله على البحر مسدحين بالمايوهات
لا احنا مانرضى لان ماعندنا نسوان يتسبحون جدام العالم

خلكك في موضوع السويكه ابرك


احنا كورنيش ويتماصصون بعد شاطئ هني

شكلك ناوي تبي يسكتونك بارض برج

[AHLAM222]

والله يا حمد أنا استانست من شفت الموضوع قلت الحمدلله اخيرا حد فكر باللي افكر فيه :shy:

ودايم اقول صج ليش قطر شبه جزيرة وما نشوف فيها بحر الا على الحدود :nea:

بس جاني احباط من الردود ولا رد ويانا :eek5:

ليش نسمح للاجانب والناس اللي ما تحترم قانون وحشمة البلد تخرب علينا وتحرمنا من متعة البحر والطبيعة

الله يرحم ايام بحر السفارات وبحر نادي الدوحة على ما اظن كان اسمه اللي كان صوب فندق شرق حاليا

كل الدوحة كانت هناك ونسبح والقلوب نظيفة وتحترم الكل

ااااه ليت هالزمن يرد بس :(

[قايد]

انا افضل يكون فيه برايفت بيتش نفس بوظبي مصكر للعائلات ويوم للنساء واللي عداله مفتوح بابلك وفيه كل الخدمات والدخول سعره رمزي وفيه كراسي على طول البحر وخيم ودكان ومحل ايسكريم وفيه نشاطات بحريه بداية البحر

[قايد]

البابلك بدون فلوس بس القسم الخاص بفلوس كان اتوقع بكم درهم سعر رمزي جدا

[نور الحور]

محتاجين شواطيء نظيفة .. بس مع شوية مراعاة للخصوصية .. وخدمات نظافة وقعدات .. وشوية قوانين منظمة تحمي قيم وعادات البلد .وتحمي البيئة ..

بصراحة صار البحر عنوة ..مع إن احنا (شبه جزيرة ) !!!!

[بوخالد911]

لما تتعدل أخلاقيات بعض المسلمين عقب نطالب بسيف عدل

[asad100]

:eek5:omg::rolleyes2:


بتصير زحمة ، خلاعة ومدري شنو ، وصاخة . . .

حشا صار بار الله يعزكم موب بحر

اشدعوه كان اول في اكثر من مكان وما شفنا هالاشياء ، لازم العذاب وضرب الخطوط الطويلة عشان اروح اسبح في البحر

السلبيات المذكورة بالاستطاعة السيطرة عليها بسهولة من دون ان نحرم انفسنا ونحرم غيرنا من متنفس جميل كالبحر ، هيييييييييه الله يرحم ايام بحر الخليج الغربي حزة الليل احلى مكان للتأمل والأسترخاء

تذكرت الممزر في دبي كورنيش وحديقة وبحر (تبي تشوي ـ تبي تسبح ، تبي تتريض ....إلخ ) محد يقولك شي والناس في قمة الاحترام ، ولا شفت ابتذال ولا شفت وصاخة