أم حبست رضيعها... لتتسوق ساعة في مجمع تجاري!

[غزلان]

المارة كسروا السيارة لإنقاذه

أم حبست رضيعها... لتتسوق ساعة في مجمع تجاري!



http://www.mbc66.net/upload/upjpg2/eaU10808.jpg (http://www.mbc66.net/upload/)



التسوق قبل الأمومة… أحياناً! هذا ما حصل أمس عندما أغلقت مواطنة أبواب سيارتها على طفلها الرضيع ذي الأشهر الخمسة، وتركته نائماً بمفرده في مواقف مجمع شهير بمنطقة الري- الأفنيوز – ، وانهمكت في جولة تسوق امتدت ساعة كاملة، قبل أن تعود لتجد أن عناصر من أمن المجمع وجمعاً من مرتادي السوق اضطروا إلى كسر زجاج السيارة، لإنقاذ الرضيع الذي انخرط في موجة من الصراخ والبكاء… لتبرر الأم موقفها قائلة: «خليته نايم… وما توقعت انه يقعد»!
مصدر ذكر لـ «الراي» أن «مرتادين للسوق تصادف مرورهم بجانب سيارة المواطنة، فاسترعى أسماعهم صراخ الرضيع الذي وصفه أحدهم بأنه يمزق القلب، فانبروا في محاولات متعددة لنجدة الطفل، انتهت بأن استنجدوا بموظفي الأمن الموجودين في المواقف، فسارعوا بدورهم بإبلاغ مسؤولهم، وحاولوا جميعاً فتح باب أو نافذة في السيارة، لكن محاولاتهم باءت بالفشل، فاضطر أحدهم إلى تحطيم الزجاج الجانبي للباب الأمامي، تحت ضغط الصراخ المتلاحق الذي أوشك على تعريض الطفل للخطر،

وعمدوا إلى إخراجه، وبينما كانوا يتناوبون على حمله، سعياً إلى تهدئته، وبينما هم على هذه الحال، حضرت الأم التي أصابها الفزع من الحشد المتجمهر حول سيارتها، قبل أن تطمئن إلى وجود رضيعها الصارخ بخير، فاختطفته من أيديهم صارخة – بدورها – ولدي ولدي، وحينما بادر موظفو الأمن بالاستفسار منها عن سبب تركها رضيعها بمفرده داخل السيارة المحكمة الإغلاق، فوجئوا بالتبرير الذي ساقته لهم، عندما قالت: خليته نايم… وما توقعت انه يقعد!

وأضافت: بمجرد أن أنهيت جولتي التسويقية عدت أدراجي بسرعة! ثم شكرت الجمع الذي بدأ ينفرط من حولها، فيما ظلت هي تحتضن رضيعها بقوة، كأنها تخاف عليه… ولكن بأثر رجعي!».



المصدر :جريدة الراي

تعليق : هل قلب هذه الأم حجر !! هل السوق أهم من فلذة كبدها !! ألهذه الدرجة وصلت عقول البشر !!؟

[أسد الجزيرة]

البعض للاسف ما يحس بالمسئولية و لا عواقب الامور

[رهج السنابك]

امس شفت حلقة الفزعه على قناة الريان
مصورين نفس هالحاله في مواقف السيتي سنتر والولد مربوط بكرسي الاطفال وجبهته تصبصب عرق

في بعض الاهل عندهم جهل مب طبيعي
على بالهم يخلونه بالسياره الوضع امان
مايدرون انه ممكن يتعرض لاختناق
او يفطس من الحراره
او حتى حد يخطفه بكسر الزجاج


خطر تخلون عيالكم بالسياره

[qatari2012]

استغفر الله لها لدرجة وصلت

[نوار قطر]

حسبي الله عليها من ام وحسبي الله على كل ام تخلت عن امومتها لا وعشان شنو ? عشان اشياء تافهه مثل هذي ،، حضرتها تبي اتسوق. ماتوقعت انه يقعد يختي عنج ماتسوقتي ،،، لو ثيابج مقطعه ماهديتي الياهل بروحه ،،،شالقلب الي عليها الي بتهد ضناها بروحه وتنزل اتسوق ؟ شي يعور القلب ،، ناس اتمنى ريحة الضنى وناس تعلب بضناها لعبه،،، والله لو بيدي لااحرق قلبها عليه واسحبه من عندها ،، عشان تعرف ان الله حق وتقدر قيمة نعمة العيال ،، حسبي الله ونعم الوكيل

[aziz4z]

سبحان الله , إهمال ما بعد إهمال

[اليشم]

قمة الأنانيه ولا تملك أي أدنى إحساس بالمسؤوليه، لو بيدي تتعاقب علشان اتعرف إن الله حق:court:

[رهج السنابك]

ترا ثلاث ارباع الامهات مهملات كل وحده تدقق بتكتشف :)

[زورق]

والله اني شفت بعض الخدم يهتمون ويراعون اليهال احسن من امهم ولو مب الخدامة كان الياهل في خبر كان

[غدير البورصه]

تعليق : هل قلب هذه الأم حجر !! هل السوق أهم من فلذة كبدها !!

