قل لبس اللباس المحتشم عند بعض السيدات

[بنت قطريههه]

السلام عليكم ورحمه الله موضوعي اليوم عن اللباس المحتشم وكيف ان بعض الأمهات الله يهد يهم بناتهم معهم واللباس مقرف باختصار والله بصراحه صرت لا احب أني اروح المجمعات حتى لا ارى هذه المناظر لان هذا من المنكر ونحن عوائل محافظه هل هذه المدنيه هل هذه نظرتنا لل حضاره ان كانت كذا لا أريدها اين الرجل المسؤؤل عن أسرته هل اللهث وراء المادة إن سانا بناتنا كيف ترضى الام بابنتها تخرج بعباءه دانتيل تظهر اكثر مما تخفي او عباءه مفتوحه ليخرج من تحتها البنطلون السترش الضيق او عباءه ملونه كانها ذاهبه لحفله زواج مع أني ضد هذه العباءة و المكياج ألوان وأشكال وصوت عالي في الكافي لاحسيب ولا رقيب انا لا اشمل فالحمد لله لو خليت خربت ولكن يجب توعيه الأسر الذي عندما يقع الفأس في الرأس هناك يكون الانتباه الله يهدي الجميع لما يحبه ويرضاه

[Rider]

الموضوع اختي أكبر من هذا الشي بكثر مادري اليوم سمعتي الاخت ام علي في وطني صباح الخير تتكلم عن بعض النساء الي يرجعون المحكمة الشرعية وهم في كامل زينتهم من مكياج وعطور وعباءات باشكل مختلفة والله كانت تتكلم بحرقه والم اختي الي تتكلمين عنه شي نقطة في بحر

[كازانوفا]

يرجع للى محسوب عليهم الاب (( راعي الاسره)) المفروض يتغير مسماه الوظيفي ويصير (( مدمر الاسره ))

[حمد 2002]

للأسف ان من يختار لهم تلك الملابس هي الام ، ولا بنت عمرها 13 سنه و 10 سنوات وينها ووين اختيار ملابسها بنفسها ،،

وبعدين الامهات اذا بناتهم كبروا بيشتكون وبيقولون ليش وليش ؟

ووقتها ماينفع الندم !! :)

[قطريه22]

للأسف ان من يختار لهم تلك الملابس هي الام ، ولا بنت عمرها 13 سنه و 10 سنوات وينها ووين اختيار ملابسها بنفسها ،،

وبعدين الامهات اذا بناتهم كبروا بيشتكون وبيقولون ليش وليش ؟

ووقتها ماينفع الندم !! :)

الحين اليهال هم الي يختارون كل شي
ذكرتني كنت في عرس وشفت وحده عمرها 12 او 13 لابسه كعب اطول منها ومب قادره تمشي فيه لا وتسوي نفسها كبيره بعد هههههههه
زمان أول تحول والناس تغيرو

[دااانة قطر]

الموضوع اختي أكبر من هذا الشي بكثر مادري اليوم سمعتي الاخت ام علي في وطني صباح الخير تتكلم عن بعض النساء الي يرجعون المحكمة الشرعية وهم في كامل زينتهم من مكياج وعطور وعباءات باشكل مختلفة والله كانت تتكلم بحرقه والم اختي الي تتكلمين عنه شي نقطة في بحر

هي جاات عالمحكمه بكل مكاان الحين الله يهديهم
المشكله هالأشكااال في ازديااد

[aziz4z]

الحين اليهال هم الي يختارون كل شي
ذكرتني كنت في عرس وشفت وحده عمرها 12 او 13 لابسه كعب اطول منها ومب قادره تمشي فيه لا وتسوي نفسها كبيره بعد هههههههه
زمان أول تحول والناس تغيرو

بس بعد الامهات لهم دور كبير في تشجيع بناتهم لبس المحتشم :) , إذا هي ربتها زين , و كذلك الاب :)

[قطريه22]

بس بعد الامهات لهم دور كبير في تشجيع بناتهم لبس المحتشم :) , إذا هي ربتها زين , و كذلك الاب :)

صح كلامك

[بوخالد911]

الله يهدي نون النسوة

[بنت قطريههه]

