منع جزئي للشيشه في سوق واقف....

[الدوحه1]

تم ابلاغ جميع المحلات في سوق واقف بمنع التدخين والشيشه في الاماكن المغلقه .
بالاضافه الى الالتزام بتخصيص 50% من الكراسي الخارجيه لغير المدخنين..

تعليق: ليش يامسئولين مايشمل المنع الاماكن الخارجيه ؟؟
معضم الدول الاوروبيه منعت التدخين في الاماكن العامه لان هذه الاماكن ملك للكل,, واللي يبي يدخن يجلس في بيته ويدخن على راحته!!

المصدر:
http://dohanews.co/new-rules-restrict-shisha-smoking-at-souq-waqif/

[عطر فرنسي]

اسعد الله ايامك

اصلن ربح المطاعم في سوق واقف من الشيشه لولا الشيشه محد جالها مثل اول مافتح مطعم زيت وزعتر في سوق واقف من غير شيشه كل المطاعم ملاينه الاهو لين فتح الشيشه صار مثلهم سواسيه

[bo3adel]

والله لو يشلون الشيش بتقل المناظر والاشكال اللي الكل متضايق منها

كثير من الناس صاروا يكرهون هالمعلم التاريخي القطري .. بسبب بعض رواد المكان ..

احاول ادور كلمه منمقه وذربه عشان اوصفهم لكن ماقدرت .. ع العموم الكل فهم من اقصد وايش اقصد

وانا عن نفسي نادر ما اروح هناك .. يمكن في السنه 3 مرات ولا 4 .. وقبل كنت احب اروح اتمشى ويا الربع ولا اتريق في سوق واقف

بس الوضع الحالي مايسمح لاني اتضايق من الشيش ومن بعض المناظر اللي في سوق واقف

على فكره .. الكثير من الاجانب لما يروحون سوق واقف وكتارا ويشوفون الشيش .. يحطون في بالهم هالشي وينقلونه لغيرهم في بلادهم

ويقولون ان الشعب القطري شعب عايش ع الشيشه والحركات الماصخه .. طبعا ماينلامون لان هالشي يشوفونه على ارض الواقع .. هي يشوفون الشيله والعباه ويقولون قطريه

تقبلوا مروري .. وتسلم يالدوحه 1 ع النقل

[كازانوفا]

استغرب من البشريه اللى اتشيش قدام الناس وبكل اريحيه يا اخي حششو في بيوتكم لازم اتورو الناس انكم مبتليين عشان ندعيلكم

[السكين]

أنا ضد الشيشية والتدخين أساساً ، ولكن كيف يتم المنع بالأماكن المغلقة المخصصة للمدخنين ويسمح لهم بها في ممّرات السوق الضيقة وإجبار المرتادين على إستنشاقها بما فيهم الأطفال !! المفترض المنع يكون أيضاً من الخارج .

للأسف صار السياح يأخذ فكرة أن الشيشة جزء من التراث العربي !

لكن نرجع ونقول شيء أفضل من لاشيء وان شاء الله تكون خطوة وتمهيد لما هو أنفع ..

[غايه الطواش]

أنا ضد الشيشية والتدخين أساساً ، ولكن كيف يتم المنع بالأماكن المغلقة المخصصة للمدخنين ويسمح لهم بها في ممّرات السوق الضيقة وإجبار المرتادين على إستنشاقها بما فيهم الأطفال !! المفترض المنع يكون أيضاً من الخارج .

للأسف صار السياح يأخذ فكرة أن الشيشة جزء من التراث العربي !

لكن نرجع ونقول شيء أفضل من لاشيء وان شاء الله تكون خطوة وتمهيد لما هو أنفع ..

بالضبط نفس الكرك والي صدروه للخارج على انه هو جزء من التراث القطري

[أم محمد 90]

عقبال اللاجونا يارب

[ms-qtr]

يا رب يمنعونها بشكل كامل
أذونا الصراحة
تغير من سوق شعبي لشي ثاني
والمشكلة أغلب الأجانب صاروا يحسبون إن الشيشة جزء من تاريخنا

[محاسب]

خطوة طيبه ويشكر صاحب القرار
لكن مايصح إلى الصحيح
فتجارة الشيشه حرام ..وريحتها كريهه...ونتائجها خبيثه ..........وضد الذوق العام والمظهر الأحضاري والأخلاقي

و الواجب والصحيح أن تمنع من الأماكن الداله على تراث وقديم أهل قــــــــــطر

[تغلبية]

عادة خبيثة قبيحة دشت علينا

خاطري يشوفون اشكالهم اللي يشيشون ويدركون مدى القرف اللي نحس فيه لما بس يجيبون طاريها


المفروض تدخل ضمن قانون منع التدخين في الاماكن العامة ... الله يفكنا منها

[أخت الكل]

خطوة إيجابية إن شاء الله ملحوقه بخطوات إجابية أكثر

ديرتنا ديرة مسلمين وأهل سنة وجماعة والشيشة طول عمرنا نعرف إنها مرتبطه بالشيعة

وعيب علينا تصير الشيشة سمة من سمات سوق واقف اهم اسواق قطر

[شيخ الديرة]

شو هيده الحكي، لح نزعل كتير

[elders]

عقبال ما تنمنع كلياً

[New Vision]

عقبال الخمر والخنزير والاختلاط