وانا اقول قلبها طبعا مب حجرولا السوق اهم من فلذة كبدها .

بعض الحريم على نياتهم وعلى ويوهم مايفكرون وايد ولا يفكرون بعيد.

هي ظنت انه بيرقد ولكن تجري الرياح بما لا تشتهي السفن

والي حصل لها بيكون درس قاسي وما اظن انها بتكرر هالحركه .

[وطن]

يعني صعبة عليها تحطه في ترولي و توديه معاها !!
شلون طاوعها قلبها تترك إنسان في السيارة و تنزل !!
و لا الأخس انه طفل لا حول له ولا قوة


الله يهدي بعض العقول !!

[أخت الكل]

عفيه قلب
هذي مو كفو مسئولية وأمومة

[قطري92]

لاتعليق على الردود ... للآسف

كلن علق بنظريه سلبيه

الله كريم

[بنت قطريههه]

السلام عليكم ورحمه الله والله الشرهه مش عليها الشرهه على. ذا البغل اللي معطيها سياره تهيت في المجمع ولا حسيب ولا رقيب وين الوعي وين المسؤليه وين ان المراءه لازم معها محرم هذي الحريه وهذي نتائجها اسفه على بعض الكلام ولكن ان فعلت فيه ناس تتمنى ريحه الضحى وفيه ناس هايته

[أسد الجزيرة]

لاتعليق على الردود ... للآسف

كلن علق بنظريه سلبيه

الله كريم

وهل الايجابية ترك الطفل يختنق في السيارة

[adel777]

ترا ثلاث ارباع الامهات مهملات كل وحده تدقق بتكتشف :)

كلامج في محله 100%

[امـ حمد]

خطر يخلون عيالهم في السياره

[khalid525]

مسكين الياهل ومسكينه الام ، انا يوم اشوف معاناة الامهات بصراحة اعذرهم حتى لو زنطوا حق عيالهم :)

[Locale]

ماشاء الله قلبها قوي


الله رحم هالياهل وماختنق
قبل 18¨ سنه رفيجة حماتي نست ولدها في السياره تحسبه نزل البيت ويااخوانه
ولما دوروه حصلوه توفى ،اختنق ،ولا وقف قلبه، الله يعلم مع انه حليو خمس سنين يفهم
ونفس الشي واحد من الاهل نسوا ولدهم بو اربع سنين فالسياره زين الولد فطن وتم داق الهرن لين اطلعوله
في عز الصيف متسبح بالعرق

[نور الحور]

لا حول ولا قوة إلا بالله .. الناس محتاجين توعية بهالأمور ... وهني تجي حملات التوعية الإعلامية والأمنية ..

بغض النظر عن إهمال الأم .. هالموضوع مو مجال توجيه التهم والانتقادات ..

المهم هو إن مثل هالمواقف فرصة لدق ناقوس الخطر بنقص الوعي عند البعض ...


كسر خاطري الياهل والله ... يقطع القلب .. الله حفظه بس !

[بوخالد911]

الله لا يبلانا

[مو مهم]

قبل سنتين تقريبا او اقل في قطر
وصل بلاغ لمركز شرطه ..... بان طفل متوفى بعد ما توصلوا لموقع البلاغ تبين ان والدته كانت راجعه من عرس ونست ولدها بالسياره تحسب اختها شلته..
ثاني يوم الضحى حصلته متوفي بالسيارة..

[قطري92]

وهل الايجابية ترك الطفل يختنق في السيارة

هل فكرت شنو كان وضع الام ؟ هل فكرت شنو كان صاير وقتها ؟

مافي انسان مايغلط..

