وفاة طفل في حادث دهس في الوكير

[يوسف0]

لفظ طفلٌ يبلغ من العمر ستة أعوام أنفاسه الأخيرة مـسـاء اول أمـس وذلـك بـعـد تـعـرّضـه لـحـادثـة دهـس في الشارع امام منزله في منطقه الوكير

، حيث وقع الـحـادث بينما كـان الطفل يلعب مـع رفـاقـه الصغار خـــارج المـنـزل

ونـتـيـجـة لـعـدم انـتـبـاه سـائـق الـسـيـارة لوجود اطفال يلعبون في الشارع

قام بدهس الطفل بسيارته مما ادى لوفاته على الفور، وهرعت سيارات الاسعاف إلى مكان الحادث.

منقول جريدة الشرق

رأيي الشخصي

الغلطان طبعاً السايق قوانين المرور دائماً ضد السايق في حوادث الدهس

معني ألوم أهل الطفل بالأهمال

[تغلبية]

لا حول ولا قوة إلا بالله

الله يرحمه ويصبر أهله

[R 7 A L]

لاحول ولاقوة الا بالله

شي محزن

يجب الاهتمام للاطفال في كل مكان وزمان

[رجل مثالي]

لفظ طفلٌ يبلغ من العمر ستة أعوام أنفاسه الأخيرة مـسـاء اول أمـس وذلـك بـعـد تـعـرّضـه لـحـادثـة دهـس في الشارع امام منزله في منطقه الوكير

، حيث وقع الـحـادث بينما كـان الطفل يلعب مـع رفـاقـه الصغار خـــارج المـنـزل

ونـتـيـجـة لـعـدم انـتـبـاه سـائـق الـسـيـارة لوجود اطفال يلعبون في الشارع

قام بدهس الطفل بسيارته مما ادى لوفاته على الفور، وهرعت سيارات الاسعاف إلى مكان الحادث.

منقول جريدة الشرق

رأيي الشخصي

الغلطان طبعاً السايق قوانين المرور دائماً ضد السايق في حوادث الدهس

معني ألوم أهل الطفل بالأهمال







يجب على السائقين من جميع الاعمار التقيد بالسرعة في الاماكن العائلات

حفاظا على ارواح الاطفال والكبار من الجنسين خوفا من لله تعالى اول شئ


وخوفا من عقاب قوانين الشرعيه وقوانين الدوله من مرور وغيره

من القوانين في هذا المجال المروري واي واحد تسول له نفسه بقتل

الابرياء لان السرعة في هذه الحالات تعتبر جريمة في جميع دول العالم

وعندنا المفروض يعتبر كذلك جريمه حفاظا على ارواح المواطنين والمقيمين

والضرب من يد من حديد على ايدي المخالفين وسحب

سياراتهم وعقابهم كل واحد حسب جريمته لردع الجميع

من التهورات الشيطانيه

في هذا الوطن الكريم

[مو مهم]

على حسب نقطه الحادث بالشارع.. وعلى مكان الضربه في المركبه..
اما اذا كان طريق عام فدائم الخطا يكون على المشاه...

ترى قبل فيه محققين يمشون عمياني اي حادث دهس على السائق..

اما الحين تغيير الوضع

[يوسف0]

على حسب نقطه الحادث بالشارع.. وعلى مكان الضربه في المركبه..
اما اذا كان طريق عام فدائم الخطا يكون على المشاه...

ترى قبل فيه محققين يمشون عمياني اي حادث دهس على السائق..

اما الحين تغيير الوضع

يعطيك العافية على المعلومة

[رجل مثالي]

يعطيك العافية على المعلومة

بس أخوي أذا كان هناك سائقين متهورين في المناطق السكنية ولا يخافون من قتل الابرياء

نخلي سبيلهم في قتل الابرياء بحجة مناطق سكنية صارت فوضى في السرعة بدون

حساب ونشاهد قتل الناس بدهسهم بدون حساب هذه السرعة في هذه المناطق

في الدول المتقدمة تعتبر جريمة وارهاب ضد الناس

[THE PILOT]

احول ولاقوة الا بالله

[يوسف0]

بس أخوي أذا كان هناك سائقين متهورين في المناطق السكنية ولا يخافون من قتل الابرياء

نخلي سبيلهم في قتل الابرياء بحجة مناطق سكنية صارت فوضى في السرعة بدون

حساب ونشاهد قتل الناس بدهسهم بدون حساب هذه السرعة في هذه المناطق

في الدول المتقدمة تعتبر جريمة وارهاب ضد الناس

اخوي فالدول المتقدمة هناك اماكن لعبور المشاة والباقي شوارع للسياراة ويغرم ويتحاسب الي يعبر الشارع ويندعم ويصلح سيارتك ايضاً!!