الموضوع اختي أكبر من هذا الشي بكثر مادري اليوم سمعتي الاخت ام علي في وطني صباح الخير تتكلم عن بعض النساء الي يرجعون المحكمة الشرعية وهم في كامل زينتهم من مكياج وعطور وعباءات باشكل مختلفة والله كانت تتكلم بحرقه والم اختي الي تتكلمين عنه شي نقطة في بحر
السلام عليكم ورحمه الله اخويrider انا. ما سمعت الأخت اللي تكلمت ولكن شفت الأخوات اللي جاو للحكمه هذي قصه ثانيه رأيحه للمحكمه مكياج عباءه تظهر اكثر مما تستر عطر يشم على بعد كيلو وين وصل الحال. بنسا ئنا. ورجالنا الله المستعان

[بنت قطريههه]

يرجع للى محسوب عليهم الاب (( راعي الاسره)) المفروض يتغير مسماه الوظيفي ويصير (( مدمر الاسره ))

السلام عليكم ورحمه الله كلامك صحيح اخي كازانوفا ليس كل اب راعي اسره بل بعض الآباء عدمه افضل من وجوده شاكره لك للمشاركه

[بنت قطريههه]

السلام عليكم ورحمه. الله اخي aziz 4z نعم التربيه الصحيحة في الاسره وآلام القدوه لبناتها فإلام م درسه اذا أعددتها أعددت شعبا طيب الأعراق شاكره لك المشاركة

[بنت قطريههه]

الله يهدي نون النسوة

السلام عليكم ورحمه الله بوخالد انا. احمل الطرفين المسؤليه كامله واحمل الرجل اكثر لانه المسؤل امام الله عن هذه الاسره شاكره لك المشاركة

[حسن]

الا ابي اسئل

ليش البنات الحين في كل مكان نشوفهم نص شيله والشعر ظاهر
والوجه كامل مش مغطى

زين تركتو الغشوه وتركتو النقاب

نص الشعر طالع ليش

على من تقلدون ولا من وين جايبين هل الموضه

انا دائما اقول الموضه تلعب لعب في روس النسوان

لو بكره سار البس بحري لاتشوف العجب

ان ماصارت العبايه شي من الماضي

لا تقولون ماقال حسن بس هي مسئله وقت

[حمد 2002]

الا ابي اسئل

ليش البنات الحين في كل مكان نشوفهم نص شيله والشعر ظاهر
والوجه كامل مش مغطى

زين تركتو الغشوه وتركتو النقاب

نص الشعر طالع ليش

على من تقلدون ولا من وين جايبين هل الموضه

انا دائما اقول الموضه تلعب لعب في روس النسوان

لو بكره سار البس بحري لاتشوف العجب

ان ماصارت العبايه شي من الماضي

لا تقولون ماقال حسن بس هي مسئله وقت

الحين بيقولون لك يابوعلي هذيلا مب قطريات !!! :)

[حسن]

الحين بيقولون لك يابوعلي هذيلا مب قطريات !!! :)

شلون وكيف ومن يقول

:telephone:

هاذولا اللي نشوفهم في اماكن العمل مهب اقطريات!!
هاذولا اللي يسوقون سيارات يمينا ويسارنا مهب اقطريات !!
هاذولا اللي نشوفهم في الجرايد كل يوم مهب اقطريات !!
هاذولا اللي نشوفهم في المجمعات مهب قطرييات !!

اذا
من
انتم

:anger1:

[النهار]

الا ابي اسئل

ليش البنات الحين في كل مكان نشوفهم نص شيله والشعر ظاهر
والوجه كامل مش مغطى

زين تركتو الغشوه وتركتو النقاب

نص الشعر طالع ليش

على من تقلدون ولا من وين جايبين هل الموضه

انا دائما اقول الموضه تلعب لعب في روس النسوان

لو بكره سار البس بحري لاتشوف العجب

ان ماصارت العبايه شي من الماضي

لا تقولون ماقال حسن بس هي مسئله وقت

الله هداك هذي مقدمه علشان يشيلون الشيله مره وحده ويفلون الشعر فل ويلبسون المحزق
عموما الرجال اكثر ستر من الحريم الرجال حافظوا على التقاليد حتى بدو أكثر إحتشام من جميع الحريم

[ضوى]