واحنا نحكم قبل لانشوف شنو صاير وهاي الواقع

انا ماعندي رد على الموضوع الا اقول الله يهديها اذا هي فعلآ كانت ظالمه الياهل

[وطن]

ماشاء الله قلبها قوي


الله رحم هالياهل وماختنق
قبل 18¨ سنه رفيجة حماتي نست ولدها في السياره تحسبه نزل البيت ويااخوانه
ولما دوروه حصلوه توفى ،اختنق ،ولا وقف قلبه، الله يعلم مع انه حليو خمس سنين يفهم
ونفس الشي واحد من الاهل نسوا ولدهم بو اربع سنين فالسياره زين الولد فطن وتم داق الهرن لين اطلعوله
في عز الصيف متسبح بالعرق
وااااي مسكين
تدرين السيارات الجديدة الحين
بعضها الهرن يفصل من تطفين السيارة

الله يستر على هاليهال مساكين

[همر]

ترا ثلاث ارباع الامهات مهملات كل وحده تدقق بتكتشف :)

مع الرأفه .. :whistling:

[مهره]

حسبي الله ونعم الوكيل وشو المشكله حتي لو نائم خذيه معاج يعني السياره أأمن مكان له في رأيها استغفر الله أمهات تفكيرهم تعبان

[همر]

وااااي مسكين
تدرين السيارات الجديدة الحين
بعضها الهرن يفصل من تطفين السيارة

الله يستر على هاليهال مساكين

السيارات الجديده غرف اعدام للاطفال !!!

نعم .. هي مصممه لمكافحة السرقه ...

مش مصممه لتفادي جهل او غباء السائقين...

خاصة السيارات الالمانيه...

لكن اذا نسيت طفلك داخل السياره

الله يرحمه اذا محد انتبه له ...

الباب ينقفل ومافي امل ينفتح من داخل

هذا لو علمت ولدك يفتح الباب..

الهرن مايشتغل ولا الليتات تولع ولا الدرايش تنفتح...


الدرايش ما قامت تنكسر بسهوله :omg:


يعني بالعربي .. اذا عندك مره فاصله .. خذ لها عراوي...

[سارونه]

مكان الام البيت مو تروح تقضي حوائج البيت - ما طلعت هالام من البيت مع الطفل الا مالقت رجال يسد مكانها - والطفل مسؤولية الام والاب.
وجود الطفل لحاله بالسيارة غلط يعرضه للاختناق .

[وطن]

السيارات الجديده غرف اعدام للاطفال !!!

نعم .. هي مصممه لمكافحة السرقه ...

مش مصممه لتفادي جهل او غباء السائقين...

خاصة السيارات الالمانيه...

لكن اذا نسيت طفلك داخل السياره

الله يرحمه اذا محد انتبه له ...

الباب ينقفل ومافي امل ينفتح من داخل

هذا لو علمت ولدك يفتح الباب..

الهرن مايشتغل ولا الليتات تولع ولا الدرايش تنفتح...


الدرايش ما قامت تنكسر بسهوله :omg:


يعني بالعربي .. اذا عندك مره فاصله .. خذ لها عراوي...


انا اعرفه تنفتح من داخل وهي مسكره
بس الهرن ادري ما يشتغل لأني احيانا اتوهق اطفي السيارة وابي اهرن للخدم ما يشتغل الهرن :rolleyes2:

الله يهدي بعض الأمهات والآباء
ويرزقهم ثبات الذاكرة
عشان لا ينسون عيالهم مساكين :(

[وطن]

مكان الام البيت مو تروح تقضي حوائج البيت - ما طلعت هالام من البيت مع الطفل الا مالقت رجال يسد مكانها - والطفل مسؤولية الام والاب.
وجود الطفل لحاله بالسيارة غلط يعرضه للاختناق .

مو بس الاختناق
تخيلي خاطفينه !!

الله ستر عليه


ما أدري شلون قلوب بعض الأمهات تطاوعهم يتركون عيالهم في السيارة
او عند الخدم

[قطري2022]

الشرهة على امها المفهية اذا كانت بصحتها وماعلمت بنتها شنو يعني امومة و شنو يعني زواج ، قالولها ، اذا بتسأل عن البنت اسال عن امها ، و لا استهتار البنات و الشباب في الحياة الزوجية و من وين جانا غير من قلة وعي اهاليهم الي ماعلموهم على المسؤولية .

[وطن]

الشرهة على امها المفهية اذا كانت بصحتها وماعلمت بنتها شنو يعني امومة و شنو يعني زواج ، قالولها ، اذا بتسأل عن البنت اسال عن امها ، و لا استهتار البنات و الشباب في الحياة الزوجية و من وين جانا غير من قلة وعي اهاليهم الي ماعلموهم على المسؤولية .