لاكن شوارعنا الله المستعان كل من هب رفع الوزار وركظ في وسط الشارع
لا ألقي كل اللوم عليهم في بعض الأحيان لاتوجد اماكن لعبور المشاة واحيانا عبور المشاة خطوتين عنه ويمشي في وسط الشارع الأمور طيبه

وهناك حلول كثيييرة للمتهورين كمثلا

خطأ وتهور المره الاولة يتم تحذيره شفوياً واخباره المرة الثاني ستنسحب منك السيارة

خطأ المرة الثانية سحب سيارته للأبد واخباره شفوياً ان المرة التالية ستمنع من السواقه والي بعدها سجن اذا صدناك تسوق

المرة الثالثة منع مع سحب ليسن وتنبيهه المرة الجايه حبيبي سجن

الرابعة سجن خل يتسنع واذا كان غير مواطن تسفير

انحلت المشكلة ويختفي التهور والرعونة

لاكن من المستحيل ترا هذه القوانين تتطبق في بلد الواسطات وفلان ابن فلان على راسه ريشه وأفضل ان لاتطبق بيطيح الظلم على ناس وناس تلعب فالشارع

فالله يعين

[ام ناصر1]

للأسف المكتوب نصف الحقيقة ...الباقي ...كان لتأخر نقله من مستشفى الوكرة لحمد ..دور في الوفاة ...ولربما سيجري تحقيق بالموضوع

[aziz4z]

لا حول و لا قوة إلا بالله
الله يصبر أهله

[مو مهم]

بخصوص الي محور جوابي ع كيفه

انا ذكرت الخطا يكون بناء على نقطه الحادث في الشارع.. ومكان الضربه في السياره ..

اما الطريق العام ( الرئيسي) هي الي ذكرت انه دوم الخطا ع المشاه الا اذا كانت اشاره ضوئيه او عبور مشاه..

[باندول]

لاحول ولاقوة الا بالله
والله حزني الخبر امس قريته بلجريده
اخبر المنطقه عدل واعرف وين اليهال يلعبون و اليهال مو توو يلعبون
من مبطى بنفس المكان واحاسب لهم والمكان اصلا فيه مطبات
المشكله الاسيويين يستخدمون الشارع ويسرعون وايد فيه
ولاحسيب ولا رقيب

[كازانوفا]

لا حول ولاقوة الا بالله

[meeemz]

السواقين والله ماعليهم شارع داخلي ولا رئيسي كله طايرين انا بيتي على شارع يربط شارع تجاري بشارع رئيسي و كله اخاف على عيالي لانه من يشوفون الباب يركضون صوب الشارع والشارع على طول سيارات حتى ناخذ وقت لما نطلع من البيت ننتظر وطبعا مافيه مطبات

[راشد محمد]

لاحول ولاقوة الا بالله

[ms-qtr]

أنا ألوم معك أهل الطفل
شلون يخلون طفل عمره 6 سنوات يلعب بالشارع!!
من كم يوم شفت ولدين صغار قاعدين في نص الشارع يلعبون بالطابوق ممكن يجي أي حد ويدوسهم
ومره جفت ياهل يمكن عمره 5 او 6 يسوق سيكله بو ثلاث تواير في نص الشارع
في الليل والشارع ما فيه إضاءة

[7llo]

لاحول ولا قوه الا بالله , الله يرحمه ويغمد روحه الجنه , العالم مب خالصه الولد يلعب قدام بيته واندعم والعالم الي تمشي بحالها يجي واحد متهور ويدعمها وعالم رايحه اطير في سيلين والعديد تموت الغلط من وين بالضبط من المتهورين ولا شنو ؟ اتمنى من اداره المرور اي متهور ماتتهاون معاه تسجنه وادفعه مخالفه ماتقل عن 50 الف ومصادره سيارته وسجن مايقل عن سنتين حرام والله شباب باعمار الزهور كلها متوفيه بسبه الحوادث

[sweet qatar]

لاحول وï»» قوة اï»» بالله.. الله يصبر اهله ويثبتهم

[قطريه ماركه]

لا حول و لا قوة الا بالله

الله يرحمه و يصبر هله

[دااانة قطر]

على حسب نقطه الحادث بالشارع.. وعلى مكان الضربه في المركبه..
اما اذا كان طريق عام فدائم الخطا يكون على المشاه...

ترى قبل فيه محققين يمشون عمياني اي حادث دهس على السائق..

اما الحين تغيير الوضع



كنت احااتي من هالنقطه واايد خاصة لما يراكضون هالهنود قدامي فجأه
وسألت أخوي لو دعمت واحد الغلط على من قال لي انتبهي لأن الغلط عليج

[بنسل]

انا لله وانا اليه راجعون

توفي الطفل محمد خالد عمر اليافعي عن عمر 7سنوات بحادث دهس في منطقة الوكير

الطفل المتوفي ابن اخو اللاعبين بنادي قطر فضل عمر ومحمد عمر

تعازينا لاهله وذويه

ولله ما اخذ وله ما اعطى

عظم الله اجرهم وندعوا الله ان يكون شفيع لوالديه

[MaRuKoO]

لفظ طفلٌ يبلغ من العمر ستة أعوام أنفاسه الأخيرة مـسـاء اول أمـس وذلـك بـعـد تـعـرّضـه لـحـادثـة دهـس في الشارع امام منزله في منطقه الوكير

، حيث وقع الـحـادث بينما كـان الطفل يلعب مـع رفـاقـه الصغار خـــارج المـنـزل

ونـتـيـجـة لـعـدم انـتـبـاه سـائـق الـسـيـارة لوجود اطفال يلعبون في الشارع

قام بدهس الطفل بسيارته مما ادى لوفاته على الفور، وهرعت سيارات الاسعاف إلى مكان الحادث.