الام تربي والاب يربي ، واذا كانت تربيتهم صحيحة ومتوافقة مع الشرع والعرف مارح نشوف هالمناظر ، يارب احفظ بناتنا واسترهم واصلح احوالهم

[حسن]

الله هداك هذي مقدمه علشان يشيلون الشيله مره وحده ويفلون الشعر فل ويلبسون المحزق
عموما الرجال اكثر ستر من الحريم الرجال حافظوا على التقاليد حتى بدو أكثر إحتشام من جميع الحريم

سمعت اللي يقول فاتكم القطار يالنهار

انا اول من تنباء بزوال العبايه

وانتظر الصبح

اليس بقريب

:weeping:

[بنت قطريههه]

السلام عليكم ورحمه الله اخي حسن والله الحين تشوف العجب الشعر طالع نصه والوجه مغطى بالمكياج تقول بويه لا والرموش تركيب وعدسات ملونه تقول قطوه وحاطه خصل في الشعر ومطلعته والثور يمشي جنبها ومستا نس لا ويقولون حريه شخصيه

[بنت قطريههه]

الام تربي والاب يربي ، واذا كانت تربيتهم صحيحة ومتوافقة مع الشرع والعرف مارح نشوف هالمناظر ، يارب احفظ بناتنا واسترهم واصلح احوالهم

السلام عليكم ورحمه الله الحين واسمحي لي على النظرة التشاؤم يه قليل الحين الاب دوام وآلام دوام والعيال ضائعون في الطوشه على شان كذا ان اكرر ان عمل المراه للضرورة فقط وليس لأجل يقال انها تشارك الرجل في متطلبات الحياه

[Qtr37]

لو كل واحد يلتفت على اهله وينتبه ويركز عليهم ، كانت الامور بخير، في ناس بس ينتقدون ويشتكون ويمكن اهلهم يكونون نفس الشي.

الله المستعان

[ضوى]

السلام عليكم ورحمه الله الحين واسمحي لي على النظرة التشاؤم يه قليل الحين الاب دوام وآلام دوام والعيال ضائعون في الطوشه على شان كذا ان اكرر ان عمل المراه للضرورة فقط وليس لأجل يقال انها تشارك الرجل في متطلبات الحياه

ماله علاقة بالتربية اختي قطرية ، انا اشتغل واداوم ، لكن الحمد لله رب العالمين منتبهة لبيتي وعيالي ، منتبهه لعباية بنتي ولبسها ، اكون معاها يوم تفصل وتشتري ملابسها ، تعرف شنهو يناسب الشرع والعرف وتعرف شنهو اللي مب مناسب ، بنتي الحين عمرها 17 سنة وافتخر فيها ماشاء الله عليها الله يحفظها ويكملها بعقلها ، تعرف متى تحط ماكياج ولوين وتعرف تلبس المزكرش لوين وتعرف لباس السوق والمجمعات شنو ، الواحد يربي صح ويزرع الطيب فيهم ومارح يحصد الا كل طيب ان شاء الله

[أم محمد 90]

ماله علاقة بالتربية اختي قطرية ، انا اشتغل واداوم ، لكن الحمد لله رب العالمين منتبهة لبيتي وعيالي ، منتبهه لعباية بنتي ولبسها ، اكون معاها يوم تفصل وتشتري ملابسها ، تعرف شنهو يناسب الشرع والعرف وتعرف شنهو اللي مب مناسب ، بنتي الحين عمرها 17 سنة وافتخر فيها ماشاء الله عليها الله يحفظها ويكملها بعقلها ، تعرف متى تحط ماكياج ولوين وتعرف تلبس المزكرش لوين وتعرف لباس السوق والمجمعات شنو ، الواحد يربي صح ويزرع الطيب فيهم ومارح يحصد الا كل طيب ان شاء الله

اخبر اني ماكنت احط مكياج الا ف الاعراس والحفلات وكنت انطر متى يجي العيد عشان اتمكيج

وماصرت احط مكياج الا لما دخلت الجامعة واشتغلت وامي بدت تشوفني كبيرة وكان عمري 19 سنة :)

::

مشكلة بنات هالزمن عندهم اسلوب يقنعون امهاتهم ان الكشخة والمكياج والصبغ والحف شي مهم وضروري وشوفي فلانة وشوفي ربعي وشوفي مادري ايش
وفي نوع من الامهات تحب تشوف بنتها احسن وحدة وتفكر انها تكون احسن وحدة لا ودتها تسوي تجميل وليزر ومكياج وحف وغيره
عشان لا شافوها الاهل يمدحونها والمشكلة نظرة الناس بعد تغيرت لان الحين لو البنت عمرها 15 مثلا وحضرت زيارة وماكاشخة ومامسوية الحواجب ولا متمكيجة ذاك المكياج بيقطعونها مابيخلونها ف حالها ..