اللي تربوا على ايادي امهاتهم
غير عن اللي تربوا على ايادي الخدم

اللي عاشوا طول عمرهم تحت رعاية واهتمام مباشر من الأم
بدون تدخل الخدم في التربية و الاهتمام
ما يرضون يقطون عيالهم على الخدم
ولا يهون عليهم الخدامة تسوي أي شي للطفل

كلامك صحيح
اذا بتسأل عن البنت
اسأل عن امها

الله يخلي لنا أمهاتنا وجميع أمهات المسلمين ويبارك فيهم
والله يهدي بعض الأمهات لعيالهم

[أسد الجزيرة]

هل فكرت شنو كان وضع الام ؟ هل فكرت شنو كان صاير وقتها ؟

مافي انسان مايغلط..

واحنا نحكم قبل لانشوف شنو صاير وهاي الواقع

انا ماعندي رد على الموضوع الا اقول الله يهديها اذا هي فعلآ كانت ظالمه الياهل

يعني التسوق اهم من عيالها يعني ما في عربانة تحط الولد فيه و تتمشى براحتها اضعف الايمان قاري الجمعية تحط ولدها فيه
غير هذا صار لهم الناس ناطرين اكثر من ساعة لين ما تجي و تشوف ولدها
لو امريكا او اوروبا كان اسحبوا الولد منها لاهمالها

الشئ في الصغر ينحفر في الاطفال و من الصعوبة نسيانه او معالجته

[OTOsan]

لا اعتقد ان هناك مبرر لترك الطفل داخل السيارة سوى الاهمال وقليل من اللامبالاه ..

كان هناك الف حل وحل غير ترك الطفل لوحده .. ولكن الحمدلله على سلامته وهذا بمثابة درس للام ..!

[قطري2022]

السيارات الجديده غرف اعدام للاطفال !!!

نعم .. هي مصممه لمكافحة السرقه ...

مش مصممه لتفادي جهل او غباء السائقين...

خاصة السيارات الالمانيه...

لكن اذا نسيت طفلك داخل السياره

الله يرحمه اذا محد انتبه له ...

الباب ينقفل ومافي امل ينفتح من داخل

هذا لو علمت ولدك يفتح الباب..

الهرن مايشتغل ولا الليتات تولع ولا الدرايش تنفتح...


الدرايش ما قامت تنكسر بسهوله :omg:


يعني بالعربي .. اذا عندك مره فاصله .. خذ لها عراوي...


العراوي وايد عليها اصلا ، يبيلها سيكل

[العنيده]

اخلي ولدي في السياره عشان تسوق :) نعمه رزقوا بها مايعرفون قيمتها ..

المهم انها يوم صرخت ولدي اتمنى حست بغلطتها ...

[وطن]

العراوي وايد عليها اصلا ، يبيلها سيكل

بو ثلاث تواير و سلة ؟

[ضوى]

لا شي مب طبعي الاهمال ، مالها اي مبرر هالام الصراحة ، طفل اخليه بالسيارة حتى لو انزل خمس دقايق لازم انتبه لعواقب هالامور ، لا حول ولا قوة الا بالله العلي العظيم

[قطري2022]

بو ثلاث تواير و سلة ؟

لازم يكون ثلاث تواير حق السيفتي ، و فيه سلة حق الياهل ، لان اذا بتايرين ممكن تطيح و الياهل يطيح معاها ، عاد بعض الحريم اذا ساقو سيارة باربع تواير يتخسبقون ، اشلون اذا سيكل بتايرين ، مب موقف الاسعاف :)

[قطري2022]

لا شي مب طبعي الاهمال ، مالها اي مبرر هالام الصراحة ، طفل اخليه بالسيارة حتى لو انزل خمس دقايق لازم انتبه لعواقب هالامور ، لا حول ولا قوة الا بالله العلي العظيم

هالام مالها في العواقب يا ضوى ، الله يهديها و يفتح بصيرتها انشالله ، انطبت جبدي صراحة ، يمكن اسافر لها و اتهاوش معاها على اللي سوته

[شبح الصمت]

حرام فيها كلمة ام

[Miss]

من همّل فقد :(

[أسد الجزيرة]

كل المجمعات في تاجير عربات اطفال كلها خمس او عشر و تأمن على ولدها

[نوار قطر]

لاتعليق على الردود ... للآسف

كلن علق بنظريه سلبيه

الله كريم

ماشالله على ردك ياخوي وين الايجابيه في الموضوع .. انها تسكر على ولدها السياره وتنزل اتسوق.. واتيي بكل برود وتقول والله ماتوقعت انه يقعد .. يالله انت عطنا الايجابيه في السالفه .. احنا مانفهم

[عاشق العديد]

ماشالله على ردك ياخوي وين الايجابيه في الموضوع .. انها تسكر على ولدها السياره وتنزل اتسوق.. واتيي بكل برود وتقول والله ماتوقعت انه يقعد .. يالله انت عطنا الايجابيه في السالفه .. احنا مانفهم

اختي نوار هدي ..
من حبج للاطفال لاحظت الانفعال .. اشجعج على هذا الشي والله يخلي لج عيالج ..
وصحيح كلامـج ..