منقول جريدة الشرق

رأيي الشخصي

الغلطان طبعاً السايق قوانين المرور دائماً ضد السايق في حوادث الدهس

معني ألوم أهل الطفل بالأهمال

لاحول ولاقوة الا بالله
الحمدلله الذي عافانا مما ابتلاهم وفضلنا على كثير من خلقه
الله يربط على قلب اهله ويحفظ عيالنا وعيال المسلمين
هاذي ثالث حادثه دهس طفل تصير في خلال شهرين

[بومحمد المطاوعه]

لاحول ولاقوه الابالله

يجب على السائقين الحذر وعدم السرعه في الفرجان

قسم بالله بعض الناس ودك تربطه من ريوله وتقطه فالبيت ولا تعطيه سياره

كم مره اتهاوش مع الناس جدام بيتي

ياخي زهقنا من المتهورين

يسرعون ولا يفتكرون

الطفل صغير الله يرحمه

الله اعلم اشلون صار الحادث واكيد الغلط الاكبر على السائق

عدم الاهتمام في السرعه وعدم الانتباه

الله يرحمه ويصبر اهله

الله يبعد عنا وعنكم شر الحوادث

[وطن]

الله يصبر اهله


الشارع مو للعب
لازم ينتبهون على عيالهم الله يهديهم
وبعد السائقين لازم ينتبهون زود في الفرجان
و وسط البيوت

مره كنت ماشيه واشوف طفلين يمشون على طرف الشارع مب ع الرصيف و واحد يشوت الكوره قدامه وهو ماشي
هديت سرعتي ع الآخر تحسبًا لأي حركه منهم

وفعلا الكورة وصلت نص الطريق وركض لها بدون ما يشيك
وضربت بريك واشيائي كلها تنثرت في السيارة
هذا وانا اصلا مهديه
لو كنت ماشيه مثلا 60 اللي هي اصلا سرعة الشارع الأصلية ؟
الولد شنو وضعه ؟!!

بعض الأهالي الله يهديهم مهملين عيالهم
أمس في فريجنا الدوريات تارسه المكان
وسيارة اسعاف
وشفت سيكل طايح ع الأرض
واضح انه لطفل

الله يستر عليه

[تحداني]

معاك حق اخوي بومحمد .. الطريق ملك للجميع .. ويجب على السائق ان يتوقع كل شي
مهما وضعنا قوانين صارمه وخطوط حمراء .. يبقى المتهم الاول والاخير السائق
لازم ينتبه .. ويتوقع .. ويفترض كل شي ..

اما قصه ان الطفل ليش هدزه هله في الشارع
وليش ما راقبوه
وليش ما اربطوه

هاذي اعذار مالها داعي .. انت الي اتسوق لازم اتحط بالك على كل شي
واتميز انك تمشي في فريج ولا في شارع ولا في داعوس



الله يرحمه يارب .. ويغمد روحه الجنه .. ويصبر والدينه يارب

[وطن]

أنا ألوم معك أهل الطفل
شلون يخلون طفل عمره 6 سنوات يلعب بالشارع!!
من كم يوم شفت ولدين صغار قاعدين في نص الشارع يلعبون بالطابوق ممكن يجي أي حد ويدوسهم
ومره جفت ياهل يمكن عمره 5 او 6 يسوق سيكله بو ثلاث تواير في نص الشارع
في الليل والشارع ما فيه إضاءة

نفس الموقف صادني
شفت طفل ع الأرض وحوله ربعه
افتكرت هوشه
والمنطقة ظلام لو يجي واحد يدوسه

وقفت عندهم طلع الطفل طايح من السيكل وكاسر ايده
وقفت سيارتي بالعرض و شغلت الدينجر
عشان محد يجي يدوسه
وقفت معاهم لين جات له امه وبعدها حركت

كسر خاطري وهو يتألم مسكين
:weeping:

[شاعر المليون]

حرررررررررررررررام

[امـ حمد]

الله يصبر أهله يارب

[الكنترول]

لاحول ولاقوة الا بالله

[fhd4]

إنا لله وإنا إليه راجعون ... الله يصبر أهله ويجبر كسرهم ...

الحذر الحذر ...

يا جماعة الخير لا تنسون وانتوا تسوقون انه في يدكم 2 طن حديد تحت تصرفكم وفي الجهة المقابلة إنسان من لحم ودم ...

مهما كان دور الأهل تجاه عيالهم الحذر واجب من السائقين خاصة في المناطق السكنية ...

أنا ما يبط جبدي غير البعض يطير بالسيارة طيران جدام المدارس ويتجاوز زحمة السيارات الواقفة كأنه في سباق ... والأهالي ينزلون عيالهم للمدارس ..

يا أخي انت ما تخاف ربك في الأطفال والبشر اللي يمشون !!!