افكار الناس تغيرت ..

[حسن]

السلام عليكم ورحمه الله اخي حسن والله الحين تشوف العجب الشعر طالع نصه والوجه مغطى بالمكياج تقول بويه لا والرموش تركيب وعدسات ملونه تقول قطوه وحاطه خصل في الشعر ومطلعته والثور يمشي جنبها ومستا نس لا ويقولون حريه شخصيه

اصبري بس باقي غار الضب بيدخلونه لا والمشكله لما تجيك من من تعدو المراهقه كبار في السن
بعد لو بين النسوان نقول معليه لكن ترز ويها في الجريده والحواجيب صبغ وغيرها يااخي مايخافون الله ومن لعنه الله عليهم
شنهو هذا هل هذه سعاده بالنسبه لهم وين الغيره
لو ماوراها ريال هي مش متعلمه واحنا مش شعب محافظ ياخي زيين طلعو في الجرايد وغيرها ماااختلفنا لاكن الادب وثم الادب
اييه
هذه هي طياره طياره طياره وش رواه هل الطياره الاحتشام يعني

ان اما الامم غيره فان ذهبت ذهب القوم مدبرين

كرمي الثور عن هل الاشكال الثور من يقرب ثور صوب بقرته ماله الا النطحه

لاحول ولا قوه الله بالله

الرجال في وقتنا الحالي في جهاد مع هل الحياه بتسنع من ولا من
طوفان جدامنا يالله يالله نصدمد لاتلومونا احنا قله
الصبر الصبر يابنت قطريه ونسئل الله الهدايه لهم ولنا




السلام عليكم ورحمه الله الحين واسمحي لي على النظرة التشاؤم يه قليل الحين الاب دوام وآلام دوام والعيال ضائعون في الطوشه على شان كذا ان اكرر ان عمل المراه للضرورة فقط وليس لأجل يقال انها تشارك الرجل في متطلبات الحياه

لا بلالله مهب تشاؤم الى واقع

مستحيل الكل سايب البيت ويقولك عيالي احسن عيال كذاب وستين كذاب
هذا احنا الحين نراقب وماسكين والام في البيت ويالله يالله بعد
شلون الام تشتغل والابو يشتغل

ابشرك مرو على ناس ماتبهم عليا والله ان السوس ناخر بيوتهم نخر
وبيوتهم تدار بالبركه همهم سياره كشخه وسفر من بالد بلاد

كذابين ويكذبون علينا وعلى انفسهم

ادخلو البيوت والله لاتشوفون الهوايل

ا

[بنت قطريههه]

لو كل واحد يلتفت على اهله وينتبه ويركز عليهم ، كانت الامور بخير، في ناس بس ينتقدون ويشتكون ويمكن اهلهم يكونون نفس الشي.

الله المستعانالسلام عليكم ورحمه الله كلامك صحيح لكن وين الأهل انا ما كتبت الا من المناظر اللي تخجل انا مش مبالغه صرت اكره اروح المجمعات والأسواق من شي مخزي الله المستعان

[بنت قطريههه]

السلام عليكم ورحمه الله اختي ضوى احترم رأيك وانا اقول الغالبيه من البنات التي كان لبسهم غير لائق بحكم عملي عند الجلوس مع البنت يتضح الآتي الام تعمل والأب يعمل والبنت تصل للمدرسه مع إلخا دمه والسائق وعند الاتصال بالبيت الام في الدوام ولا تحضر اجتماع الأمهات ولا تسال انا لا أعمم ولكن الغالبيه شاكره لك المشاركة

[بنت قطريههه]