[كازانوفا]

سبحان الله قلوب البهائم على اطفالها ارحم من البشريه اللى محسوبين علينا انهم من البشر

[شبح الصمت]

اختي ام نوار كلام طيب من انسانه طيبه

والي يبي يبرر لها نقوله

ما لها اي مبرر الام كان تقدر تشله وياها تحطه في قاري ما اتوقع هالايام محدن عنده قاري وتلف فيه بينام مسكين والا مستحيه انه يقوم ويصيح عليها ..
ما عندها عذر من اليوم لي بكره صدقيني لو ما الحقوا عليه ومات !!!

صدقيني لو انا قاضي احكم عليها بالاعدام لانها اشلون تخلي طفل لا يفقه او لا يعلم في سيارة ومقفله عليه بنبش وراها وشوف هل اهي متعمده هالشيء ويمكن تبي تذبحة .. ولا تقولوون لي مافي امهات قلوبهم قاسيه ..



عالعموم برى في دول الكفر لو صار هالشيء اتوقع راح تحاكم وينسحب الطفل منها ..

[الـقـاسـي]

لاحول ولا قوه الا بالله

[أم محمد 90]

تحمد ربها ما مات ،

اعرف وحدة خلت ولدها بالسيارة واختنق ومات

الله الحافظ واتمنى يكون درس لها

[نوار قطر]

اختي نوار هدي ..
من حبج للاطفال لاحظت الانفعال .. اشجعج على هذا الشي والله يخلي لج عيالج ..
وصحيح كلامـج ..

لان فعلا ياخوي مافيه اي مبرر ولا اي عذر حق الام انها تترك ضناها بروحه في السياره وتنزل تتسوق ... شنهو المبرر هل يعني المحل الفلاني عنده تنزيلات والشيخه الام تبي تاخذ منه قبل لا تخلص تنزيلاتهم.. بالنسبة لي انا حتى لو كانت رايحه المستشفى وحالتها طارئه بعد مااعطيها العذر انها تخلي الياهل في السياره وتنزل ,, شلون والاخت نازله تسوي شوبنق؟؟

تسلم ياخوي وربي يخلي لك غاليك

[نوار قطر]

اختي ام نوار كلام طيب من انسانه طيبه

والي يبي يبرر لها نقوله

ما لها اي مبرر الام كان تقدر تشله وياها تحطه في قاري ما اتوقع هالايام محدن عنده قاري وتلف فيه بينام مسكين والا مستحيه انه يقوم ويصيح عليها ..
ما عندها عذر من اليوم لي بكره صدقيني لو ما الحقوا عليه ومات !!!

صدقيني لو انا قاضي احكم عليها بالاعدام لانها اشلون تخلي طفل لا يفقه او لا يعلم في سيارة ومقفله عليه بنبش وراها وشوف هل اهي متعمده هالشيء ويمكن تبي تذبحة .. ولا تقولوون لي مافي امهات قلوبهم قاسيه ..



عالعموم برى في دول الكفر لو صار هالشيء اتوقع راح تحاكم وينسحب الطفل منها ..
بالضبط ياخوي اهني حرقة القلب ,,شيسوى عليها لو مات .. بتنفعها المحلات ولا بينفعها التسوق .... وانا قلتها لو بيدي ان احرمها من ولدها عشان تعرف قيمة الضنى .. لانها ماتستحق تكون ام... صج لي قالو مب كل ام .. ام.. وعلى فكره الي قالو ممكن يكون هذي درس لها للأسف هالاشكال ماتتعلم ولاتستفيد من الي صادها لان بختصار لوكان لها قلب ولو كانت تخاف جان ماخلته..

[عاشق العديد]

لان فعلا ياخوي مافيه اي مبرر ولا اي عذر حق الام انها تترك ضناها بروحه في السياره وتنزل تتسوق ... شنهو المبرر هل يعني المحل الفلاني عنده تنزيلات والشيخه الام تبي تاخذ منه قبل لا تخلص تنزيلاتهم.. بالنسبة لي انا حتى لو كانت رايحه المستشفى وحالتها طارئه بعد مااعطيها العذر انها تخلي الياهل في السياره وتنزل ,, شلون والاخت نازله تسوي شوبنق؟؟

تسلم ياخوي وربي يخلي لك غاليك

..

ماقدر اقول شي لانه كلامج وخوفج على ابنائج .. يورينا صدق حنان الام ..
الي لو تتبرع بقلبها واعيونها وجميع مالديها لاسعاد ابنائها .. سواء صغار ام كبار ..

الله يخليكم لبنائكم والله يخلي امهاتنا وابهاتنا .. لنا والله يطول في اعمارهم واللهم ارزقنا برهم ..

[نوار قطر]

..

ماقدر اقول شي لانه كلامج وخوفج على ابنائج .. يورينا صدق حنان الام ..
الي لو تتبرع بقلبها واعيونها وجميع مالديها لاسعاد ابنائها .. سواء صغار ام كبار ..

الله يخليكم لبنائكم والله يخلي امهاتنا وابهاتنا .. لنا والله يطول في اعمارهم واللهم ارزقنا برهم ..

ااامين يارب ومن قال ان شالله ...تسلم ياخوي وجزاك الله خير على هالكلام

[شبح الصمت]

بالضبط ياخوي اهني حرقة القلب ,,شيسوى عليها لو مات .. بتنفعها المحلات ولا بينفعها التسوق .... وانا قلتها لو بيدي ان احرمها من ولدها عشان تعرف قيمة الضنى .. لانها ماتستحق تكون ام... صج لي قالو مب كل ام .. ام.. وعلى فكره الي قالو ممكن يكون هذي درس لها للأسف هالاشكال ماتتعلم ولاتستفيد من الي صادها لان بختصار لوكان لها قلب ولو كانت تخاف جان ماخلته..



صدقيني اختي لو تبرر من اليوم لي بكرة مهما قالت والا عادت والا سوت انا عند رآآآيي مثل هالام صدقيني لو أنه بيدي سلطة اخليها تتمثل امام القضاء واشوف اشلون سلوكيتها واشلون تعاملها وهل اهي كفء انها تكون أم أم لا وهل هذا الطفل الاول لها اما لديها اطفال آخرين !!!

[المحاميه]

عالاقل تخلي حد معاه فالسياره مب بروحه او تنزله معاها فالجاري ..

الله يهداها .. فرضاً يعني اختنق او حد باقه شفايدة السوق عقب !!!

[لاجل QT]

مينونة

استهتار هذا

[قطري92]

المشكله محد فاهم الوضع

انزين يمكن هالام اغلطت مره وحده في حياتها او يمكن كان صاير شي او او ..

انا مب واقف في صفها لكن كلن يغلط لو مره وحده يعني بس عشان احبست الياهل خلاص حكمتو عليها انها ماتستاهل الامومه ..

غلط تحكمون على شي ماتعرفونه

الله يهديها ويهدي جميع المسلمين يارب وان كانت ظالمه الياهل عاد اهني شي ثاني..

[كيلو حديد]

عقابها

تجلد وسط المجمع لمدة سبع أيام كل يوم خمسين جلده .

[كيلو حديد]

المشكله محد فاهم الوضع

انزين يمكن هالام اغلطت مره وحده في حياتها او يمكن كان صاير شي او او ..

انا مب واقف في صفها لكن كلن يغلط لو مره وحده يعني بس عشان احبست الياهل خلاص حكمتو عليها انها ماتستاهل الامومه ..

غلط تحكمون على شي ماتعرفونه

الله يهديها ويهدي جميع المسلمين يارب وان كانت ظالمه الياهل عاد اهني شي ثاني..
ردك حلو
ولهذا الإعتبار وضعت العقاب اعلاه على فرض انها اول مره .

مثلا لو كررت السالفه تنجلد وتخم المجمع بكبره لمدة شهر كخدمه اجتماعية
وتحصل الدولة راتب التنظيف من المجمع وتنحط في رصيد الدولة .

هالعقاب يفيد الجميع .