السلام عليكم ورحمه الله اختي ام محمد نعم للأسف الشديد هذه عقليه بعض الأمهات الان ان هذا هو التطور والانفتاح والحريه وان ما تريد بنتها تكون اقل من غيرها وليه بنت فلان احسن من بنتي الحمد لله أقنعت من حولي ان المكياج للمناسبات فقط وان العباءة لبست للحشمه وليس للزينه وإظهار المفا تن وان الله يراك وانت لاتراه جعلنا الله وإياكم ممن يخاف الله في السر والعلانيه امين

[دااانة قطر]

ممكن أحد يطرح موضوع عن اللبااس المحترم المحتشم دااخل البيت بين أفرااد الأسرة
لأني بديت أشوف أشيااء غريبة

[أم محمد 90]

ممكن أحد يطرح موضوع عن اللبااس المحترم المحتشم دااخل البيت بين أفرااد الأسرة
لأني بديت أشوف أشيااء غريبة

انتي اطرحيه اختي :)

[moonبنتnight]

دائماً الناس طالع التفاح الخايس وتنسى لي فصندوق ..
والله لين الحين في بنات محافظين ومستورات بس أنتوا تشوفون لا الظاهر فقط ويتركزون عليه ..

[captin]

وحدة لابسة وكاشخة وفي حالها ما تضر احد

احسن بمية مرة من وحدة متغطية تحقد وتحسد ولسانها
سليط وتتكلم في اعراض الناس

[hanayen]

المشكله لما الأجانب يمشون في الشوارع والمجمعات سفور لابسين مني جيب يعني التنوره شبر وما في رقابه من الدوله
البنات لابسين العجب بنطلونات ضيقه عبايه مفتوحة روؤسهم كاسنمه البخت زانيات عاريات والرجال في البيوت ما لهم كلمه على بناتهم وذلك لغياب الرقابة في المنزل
الأولاد لابسين بناطليين مقطعه ماشيين بزنانييب جنه ما في نعل ولا جواتي أعزكم الله قاصيين شعرهم جنهم دياجه ولا مطوليين شعرهم ومستشوريين شعرهم ورابطينه
عليه العوض في الرجال انقرضت غيرتهم على أهلهم
واسفاه

[hanayen]

المجاهرة بالغلط ماساه تعني انعدام الحياء

[hanayen]

من نظري حتى العباية لم تعد عبايه تطريز وترتر وفصوص وزري وألوان وموديلات الضيق والواسع والمحدد بآلاف على ايش

[أم محمد 90]

وحدة لابسة وكاشخة وفي حالها ما تضر احد

احسن بمية مرة من وحدة متغطية تحقد وتحسد ولسانها
سليط وتتكلم في اعراض الناس






اي والله

[شبح الصمت]

الام هي المدرسة وهي الي تخرج بناتها مب المدرسة والشارع والشلة الفاسده الي يخرجون ويعلمون البنت !!!


وتحت راقبة الاب والاخ طبعاً

[ريتويت]

انا مايحرني الي اشوفهن بالصالونات تجيج وحده فاول اعدادي والله ويمكن اقل وترتب عمرها كمره كبيره وهي مابلغت .. وين اهلها؟؟ والله اشوفه الام جالسه منتظره بنتها تخلص

[بشائر]

الله هداك هذي مقدمه علشان يشيلون الشيله مره وحده ويفلون الشعر فل ويلبسون المحزق
عموما الرجال اكثر ستر من الحريم الرجال حافظوا على التقاليد حتى بدو أكثر إحتشام من جميع الحريم

وانت الصادق يالنهار خلاص بعض البنات شلوا الشيلة وصارت حالياً تنحط على الكتف الله المستعان !
المفروض حنا لما نشوف البنت كذا مانسكت !! لازم ننتقد
في الاحتفال اللي سوته الجامعة لليوم الوطني كنا عند المواقف وشفت وحده قطرية الله يهديها فاله الشعر
والشيله على الكتف قاطعه الطريق تبي تروح لسيارتها نزلت دريشة السيارة وناديتها بصوت عالي : شيلتج يالغالية
طاحت البسي حجابج عدل .. ناظرتني بنص عين وماردت
قلت لها أنتي قطرية ؟ ردت باستهزاء لا مب قطرية ومب جذيه الناس يتكلمون وصدت عني ..
قلت بس أكيد مسلمة وبنت ناس .. المهم كملت خطواتها بتوتر واضح واكيد توترت لصغر سنها
ماتوقعت حد ممكن ينتقد لبسها بهالطريقة ( من رأى منكم منكرا فليغيره بيده فإن لم يستطع فبلسانه ....الحديث)
لو سكتنا على مثل هالتصرفات بعد فترة بسيطة بس بنلاقي بناتنا بيبتدون يقلدونهم ومع الأيام
بتكون هالضاهرة عادي عندنا ... والله المستعان .