[MaRuKoO]

لاحول ولاقوة الا بالله
انا اعرف وحده بنتها عمرها 9 شهور ماتت بنفس هالحاله مسكينه تركوها فالسياره واختنقت من الصياح والجو والعرق والكتمه والحاله وماتت
الحمدلله الذي عافانا مما ابتلاهم وفضلنا على كثير من خلقه

[توشيبا]

والله شكثررررررررر حصلت نفس هالحاله

مره كنت واقف وقفت سياره احذاي يوم نزل مر من قدام سيارتي الا اشوف في سيارته يهال قلت لو سمحت علي الاقل نزل الجامات شوي قال المكيف شغال قلت اكبر خطر ان المكيف شغال يسرب غاز

قلت مب مطول وعطاني ظهره وراح

تميت فوق نص ساعه يمكن اكثر بعد قدني بحرك نزلت لهم وبطلت الباب ونزلت الجامه كامله

[أم محمد 90]

ردك حلو
ولهذا الإعتبار وضعت العقاب اعلاه على فرض انها اول مره .

مثلا لو كررت السالفه تنجلد وتخم المجمع بكبره لمدة شهر كخدمه اجتماعية
وتحصل الدولة راتب التنظيف من المجمع وتنحط في رصيد الدولة .

هالعقاب يفيد الجميع .

عفواً اخوي احنا بمجتمع متحضر
اسلوب العقاب الرجعية ماتنطبق على مجتمعنا ..
وين قاعدين http://www.bb4arab.com/vb/images/smilies/12793984833.png

[حسن]

عفواً اخوي احنا بمجتمع متحضر
اسلوب العقاب الرجعية ماتنطبق على مجتمعنا ..
وين قاعدين

:discuss:


الحمدلله ماعندنا مسؤسسات لحمايه الطفل مثل المانيا
ولا كان ثلاثه اربعاع نسوانا في الجيل

:weeping:

[أم محمد 90]

:discuss:


الحمدلله ماعندنا مسؤسسات لحمايه الطفل مثل المانيا
ولا كان ثلاثه اربعاع نسوانا في الجيل

:weeping:

والله في مؤوسسة لحماية الطفل :)

اسمها (المؤسسة القطرية لحماية الطفل والمرأة " أمان" )

وانا دخلتها وقعدت مع ناس فيها وقابلت حالات لما سوينا مشروع العنف الأسري بجامعة قطر ..
وفيه حالات ترى وايد ، وفي ملجأ هناك حتى الاطفال اللي متعرضين لعنف أسري

وفي حالات يشيب لها شعر الراس والله العظيم ...

[أسد الجزيرة]

هل في قانون يجرم حبس الاطفال في السيارة بدون اشراف بالغين

و ما الاجراء القانوني هل يجب الاتصال على الشرطة

[حسن]

والله في مؤوسسة لحماية الطفل :)

اسمها (المؤسسة القطرية لحماية الطفل والمرأة " أمان" )

وانا دخلتها وقعدت مع ناس فيها وقابلت حالات لما سوينا مشروع العنف الأسري بجامعة قطر ..
وفيه حالات ترى وايد ، وفي ملجأ هناك حتى الاطفال اللي متعرضين لعنف أسري

وفي حالات يشيب لها شعر الراس والله العظيم ...

الصراحه انا اول مره اسمع عنها مادري يجوز فيني الزهايمر
لاو اسمها امان بعد

ليكون يبيع طيور

[همسه]

ناس تتمنى ظفر طفل و ناس تهمل عيالها في السياره وعند الخدامه

ااه يا قلبي

[اليشم]

أستغرب من الناس الي قاعده اتبرر للأم
ما أدري نتكلم عن كيس ولا شنطه....هذي روووح اتعرفون يعني ايش روح
لو مات رضيعها...اتقابل رب العالمين بأي وجه، ايش بتقول!!!!!!!

[وليف الشوق]

اقسم بالله لو هالحالة في امريكا انها ماتشوف ولدها وراح تحكم المحكمه عليها بأسقاط الحضانه عنها وانا من واقع معرفتي وتجربتي في امريكا اعرف القانون عندهم
لكن هالام لاقلب ولا رحمة ولا شفقة وللاسف ماتستاهل انها تكون ام

[معماري قطري]

مهب معنى إن شيء نعرفه إحنا الغير يعرفه، وأحياناً الإنسان يسوي شيء خطأ بدون تفكير وبعدها يدرك شسوى وأوقات ناس يشترون لعيالهم سيارات سريعة وخطرة وما يتوقعون إن عيالهم بيسرعون بإجرام .. مب معناها إنهم يبون يقتلون عيالهم وكل شيء يصير قضاء وقدر ولو إتخذت كل الحذر .. انا ما الوم الأُم نهائياً الله يخليها ويخلي ولدها لها.

[نوار قطر]

مهب معنى إن شيء نعرفه إحنا الغير يعرفه، وأحياناً الإنسان يسوي شيء خطأ بدون تفكير وبعدها يدرك شسوى وأوقات ناس يشترون لعيالهم سيارات سريعة وخطرة وما يتوقعون إن عيالهم بيسرعون بإجرام .. مب معناها إنهم يبون يقتلون عيالهم وكل شيء يصير قضاء وقدر ولو إتخذت كل الحذر .. انا ما الوم الأُم نهائياً الله يخليها ويخلي ولدها لها.
ماتلوم الام؟ زين والله،،، والله يلوم اللي يلومها ،،، ام شلون ماتدرك على قولتك انها تخلي ياهل بو خمس شهور بروحه فالسياره وتنزل عشان اتسوق ؟ ليش ياهل ولا ماعندها عقل ،،، ومافي وجه مقارنه بين اني اخلي ياهل بروحه ،،، واني اخذ حق ولدي سياره يلعب فيها وممكن انه يسوي حادث فيها وممكن انه لا ،،، وحتى السياره الي بناخذها حق عيالنا ،،، بيكونون تحت عينا ،، بنراقبهم بنشوفهم ،، مب مهملينهم ونقول لهم يالله توكلو على الله وروحو لعبو ،،،
ىفعلا كل شي قضاء وقدر والام في هاللحظه الي تركت فيها الياهل تراها مخيره مب مسيره ولا انها مجبوره تروح وتقطه وتمشي ،،،، مادري الصراحه بس لو انت صادك هالموقف وولدك تم بروحه فالسياره وراحت الام اتسوق بيتعطيها العذر وماراح تلومها ،،،،؟ اقل كلمه واقل شي بتقول لها منتي بمجبوره تهدين الياهل وتنزلين اتسوقين ،،، صح ولأ انا غلطانه :)

[غزلان]

نوار قطر

مشكوره مليون على مشاركتك بالموضوع وطبعا الموضوع موضوعج:thumbup:

[قطري92]

مهب معنى إن شيء نعرفه إحنا الغير يعرفه، وأحياناً الإنسان يسوي شيء خطأ بدون تفكير وبعدها يدرك شسوى وأوقات ناس يشترون لعيالهم سيارات سريعة وخطرة وما يتوقعون إن عيالهم بيسرعون بإجرام .. مب معناها إنهم يبون يقتلون عيالهم وكل شيء يصير قضاء وقدر ولو إتخذت كل الحذر .. انا ما الوم الأُم نهائياً الله يخليها ويخلي ولدها لها.

الله على كلامك.. اخيرا حد فاهمني

بصراحه اشكرك على كل كلمه كتبتها

كلامك عسل 100% :nice:

[نوار قطر]

نوار قطر

مشكوره مليون على مشاركتك بالموضوع وطبعا الموضوع موضوعج:thumbup:

حبيبتي غزلان العفو ولو ،،، ماسويت الا الواجب :shy:

[حبر وقرطاس]

ليتني هناك كان لشطتها بالعقال

لين تطلب لي الشرطه

المهم اعطيها درس ماتنساه طول عمرها

خفيفه عقل

يعني كأم ماتعرف وماشافت طول الخمسه اشهر ان الطفل من طبيعته ينام ويقوم بساعات متقطعه ومرات فالساعه الوحده يقوم اكثر من مره؟؟

تستهبل ذي والا شنو

هذي لو في اروبا على طول يقبض عليها لتعريض حياه الطفل للخطر واهماله وهو في سن لا يمكن ان يساعد نفسه

[فلتة زمانها]

نفس هالموقف صارلي مع بنتي ،، انحطيت في موقف لا أحسد عليه والله العالم بالظرف الي مريت فيه

[Aaziz]

مره كنت معدي في منطقه سكنية في الليل متاخر شوي
وكانت فيه سياره واقفه جمب الشارع على الرمل وقفه غريبه شوي ،، سبحان الله وانا لاف مع ليت السياره لمحت شي تحرك داخل السياره ... توقعته اعزكم الله كلب
رجعت ولا اشوف طفل اعتقد سنتين او ثلاث وكان في الصيف و عرقانه تصب .. حاولت افهمه يفتح باب السياره من الداخل ماعرف لصغر سنه .
بلغت الشرطه لانه واضح ان الولد صار له فتره على هذي الحال و انتظرت عند السياره لين جو ،، شوي ولا هندي جاينا من بين البيوت (ابو الطفل الي بالسياره)
تفاهمو معاه الشرطه و انا حركت.
فعلا قهرني الولد كان خايف و يصب عرق من الحر