[بنت قطريههه]

دائماً الناس طالع التفاح الخايس وتنسى لي فصندوق ..
والله لين الحين في بنات محافظين ومستورات بس أنتوا تشوفون لا الظاهر فقط ويتركزون عليه ..

السلام عليكم ورحمه الله الشخص سواء رجل او امرأه لما يشوف الخطى لازم يتكلم لان الساكت عن الحق شيطان اخرس واللي ما عنده غيره على بنات بلده سواء ذكر او أنثى فهو ليس آدمي والحمد لله بنات قطر فيهم الخير وفيهم الداعيات المحصنات التي تخاف من الله في السر قبل العلن وشكرا

[أم محمد 90]

انا مايحرني الي اشوفهن بالصالونات تجيج وحده فاول اعدادي والله ويمكن اقل وترتب عمرها كمره كبيره وهي مابلغت .. وين اهلها؟؟ والله اشوفه الام جالسه منتظره بنتها تخلص

شي ينرفزززززني والله العظيم !

خصوصا لما تحف حواجبها !!!!!!!!

[بنت قطريههه]

السلام عليكم ورحمه الله هل الكشخه في الاسواق والمجمعات تعني التبرج لا طبعا انا لست ضد الكشخه في ضمن ما أمرنا به ديننا الاسلامي وليس كل إنسانه متغطيه هي حقوده وحسوده ولسانها سليط هل ان غلبت الأيه واصبح الانسان الذي يتبع دينه بهذه الصفات شاكره لك المشاركة

[بنت قطريههه]

السلام عليكم ورحمه الله نعم الأجانب ماخذين راحتهم ولكن لهم دينهم ولي دين يجب التشديد على أولادنا سواء ذكر او أنثى يجب غرس الدين الاسلامي من الصغر يجب ان يكون الاب وآلام قدوه لأولاد هم لأنهم أمانه في أعناقنا ونحن محاسبين عنهم امام الله لقد اصبح الجيل الان يحفظ الاغاني الاجنبيه منذ الصغر والشباب يشجع على تربيه شعر ه حتى أننا لأتعرف هل هو رجل ام أنثى ولا حول ولا قوه الا بالله شاكره لك المشاركة

[قطريه22]

وحدة لابسة وكاشخة وفي حالها ما تضر احد

احسن بمية مرة من وحدة متغطية تحقد وتحسد ولسانها
سليط وتتكلم في اعراض الناس






الحقد والحسد مش مرتبط بلباس معين
والي متربيه ومحترمه نفسها وخايفه ربها تستر نفسها وتتحشم
مب لازم تغطي وجهها بس تتحشم بلبسها وتحشم لسانها

[بنت قطريههه]

المجاهرة بالغلط ماساه تعني انعدام الحياء

السلام عليكم ورحمه الله المجاهرة بالمعصيه مصيبه لان هناك من الشباب الذي يفتقد القدوه ويكون سهل للتقليد واذا انعدم الحياء عند الشباب فهذا ماساه ليس لها حل شاكره لك المشاركة

[بنت قطريههه]

الام هي المدرسة وهي الي تخرج بناتها مب المدرسة والشارع والشلة الفاسده الي يخرجون ويعلمون البنت !!!


وتحت راقبة الاب والاخ طبعاً السلام عليكم ورحمه الله نعم اخي شبح الصمت الام عليها الدور الاكبر في تعليم أطفالها ولكن المدرسة لها دور والمجتمع كذلك كلهم يكملون بعض خاصه ان الناس قدرات في التعليم وتوصيل المعلومه للشخص ويختلف أبنائنا في قدرات الذكاء وتمييز ال صح من الغلط شاكره لك المشاركة

[اليشم]

ماتت الغيره عند الرجال فانتحر الحياء عند النساء:swoon2: